Sentenza tal-Qorti Ġenerali tat-2 ta’ Ottubru 2024 – XH vs Il-Kummissjoni

(Kawża T-11/23)  (1)

(Servizz pubbliku - Uffiċjali - Promozzjoni - Proċedura ta’ promozzjoni 2017 - Deċiżjoni li r-rikorrenti ma tiġix promossa għall-Grad AD 6 - Artikolu 45 tar-Regolamenti tal-Persunal - Implimentazzjoni ta’ sentenza tal-Qorti Ġenerali - Dritt għal smigħ - Obbligu ta’ motivazzjoni - Prinċipju ta’ imparzjalità - Żball manifest ta’ evalwazzjoni)

(C/2024/6937)

Lingwa tal-kawża: l-Ingliż

Partijiet

Rikorrent: XH (rappreżentant: K. Górny, avukata)

Konvenut: Il-Kummissjoni Ewropea (rappreżentanti: L. Hohenecker, A. Sauka u L. Vernier, aġenti)

Suġġett

Permezz tar-rikors tagħha bbażat fuq l-Artikolu 270 TFUE, ir-rikorrenti titlob, essenzjalment, minn naħa, l-annullament tad-Deċiżjoni tal-Uffiċċju Ewropew ta’ Kontra l-Frodi (OLAF) tal-31 ta’ Mejju 2022 li permezz tagħha isimha ma ġiex inkluż fil-lista tal-uffiċjali promossi għall-Grad AD 6 taħt il-proċedura ta’ promozzjoni 2017 kif ippubblikata fl-Informazzjoni Amministrattiva Nru 25-2017 tat-13 ta’ Novembru 2017 u, min-naħa l-oħra, kumpens għad-dannu li hija allegatament ġarrbet.

Dispożittiv

1)	Ir-rikors huwa miċħud.

2)	XH hija kkundannata għall-ispejjeż.

---

(1)   ĠU C 223, 26.6.2023.