1)

L-Artikolu 3(1) tad-Direttiva 2001/29/KE tal-Parlament Ewropew u tal-Kunsill tat-22 ta’ Mejju 2001 dwar l-armonizzazzjoni ta’ ċerti aspetti ta’ drittijiet ta’ l-awtur u drittijiet relatati fis-soċjetà ta’ l-informazzjoni (1) għandu jiġi interpretat fis-sens li l-pubblikazzjoni ta’ xogħol fuq l-internet tista’ tiġi kklassifikata bħala komunikazzjoni lill-pubbliku f’pajjiż partikolari biss jekk din il-pubblikazzjoni tkun indirizzata lill-pubbliku f’dan il-pajjiż? Fl-affermattiv, liema huma l-elementi li għandhom jittieħdu inkunsiderazzjoni f’din l-evalwazzjoni?

2)

Jista’ jkun hemm komunikazzjoni lill-pubbliku f’pajjiż partikolari jekk, billi jintuża imblukkar ġeografiku (state of the art), jista’ jkun hemm aċċess għax-xogħol f’dan il-pajjiż mill-pubbliku unikament fis-sit internet li fuqu x-xogħol huwa ppubblikat billi l-miżura ta’ imblukkar tiġi evitata bl-għajnuna ta’ VPN [network privat virtwali] jew servizz simili? Huwa ta’ importanza sa fejn il-pubbliku f’dan il-pajjiż imblukkat ikun lest u dispost li jkollu aċċess għal dan is-sit internet permezz ta’ dan is-servizz? Ir-risposta għal din id-domanda tkun differenti jekk, minbarra l-miżura ta’ imbblukkar ġeografiku jittieħdu inkunsiderazzjoni miżuri oħra li jostakolaw jew jiskoraġġixxu l-aċċess għas-sit internet lill-pubbliku fil-pajjiż imblukkat?

3)

Jekk il-possibbiltà li tiġi evitata l-miżura ta’ imbblukkar twassal għal komunikazzjoni fil-pajjiż imblukkat lill-pubbliku fis-sens tal-Artikolu 3(1) tad-Direttiva dwar id-drittijiet tal-awtur, tax-xogħol ippubblikat fuq l-internet, din il-komunikazzjoni tkun saret mill-persuna li ppubblikat ix-xogħol fuq l-internet, anki jekk l-għarfien ta’ dik il-komunikazzjoni jkun jeħtieġ l-intervent tal-fornitur tal-VPN jew servizz simili inkwistjoni?