Rikors ippreżentat fil-5 ta’ Settembru 2023 – Redbeet Interactive vs EUIPO – Treastone (RAFT)

(Kawża T-547/23)

(C/2023/347)

Lingwa tar-rikors: l-Ingliż

Partijiet

Rikorrent: Redbeet Interactive AB (Skövde, l-Isvezja) (rappreżentant: K. von Seydlitz-Brandl, avukat)

Konvenut: L-Uffiċċju tal-Proprjetà Intellettwali tal-Unjoni Ewropea

Parti oħra quddiem il-Bord tal-Appell: Treastone Ltd (Londra, ir-Renju Unit)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti quddiem il-Bord tal-Appell

Trade mark kontenzjuża kkonċernata: it-trade mark figurattiva tal-Unjoni Ewropea “RAFT” – Trade mark tal-Unjoni Ewropea Nru 18 034 606

Proċedimenti quddiem l-EUIPO: proċedimenti ta’ kanċellazzjoni

Deċiżjoni kkontestata: id-deċiżjoni tar-Raba’ Bord tal-Appell tal-EUIPO tat-28 ta’ Ġunju 2023 fil-Każ R 1217/2022-4

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata;

—	tikkundanna lill-EUIPO għall-ispejjeż rispettivi tiegħu u għal dawk sostnuti minn Redbeet;

—	tikkundanna lill-Treastone għall-ispejjeż tal-proċeduri inklużi dawk sostnuti minn Redbeet, fil-każ li Treastone issir intervenjenti f’din il-kawża.

Motivi invokati

—	Ksur tal-Artikolu 60(1)(ċ) flimkien ma-Artikolu 8(4) tar-Regolament (UE) 2017/1001 tal-Parlament Ewropew u tal-Kunsill;

—	Ksur potenzjali tal-Artikolu 60(1)(a) flimkien ma-Artikolu 8(1)(a) u (b) tar-Regolament (UE) 2017/1001 tal-Parlament Ewropew u tal-Kunsill.