Il-Ġurnal Uffiċjali |
MT Is-serje C |
C/2024/3544 |
10.6.2024 |
Pubblikazzjoni ta’ komunikazzjoni tal-approvazzjoni ta’ emenda standard tal-Ispeċifikazzjoni tal-Prodott ta’ isem fis-settur tal-inbid, kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33
(C/2024/3544)
Din il-komunikazzjoni hija ppubblikata f’konformità mal-Artikolu 17(5) tar-Regolament Delegat tal-Kummissjoni (UE) 2019/33 (1).
KOMUNIKAZZJONI TAL-APPROVAZZJONI TA’ EMENDA STANDARD
“Falerio”
PDO-IT-A0433-AM03
Data tal-komunikazzjoni: 12.3.2024
DESKRIZZJONI TAL-EMENDA APPROVATA U RAĠUNIJIET GĦALIHA
1. Inklużjoni ta’ referenza leġiżlattiva
Deskrizzjoni:
Ta’ min jinnota li għat-tip Falerio Pecorino, ir-rekwiżit ta’ densità ta’ mill-inqas 3 000 dielja għal kull ettaru japplika għall-vinji li tħawlu wara d-dħul fis-seħħ tal-Ispeċifikazzjoni tal-Prodott annessa mad-Digriet Ministerjali tas-17 ta’ Mejju 2011.
Raġunijiet:
Il-ħtieġa li tiġi speċifikata b’mod inekwivoku s-sena li fiha tħawlu l-vinji li jaqgħu taħt l-ambitu tar-rekwiżit.
L-emenda tikkonċerna l-Artikolu 4 tal-Ispeċifikazzjoni tal-Prodott.
2. Korrezzjoni formali
Deskrizzjoni:
It-terminu “tal-komunità” ġie sostitwit bil-kliem “tal-unjoni”.
Raġunijiet:
Ġiet iffinalizzata l-korrezzjoni formali sabiex jintuża terminu aktar korrett.
L-emenda tikkonċerna l-Artikolu 5 tal-Ispeċifikazzjoni tal-Prodott.
3. Tħassir ta’ paragrafu
Deskrizzjoni:
L-aħħar paragrafu tal-Artikolu 6 tħassar.
Raġunijiet:
Il-paragrafu tħassar peress li ma għadux rilevanti.
L-emenda tikkonċerna l-Artikolu 6 tal-Ispeċifikazzjoni tal-Prodott.
4. Tħassir ta’ paragrafu
Deskrizzjoni:
It-tielet paragrafu tal-Artikolu 7 tħassar.
Raġunijiet:
Il-paragrafu tħassar minħabba li huwa superfluwu.
Emenda tal-Artikolu 7 tal-Ispeċifikazzjoni tal-Prodott.
5. Inklużjoni tal-possibbiltà li jintużaw reċipjenti alternattivi għall-ħġieġ
Deskrizzjoni:
Qed tiġi inkluża l-possibbiltà għat-tipi kollha tad-DOP Falerio, bl-eċċezzjoni ta’ dawk bl-indikazzjoni Vigna, li jużaw reċipjenti oħra alternattivi għall-ħġieġ, li huma magħmula minn materjali oħra li huma adattati biex jiġu f’kuntatt mal-ikel, filwaqt li titneħħa r-referenza għall-plastik tal-polietilen u tal-poliester b’diversi saffi mgeżwra fil-kartun jew f’materjal riġidu ieħor f’volumi ta’ bejn 2 u 5 litri, li qabel kienu permessi esklussivament għad-DOP Falerio.
Raġunijiet:
L-għażla li tiġi inkluża l-possibbiltà li jintużaw reċipjenti alternattivi għall-ħġieġ hija dovuta għaż-żieda fid-domanda mill-klijenti, l-importaturi u l-konsumaturi li wrew din il-ħtieġa f’dawn l-aħħar snin. L-entità li qed tressaq il-proposta għalhekk qieset li kien meħtieġ li tiġi introdotta din l-emenda sabiex jiġu ssodisfati l-ħtiġijiet attwali tas-suq.
Din l-emenda tikkonċerna l-Artikolu 7 tal-Ispeċifikazzjoni tal-Prodott u t-taqsima tad-Dokument Uniku “Rekwiżiti oħra applikabbli”
6. Inklużjoni ta’ referenza leġiżlattiva
Deskrizzjoni:
L-inklużjoni ta’ referenza leġiżlattiva għall-emenda tad-Digriet li japprova l-mudell approvat mill-Ministeru b’referenza għall-Pjan ta’ Kontroll.
Raġunijiet:
Ħtieġa għal aġġornament regolatorju.
Din l-emenda tikkonċerna l-Artikolu 10 tal-Ispeċifikazzjoni tal-Prodott.
DOKUMENT UNIKU
1. Isem/Ismijiet għar-reġistrazzjoni
Falerio
2. Tip ta’ indikazzjoni ġeografika
DOP – Denominazzjoni ta’ Oriġini Protetta
3. Kategoriji tal-prodotti tad-dwieli
1. |
Inbid |
4. Deskrizzjoni tal-inbid/inbejjed
1. Falerio
DESKRIZZJONI QASIRA
L-inbejjed tad-DOP Falerio huma ta’ kulur isfar lewn it-tiben, b’riħa li fiha noti ta’ fjuri u ta’ frott bil-ġewwieni isfar, b’togħma armonjuża friska hekk kif wieħed iduqhom u li jħallu togħma pjuttost persistenti.
Kull parametru analitiku li ma jidhirx fit-tabella ta’ hawn taħt, jikkonforma mal-limiti previsti fil-leġiżlazzjoni nazzjonali u tal-UE.
Karatteristiċi analitiċi
— |
Qawwa alkoħolika totali massima (f’% tal-volum) |
— |
Qawwa alkoħolika proprja minima (f’% tal-volum) |
— |
Aċidità totali minima 4,50 grammi għal kull litru espressi bħala aċidu tartariku |
— |
Aċidità volatili massima (f’milliekwivalenti għal kull litru) |
— |
Total massimu ta’ diossidu tal-kubrit (f’milligrammi għal kull litru) |
2. Falerio Pecorino
DESKRIZZJONI QASIRA
L-inbejjed tad-DOP Falerio Pecorino huma ta’ kulur isfar lewn it-tiben bi sfumaturi ħodor, b’riħa li fiha ħjiel ta’ fjuri bojod, noti ta’ ananas, ħlewwa u salvja, b’togħma armonjuża friska, qawwija u minerali hekk kif wieħed iduqhom u li jħallu togħma dejjiema u persistenti ħafna.
Kull parametru analitiku li ma jidhirx fit-tabella ta’ hawn taħt, jikkonforma mal-limiti previsti fil-leġiżlazzjoni nazzjonali u tal-UE.
Karatteristiċi analitiċi
— |
Qawwa alkoħolika totali massima (f’% tal-volum) |
— |
Qawwa alkoħolika proprja minima (f’% tal-volum) |
— |
Aċidità totali minima 4,50 grammi għal kull litru espressi bħala aċidu tartariku |
— |
Aċidità volatili massima (f’milliekwivalenti għal kull litru) |
— |
Total massimu ta’ diossidu tal-kubrit (f’milligrammi għal kull litru) |
5. Prattiki tal-produzzjoni tal-inbid
5.1. Prattiki enoloġiċi speċifiċi
—
5.2. Rendimenti massimi għal kull ettaru
1. Falerio
13 000 kilogramma ta’ għeneb għal kull ettaru
2. Falerio Pecorino
11 000 kilogramma ta’ għeneb għal kull ettaru
6. Definizzjoni taż-żona demarkata
L-għeneb maħsub għall-produzzjoni tal-inbejjed tad-DOP Falerio jrid jiġi prodott fit-territorju amministrattiv tal-provinċji ta’ Ascoli Piceno u Fermo.
7. Varjetà jew varjetajiet tad-dwieli li minnhom jinkiseb l-inbid / jinkisbu l-inbejjed
|
Albana B. |
|
Biancame B. - Trebbiano toscano B. |
|
Bombino bianco B. - Ottenese |
|
Chardonnay B. |
|
Fiano B. |
|
Grechetto B. |
|
Incrocio Bruni 54 B. |
|
Maceratino B. - Ribona |
|
Malvasia bianca Lunga B. - Malvoisier |
|
Malvasia bianca di Candia B. - Malvoisier |
|
Manzoni bianco B. - Incrocio Manzoni 6.0.13 B. |
|
Montonico bianco B. - Montonico |
|
Moscato bianco B. - Moscato reale |
|
Mostosa B. |
|
Passerina B. |
|
Pecorino B. - Vissanello |
|
Pinot bianco B. - Pinot |
|
Riesling italico B. - Welschriesling |
|
Riesling renano B. - Riesling |
|
Sauvignon B. - Sauvignon blanc |
|
Syrah N. - Shiraz |
|
Tocai friulano B. - Tuchì |
|
Trebbiano toscano B. - Procanico |
|
Verdicchio bianco B. - Trebbiano di Soave B. |
|
Vermentino B. - Pigato B. |
8. Deskrizzjoni tar-rabta/rabtiet
Falerio
L-istorja millenarja tal-Falerio diġà tinsab miktuba fl-isem li joriġina mill-belt antika ta’ Faleria, li mbagħad kienet ħadet l-isem ta’ Falerio Picenus, u issa saret Falerone. L-impatt tal-fatturi umani maż-żmien kellu influwenza fundamentali fuq id-definizzjoni tal-kombinazzjoni tal-varjetajiet tal-għeneb, l-evoluzzjoni tal-metodi tat-tkabbir, is-sistemi ta’ żbir u l-prattiki enoloġiċi li permezz tal-interazzjoni tagħhom mal-fatturi naturali karatteristiċi taż-żona jwasslu biex l-inbejjed tad-DOP Falerio ikollhom karatteristiċi organolettiċi u analitiċi distintivi li jagħmluhom uniċi u mhux imitabbli.
9. Rekwiżiti oħra applikabbli (imballaġġ, tikkettar, rekwiżiti addizzjonali)
Introduzzjoni tal-użu ta’ materjali oħra adattati għajr il-ħġieġ
Qafas ġuridiku:
Fil-leġiżlazzjoni nazzjonali
Tip ta’ rekwiżit addizzjonali:
Dispożizzjonijiet addizzjonali tat-tikkettar
Deskrizzjoni tar-rekwiżit:
it-tipi kollha tad-DOP Falerio, bl-eċċezzjoni ta’ dawk bl-indikazzjoni Vigna, huma permessi jagħmlu użu minn reċipjenti alternattivi għall-ħġieġ, li jkunu ta’ materjali adattati għall-kuntatt mal-ikel.
Link għall-ispeċifikazzjoni tal-prodott
http://www.politicheagricole.it/flex/cm/pages/ServeBLOB.php/L/IT/IDPagina/20966
ELI: http://data.europa.eu/eli/C/2024/3544/oj
ISSN 1977-0987 (electronic edition)