IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament (UE) 2019/942 tal-Parlament Ewropew u tal-Kunsill tal-5 ta’ Ġunju 2019 li jistabbilixxi Aġenzija tal-Unjoni Ewropea għall-Kooperazzjoni tar-Regolaturi tal-Enerġija (1), u b’mod partikolari l-Artikolu 18 tiegħu,

Billi:

(1)	Ir-Regolament (UE) 2019/942 jipprevedi li l-Kunsill jaħtar ħames membri u l-membri supplenti tagħhom fil-Bord Amministrattiv tal-Aġenzija tal-Unjoni Ewropea għall-Kooperazzjoni tar-Regolaturi tal-Enerġija (“il-Bord Amministrattiv”).

(2)

Ir-Regolament (UE) 2019/942 jipprevedi li membru tal-Bord Amministrattiv ma jistax ikun membru tal-Bord tar-Regolaturi tal-Aġenzija tal-Unjoni Ewropea għall-Kooperazzjoni tar-Regolaturi tal-Enerġija u li l-membri tal-Bord Amministrattiv għandhom jaġixxu b’mod indipendenti u oġġettiv fl-interess tal-Unjoni kollha kemm hi.

(3)

Fl-24 ta’ Jannar 2022, il-Kunsill adotta Deċiżjoni (2) li taħtar żewġ membri u tliet membri supplenti fil-Bord Amministrattiv għal perjodu ta’ erba’ snin mit-28 ta’ Jannar 2022. Fil-31 ta’ Jannar u fit-8 ta’ Frar 2024 rispettivament, tnejn minn dawk il-membri supplenti, is-Sur Péter KADERJÁK u s-Sa Ksenia LUDWINIAK, ikkomunikaw ir-riżenja tagħhom bħala membri supplenti fil-Bord Amministrattiv.

(4)	Jenħtieġ li l-Kunsill jaħtar żewġ membri supplenti biex jieħdu posthom għall-bqija tal-mandat attwali tagħhom,

ADOTTA DIN ID-DEĊIŻJONI:

Artikolu 1

Il-persuni li ġejjin huma b’dan maħtura bħala membri supplenti fil-Bord Amministrattiv b’mandat li jintemm fit-28 ta’ Jannar 2026:

—	Is-Sur Jean Laurent LASTELLE, Franza,

—	Is-Sur Wouter RAAB, in-Netherlands.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, l-24 ta’ Mejju 2024.

Għall-Kunsill

Il-President

J. BROUNS

(2) Id-Deċiżjoni tal-Kunsill tal-24 ta’ Jannar 2022 li taħtar żewġ membri u tliet sostituti fil-Bord Amministrattiv tal-Aġenzija għall-Kooperazzjoni tar-Regolaturi tal-Enerġija (ĠU C 38 I, 25.1.2022, p. 1).