IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament (UE) 2019/942 tal-Parlament Ewropew u tal-Kunsill tal-5 ta’ Ġunju 2019 li jistabbilixxi Aġenzija tal-Unjoni Ewropea għall-Kooperazzjoni tar-Regolaturi tal-Enerġija (1), u b’mod partikolari l-Artikolu 18 tiegħu,

Billi:

(1)	Ir-Regolament (UE) 2019/942 jipprevedi li l-Kunsill għandu jaħtar ħames membri u s-supplenti tagħhom fil-Bord tal-Amministrazzjoni tal-Aġenzija tal-Unjoni Ewropea għall-Kooperazzjoni tar-Regolaturi tal-Enerġija (“il-Bord tal-Amministrazzjoni”).

(2)

Ir-Regolament (UE) 2019/942 jipprevedi li membru tal-Bord tal-Amministrazzjoni ma jistax ikun membru tal-Bord tar-Regolaturi tal-Aġenzija tal-Unjoni Ewropea għall-Kooperazzjoni tar-Regolaturi tal-Enerġija u li l-membri tal-Bord tal-Amministrazzjoni għandhom jaġixxu b’mod indipendenti u oġġettiv fl-interess tal-Unjoni kollha kemm hi.

(3)

Fl-24 ta’ Mejju 2024, il-Kunsill adotta Deċiżjoni (2) li taħtar żewġ membri supplenti fil-Bord tal-Amministrazzjoni għal perjodu li jintemm fit-28 ta’ Jannar 2026. Fit-30 ta’ Jannar 2025, wieħed minn dawk il-membri supplenti, is-Sur Jean-Laurent LASTELLE, irriżenja bħala membru supplenti tal-Bord tal-Amministrazzjoni.

(4)	Jenħtieġ li l-Kunsill jaħtar membru supplenti biex jissostitwixxi lis-Sur Jean-Laurent LASTELLE għall-bqija tal-mandat tiegħu,

ADOTTA DIN ID-DEĊIŻJONI:

Artikolu 1

Is-Sur Attila NYIKOS (Ungerija) huwa b’dan maħtur bħala membru supplenti fil-Bord tal-Amministrazzjoni tal-Aġenzija tal-Unjoni Ewropea għall-Kooperazzjoni tar-Regolaturi tal-Enerġija, b’mandat li jintemm fit-28 ta’ Jannar 2026.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.