1.   

Fis-27 ta’ Ġunju 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Medlog S.A. (“Medlog”, l-Iżvizzera), li tappartjeni lil MSC Group (l-Iżvizzera),

—	Henri Essers En Zonen Internationaal Transport NV (“Essers”, il-Belġju),

—	J.M. Recycling NV (“Machiels”, il-Belġju).

Medlog, Essers u Machiels se jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt fuq Port of Limburg NV (“POLIM”, il-Belġju).

Il-konċentrazzjoni qed titwettaq bix-xiri ta’ ishma.

2.   

L-attivitajiet kummerċjali tal-impriżi kkonċernati huma dawn li ġejjin:

—

Medlog hija attiva fil-forniment ta’ soluzzjonijiet ta’ trasport multimodali u soluzzjonijiet ta’ ħżin intern għall-klijenti tal-industriji kollha f’aktar minn 80 pajjiż. MSC Group hija attiva fis-settur tat-trasport u tal-loġistika, primarjament fin-negozju tat-tbaħħir tal-linji tal-oċean, kif ukoll fis-servizzi tat-terminals tal-kontejners fiż-ŻEE,

—	Essers tipprovdi soluzzjonijiet ta’ trasport u loġistika fi 18-il pajjiż fl-Ewropa tal-Punent u tal-Lvant,

—	Machls hija fornitur globali ta’ enerġija rinnovabbli, servizzi ambjentali, u żviluppatur tal-proprjetà immobbli.

3.   

L-attivitajiet kummerċjali ta’ POLIM huma dawn li ġejjin: POLIM ġiet stabbilita bl-għan li tiżviluppa u topera terminal tal-kontejners interni tul il-Kanal ta’ Albert f’Genk, il-Belġju u hija mistennija li tkun operattiva sal-ewwel Trimestru ta’ Jannar 2025.

4.   

Wara eżami preliminari, il-Kummissjoni jidhrilha li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll tal-konċentrazzjonijiet bejn l-impriżi (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart (10) ijiem wara d-data ta’ din il-pubblikazzjoni. Ir-referenza li ġejja jenħtieġ li tiġi speċifikata dejjem:

M.11513 – MSC / ESSERS / MACHIELS / PORT OF LIMBURG

L-osservazzjonijiet jistgħu jintbagħtu lill-Kummissjoni permezz ta’ email jew bil-posta. Uża dawn id-dettalji tal-kuntatt:

Email: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË