1)

L-Artikolu 5(1) tad-Direttiva 2014/104/UE tal-Parlament Ewropew u tal-Kunsill tas-26 ta’ Novembru 2014 dwar ċerti regoli li jirregolaw l-azzjonijiet għad-danni skont il-liġi nazzjonali għall-ksur tad-dispożizzjonijiet tal-liġi tal-kompetizzjoni tal-Istati Membri u tal-Unjoni Ewropea (1), huwa applikabbli għal azzjoni intiża li jinkiseb l-aċċess għal provi qabel tittieħed azzjoni għad-danni fis-sens tal-punt 4 tal-Artikolu 2 tal-imsemmija direttiva?

Fil-każ ta’ risposta fl-affermattiv għad-domanda preliminari preċedenti:

2)

Ir-rekwiżit ta’ plawżibbiltà tad-dannu li jirriżulta mill-Artikolu 5(1) tad-Direttiva 2014/104/UE [...] dejjem jimponi l-obbligu fuq ir-rikorrent li juri li, fis-sitwazzjoni inkwistjoni, huwa iktar probabbli li l-konsumaturi rrappreżentati, f’dan il-każ dawk residenti l-Portugall, ġarrbu dannu milli l-kuntrarju?

3)

Il-qrati nazzjonali jistgħu jibbażaw l-osservanza tal-kriterju tal-plawżibbiltà tad-dannu, skont l-Artikolu 5(1) tad-Direttiva 2014/104/UE [...], fuq is-sempliċi eżistenza ta’ deċiżjoni tal-awtoritajiet ta’ kompetizzjoni kompetenti? B’mod partikolari, għall-finijiet ta’ tali analiżi, x’effett għandu l-fatt li d-deċiżjoni inkwistjoni ngħatat fil-kuntest ta’ proċeduri għar-riżoluzzjoni, dwar ksur vertikali minħabba l-għan tad-dritt Ewropew tal-kompetizzjoni?