1.   Għandu jkun hemm Infrastruttura Ewropea tar-Riċerka msejħa l-Osservatorju tal-Impjant tat-Teleskopju ta’ Cherenkov (CTAO).

2.   Is-CTAO għandu jkollu l-forma ġuridika ta’ Konsorzju għal Infrastruttura Ewropea ta’ Riċerka (ERIC, European Research Infrastructure Consortium) inkorporat skont id-dispożizzjoni tar-Regolament (KE) Nru 723/2009 u għandu jkun jismu l-Osservatorju tal-Impjant tat-Teleskopju ta’ Cherenkov ERIC (CTAO ERIC).

3.   Is-CTAO ERIC għandu jkollu s-sede statutorja tiegħu u l-kwartieri ġenerali tiegħu f’Bologna, l-Italja.

1.   Il-kompitu tas-CTAO ERIC għandu jkun li jibni osservatorju għall-astronomija tar-raġġi gamma fuq l-art kif deskritt fid-“Deskrizzjoni Xjentifika u Teknika tal-Osservatorju tas-CTA” (il-konfigurazzjoni Alpha) u li jkompli jopera, jaġġorna u jiddekummissjona din il-faċilità. Il-kostijiet tal-kostruzzjoni huma stabbiliti fil-Ktieb tal-Kostijiet tas-CTAO.

2.   Is-CTAO ERIC għandu jwettaq fost l-oħrajn l-attivitajiet li ġejjin:

3.   Is-CTAO ERIC għandu jwettaq il-kompitu prinċipali tiegħu fuq bażi mhux ekonomika. Madankollu, huwa jista’ jwettaq attivitajiet ekonomiċi limitati, bil-kundizzjoni li jkunu marbuta mill-qrib mal-kompitu prinċipali tiegħu u li ma jippreġudikawx il-ksib tiegħu. Is-CTAO ERIC għandu jirreġistra l-kostijiet u d-dħul tal-attivitajiet ekonomiċi tiegħu separatament u għandu jitlob prezzijiet tas-suq għalihom, jew, jekk dawn ma jkunux jistgħu jiġu aċċertati, il-kostijiet sħaħ flimkien ma’ marġni raġonevoli.

1.   Is-CTAO ERIC se jipprovdi aċċess effettiv għar-riċerkaturi Ewropej u internazzjonali (Utenti) abbażi tal-mertu xjentifiku, il-fattibbiltà teknika u/jew kriterji rilevanti oħra pertinenti għall-għan tas-CTAO ERIC. Għandu jkun disponibbli ammont limitat ta’ Ħin ta’ Osservazzjoni għal proposti xjentifikament meritevoli minn riċerkaturi li ma jappartjenux għal Membru, Sieħeb Strateġiku, Parti Terza jew Osservatur, minn hawn ’il quddiem imsejħa Utenti Oħra, taħt termini speċifiċi ta’ aċċess, kif definit mill-Kunsill.

2.   L-aċċess għas-CTAO jista’ jkun fil-forma ta’ aċċess għall-Ħin ta’ Osservazzjoni tas-CTAO, jew fil-forma ta’ aċċess għall-Prodotti tad-Data tas-CTAO fl-arkivji (l-Artikolu 33). Id-dettalji tal-aċċess għandhom jiġu definiti f’Politika ta’ Aċċess, adottata mill-Kunsill (l-Artikolu 25(13)(j)), li għandha tiddefinixxi t-tipi differenti ta’ proposti u tipprovdi għal livell xieraq ta’ opportunità għal programmi ta’ legat kbar (Proġetti Xjentifiċi Ewlenin).

3.   Id-Direttur Ġenerali huwa responsabbli għall-allokazzjoni tal-ħin billi jorganizza u jiġġestixxi proċess ta’ rieżami bejn il-pari li matulu l-eċċellenza xjentifika u l-fattibbiltà tal-proposti jiġu evalwati. Il-proċeduri u l-kriterji ta’ evalwazzjoni għandhom ikunu disponibbli għall-pubbliku fuq is-sit web tas-CTAO ERIC. Id-Direttur Ġenerali għandu jirrapporta darba fis-sena lill-Kunsill dwar l-allokazzjoni tal-ħin.

4.   Il-Ħin tal-Utenti jindika l-Ħin tal-Osservazzjoni disponibbli wara li jitqiesu l-Osservazzjonijiet tal-Ħin Garantiti li jirriżultaw mill-obbligi kuntrattwali tas-CTAO ERIC. Il-Ħin tal-Utenti se jinqasam bejn il-Ħin Miftuħ għall-Proposti Standard u l-ħin tal-Proġett Ewlieni tax-Xjenza (KSP, Key Science Project) għal programmi ta’ legat kbar, il-Ħin ta’ Osservazzjoni tal-Komunità Internazzjonali għal Utenti Oħra u l-Ħin Diskrezzjonarju tad-Direttur Ġenerali (DDT, Director General’s Discretionary Time). Id-definizzjonijiet jinsabu fid-Deskrizzjoni Xjentifika u Teknika tal-Osservatorju tas-CTA

5.   Utenti oħra għandhom jikkontribwixxu għall-kostijiet tal-operat relatati mal-użu tagħhom tas-CTAO, kif definit fil-Politika ta’ Aċċess u fil-ftehimiet ta’ sħubija rispettivi.

6.   Id-dispożizzjoni fl-Artikolu 3(5) ma għandhiex tapplika għall-allokazzjonijiet tal-ħin mogħtija mis-CTAO ERIC permezz ta’ ftehimiet speċjali (eż. ftehimiet ta’ ospitar).

1.   Is-CTAO ERIC għandu jkun faċilitatur tar-riċerka u bħala regola ġenerali għandu jinkoraġġixxi l-aċċess miftuħ għad-data tar-riċerka. Irrispettivament minn dan il-prinċipju, is-CTAO ERIC għandu jippromwovi riċerka ta’ kwalità għolja u għandu jappoġġa kultura fejn tintuża “l-aħjar prattika” permezz ta’ attivitajiet ta’ taħriġ.

2.   Is-CTAO ERIC għandu jitlob lill-Utenti jagħmlu r-riżultati tar-riċerka tagħhom disponibbli għall-pubbliku u jagħmlu r-riżultati disponibbli permezz tas-CTAO ERIC.

3.   Is-CTAO ERIC għandu jadotta l-Politika ta’ Disseminazzjoni tiegħu stess (l-Artikolu 25(13)(l)). Il-Politika ta’ Disseminazzjoni għandha tiddeskrivi d-diversi gruppi fil-mira, u s-CTAO ERIC għandu juża diversi mezzi biex jilħaq l-udjenzi fil-mira, bħal portali tal-web, bullettini, workshops, preżenza f’konferenzi, artikli f’ġurnali, rivisti u gazzetti ta’ kuljum.

1.   It-terminu “Proprjetà Intellettwali” għandu jinftiehem skont l-Artikolu 2 tal-Konvenzjoni li Tistabbilixxi l-Organizzazzjoni Dinjija tal-Proprjetà Intellettwali ffirmata fl-14 ta’ Lulju 1967.

2.   Is-CTAO ERIC għandu jadotta l-Politika tiegħu stess dwar id-Drittijiet tal-Proprjetà Intellettwali (l-Artikolu 25(13)(m)).

3.   Is-CTAO ERIC għandu jkun is-sid tal-Proprjetà Intellettwali kollha li tirriżulta mill-attivitajiet tiegħu skont dawn l-Istatuti inkluż, iżda mhux limitat għal, Proprjetà Intellettwali prodotta minn persunal impjegat mis-CTAO ERIC, ħlief jekk ikun kopert minn ftehimiet kuntrattwali separati jew fejn il-leġiżlazzjoni obbligatorja jew dawn l-Istatuti jiddikjaraw mod ieħor.

4.   Il-Proprjetà Intellettwali ta’ sfond tal-Membri jew tal-entitajiet rappreżentanti tagħhom għandha tibqa’ l-proprjetà tagħhom. Għandha tiġi liċenzjata lis-CTAO ERIC jekk ikun meħtieġ u permezz ta’ ftehimiet speċifiċi.

1.   Is-CTAO ERIC għandu jkun impjegatur b’opportunitajiet indaqs. Il-kuntratti ta’ impjieg għandhom ikunu rregolati mil-liġijiet tal-pajjiż jew territorju li fih huwa impjegat il-persunal.

2.   Suġġett għar-rekwiżiti tal-leġiżlazzjoni nazzjonali, kull Membru għandu, fil-ġuriżdizzjoni tiegħu, ifittex li jiffaċilita l-moviment u r-residenza ta’ ċittadini tal-Membri, l-Osservaturi u s-Sħab Strateġiċi involuti fil-kompiti tas-CTAO ERIC u tal-membri tal-familja ta’ tali ċittadini.

3.   Il-proċeduri tal-għażla għall-pożizzjonijiet tal-persunal tas-CTAO ERIC għandhom ikunu trasparenti, mhux diskriminatorji u jirrispettaw l-opportunitajiet indaqs. Ir-reklutaġġ u l-impjiegi ma għandhomx ikunu diskriminatorji.

4.   Is-CTAO ERIC għandu jħeġġeġ il-formazzjoni ta’ rappreżentanza istituzzjonalizzata tal-impjegati.

1.   Is-CTAO ERIC għandu jittratta lill-kandidati għall-għoti ta’ kuntratti u lill-offerenti b’mod ugwali u mingħajr diskriminazzjoni irrispettivament minn jekk humiex ibbażati fl-Unjoni Ewropea. Regoli dettaljati dwar il-proċeduri u l-kriterji tal-għoti ta’ kuntratti għandhom jiġu stabbiliti fil-Politika dwar l-Għoti tal-Kuntratti adottata mill-Kunsill (l-Artikolu 25(12)(i)). Din il-Politika dwar l-Għoti ta’ Kuntratti għandha tirrispetta l-prinċipji tat-trasparenza, il-kompetizzjoni, il-proporzjonalità, ir-rikonoxximent reċiproku, it-trattament ugwali, in-nondiskriminazzjoni u s-sostenibbiltà.

2.   L-għoti ta’ kuntratti minn Membri, Osservaturi, Sħab Strateġiċi u Partijiet Terzi dwar l-attivitajiet tas-CTAO ERIC għandu jsir b’tali mod li tingħata kunsiderazzjoni xierqa lill-ħtiġijiet tas-CTAO ERIC, ir-rekwiżiti tekniċi, u l-ispeċifikazzjoni maħruġa mill-korpi rilevanti.

3.   Il-Politika dwar l-Għoti ta’ Kuntratti għandha tistipula li d-dispożizzjonijiet tagħha ma għandhomx japplikaw għal għotjiet ta’ kuntratti mis-CTAO ERIC li jsiru bl-użu ta’ fondi mgħoddija permezz tas-CTAO ERIC skont l-Artikolu 21(4) ta’ dawn l-Istatuti. F’dawn il-każijiet, il-Prinċipji Bażiċi għall-Kontribuzzjonijiet iIn Natura lis-CTAO ERIC u l-Qafas ta’ Kontribuzzjoni iIn Natura (l-Anness B) għandhom jiġu applikati minflok il-Politika dwar l-Għoti ta’ Kuntratti.

1.   L-istralċ tas-CTAO ERIC għandu jiġi deċiż mill-Kunsill f’konformità mal-Artikolu 25(13)(h).

2.   Mingħajr dewmien żejjed u fi kwalunkwe każ, fi żmien 10 ijiem wara l-adozzjoni tad-deċiżjoni ta’ stralċ tas-CTAO ERIC, is-CTAO ERIC għandu jinnotifika lill-Kummissjoni dwar id-deċiżjoni.

3.   Mingħajr dewmien żejjed u fi kwalunkwe każ, fi żmien 10 ijiem mill-għeluq tal-proċedura ta’ stralċ, is-CTAO ERIC għandu jinnotifika lill-Kummissjoni b’dan.

4.   Is-CTAO ERIC ma għandux jibqa’ jeżisti fil-jum li fih il-Kummissjoni tippubblika l-avviż xieraq f’Il-Ġurnal Uffiċjali tal-Unjoni Ewropea.

1.   Max-xoljiment tas-CTAO ERIC jew it-twaqqif tal-privileġġi tat-taxxa u l-benefiċċji tat-taxxa tiegħu, il-Membri ma għandhom jirċievu xejn aktar mill-kontribuzzjonijiet fi flus imħallsa tagħhom u l-valur reali tal-kontribuzzjonijiet in natura tagħhom.

2.   Max-xoljiment tas-CTAO ERIC jew mat-twaqqif tal-privileġġi tat-taxxa u tal-benefiċċji tat-taxxa tiegħu, l-assi tas-CTAO ERIC li jaqbżu l-kontribuzzjonijiet fi flus imħallsa u l-valur reali tal-kontribuzzjonijiet in natura għandhom jiġu ttrasferiti lil entità ġuridika pubblika oħra jew lil korporazzjoni oħra bi privileġġi tat-taxxa jew lil entità ġuridika oħra li ssegwi oġġetti simili għal dawk tas-CTAO ERIC għall-promozzjoni tax-xjenza u r-riċerka.

1.   Is-CTAO ERIC għandu jkun responsabbli għad-djun tiegħu.

2.   Il-Membri mhumiex responsabbli b’mod konġunt għad-djun tas-CTAO ERIC. Ir-responsabbiltà finanzjarja tal-Membri għad-djun tas-CTAO ERIC għandha tkun limitata għall-kontribuzzjoni annwali rispettiva tagħhom.

3.   Is-CTAO ERIC għandu jieħu kopertura tal-assigurazzjoni xierqa biex ikopri r-riskji speċifiċi għall-kostruzzjoni u l-operat tas-CTAO.

1.   L-entitajiet li ġejjin jistgħu jsiru Membri tas-CTAO ERIC jew Osservaturi mingħajr drittijiet tal-vot:

Il-kundizzjonijiet għall-ammissjoni tal-Membri u tal-Osservaturi huma speċifikati fl-Artikolu 14.

2.   Is-sħubija tas-CTAO ERIC trid tinkludi mill-inqas Stat Membru tal-UE u żewġ pajjiżi oħra li huma jew Stati Membri tal-UE jew pajjiżi assoċjati.

3.   L-Istati Membri tal-UE u l-pajjiżi assoċjati għandu jkollhom b’mod konġunt il-maġġoranza tad-drittijiet tal-vot fil-Kunsill.

4.   Kwalunkwe Membru jew Osservatur jista’ jkun rappreżentat minn entità pubblika waħda jew aktar, inklużi reġjuni jew entitajiet privati b’missjoni ta’ servizz pubbliku, tal-għażla tiegħu stess u maħtur skont ir-regoli u l-proċeduri tiegħu stess.

5.   Il-Membri u l-Osservaturi tas-CTAO ERIC u l-entitajiet rappreżentanti tagħhom huma elenkati fl-Anness D, li għandu jinżamm aġġornat mill-President tal-Kunsill.

1.   It-termini għad-dħul ta’ Membri ġodda huma dawn:

2.   L-entitajiet imsemmija fl-Artikolu 13(1) li huma lesti jikkontribwixxu għas-CTAO ERIC, iżda li għadhom mhumiex f’pożizzjoni li jissieħbu bħala Membri, jistgħu japplikaw għand il-Kunsill għal status ta’ osservatur. It-termini għall-ammissjoni ta’ Osservaturi huma dawn:

3.   L-entitajiet kif imsemmija fl-Artikolu 13(1), li jingħaqdu mas-CTAO ERIC bi status ta’ osservatur mit-twaqqif tiegħu u jimpenjaw ruħhom li jikkontribwixxu għall-kostruzzjoni tas-CTAO huma definiti bħala Osservaturi Fundaturi u huma elenkati fil-Preambolu ta’ dawn l-Istatuti.

4.   L-Osservaturi Fundaturi jistgħu jżommu l-istatus tagħhom bħala Osservaturi għal perjodu ta’ 3 snin mit-twaqqif tas-CTAO ERIC; f’każijiet eċċezzjonali, il-Kunsill jista’ jestendi l-perjodu ta’ status ta’ osservatur.

1.   Suġġett għall-approvazzjoni tal-Kunsill, is-CTAO ERIC jista’ jikkonkludi ftehimiet ta’ sħubija strateġika ma’ Stati Membri mhux tal-UE jew organizzazzjonijiet intergovernattivi.

2.   Il-kontribuzzjonijiet tas-Sħab Strateġiċi skont il-ftehimiet ta’ sħubija strateġika għandhom jiġu rreġistrati separatament fil-baġit annwali tas-CTAO ERIC.

3.   Il-kontribuzzjonijiet tas-sħab li jiffirmaw ittra ta’ impenn biex isiru Sħab Strateġiċi u biex jipparteċipaw fil-kostruzzjoni tad-dritt tas-CTAO ERIC mill-istabbiliment tiegħu huma elenkati fl-Anness A.

4.   Is-Sħab Strateġiċi għandhom l-istess drittijiet u obbligi bħall-Membri kif iddikjarat fl-Artikoli 16 u 17 ħlief id-dritt tal-vot fil-Kunsill.

5.   Is-CTAO ERIC jistieden lil rappreżentanti mis-Sħab Strateġiċi biex jattendu l-laqgħat tal-Kunsill u jiddikjaraw il-pożizzjoni tagħhom dwar kwalunkwe kwistjoni ta’ votazzjoni fil-Kunsill qabel ma jintefgħu l-voti. Is-Sħab Strateġiċi għandhom jiġu kkonsultati qabel ma jkun jista’ jintefa’ kwalunkwe vot fil-Kunsill relatat ma’ deċiżjoni li taffettwa l-kontribuzzjonijiet tagħhom.

6.   Is-Sħab Strateġiċi jistgħu jkunu rappreżentati minn entità pubblika waħda jew aktar, inklużi reġjuni jew entitajiet privati b’missjoni ta’ servizz pubbliku, tal-għażla tagħhom stess u maħtura skont ir-regoli u l-proċeduri tagħhom stess.

7.   Rappreżentanti mis-Sħab Strateġiċi jistgħu jiġu mistiedna jattendu l-kumitati l-oħra tas-CTAO ERIC skont ir-regoli ta’ proċedura ta’ kull kumitat.

8.   Il-Kunsill għandu jadotta politika li tispeċifika l-kundizzjonijiet tal-ftehimiet ta’ sħubija strateġika, l-Artikolu 25(13)(n).

1.   L-irtirar tal-Membri jista’ jidħol fis-seħħ l-aktar kmieni fi tmiem il-fażi tal-kostruzzjoni jew 10 snin wara d-dħul fis-seħħ ta’ dawn l-Istatuti. Kwalunkwe Membru jista’ jirtira mis-CTAO ERIC fi tmiem sena finanzjarja, wara notifika bil-miktub li għandha tingħata lill-Kunsill 3 snin qabel l-irtirar.

2.   L-osservaturi jistgħu jirtiraw fl-aħħar ta’ sena finanzjarja, wara notifika bil-miktub lill-Kunsill 6 xhur qabel l-irtirar.

3.   Il-kundizzjonijiet u l-effetti tal-irtirar mis-CTAO ERIC minn Membru, b’mod partikolari, is-sehem tiegħu fil-kostijiet tad-dekummissjonar tas-CTAO, għandhom jiġu deċiżi mill-Kunsill (l-Artikolu 23(4)).

4.   Il-Kunsill għandu jkollu s-setgħa li jtemm is-sħubija ta’ Membru jew l-istatus ta’ osservatur ta’ Osservatur jekk jiġu ssodisfati l-kundizzjonijiet li ġejjin:

5.   Mingħajr preġudizzju għall-Artikolu 16(1) u l-Artikolu 16(3), il-Membri u l-Osservaturi li huma pajjiżi assoċjati, pajjiżi terzi għajr pajjiżi assoċjati, jew organizzazzjonijiet intergovernattivi, jistgħu jirtiraw mis-CTAO ERIC wara bidliet fir-Regolament tal-Kunsill (KE) Nru 723/2009 li jaffettwaw materjalment id-drittijiet u l-obbligi tagħhom fir-rigward tas-CTAO ERIC. Tali bidliet jitqiesu materjali meta jimplikaw tariffi miżjuda (inklużi kontribuzzjonijiet annwali jew kostijiet tad-dekummissjonar), jemendaw l-ishma tal-vot, jimponu rekwiżiti li jmorru kontra l-liġijiet applikabbli skont l-Artikolu 36 ta’ dawn l-Istatuti, ineħħu d-dritt li jkunu rappreżentati fil-Kunsill jew f’kumitati oħra, jew jibdlu d-drittijiet tagħhom relatati mar-rappreżentanza jew l-użu tal-faċilità. Ir-responsabbiltajiet u l-effetti tal-irtirar mis-CTAO ERIC, inkluż is-sehem tal-Membru jew tal-Osservatur li jirtira fil-kostijiet tad-dekummissjonar tas-CTAO, għandhom jiġu deċiżi inizjalment f’konformità mal-Artikolu 16(3), suġġett għal vot unanimu tal-Kunsill tas-CTAO. Minkejja l-Artikolu 16(1), il-Membru jew l-Osservatur affettwat għandu (fi żmien 6 xhur mill-bidla rilevanti fir-Regolamenti tal-ERIC) jipprovdi avviż ta’ mill-inqas 3 xhur bil-quddiem lill-Kunsill dwar l-irtirar tiegħu biex jidħol fis-seħħ fi kwalunkwe żmien wara t-tmiem tal-fażi ta’ kostruzzjoni jew 10 snin wara d-dħul fis-seħħ ta’ dawn l-Istatuti.

1.   Id-drittijiet tal-Membri għandhom jinkludu:

2.   Kull Membru għandu

3.   Il-Membri Fundaturi għandhom jagħmlu l-kontribuzzjonijiet li ġejjin bil-prezzijiet, fi flus jew in natura, tas-sena 2021, għall-kostijiet tal-kostruzzjoni (l-Artikoli 2(1), 21(1)):

L-ESO se tikkontribwixxi billi tagħmel disponibbli żona ta’ art għas-CTAO u billi tipprovdi l-użu, id-drittijiet, u s-servizzi kif definiti fil-Ftehim dwar il-Kostruzzjoni, il-Kummissjonament u l-Operat tas-CTAO fuq is-Sit Paranal tal-Osservatorju Paranal tal-ESO ta’ La Silla fiċ-Ċilì ffirmat fid-19 ta’ Diċembru 2018.

4.   Kwalunkwe kontribuzzjoni oħra għall-kostruzzjoni tas-CTAO li tkun ġejja minn Osservaturi Fundaturi, Sħab Strateġiċi u Partijiet Terzi, li jkunu ħabbru lill-Istat Ospitanti deżinjat l-intenzjoni soda tagħhom li jikkontribwixxu għall-kostruzzjoni tas-CTAO qabel it-twaqqif tiegħu, huma elenkati fl-Anness A u għandhom jimmaterjalizzaw permezz ta’ arranġamenti kuntrattwali diretti mas-CTAO ERIC wara t-twaqqif tiegħu.

5.   Minbarra l-kontribuzzjonijiet imsemmija fl-Artikolu 17(3) u barra mill-Ktieb tal-Kostijiet, il-Membri li ġejjin għandhom jipprovdu bħala primjum tal-ospitar mingħajr ħlas:

L-elementi essenzjali u l-kundizzjonijiet tal-primjums tal-ospitar huma deskritti fl-Anness A.

1.   Id-drittijiet tal-Osservaturi għandhom jinkludu:

2.   L-Osservaturi Fundaturi kif definiti fl-Artikolu 14(3) għandhom l-istess drittijiet u obbligi bħall-Osservaturi kif speċifikat fl-Artikolu 18(1).

3.   Il-kontribuzzjonijiet antiċipati tal-Osservaturi Fundaturi għall-kostruzzjoni tas-CTAO huma elenkati fl-Anness A.

4.   Kull Osservatur Fundatur u kull Osservatur għandu jipprovdi kontribuzzjoni annwali għall-baġit annwali tas-CTAO ERIC wara t-tlestija tal-fażi ta’ kostruzzjoni (il-fażi operattiva), kif definit fl-Anness C.

1.   Matul il-fażi tal-kostruzzjoni, is-CTAO ERIC għandu jibni u jikkummissjona s-CTAO kif deskritt fid-dokument S&T (l-Anness A). Jista’ jwettaq ukoll attivitajiet xjentifiċi bikrija bl-użu ta’ biċċiet ta’ tagħmir użati tas-CTAO. Il-fażi ta’ kostruzzjoni għandha tintemm fid-data deċiża mill-Kunsill skont l-Artikolu 25(12)(f).

2.   Il-Kunsill għandu jirrieżamina mill-inqas darba fis-sena l-kostijiet attwali u previsti tal-kostruzzjoni. Jekk fi kwalunkwe mument u għal kwalunkwe raġuni l-Kunsill jidhirlu li t-tlestija tas-CTAO hija mhedda, il-Kunsill, fuq proposta mid-Direttur Ġenerali, għandu jiddeċiedi dwar miżuri ta’ mitigazzjoni.

1.   Kontribuzzjonijiet li jaqbżu dawk iddikjarati fl-Artikolu 17 minn Membri, Osservaturi, Sħab Strateġiċi jew Partijiet Terzi huma mistennija li jiġu identifikati għas-CTAO ERIC biex jittejjeb is-CTAO skont id-Dokument S&T.

1.   L-istimi tal-kostijiet tal-kostruzzjoni huma stabbiliti fil-Ktieb tal-Kostijiet tas-CTAO datat it-22 ta’ Ġunju 2021 bil-prezzijiet tal-2021 li jkopri n-nefqa globali. Dan il-ktieb tal-kostijiet huwa d-dokument ta’ referenza għall-kontribuzzjonijiet fi flus u in natura tal-membri.

Il-kostijiet tal-kostruzzjoni sat-tlestija tas-CTAO ma għandhomx jaqbżu

EUR 351 319 000 bil-prezzijiet tas-sena 2021.

Il-Kunsill li jaġixxi b’mod unanimu jista’ japprova modifika ta’ dawn il-kostijiet (l-Artikolu 25(12)(a)).

2.   Il-kostijiet tal-kostruzzjoni għandhom ikunu s-somma ta’:

3.   Il-kontribuzzjonijiet għall-kostijiet tal-kostruzzjoni jistgħu jingħataw mill-Membri, mis-Sħab Strateġiċi u mill-Osservaturi bħala kontribuzzjonijiet fi flus jew bħala kontribuzzjonijiet in natura kif deskritt fil-Prinċipji Bażiċi għall-Kontribuzzjonijiet In Natura lis-CTAO ERIC (l-Anness B). Il-Kunsill għandu jiddeċiedi dwar l-allokazzjoni ta’ kontribuzzjonijiet in natura (l-Artikolu 25(13)(e)).

4.   Bħala regola ġenerali, il-kontribuzzjonijiet in natura jingħataw mill-Membru lis-CTAO ERIC. Il-Membru jista’ jitlob lis-CTAO ERIC biex jidderieġi l-finanzjament meħtieġ għal dan l-għan f’ismu (flus kontanti ddedikati). F’dan il-każ, il-Membru għandu jagħmel disponibbli fi żmien debitu lis-CTAO ERIC il-finanzjament meħtieġ.

5.   Il-Membri għandhom jagħtu kontribuzzjonijiet fi flus lis-CTAO ERIC skont profili ta’ pagament miftiehma speċifikament. Sa fejn ikun possibbli, il-profili tal-pagamenti jenħtieġ li jaqblu mal-profil tan-nefqa tas-CTAO ERIC. It-tabella li turi l-inċidenzi annwali stmati tan-nefqa matul il-fażi tal-kostruzzjoni hija inkluża fil-Ktieb tal-Kostijiet.

1.   Wara t-tlestija tal-kostruzzjoni tas-CTAO, is-CTAO ERIC għandu jopera l-osservatorju u jsegwi programm ta’ riċerka u żvilupp għall-iżvilupp sostenibbli ulterjuri tiegħu.

2.   L-operat tas-CTAO għandu jiġi ffinanzjat mill-baġit annwali tas-CTAO ERIC.

3.   Il-kontribuzzjonijiet mill-Membri għall-baġit annwali tas-CTAO ERIC jitqassmu skont l-iskema stabbilita fl-Anness C.

1.   Id-dekummissjonar tas-CTAO għandu jiġi deċiż fi żmien debitu mill-Kunsill skont l-Artikolu 25(12)(g).

2.   Qabel it-tmiem tal-fażi ta’ kostruzzjoni u matul il-fażi operattiva, il-Kunsill għandu jżomm stima aġġornata tal-kostijiet u l-ħin meħtieġ għad-dekummissjonar tas-CTAO.

3.   Il-kostijiet tad-dekummissjonar għandhom jinqasmu bejn il-Membri skont politika adottata mill-Kunsill.

4.   Jekk Membru jitlaq mis-CTAO ERIC qabel id-deċiżjoni tal-Kunsill li jiddekummissjona s-CTAO, huwa jittrasferixxi ammont raġonevoli lis-CTAO ERIC li jikkorrispondi għas-sehem teoretiku tiegħu tal-kostijiet tad-dekummissjonar fil-jum tat-tluq tiegħu mis-CTAO ERIC.

1.   Il-Kunsill għandu jkun il-korp ta’ tmexxija tas-CTAO ERIC u għandu jkun magħmul minn mhux aktar minn żewġ rappreżentanti uffiċjali (delegati) ta’ kull Membru u Osservatur tas-CTAO ERIC. Id-delegati jistgħu jiġu assistiti minn massimu ta’ żewġ esperti.

2.   Id-delegati għall-Kunsill għandhom jinħatru u l-ħatriet tagħhom jintemmu skont il-prinċipji deċiżi minn kull Membru. Kull Membru għandu jinforma lill-President tal-Kunsill bil-miktub dwar kwalunkwe ħatra jew terminazzjoni tal-ħatra tad-delegati tiegħu għall-Kunsill mingħajr dewmien żejjed.

3.   Matul il-fażi ta’ kostruzzjoni, diversi voti indiviżibbli fil-Kunsill għandhom jitqassmu lill-Membri fi proporzjon mal-impenji tagħhom li jikkontribwixxu għall-kostijiet tal-kostruzzjoni kif deskritt fl-Anness A.

4.   Waqt il-fażi tal-operat, dan it-tqassim ta’ kull numru indiviżibbli ta’ voti għandu jiġi rivedut mill-Kunsill kif deskritt fl-Anness C. Id-deċiżjoni li tikkonċerna r-reviżjoni tat-tqassim tal-voti għandha ssir mill-Kunsill (l-Artikolu 25(12)(h)).

5.   Il-Kunsill għandu jiltaqa’ mill-inqas darbtejn fis-sena u għandu jkun responsabbli skont id-dispożizzjonijiet ta’ dawn l-Istatuti għad-direzzjoni u s-superviżjoni ġenerali tas-CTAO ERIC. Il-Kunsill jista’ jagħti istruzzjonijiet lid-Direttur Ġenerali.

6.   Il-laqgħat tal-Kunsill għandhom jitlaqqgħu mill-President. Għandha tissejjaħ ukoll laqgħa tal-Kunsill mill-President fuq talba ta’ mill-inqas żewġ Membri.

7.   Il-Kunsill għandu jeleġġi President u Viċi President mid-delegazzjonijiet tal-Membri. Il-Viċi President għandu jissostitwixxi lill-President fin-nuqqas tal-President u f’każ ta’ kunflitt ta’ interess. Bil-ħatra tagħhom il-President u l-Viċi President isiru supra partes u jħallu d-delegazzjonijiet tagħhom. Il-President u l-Viċi President għandhom ikunu eletti għal perjodu ta’ mhux aktar minn sentejn. L-elezzjoni mill-ġdid għandha tkun permessa darbtejn.

8.   Il-Kunsill għandu jiddeċiedi dwar ir-Regoli ta’ Proċedura tiegħu suġġett għad-dispożizzjonijiet f’dawn l-Istatuti.

9.   Il-Kunsill jista’ jistabbilixxi kumitati kif meħtieġ biex iwettaq il-kompitu tas-CTAO ERIC. Il-Kunsill għandu jiddefinixxi l-mandat ta’ dawn il-kumitati.

10.   Persunal anzjan speċifiku, kif definit mill-Kunsill, għandu jinħatar mill-Kunsill f’konsultazzjoni mad-Direttur Ġenerali.

11.   Il-Kunsill għandu jipproċedi għall-votazzjoni skont il-prinċipji li ġejjin:

L-astensjonijiet ma jgħoddux bħala vot.

12.   Il-kwistjonijiet li ġejjin għandhom jirrikjedu l-approvazzjoni tal-Kunsill b’vot unanimu:

Kwalunkwe emenda tal-Istatuti għandha tkun suġġetta għad-dispożizzjonijiet stabbiliti fl-Artikolu 9(3) u l-Artikolu 11 tar-Regolament (KE) Nru 723/2009 kif emendat mill-Kunsill fit-2 ta’ Diċembru 2013 (ir-Regolament tal-Kunsill (UE) Nru 1261/2013).

13.   Id-deċiżjonijiet fir-rigward ta’ dawn il-kwistjonijiet jeħtieġu maġġoranza kwalifikata tal-voti:

14.   Id-deċiżjonijiet l-oħrajn kollha tal-Kunsill għandhom jeħtieġu maġġoranza sempliċi.

1.   Il-Kunsill għandu jaħtar id-Direttur Ġenerali tas-CTAO ERIC skont proċedura adottata mill-Kunsill. Il-mandat tad-Direttur Ġenerali ma għandux jaqbeż il-5 snin; il-ħatra mill-ġdid hija possibbli. L-elementi essenzjali tal-kuntratt ta’ impjieg għandhom ikunu suġġetti għall-approvazzjoni tal-Kunsill.

2.   Id-Direttur Ġenerali għandu jagħti rendikont lill-Kunsill u għandu jkun ir-rappreżentant legali tas-CTAO ERIC. Id-Direttur Ġenerali għandu jwettaq il-ġestjoni ta’ kuljum tas-CTAO ERIC bid-diliġenza dovuta u f’konformità ma’ dawn l-Istatuti, l-istruzzjonijiet u r-riżoluzzjonijiet tal-Kunsill, u r-rekwiżiti legali applikabbli.

3.   Id-Direttur Ġenerali għandu l-awtorità li japprova tranżazzjonijiet sa valuri li għandhom jiġu definiti fir-Regoli Finanzjarji. Tranżazzjonijiet ’il fuq mill-valuri stabbiliti jeħtieġu l-approvazzjoni mill-Kumitat Amministrattiv u Finanzjarju.

4.   Id-Direttur Ġenerali għandu jinforma lill-Kunsill regolarment bid-deċiżjonijiet tad-Direttur Ġenerali dwar kwistjonijiet strateġiċi, tekniċi, xjentifiċi, legali, baġitarji u amministrattivi. Id-Direttur Ġenerali għandu jippreżenta rapport ta’ attività annwali lill-Kunsill.

5.   Id-Direttur Ġenerali għandu jħejji d-deċiżjonijiet li għandhom jittieħdu mill-Kunsill u d-deċiżjonijiet li għandhom jittieħdu mill-kumitati.

6.   Fil-każ li l-pożizzjoni tad-Direttur Ġenerali ssir vakanti, il-Kunsill jista’ jaħtar persuna, li s-setgħat u r-responsabbiltajiet tagħha għandu jiddetermina, biex taġixxi minflok id-Direttur Ġenerali.

1.   Għandu jkun hemm Kumitat Amministrattiv u Finanzjarju (AFC) magħmul minn massimu ta’ żewġ delegati nominati minn kull Membru. Il-President tal-AFC għandu jinħatar mill-Kunsill u jkun supra-partes. Il-Kumitat għandu jagħti pariri lill-Kunsill dwar kwistjonijiet amministrattivi, legali u finanzjarji.

2.   L-AFC tapprova t-tranżazzjonijiet ’il fuq mill-valuri stabbiliti għall-awtorità tad-Direttur Ġenerali (l-Artikolu 26(3)) kif definit fir-Regoli Finanzjarji.

3.   It-termini ta’ Referenza ta’ dan il-Kumitat u r-Regoli ta’ Proċedura tiegħu għandhom jiġu adottati mill-Kunsill u inkorporati fir-Regoli Finanzjarji (l-Artikolu 25(13)(g)).

4.   Id-Direttur Ġenerali għandu jippreżenta lill-AFC id-dokumenti tal-baġit kif dettaljati fir-Regoli Finanzjarji li għandhom jiġu rieżaminati u sussegwentement ippreżentati lill-Kunsill bil-kummenti u r-rakkomandazzjonijiet tal-AFC.

1.   Għandu jkun hemm Kumitat Konsultattiv Xjentifiku u Tekniku (STAC). Dan il-Kumitat għandu jikkonsisti minn xjenzati eċċellenti, mhux impjegati mis-CTAO ERIC jew konnessi b’xi mod ieħor immedjatament miegħu, u għandu jagħti pariri lill-Kunsill fi kwistjonijiet xjentifiċi, tekniċi u kwistjonijiet oħra ta’ importanza għas-CTAO ERIC.

2.   Il-membri tal-STAC għandhom jinħatru mill-Kunsill skont ir-Regoli ta’ Proċedura. Il-Kunsill għandu jagħmel ħiltu biex jikseb STAC varjata li tirrappreżenta bilanċ ta’ kompetenza xjentifika u teknika, li tirrifletti l-parteċipazzjoni wiesgħa fil-proġett tas-CTA.

3.   Il-President tal-STAC għandu jinħatar mill-Kunsill.

4.   It-termini ta’ Referenza u r-Regoli ta’ Proċedura tal-STAC għandhom jiġu adottati mill-Kunsill (l-Artikolu 25(13)(i)).

1.   Ir-riżorsi tas-CTAO ERIC għandhom jikkonsistu minn dawn li ġejjin:

2.   Ir-riżorsi tas-CTAO ERIC għandhom jintużaw biss għall-finijiet kif deskritti fl-Istatuti. Il-membri tas-CTAO ERIC la għandhom jirċievu ishma ta’ profitt u lanqas xi ħaġa oħra ta’ valur mir-riżorsi tas-CTAO ERIC.

1.   Is-sena finanzjarja tas-CTAO ERIC għandha tibda fl-1 ta’ Jannar u għandha tintemm fl-31 ta’ Diċembru ta’ kull sena.

2.   L-ewwel sena tan-negozju għandha tkun sena finanzjarja qasira li tibda mid-data tad-dħul fis-seħħ tad-Deċiżjoni ta’ Implimentazzjoni tal-Kummissjoni li tistabbilixxi s-CTAO ERIC u li tintemm fl-31 ta’ Diċembru ta’ dik is-sena.

1.   Il-Kunsill għandu jaħtar awdituri esterni li għandhom iservu għal perjodu ta’ 4 snin u li jistgħu jinħatru mill-ġdid. L-awdituri għandhom jawditjaw ir-rapport finanzjarju annwali tas-CTAO ERIC u jwettqu l-funzjonijiet stabbiliti fir-Regoli Finanzjarji.

2.   Id-Direttur Ġenerali għandu jipprovdi lill-awdituri bl-informazzjoni u l-assistenza kif huma jistgħu jeħtieġu sabiex iwettqu d-doveri tagħhom.

3.   Il-kontijiet tas-CTAO ERIC għandhom ikunu akkumpanjati minn rapport dwar il-ġestjoni baġitarja u finanzjarja tas-sena finanzjarja.

4.   Ir-Regoli Finanzjarji għandhom jistabbilixxu l-arranġamenti l-oħra kollha relatati mal-baġit tas-CTAO ERIC, l-istandards kontabilistiċi u l-finanzi, inklużi r-regoli dwar it-tħejjija, il-preżentazzjoni, l-awditjar u l-pubblikazzjoni tal-kontijiet, u proċedura li tikkonċerna l-approvazzjoni tat-tranżazzjonijiet fuq il-valuri stabbiliti għall-awtorità tad-Direttur Ġenerali (l-Artikoli 26 (3), 27(2)).

1.   L-eżenzjonijiet mill-VAT ibbażati fuq l-Artikoli 143(1)(g) u 151 (1)(b) tad-Direttiva tal-Kunsill 2006/112/KE u f’konformità mal-Artikoli 50 u 51 tar-Regolament ta’ Implimentazzjoni tal-Kunsill (UE) Nru 282/2011, għandhom ikunu limitati għax-xiri ta’ oġġetti u servizzi mis-CTAO ERIC u mill-Membri tal-ERIC, kif definit fl-Artikolu 9(1) tar-Regolament tal-Kunsill (KE) Nru 723/2009 tal-25 ta’ Ġunju 2009 dwar il-qafas legali Komunitarju għal Konsorzju għal Infrastruttura Ewropea ta’ Riċerka (ERIC) li huma għall-użu uffiċjali u esklużiv mis-CTAO ERIC dment li tali xiri jsir biss għall-attivitajiet mhux ekonomiċi tas-CTAO ERIC f’konformità mal-attivitajiet tiegħu.

2.   L-eżenzjonijiet tal-VAT għandhom ikunu limitati għal xiri li jaqbeż il-valur ta’ EUR 300.

3.   L-eżenzjonijiet mid-Dazju tas-Sisa bbażati fuq l-Artikolu 11 tad-Direttiva tal-Kunsill 2020/262/UE (l-Artikolu 12 tad-Direttiva tal-Kunsill 2008/118/KE), għandhom ikunu limitati għal xiri mis-CTAO ERIC li huwa għall-użu uffiċjali u esklużiv mis-CTAO ERIC dment li tali xiri jsir biss għall-attivitajiet mhux ekonomiċi tas-CTAO ERIC f’konformità mal-attivitajiet tiegħu u li x-xiri jaqbeż il-valur ta’ EUR 300.

4.   Ix-xiri mill-membri tal-persunal tas-CTAO ERIC mhuwiex kopert mill-eżenzjonijiet.

1.   B’mod ġenerali, il-prinċipji ta’ Sors Miftuħ u ta’ Aċċess Miftuħ għandhom jiġu ppreferuti.

2.   Is-CTAO ERIC għandu jadotta l-Politika dwar id-Data tiegħu stess li tirrikonoxxi l-prinċipji FAIR (findability (traċċabbiltà), accessibility (aċċessibbiltà), interoperability (interoperabbiltà) u reusability (riutilizzabbiltà) (l-Artikolu 25(13)(o)).

3.   Id-data miġbura bħala riżultat tal-użu tas-CTAO għandha tkun proprjetà tas-CTAO ERIC. Is-CTAO ERIC se jipproċessa d-data mhux ipproċessata u se jirrilaxxa d-data f’forma xierqa għall-analiżi tal-Utent (Prodotti tad-Data tas-CTAO).

4.   L-aċċess għall-Prodotti tad-Data tas-CTAO għandu jkun miftuħ, mingħajr restrizzjonijiet u mingħajr ħlas. Il-Kunsill jista’ jiddefinixxi perjodu limitat li matulu Utent jista’ jingħata aċċess esklużiv għall-Prodotti tad-Data tas-CTAO li jirriżultaw mill-Ħin ta’ Osservazzjoni allokat lil dan l-Utent (il-Perjodu Proprjetarju).

5.   Is-CTAO ERIC għandu jipprovdi gwida lill-Utenti biex jiżgura li r-riċerka mwettqa bl-użu ta’ materjal magħmul aċċessibbli permezz tas-CTAO ERIC għandha titwettaq f’qafas li jirrikonoxxi d-drittijiet tas-sidien tad-data u l-privatezza tal-individwi.

6.   Is-CTAO ERIC għandu jiżgura li l-Utenti jaqblu mat-termini u l-kundizzjonijiet li jirregolaw l-aċċess u li jkun hemm fis-seħħ arranġamenti ta’ sigurtà xierqa fir-rigward tal-ħżin intern u t-trattament ta’ informazzjoni u data protetta.

7.   Is-CTAO ERIC għandu jiddefinixxi arranġamenti għall-investigazzjoni ta’ allegazzjonijiet ta’ ksur tas-sigurtà u divulgazzjonijiet tal-kunfidenzjalità fir-rigward tad-data tar-riċerka.

1.   Il-Kunsill għandu jistabbilixxi, skont l-Artikolu 25(13)(p), politika ġenerali dwar il-kundizzjonijiet li taħthom is-CTAO ERIC tista’ tidħol fi ftehimiet ma’ kwalunkwe persuna ġuridika. Ftehim ta’ dan it-tip għandu jispeċifika d-drittijiet u l-obbligi kollha tal-partijiet.

2.   Partijiet terzi li jimpenjaw ruħhom li jidħlu fi ftehim mas-CTAO ERIC qabel ma jiġi stabbilit u li jikkontribwixxu għall-kostruzzjoni tas-CTAO jista’ jkollhom il-kontribuzzjoni tagħhom elenkata fl-Anness A.

3.   Il-Partijiet Terzi ma għandux ikollhom drittijiet tal-vot fil-Kunsill.

1.   Is-CTAO ERIC għandu jipproduċi rapport annwali tal-attività, li jkun fih l-aspetti xjentifiċi, operazzjonali u finanzjarji tal-attivitajiet tiegħu. Ir-rapport għandu jkun approvat mill-Kunsill u jintbagħat lill-Kummissjoni u lill-awtoritajiet pubbliċi rilevanti fi żmien 6 xhur mit-tmiem tas-sena finanzjarja korrispondenti. Dan ir-rapport għandu jkun disponibbli għall-pubbliku.

2.   Is-CTAO ERIC għandu jinforma lill-Kummissjoni bi kwalunkwe ċirkostanza li thedded li tipperikola serjament il-kisba tal-kompiti tas-CTAO ERIC jew li tfixkel lis-CTAO ERIC milli tissodisfa r-rekwiżiti stabbiliti fir-Regolament (KE) Nru 723/2009.

1.   L-istabbiliment u l-funzjonament intern tas-CTAO ERIC għandhom ikunu rregolati minn:

2.   Xejn f’dawn l-Istatuti ma għandu jiġi interpretat bħala rinunzja ta’ kwalunkwe privileġġ jew immunità mogħtija lill-ESO mid-dokumenti kostitwenti tagħha jew mid-dritt internazzjonali. Dan huwa mingħajr preġudizzju għall-Artikolu 37 ta’ dawn l-Istatuti.

1.   Il-Qorti tal-Ġustizzja tal-Unjoni Ewropea għandu jkollha ġuriżdizzjoni fuq il-litigazzjoni fost il-Membri fir-rigward tas-CTAO ERIC, bejn il-Membri u s-CTAO ERIC u fuq kwalunkwe litigazzjoni li l-Unjoni hija parti għaliha.

2.   Il-leġiżlazzjoni tal-Unjoni Ewropea dwar il-ġuriżdizzjoni għandha tapplika għat-tilwim bejn is-CTAO ERIC u l-Partijiet Terzi. F’każijiet mhux koperti mil-leġiżlazzjoni tal-Unjoni Ewropea, il-liġi tal-Istat fejn is-CTAO ERIC għandha s-sede statutorja tagħha għandha tiddetermina l-ġuriżdizzjoni kompetenti għas-soluzzjoni ta’ tali tilwim.

1.   Ir-Repubblika Taljana għandha ssejjaħ laqgħa kostituzzjonali tal-Kunsill malajr kemm jista’ jkun iżda mhux aktar tard minn 45 jum kalendarju wara li tidħol fis-seħħ id-deċiżjoni tal-Kummissjoni li tistabbilixxi s-CTAO ERIC.

2.   Ir-Repubblika Taljana għandha tinnotifika lill-Membri Fundaturi bi kwalunkwe azzjoni legali urġenti speċifika li jeħtieġ li tittieħed f’isem is-CTAO ERIC qabel ma ssir il-laqgħa kostituzzjonali. Sakemm Membru Fundatur ma joġġezzjonax fi żmien 5 ijiem tax-xogħol wara li jiġi nnotifikat, l-azzjoni legali għandha titwettaq minn persuna debitament awtorizzata mir-Repubblika Taljana.

1.   Is-CTAO ERIC għandu jkollu tliet postijiet addizzjonali ta’ operat: is-Science Data Management Center (SDMC) li jinsab f’Zeuthen, il-Ġermanja, l-impjant tat-teleskopju tat-Tramuntana li jinsab fl-Observatorio del Roque de Los Muchachos f’La Palma, Spanja, u l-impjant tat-teleskopju tan-Nofsinhar li tinsab fl-Osservatorju Paranal La Silla fiċ-Ċilì.

2.   Il-lingwa ta’ ħidma tas-CTAO ERIC għandha tkun l-Ingliż.