B’dan qed jingħata avviż tat-tnedija tas-Sejħa għall-Offerti għal Konnettività bl-Ajru Msaħħa għas-Slovenja, li s-suġġett tagħha huwa l-għoti ta’ għajnuna mill-Istat lit-trasportaturi tal-ajru għall-bidu tal-operat ta’ rotot tal-ajru ġodda, għall-ġarr tal-passiġġieri lejn jew minn ajruport pubbliku fit-territorju tar-Repubblika tas-Slovenja li fih isir it-trasport internazzjonali bl-ajru, lejn punt uniku ta’ llandjar fit-territorju tal-pajjiżi taż-Żona ta’ Avjazzjoni Komuni Ewropea (ECAA).

It-test tal-Offerta (bil-lingwa Slovena u bil-lingwa Ingliża) se jkun disponibbli fis-sit web uffiċjali tal-Gvern www.gov.si dakinhar tal-pubblikazzjoni ta’ dan l-avviż f’Il-Ġurnal Uffiċjali tal-Unjoni Ewropea flimkien mad-dokumentazzjoni tal-Offerta.

L-applikazzjonijiet għall-għajnuna jridu jintbagħtu fi żmien 30 jum mill-pubblikazzjoni ta’ dan l-avviż f’Il-Ġurnal Uffiċjali tal-Unjoni Ewropea.

L-applikanti jistgħu jistaqsu kwalunkwe ħaġa rigward is-Sejħa għall-Offerti billi jibagħtu email lil mzi.air-connect@gov.si bis-suġġett: “Sejħa għall-Offerti għal Konnettività bl-Ajru Msaħħa għas-Slovenja”.