Aġġornament tal-ammonti ta’ referenza għall-qsim tal-fruntieri esterni, kif imsemmi fl-Artikolu 6(4) tar-Regolament (UE) 2016/399 tal-Parlament Ewropew u tal-Kunsill li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen) (1)

(C/2024/1951)

Il-pubblikazzjoni tal-ammonti ta’ referenza għall-qsim tal-fruntieri esterni, kif imsemmi fl-Artikolu 6(4) tar- Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Il-Kodiċi tal-Fruntieri ta’ Schengen) (2) hija bbażata fuq l-informazzjoni mogħtija mill-Istati Membri lill-Kummissjoni skont l-Artikolu 39 tal-Kodiċi tal-Fruntieri ta’ Schengen.

Minbarra l-pubblikazzjoni fil-Ġurnal Uffiċjali, aġġornament ta’ kull xahar huwa disponibbli fuq is-sit web tad-Direttorat Ġenerali għall-Migrazzjoni u l-Affarijiet Interni.

L-AMMONTI TA’ REFERENZA MEĦTIEĠA GĦALL-QSIM TAL-FRUNTIERA ESTERNA FFISSATI MILL-AWTORITAJIET NAZZJONALI

IL-KROAZJA

Sostituzzjoni tal-informazzjoni ppubblikata fil-ĠU C 248, 8.7.2016, p. 12 .

Skont l-Artikolu 9 tar-Regolament dwar ir-Reġim tal-Viża (il-Gazzetta Uffiċjali tar-Repubblika tal-Kroazja Nru 92/2021) ċittadin ta’ pajjiż terz huwa obbligat li jipprovdi prova ta’ mezzi finanzjarji suffiċjenti biex ikopri s-sussistenza tiegħu/tagħha matul is-soġġorn qasir fir-Repubblika tal-Kroazja u r-ritorn tiegħu/tagħha lejn il-pajjiż ta’ oriġini jew it-tranżitu lejn pajjiż terz.

Meta ċittadin ta’ pajjiż terz jidħol fir-Repubblika tal-Kroazja, l-awtoritajiet responsabbli għall-kontroll tal-fruntieri tal-istat huma awtorizzati li jitolbuh prova ta’ mezzi finanzjarji suffiċjenti biex ikopru s-sussistenza tiegħu/tagħha matul is-soġġorn fir-Repubblika tal-Kroazja u r-ritorn tiegħu/tagħha lejn il-pajjiż ta’ oriġini jew it-tranżitu lejn pajjiż terz.

L-ammont ta’ mezzi finanzjarji huwa stabbilit għall-ekwivalenti ta’ EUR 70 (sebgħin euro) għal kull jum tas-soġġorn previst fir-Repubblika tal-Kroazja.

Jekk ċittadin ta’ pajjiż terz ikollu fil-pussess tiegħu ittra ta’ garanzija ċċertifikata minn persuna fiżika jew ġuridika mir-Repubblika tal-Kroazja, prova ta’ prenotazzjoni turistika jew dokument simili, huwa meħtieġ li jipprovdi prova li għandu għad-dispożizzjoni tiegħu l-ammont ekwivalenti għal EUR 30 (tletin euro) għal kull jum tas-soġġorn previst fir-Repubblika tal-Kroazja.

Bħala eċċezzjoni, jekk ċittadin ta’ pajjiż terz ikun fil-pussess ta’ ittra ta’ garanzija ċċertifikata minn persuna fiżika jew ġuridika mir-Repubblika tal-Kroazja li minnha jkun evidenti li l-garanti jassumi bis-sħiħ il-kostijiet kollha relatati mas-soġġorn tiegħu/tagħha fir-Repubblika tal-Kroazja u t-tluq minnha, iċ-ċittadin ta’ pajjiż terz huwa eżentat mill-obbligu li jipprovdi prova tal-mezzi msemmija fil-paragrafu 1 tal-Artikolu 9 tar-Regolament dwar ir-Reġim tal-Viża.

Lista ta’ pubblikazzjonijiet preċedenti

ĠU C 247, 13.10.2006, p. 19.

ĠU C 77, 5.4.2007, p. 11.

ĠU C 153, 6.7.2007, p. 22.

ĠU C 164, 18.7.2007, p. 45.

ĠU C 182, 4.8.2007, p. 18.

ĠU C 57, 1.3.2008, p. 38.

ĠU C 134, 31.5.2008, p. 19.

ĠU C 331, 31.12.2008, p. 13.

ĠU C 33, 10.2.2009, p. 1.

ĠU C 36, 13.2.2009, p. 100.

ĠU C 37, 14.2.2009, p. 8.