ISSN 1977-0987 |
||
Il-Ġurnal Uffiċjali tal-Unjoni Ewropea |
C 245 |
|
Edizzjoni bil-Malti |
Informazzjoni u Avviżi |
Volum 66 |
Werrej |
Paġna |
|
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2023/C 245/01 |
Ebda oppożizzjoni għal konċentrazzjoni notifikata (Il-Każ M.11136 — PETRONAS / NPI / CANWIND and NORTHWIND (JVs)) ( 1 ) |
|
2023/C 245/02 |
Ebda oppożizzjoni għal konċentrazzjoni notifikata (Il-Każ M.10984 — MESSER / TOYOTA TSUSHO EUROPE / JV) ( 1 ) |
|
2023/C 245/03 |
Ebda oppożizzjoni għal konċentrazzjoni notifikata (Il-Każ M.11183 — SSG / ORDINA) ( 1 ) |
|
2023/C 245/04 |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2023/C 245/05 |
||
2023/C 245/06 |
||
|
Il-Qorti tal-Awdituri |
|
2023/C 245/07 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2023/C 245/08 |
Avviż minn qabel ta’ konċentrazzjoni (Każ M.11096 — MAPFRE / VAS / JV) — Każ li jista’ jiġi kkunsidrat għal proċedura ssimplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2023/C 245/09 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
12.7.2023 |
MT |
Il-Ġurnal Uffiċjali tal-Unjoni Ewropea |
C 245/1 |
Ebda oppożizzjoni għal konċentrazzjoni notifikata
(Il-Każ M.11136 — PETRONAS / NPI / CANWIND and NORTHWIND (JVs))
(Test b'rilevanza għaż-ŻEE)
(2023/C 245/01)
Fit 27 ta’ Ġunju 2023, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (https://competition-cases.ec.europa.eu/search). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32023M11136. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.7.2023 |
MT |
Il-Ġurnal Uffiċjali tal-Unjoni Ewropea |
C 245/2 |
Ebda oppożizzjoni għal konċentrazzjoni notifikata
(Il-Każ M.10984 — MESSER / TOYOTA TSUSHO EUROPE / JV)
(Test b'rilevanza għaż-ŻEE)
(2023/C 245/02)
Fit 29 ta’ Ġunju 2023, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (https://competition-cases.ec.europa.eu/search). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32023M10984. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.7.2023 |
MT |
Il-Ġurnal Uffiċjali tal-Unjoni Ewropea |
C 245/3 |
Ebda oppożizzjoni għal konċentrazzjoni notifikata
(Il-Każ M.11183 — SSG / ORDINA)
(Test b'rilevanza għaż-ŻEE)
(2023/C 245/03)
Fit 4 ta’ Lulju 2023, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (https://competition-cases.ec.europa.eu/search). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32023M11183. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.7.2023 |
MT |
Il-Ġurnal Uffiċjali tal-Unjoni Ewropea |
C 245/4 |
Bidu ta’ proċeduri
(Il-Każ M.10920 — AMAZON / IROBOT)
(Test b'rilevanza għaż-ŻEE)
(2023/C 245/04)
Fil- 6 ta’ Lulju 2023, il-Kummissjoni iddeċidiet li tibda proċeduri fil-każ ta’ hawn fuq wara li sabet li l-konċentrazzjoni nnotifika tqajjem dubji serji dwar il-kompatibilità tagħha mas-suq komuni. Il-bidu tal-proċeduri jiftaħ it-tieni fażi ta’ investigazzjoni fir-rigward tal-konċentrazzjoni nnotifikata, u jsir mingħajr preġudizzju għad-deċiżjoni finali dwar il-każ. Din id-deċiżjoni hi bbażata fuq l-Artikolu 6(1)(c) tar-Regolament tal-Kunsill (KE) Nru 139/2004 (1).
Il-Kummissjoni tistieden lil partijiet terzi interessati sabiex jissottomettu lill-Kummissjoni l-osservazzjonijiet li jistgħu jkollhom dwar il-konċentrazzjoni proposta.
Sabiex l-osservazzjonijiet jiġu kkunsidrati bis-sħiħ fil-proċedura, dawn għandhom jaslu għand il-Kummissjoni mhux iktar tard minn 15-il jum wara d-data tal-pubblikazzjoni. L-osservazzjonijiet jistgħu jintbagħtu lill-Kummissjoni b’email lil COMP-MERGER-REGISTRY@ec.europa.eu jew bil-posta, bin-numru ta’ referenza M.10920 — AMAZON / IROBOT, fl-indirizz li ġej:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
12.7.2023 |
MT |
Il-Ġurnal Uffiċjali tal-Unjoni Ewropea |
C 245/5 |
Rata tal-kambju tal-euro (1)
Il-11 ta' Lulju 2023
(2023/C 245/05)
1 euro =
|
Munita |
Rata tal-kambju |
USD |
Dollaru Amerikan |
1,0989 |
JPY |
Yen Ġappuniż |
154,27 |
DKK |
Krona Daniża |
7,4529 |
GBP |
Lira Sterlina |
0,85110 |
SEK |
Krona Żvediża |
11,7600 |
CHF |
Frank Żvizzeru |
0,9693 |
ISK |
Krona Iżlandiża |
146,90 |
NOK |
Krona Norveġiża |
11,4520 |
BGN |
Lev Bulgaru |
1,9558 |
CZK |
Krona Ċeka |
23,855 |
HUF |
Forint Ungeriż |
379,50 |
PLN |
Zloty Pollakk |
4,4563 |
RON |
Leu Rumen |
4,9490 |
TRY |
Lira Turka |
28,6897 |
AUD |
Dollaru Awstraljan |
1,6493 |
CAD |
Dollaru Kanadiż |
1,4588 |
HKD |
Dollaru ta’ Hong Kong |
8,6023 |
NZD |
Dollaru tan-New Zealand |
1,7766 |
SGD |
Dollaru tas-Singapor |
1,4748 |
KRW |
Won tal-Korea t’Isfel |
1 422,26 |
ZAR |
Rand ta’ l-Afrika t’Isfel |
20,4953 |
CNY |
Yuan ren-min-bi Ċiniż |
7,9143 |
IDR |
Rupiah Indoneżjan |
16 678,24 |
MYR |
Ringgit Malażjan |
5,1181 |
PHP |
Peso Filippin |
60,787 |
RUB |
Rouble Russu |
|
THB |
Baht Tajlandiż |
38,209 |
BRL |
Real Brażiljan |
5,3679 |
MXN |
Peso Messikan |
18,7556 |
INR |
Rupi Indjan |
90,5655 |
(1) Sors: rata tal-kambju ta' referenza ppubblikata mill-Bank Ċentrali Ewropew.
12.7.2023 |
MT |
Il-Ġurnal Uffiċjali tal-Unjoni Ewropea |
C 245/6 |
Avviż dwar provi tal-oriġini validi għall-prodotti li joriġinaw fil-Ghana u li jiġu importati fl-Unjoni Ewropea mill-20 ta’ Awwissu 2023 ’il quddiem skont il-Ftehim interim ta’ Sħubija Ekonomika bejn l-UE u l-Ghana
(2023/C 245/06)
Dan l-avviż inħareġ biex jiġu infurmati l-awtoritajiet doganali, l-importaturi u l-operaturi ekonomiċi li huma involuti fl-importazzjonijiet fl-Unjoni Ewropea tal-prodotti li joriġinaw mill-Ghana skont il-Ftehim interim ta’ Sħubija Ekonomika (“l-FSE interim”).
F’konformità mal-Artikoli 17(3) u 21(1), il-punt (b) u (c) tal-Protokoll 1 tal-Ftehim interim ta’ Sħubija Ekonomika, u mingħajr preġudizzju għall-eżenzjonijiet stabbiliti fl-Artikoli 17(4) u 26 ta’ dak il-Protokoll, mill-20 ta’ Awwissu 2023 ’il quddiem, malli l-prodotti li joriġinaw mill-Ghana jiġu importati fl-Unjoni Ewropea, għandhom jibbenefikaw mit-trattament tariffarju preferenzjali tal-FSE interim biss wara l-preżentazzjoni ta’ dikjarazzjoni tal-oriġini li jagħmel:
(i) |
esportatur irreġistrat f’konformità mad-dispożizzjonijiet rilevanti tal-liġi tal-Ghana; jew |
(ii) |
kwalunkwe esportatur, għal kull kunsinna li tikkonsisti f’pakkett wieħed jew aktar li fihom prodotti oriġinarji li l-valur totali tagħhom ma jkunx aktar minn EUR 6 000. |
Il-Qorti tal-Awdituri
12.7.2023 |
MT |
Il-Ġurnal Uffiċjali tal-Unjoni Ewropea |
C 245/7 |
Rapport Speċjali 19/2023:
“L-isforzi tal-UE għal ġestjoni sostenibbli tal-ħamrija – Standards mhux ambizzjużi u mmirar limitat”
(2023/C 245/07)
Il-Qorti Ewropea tal-Awdituri ppubblikat ir-rapport speċjali 19/2023 tagħha: “L-isforzi tal-UE għal ġestjoni sostenibbli tal-ħamrija – Standards mhux ambizzjużi u mmirar limitat”.
Ir-rapport jista’ jiġi kkonsultat direttament jew imniżżel minn fuq is-sit web tal-Qorti Ewropea tal-Awdituri: https://www.eca.europa.eu/mt/publications/sr-2023-19
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
12.7.2023 |
MT |
Il-Ġurnal Uffiċjali tal-Unjoni Ewropea |
C 245/8 |
Avviż minn qabel ta’ konċentrazzjoni
(Każ M.11096 — MAPFRE / VAS / JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2023/C 245/08)
1.
Fl-4 ta’ Lulju 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
— |
Vittoria Assicurazioni S.p.A. (“VAS”, l-Italja), ikkontrollata minn Yafa S.p.A. (l-Italja), |
— |
MAPFRE Asistencia, Compañia Internacional de Seguros y Reaseguros S.A. (“MAPFRE”, Spanja), ikkontrollata minn Fundación MAPFRE (Spanja), |
— |
Kumpanija ġdida (“NewCo”, l-Italja). |
VAS u MAPFRE jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab ta’ Newco.
Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi impriża bi sħab (joint venture, JV).
2.
L-attivitajiet kummerċjali tal-impriżi kkonċernati huma dawn li ġejjin:
— |
VAS hija kumpanija Taljana attiva fil-forniment dirett u indirett ta’ assigurazzjoni, li hija involuta fil-forniment ta’ prodotti tal-assigurazzjoni li jappartjenu għall-klassijiet ta’ riskju regolatorji kollha pprovduti mil-liġi Taljana, kif ukoll servizzi anċillari, |
— |
MAPFRE hija kumpanija Spanjola attiva fis-settur tal-assigurazzjoni u r-riassigurazzjoni f’44 pajjiż madwar id-dinja u fl-aħħar mill-aħħar hija kkontrollata mill-Fundación MAPFRE, li twettaq attivitajiet mingħajr skop ta’ qligħ ta’ interess ġenerali f’oqsma speċjalizzati, bħall-kultura, il-promozzjoni tas-saħħa, il-prevenzjoni, is-sikurezza fit-toroq, l-assigurazzjoni, u l-protezzjoni soċjali, |
— |
Newco hija impriża konġunta “greenfield” stabbilita bl-għan li toffri servizzi ta’ assistenza fl-Italja fl-oqsma tat-tiswija tal-ħġieġ tal-karozzi, u ċerti servizzi għall-annimali domestiċi. Fil-futur, NewCo tista’ toffri wkoll servizzi ta’ assistenza fid-djar u fl-oqsma tas-saħħa. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11096 — MAPFRE / VAS / JV
Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:
Indirizz elettroniku: COMP-MERGER-REGISTRY@ec.europa.eu
Indirizz Postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) OJ L 24, 29.1.2004, p. 1 (“ir-Regolament dwar l-Għaqdiet”).
ATTI OĦRAJN
Il-Kummissjoni Ewropea
12.7.2023 |
MT |
Il-Ġurnal Uffiċjali tal-Unjoni Ewropea |
C 245/10 |
Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2023/C 245/09)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien 3 xhur mid-data ta’ din il-pubblikazzjoni.
DOKUMENT UNIKU
“Salinate de Turda”
Nru tal-UE: IĠP-RO-02825 — 15.12.2021
DOP ( ) IĠP (X)
1. Isem/Ismijiet
“Salinate de Turda”
2. Stat Membru jew pajjiż terz
Ir-Rumanija
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.2. Prodotti tal-laħam (imsajra, immellħa, affumikati, eċċ.)
3.2. Deskrizzjoni tal-prodott li għalih japplika l-isem f’(1)
Is-“Salinate de Turda” tindika prodott tal-majjal affumikat imwebbes u mnixxef li jsir bl-użu ta’ qatgħat anatomiċi magħrufa bħala ceafă [għonq], cotlet [lojn], piept [żaqq] u pulpă [riġel], li jitpoġġew f’nixxigħat naturali tas-salmura (magħrufa lokalment bħala mărătoare jew murătoare), flimkien ma’ taħlita ta’ ħwawar, zokkrijiet u kulturi starter lattiċi, imbagħad jiġu mmaturati għal 5-7 ijiem, affumikati bl-injam iebes (affumikati bil-fagu) u mmaturati/imwebbsa u mnixxfa għal 20-28 jum.
Biex isir is-“Salinate de Turda”, jintużaw l-ingredjenti li ġejjin:
— |
Majjal frisk, imkessaħ jew iffriżat mill-karkassi ta’ ħnieżer f’saħħithom, imbiċċer f’konformità mal-liġi (żvinat kompletament u mkessaħ immedjatament), imqatta’ u dissussat biex jiġu ffurmati l-erba’ qatgħat anatomiċi; |
— |
Ilma min-nixxigħat naturali tas-salmura, soluzzjoni salina omoġenja preżenti b’mod naturali fil-kontea ta’ Cluj. Il-kontroll tal-kwalità irid isir meta s-salmura tiġi kkonsenjata lill-faċilità tal-produzzjoni biex jiġi żgurat li l-kontenut tal-NaCl ikun bejn 20 % u 35 %, skont l-istaġun. Il-produzzjoni tas-“Salinate de Turda” bl-użu ta’ ilma min-nixxigħat naturali tas-salmura b’konċentrazzjoni ta’ 18-22 % ittejjeb il-ħajja fuq l-ixkaffa, is-sawra, it-togħma, ir-riħa u l-kulur tiegħu; |
— |
Taħlita ta’ ħwawar (melħ, mustarda, ġnibru, bżar, weraq tar-rand, tewm, bżar tal-Ġamajka, kannella), zokkrijiet, u kulturi starter lattiċi. |
Il-karatteristiċi tal-kwalità tas-“Salinate de Turda” huma kif ġej:
— |
għandu dehra esterna ddeterminata mill-karatteristiċi tal-qatgħa anatomika tal-majjal użata bħala l-materja prima, b’kulur estern aħmar skur, dehra uniformi u kulur aħmar skur predominanti fil-każ tal-pulpă, b’dehra inqas uniformi u b’kulur aħmar ċar predominanti fil-każ tal-piept, b’kulur ħamrani b’laqta ta’ rħam (biċċiet żgħar ta’ xaħam imxerrda madwar il-muskolu) fil-każ taċ-ceafă, u b’kulur aħmar skur uniformi mingħajr xaħam li jifforma l-kompożizzjoni fil-każ tal-cotlet; il-wiċċ tiegħu ma jwaħħalx u huwa ħieles minn moffa jew materja barranija; |
— |
fis-sezzjoni trasversali, il-kulur tiegħu jvarja minn aħmar skur sa aħmar ċar, filwaqt li l-konsistenza tiegħu hija soda u kemxejn ratba mingħajr ma titgħaffeġ, u l-laħam ma jitfarrakx meta jinqata’; |
— |
it-togħma u r-riħa tiegħu huma mielħa u karatteristiċi tal-proċess tal-produzzjoni, u għandu l-aroma tipika ta’ prodotti tal-laħam affumikati bl-injam iebes; |
— |
f’termini ta’ karatteristiċi fiżiċi u kimiċi, għandu kontenut massimu ta’ NaCl ta’ 9 %, kontenut massimu ta’ ilma ta’ 55 %, kontenut minimu ta’ proteina totali ta’ 15 % u kontenut massimu ta’ xaħam ta’ 48 %. |
Is-“Salinate de Turda” jiġi ppakkjat sħiħ jew maqtugħ f’biċċiet.
Is-“Salinate de Turda” jiġi f’erba’ tipi, wieħed għal kull qatgħa anatomika tal-majjal użata bħala l-materja prima tiegħu: ceafă, cotlet, piept jew pulpă.
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
—
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-passi kollha fil-produzzjoni tas-“Salinate de Turda” jridu jsiru fiż-żona ġeografika ddefinita. Dawn huma: it-tħejjija tal-materja prima/ingredjenti, it-tqattigħ, id-dissussar u l-għażla tal-laħam, it-trattament bl-ilma min-nixxigħat naturali tas-salmura fiż-żona ġeografika, it-taħwir (tumbling), l-ewwel maturazzjoni (5-7 ijiem f’temperatura ta’ bejn 2 °C u 8 °C sakemm il-prodott ikollu pH ta’ 5,6-5,7), perjodu qasir (massimu ta’ 60 minuta) ta’ affumikar bl-injam iebes (bl-irmied tal-affumikar tal-injam tal-fagu) f’temperatura ta’ 45-50 °C, u t-tieni maturazzjoni (ippreservar bit-tmelliħ niexef) f’ kundizzjonijiet ikkontrollati (temperatura ta’ 14 °C, umdità relattiva ta’ 80 %) għal 20-28 jum sakemm il-pH ikun madwar 5,3-5,5.
3.5. Regoli speċifiċi dwar it-tqattigħ, it-taħkik, l-ippakkjar, eċċ.
—
3.6. Regoli speċifiċi dwar it-tikkettar
It-tikketti jridu jinkludu l-isem “Salinate de Turda” u l-kliem Indicație Geografică Protejată (indikazzjoni ġeografika protetta) jew l-akronimu IGP (IĠP) – adattat għal-lingwa tal-pajjiż fejn jiġi kkummerċjalizzat il-prodott – flimkien mas-simbolu tal-Korp tal-Ispezzjoni u taċ-Ċertifikazzjoni.
4. Definizzjoni fil-qosor taż-żona ġeografika
F’termini amministrattivi, iż-żona tas-“Salinate de Turda” tikkonsisti fil-muniċipalità ta’ Turda u l-komuni ta’ Mihai Viteazu, Tureni u Ploscoș fil-kontea ta’ Cluj.
TIFSIRA |
|
HARTA JUDETULUI CLUJ |
MAPPA TAL-KONTEA TA’ CLUJ |
JUDETUL XXX |
IL-KONTEA XXX |
INFORMAȚII GENERALE |
INFORMAZZJONI ĠENERALI |
suprafața totală: 6 674,4 kmp |
erja totali: 6 674,4 km2 |
populația județului: 703 267 locuitori |
popolazzjoni tal-kontea: 703 267 abitant |
5 municipii |
5 muniċipalitajiet |
un oraș |
belt waħda |
75 de comune |
75 komun |
5. Rabta maż-żona ġeografika
Il-kwalità u l-karatteristiċi tas-“Salinate de Turda” jirriżultaw mill-fatturi naturali u/jew umani fiż-żona, u hemm ħafna letteratura li tixhed dan.
Speċifiċità tal-prodott
Il-karatteristiċi organolettiċi uniċi tal-prodott – u b’mod partikolari t-togħma u r-riħa speċifiċi tiegħu u s-sawra u l-konsistenza kkawżati mill-użu tal-ilma min-nixxigħat naturali tas-salmura fil-proċess tal-produzzjoni – huma dawk li jagħmlu s-“Salinate de Turda” uniku. Il-benefiċċju tal-użu tas-salmura huwa li l-melħ jippenetra l-laħam aktar malajr u b’mod aktar uniformi, filwaqt li l-kwalità tas-salmura tagħmel il-laħam artab u tagħti lill-prodott il-konsistenza speċifika tiegħu (kwalità mmerrqa, ratba iżda ma titgħaffiġx, u s-sawra).
Il-karatteristiċi ewlenin tal-metodu tal-produzzjoni tas-“Salinate de Turda” huma l-fatt li s-salmura li tintuża tiġi min-nixxigħat naturali li jinsabu f’Micești (il-komun ta’ Tureni), Valea Florilor (il-komun ta’ Ploscoș) u Valea Sărată (il-muniċipalità ta’ Turda) fil-kontea ta’ Cluj, prattika antika fiż-żona ta’ Turda (fejn hemm ħafna bjar li minnhom tinġibed is-salmura għal użi bħal dawn).
Il-proċess tal-użu tas-salmura min-nixxigħat naturali fiż-żona ġeografika b’kontenut sinifikanti ta’ kalċju u manjeżju (bħala medja is-salmura min-nixxigħat naturali għandha kontenut ta’ kalċju ta’ madwar 500 mg/l u kontenut ta’ manjeżju ta’ madwar 130 mg/l, meta mqabbel ma’ 250 mg/l u 6,5 mg/l, rispettivament, fis-salmura ppreparata artifiċjalment billi jinħall il-melħ fl-ilma) ifisser li l-klorur tal-manjeżju u l-klorur tal-kalċju jieħdu post il-klorur tas-sodju, u jwasslu għal prodott tal-laħam ippreservat bit-tmelliħ niexef b’ammont aktar baxx ta’ klorur tas-sodju. Dan huwa ffavorit ukoll mill-proċessi bijokimiċi karatteristiċi tal-proteini u x-xaħmijiet li jseħħu matul it-tumbling bħala riżultat tal-proċessi ta’ skambju tal-joni kkawżati miż-żieda fil-pressjoni ożmotika kkawżata mis-salmura min-nixxigħat naturali. L-użu tas-salmura jinkoraġġixxi l-attività fl-enzimi li jiġu prodotti minn batterji tal-aċidu lattiku reżistenti għall-melħ, li jiġu pprovduti bil-mikroelementi li jeħtieġu mis-salmura min-nixxigħat naturali u jgħinu biex jiġu ottimizzati l-proċessi ta’ fermentazzjoni matul il-maturazzjoni. Il-prodott ittrattat u mmaturat b’dan il-mod jikseb karatteristiċi li jiddistingwuh minn prodotti oħra tal-laħam magħmula bl-użu ta’ proċessi simili, prinċipalment f’termini tal-konsistenza speċifika tiegħu (artab mingħajr ma jitfgħaffeġ, is-sawra, u l-irtubija) u l-kulur tiegħu, kif ukoll id-distribuzzjoni uniformi tal-likwidi (bħall-indewwa u s-soluzzjoni salina) fit-tessut.
Il-passi speċifiċi li ġejjin jikkostitwixxu l-proċess tal-produzzjoni tas-“Salinate de Turda”: it-tħejjija tal-materja prima/tal-ingredjenti, it-tqattigħ (il-majjal użat biex isir is-“Salinate de Turda” jrid jiġi minn ħnieżer li jkunu bejn wieħed u ieħor laħqu il-piż għall-użu għal-laħam tal-majjal), id-dissussar u l-għażla tal-laħam; l-użu tas-salmura min-nixxigħat naturali fiż-żona ġeografika; it-taħwir (tumbling); l-ewwel maturazzjoni f’kundizzjonijiet ikkontrollati (5-7 ijiem); perjodu qasir (massimu ta’ 60 minuta) ta’ affumikar bl-injam iebes (bl-irmied mill-affumikar tal-injam tal-fagu) f’temperatura ta’ 45-50 °C; u t-tieni maturazzjoni (ippreservat bit-tmelliħ niexef) f’kundizzjonijiet ikkontrollati għal 20-28 jum.
L-affumikar bl-injam iebes naturali ilu jintuża minn żmien il-qedem. Jagħti wkoll lill-prodotti togħma u aroma speċifiċi.
It-tħejjija tal-prodott għall-kunsinna (it-tqattigħ, id-diviżjoni f’porzjonijiet, u l-ippakkjar) ma hijiex pass speċifiku fil-proċess tal-produzzjoni u titwettaq skont ir-rekwiżiti tas-suq u tal-klijent.
L-ispeċifiċità tal-oriġini ġeografika
Depożitu tal-melħ Tortonjan taħt l-art b’konċentrazzjoni ta’ klorur tas-sodju (NaCl) b’kisi bil-melħ ta’ 98,1-99 % fiż-żona ta’ Sărata u Băile Turda qrib il-belt ta’ Turda.
Iż-żona ġeografika li fiha jsir is-“Salinate de Turda” tinkludi ż-żoni ta’ Turda, Mihai Viteazu, Ploscoș u Tureni, fejn il-preżenza tal-melħ hija l-karatteristika ewlenija tas-sottoswol.
Fiż-żoni kollha studjati, is-sottoswol għandu riżervi enormi ta’ melħ relattivament qrib il-wiċċ, u saħansitra hemm twemmin popolari li ż-żoni kollha inkwistjoni huma magħqudin ma’ xulxin mill-istess vina tal-melħ. Hemm numru kbir ta’ nixxigħat tas-salmura kkawżati mill-infiltrazzjoni tal-ilma tax-xita fil-muntanji tal-melħ f’Turda u fil-komuni tal-madwar, il-maġġoranza tagħhom f’żoni fejn l-erożjoni ħolqot fetħiet fil-muntanji tal-melħ (Valea Sărată Turda, Valea Florilor, Micești).
Il-preżenza ta’ nixxigħat tas-salmura kienet tfisser li n-nies ta’ Turda u l-komuni tal-madwar dejjem kellhom aċċess faċli għal provvista tal-melħ. Il-modi tradizzjonali ta’ kif jintuża l-melħ, li għadhom jintużaw sal-lum, jinvolvu l-użu tas-salmura (magħrufa b’mod kollokjali bħala murătoare, saramură, slatină, jew sare lichidă [melħ likwidu]) fl-ikel kemm għall-bnedmin kif ukoll għall-annimali, kif ukoll biex jiġi trattat ċertu mard.
Twettqet riċerka etnografika bil-għan li jiġi skopert kif kien meqjus l-impatt tan-nixxigħat naturali tas-salmura mill-komunitajiet tal-irħula fiż-żona ġeografika għas-“Salinate de Turda”, li mmappjat il-“pajsaġġ etnografiku speċifiku” iffurmat f’dawk il-komunitajiet bl-eżistenza jew bin-nuqqas ta’ eżistenza ta’ sorsi ta’ melħ (nixxigħat tas-salmura), u rreġistrat il-modi tradizzjonali li bihom ir-raħħala jisfruttaw is-sorsi tal-melħ u jipproċessaw u jużaw il-melħ id-dar fil-ħajja ta’ kuljum tagħhom.
Hemm ħafna letteratura dwar l-użu tan-nixxigħat naturali tas-salmura min-nies lokali fil-preparazzjoni tal-ikel. Mill-għadd kbir ta’ sorsi disponibbli, dawn huma wħud li jiddeskrivu l-eżistenza u l-użi tan-nixxigħat naturali tas-salmura:
1. |
“Fir-raħal ta’ Micești fil-kontea ta’ Cluj, hemm nixxiegħa b’ilma mielaħ ikkonċentrat magħrufa bħala mărătoare. Din in-nixxiegħa tas-salmura tindika l-preżenza ta’ muntanja tal-melħ taħt l-art. Is-salmura min-nixxiegħa tinġabar f’bir, miksi bi pjanċi ħoxnin tal-injam, bil-livell tas-salmura jasal sal-wiċċ. Spjegazzjoni waħda għall-fenomenu ta’ Micești hija li huwa kkawżat mill-fatt li l-ilma tax-xita jinżel fuq il-muntanja tal-melħ u jinxtorob sal-wiċċ immellaħ ħafna. Skont il-professjonisti dan l-ilma huwa adattat ħafna għall-użu kulinari. Dan l-ilma huwa ta’ kwalità eċċezzjonali għall-użu fl-industrija tal-ikel. Rigal ieħor li n-natura tat lir-raħħala ta’ Micești huwa t-tajn minn madwar in-nixxigħat, li jużawh biex itaffu l-uġigħ rewmatiku.” |
2. |
“Il-melħ huwa riżorsa minn taħt l-art preżenti fil-komun ta’ Ploscoș, sfruttata fuq il-wiċċ (permezz ta’ minjieri żgħar), inkluż mir-Rumani. Hemm nixxigħat tas-salmura fi Ploscoș, u s-salmura minnhom ilha tintuża min-nies tal-lokal minn żmien il-qedem. Il-muntanja tal-melħ ta’ forma ovali ta’ Valea Florilor tinsab viċin ħafna tal-wiċċ, f’fond ta’ 0,5 metri f’xi postijiet.” |
3. |
L-użu tas-salmura sar drawwa jew tradizzjoni f’ħafna minn dawn il-postijiet, u anke llum għad hemm djar fejn il-melħ tal-mejda, għalkemm disponibbli fil-ħwienet, qatt ma jintuża fl-ikel. L-anzjani tgħallmu japprezzaw il-valur tal-melħ għax meta kienu tfal kienu jisimgħu l-istejjer tal-predeċessuri tagħhom dwar kemm kienet diffiċli l-ħajja meta l-aċċess għall-melħ jew għas-salmura kien ipprojbit jew ristrett. Tgħallmu wkoll jagħmlu użu tajjeb mis-salmura fid-dar, u jqisuh aħjar minn kwalunkwe melħ mixtri kummerċjalment: oġġett tal-ikel prezzjuż, rigal min-natura.” |
4. |
“Waħda mill-iktar nixxigħat mielħa fl-Ewropa tinstab madwar 20 kilometru ’l bogħod minn Cluj-Napoca. In-nies ta’ Micești fil-kontea ta’ Cluj ma xtrawx gramma waħda ta’ melħ għal bosta għexieren ta’ snin, mill-iskoperta ta’ waħda min-nixxigħat l-aktar mielħa fl-Ewropa qrib ir-raħal. Ir-raħħala jużaw is-salmura biex jippreparaw l-ikel għalihom infushom u għall-bhejjem tagħhom. ‘Żewġ jew tliet kuċċarini ta’ dan l-ilma jiżdiedu mal-borma tas-soppa,’ jgħid Vasile Todea, is-sindku tal-komun ta’ Tureni, it-territorju amministrattiv li għalih jappartjeni Micești. Huwa jirrakkonta kif kull sena jieħu miegħu d-dar bettija ta’ salmura biex jitma’ lill-familja u lill-bhejjem tar-razzett tiegħu tul is-sena kollha. L-ilma min-nixxigħat naturali tas-salmura jintuża wkoll biex jiġi ppreservat l-ikel, b’mod partikolari l-majjal mit-tbiċċir tal-ħnieżer li jsir kull xitwa.” (2007) |
5. |
“Fir-raħal hemm nixxiegħa li fiha ilma mielaħ ikkonċentrat (mărătoare) li l-eżistenza tagħha hija dovuta għal muntanja tal-melħ taħt l-art. Is-salmura min-nixxiegħa tinġabar f’bir, miksi bi pjanċi ħoxnin tal-injam, bil-livell tas-salmura jasal sal-wiċċ. Is-salmura minn dan il-post kienet tiġi distribwita b’mod sistematiku lill-irħula tal-madwar (Tureni, Ceanu Mic, Rediu, Martinești, Comsești, Vâlcelor, Petreștii de Jos, Deleni, Livada, Plaiuri, Agriș, Crăiești u Săliste) u tintuża fit-tisjir u fil-preservazzjoni tal-majjal. Peress li n-nixxiegħa kienet fid-dominju pubbliku, in-nies ta’ Micești setgħu jaċċessawha mingħajr ħlas, filwaqt li dawk li kienu jiġu minn irħula oħra kienu jintalbu jħallsu tariffa. Din il-prattika baqgħet fis-seħħ kważi sakemm faqqgħet it-Tieni Gwerra Dinjija. In-nixxiegħa tas-salmura għadha tintuża sal-lum.” |
6. |
“In-network tal-kanali tal-ilma fil-komun jikkonsisti f’diversi xmajriet b’żoni mistagħdra fil-medda ta’ Boju-Valea Florilor-Ploscoş, u ilma mielaħ fil-baċir ta’ Valea Florilor. Hawnhekk hawn ukoll terren ċatt miksi b’veġetazzjoni alofilika, speċifiku għal din iż-żona mielħa. Il-formazzjoni tal-melħ għandha dijametru ta’ 300 metru u tinsab viċin il-wiċċ – f’fond ta’ 4-5 metri f’xi postijiet. Fil-parti tan-Nofsinhar taż-żona hemm bir tal-ilma mielaħ użat min-nies lokali għal skopijiet domestiċi, kif irrappurtat mis-sindku tal-komun ta’ Ploscoș, Truța Aurel, fl-2013.” |
7. |
“Dak iż-żmien, it-tfal ta’ Turda kienu jmorru jgħumu kważi kuljum. Qrib Băi kien hemm ukoll nixxiegħa magħrufa bħala n-‘nixxiegħa tas-salmura’, li fiha ilma mielaħ li xi nies jieħdu d-dar biex ipoġġu l-ikel bih għax-xitwa. Dik is-salmura kellha konċentrazzjoni għolja ħafna ta’ melħ u l-kristalli kienu jiffurmaw malajr fil-bramel tan-nies tal-lokal. Nies mill-komuni madwar ir-raħal ukoll kienu jżuru n-nixxiegħa, li, bħall-bqija taż-żona tal-madwar, kienet tinsab fuq depożitu tal-melħ.” |
8. |
“Assi prezzjuż għaż-żona kollha, u b’mod partikolari għall-użu kulinari, kien in-nixxiegħa tas-salmura, mgħammra tajjeb u mgħassa minn gwardjan mill-uffiċċju tas-sindku ta’ Turda. L-ilma saturat bil-melħ kien jintuża biex jiġi ppreservat l-ikel, u għandu rwol indispensabbli fit-tbiċċir tradizzjonali tal-ħnieżer. Skont din it-tradizzjoni, ħafna nies minn Turda jużaw in-nixxiegħa tas-salmura ta’ Micești fl-attivitajiet tad-dar tagħhom minħabba li hija aħjar biex trattab il-laħam tal-majjal u x-xaħam tal-majjal.” |
Rabta kawżali
Ir-rabta bejn il-prodotti tal-laħam tas-“Salinate de Turda” u ż-żona tal-produzzjoni hija dovuta għat-tradizzjoni lokali qadima tal-applikazzjoni tas-salmura u l-affumikar biex il-laħam tal-majjal jiġi ppreservat għax-xhur tax-xitwa wara t-tbiċċir tradizzjonali tal-ħnieżer, xi ħaġa li ilha magħrufa minn żminijiet antiki. Is-salmura miġbura min-nixxigħat naturali fiż-żona lokali (Micești, Valea Florilor, Valea Sărată Turda) tintuża għal dan il-proċess ta’ preservazzjoni.
Fost il-karatteristiċi ewlenin tal-metodu tal-produzzjoni hemm il-fatt li s-salmura użata tiġi min-nixxigħat naturali li jinsabu fiż-żona ġeografika.
F’termini tal-karatteristiċi organolettiċi tiegħu, huma l-irtubija u l-kwalità mmerrqa tal-laħam, ippreservati permezz tal-metodi użati għall-applikazzjoni tas-salmura min-nixxigħat naturali, it-taħwir (tumbling) u l-maturazzjoni f’kundizzjonijiet ikkontrollati (umdità, temperatura), li jiddistingwu dan il-prodott minn oħrajn simili.
Il-kwalità u l-karatteristiċi tas-“Salinate de Turda” jirriżultaw mill-fatturi naturali u/jew umani fiż-żona, u hemm prova biblijografika li tixhed dan.
Il-metodu użat għall-preparazzjoni tal-prodotti tal-laħam bl-użu tas-salmura min-nixxigħat naturali ġie mgħoddi minn ġenerazzjoni għal oħra u rfinat biż-żmien. Bl-użu tant frekwenti tas-salmura min-nixxigħat naturali, in-nies żviluppaw aptit għat-togħmiet li tagħti lill-prodotti tal-laħam – u mhux biss lill-prodotti tal-laħam – u t-tradizzjoni għadha ħajja b’riżultat ta’ dan.
Referenza għall-pubblikazzjoni tal-ispeċifikazzjoni tal-prodott
https://www.madr.ro/docs/ind-alimentara/2021/Salinate-de-Turda/caiet-de-sarcini-Salinate-de-Turda-2021.pdf