1.   

Fl-14 ta’ Frar 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Safran S.A. (“Safran”, Franza),

—	parti mill-attivitajiet tal-attwazzjoni u tal-kontroll tat-titjir ta’ Collins Aerospace (l-Istati Uniti), ikkontrollata minn RTX Corporation (l-Istati Uniti) (il-“Mira”, l-Istati Uniti).

Safran se takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll esklużiv tal-Mira kollha kemm hi.

Il-konċentrazzjoni titwettaq permezz ta’ xiri ta’ ishma u ta’ assi.

2.   

L-attivitajiet kummerċjali tal-impriżi kkonċernati huma li ġejjin:

—	Safran hija attiva fid-disinn, il-manifattura u l-provvista ta’ sistemi ajruspazjali (inklużi sistemi tal-attwazzjoni tal-kontroll tat-titjir), tagħmir tal-inġenji tal-ajru u difiża globalment,

—	il-Mira hija attiva fid-disinn, il-manifattura, u l-provvista ta’ sistemi tal-attwazzjoni tal-kontroll tat-titjir globalment.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11253 – SAFRAN / PART OF COLLINS AEROSPACE’S ACTUATION AND FLIGHT CONTROL ACTIVITIES

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Indirizz elettroniku: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË