1.   

Fis-27 ta’ Settembru 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Sonoco Products Company (“Sonoco”, l-Istati Uniti),

—	Eviosys Group (“Eviosys”, l-Iżvizzera).

Sonoco se takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-intier ta’ Eviosys.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma dawn li ġejjin:

—

Sonoco hija manifattur globali ta’ prodotti tal-imballaġġ industrijali u għall-konsumatur, inklużi b’mod partikolari laned komposti u kontenituri tal-karta riġidi. Fl-Ewropa, hija attiva l-aktar fil-plastik għall-konsumatur u industrijali, fil-bottijiet komposti (ibbażati fuq il-karti) u, sa ċertu punt, għotjien ta’ bottijiet tal-metall awtonomi,

—

L-attivitajiet ta’ Eviosys jaqsmu s-soluzzjonijiet tal-imballaġġ tal-ikel tal-metall, l-għeluq, id-disinji promozzjonali tal-imballaġġ tal-metall, u l-laned tal-aerosol bi pjanċi żgħar. Fl-Ewropa, hija attiva fl-imballaġġ għall-ikel u l-bottijiet promozzjonali, l-għotjien ta’ bottijiet awtonomi, u l-aerosols.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11637 – SONOCO / EVIOSYS

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË