RAKKOMANDAZZJONI TAL-BANK ĊENTRALI EWROPEW

tat-2 ta’ Ġunju 2025

lill-Kunsill tal-Unjoni Ewropea dwar l-awdituri esterni tad-Deutsche Bundesbank

(BĊE/2025/19)

(C/2025/3327)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 27.1 tiegħu,

Billi:

(1)	Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Istati Membri li l-munita tagħhom hija l-euro huma awditjati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea.

(2)	Fl-2021, id-Deutsche Bundesbank għażel lil Baker Tilly GmbH & Co. KG Wirtschaftsprüfungsgesellschaft bħala l-awdituri esterni tiegħu għas-snin finanzjarji 2021 sa 2026, bl-għażla li l-mandat jiġi estiż għas-sena finanzjarja 2027 (1).

(3)	Il-mandat tal-awdituri esterni preżenti tad-Deutsche Bundesbank, Baker Tilly GmbH & Co. KG Wirtschaftsprüfungsgesellschaft, ser jintemm wara l-awditu għas-sena finanzjarja 2026. Għalhekk jenħtieġ li jinħatru awdituri esterni mis-sena finanzjarja 2027.

(4)	Id-Deutsche Bundesbank beħsiebu jestendi l-mandat ta’ Baker Tilly GmbH & Co. KG Wirtschaftsprüfungsgesellschaft għas-sena finanzjarja 2027. Din l-estensjoni hija possibbli skont l-arranġamenti kuntrattwali bejn id-Deutsche Bundesbank u Baker Tilly GmbH & Co. KG Wirtschaftsprüfungsgesellschaft,

ADOTTA DIN IR-RAKKOMANDAZZJONI:

Huwa rrakkomandat illi Baker Tilly GmbH & Co. KG Wirtschaftsprüfungsgesellschaft għandhom jinħatru bħala l-awdituri esterni tad-Deutsche Bundesbank għas-sena finanzjarja 2027.

Magħmul fi Frankfurt am Main, it-2 ta’ Ġunju 2025.

Il-President tal-BĊE

Christine LAGARDE

(1) Rakkomandazzjoni BĊE/2021/4 tal-Bank Ċentrali Ewropew tal-4 ta’ Frar 2021 lill-Kunsill tal-Unjoni Ewropea dwar l-awdituri esterni tad-Deutsche Bundesbank (ĠU C 47, 10.2.2021, p. 1).