1.

L-Artikoli 107(1) u 108(3) TFUE għandhom jiġu interpretati fis-sens li miżura bħal dik li tinsab fl-Artikolu 10 tad-Digriet tar-Reġjun ta’ Vlaanderen tat-23 ta’ Ġunju 2023“dwar ‘wonen in eigen streek’ (Għajxien fir-reġjun tiegħek stess)” tikkostitwixxi għajnuna mill-Istat ġdida li kellha tiġi nnotifikata lill-Kummissjoni Ewropea?

2.

Jekk, abbażi tar-risposta għall-ewwel domanda preliminari, il-Qorti Kostituzzjonali tasal għall-konklużjoni li d-Digriet tar-Reġjun ta’ Vlaanderen tat-23 ta’ Ġunju 2023 imsemmi iktar ’il fuq jikser l-obbligi li jirriżultaw mid-dispożizzjonijiet imsemmija f’dik id-domanda, din tkun tista’ żżomm b’mod definittiv l-effetti tad-digriet imsemmi iktar ’il fuq, sabiex jiġu osservati l-aspettattivi leġittimi tal-individwi li xtraw art jew abitazzjoni b’applikazzjoni ta’ dan id-digriet u anki sabiex tiġi evitata l-inċertezza legali li tkun tista’ twassal għaliha r-retroattività tal-annullament ta’ dan id-digriet għal dawn il-persuni, b’mod partikolari bi preġudizzju għas-sitwazzjoni tagħhom f’termini ta’ abitazzjoni?