![]() |
Il-Ġurnal Uffiċjali |
MT Is-serje C |
C/2024/4293 |
15.7.2024 |
Sentenza tal-Qorti tal-Ġustizzja (It-Tieni Awla) tat-30 ta’ Mejju 2024 (talba għal deċiżjoni preliminari tat-Tribunale Amministrativo Regionale per il Lazio – l-Italja) – Expedia Inc. vs Autorità per le Garanzie nelle Comunicazioni
(Kawża C-663/22, Expedia) (1)
(Rinviju għal deċiżjoni preliminari - Regolament (UE) 2019/1150 - Artikoli 1, 15, 16 u 18 - Għan - Applikazzjoni - Kontroll - Eżami mill-ġdid - Miżuri adottati minn Stat Membru - Obbligu li tiġi pprovduta informazzjoni dwar is-sitwazzjoni ekonomika ta’ fornitur ta’ servizzi ta’ intermedjazzjoni online)
(C/2024/4293)
Lingwa tal-kawża: it-Taljan
Qorti tar-rinviju
Tribunale Amministrativo Regionale per il Lazio
Partijiet fil-kawża prinċipali
Rikorrent: Expedia Inc.
Konvenut: Autorità per le Garanzie nelle Comunicazioni
Dispożittiv
Ir-Regolament (UE) 2019/1150 tal-Parlament Ewropew u tal-Kunsill tal-20 ta’ Ġunju 2019 dwar il-promozzjoni tal-korrettezza u tat-trasparenza għall-utenti kummerċjali tas-servizzi tal-intermedjazzjoni online,
għandu jiġi interpretat fis-sens li:
ma jiġġustifikax, fid-dawl tal-applikazzjoni adegwata u effettiva ta’ dan ir-regolament, l-adozzjoni minn Stat Membru ta’ miżuri li abbażi tagħhom, taħt piena ta’ sanzjonijiet, il-fornituri ta’ servizzi ta’ intermedjazzjoni online huma suġġetti, sabiex jipprovdu s-servizzi tagħhom f’dan l-Istat Membru, għall-obbligu li jibagħtu perjodikament lil awtorità ta’ dan tal-aħħar dokument dwar is-sitwazzjoni ekonomika tagħhom, li fih għandha tiġi ddettaljata ħafna informazzjoni dwar b’mod partikolari d-dħul li għandhom dawn il-fornituri.
ELI: http://data.europa.eu/eli/C/2024/4293/oj
ISSN 1977-0987 (electronic edition)