1.   

Fis-17 ta’ Ottubru 2024, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	CD &R Fund XII (l-Istati Uniti), ikkontrollata minn Clayton, Dubilier & Rice, LLC (“CD &R”, l-Istati Uniti),

—	Permira Holdings Limited (“Permira”, Guernsey),

—	Exclusive Networks S.A. (“Exclusive Networks”, Franza).

CD&R u Permira se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Exclusive Networks.

Il-konċentrazzjoni titwettaq permezz ta’ offerta pubblika mħabbra fl-24 ta’ Lulju 2024.

2.   

L-attivitajiet kummerċjali tal-impriżi kkonċernati huma dawn li ġejjin:

—	CD&R hija ditta ta’ investiment ta’ ekwità privata li toriġina, tistruttura u li ta’ spiss taġixxi bħala investitur ewlieni ta’ ekwità f’akkwiżizzjonijiet mill-maniġment, investimenti strateġiċi ta’ ekwità minoritarji u investimenti strateġiċi oħra,

—	Permira hija negozju ta’ ekwità privata involuta fil-forniment ta’ servizzi ta’ mmaniġġjar ta’ portafolji lil għadd ta’ fondi ta’ investiment.

3.   

L-attivitajiet kummerċjali ta’ Exclusive Networks huma dawn li ġejjin: id-distribuzzjoni bl-ingrossa ta’ prodotti u soluzzjonijiet tal-IT, inklużi prodotti u soluzzjonijiet relatati mas-sigurtà bħaċ-ċibersigurtà.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ koċentrazzjonijiet bejn l-impriżi (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart (10) ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11676 – CD&R / PERMIRA / EXCLUSIVE NETWORKS

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË