1)

L-Artikolu 2(1) tar-Regolament tal-Kunsill (UE) Nru 269/2014 tas-17 ta’ Marzu 2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukraina (1), jipprekludi interpretazzjoni li tgħid li, fil-preżenza ta’ assi jew ta’ riżorsi mogħtija fi trust diskrezzjonali (li l-benefiċjarju tagħha huwa elenkat fl-Anness I tal-imsemmi regolament), l-imsemmija assi u/jew riżorsi għandhom madankollu jitqiesu bħala “li jappartjenu” lill-benefiċjarju tat-trust, minkejja li l-liġi nazzjonali applikabbli għat-trust (jew anki klawżola ta’ salvagwardja kuntrattwali inkluża fl-att ta’ kostituzzjoni tat-trust) tipprojbixxi espressament lill-benefiċjarju milli jwettaq kwalunkwe att ta’ tgawdija u ta’ disponiment tal-assi jew tar-riżorsi mogħtija għat-trust għat-tul tal-perijodu kollu li fih ikun inkluż fil-lista li tinsab fl-Anness I tar-Regolament Nru 269/2014, jew fi kwalunkwe każ għall-perijodu kollu li fih it-tgawdija jew id-disponiment tal-imsemmija assi jew riżorsi jikkostitwixxu ksur tad-dritt tal-Unjoni?

2)

F’każ ta’ risposta affermattiva għall-ewwel domanda, l-Artikolu 2(1) tar-Regolament Nru 269/2014 jipprekludi interpretazzjoni li tgħid li, fil-preżenza ta’ assi jew ta’ riżorsi mogħtija fi trust diskrezzjonali (li l-benefiċjarju tiegħu huwa elenkat fil-lista li tinsab fl-Anness I tal-imsemmi regolament), l-imsemmija assi u/jew riżorsi għandhom madankollu jitqiesu bħala “kkontrollati” mill-benefiċjarju tat-trust, minkejja li l-liġi nazzjonali applikabbli għat-trust (jew anki klawżola ta’ salvagwardja kuntrattwali inkluża fl-att ta’ kostituzzjoni tat-trust) tipprojbixxi espressament lill-benefiċjarju milli jwettaq kwalunkwe att ta’ tgawdija u ta’ disponiment tal-assi jew tar-riżorsi mogħtija għat-trust għat-tul tal-perijodu kollu li fih ikun inkluż fil-lista li tinsab fl-Anness I tar-Regolament Nru 269/2014, jew fi kwalunkwe każ għall-perijodu kollu li fih it-tgawdija jew id-disponiment tal-imsemmija assi jew riżorsi jikkostitwixxu ksur tad-dritt tal-Unjoni?