Avviż minn qabel ta’ konċentrazzjoni

(Każ M.11454 — KKR / VERITAS / COTIVITI)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(C/2024/1807)

Fil-15 ta’ Frar 2024, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	KKR & Co. Inc. (“KKR”, l-Istati Uniti),

—	Veritas Capital Fund Management, L.L.C. (“Veritas”, l-Istati Uniti), ikkontrollata minn Veritas Manager Holdings, L.P. (l-Istati Uniti).

—	Cotiviti Intermediate Holding Corp., (“Cotiviti”, l-Istati Uniti), attwalment ikkontrollata unikament minn Veritas.

KKR u Veritas jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Cotiviti.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma dawn li ġejjin:

—	KKR hija ditta ta’ investiment globali li toffri ġestjoni tal-assi alternattivi kif ukoll soluzzjonijiet tas-swieq tal-kapital u tal-assigurazzjoni.

—	Veritas hija ditta tal-investiment b’enfasi fuq kumpaniji li joperaw f’attivitajiet bejn it-teknoloġija u l-gvern.

—

Cotiviti huwa fornitur ta’ servizzi ta’ analitika tad-data, li għandhom l-għan li jidentifikaw il-ħlas xieraq u l-kodifikazzjoni klinika kif ukoll il-monitoraġġ tal-għoti tal-kwalità tal-kura, fl-industriji tal-kura tas-saħħa u tal-bejgħ bl-imnut. L-attivitajiet ta’ Cotiviti huma prinċipalment iffukati fuq l-Istati Uniti.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11454 — KKR / VERITAS / COTIVITI

Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussell

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.