P9_TA(2023)0311

Il-Kompożizzjoni tal-Parlament Ewropew

Riżoluzzjoni leġiżlattiva tal-Parlament Ewropew tat-13 ta' Settembru 2023 dwar l-abbozz ta’ deċiżjoni tal-Kunsill Ewropew li tistabbilixxi l-kompożizzjoni tal-Parlament Ewropew (00013/2023 – C9-0319/2023 – 2023/0900(NLE))

(Approvazzjoni)

(C/2024/1783)

Il-Parlament Ewropew,

—	wara li kkunsidra l-abbozz ta’ deċiżjoni tal-Kunsill Ewropew (00013/2023),

—	wara li kkunsidra t-talba għal approvazzjoni ppreżentata mill-Kunsill Ewropew skont l-Artikolu 14(2), tat-Trattat dwar l-Unjoni Ewropea (C9-0319/2023),

—	wara li kkunsidra r-riżoluzzjoni tiegħu tal-15 ta’ Ġunju 2023 dwar il-kompożizzjoni tal-Parlament Ewropew u l-proposta tiegħu għal deċiżjoni tal-Kunsill Ewropew annessa magħha (1),

—	wara li kkunsidra d-dikjarazzjoni tiegħu annessa ma’ din ir-riżoluzzjoni,

—	wara li kkunsidra l-Artikolu 90 u l-Artikolu 105(1) u (4) tar-Regoli ta’ Proċedura tiegħu,

—	wara li kkunsidra r-rakkomandazzjoni tal-Kumitat għall-Affarijiet Kostituzzjonali (A9-0265/2023),

Jagħti istruzzjonijiet lill-President tiegħu biex tgħaddi l-pożizzjoni tiegħu lill-Kunsill Ewropew u, għal skopijiet ta’ informazzjoni, lill-Kummissjoni u lill-gvernijiet u lill-parlamenti tal-Istati Membri.