Avviż minn qabel ta’ konċentrazzjoni

(Kawża M.11568 – VTTI / SNAM / ALNG)

(Test b'rilevanza għaż-ŻEE)

(C/2024/6124)

Fis-27 ta’ Settembru 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	VTTI B.V. (“VTTI”, in-Netherlands). VTTI hija kkontrollata b’mod konġunt minn Vitol Holding II S.A. (“Vitol”, in-Netherlands) u IFM Investors Pty Ltd, fil-kapaċità tagħha bħala konsulent għall-Fond tal-Infrastruttura Globali tal-IFM, (“IFM”, l-Awstralja),

—	Snam S.p.A. (“Snam”, l-Italja),

—	Terminale GNL Adriatico S.r.l. (“ALNG”, l-Italja).

VTTI u Snam se jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ ALNG.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma dawn li ġejjin:

—

VTTI tippossjedi, tiġġestixxi, topera, u tiżviluppa assi tal-infrastruttura tal-enerġija fid-dinja kollha, b’mod partikolari ta’ terminals għall-ħżin tal-enerġija għal prodotti petrokimiċi u żjut veġetali fil-portijiet. In-negozju primarju ta’ Vitol huwa fil-kummerċ u d-distribuzzjoni ta’ prodotti tal-enerġija globalment (inklużi ż-żejt, il-gass u l-enerġija), u IFM hija maniġer tal-investiment globali, b’assi mmaniġġjati fl-infrastruttura, ekwitajiet elenkati, kapital privat u investimenti ta’ dejn,

—	Snam hija l-operatur tal-operatur ewlieni tas-sistema ta’ trażmissjoni tal-gass fl-Italja, u hija attiva wkoll fit-trażmissjoni tal-gass, fir-rigassifikazzjoni u fil-ħżin tal-enerġija f’diversi pajjiżi, u

—	ALNG tipprovdi servizzi ta’ rigassifikazzjoni tal-gass naturali likwifikat (“LNG”) (inklużi servizzi ta’ tagħbija, ħżin, flessibbiltà, kejl u servizzi tal-baħar) fit-terminal tar-rigassifikazzjoni tal-LNG li jinsab fil-Baħar Adrijatiku fil-provinċja ta’ Rovigo.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11568 – VTTI / SNAM / ALNG

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).