1.   

Fis-16 ta’ Ġunju 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Thermo Fischer Scientific Inc. (“Thermo Fischer”, l-Istati Uniti),

—	The Purification and Filtration Business of Solventum Corporation (“l-impriża fil-mira”, l-Istati Uniti), ikkontrollat minn Solventum Corporation (l-Istati Uniti).

Thermo Fischer takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-intier tal-impriża fil-mira.

Il-konċentrazzjoni titwettaq permezz tax-xiri ta’ assi.

2.   

L-attivitajiet kummerċjali tal-impriżi kkonċernati huma li ġejjin:

—	Thermo Fischer hija manifattur u fornitur mondjali ta’ firxa wiesgħa ta’ prodotti analitiċi, ta’ riċerka u ta’ bijoproċessar, u servizzi ta’ żvilupp u manifattura ta’ kuntratti farmaċewtiċi,

—	L-impriża fil-mira tipprovdi teknoloġiji ta’ purifikazzjoni u filtrazzjoni għall-użu fil-manifattura ta’ teknoloġiji bijofarmaċewtiċi u mediċi, mikroelettronika, prodotti tal-ikel u tax-xorb u ilma tax-xorb kummerċjali u residenzjali.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont in-Notifika tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11959 — THERMO FISHER SCIENTIFIC / SOLVENTUM (PURIFICATION & FILTRATION BUSINESS)

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË