1.   

Fit-28 ta’ Ottubru 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Africa Global Logistics SAS (“AGL”, Franza), ikkontrollata minn MSC Mediterranean Shipping Company Holding SA (“MSC”, l-Iżvizzera),

—	Toyota Tsusho Corporation (“TTC”, il-Ġappun),

—	PT Samudera Pelabuhan Indonesia (l-Indoneżja), ikkontrollata minn PT Samudera Indonesia Tbk (“Samudera”, l-Indoneżja).

AGL, TTC u Samudera, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, se jiksbu l-kontroll konġunt ta’ PT Patimban Global Gateway Terminal (“PT Patimban”, l-Indoneżja)..

Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi impriża bi sħab.

L-istess konċentrazzjoni diġà kienet ġiet innotifikata lill-Kummissjoni fis-26 ta’ Settembru 2024, iżda n-notifika ġiet sussegwentement irtirata fit-2 ta’ Ottubru 2024.

2.   

L-attivitajiet kummerċjali tal-impriżi kkonċernati huma dawn li ġejjin:

—

AGL: trasport, servizzi loġistiċi, konċessjonijiet tat-terminals tal-portijiet u infrastruttura ferrovjarja prinċipalment fil-kontinent Afrikan. MSC hija attiva madwar id-dinja kollha fit-trasport bil-baħar ta’ merkanzija fil-kontejners, l-immaniġġjar fil-portijiet, is-servizzi loġistiċi, is-setturi tal-kruċieri u tal-laneċ,

—	TTC: kumpanija kummerċjali li topera globalment f’diversi setturi, bħal metalli, partijiet u loġistika, karozzi, makkinarju, enerġija, sustanzi kimiċi u elettronika,

—	Samudera: servizzi tat-trasport marittimu, servizzi ta’ operat tal-portijiet u soluzzjonijiet loġistiċi prinċipalment fl-Asja.

3.   

L-attivitajiet kummerċjali tal-impriża PT Patimban se jkunu dawn li ġejjin: l-operat u l-ġestjoni ta’ terminal tal-kontejners fil-port ta’ Patimban, l-Indoneżja.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11754 – MSC / TTC / SAMUDERA / JV

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË