1.   

Fl-4 ta’ Ottubru 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	KKR & Co. Inc. (flimkien mas-sussidjarji tagħha “KKR”, l-Istati Uniti tal-Amerka),

—	The Baupost Group, L.L.C. (“Baupost”, l-Istati Uniti tal-Amerka)

—	37 entitajiet li għandhom portafoll ta’ lukanda ta’ 33 assi bbażat fir-Renju Unit li joperaw taħt l-affiljazzjonijiet tal-marka “Marriott” u “Delta by Marriott” (“l-Impriża fil-mira”, 36 minnhom huma inkorporati fil-Gżejjer Verġni Brittaniċi, u li waħda minnhom hija inkorporata fir-Renju Unit).

KKR u Baupost se jakkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-intier tal-Impriża fil-mira.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma dawn li ġejjin:

—	KKR hija ditta tal-investiment globali li toffri ġestjoni tal-assi alternattivi kif ukoll soluzzjonijiet għas-swieq finanzjarji u tal-assikurazzjoni,

—	Baupost huwa maniġer tal-investiment globali li jinvesti f’firxa wiesgħa ta’ klassijiet ta’ assi, inklużi parteċipazzjonijiet sinifikanti f’investimenti ta’ dejn u ekwità nnegozjati pubblikament, kreditu privat, ekwità privata u investimenti fil-proprjetà immobbli.

3.   

L-impriża fil-mira tirreferi għal grupp ta’ 37 entità li għandhom portafoll ta’ lukanda ta’ 33 assi li joperaw taħt il-marki “Marriott” u “Delta by Marriott”.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ koċentrazzjonijiet bejn l-impriżi (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart (10) ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11763 – KKR / BAUPOST / MARRIOTT ASSETS

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Indirizz postali:

Il-Kummissjoni Ewropea

Id-Direttorat Ġenerali għall-Kompetizzjoni

Ir-Reġistru tal-Fużjonijiet

1049 Bruxelles/Brussel

BELGIQUE/BELGIË