Il-Ġurnal Uffiċjali |
MT Serje C |
C/2023/60 |
9.10.2023 |
Rikors ippreżentat fid-9 ta’ Awwissu 2023 – Tauber vs Il-Kunsill
(Kawża T-493/23)
(C/2023/60)
Lingwa tal-kawża: il-Franċiż
Partijiet
Rikorrent: Marina Tauber (Chişinău, il-Moldova) (rappreżentanti: T. Bontinck, L. Marchal u C. Zatschler, avukati)
Konvenut: Il-Kunsill tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tikkonstata l-illegalità tad-Deċiżjoni tal-Kunsill (PESK) 2023/891 tat-28 ta’ April 2023 dwar miżuri restrittivi fid-dawl ta’ azzjonijiet li jiddestabilizzaw ir-Repubblika tal-Moldova u tar-Regolament tal-Kunsill (UE) 2023/888 tat-28 ta’ April 2023 dwar miżuri restrittivi fid-dawl ta’ azzjonijiet li jiddestabilizzaw ir-Repubblika tal-Moldova; |
— |
tannulla d-Deċiżjoni tal-Kunsill (PESK) 2023/1047 tat-30 ta’ Mejju 2023 li temenda d-Deċiżjoni (PESK) 2023/891 dwar miżuri restrittivi fid-dawl ta’ azzjonijiet li jiddestabilizzaw ir-Repubblika tal-Moldova, fejn inkludiet lir-rikorrenti fin-numru 3 tal-anness ta’ din id-deċiżjoni; |
— |
tannulla r-Regolament ta’ Implimentazzjoni tal-Kunsill (UE) 2023/1045 tat-30 ta’ Mejju 2023 li jimplimenta r-Regolament (UE) 2023/888 dwar miżuri restrittivi fid-dawl ta’ azzjonijiet li jiddestabbilizzaw ir-Repubblika tal-Moldova, fejn inkluda lir-rikorrenti fin-numru 3 tal-anness I ta’ dan ir-regolament; |
— |
tikkundanna lill-Kunsill għal ħlas tas-somma ta’ EUR 100 000, fuq bażi provviżorja, għal kumpens tad-dannu morali subit mir-rikorrenti; |
— |
tikkundanna lill-Kunsill għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka erba’ motivi.
1. |
L-ewwel motiv ibbażat fuq l-illegalità tad-Deċiżjoni (PESK) 2023/891 u tar-Regolament (UE) 2023/888. Id-Deċiżjoni (PESK) 2023/891 u r-Regolament (UE) 2023/888, li huma intiżi li jiddeterminaw il-kriterji li abbażi tagħhom l-isem tar-rikorrenti huwa inkluż fil-lista kontenzjuża, huma illegali u, għaldaqstant, għandhom jiġu ddikjarati inapplikabbli abbażi tal-Artikolu 277 TFUE. Insostenn ta’ din l-eċċezzjoni ta’ illegalità, ir-rikorrenti tqajjem tliet partijiet, ibbażati fuq ksur tal-Artikoli 2, 8 u 21(1) TUE, tal-prinċipji ta’ proporzjonalità u taċ-ċertezza legali kif ukoll ta’ użu ħażin ta’ poter. |
2. |
It-tieni motiv ibbażat fuq ksur tad-dritt tal-protezzjoni ġudizzjarja effettiva u tal-obbligu ta’ motivazzjoni tal-Kunsill. Ir-rikorrenti ssostni l-ksur tad-dritt tagħha għal protezzjoni ġudizzjarja effettiva u tal-obbligu ta’ motivazzjoni tal-Kunsill, minħabba li l-elementi pprovduti minn dan tal-aħħar ma jippermettulhiex tiddefendi ruħha. Hija tisħaq li l-motivazzjoni miġjuba mill-Kunsill ma tippermettilhiex li tifhem kif u għalfejn dawn il-kriterji ġew applikati lilha. |
3. |
It-tielet motiv ibbażat fuq żball manifest ta’ evalwazzjoni minn naħa tal-Kunsill. Ir-rikorrenti tqis li l-Kunsill wettaq żball manifest ta’ evalwazzjoni meta kkunsidra li hija wettqet nuqqasijiet finanzjarji serji fir-rigward ta’ fondi pubbliċi u esportazzjoni tal-kapital mingħajr awtorizzazzjoni u li hi mexxiet u organizzat dimostrazzjonijiet vjolenti. |
4. |
Ir-raba’ motiv ibbażat fuq il-ksur tal-prinċipju ta’ proporzjonalità u tad-drittijiet fundamentali. Ir-rikorrenti tikkunsidra li l-Kunsill, meta adotta l-miżuri restrittivi kontriha, injora l-prinċipju ta’ proporzjonalità u wassal għal ksur eċċessiv tad-drittijiet fundamentali tagħha. |
ELI: http://data.europa.eu/eli/C/2023/60/oj
ISSN 1977-0987 (electronic edition)