1.   Introduzzjoni u Objettivi

Din is-sejħa għall-proposti hija msejsa fuq ir-Regolament (UE) Nru 2021/817 tal-Parlament Ewropew u tal-Kunsill tal-20 ta’ Mejju 2021 li jistabbilixxi “Erasmus+”: il-programm tal-Unjoni għall-edukazzjoni u taħriġ, żgħażagħ u sport (1) (minn hawn ’il quddiem “ir-Regolament Erasmus+”) kif ukoll fuq il-Programm ta’ Ħidma Annwali tal-2025 tal-Erasmus+ (C(2024) 7026). Il-Programm Erasmus+ ikopri l-perjodu mill-2021 sal-2027. L-objettivi ġenerali u speċifiċi tal-Programm Erasmus+ jinsabu fl-Artikolu 3 tar-Regolament Erasmus+.

2.   Azzjonijiet

Din is-sejħa għall-proposti tkopri dawn l-azzjonijiet tal-Programm Erasmus+:

Azzjoni Ewlenija 1 (KA1) — Mobbiltà tal-apprendiment tal-individwi:

—	Mobbiltà tal-individwi fl-oqsma tal-edukazzjoni, it-taħriġ u ż-żgħażagħ

—	Attivitajiet ta’ parteċipazzjoni taż-żgħażagħ

—	DiscoverEU – Azzjoni ta’ Inklużjoni

—	Skambji virtwali fl-edukazzjoni għolja u ż-żgħażagħ

—	Mobbiltà tal-persunal fil-qasam tal-isport

Azzjoni Ewlenija 2 (KA2) — Kooperazzjoni fost l-organizzazzjonijiet u l-istituzzjonijiet

—	Sħubijiet għall-Kooperazzjoni: — Sħubijiet ta’ Kooperazzjoni — Sħubijiet fuq Skala żgħira

—	Sħubijiiet għall-Eċċellenza: — Ċentri ta’ Eċċellenza Vokazzjonali — Akkademji tal-Għalliema tal-Erasmus+ — Azzjoni Erasmus Mundus

—	Sħubijiet għall-Innovazzjoni: — Alleanzi għall-innovazzjoni

—	Bini tal-kapaċità fil-qasam tal-edukazzjoni għolja, l-edukazzjoni u t-taħriġ vokazzjonali, iż-żgħażagħ u l-isport

—	Avvenimenti Sportivi Ewropej mingħajr Skop ta’ Qligħ

Azzjoni Ewlenija 3 (KA3) — Appoġġ għall-iżvilupp tal-politika u l-kooperazzjoni

—	Żgħażagħ Ewropej Flimkien

Azzjonijiet Jean Monnet:

—	Jean Monnet fil-qasam tal-edukazzjoni għolja

—	Jean Monnet f’oqsma oħra tal-edukazzjoni u tat-taħriġ

—	Dibattitu ta’ orjentazzjoni Jean Monnet

3.   Eliġibbiltà

Kull korp pubbliku jew privat li hu attiv fl-oqsma tal-edukazzjoni, it-taħriġ, iż-żgħażagħ u l-isport jista’ japplika għal finanzjament fil-Programm Erasmus+. Barra minn hekk, il-gruppi taż-żgħażagħ li huma attivi fil-ħidma fost iż-żgħażagħ, iżda mhux bilfors fil-kuntest ta’ organizzazzjoni taż-żgħażagħ, jistgħu japplikaw għal finanzjament għall-mobbiltà tal-apprendiment taż-żgħażagħ u tal-persuni li jaħdmu maż-żgħażagħ, l-attivitajiet tal-parteċipazzjoni taż-żgħażagħ u l-Azzjoni ta’ Inklużjoni ta’ DiscoverEU.

Dawn il-pajjiżi li ġejjin jistgħu jieħdu sehem bis-sħiħ fl-azzjonijiet kollha tal-Programm Erasmus+ (2):

—	is-27 Stat Membru tal-Unjoni Ewropea u l-pajjiżi u t-territorji ekstra-Ewropej,

—	il-pajjiżi terzi assoċjati mal-Programm: — il-pajjiżi tal-EFTA/ŻEE: l-Iżlanda, il-Liechtenstein u n-Norveġja, — il-pajjiżi kandidati tal-UE: ir-Repubblika tat-Turkija, ir-Repubblika tal-Maċedonja ta’ Fuq u r-Repubblika tas-Serbja (3).

Barra minn hekk, ċerti azzjonijiet tal-Programm Erasmus+ huma miftuħa għal organizzazzjonijiet minn pajjiżi terzi mhux assoċjati mal-Programm.

Jekk jogħġbok ara l-Gwida tal-Programm Erasmus+ tal-2025 għal aktar dettalji dwar il-modalitajiet tal-parteċipazzjoni.

4.   Baġit u durata tal-proġetti

L-istima tal-baġit totali allokat għal din is-sejħa għall-proposti hija stmata għal EUR 4 420,803 miljun:

Edukazzjoni u Taħriġ (inkluż l-Azzjonijiet Jean Monnet):	EUR 3 965,233 miljun
Żgħażagħ:	EUR 379,280 miljun
Sport:	EUR 76,290 miljun

Il-baġit totali allokat għas-sejħa għall-proposti, kif ukoll it-tqassim tiegħu huma indikati fil-Programm ta’ Ħidma Annwali tal-2025 tal-Erasmus+ li ġie adottat fil-11 ta’ Ottubru 2024, u jista’ jiġi mmodifikat soġġett għal emenda tal-Programm ta’ Ħidma Annwali tal-Erasmus+. L-applikanti potenzjali huma mistiedna jikkonsultaw regolarment il-Programm ta’ Ħidma Annwali tal-Erasmus + u l-emendi tiegħu, ippubblikati fuq:

https://ec.europa.eu/programmes/erasmus-plus/resources/documents/annual-work-programmes_mt

L-għotjiet mogħtija kif ukoll id-durata tal-proġetti jvarjaw skont il-fatturi bħalma huma t-tip ta’ proġett, it-tip ta’ applikanti eliġibbli u l-għadd ta’ sħab involuti.

Il-benefiċjarji jistgħu jiddikjaraw il-kostijiet tax-xogħol imwettaq minn voluntiera fl-ambitu ta’ azzjoni abbażi tal-kostijiet unitarji awtorizzati u definiti fid-Deċiżjoni tal-Kummissjoni (2019) 2646. Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar l-eliġibbiltà tal-kostijiet tal-voluntiera.

5.   Skadenza għas-sottomissjoni tal-applikazzjonijiet

L-iskadenzi għas-sottomissjoni tal-applikazzjonijiet speċifikati hawn taħt kollha jirreferu għall-ħin ta’ Brussell.

Azzjoni Ewlenija 1
Mobbiltà tal-individwi fil-qasam tal-edukazzjoni għolja	19 ta’ Frar 2025 f’12:00
Mobbiltà tal-individwi fl-oqsma tal-VET, tal-edukazzjoni skolastika u tal-edukazzjoni għall-adulti	19 ta’ Frar 2025 f’12:00
Mobbiltà tal-persunal fil-qasam tal-isport	12 ta’ Frar 2025 f’12:00
Mobbiltà internazzjonali li tinvolvi pajjiżi terzi mhux assoċjati mal-programm	19 ta’ Frar 2025 f’12:00
Akkreditazzjonijiet tal-Erasmus fil-VET, fl-edukazzjoni skolastika u fl-edukazzjoni għall-adulti	1 ta’ Ottubru 2025 f’12:00
Akkreditazzjonijiet tal-Erasmus fil-qasam taż-żgħażagħ	1 ta’ Ottubru 2025 f’12:00
Mobbiltà tal-individwi fil-qasam taż-żgħażagħ	12 ta’ Frar 2025 f’12:00
Mobbiltà tal-individwi fil-qasam taż-żgħażagħ	1 ta’ Ottubru 2025 f’12:00
Azzjoni ta’ Inklużjoni ta’ DiscoverEU	12 ta’ Frar 2025 f’12:00
Skambju Virtwali Erasmus+	29 ta’ April 2025 fil-17:00

Azzjoni Ewlenija 2
Sħubijiet ta’ kooperazzjoni fl-oqsma tal-edukazzjoni, it-taħriġ u ż-żgħażagħ, ħlief dawk sottomessi mill-NGOs Ewropej	5 ta’ Marzu 2025 f’12:00
Sħubijiet ta’ kooperazzjoni fl-oqsma tal-edukazzjoni, it-taħriġ u ż-żgħażagħ sottomessi mill-NGOs Ewropej	5 ta’ Marzu 2025 fil-17:00
Sħubijiet ta’ kooperazzjoni fil-qasam tal-isport	5 ta’ Marzu 2025 fil-17:00
Sħubijiet fuq skala żgħira fl-oqsma tal-edukazzjoni skolastika, l-edukazzjoni u t-taħriġ vokazzjonali, l-edukazzjoni għall-adulti u ż-żgħażagħ	5 ta’ Marzu 2025 f’12:00
Sħubijiet fuq skala żgħira fil-qasam tal-isport	5 ta’ Marzu 2025 fil-17:00
Ċentri ta’ Eċċellenza Vokazzjonali	11 ta’ Ġunju 2025 fil-17:00
Akkademji tal-Għalliema tal-Erasmus+	26 ta’ Marzu 2025 fil-17:00
Azzjoni Erasmus Mundus	13 ta’ Frar 2025 fil-17:00
Alleanzi għall-Innovazzjoni	6 ta’ Marzu 2025 fil-17:00
Bini tal-kapaċitajiet fil-qasam tal-Edukazzjoni Għolja	6 ta’ Frar 2025 fil-17:00
Bini tal-kapaċitajiet fil-qasam tal-Edukazzjoni u t-Taħriġ Vokazzjonali	27 ta’ Frar 2025 fil-17:00
Bini tal-kapaċitajiet fil-qasam taż-Żgħażagħ	6 ta’ Marzu 2025 fil-17:00
Bini tal-kapaċitajiet fil-qasam tal-Isport	5 ta’ Marzu 2025 fil-17:00
Avvenimenti Sportivi Ewropej mingħajr Skop ta’ Qligħ	5 ta’ Marzu 2025 fil-17:00

Azzjoni Ewlenija 3
Żgħażagħ Ewropej Flimkien	6 ta’ Marzu 2025 fil-17:00

Networks u Azzjonijiet Jean Monnet

12 ta’ Frar 2025 fil-17:00

Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar is-sottomissjoni tal-applikazzjonijiet.

6.   Informazzjoni fid-dettall

Ara l-kundizzjonijiet ta’ din is-sejħa għall-proposti fid-dettall, inklużi l-prijoritajiet, fil-Gwida tal-Programm Erasmus+ tal-2025 fl-indirizz tal-internet li ġej:

https://erasmus-plus.ec.europa.eu/mt/erasmus-programme-guide

Il-Gwida tal-Programm Erasmus+ tifforma parti integrali minn din is-sejħa għall-proposti u l-kundizzjonijiet għall-parteċipazzjoni u l-finanzjament li jissemmew fiha japplikaw bis-sħiħ għal din is-sejħa.

---

(1)   ĠU L 189, 28.5.2021, p. 1.

(2)  L-attivitajiet Jean Monnet huma miftuħa għal organizzazzjonijiet minn madwar id-dinja kollha.

(3)  Soġġett għall-iffirmar tal-Ftehimiet ta’ Assoċjazzjoni bilaterali.