Rikors ippreżentat fis-7 ta’ Frar 2025 – Khiabani vs Il-Kunsill

(Kawża T-94/25)

(C/2025/1670)

Lingwa tal-kawża: l-Ingliż

Partijiet

Rikorrent: Mohammad Reza Khiabani (Teheran, l-Iran) (rappreżentanti: V. Ostrovskis u C. Cauvin, avukati)

Konvenut: Il-Kunsill tal-Unjoni Ewropea

Talbiet

Ir-rikorrent jitlob li l-Qorti Ġenerali jogħġobha:

—	tannulla d-Deċiżjoni tal-Kunsill (PESK) 2024/2894 tat-18 ta’ Novembru 2024 (1) sa fejn tikkonċerna lir-rikorrent;

—	tannulla r-Regolament ta’ Implimentazzjoni tal-Kunsill (UE) 2024/2896 tat-18 ta’ Novembru 2024 (2) sa fejn jikkonċerna lir-rikorrent; u

—	tordna lill-Kunsill tal-Unjoni Ewropea jbati l-ispejjeż kollha tal-kawża, inklużi dawk sostnuti mir-rikorrent għad-difiża tiegħu.

Motivi u argumenti prinċipali

Insostenn tar-rikors tiegħu, ir-rikorrent jinvoka ħames motivi.

1.	L-ewwel motiv: nuqqas li jiġi ssodisfatt l-oneru ta’ prova.

It-tieni motiv: żball ta’ liġi minħabba l-applikazzjoni għar-rikorrent tal-kriterju għall-inklużjoni fil-lista speċifikat fl-Artikolu 3(1)(c) tad-Deċiżjoni tal-Kunsill (PESK) 2023/1532 tal-20 ta’ Lulju 2023 (3) (kif emendata) u fl-Artikolu 3(1)(c) tar-Regolament (UE) 2023/1529 tal-20 ta’ Lulju 2023 (4) (kif emendat).

3.	It-tielet motiv: ksur tad-dritt tar-rikorrent għal protezzjoni ġudizzjarja effettiva u tad-drittijiet tad-difiża tiegħu.

4.	Ir-raba motiv: żball ta’ evalwazzjoni.

5.	Il-ħames motiv: ksur tad-drittijiet fundamentali tar-rikorrent u tal-prinċipju ta’ proporzjonalità.

(1) Deċiżjoni tal-Kunsill (PESK) 2024/2894 tat-18 ta’ Novembru 2024 li temenda d-Deċiżjoni (PESK) 2023/1532 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna u lil gruppi armati u entitajiet fir-reġjun tal-Lvant Nofsani u tal-Baħar l-Aħmar (ĠU L, 2024/2894).

(2) Regolament ta’ Implimentazzjoni tal-Kunsill (UE) 2024/2896 tat-18 ta’ Novembru 2024 li jimplimenta r-Regolament (UE) 2023/1529 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna u lil gruppi armati u entitajiet fir-reġjun tal-Lvant Nofsani u tal-Baħar l-Aħmar (ĠU L, 2024/2896).

(3) Deċiżjoni tal-Kunsill (PESK) 2023/1532 tal-20 ta’ Lulju 2023 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna u lil gruppi armati u entitajiet fir-reġjun tal-Lvant Nofsani u tal-Baħar l-Aħmar (ĠU 2023, L 186, p. 20).

(4) Regolament tal-Kunsill (UE) 2023/1529 tal-20 ta’ Lulju 2023 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna u lil gruppi armati u entitajiet fir-reġjun tal-Lvant Nofsani u tal-Baħar l-Aħmar (ĠU 2023, L 186, p. 1, rettifika fil-ĠU 2023, L 196 p. 61).