Il-Ġurnal Uffiċjali |
MT Is-serje C |
C/2024/4484 |
22.7.2024 |
Rikors ippreżentat fit-3 ta’ Ġunju 2024 – Brasserie Nationale u Munhowen vs Il-Kummissjoni
(Kawża T-289/24)
(C/2024/4484)
Lingwa tal-kawża: il-Franċiż
Partijiet
Rikorrenti: Brasserie Nationale (ex Brasseries Funck-Bricher u Bofferding) (Bascharage, il-Lussemburgu), Munhowen SA (Ehlerange, il-Lussemburgu) (rappreżentanti: J.-L. Schiltz u G. Parleani, avukati)
Konvenut: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
— |
tiddikjara ammissibbli dan ir-rikors dirett imressaq kontra d-deċiżjoni tal-Kummissjoni Ewropea tal-14 ta’ Marzu 2024 fil-kawża Munhowen-Brasserie Nationale vs Boissons Heintz, Nru C (2024) 1788 final, |
— |
tannulla fl-intier tagħha d-deċiżjoni tal-Kummissjoni Ewropea tal-14 ta’ Marzu 2024, fil-kawża Munhowen-Brasserie Nationale vs Boissons Heintz, Nru C (2024) 1788 finali, bil-konsegwenzi legali kollha. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw tmien motivi.
1. |
L-ewwel motiv ibbażat fuq ksur tas-sistema tal-lingwi li tivvizzja l-proċedura ab initio. |
2. |
It-tieni motiv ibbażat fuq nuqqas ta’ konformità mal-ewwel terminu previst fl-Artikolu 22 tar-Regolament tal-Kunsill (KE) Nru°139/2004 tal-20 ta’ Jannar 2004 dwar il-kontroll ta’ konċentrazzjonijiet bejn impriżi. |
3. |
It-tielet motiv ibbażat fuq il-ksur tal-Artikolu 22(2), tar-Regolament Nru°139/2004 minħabba l-għoti tardiv ta’ informazzjoni lill-impriżi kkonċernati. |
4. |
Ir-raba’ motiv ibbażat fuq il-ksur tat-termini proċedurali tal-Artikolu 22 tar-Regolament Nru°139/2004 minħabba komunikazzjoni tardiva tad-deċiżjoni– ukoll lill-impriżi kkonċernati. |
5. |
Il-ħames motiv ibbażat fuq il-ksur tal-prinċipji ta’ drittijiet tad-difiża, ta’ opportunitajiet ugwali għall-partijiet, tal-lealtà tal-proċedura u tal-aspettativi leġittimi. |
6. |
Is-sitt motiv ibbażat fuq l-assenza ta’ analiżi plawżibbli tal-effett fuq il-kummerċ bejn l-Istati Membri. |
7. |
Is-seba’ motiv ibbażat fuq l-assenza ta’ analiżi plawżibbli ta’ theddida ta’ distorsjoni sinjifikattiva tal-kompetizzjoni. Fit-territorju tal-Lussemburgu. |
8. |
It-tmien motiv ibbażat fuq il-fatt li l-Kummissjoni kienet żbaljata meta aċċettat ir-rinviju minħabba n-nuqqas ta’ sistema ta’ kontroll tal-konċentrazzjonijiet fil-livell nazzjonali. |
ELI: http://data.europa.eu/eli/C/2024/4484/oj
ISSN 1977-0987 (electronic edition)