Notifika minn qabel ta’ konċentrazzjoni

(Każ M.11901 — HIG CAPITAL / KANTAR MEDIA)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2025/3566)

Fis-17 ta’ Ġunju 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	H.I.G. Europe Middle Market Holdings, L.P. (“H.I.G. EU MM”, il-Kanada), ikkontrollata minn H.I.G. Capital, LLC (“H.I.G. Capital”, l-Istati Uniti tal-Amerka),

—	Kantar Media Intelligence SAS (Franza), Kantar Media France SAS (Franza), Kantar Media Netherlands Holdings B.V. (in-Netherlands), u Kantar Media Netherlands TGI Holdings B.V. (in-Netherlands) (flimkien, “Kantar Media”).

H.I.G. EU MM se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Kantar Media kollha kemm hi.

Il-konċentrazzjoni titwettaq permezz tax-xiri ta’ ishma.

L-attivitajiet kummerċjali tal-impriżi kkonċernati huma li ġejjin:

—

H.I.G. EU MM hija fond ta’ investiment iffukat fuq investimenti f’intrapriżi żgħar u ta’ daqs medju prinċipalment fl-Ewropa, tipikament ta’ sa USD 1 biljun (skont is-settur speċifiku tal-industrija), bi prodotti ta’ kwalità għolja u b’valur miżjud u prospetti favorevoli ta’ tkabbir. H.I.G. EU MM hija ġestita minn H.I.G. Capital, LLC, kumpanija tal-investiment ta’ ekwità privata globali u assi alternattivi bbażata f’Miami, l-Istati Uniti tal-Amerka,

—

Kantar Media hija fornitur globali ta’ kejl u analitika tal-media relatati mal-imġiba tal-udjenza, l-effettività tar-reklamar, u x-xejriet tal-konsum tal-media fl-Ewropa, fl-Asja, fl-Istati Uniti tal-Amerka u fl-Amerika t’Isfel. Kantar Media toffri soluzzjonijiet xprunati mid-data li jgħinu lid-ditti, lill-aġenziji u lis-sidien tal-media jottimizzaw l-istrateġiji ta’ kummerċjalizzazzjoni tagħhom u jixprunaw riżultati li jistgħu jitkejlu.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11901 — HIG CAPITAL / KANTAR MEDIA

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.