Notifika minn qabel ta’ konċentrazzjoni

(Każ M.11609 — KKR / IMPILO / IMMEDICA)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2024/4990)

Fit-30 ta’ Lulju 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Poseidon Bidco AB (“Bidco”, l-Iżvezja), ikkontrollata minn KKR & ampCo. Inc. (“KKR”, l-Istati Uniti),

—	Impilo AB (“Impilo”, l-Iżvezja),

—	Immedica Pharma Holding AB (“Immedica Pharma AB”, l-Iżvezja).

KKR u Impilo se jakkwistaw fis-sens tal-Artikoli 3(1)(b) u 3(4) tar-Regolament dwar l-Għaqdiet, il-kontroll konġunt ta’ Immedica Pharma AB kollha kemm hi.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma dawn li ġejjin:

—	KKR, li għandha l-kwartieri ġenerali fl-Istati Uniti, hija ditta tal-investiment globali li toffri l-ġestjoni tal-assi alternattivi kif ukoll soluzzjonijiet għas-swieq finanzjarji u tal-assikurazzjoni,

—	Impilo, li għandha l-kwartieri ġenerali fl-Iżvezja, hija kumpanija ta’ investiment Nordika b’enfasi unika fuq investimenti f’kumpaniji li joperaw fl-industriji farmaċewtiċi, teknoloġija medika, servizzi farmaċewtiċi speċjalizzati jew servizzi oħra tal-kura tas-saħħa u servizzi relatati.

—	Immedica Pharma AB, li għandha l-kwartieri ġenerali fl-Iżvezja, hija kumpanija farmaċewtika ffukata fuq il-kummerċjalizzazzjoni ta’ mediċini għal mard rari u prodotti għall-kura ta’ speċjalità. Immedica Pharma AB bħalissa hija kkontrollata biss minn Impilo.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11609 — KKR / IMPILO / IMMEDICA

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Indirizz tal-posta elettronika: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.