(a)

jikkontribwixxi għall-approċċ strateġiku, koerenti u effettiv tal-Unjoni għall-inizjattivi internazzjonali dwar l-IA skont l-Artikolu 7 b’koordinazzjoni mal-Istati Membri u f’konformità mal-pożizzjonijiet u l-politiki tal-Unjoni;

(b)

jikkontribwixxi għat-trawwim ta’ azzjonijiet u politiki fil-Kummissjoni li jaħsdu l-benefiċċji soċjetali u ekonomiċi tat-teknoloġiji tal-IA skont l-Artikolu 5;

(c)

jappoġġa l-iżvilupp, l-introduzzjoni u l-użu aċċellerati ta’ sistemi u applikazzjonijiet affidabbli tal-IA li joħolqu benefiċċji soċjetali u ekonomiċi u li jikkontribwixxu għall-kompetittività u t-tkabbir ekonomiku tal-Unjoni. B’mod partikolari, l-Uffiċċju għandu jippromwovi l-ekosistemi tal-innovazzjoni billi jaħdem mal-atturi pubbliċi u privati rilevanti u mal-komunità tan-negozji l-ġodda;

(d)

jimmonitorja l-evoluzzjoni tas-swieq u t-teknoloġiji tal-IA.

(a)

jaħdem flimkien mal-partijiet ikkonċernati, b’mod partikolari mal-esperti mill-komunità xjentifika u mal-iżviluppaturi tal-IA, skont l-Artikolu 4;

(b)

jikkollabora mad-Direttorati Ġenerali u s-servizzi rilevanti tal-Kummissjoni skont l-Artikolu 5;

(c)

jikkoopera mal-korpi, l-uffiċċji u l-aġenziji rilevanti kollha tal-Unjoni, inkluż l-Impriża Konġunta għall-Computing ta’ Prestazzjoni Għolja Ewropew (EuroHPC JU), skont l-Artikolu 6;

(d)

jikkoopera mal-awtoritajiet u l-korpi tal-Istati Membri f’isem il-Kummissjoni.

(a)

jiżviluppa għodod, metodoloġiji u parametri referenzjarji għall-evalwazzjoni tal-kapaċitajiet tal-mudelli tal-IA bi skop ġenerali, b’mod partikolari għal mudelli kbar ħafna tal-IA bi skop ġenerali b’riskji sistemiċi;

(b)

jimmonitorja l-implimentazzjoni u l-applikazzjoni tar-regoli dwar il-mudelli u s-sistemi tal-IA bi skop ġenerali, b’mod partikolari meta l-mudell u s-sistema jiġu żviluppati mill-istess fornitur;

(c)

jimmonitorja l-ħolqien ta’ riskji mhux previsti li jirriżultaw mill-mudelli tal-IA bi skop ġenerali, inkluż billi jirrispondi għal allerti mingħand il-bord xjentifiku;

(d)

jinvestiga l-ksur possibbli tar-regoli fil-mudelli u s-sistemi tal-IA bi skop ġenerali, inkluż billi jiġbor l-ilmenti u l-allerti, jagħti assistenza fit-tħejjija tad-deċiżjonijiet tal-Kummissjoni u jwettaq evalwazzjonijiet skont ir-Regolament li ġej;

(e)

jiżgura li meta sistema tal-IA tkun fil-kamp ta’ applikazzjoni tal-leġiżlazzjoni rilevanti tal-Unjoni li għaliha l-Kummissjoni jkollha setgħat tas-superviżjoni u tal-infurzar, bħal taħt ir-Regolament (UE) 2022/2065 tal-Parlament Ewropew u tal-Kunsill (7) jew taħt ir-Regolament (UE) 2022/1925 tal-Parlament Ewropew u tal-Kunsill (8), is-superviżjoni u l-infurzar ta’ dik il-leġiżlazzjoni jkunu kkoordinati bis-sħiħ mas-superviżjoni u l-infurzar tar-Regolament li ġej;

(f)

jappoġġa l-implimentazzjoni ta’ regoli dwar il-prattiki pprojbiti tal-IA u s-sistemi tal-IA b’riskju għoli b’koordinazzjoni mal-korpi rilevanti responsabbli skont il-leġiżlazzjoni settorjali, inkluż biex jiġu ffaċilitati l-iskambju tal-informazzjoni u l-kollaborazzjoni bejn l-awtoritajiet nazzjonali, jinġabru n-notifiki u jitwaqqfu pjattaformi tal-informazzjoni u bażijiet tad-data, b’mod partikolari meta mudell jew sistema tal-IA bi skop ġenerali tkun integrata f’sistema tal-IA b’riskju għoli.

(a)

jassisti lill-Kummissjoni fit-tħejjija tad-Deċiżjonijiet rilevanti tal-Kummissjoni, u tal-atti ta’ implimentazzjoni u delegati;

(b)

jiffaċilita l-applikazzjoni uniformi tar-Regolament li ġej;

(c)

jassisti lill-Kummissjoni fit-tħejjija ta’ gwida u linji gwida biex tappoġġa l-implimentazzjoni prattika tar-Regolament li ġej, kif ukoll jiżviluppa għodod ta’ appoġġ, bħal protokolli standardizzati u l-aqwa prattiki, b’konsultazzjoni mas-servizzi rilevanti tal-Kummissjoni u mal-korpi, l-uffiċċji u l-aġenziji tal-Unjoni;

(d)

jassisti lill-Kummissjoni fit-tħejjija tat-talbiet tal-istandardizzazzjoni, fl-evalwazzjoni tal-istandards eżistenti u fit-tħejjija ta’ speċifikazzjonijiet komuni għall-implimentazzjoni tar-Regolament li ġej;

(e)

jikkontribwixxi għall-għoti ta’ appoġġ, pariri u għodod tekniċi għall-istabbiliment u għat-tħaddim ta’ ambjenti tal-esperimentazzjoni regolatorji għall-IA u għall-koordinazzjoni, kif xieraq, mal-awtoritajiet nazzjonali kompetenti li jistabbilixxu tali ambjenti tal-esperimentazzjoni;

(f)

iwettaq evalwazzjonijiet u rieżamijiet ta’ rapporti u jħejji rapporti relatati mar-Regolament li ġej;

(g)

jikkoordina l-istabbiliment ta’ sistema tal-governanza effettiva, inkluż bit-tħejjija tal-istabbiliment ta’ korpi konsultattivi fil-livell tal-Unjoni, kif ukoll il-monitoraġġ tal-istabbiliment tal-awtoritajiet nazzjonali rilevanti u ta’ korpi oħra fil-livell nazzjonali;

(h)

jipprovdi s-Segretarjat għall-Bord tal-IA u s-sottogruppi tiegħu, u jipprovdi appoġġ amministrattiv lill-forum konsultattiv u lill-bord xjentifiku, fejn applikabbli, inkluż billi jipprovdi l-istruttura amministrattiva, jorganizza l-laqgħat u jħejji d-dokumenti rilevanti; kif ukoll

(i)

jinkoraġġixxi u jiffaċilita t-tfassil ta’ kodiċijiet tal-prattika u kodiċijiet tal-kondotta fil-livell tal-Unjoni, filwaqt li jqis approċċi internazzjonali, kif ukoll jimmonitorja l-implimentazzjoni u l-evalwazzjoni tal-kodiċijiet tal-prattika.

(a)

jistabbilixxi fora għall-kooperazzjoni tal-fornituri ta’ mudelli u sistemi tal-IA biex javvanzaw l-aqwa prattiki u jikkontribwixxu għall-iżvilupp ta’ kodiċijiet tal-kondotta u kodiċijiet tal-prattika;

(b)

iwettaq konsultazzjoni regolari mal-partijiet ikkonċernati, inkluż l-esperti mill-komunità xjentifika u mis-settur edukattiv, maċ-ċittadini, mas-soċjetà ċivili u mas-sħab soċjali, fejn rilevanti, biex jiġbor kontribut għat-twettiq tal-kompiti tiegħu skont l-Artikolu 3(2);

(c)

jistabbilixxi forum għall-kooperazzjoni mal-komunità b’sors miftuħ bl-għan li jidentifika u jiżviluppa l-aqwa prattiki għall-iżvilupp u l-użu sikuri tal-mudelli u s-sistemi tal-IA b’sors miftuħ.

(a)

jaħdem ma’ Direttorati Ġenerali u servizzi rilevanti oħra tal-Kummissjoni fit-twettiq tal-kompiti tiegħu skont l-Artikolu 2, b’mod partikolari maċ-Ċentru Ewropew għat-Trasparenza Algoritmika fir-rigward tal-evalwazzjoni u l-ittestjar tal-mudelli u s-sistemi tal-IA bi skop ġenerali;

(b)

jappoġġa lil Direttorati Ġenerali u servizzi rilevanti oħra tal-Kummissjoni biex jiffaċilita l-użu tal-mudelli u s-sistemi tal-IA bħala għodod trasformattivi fl-oqsma rilevanti tal-politiki tal-Unjoni, kif ukoll biex ixerred għarfien dwar ir-riskji emerġenti.

(a)

jippromwovi l-ġestjoni responsabbli tal-IA u l-promozzjoni tal-approċċ tal-Unjoni għal IA affidabbli;

(b)

jikkontribwixxi għall-kooperazzjoni internazzjonali relatata mar-regolamentazzjoni u l-governanza tal-IA;

(c)

jikkontribwixxi għall-implimentazzjoni tal-ftehimiet internazzjonali dwar ir-regoli dwar l-IA, inkluż billi jagħti appoġġ lill-Istati Membri.