Sentenza tal-Qorti Ġenerali tal-4 ta’ Settembru 2024 – Galenica vs EUIPO – EvivaMed Distribution (VIVORA)

(Kawża T-373/23)  (1)

(Trade mark tal-Unjoni Ewropea - Proċedimenti ta’ oppożizzjoni - Applikazzjoni għat-trade mark tal-Unjoni Ewropea verbali VIVORA - Trade mark verbali preċedenti VERFORA - Rifjut parzjali tal-oppożizzjoni - Raġuni relattiva għal rifjut - Probabbiltà ta’ konfużjoni - Interdipendenza - Artikolu 8(1)(b) tar-Regolament (UE) 2017/1001 - Obbligu ta’ motivazzjoni - L-ewwel sentenza tal-Artikolu 94(1) tar-Regolament 2017/1001)

(C/2024/6094)

Lingwa tal-kawża: il-Ġermaniż

Partijiet

Rikorrent: Galenica AG (Bern, l-Isvizzera) (rappreżentanti: C. Tenkhoff, u T. Herzog, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: M. Eberl, aġent)

Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: EvivaMed Distribution GmbH (Wenzenbach, il-Ġermanja) (rappreżentant: K. Landes, avukat)

Suġġett

Permezz tar-rikors tagħha bbażat fuq l-Artikolu 263 TFUE, ir-rikorrenti titlob l-annullament parzjali u l-bidla tad-deċiżjoni tal-Ewwel Bord tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO) tas-26 ta’ April 2023 (Każ R 1556/2022-1).

Dispożittiv

1)	Ir-rikors huwa miċħud.

2)	Galenica AG għandha tbati l-ispejjeż rispettivi tagħha kif ukoll dawk sostnuti minn EvivaMed Distribution GmbH.

3)	L-Uffiċċju tal-Proprjetà Intellettwali tal-Unjoni Ewropea (EUIPO) għandu jbati l-ispejjeż rispettivi tiegħu.

---

(1)   ĠU C 296, 21.8.2023.