Digriet tal-President tal-Qorti Ġenerali tad-29 ta’ Frar 2024 – Zakłady Farmaceutyczne Polpharma vs Il-Kummissjoni

(Kawża T-1183/23 R)

(Talba għal miżuri provviżorji - Prodotti mediċinali għall-użu mill-bniedem - Awtorizzazzjoni ta’ tqegħid fis-suq tad-Dimethyl fumarate Neuraxpharm - dimetilfumarat - Talba għas-sospensjoni tal-eżekuzzjoni - Nuqqas ta’ urġenza)

(C/2024/2629)

Lingwa tal-kawża: l-Ingliż

Partijiet

Rikorrent: Zakłady Farmaceutyczne Polpharma S.A. (Starogard Gdański, il-Polonja) (rappreżentanti K. Roox, T. De Meese, J. Stuyck u C. Dumont, avukati)

Konvenut: Il-Kummissjoni Ewropea (rappreżentanti: A. Spina u E. Mathieu, aġenti)

Suġġett

Permezz tat-talba tagħha bbażata fuq l-Artikoli 278 u 279 TFUE, ir-rikorrenti titlob is-sospensjoni tal-eżekuzzjoni tad-Deċiżjoni ta’ Implimentazzjoni tal-Kummissjoni C(2023) 8928 final tat-13 ta’ Diċembru 2023 li tirrevoka d-Deċiżjoni ta’ Implimentazzjoni C(2022) 3253 final tat-13 ta’ Mejju 2022 li tagħti awtorizzazzjoni għall-kummerċjalizzazzjoni tal-prodott mediċinali għall-użu mill-bniedem Dimethyl fumarate Neuraxpharm – dimetilfumarat skont ir-Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (ĠU Edizzjoni Speċjali bil-Malti, Kapitolu 13, Vol. 34, p. 229, rettifika fil-ĠU 2023, L 92, p. 31), hekk kif emendata.

Dispożittiv

1)	It-talba għal miżuri provviżorji hija miċħuda.

2)	L-ispejjeż huma rriżervati.