1.   

Fl-24 ta’ Ottubru 2024, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	Cinven Capital Management (VII) General Partner Limited (ir-Renju Unit), li hija tal-gurpp Cinven group (“Cinven”),

—	Allegro Invest SE (“AISE”) (il-Ġermanja),

—	Fressnapf Holding SE (“Fressnapf”) (il-Ġermanja), ikkontrollata biss minn AISE.

Cinven u AISE se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Fressnapf.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma dawn li ġejjin:

—	Cinven hija ditta ta’ ekwità privata impenjata fil-provvediment ta’ ġestjoni tal-investiment u servizzi ta’ konsulenza dwar l-investiment. Il-kumpaniji tal-portafoll ta’ Cinven huma attivi f’varjetà ta’ setturi, inklużi l-manifattura u l-provvista tal-ikel għall-annimali domestiċi.

—	AISE hija veikolu ta’ investiment b’kumpaniji tal-portafoll attivi fil-bejgħ bl-imnut ta’ ikel u aċċessorji għall-annimali domestiċi.

3.   

Fressnapf hija attiva fil-provvista ta’ prodotti għall-kura tal-annimali domestiċi inkluż ikel u aċċessorji għall-annimali domestiċi, provvisti għall-annimali domestiċi u żooloġiċi, fil-livell ta’ bejgħ bl-imnut permezz ta’ madwar 2 100 ħanut li jinsabu f’14-il pajjiż madwar l-Ewropa.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart (10) ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M. 11706 - CINVEN / AISE / FRESSNAPF

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË