RAKKOMANDAZZJONI TAL-BANK ĊENTRALI EWROPEW

tal-24 ta’ April 2023

lill-Kunsill tal-Unjoni Ewropea dwar l-awdituri esterni tal-Bank Ċentrali ta’ Malta

(BĊE/2023/12)

(2023/C 156/01)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 27.1 tiegħu,

Billi:

(1)	Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Istati Membri li l-munita tagħhom hija l-euro huma awditjati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea.

(2)	Wara l-awditu għas-sena finanzjarja 2022, il-mandat tal-awdituri esterni tal-Bank Ċentrali ta’ Malta, KPMG, intemm permezz ta’ ftehim reċiproku. Għalhekk jenħtieġ li jinħatru awdituri esterni mis-sena finanzjarja 2023.

(3)	Il-Bank Ċentrali ta’ Malta għażel lil Deloitte Audit Ltd bħala l-awdituri esterni tiegħu għas-snin finanzjarji 2023 sa 2027,

ADOTTA DIN IR-RAKKOMANDAZZJONI:

Huwa rrakkomandat illi Deloitte Audit Ltd għandhom jinħatru bħala l-awdituri esterni tal-Bank Ċentrali ta’ Malta għas-snin finanzjarji 2023 sa 2027.

STATUTI TAL-ACTRIS ERIC

(2023/C 156/02)

PREAMBOLU

BILLI x-xjenza tat-tibdil fil-klima u tal-kwalità tal-arja teħtieġ fehim tal-varjabbiltà spazjali u temporali tal-kostitwenti atmosferiċi b’ħajja qasira;

BILLI fehim aktar profond tal-forzi xprunaturi tat-tibdil fil-klima u tat-tniġġis tal-arja jeħtieġ osservazzjoni tad-distribuzzjoni b’erba’ dimensjonijiet tal-kostitwenti atmosferiċi b’ħajja qasira;

BILLI fehim aktar profond tal-varjabbiltà atmosferika tal-kostitwenti atmosferiċi b’ħajja qasira jeħtieġ għarfien tal-proċessi kumplessi li jixprunaw l-interazzjonijiet tagħhom;

BILLI x-xjenza tat-tibdil fil-klima u tal-kwalità tal-arja teħtieġ aċċess garantit għad-data ta’ osservazzjoni fit-tul ipprovduta bi preċiżjoni u b’kopertura ġeografika adegwata;

BILLI t-titjib tal-għarfien u tat-teknoloġiji għax-xjenza tat-tibdil fil-klima u tal-kwalità tal-arja jeħtieġ aċċess għal pjattaformi ta’ riċerka strumentati ħafna f’atmosferi naturali u kkontrollati;

BILLI L-ACTRIS tipprovdi għarfien espert uniku fil-metroloġija tal-aerosols, tas-sħab u tal-gassijiet traċċa reattivi, fil-forniment tad-data relatata mal-varjabbiltà tal-kostitwenti atmosferiċi b’ħajja qasira u fil-proċeduri għall-aċċess ta’ din l-informazzjoni;

BILLI l-prodotti tad-data tal-ACTRIS huma meħtieġa għall-kompletezza tas-sistema ta’ osservazzjoni tad-dinja għall-kwalità tal-klima u tal-arja u jikkontribwixxu biex isolvu l-inċertezzi fil-mudelli tas-sistema tal-klima u tad-dinja lejn l-iżvilupp ta’ soluzzjonijiet sostenibbli għar-rispons għall-isfidi ambjentali;

BILLI L-ACTRIS għandha l-ħsieb li tgħolli l-livell tat-teknoloġija użata fl-infrastruttura tar-riċerka distribwita u tal-kwalità tas-servizzi offruti lil komunità wiesgħa ħafna ta’ utenti, bl-involviment tas-sħab mis-settur privat;

BILLI L-ACTRIS tippromwovi wkoll it-taħriġ tal-operaturi u tal-utenti u ssaħħaħ ir-rabta bejn ir-riċerka, l-edukazzjoni u l-innovazzjoni fil-qasam tax-xjenza atmosferika u klimatika;

GĦALHEKK

il-membri u l-osservaturi elenkati fl-Anness I

FTIEHMU KIF ĠEJ:

KAPITOLU 1

ELEMENTI ESSENZJALI

KAPITOLU 2

SĦUBIJA U STATUS TA’ OSSERVATUR

KAPITOLU 3

DRITTIJIET U OBBLIGI TAL-MEMBRI U TAL-OSSERVATURI

KAPITOLU 4

GOVERNANZA

KAPITOLU 5

FINANZI U KONTRIBUZZJONIJIET

KAPITOLU 6

MIXXELLANJI

Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):

3,50 % fl-1 ta' Mejju 2023

Rata tal-kambju tal-euro (2)

It-2 ta' Mejju 2023

(2023/C 156/03)

1 euro =

	Munita	Rata tal-kambju
USD	Dollaru Amerikan	1,0965
JPY	Yen Ġappuniż	150,70
DKK	Krona Daniża	7,4538
GBP	Lira Sterlina	0,87868
SEK	Krona Żvediża	11,2915
CHF	Frank Żvizzeru	0,9841
ISK	Krona Iżlandiża	149,70
NOK	Krona Norveġiża	11,7620
BGN	Lev Bulgaru	1,9558
CZK	Krona Ċeka	23,587
HUF	Forint Ungeriż	371,98
PLN	Zloty Pollakk	4,5758
RON	Leu Rumen	4,9305
TRY	Lira Turka	21,3508
AUD	Dollaru Awstraljan	1,6371
CAD	Dollaru Kanadiż	1,4885
HKD	Dollaru ta’ Hong Kong	8,6075
NZD	Dollaru tan-New Zealand	1,7654
SGD	Dollaru tas-Singapor	1,4646
KRW	Won tal-Korea t’Isfel	1 470,32
ZAR	Rand ta’ l-Afrika t’Isfel	20,1460
CNY	Yuan ren-min-bi Ċiniż	7,5791
IDR	Rupiah Indoneżjan	16 143,37
MYR	Ringgit Malażjan	4,8948
PHP	Peso Filippin	60,712
RUB	Rouble Russu
THB	Baht Tajlandiż	37,478
BRL	Real Brażiljan	5,4853
MXN	Peso Messikan	19,6703
INR	Rupi Indjan	89,7515

---

(1)  Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.

(2)  Sors: rata tal-kambju ta' referenza ppubblikata mill-Bank Ċentrali Ewropew.

Pubblikazzjoni ta’ applikazzjoni skont l-Artikolu 26(2) tar-Regolament (UE) 2019/787 tal-Parlament Ewropew u tal-Kunsill dwar id-definizzjoni, id-deskrizzjoni, il-preżentazzjoni u t-tikkettar ta’ xorb spirituż, l-użu tal-ismijiet ta’ xorb spirituż fil-preżentazzjoni u t-tikkettar ta’ oġġetti tal-ikel oħra, il-protezzjoni ta’ indikazzjonijiet ġeografiċi ta’ xorb spirituż, l-użu ta’ alkoħol etiliku u distillati ta’ oriġini agrikola f’xorb alkoħoliku, u li jħassar ir-Regolament (KE) Nru 110/2008

(2023/C 156/04)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 27 tar-Regolament (UE) 2019/787 tal-Parlament Ewropew u tal-Kunsill (1).

DOKUMENT UNIKU

“Borzag pálinka”

Nru tal-UE: PGI-HU-02845

Ippreżentat fit-23 ta’ Mejju 2022

1.   Isem/ismijiet għar-reġistrazzjoni

“Borzag pálinka”

2.   Kategorija tax-xarba spirituża

9.	Spirtu tal-frott

3.   Tip ta’ indikazzjoni ġeografika

Indikazzjoni Ġeografika

4.   Deskrizzjoni tal-karatteristiċi tax-xarba spirituża

Karatteristiċi fiżiċi, kimiċi jew organolettiċi

Magħmul mill-frotta tal-għadma tas-sebuqa salvaġġa jew tal-frotta tas-sebuqa salvaġġa (Sambucus ebulus), li fil-lingwaġġ ta’ kuljum bl-Ungeriż hija magħrufa bħala borzag, “Borzag pálinka”:

—	huwa ċar u ġeneralment bla kulur, għalkemm il-komponenti tal-kulur partikolarment qawwi tal-frotta jistgħu jiġu ttrasferiti għad-distillat finali mid-distillazzjoni u saħansitra jistgħu jipproduċu lewn pallidu jagħti fl-isfar matul il-perjodu fejn jitħalla jistrieħ;

—	għandu kontenut ta’ metanol permess massimu ta’ 1 000 g/hl ta’ 100 % ta’ volum ta’ alkoħol u kontenut ta’ ċjanur tal-idroġenu li ma jaqbiżx is-7 g/hl ta’ 100 % tal-volum ta’ alkoħol;

—	għandu karattru uniku u partikolarment prominenti u togħma u aroma qawwija.

Karatteristiċi speċifiċi (imqabbla max-xorb spirituż tal-istess kategorija)

—

Il-“Borzag pálinka” għandu qawwa alkoħolika ogħla minn 40 % tal-volum, minħabba li l-karatteristiċi aromatiċi tiegħu jipprevalu u jiżviluppaw kif xieraq f’qawwa alkoħolika ogħla; għandu kontenut ta’ sustanzi volatili ta’ mhux inqas minn 350 g/hl ta’ 100 % volum ta’ alkoħol, li huwa dovut għar-rikkezza aromatika tal-materja prima, is-sebuqa salvaġġa, fil-Kontea ta’ Nógrád.

—

In-noti aromatiċi karatteristiċi tal-“Borzag pálinka” jinkludu ħlewwa (togħma pjaċevoli ta’ ċikkulata, frott u għasel), pikkantezza, possibbilment karattru erbali (nagħniegħ, ħwawar ħodor, vanilja, ħlewwa, ġnibru), filwaqt li jistgħu jidhru wkoll noti ta’ qoxra tal-larinġ u marżipan derivati mill-frott artab tal-għadma.

5.   Definizzjoni taż-żona ġeografika

Iż-żona amministrattiva tal-Kontea ta’ Nógrád

6.   Metodu tal-produzzjoni tax-xarba spirituża

Il-frotta li toriġina fiż-żona definita tista’ tiġi mgħaffġa, iffermentata, distillata u titħalla tistrieħ f’distillerija li tinsab fiż-żona ġeografika.

L-istadji ewlenin fil-produzzjoni tal-“Borzag pálinka” huma kif ġej:

1.	Għażla u aċċettazzjoni tal-frott

2.

Immaxxjar

3.	Fermentazzjoni

4.	Distillazzjoni

5.	Perjodu ta’ mistrieħ, ħażna

6.	Produzzjoni u trattament tal-pálinka

6.1.   Għażla u aċċettazzjoni tal-frott

Il-frott irid ikun misjur u mingħajr ħbub imħassra u materja estranja.

6.2.   Immaxxjar

Il-frott b’ħabba żgħira jrid jitneħħielu z-zokk u l-ħbub iridu jiġu mgħaffġa, iżda biss sal-punt li l-għadma ma ssirilhiex ħsara (titnaqqas il-possibbiltà tal-formazzjoni ta’ ċjanur tal-idroġenu). Il-materja prima mbagħad tiddaħħal direttament f’tankijiet tal-fermentazzjoni (tal-azzar inossidabbli, possibbilment tal-plastik).

Skont il-konsistenza tal-frotta, jista’ jkun meħtieġ li jiżdied l-ilma jekk il-frott artab ikun imqadded, minħabba li hekk biss tista’ sseħħ kif xieraq il-fermentazzjoni.

6.3.   Fermentazzjoni

L-użu ta’ teknoloġiji tal-ogħla livell ta’ żvilupp tekniku u materjali awżiljarji (fermentazzjoni kontrollata, ħmira kulturata, enzimi pektolitiċi) huwa permess u rakkomandat. Il-pH ottimali tal-maxx huwa bejn 2,8 u 3,5. Il-maxx iffermentat għandu jiġi distillat malajr kemm jista’ jkun, iżda mhux aktar tard minn 30 jum wara l-fermentazzjoni. Jekk ikun meħtieġ, il-maxx iffermentat għandu jinħażen f’temperatura bejn 10 u 22 °C.

6.4.   Distillazzjoni

Il-“Borzag pálinka” jista’ jiġi prodott permezz ta’ kwalunkwe tagħmir ta’ distillazzjoni kummerċjalment disponibbli. It-teknoloġija b’apparat ta’ distillazzjoni mhux kontinwa tista’ tissemma speċifikament jekk il-pálinka tkun ġiet prodotta permezz ta’ tagħmir tad-distillazzjoni b’kapaċità massima ta’ 1 000 litru u wiċċ tar-ram, permezz ta’ distillazzjoni frazzjonali ta’ mill-inqas id-doppju.

6.5.   Perjodu ta’ mistrieħ, ħażna

Wara r-raffinar/id-distillazzjoni, il-“Borzag pálinka” jrid jitħalla jistrieħ f’kamra protetta mid-dawl, b’temperatura uniformi ta’ inqas minn 20 °C u b’umdità moderata, biex it-togħmiet u l-fwejjaħ kumplessi jitħallew jitħalltu. Id-durata tal-perjodu ta’ mistrieħ trid tkun tal-anqas ta’ 60 jum. Matul dak iż-żmien, ma għandu jsir l-ebda proċess fiżiku jew kimiku fuq il-pálinka.

6.6.   Produzzjoni u trattament tal-pálinka

Il-qawwa alkoħolika tad-distillat li jkun tħalla jistrieħ trid tiġi aġġustata għal-livell xieraq għall-konsum, billi jiżdied ilma mrattab, b’minimu ta’ 40 % V/V, minħabba li l-karatteristiċi aromatiċi tal-“Borzag pálinka” jipprevalu u jiżviluppaw kif xieraq b’qawwa alkoħolika ogħla. (Il-qawwa alkoħolika wara d-dilwizzjoni tista’ tvarja b’± 0,3 % V/V mill-valur iddikjarat fuq it-tikketta.)

Il-grad ta’ alkoħol xieraq għall-konsum għandu jiġi stabbilit b’reqqa kbira, f’diversi stadji, billi jiżdied 5–10 % ta’ ilma kull darba, fuq perjodu ta’ bosta ġranet, sabiex tiġi evitata l-opalexxenza u jiġu protetti l-komponenti aromatiċi.

7.   Regoli speċifiċi dwar l-ippakkjar

—

8.   Regoli speċifiċi dwar it-tikkettar

Minbarra l-elementi speċifikati fil-leġiżlazzjoni, it-tikkettar jinkludi wkoll dan li ġej:

—	“Földrajzi jelzés” [indikazzjoni ġeografika] (separata mill-isem)

—	L-isem “Borzag pálinka” jrid jidher fuq it-tikketti kollha tal-flixkun (fuq quddiem u/jew wara u/jew il-ġenb).

9.   Deskrizzjoni tar-rabta bejn ix-xarba spirituża u l-oriġini tagħha

Ir-rabta bejn il-“Borzag pálinka” u ż-żona hija bbażata fuq il-karatteristiċi u r-reputazzjoni tal-prodott.

Il-materja prima għall-“Borzag pálinka” hija l-frotta tal-għadma tas-sebuqa salvaġġa (tuta tas-sebuqa) – magħrufa wkoll bl-Ungeriż bħala borzag – li toriġina fil-Kontea ta’ Nógrád.

Borzag huwa l-isem popolari u oriġinali li jingħata lil Sambucus ebulus L., jew is-sebuqa salvaġġa, mill-Ungeriżi tal-Kontea ta’ Nógrád (Pallas Nagylexikon: https://mek.oszk.hu/00000/00060/html/015/pc001524.html#10), li juri biċ-ċar li l-“Borzag pálinka” joriġina fil-Kontea ta’ Nógrád, peress li huwa hawnhekk biss li s-sebuqa salvaġġa hija magħrufa bħala borzag. Barra minn hekk, fil-ktieb tiegħu dwar il-“Borzag pálinka”, Sándor Póczos jiddikjara li hemm kontea fl-Ungerija, jiġifieri Nógrád, fejn hija magħrufa ħafna s-sebuqa salvaġġa (borzag), u l-ipproċessar tal-pálinka huwa aċċettat u saħansitra naturali.

Il-Kontea ta’ Nógrád tinsab fil-parti tat-Tramuntana tal-Ungerija, fl-intersezzjoni ta’ erba’ meded ta’ muntanji (Börzsöny, Mátra, Cserhát u Karancs-Medves). F’termini tat-topografija tagħha, iż-żona tikkonsisti minn meded ta’ muntanji mifruxa ta’ oriġini volkanika, b’għoli ta’ 400-600 m, inkluż irqajja’ ta’ foresta (li jammontaw għal madwar 40 % tat-territorju tal-kontea). Iż-żona għandha provvista tal-ilma naturali baxxa. Il-ħamrija batuta, aċiduża u iebsa u l-kundizzjonijiet klimatiċi speċifiċi – żoni friski, umdużi u dellin – taż-żona huma favorevoli għat-tkabbir tal-frotta, li huwa kkonfermat mill-istudji. Il-karatteristiċi li jiddefinixxu s-sebuqa huma influwenzati ħafna mit-temp. Bis-saħħa tal-kundizzjonijiet ambjentali, is-sebuqa salvaġġa li titkabbar fir-reġjun hija rikka ħafna fl-esteri morri tal-glikosidi iridojdi (ebulosid, isoswerosid), fis-saponina, fit-tannina, fil-glikosidi ċjanoġeniċi, fir-raża, fiż-żejt essenzjali u fl-aċidi organiċi. It-togħma morra tal-glikosidi iridojdi tikkontribwixxi ħafna għat-togħma tal-marżipan u l-karattru pikkanti tal-“Borzag pálinka”. Il-frott artab tiegħu fih ukoll proporzjon għoli ta’ żejt essenzjali, zokkor, glikosid ċjanoġeniku u kulurant vjola, li jwasslu għan-noti aromatiċi tiegħu ta’ ħlewwa u l-lewn okkażjonalment pallidu li jagħti fl-isfar tal-pálinka li tkun tħalliet tistrieħ.

Il-produzzjoni tal-“Borzag pálinka” fil-Kontea ta’ Nógrád tmur lura sekli sħaħ. Fid-dawl tat-tradizzjonijiet li ilhom sekli sħaħ, kważi d-distilleriji kummerċjali kollha fil-Kontea ta’ Nógrád jagħmlu l-pálinka mis-sebuqa salvaġġa. Huwa biss f’dawn il-partijiet (il-Kontea ta’ Nógrád) li l-pjanta hija magħrufa bħala borzag; f’partijiet oħrajn, hija magħrufa bħala gyalogbodza [it-terminu Ungeriż standard għas-sebuqa salvaġġa].

Sa min-nofs is-seklu 19, din il-pjanta robusta li ma titlobx wisq attenzjoni kienet saret mifruxa fil-Kontea ta’ Nógrád, kif ifakkar Zoltán Szerémy, li twieled f’Nógrádmegyer fl-1861: “... Iżda l-art kienet aktar diliġenti u ferventi mill-bdiewa tagħha. Kabbret minn rajha sġajra simili għas-sebuqa salvaġġa…” (Zoltán Szerémy: Emlékeim a régi jó időkből [Tifkirieti ta’ ġranet mgħoddija] pp. 27-28. Színészek Szövetsége. Budapest, 1929).

Is-sebuqa salvaġġa hija parti mill-mediċina folkloristika; kienet tintuża biex isir il-ġamm, u flimkien mal-okkorrenzi sporadiċi fir-reġjun abitat min-nies Palóc, l-aktar fil-Kontea ta’ Nógrád, kienet u għadha tintuża għall-produzzjoni tal-pálinka. Dan huwa muri wkoll minn artiklu fin-Nógrád Megyei Hírlap [il-Gazzetta tal-Kontea ta’ Nógrád] bit-titolu Forró az üst, forr a cefre [Il-kaldarun jaħraq u l-maxx qed jagħli] (21 ta’ Settembru 2004, p. 2), li jsemmi t-tliet ingredjenti ewlenin fil-produzzjoni lokali tal-pálinka: tuffieħ, lanġas u, fit-tielet post, is-sebuq salvaġġ (borzag).

Premjijiet li juru r-reputazzjoni tal-“Borzag pálinka”:

—	2012 – L-Ewwel Konkors Nazzjonali tal-Pálinka magħmula minn Frott tal-Foresta u Selvaġġ – Midalja tad-deheb

—	2013 – It-Tieni Konkors Nazzjonali tal-Pálinka magħmula minn Frott tal-Foresta u Selvaġġ – Midalja tad-deheb

—	2014 – It-Tielet Konkors Nazzjonali tal-Pálinka magħmula minn Frott tal-Foresta u Selvaġġ – Midalja tal-fidda

—	2015 – Il-Ħdax-il Konkors tal-Inbid u l-Ispirti ta’ Mátra – Midalja tad-deheb

—	2016 – Ir-Raba’ Konkors Nazzjonali tal-Pálinka magħmula minn Frott tal-Foresta u Selvaġġ – Midalja tad-deheb

—	2018 – Il-Kulleġġ tal-Pálinka – il-Premju Fortissimus Spiritus

—	2020 Il-Konkors Nazzjonali tal-Pálinka u tal-Pálinka tal-Karfa tal-Għeneb – Midalja tal-fidda

Il-“Borzag pálinka” jista’ jinxtara wkoll fl-aqwa lukanda tar-reġjun b’erba’ stilel bħala kurżità tal-Kontea ta’ Nógrád.

Għadd dejjem akbar ta’ produtturi qegħdin idaħħlu l-“Borzag pálinka” fil-Konkors Nazzjonali annwali tal-Pálinka magħmula minn Frott tal-Foresta u Selvaġġ.

Għalkemm il-“Borzag pálinka” huwa stabbilit u magħruf sew fil-Kontea ta’ Nógrád, sfortunatament jeżistu biss ftit rekords bil-miktub li juru r-reputazzjoni tal-prodott. Biex jiġi rrimedjat dan in-nuqqas, fl-2018 dehret pubblikazzjoni minn Sándor Póczos bl-isem ta’ Palócok pálinkája, a borzag [Borzag (is-sebuqa salvaġġa) – il-pálinka tan-nies ta’ Palóc] li tipprovdi evidenza storika b’appoġġ għall-fama lokali tal-prodott. Il-pubblikazzjoni tinkludi wkoll memorji u deskrizzjonijiet tal-“Borzag pálinka” minn għadd ta’ persuni li jgħixu fil-Kontea ta’ Nógrád jew li joriġinaw minn hemm (magħrufa wkoll bħala n-nies Palóc).

Fil-ktieb tiegħu Palócok pálinkája, a borzag, Sándor Póczos jiddikjara li r-reputazzjoni tal-“Borzag pálinka” hija marbuta maż-żona ġeografika bil-mod li ġej: “Hemm aspett importanti ieħor li jispjega l-firxa tas-sebuqa salvaġġa f’Nógrád. Huwa fatt bażiku li jekk xi ħaġa ma taħdimx xi mkien, mhux se tiġi imposta hemmhekk, għaliex ma tkunx tajba jew sempliċiment mhux se tagħti r-riżultat mistenni. Forsi minħabba li l-materja prima kienet disponibbli fi kwantitajiet relattivament kbar u ma kinitx tirrikjedi xi investiment jew attenzjoni partikolari, huwa probabbli l-produzzjoni tal-‘Borzag pálinka’ ġiet ippruvata wkoll f’partijiet oħrajn tal-pajjiż, iżda mingħajr l-ebda suċċess. Peress li ma kien hemm l-ebda differenza notevoli fit-teknoloġija użata għall-produzzjoni ta’ spirti distillati dak iż-żmien, il-fatturi ambjentali weħidhom jistgħu jikkontribwixxu għall-ispeċifiċità tal-‘Borzag pálinka’ mill-Kontea ta’ Nógrád. Nistgħu nassumu kif xieraq li huma l-affinità ogħla mill-medja tal-art, tal-klima, u fl-aħħar iżda mhux l-inqas tan-nies Palóc, li jgħollu din l-ispeċjalità tal-pálinka għal valur li jmur ferm lil hinn mill-kontea.”

Speċifikazzjoni tal-prodott – referenza ta’ pubblikazzjoni

https://gi.kormany.hu/foldrajzi-arujelzok

---

(1)  ĠU L 130, 17.5.2019, p. 1.

Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2023/C 156/05)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien 3 xhur mid-data ta’ din il-pubblikazzjoni.

DOKUMENT UNIKU

“Szabolcsi alma”

Nru tal-UE: PGI-HU-02852 — 22.6.2022

DOP ( ) IĠP (X)

1.   Isem/Ismijiet tal-IĠP

“Szabolcsi alma”

2.   Stat Membru jew Pajjiż Terz

L-Ungerija

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.6: Frott, ħaxix u ċereali, friski jew ipproċessati

3.2.   Deskrizzjoni tal-prodott li għalih japplika l-isem f’(1)

L-indikazzjoni ġeografika protetta “Szabolcsi alma” tista’ tintuża għat-tuffieħ biex jiġi kkonsmat frisk tal-varjetajiet Gala, Jonathan, Jonagold, Golden Delicious, Red Delicious, Idared u Pinova tal-ispeċijiet Malus domestica u l-varjanti tagħhom (mutanti/kloni) imkabbra fiż-żona ġeografika ddefinita bil-karatteristiċi tal-kwalità speċifikati hawn taħt.

Il-karatteristiċi kwalitattivi ta’ “Szabolcsi alma” huma kif ġej:

—	ikunu aċidużi u ħelwin, b’togħma u riħa rinfreskanti u laħma tqarmeċ;

—	ikollhom kontenut għoli ta’ zokkor: mill-inqas 12-il °Brix għal Gala, Red Delicious u Idared, u mill-inqas 13-il °Brix għal Jonathan, Jonagold, Golden Delicious u Pinova, skont il-varjetà;

—	ikollhom ebusija tal-laħma ta’ mill-inqas 5,5 kg/cm2.

Il-karatteristiċi kwalitattivi relatati mad-daqs (il-forma, il-piż medju, id-dijametru) u l-kulur tal-qoxra, skont il-varjetà, jidhru fit-tabella:

Varjetà	Daqs	Kulur tal-qoxra
Gala	Żgħira, sferika jew iċċattjata Piż medju: 150–170 g Dijametru: 65–85 mm	Il-kulur bażiku meta tkun misjura huwa safrani bi sfumaturi ħomor fuq il-wiċċ, bl-istrixxi fuq xi varjanti.
Jonathan	Medja għal żgħira b’forma konika-sferika, kemxejn irrigata, simmetrika Piż medju: 120-130 g Dijametru: 65–75 mm	Il-kulur bażiku meta tkun misjura huwa aħdar safrani, b’qoxra ta’ lewn aħmar jgħajjat u bi strixxi wiesgħa ta’ lewn aħmar skur.
Jonagold	Kbira, sferika jew kemxejn konika, ibbilanċjata sew, minimament irrigata Piż medju: 220–250 g Dijametru: 70–90 mm	Il-kulur bażiku huwa aħdar safrani u 40–60 % tal-qoxra hija ta’ lewn aħmar ċar/aħmar skur.
Golden Delicious	Sferika jew kemxejn tawwalija f’forma ta’ konu maqtugħ Piż medju: 140–180 g Dijametru: 70–85 mm	Il-kulur bażiku huwa isfar ħadrani, li aktar tard isir isfar.
Red Delicious	Medja-kbira jew kbira, tawwalija, irrigata ’l fuq mis-sepala Piż medju: 150–170 g Dijametru: 70–90 mm	Il-kulur bażiku huwa bi sfumaturi b’aħmar skur, bl-istrixxi, u l-wiċċ kollu bi ftit strixxi huwa ta’ lewn aħmar skur ileqq.
Idared	Medja sa kbira, b’forma sferika ċċattjata u rrigata b’mod fin Piż medju: 170–220 g Dijametru: 70–95 mm	Il-kulur bażiku huwa aħmar jgħajjat u l-qoxra hija bl-isfumaturi.
Pinova	Medja, kemxejn tawwalija, forma ta’ kon Piż medju: 150–180 g Dijametru: 65–85 mm	Il-kulur bażiku huwa isfar, b’aktar minn nofs il-wiċċ miksi jew bi strixxi ta’ kulur vermilju karatteristiku.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

—

3.4.   Passi speċifiċi tal-produzzjoni li jridu jsiru fiż-żona ġeografika ddefinita

“Szabolcsi alma” tista’ tiġi kkultivata u maħsuda biss fiż-żona ġeografika speċifikata fil-punt 4.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

—

3.6.   Regoli speċifiċi dwar it-tikkettar

L-IĠP “Szabolcsi alma” trid tidher b’ittri akbar minn dawk ta’ kwalunkwe kitba oħra fuq it-tikketta tal-pakkett.

4.   Definizzjoni fil-qosor taż-żona ġeografika

“Szabolcsi alma” tiġi kkultivata u tinħasad fil-konfini amministrattivi tal-Kontea ta’ Szabolcs-Szatmár-Bereg.

5.   Rabta maż-żona ġeografika

Ir-rabta bejn “Szabolcsi alma” u ż-żona ġeografika hija bbażata fuq il-kwalità.

“Szabolcsi alma” tista’ tintgħaraf minn tuffieħ ieħor fuq il-bażi tal-karatteristiċi speċifiċi stabbiliti fil-punt 3.2.

Il-karatteristiċi speċifiċi ta’ “Szabolcsi alma” stabbiliti fil-punt 3.2 huma r-riżultat tar-rabta mill-qrib bejn iż-żona ġeografika, il-kundizzjonijiet favorevoli tal-ħamrija u tal-klima taż-żona tal-produzzjoni, u l-għarfien espert konsiderevoli tal-produtturi tat-tuffieħ.

Il-kundizzjonijiet tal-ħamrija tal-Kontea ta’ Szabolcs-Szatmár-Bereg huma eċċellenti għall-produzzjoni tat-tuffieħ. Il-kundizzjonijiet tal-ħamrija u dawk klimatiċi u topografiċi taż-żoni ġeografiċi naturali tal-Kontea ta’ Szabolcs-Szatmár-Bereg għamluha possibbli li t-tuffieħ u speċijiet oħra ta’ frott indiġeni għal klimi moderati jitkabbru b’mod ekonomikament vijabbli fil-kontea (Pethő, 2005).

Il-Kontea ta’ Szabolcs-Szatmár-Bereg għandha t-tieni l-akbar pjanura alluvjali fl-Ungerija, li titla’ sa għoli ta’ 20 sa 50 metru mill-pjanura tal-għargħar ta’ Transtisza. Il-kontenut ta’ ħumus — madwar 2 % — u l-kontenut għoli ta’ kalċju fil-ħamrija chernozem li żviluppa fuq il-ħamrija tal-loess ramli fuq il-partijiet ċatti tal-pjanura alluvjali, flimkien mar-ramal ħafif iddepożitat mit-tributarji tat-Tisza, huma favorevoli għat-tħawwil tas-siġar tat-tuffieħ.

L-għadd ta’ sigħat ta’ dawl tax-xemx huwa bejn 1 950 u 2 050, li huwa madwar 300-400 siegħa aktar milli f’pajjiżi fil-Punent u t-Tramuntana tal-Ungerija. Il-kundizzjonijiet klimatiċi tal-kontea għalhekk huma favorevoli għall-produzzjoni tat-tuffieħ. Minbarra d-dawl tax-xemx, il-klima tagħha hija influwenzata wkoll minn mases ta’ arja oċeaniċi, kontinentali u Mediterranji. B’riżultat ta’ dan, xi drabi tiddomina influwenza oċeanika u drabi oħra tiddomina influwenza ta’ klima kontinentali.

L-istaġun tat-tkabbir fil-Kontea ta’ Szabolcs-Szatmár-Bereg jibda bejn 6 u 8 ijiem aktar tard milli f’kontej oħra fl-Ungerija. Is-sjuf huma moderatament sħan, b’temperatura medja f’Lulju ta’ 20–23 °C. Fix-xhur tal-ħarifa, it-temperatura medja ta’ kuljum tkun 1–2 °C aktar baxxa milli fil-bqija tal-pajjiż minħabba r-radjazzjoni ogħla billejl, li tippermetti li jitnaqqas ir-ritmu tal-proċess ta’ maturazzjoni.

Il-kwalitajiet interni u l-valur ta’ tgawdija ta’ “Szabolcsi alma” huma ddeterminati primarjament mill-fatturi ambjentali matul is-sajran: it-temperatura, id-dawl tax-xemx u l-indewwa ta’ kmieni filgħodu. L-umdità relattiva tal-arja tkun madwar 75 % matul ix-xhur tas-sajf. L-umdità relattiva ogħla f’Settembru għandha effett estremament ta’ benefiċċju fuq il-kulur tal-frotta u r-ritmu tas-sajran. Il-proċess tas-sajran ta’ “Szabolcsi alma” għalhekk jieħu aktar żmien u kwantità akbar tad-diversi nutrijenti tiġi inkorporata fil-frotta. B’riżultat ta’ dan, “Szabolcsi alma” għandha kontenut għoli ta’ zokkor: mill-inqas 12-il °Brix għal Gala, Red Delicious u Idared, u mill-inqas 13-il °Brix għal Jonathan, Jonagold, Golden Delicious u Pinova, skont il-varjetà. Huwa l-kontenut għoli ta’ zokkor li jagħti lil “Szabolcsi alma” l-karattru aċiduż ħelu tagħha.

F’Settembru, il-ġranet sħan, l-umdità relattiva għolja u t-tkessiħ billejl flimkien mal-formazzjoni tan-nida kmieni filgħodu jikkontribwixxu b’mod sinifikanti għall-kulur vibranti ta’ “Szabolcsi alma” u għall-iżvilupp tal-aċidità għolja u l-aromi, li jirriżultaw f’togħma ħelwa u aċiduża.

Il-kontenut għoli tal-kalċju fil-ħamrija jfisser li l-laħma tal-frotta għandha wkoll kontenut ogħla ta’ kalċju, li jirriżulta fil-polpa tqarmeċ u fl-ebusija ta’ mill-inqas 5,5 kg/cm2 ta’ “Szabolcsi alma”.

Minbarra li għandhom żona ta’ produzzjoni ideali, il-kultivaturi fil-Kontea ta’ Szabolcs-Szatmár-Bereg jibbenefikaw minn għarfien espert li jirriżulta mill-esperjenza akkumulata matul is-sekli, b’impatt pożittiv fuq il-produzzjoni ta’ “Szabolcsi alma”. L-għarfien espert fil-produzzjoni ta’ “Szabolcsi alma” jingħadda minn ġenerazzjoni għal oħra fiż-żona ġeografika ddefinita.

L-għarfien aġġornat tal-produtturi f’termini ta’ varjetajiet, l-użu ta’ materjal ta’ propagazzjoni ċċertifikat u l-kultivazzjoni tat-tuffieħ huma kruċjali għall-karatteristiċi stabbiliti fil-punt 3.2. L-Istazzjon tar-Riċerka ta’ Újfehértó tal-Istitut tar-Riċerka tal-Kultivazzjoni tal-Frott u tal-Pjanti Ornamentali appoġġa dan għal aktar minn 70 sena b’selezzjoni konservattiva tal-varjetajiet, il-produzzjoni ta’ materjal tal-propagazzjoni ċċertifikat u l-għoti ta’ pariri minn esperti. L-istazzjon tar-riċerka jaħdem fuq ir-riċerka fiż-żona tal-produzzjoni ta’ “Szabolcsi alma”, ir-reġistrazzjoni tas-siġar tal-frott, il-kultivazzjoni u l-istudju fiżjoloġiku tal-varjetajiet tat-tuffieħ, u l-iżvilupp ta’ metodi ta’ ċertifikazzjoni tal-varjetajiet.

Il-produzzjoni tal-frott għandha tradizzjoni li tmur lura sekli sħaħ fil-Kontea ta’ Szabolcs-Szatmár-Bereg bis-saħħa tal-kundizzjonijiet ta’ benefiċċju tal-ħamrija u tal-klima. Dan huwa affermat fix-xogħlijiet tal-vjaġġatur famuż Ottoman, Evliya Çelebi, li fil-volumi tiegħu li jiddeskrivu l-vjaġġi li għamel fl-Ungerija bejn l-1660 u l-1666 kiteb dwar ir-rikkezza tal-ġonna tas-siġar tal-frott fi Szabolcs, il-ġid tal-produtturi u l-frott ta’ togħma estremament tajba. Huwa jiddeskrivi wkoll il-produzzjoni ta’ tant abbundanza ta’ frott fiż-żona li pprovdiet sosteniment abbundanti għall-armati Ottomani li kienu jinvadu.

Wara t-Tieni Gwerra Dinjija, tnediet skema kbira ta’ pjantaġġuni, li rriżultat fil-ħolqien ta’ kważi 50 % tal-pjantaġġuni tat-tuffieħ tal-pajjiż fil-Kontea ta’ Szabolcs-Szatmár-Bereg, li jirrappreżentaw aktar minn nofs il-produzzjoni nazzjonali.

Ir-reputazzjoni tal-kultivazzjoni tat-tuffieħ Ungeriż kienet ibbażata fuq “Szabolcsi alma”. L-isem “Szabolcsi alma” sar sinonimu ma’ marka ta’ kwalità għolja. (T. Szabó – Zs. Csoma 2001).

Referenza għall-pubblikazzjoni tal-Ispeċifikazzjoni

https://gi.kormany.hu/foldrajzi-arujelzok

---

(1)  ĠU L 343, 14.12.2012, p. 1.

Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2023/C 156/06)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien 3 xhur mid-data ta’ din il-pubblikazzjoni.

DOKUMENT UNIKU

“Sidra da Madeira”

Nru tal-UE: PGI-PT-02641 — 14.10.2020

DOP ( ) IĠP (X)

1.   Isem/Ismijiet

“Sidra da Madeira”

2.   Stat Membru jew pajjiż terz

Il-Portugall

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.8. Prodotti oħrajn elenkati fl-Anness I tat-Trattat (ħwawar, eċċ.)

3.2.   Deskrizzjoni tal-prodott li għalih japplika l-isem f’(1)

Is-“Sidra da Madeira” hija x-xarba li tinkiseb permezz tal-fermentazzjoni tal-meraq naturali ppressat mill-frott frisk ta’ varjetajiet tradizzjonali u ta’ varjetajiet oħrajn tat-tuffieħ (Malus domestica Borkh.) u, xi drabi, ta’ taħlitiet ta’ tuffieħ u lanġas (Pyrus communis L.), li jikbru esklużivament fuq il-gżira ta’ Madeira. Dan isir f’konformità mal-metodi ta’ produzzjoni li huma tradizzjonali jew speċifiċi għall-gżira.

Huwa sidru naturali prodott esklużivament permezz tal-fermentazzjoni tal-meraq miksub bil-qtugħ, bit-tħin, bit-tgħaffiġ u bl-ippressar ta’ tuffieħ li jikber lokalment u, xi drabi, lanġas, li jfisser li l-kontenut ta’ zokkor u ta’ diossidu tal-karbonju tiegħu huwa ta’ oriġini purament endoġena. Dan jeżisti wkoll bħala sidru naturali karbonat, li jkun kompletament jew parzjalment ifexfex biż-żieda tad-diossidu tal-karbonju.

F’termini ġenerali, għandu l-karatteristiċi li ġejjin: qawwa alkoħolika minima ta’ 5 % (b’volum ta’ 20 oC); kontenut ta’ zokkor fermentabbli ta’ inqas minn 15-il g/l; aċidità totali minima (f’aċidu maliku) ta’ 3 g/l u sa 10 g/l; aċidità volatili massima (espressa bħala aċidu aċetiku) ta’ 1,8 g/l u kontenut totali massimu ta’ diossidu tal-kubrit (espress bħala SO2) ta’ 200 mg/l.

Skont il-kombinazzjoni ta’ speċijiet u varjetajiet ta’ frott użati, is-“Sidra da Madeira” jvarja minn lewn isfar jgħajjat bħal-lumija għal isfar lewn it-tiben, bi sfumaturi li jagħtu fl-oranġjo, b’dehra ċara jekk jiġi ffiltrat jew b’xi residwi jekk ma jiġix iffiltrat.

Għandu aroma friska u awtentikata, li turi karattru ta’ frott ta’ intensità medja għal qawwija, b’noti sinifikanti ta’ tuffieħ aħdar, tuffieħ misjur, sfarġel u/jew frott taċ-ċitru, li jifforma element bilanċjat u pjaċevoli.

Normalment ikun bla gass, b’togħma ħafifa, mhux ħelwa wisq li tiżviluppa bilanċ armonjuż bejn it-togħma qawwija u morra, b’finitura xotta. Huwa distint permezz ta’ aroma u togħma qawwija ta’ tuffieħ u l-freskezza li jikseb mill-aċidità notevoli tiegħu.

Jinbiegħ bħala sidru fi flixkun jew bħala sidru ppakkjat f’kontenituri xierqa (btieti jew damiġġani) għall-bejgħ fi stabbilimenti tax-xorb u tal-ikel u għall-bejgħ bl-imnut lill-konsumatur finali.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Il-varjetajiet tradizzjonali li jintużaw għall-produzzjoni tas-“Sidra da Madeira” huma t-tuffieħ “Barral”, “Cara-de-dama”, “Branco”, “Bico de melro”, “Da Festa”, “Domingos”, “Da Ponta do Pargo”, “Calhau”, “Focinho de rato” u “Vime” u, f’xi każijiet, il-lanġas “Do Santo” u “Tenra de São Jorge”.

Il-prattika antika tal-bdiewa ta’ Madiera li jkattru u jaqsmu l-materjal ġenetiku mis-siġar u mill-frott bl-aħjar karatteristiċi għall-konsum frisk u/jew għall-produzzjoni tas-sidru tfisser li xorta għadhom jitkabbru varjetajiet kultivati oħrajn ta’ tuffieħ u lanġas, b’mod partikolari t-tuffieħ “Baunesa”, “Camacha”, “Espelho”, “Parda”, “Rajada”, “Reineta Tenra da Camacha”, “Santa Isabel”, “Ázimo”, “Amarelo”, “Amargo”, “Camoesa”, “De vinho”, “Ouro”, “Pevide”, “Rajado”, “Rijo”, “Riscado” u “Serra” u l-lanġas “Santa Isabel ou de Santana”, “São João”, “Curé” u “Pardas”, li jintuża wkoll, għalkemm fi grad inqas, fil-lottijiet destinati għall-produzzjoni tas-“Sidra da Madeira”.

Minħabba li xi produtturi, sa mill-bidu nett, fittxew li jiddiversifikaw il-ġonna tagħhom b’varjetajiet eżotiċi għall-konsum frisk, bħat-tuffieħ “Golden”, “Fuji”, “Starking”, “Royal Gala” u “Reineta” u l-lanġas “Rocha”, li ħafna minnu diġà kien instab fuq il-gżira minn Vieira Natividade fl-1947, dan il-frott jista’ jintuża wkoll fil-produzzjoni tas-“Sidra da Madeira” jekk ikun disponibbli fl-azjenda jew ikun tkabbar esklużivament fuq il-gżira.

It-taħlit ta’ din il-firxa wiesgħa ta’ varjetajiet tradizzjonali ta’ tuffieħ u lanġas, u xi drabi anke varjetajiet oħrajn ta’ tuffieħ u lanġas, li jistgħu jkunu ftit jew wisq qawwija, morra jew ħelwin u jitkabbru fuq il-gżira, huwa dak li jipproduċi r-rikkezza tal-kuluri, tal-aromi u tat-togħmiet u l-aċidità rifreskanti li jiddistingwu s-“Sidra da Madeira” prodott f’diversi lokalitajiet fuq il-gżira mid-diversi produtturi differenti.

3.4.   Passi speċifiċi tal-produzzjoni li jridu jsiru fiż-żona ġeografika ddefinita

L-istadji kollha biex isir is-sidru, mill-produzzjoni tal-materja prima, l-estrazzjoni tal-meraq naturali u l-fermentazzjoni, sat-tqaddim u l-preservazzjoni, isiru fuq il-gżira ta’ Madeira.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

L-ippakkjar tas-“Sidra da Madeira” fi fliexken jew f’kontenituri xierqa (btieti jew damiġġani) għall-bejgħ bl-imnut lill-konsumatur finali jsir fuq il-gżira ta’ Madeira sabiex jiġi żgurat li l-kuluri speċifiċi, l-aromi u t-togħmiet ta’ dan is-sidru naturali (xi drabi karbonat) jiġu ppreservati, filwaqt li tiġi evitata kwalunkwe ossidazzjoni jew kontaminazzjoni li tista’ tfixkel il-karatteristiċi organolettiċi tiegħu, u sabiex tiġi ggarantita t-traċċabilità sħiħa tal-prodott.

3.6.   Regoli speċifiċi dwar it-tikkettar

—

4.   Definizzjoni fil-qosor taż-żona ġeografika

Il-gżira ta’ Madeira.

5.   Rabta maż-żona ġeografika

L-applikazzjoni għar-reġistrazzjoni tas-“Sidra da Madeira” hija bbażata minn naħa waħda fuq ir-rabta bejn il-kulur, il-karatteristiċi tal-aroma u tat-togħma u l-aċidità sinifikanti tiegħu u il-firxa wiesgħa ta’ kombinamenti ta’ frott minn varjetajiet tradizzjonali tat-tuffieħ u tal-lanġas u varjetajiet oħrajn li jikbru esklużivament fuq il-gżira ta’ Madeira li jintużaw biex dan isir u, min-naħa l-oħra fuq il-kundizzjonijiet tal-ħamrija u dawk klimatiċi fil-lokalitajiet fejn jitkabbar il-frott frisk. Ir-reputazzjoni b’saħħitha tas-“Sidra da Madeira” u l-importanza tiegħu fid-diversi lokalitajiet fuq il-gżira fejn isir ukoll jikkontribwixxu għar-rabta.

Speċifiċità tal-prodott

Dak li jiddistingwi s-“Sidra da Madeira” huwa li hu sidru naturali (xi drabi karbonat) b’firxa wiesgħa ta’ kuluri, aromi u togħmiet u aċidità vibranti, li għamlitu popolari ferm mal-konsumaturi, u li huwa r-riżultat tal-fermentazzjoni tal-meraq naturali ppressat minn “taħlitiet” differenti jew kombinamenti tal-frott frisk ta’ varjetajiet tradizzjonali u ta’ varjetajiet oħrajn tat-tuffieħ u, xi drabi, tal-lanġas li jikber u jinqata’ fil-ġonna mħawla f’diversi lokalitajiet fuq il-gżira ta’ Madeira b’mikroklimi aktar moderati u b’ħamrija aktar aċidika, li minnha l-frott jieħu l-karatteristiċi organolettiċi speċifiċi tiegħu.

Huwa wkoll magħruf sew mill-produtturi u mill-konsumaturi peress li dejjem kien importanti ħafna għall-abitanti tal-lokalitajiet fuq il-gżira fejn il-kundizzjonijiet huma favorevoli għat-tkabbir tal-frott frisk li jsir minnu, fejn ġie żviluppat il-metodu l-aktar tradizzjonali tal-produzzjoni tas-sidru u fejn prattiki ġodda awtorizzati għal din it-tip ta’ xarba ġew introdotti biex tittejjeb u tiġi differenzjata l-produzzjoni tagħha. Dawk il-lokalitajiet għandhom ukoll festivals u avvenimenti folkloristiċi li jsiru kull sena biex jippromwovu s-“Sidra da Madeira” tagħhom u t-tuffieħ u l-lanġas li minnhom isir.

Speċifiċità taż-żona ġeografika

Fatturi naturali. Madeira hija gżira volkanika fir-reġjun subtropikali tal-Atlantiku tat-Tramuntana. Għandha riżalt tassew mhux livellat b’muntanji weqfin isseparati minn widien fondi, li jiffurmaw medda ta’ muntanji ċentrali mil-Lvant sal-Punent, perpendikolari għall-irjieħ prevalenti, b’altitudnijiet ta’ aktar minn 1 200 m. Minħabba l-pożizzjoni ġeografika tagħha, Madeira għandha klima moderata bi fluttwazzjonijiet żgħar biss fit-temperatura, ħlief fuq art ogħla, fejn it-temperaturi huma aktar baxxi. It-terren muntanjuż tal-gżira u l-esponiment għall-irjieħ aliżej ipproduċew varjetà wiesgħa ta’ mikroklimi, billi n-naħa tan-Nofsinhar hija xemxija u kennija filwaqt li n-naħa tat-Tramuntana hija dellija, aktar friska u mxarrba.

Il-karatteristiċi tal-ħamrija bażaltika dominanti jinbidlu biż-żieda tal-altitudni u l-bidla li tirriżulta fil-klima, li ssir aktar imxarrba u aktar kiesħa. Huwa għalhekk li l-frott li jintuża għall-produzzjoni tas-“Sidra da Madeira” jitkabbar prinċipalment fiż-żoni tal-gżira b’mikroklimi aktar moderati u umdi – l-aktar f’altitudnijiet ta’ aktar minn 400 m fin-naħa tan-Nofsinhar u 300 m fin-naħa tat-Tramuntana – fejn jippredominaw il-Cambisols u l-Andosols aċidiċi, b’arjazzjoni u skular tajbin.

Fatturi umani. Fost is-siġar tal-frott li ġew introdotti mill-ewwel insedjamenti mill-Portugall fis-snin 1420 kien hemm diversi varjetajiet ta’ tuffieħ u lanġas li nġiebu mill-Portugall, li sabu kundizzjonijiet ta’ tkabbir ideali fiż-żoni b’mikroklimi aktar moderati u ħamrija li fil-biċċa l-kbira tagħha kienet ramlija u taflija b’aċidità medja sa għolja.

Huwa maħsub li l-produzzjoni tas-“Sidra da Madeira” bdiet hekk kif il-ġonna bdew jipproduċu biżżejjed frott għall-konsum u għall-ipproċessar. Dan huwa kkorroborat mir-rakkonti tal-istoriku Gomes Eanes de Zurara (1410–1474) u minn rekords oħrajn li jindikaw li l-“inbid tat-tuffieħ” seta’ jinstab fost il-provvisti li kienu jiġbru l-flotot Portugiżi mill-gżira ta’ Madeira minn nofs is-seklu 15 ’il quddiem.

Huwa magħruf ukoll li, mill-bidu tas-seklu 17, l-“inbid tat-tuffieħ” kien qiegħed jiġi prodott flimkien mal-inbid ta’ Madeira, bl-użu tal-istess preses u, f’xi każijiet, kien saħansitra jintuża biex jiġi adulterat, sakemm, fil-bidu tas-seklu 20, iddaħħlet projbizzjoni fuq il-produzzjoni tal-inbid mit-tuffieħ għall-produzzjoni ta’ Madeira falz. Din il-projbizzjoni kienet tfisser li l-produtturi lokali bdew jiffermentaw il-meraq tat-tuffieħ tagħhom biex jagħmlu “xarba ġdida”, li inizjalment sejħulha “cidra” jew “sidra” u sussegwentement “Sidra da Madeira”, biex jiddistingwuha mis-sidru li jiġi prodott f’postijiet oħrajn.

L-artiklu ppubblikat fl-1906 mill-agronomu João da Mota Prego (1859–1931), li jiddeskrivi l-metodi li għandhom jintużaw biex “isir is-sidru f’Madeira” u li jistieden lill-produtturi lokali biex jibdew jipproduċu s-sidru, kien ta’ kontribut sinifikanti għall-iżvilupp tiegħu, u bosta produtturi għadhom isegwu r-rakkomandazzjonijiet tiegħu sal-lum il-ġurnata. Barra minn hekk, meta jiddeskrivi l-iżvilupp tal-frott li kien qiegħed jikber f’Madeira fl-1947, l-agronomu Vieira Natividade (1899–1968) immappja l-firxa wiesgħa ta’ varjetajiet tat-tuffieħ u tal-lanġas fuq il-gżira u identifika l-parroċċi fejn kompliet it-tradizzjoni tal-produzzjoni tas-sidru.

Il-faċilità li biha jinfirxu s-siġar tal-frott taż-żerriegħa u l-prattika tradizzjonali ta’ Madeira tat-tkattir u l-qsim tal-materja ġenetika mill-frott bl-aħjar karatteristiċi wasslu għall-ħolqien ta’ bosta varjetajiet tradizzjonali tat-tuffieħ u tal-lanġas li ntirtu minn dawk li ġew introdotti inizjalment mill-Portugiżi, u aktar tard mill-Brittaniċi li kienu jgħixu fuq il-gżira bejn is-sekli 16 u 18. Dawn intgħażlu u ġew ippreservati f’partijiet differenti tal-gżira, fejn dawk il-varjetajiet li kienu l-aktar adattati għall-kundizzjonijiet lokali tal-ħamrija u l-klima u li kienu jipproduċu l-aħjar frott għall-konsum frisk u għall-produzzjoni tas-sidru nżammu u sussegwentement ġew prodotti mill-ġdid permezz tat-tilqim u t-tħawwil f’partijiet oħrajn tal-gżira b’karatteristiċi simili.

Matul is-sekli, din il-prattika mhux biss ippermettiet l-iżvilupp tal-varjetajiet tradizzjonali ewlenin tal-frott taż-żerriegħa iżda wkoll l-introduzzjoni aktar riċenti ta’ varjetajiet eżotiċi tat-tuffieħ u tal-lanġas, li jikbru u jinqatgħu fil-ġonna ta’ Madeira. Dawn il-varjetajiet għandhom ukoll aċidità notevoli u jintużaw ukoll minn xi produtturi biex jagħmlu s-sidri tagħhom, li jinkisbu permezz ta’ metodi ta’ produzzjoni tradizzjonali jew speċifiċi żviluppati f’lokalitajiet differenti fuq il-gżira.

Għal żmien twil, il-konsum tas-“Sidra da Madeira” kien ristrett għall-postijiet fejn kien jiġi prodott, u s-sidru kien jiġi kkunsmat l-aktar minn dawk li kienu jagħmluh u l-familji tagħhom. F’dawn l-aħħar deċennji, is-sitwazzjoni nbidlet, b’żieda sostanzjali fil-bejgħ fir-ristoranti u fil-bars fis-suq reġjonali, kif ukoll b’żieda fil-bejgħ dirett lill-konsumaturi finali fis-swieq lokali, fil-fieri u fil-festivals jew f’avvenimenti folkloristiċi li jsiru biex jiġi promoss is-sidru u t-tuffieħ li jsir minnu.

L-interess fit-tradizzjoni u fil-kwalità ta’ dan il-prodott wassal biex f’nofs l-2016 tiġi stabbilita l-Assoċjazzjoni tal-Produtturi tas-Sidru ta’ Madeira (APSRAM), li laqqgħet madwar 30 produttur tas-sidru, bl-għan li jippromwovu u jissalvagwardjaw il-kwalità u l-awtentiċità tas-“Sidra da Madeira”, filwaqt li jippromwovu r-riċerka u jippubbliċizzaw il-prodott.

Rabta bejn iż-żona ġeografika u l-karatteristiċi u r-reputazzjoni tal-prodott

Il-karatteristiċi speċifiċi tal-ħamrija u l-klima tal-lokalitajiet tal-gżira, li kienu jiffavorixxu l-adattament u t-tħawwil ta’ ġonna u siġar individwali ta’ firxa wiesgħa ta’ varjetajiet ta’ tuffieħ u lanġas, jagħtu lill-frott aċidità unika u karatteristiċi sensorjali distintivi, li, skont il-kombinamenti ta’ frott li jintuża għall-produzzjoni, xi ftit jew wisq jingħaddew ukoll lis-“Sidra da Madeira”.

Bis-saħħa tal-karatteristiċi tal-kulur, tal-aroma u tat-togħma tas-“Sidra da Madeira”, li huma ddeterminati mill-karatteristiċi speċifiċi tat-“taħlitiet” jew tal-kombinamenti ta’ frott ta’ varjetajiet tradizzjonali u ta’ varjetajiet oħrajn tat-tuffieħ u, xi drabi, tal-lanġas użat biex dan isir, kif ukoll tal-aċidità notevoli tiegħu, li hija primarjament ir-riżultat tal-kundizzjonijiet tal-ħamrija u tal-klima tal-lokalitajiet fejn jitkabbar il-frott, is-“Sidra da Madeira” rebaħ diversi premjijiet nazzjonali, bħall-“Concurso Nacional de Cervejas e Sidras Tradicionais Portuguesas” [il-Kompetizzjoni Nazzjonali tal-Birra u s-Sidru Portugiżi Tradizzjonali] u “Great Taste – Portugal”. Madankollu, huma l-konsumaturi lokali u, b’mod dejjem akbar, it-turisti li jżuru l-gżira li jagħtuh ir-reputazzjoni eċċellenti tiegħu.

Ir-rekords storiċi li jixhdu l-importanza tal-produzzjoni tal-“inbid tat-tuffieħ”, tas-“cidra”, tas-“sidra” u tas-“Sidra da Madeira” matul l-aħħar 600 sena wasslu biex il-produtturi lokali jaffermaw li s-sidru kien ilu jsir fuq il-gżira sa mill-ewwel insedjamenti tagħha, fiż-żoni fejn il-kundizzjonijiet huma l-aktar xierqa għat-tħawwil tal-ġonna li jipprovdu l-frott. Huwa għalhekk li hemm tradizzjoni b’saħħitha ta’ produzzjoni tas-sidru u xorb tas-sidru fuq il-gżira kollha, iżda l-aktar f’São Roque do Faial – Santana, Santo António da Serra – Machico, Camacha – Santa Cruz, Jardim da Serra – Câmara de Lobos, Ponta do Pargo – Calheta u Prazeres – Calheta, fejn, minħabba r-rivalità tassew partikolari bejn il-komunitajiet tal-gżira, kull sena jsiru avvenimenti folkloristiċi u soċjokulturali biex jiġu promossi l-produzzjoni u l-konsum tas-“Sidra da Madeira”.

Referenza għall-pubblikazzjoni tal-Ispeċifikazzjoni tal-Prodott

https://tradicional.dgadr.gov.pt/pt/cat/bebidas-espirituosas/outras-bebidas/1084-sidra-da-madeira-igp

---

(1)  ĠU L 343, 14.12.2012, p. 1.

Pubblikazzjoni ta’ applikazzjoni għal approvazzjoni ta’ emenda, li ma hijiex minuri, għal Speċifikazzjoni tal-Prodott skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2023/C 156/07)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien 3 xhur mid-data ta’ din il-pubblikazzjoni.

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TA’ PRODOTT GĦAL DENOMINAZZJONI TA’ ORIĠINI PROTETTA JEW TA’ INDIKAZZJONI ĠEOGRAFIKA PROTETTA

Applikazzjoni għall-approvazzjoni ta’ emenda f’konformità mal-Artikolu 53(2), l-ewwel subparagrafu, tar-Regolament (UE) Nru 1151/2012

“VORARLBERGER ALPKÄSE”

Nru tal-UE: PDO-AT-1413-AM01 – 5.4.2022

DOP (X) IĠP ()

1.   Grupp applikant u interess leġittimu

Vorarlberger Alpwirtschaftsverein, Montfortstr. 9, 6900 Bregenz, Austria

Tel. +43 5574400350

Faks +43 5574400600

Email: fritz.metzler@lk-vbg.at

L-indirizz oriġinali tal-assoċjazzjoni nbidel u issa ġie kkoreġut kif xieraq. L-applikant jirrappreżenta l-interessi tal-produtturi tad-DOP “Vorarlberger Alpkäse” u għalhekk għandu interess leġittimu biex jitlob emendi fl-Ispeċifikazzjoni tal-Prodott.

2.   Stat membru jew pajjiż terz

L-Awstrija

3.   Intestatura fl-ispeċifikazzjoni tal-prodott affettwata mill-emenda/i

☐	Isem il-prodott

☒	Deskrizzjoni tal-prodott

☒	Żona ġeografika

☒	Prova tal-oriġini

☒	Metodu ta’ produzzjoni

☒	Rabta maż-żona ġeografika

☒

Tikkettar

☒	Oħrajn (bidla fid-dettalji tas-servizz kompetenti, isem il-grupp applikanti oriġinali, il-korp ta’ spezzjoni, ir-rekwiżiti nazzjonali, l-abbozzar tal-emendi)

4.   Tip ta’ emenda/i

☐	Emendi għall-Ispeċifikazzjoni tal-Prodott ta’ DOP jew IĠP irreġistrata, li ma għandhiex tikkwalifika bħala minuri f’konformità mal-Artikolu 53(2), it-tielet subparagrafu, tar-Regolament (UE) Nru 1151/2012.

☒	Emendi għall-Ispeċifikazzjoni tal-Prodott ta’ DOP jew IĠP irreġistrata li għaliha ma ġiex ippubblikat Dokument Uniku (jew ekwivalenti) u li ma tistax tikkwalifika bħala f’konformità mal-Artikolu 53(2), it-tielet subparagrafu, tar-Regolament (UE) Nru 1151/2012.

5.   Emenda/i

Fid-dawl tal-esperjenza miksuba fit-trattament tal-aspetti prattiċi tad-denominazzjoni tal-prodott mill-istabbiliment tagħha, l-emendi fl-Ispeċifikazzjoni tal-Prodott li qegħdin jiġu mitluba huma meħtieġa bl-għan li jipprovdu deskrizzjoni aktar dettaljata tal-kundizzjonijiet kollha importanti tal-produzzjoni u l-kummerċjalizzazzjoni, inkluż id-diversi stadji tal-produzzjoni, biex tiġi żgurata l-kwalità tad-DOP “Vorarlberger Alpkäse”.

L-Ispeċifikazzjoni tal-Prodott preċedenti kienet tikkonsisti minn diversi dokumenti u annessi separati, li ngħaqdu f’dokument wieħed, li ġie rivedut u aġġornat sabiex jipprovdi deskrizzjoni aktar ċara tar-rekwiżiti, b’mod partikolari dwar il-metodu ta’ produzzjoni u l-prova tal-oriġini, u b’hekk jgħin sabiex tinżamm il-kwalità tad-DOP “Vorarlberger Alpkäse”.

B’mod aktar speċifiku, dawn l-emendi jikkonċernaw:

1.   Deskrizzjoni tal-prodott

It-test taħt il-punt 5(b) (Deskrizzjoni) tal-Ispeċifikazzjoni tal-Prodott ġie inkluż taħt il-punt 4.2 (Deskrizzjoni). Dak il-punt, min-naħa tiegħu, ġie diviż fil-punti 4.2.1 (Ġenerali) u 4.2.2 (Karatteristiċi). It-test oriġinali sar aktar speċifiku u strutturat. Il-kontenut tal-FiDM tħassar. Il-piż tal-ġobniet tondi individwali żdied għal 40 kg (minflok 35 kg) u l-perjodu ta’ sajran minimu ġie speċifikat li huwa ta’ 3 xhur (minflok bejn 3 u 6 xhur).

Il-Punt 5b tal-Ispeċifikazzjoni tal-Prodott:

ġie fformulat mill-ġdid kif ġej:

4.2.   Deskrizzjoni

4.2.1   Ġenerali

Il-“Voralberger Alpkäse” huwa ġobon iebes li jiġi prodott fuq l-Alpi u l-mergħat Alpini fiż-żona definita permezz ta’ ħalib tal-baqar mhux ipproċessat Alpin, mhux trattat u mingħajr sajlo xieraq għall-produzzjoni ta’ ġobon iebes. Il-ġobniet tondi individwali jiżnu sa massimu ta’ 40 kg u jiġu mmaturati għal mill-inqas 3 xhur.

4.2.2   Proprjietajiet

Il-ġobon għandu qoxra granulari mnixxfa, safra tagħti fil-kannella għal kannella, u sawra iebsa għal lixxa. Għandu lewn l-avorju. Meta jitqatta’, il-ġobon għandu toqob tondi żgħar distribwiti b’mod indaqs iżda skarsi, b’daqs ta’ madwar piżella, matti għal ileqqu. Ġeneralment it-toqob ikunu tondi b’daqs ta’ piżella. It-togħma tiegħu hija ħafifa u ssir pikkanti b’iktar tqaddim.

Skont il-grad ta’ sajran, il-karatteristiċi deskritti jistgħu jkunu ftit jew wisq qawwija, mingħajr ma jaffettwaw jew jibdlu l-immaġni ġenerali tal-“Vorarlberger Alpkäse”.

Il-“Vorarlberger Alpkäse” jista’ jiġi kkummerċjalizzat f’porzjonijiet ta’ qisien differenti.

Raġunijiet

Il-kliem “FiDM ta’ aktar minn 45 %” tħassar mingħajr sostituzzjoni minħabba li ma kienx meħtieġ fid-dawl tar-rekwiżiti legali eżistenti. Il-formulazzjoni, li parti minnha tiġi mill-Ispeċifikazzjoni tal-Prodott u li parti minnha ġiet miżjuda, saret aktar preċiża sabiex ġiet iċċarata u mtejba l-kompletezza tad-deskrizzjoni tal-prodott, u b’hekk il-korp ta’ spezzjoni ngħata parametri tal-prodott aktar preċiżi u affidabbli li bihom ikun jista’ jiżgura l-kwalità tal-prodott. Il-perjodu ta’ maturità minimu wkoll ġie ddefinit b’mod aktar preċiż u għalhekk ġie ċċarat.

Is-sitwazzjoni tas-suq u tal-bejgħ, bix-xejra lejn ġobon li jkun ġie msajjar għal żmien itwal, tirrikjedi tolleranza akbar f’termini tal-għoli tal-forma u l-piż tal-ġobniet tondi individwali. Għalhekk il-piż żdied għal massimu ta’ 40 kg. Din il-bidla ma għandhiex effetti negattivi jew ma tinfluwenzax il-kwalità tal-“Vorarlberger Alpkäse”.

2.   Prova tal-oriġini

Il-kummenti preċedenti relatati mal-istorja tal-prodott taħt il-punt 5(d) (Prova tal-oriġini) tal-Ispeċifikazzjoni tal-Prodott oriġinali, li kellhom jiġu ppreżentati f’dan il-punt meta ġiet rikonoxxuta d-denominazzjoni inkwistjoni, issa tmexxew għall-punt 4.6 (Rabta maż-żona ġeografika). Minflokhom, ġew inklużi dispożizzjonijiet speċifiċi għas-settur dwar l-iżgurar tat-traċċabilità taħt il-punt 4.4 (Prova tal-oriġini) tal-Ispeċifikazzjoni tal-Prodott emendata:

Raġunijiet

Peress li l-Ispeċifikazzjoni tal-Prodott sa issa ma kinitx tinkludi l-ebda regola dwar il-prova tal-oriġini, huwa meqjus xieraq li tiġi inkluża informazzjoni dwar it-traċċabilità tal-prodott fil-punt 4.4 (Prova tal-oriġini) tal-Ispeċifikazzjoni tal-Prodott. Din issa tinkludi dispożizzjonijiet biex tiġi żgurata t-traċċabilità. Barra minn hekk, xi test ġie mmexxi wkoll mill-punt oriġinali 5(h) (Tikkettar) għall-punt 4.4. It-trasport ulterjuri tal-ħalib użat minn maħleb tal-ġobon Alpin approvat għal ieħor fiż-żona definita għandu jkun permess fil-futur peress li, minħabba l-istat attwali tat-teknoloġija, dan ma għadux jaffettwa l-kwalità u jiżgura l-produzzjoni tad-DOP “Vorarlberger Alpkäse”. Dan sar meħtieġ minħabba ż-żieda fid-diffikultà li jinstab persunal minħabba l-intensità kbira ta’ xogħol u l-inċertezza assoċjata biex tinżamm il-produzzjoni tal-ġobon alpin fuq l-Alpi tagħna. Il-kwantità ta’ ħalib ittrasportat trid tiġi ddokumentata.

3.   Żona ġeografika

Il-Punt 5c tal-Ispeċifikazzjoni tal-Prodott:

u l-mappa sottomessa addizjonalment tal-Awstrija

ġew emendati biex jaqraw kif ġej:

4.3.   Żona ġeografika

Il-“Vorarlberger Alpkäse” jiġi prodott fil-provinċja ta’ Vorarlberg f’altitudnijiet ta’ bejn 1 000 m u 1 800 m ’il fuq mil-livell tal-baħar. Il-farms Alpini rikonoxxuti uffiċjalment joperaw biss matul ix-xhur sajfin fil-kuntest tat-transumanza Alpina.”

Mappa ta’ elevazzjoni taż-żona ġeografika demarkata:

Raġunijiet

It-test tnaqqas. Ir-rekwiżit fl-Ispeċifikazzjoni tal-Prodott dwar farms Alpini rikonoxxuti uffiċjalment huwa stabbilit fil-punt 4.5 (Metodu tal-produzzjoni) (speċifikament il-punt 4.5.1 (Materja prima – ħalib)). Żdiedet ukoll mappa ġdida taż-żona ġeografika demarkata. Il-mappa issa tinkludi informazzjoni dwar l-altitudni ’l fuq mil-livell tal-baħar. Dan ma jibdilx id-demarkazzjoni taż-żona ġeografika.

4.   Metodu tal-produzzjoni

It-test oriġinali tal-punt 5(e) (Metodu tal-produzzjoni) tal-Ispeċifikazzjoni tal-Prodott ġie fformulat b’mod aktar preċiż u diviż fil-punti 4.5.1 (Materja prima – ħalib), 4.5.2 (Produzzjoni) u 4.5.3 (Għarfien espert – għarfien dwar il-produzzjoni).

Punt 5e tal-Ispeċifikazzjoni tal-Prodott:

ġie emendat biex jaqra kif ġej:

4.5.1.   Materja prima (ħalib)

Il-“Vorarlberger Alpkäse” jiġi prodott biss minn ħalib mhux ipproċessat tal-baqar Alpini li jirgħu fuq l-Alpi fis-sajf. Ħlief f’każijiet eċċezzjonali (eż. mard, borra jew estru), ir-ragħa jrid isir kuljum matul ix-xhur tas-sajf. Il-frat ma jistgħux jittieħdu bis-sewqan f’mergħat barra miż-żona tas-Sennalpe. Huwa permess biss il-ħalib tal-baqar minn farms rikonoxxuti uffiċjalment li jinsabu fuq l-Alpi jew il-mergħat Alpini li jinsabu fiż-żona ġeografika definita. Il-ħalib termizzat jew pasturizzat jew il-ħalib sterilizzat biċ-ċentrifugazzjoni ma jridx jintuża għall-produzzjoni tal-“Vorarlberger Alpkäse”. Iż-żieda tal-ħalib mill-farms tal-widien fi kwalunkwe forma hija pprojbita. Il-ħalib użat għall-“Vorarlberger Alpkäse” huwa kkaratterizzat mill-mergħat taż-żona ġeografika definita, bil-ħaxix u l-ħwawar fini tagħha. Il-baqar jieklu l-ħaxix u l-ħwawar jew friski bħala foraġġ aħdar jew imnixxfin bħala ħuxlief. L-alimentazzjoni b’għalf iffermentat jew b’silaġġ hija espressament ipprojbita.

L-użu ta’ ħbub imfarrkin bħala għalf kompensatorju u komplementari minn żoni oħrajn huwa permess sa proporzjon ta’ 20 % ta’ materja niexfa fis-sena.

Il-ħbub imfarrkin jistgħu jinxtraw minn żoni oħrajn minħabba li ż-żona ġeografika, reġjun muntanjuż tipiku kkaratterizzat minn bwar u minn saff baxx ta’ ħumus, ma hijiex adatta sew għat-tkabbir tal-għelejjel. Dan ifisser li kważi l-ebda ċereali jew għalla simili ma tikber jew tiġi prodotta fiż-żona, għalhekk ikollhom jinxtraw minn żoni oħrajn.

Il-perċentwal ta’ foraġġ miż-żona ġeografika għalhekk ma jridx ikun inqas minn 80 % tal-materja niexfa totali mitmugħa fis-sena lill-baqar li jreddgħu. Iż-żieda ta’ ħbub imfarrkin li joriġinaw minn xi mkien ieħor hija permessa sa proporzjon ta’ 20 % ta’ materja niexfa tal-porzjon rispettiv.

4.5.2.   Produzzjoni

Jista’ jintuża biss ħalib mhux ipproċessat, mingħajr sajlo, mhux termizzat li ma jkunx ġie sterilizzat biċ-ċentrifugazzjoni. Iż-żieda ta’ preżervattivi, stabbilizzaturi, addittivi prodotti kimikament u tames ġenetikament modifikat ma hijiex permessa.

Il-ħalib mhux ipproċessat l-ewwel jiġi xkumat parzjalment u msajjar minn qabel b’koltura ta’ xorrox u/jew batterja ta’ aċidu lattiku. Il-batterja tradizzjonali ta’ aċidu lattiku iżolata u propagata oriġinarjament minn kolturi salvaġġi issa tifforma l-bażi tal-koltura tal-istokk għall-kolturi tal-farm li jintużaw fil-farm. Dan il-ħalib immaturat u xkumat imbagħad jitħallat flimkien mal-ħalib mhux ipproċessat li jinkiseb filgħodu, il-kolturi tal-batterja tal-aċidu lattiku u t-tames tal-ġobon Alpin f’bojlers (tar-ram) Alpini. Il-baqtiet jitneħħew permezz ta’ ċraret tal-ġobon jew billi l-baqta/l-koltura tax-xorrox tiġi ttrasferita f’forom tal-ġobon. Il-ħalib imħaxxen (koagulat) imbagħad jinqata’ għad-daqs mixtieq permezz ta’ apparat għall-qtugħ tal-baqta. Imbagħad iseħħ l-istadju li jmiss tal-formazzjoni tal-ġobon: il-baqtiet jiżviluppaw iktar u sseħħ sinereżi (meta x-xorrox jissepara minn mal-baqtiet). Il-baqtiet jissaħħnu għal temperatura bejn 51 °C u 54 °C imbagħad jiġu ttrasferiti f’forom u jiġu ppressati.

Il-piż massimu tal-ġobon huwa ta’ 40 kg, skont id-daqs tal-ġobna tonda. Il-ġobniet imbagħad jitqiegħdu fi friskatur tas-salmura b’kontenut ta’ melħ ta’ madwar 20 Bé sabiex il-ġobon jassorbi l-melħ, tifforma l-qoxra u tiżviluppa l-istruttura tal-ġobon, li jwassal biex il-ġobon jiġi ssiġillat fuq barra filwaqt li jissajjar sew u b’mod konsistenti fuq ġewwa. Dan iwassal għal konsistenza omoġenja u kompatta tal-“Vorarlberger Alpkäse”. Il-ġobniet imbagħad jiġu mmaturati għal mill-inqas 3 xhur, skont in-natura tal-qoxra u l-esperjenza tal-proċessur tal-ħalib, f’temperatura ta’ bejn 10 °C u 17-il °C u umdità ta’ aktar minn 80 %. Matul is-sajran, il-ġobniet jiġu ttrattati regolarment (jingħorku jew jinksew) b’ilma mielaħ (kontenut ta’ melħ sa 20 Bé) sa tliet darbiet fil-ġimgħa biex tiġi żgurata l-formazzjoni tipika tal-qoxra u tiġi żviluppata t-togħma. Wara l-perjodu ta’ sajran minimu, il-ġobon “Vorarlberger Alpkäse” jkun lest biex jiġi kkunsmat.

4.5.3.   Know-how – għarfien tal-produzzjoni

Il-kwalità tal-“Vorarlberger Alpkäse” hija dovuta b’mod partikolari għall-esperjenza tal-produtturi tal-ġobon lokali fil-ġestjoni tal-produzzjoni u tas-sajran tal-ġobon. L-arti tal-produzzjoni tal-ġobon hija bbażata fuq l-għarfien tal-proċessuri tal-ħalib involuti fil-produzzjoni b’modi differenti skont ir-rwol individwali tagħhom fil-proċess, fejn tinkiseb il-kwalità tipika tal-“Vorarlberger Alpkäse”. Dan jibda bl-użu ta’ kolturi tal-batterja tal-aċidu lattiku. Pereżempju, l-identifikazzjoni tal-kompożizzjoni tal-koltura tal-batterja tal-aċidu lattiku, it-temperatura, il-perjodu ta’ mistrieħ, il-kwantità u l-proporzjon miżjud u l-kundizzjonijiet tal-ħżin tirriżulta mill-esperjenza tal-proċessur tal-ħalib. Karatteristika partikolari tal-esperjenza tagħhom hija l-ħżin speċifiku u l-maturazzjoni tal-ħalib mhux ipproċessat b’mod favorevoli għall-formazzjoni tal-batterja tal-aċidu lattiku li ttejjeb b’mod sinifikanti l-karatteristiċi tal-ġobon f’termini tal-ħajja fuq l-ixkaffa, ir-riħa u t-togħma. L-użu ta’ tames tal-għoġġiela, il-ħin u l-mod ta’ kif jinqata’ l-ħalib imħaxxen (koagulat) u d-daqs tal-baqtiet, l-iżvilupp tal-ġobon u t-tisħin tal-baqta/tat-taħlita tax-xorrox huma r-riżultat tal-esperjenza speċifika tal-produtturi tal-ġobon u huma ta’ importanza partikolari għall-kwalità tal-“Vorarlberger Alpkäse”.

Il-produttur tal-ġobon jeħtieġlu jimmonitorja kull stadju tal-produzzjoni tal-ġobon mill-qrib ħafna u jidentifika ż-żmien it-tajjeb għal kull stadju tal-ipproċessar. Pereżempju, it-tisħin b’attenzjoni tal-“Vorarlberger Alpkäse” f’temperatura ta’ 51-54 °C wara li jinqata’ l-ħalib koagulat huwa prerekwiżit importanti għall-ħajja fuq l-ixkaffa twila tal-ġobon. Fl-istess ħin, il-ħalib irid jiġi ttrattat b’attenzjoni sabiex jiġi żgurat li tinżamm parti kbira tal-karatteristiċi u tal-komponenti aromatiċi u mikrobijoloġiċi, u għaldaqstant jinżammu l-kwalitajiet speċifiċi tal-ħalib. Barra minn hekk, il-kundizzjonijiet dejjem jinbidlu b’mod naturali tal-għalf fil-mergħat Alpini jfissru li l-ħalib ma għandu l-ebda karatteristika standard, iżda pjuttost il-kwalità tiegħu tvarja (pereżempju, f’termini ta’ kontenut ta’ proteini jew ta’ kompożizzjoni ta’ ħalib ieħor). L-esperjenza vasta tagħhom tippermetti lill-produtturi tal-“Vorarlberger Alpkäs” biex jikkumpensaw sew għal dawn il-fluttwazzjonijiet naturali. It-trattament b’attenzjoni tagħhom tal-istadji kollha fil-proċess huwa kruċjali għall-bqija tal-proċess ta’ maturazzjoni, u b’hekk għall-kwalità tal-prodott aħħari. Matul il-maturazzjoni, trid tingħata attenzjoni partikolari għat-trattament b’attenzjoni tal-ġobon. B’riżultat tal-esperjenza tagħhom, il-produtturi tal-ġobon ikunu jafu minnufih meta l-ġobon irid jiddawwar, jingħorok u jinkesa, u għalhekk ikollhom impatt sinifikanti fuq il-kwalità tal-ġobon.

Laqgħat regolari tar-rgħajja u tal-produtturi tal-ġobon, li fihom jaqsmu l-għarfien li jkunu kisbu, jagħtu bidu għal proċess kostanti ta’ taħriġ, li jgħin biex tinżamm il-kwalità u t-tradizzjoni tal-“Vorarlberger Alpkäse”.

Raġunijiet

Saru bidliet fil-proċess ta’ produzzjoni bil-għan li tiġi assigurata l-kwalità inekwivokabbli tal-“Vorarlberger Alpkäse”, li hija bbażata, b’mod partikolari, fuq l-għarfien tal-produtturi tal-metodu ta’ produzzjoni tradizzjonali. Flimkien mal-formulazzjoni, li issa ġiet emendata, li diġà tinsab fl-Ispeċifikazzjoni tal-Prodott oriġinali, dan il-metodu tal-produzzjoni tradizzjonali huwa deskritt f’aktar dettall, b’mod partikolari billi l-metodu tal-produzzjoni ġie ddefinit b’mod aktar preċiż.

L-emendi individwali huma relatati mal-punti li ġejjin:

—

Materja prima – ħalib L-għalf tal-frat biss permezz tar-ragħa mhux dejjem ikun biżżejjed biex tinżamm is-saħħa tal-annimali peress li avvenimenti tat-temp li qegħdin isiru aktar estremi (nixfa, perjodi twal ta’ xita, eċċ.) u t-tibdil fil-klima assoċjata jesponu lill-baqar tal-ħalib f’terran Alpin għal stress metaboliku u jnaqqsu d-disponibbiltà tal-għalf fil-mergħat. Barra minn hekk, ir-razez differenti tal-baqar li jinżammu fil-mergħat Alpini għandhom rekwiżiti tal-enerġija differenti, u għalhekk jeħtieġu għalf komplementari għall-benesseri tagħhom. B’riżultat ta’ dan, sabiex tinkiseb provvista bilanċjata ta’ nutrijenti meħtieġa għall-benesseri tal-annimali, b’mod indipendenti mill-kundizzjonijiet klimatiċi eċċezzjonali, bħan-nixfiet, sar impossibbli li jinxtraw ħbub imfarrkin li jintużaw bħala għalf kompensatorju u komplementari sa proporzjon ta’ 20 % ta’ materja niexfa fis-sena. Id-deroga ta’ hawn fuq għas-supplimenti tal-għalf ma taffettwax il-kwalità għolja u kostanti tal-ħalib minħabba li ħafna mill-għalf oħxon irid jiġi miż-żona definita. Ir-rekwiżit fil-punt 5(c) tal-Ispeċifikazzjoni tal-Prodott dwar farms tal-Alpini rikonoxxuti uffiċjalment f’altitudni ta’ bejn 1 000 m u 1 800 m tmexxa għall-punt 4.5.1 (Materja prima – ħalib) u huwa definit f’aktar dettall. Il-ħalib jista’ jiġi biss minn baqar minn farms li jinsabu fuq l-Alpi jew mergħat Alpini li jkun inħarġilhom numru tal-approvazzjoni mill-awtorità kompetenti (l-Aġenzija Awstrijaka għas-Sikurezza tal-Ikel). Dan huwa ġġustifikat mir-rekwiżiti tal-iġjene speċifiċi stabbiliti fir-Regolament (KE) Nru 853/2004 (ir-Regolament dwar l-Iġjene tal-Għalf tal-Annimali) li l-azjendi li jipproduċu l-ġobon huma meħtieġa jikkonformaw miegħu. L-azjendi approvati huma elenkati u jistgħu jiġu kkonsultati fir-Regolament. Trasport ulterjuri minn maħleb Alpin approvat għal ieħor fiż-żona definita għandu jiġi permess fil-futur peress li, minħabba l-istat attwali tat-teknoloġija, dan ma għadux jaffettwa l-kwalità. Il-kwantità ta’ ħalib ittrasport trid tiġi ddokumentata miż-żewġ imħaleb Alpini permezz ta’ nota ta’ konsenja.

—

Produzzjoni Il-produzzjoni tal-“Vorarlberger Alpkäse” hija deskritta fil-passi dettaljati tagħha, mill-ipproċessar tal-ħalib mhux ipproċessat għall-istadju ta’ maturazzjoni matul il-ħżin, b’referenza għall-parametri tekniċi li għandhom jiġu osservati sabiex tiġi żgurata l-kwalità. Il-baqta issa tista’ tissaħħan għal temperatura bejn 51 °C u 54 °C (minflok bejn 51,5 °C u 52,5 °C bħal qabel). Ġiet permessa firxa usa’ ta’ temperaturi ta’ tisħin minħabba li ma huwiex possibbli, fil-każ ta’ tisħin manwali, li tiġi stabbilita temperatura preċiża, li jfisser li hija meħtieġa tolleranza usa’. Il-medda ġdida ta’ tolleranza għat-temperatura ta’ tisħin ma għandhiex impatt negattiv fuq il-kwalità tal-prodott. Iż-żieda ta’ preżervattivi, stabbilizzaturi u addittivi prodotti kimikament għadha ma hijiex permessa. Dan sar saħansitra aktar ċar permezz ta’ formulazzjoni aktar preċiża. Fir-rigward tal-kolturi stess tal-farm tax-xorrox jew tal-aċidu lattiku, sar ċar li l-koltura omm storika issa hija prodotta ċentralment u mbagħad tintuża internament għal użu ulterjuri bħala koltura tal-farm għall-produzzjoni tal-“Vorarlberger Alpkäse”. L-esperjenza tal-proċessuri tal-ħalib għandha rwol kruċjali f’dan ir-rigward. Il-kontenut ta’ melħ ġie ċċarat u adattat għal kriterji li jistgħu jiġu vverifikati b’mod prattiku permezz tal-iskala Baumé (Bé). Il-kontenut ta’ melħ ġie speċifikat bħala li huwa ta’ 20 °Bé. Il-formazzjoni tal-qoxra tipika tal-“Vorarlberger Alpkäse” u l-kwalità assoċjata tal-ġobon ġew iċċarati ulterjorament, u saret referenza għall-ġestjoni mill-produttur tal-ġobon u l-klima tas-sajran.

—

Għarfien espert – għarfien tal-produzzjoni Billi l-Ispeċifikazzjoni tal-Prodott eżistenti ma kienet tinkludi l-ebda osservazzjoni ewlenija dwar l-għarfien tradizzjonali tal-produtturi, saret aktar speċifika f’dan ir-rigward, u ġew ipprovduti deskrizzjonijiet tal-kredenzjali tal-ispeċjalisti. Hemm ukoll deskrizzjoni tal-attivitajiet li għaddejjin bl-għan li tingħadda t-tradizzjoni sabiex tiġi żgurata l-kwalità, b’hekk, it-telfien jew it-tnaqqis tal-għarfien espert jistgħu jitrażżnu b’mod effettiv u jista’ jinżamm l-għarfien tradizzjonali tal-prodott.

5.   Rabta maż-żona ġeografika

L-informazzjoni inkluża preċedentement taħt il-punt 5(d) (Prova tal-oriġini) tmexxiet għall-punt 4.6 (Rabta maż-żona ġeografika).

L-informazzjoni inkluża preċedentement taħt il-punt 5(f) (Rabta) ġiet inkluża taħt il-punt 4.6 (Rabta maż-żona ġeografika). L-effetti tal-fatturi klimatiċi u umani fiż-żona ġeografika huma deskritti b’mod komprensiv, fejn ġiet ipprovduta deskrizzjoni dettaljata tal-għarfien espert speċifiku tal-produtturi reġjonali, li preċedentement kien jissemma ftit biss fl-Ispeċifikazzjoni tal-Prodott, bħall-għarfien tradizzjonali tat-tekniki speċjali tal-ħżin u l-livell għoli ta’ għarfien espert fir-rigward tat-tekniki ta’ produzzjoni u l-ġestjoni tal-maturazzjoni, li hija kruċjali biex jintwerew il-proprjetajiet organolettiċi tal-ġobon.

Raġunijiet

L-Ispeċifikazzjoni tal-Prodott ġiet adattata għar-rekwiżiti tar-Regolament (UE) Nru 1151/2012 billi l-osservazzjonijiet storiċi, bħall-evidenza dokumentarja u t-tradizzjonijiet antiki marbutin mal-“Vorarlberger Alpkäse”, li oriġinarjament ġew deskritti fit-taqsima dwar il-prova tal-oriġini, issa tmexxew għall-punt 4.6 (Rabta maż-żona ġeografika).

6.   Tikkettar

It-test oriġinali tal-punt 5(h) (Tikkettar) tal-Ispeċifikazzjoni tal-Prodott issa tmexxa għall-punt 4.4 (Prova tal-oriġini) u ġie adattat għar-rekwiżiti tad-dokumentazzjoni attwali.

Pereżempju, ir-rekwiżiti fl-Ispeċifikazzjoni tal-Prodott oriġinali (fir-rigward tat-twaħħil fuq il-prodott tad-data tal-produzzjoni u l-isem tal-muntanja tal-Alpi u/jew il-mergħa Alpina) saru mhux meħtieġa minħabba d-dokumentazzjoni li issa trid tiġi pprovduta għall-finijiet tal-prova ta’ oriġini. Ġiet iċċarata l-marka tal-kaseina li għandha tintuża. It-twaħħil ta’ din il-marka mal-ippakkjar tal-porzjonijiet tal-ġobon sar mhux meħtieġ minħabba li fil-każ tal-porzjonijiet, hija ggarantita t-traċċabilità tal-lottijiet.

Ir-regoli dwar tikketti privati stabbiliti fil-punt 5(h) (Tikkettar) tal-Ispeċifikazzjoni tal-Prodott oriġinali tmexxew għall-punt 4.8 (Tikkettar).

“L-użu ta’ tikketti privati huwa permess. Madankollu, it-tikketta privata ma tridx tkun tali li tqarraq bil-konsumatur jew tagħmel ħsara lir-reputazzjoni tajba tad-DOP.”

Raġunijiet

Ir-rekwiżiti dwar il-ġestjoni tat-tikketti privati ġew iċċarati u estiżi. It-tikketti privati se jkomplu jiġu permessi.

7.   Emendi editorjali

7.1.   L-isem u d-dettalji tal-awtorità kompetenti tal-Istati Membru ġew aġġornati.

7.2.   L-indirizz tal-grupp appplikanti ġie kkoreġut.

Raġunijiet

L-indirizz tal-grupp applikanti nbidel minn meta ġiet protetta d-denominazzjoni u ġie aġġornat flimkien tad-dettalji emendati tal-awtorità kompetenti.

7.3.   Korp ta’ spezzjoni

It-taqsima li fiha d-dettalji ta’ kuntatt tal-korp ta’ spezzjoni ġiet emendata minħabba li l-korp issa huwa kumpanija privata, jiġifieri Lacon GmbH.

7.4.   Bidliet fit-tfassil/fil-preżentazzjoni tal-Ispeċifikazzjoni tal-Prodott

In-numerazzjoni mill-ġdid u l-emenda ta’ xi wħud mit-titoli biex l-informazzjoni ssir aktar ċara u aktar preċiża.

7.5.   Rekwiżiti nazzjonali

L-intestatura “Rekwiżiti nazzjonali” tħassret mingħajr ma ġiet sostitwita peress li dan huwa meħtieġ fid-dawl tar-rekwiżiti regolatorji.

DOKUMENT UNIKU

“Vorarlberger Alpkäse”

Nru tal-UE: PDO-AT-1413-AM01 – 5.4.2022

DOP (X) IĠP ()

1.   Isem/Ismijiet

“Vorarlberger Alpkäse”

2.   Stat Membru jew Pajjiż Terz

L-Awstrija

3.   Deskrizzjoni tal-prodott agrikolu jew tal-oġġett tal-ikel

3.1   Tip ta’ prodott

Klassi 1.3. Ġobon

3.2   Deskrizzjoni tal-prodott li għalih japplika l-isem f’(1)

Il-“Voralberger Alpkäse” huwa ġobon iebes li jiġi prodott fuq l-Alpi u l-mergħat Alpini fiż-żona definita permezz ta’ ħalib tal-baqar mhux ipproċessat Alpin, mhux trattat u mingħajr sajlo xieraq għall-produzzjoni ta’ ġobon iebes. Il-ġobniet tondi individwali jiżnu sa massimu ta’ 40 kg u jiġu mmaturati għal mill-inqas 3 xhur.

Il-ġobon għandu qoxra granulari mnixxfa, safra tagħti fil-kannella għal kannella, u sawra iebsa għal lixxa. Għandu lewn l-avorju. Meta jitqatta’, il-ġobon għandu toqob tondi żgħar distribwiti b’mod indaqs iżda skarsi, b’daqs ta’ madwar piżella, matti għal ileqqu. Ġeneralment it-toqob ikunu tondi b’daqs ta’ piżella. It-togħma tiegħu hija ħafifa u ssir pikkanti b’iktar tqaddim.

Skont il-grad ta’ sajran, il-karatteristiċi deskritti jistgħu jkunu ftit jew wisq qawwija, mingħajr ma jaffettwaw jew jibdlu l-immaġni ġenerali tal-“Vorarlberger Alpkäse”.

3.3   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Il-ħalib ta’ baqar minn azjendi rikonoxxuti uffiċjalment fuq l-Alpi jew il-mergħat Alpini b’ġestjoni tal-bwar biss jista’ jintuża għall-produzzjoni tal-“Vorarlberger Alpkäse”. Il-produzzjoni tas-silaġġ u l-għalf bih ma humiex permessi.

L-użu ta’ għalf addizzjonali fil-forma ta’ ħbub imfarrkin huwa permess sa proporzjon ta’ 20 % ta’ materja niexfa fis-sena. Il-ħbub imfarrkin jistgħu jinxtraw ukoll minn żoni oħrajn peress li ż-żona ġeografika, reġjun muntanjuż tipiku, ma hijiex xierqa għall-produzzjoni agrikola. Dan ifisser li kważi l-ebda ċereali jew għalla simili ma tikber jew tiġi prodotta fiż-żona, għalhekk ikollhom jinxtraw minn żoni oħrajn.

Il-perċentwal ta’ foraġġ miż-żona ġeografika għalhekk ma jridx ikun inqas minn 80 % tal-materja niexfa totali mitmugħa fis-sena lill-baqar li jreddgħu. Iż-żieda ta’ ħbub imfarrkin li joriġinaw minn xi mkien ieħor hija permessa sa proporzjon ta’ 20 % ta’ materja niexfa tal-porzjon rispettiv.

3.4   Passi speċifiċi tal-produzzjoni li jridu jsiru fiż-żona ġeografika ddefinita

Il-materja prima trid tiġi prodotta, ipproċessata u mmaturata fiż-żona definita.

3.5   Regoli speċifiċi dwar it-tqattigħ, it-taħkik, l-ippakkjar, eċċ.

---

3.6   Regoli speċifiċi dwar it-tikkettar

Il-ġobon irid jiġi identifikat b’marka tal-kaseina li jkollha numru tas-serje. L-assoċjazzjoni applikanti hija responsabbli għall-amministrazzjoni u l-allokazzjoni tan-numru tas-serje.

4.   Definizzjoni fil-qosor taż-żona ġeografika

Il-“Vorarlberger Alpkäse” jiġi prodott fil-provinċja ta’ Vorarlberg f’altitudnijiet ta’ bejn 1 000 m u 1 800 m ’il fuq mil-livell tal-baħar. Il-farms Alpini rikonoxxuti uffiċjalment joperaw biss matul ix-xhur sajfin fil-kuntest tat-transumanza Alpina.

5.   Rabta maż-żona ġeografika

Il-proprjetajiet karatteristiċi tal-“Vorarlberger Alpkäse” huma attribwibbli għall-ħalib użat għall-produzzjoni, l-ingredjenti tiegħu u t-togħma u l-konsistenza, kif huma influwenzati mill-flora Alpina f’Vorarlberg, u għall-kundizzjonijiet klimatiċi u umani (produzzjoni artiġjanali tradizzjonali) tal-proċess tal-produzzjoni. L-azjendi tal-Alpi fuq skala żgħira żammew il-produzzjoni artiġjanali u t-trattament/il-maturazzjoni b’attenzjoni tal-ġobon sal-lum il-ġurnata. Dan jirriżulta fil-kwalità speċjali u l-ħajja fuq l-ixkaffa tal-“Vorarlberger Alpkäse”.

Il-ħalib użat għall-produzzjoni tal-“Vorarlberger Alpkäse” juri komponent tat-togħma partikolari minħabba l-veġetazzjoni Alpina taż-żona ta’ produzzjoni u l-użu ta’ għalf għall-annimali li fil-biċċa l-kbira tiegħu huwa aħdar, li, flimkien mal-metodu tal-produzzjoni artiġjanali tradizzjonali, jagħti lill-ġobon il-proprjetajiet karatteristiċi tiegħu. Il-produzzjoni tal-ġobon tagħmel kontribut essenzjali għaż-żamma tal-biedja fil-muntanji ta’ Vorarlberg u hija essenzjali għad-diversità ekoloġika u l-istabbiltà tal-pajsaġġ kulturali Alpin ta’ Vorarlberg.

F’Vorarlberg, l-agrikoltura hija ffukata esklużivament fuq il-ġestjoni tal-bwar. Il-farms Alpini huma soġġetti għal projbizzjoni stretta fuq għalf bis-silaġġ (l-ebda għalf fermentat). Huwa biss bil-projbizzjoni tas-silaġġ li huwa possibbli li jiġi prodott “Vorarlberger Alpkäse” ta’ kwalità għolja.

Il-“Vorarlberger Alpkäse” huwa prodott li ilu prodott u kkunsmat fiż-żona definita għal bosta mijiet ta’ snin. Il-ġobon ilu prodott fil-provinċja tal-lum il-ġurnata ta’ Vorarlberg għal dak iż-żmien kollu. Oriġinarjament, u għal sekli sħaħ, il-ġobon kien jiġi prodott primarjament għall-konsum proprju u l-kummerċjalizzazzjoni reġjonali. Il-produzzjoni tal-ġobon Alpin hija kontribut essenzjali għaż-żamma tal-biedja fil-muntanji ta’ Vorarlberg u hija essenzjali għad-diversità ekoloġika u l-istabbiltà tal-pajsaġġ kulturali Alpin ta’ Vorarlberg. Matul it-transumanza Alpina bejn il-farms tal-widien, il-mergħat tal-Alpini u l-Alpi, l-ipproċessar ta’ ħalib mhux ipproċessat fuq l-Alpi huwa komponent ekonomiku importanti taż-żamma ta’ farms agrikoli u tal-ħalib f’Vorarlberg.

Id-dokumenti juru li l-metodu tal-produzzjoni tal-ġobon tradizzjonali tar-reġjun diġà kienu qegħdin jintużaw fil-Gwerra ta’ Tletin Sena. Dan il-proċess jifforma l-bażi għall-proċess ta’ produzzjoni tal-lum għall-“Vorarlberger Alpkäse”. Fis-seklu 18, ħafna mill-ħalib tal-Alpini prodott fix-xhur sajfin fil-kuntest tat-transumanza Alpina diġà kien qiegħed jiġi pproċessat f’ġobon tal-Alpini. Id-denominazzjoni “Vorarlberger Alpkäse” ilha tintuża minn dak iż-żmien.

Kundizzjonijiet reġjonali, bħall-altitudni, il-klima, il-flora u l-fawna u l-istruttura ta’ skala żgħira tal-farms, wasslu f’nofs is-seklu 18 għall-iżvilupp tal-produzzjoni ta’ ġobon oħxon li tinvolvi tekniki speċifiċi tal-produzzjoni tal-ġobon. Dan ta bidu għal ħajja fuq l-ixkaffa itwal u valur miżjud aħjar.

L-għarfien tekniku u l-ħiliet tal-produzzjoni tal-ġobon akkumulati fiż-żona demarkata (l-għalf tal-annimali, l-ipproċessar tal-ħalib, it-teknoloġija tal-produzzjoni u l-maturazzjoni) ingħaddew minn ġenerazzjoni għal oħra. Dan l-għarfien u dawn il-ħiliet ġew żviluppati aktar u jservu sal-lum il-ġurnata bħala bażi għall-produzzjoni tal-“Vorarlberger Alpkäse”.

Referenza għall-pubblikazzjoni tal-Ispeċifikazzjoni tal-Prodott

https://www.patentamt.at/herkunftsangaben/vorarlbergeralpkaese/

Din tista’ tiġi aċċessata wkoll direttament permezz tas-sit web tal-Uffiċċju tal-Privattivi tal-Awstrija (www.patentamt.at) billi wieħed jikklikkja fuq dan li ġej: “Trademarks / Indikazzjonijiet ġeografiċi / Lista ta’ indikazzjonijiet ġeografiċi Awstrijaċi”. It-test jidher taħt l-isem tad-denominazzjoni ta’ kwalità.

---

(1)  ĠU L 343, 14.12.2012, p. 1.

Pubblikazzjoni ta’ applikazzjoni għal approvazzjoni ta’ emenda, li ma hijiex minuri, għal Speċifikazzjoni tal-Prodott skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2023/C 156/08)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TA’ PRODOTT GĦAL DENOMINAZZJONI TA’ ORIĠINI PROTETTA JEW TA’ INDIKAZZJONI ĠEOGRAFIKA PROTETTA

Applikazzjoni għall-approvazzjoni ta’ emenda f’konformità mal-ewwel subparagrafu tal-Artikolu 53(2) tar-Regolament (UE) Nru 1151/2012

“VORARLBERGER BERGKÄSE”

Nru tal-UE: PDO-AT-1419-AM01 - 5.4.2022

DOP (X) IĠP ()

1.   Grupp applikant u interess leġittimu

ARGE Milch Vorarlberg, Montfortstr. 9, 6900 Bregenz, L-Awstrija

Tel. +43 5574400350

Faks +43 5574400600

Email: fritz.metzler@lk-vbg.at

L-applikant attwali huwa s-suċċessur legali tal-grupp applikant oriġinali fir-rigward tad-drittijiet u tal-obbligi kollha li jirriżultaw mid-denominazzjoni ta’ oriġini protetta “Vorarlberger Bergkäse”. Dan jirrappreżenta l-interessi tal-produtturi tad-DOP “Vorarlberger Bergkäse” u għalhekk għandu interess leġittimu li jitlob emendi fl-Ispeċifikazzjoni tal-Prodott.

2.   Stat membru jew pajjiż terz

L-Awstrija

3.   Intestatura fl-ispeċifikazzjoni tal-prodott affettwata mill-emenda/i

☐	Isem il-prodott

☒	Deskrizzjoni tal-prodott

☒	Żona ġeografika

☒	Prova tal-oriġini

☒	Metodu ta’ produzzjoni

☒	Rabta maż-żona ġeografika

☒

Tikkettar

☒	Oħrajn (bidla fid-dettalji tal-entità kompetenti, isem il-grupp applikanti oriġinali, il-korp ta’ spezzjoni, ir-rekwiżiti nazzjonali, emendi fil-kitba)

4.   Tip ta’ emenda/i

☐	Emendi għall-Ispeċifikazzjoni tal-Prodott ta’ DOP jew IĠP irreġistrata, li ma għandhomx jikkwalifikaw bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012.

☒	Emendi għall-Ispeċifikazzjoni tal-Prodott ta’ DOP jew IĠP irreġistrata li ma għandhomx jikkwalifikaw bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li għalihom ma ġie ppubblikat l-ebda Dokument Uniku (jew ekwivalenti).

5.   Emenda/i

Fid-dawl tal-esperjenza miksuba fit-trattament tal-aspetti prattiċi tad-denominazzjoni protetta minn meta ġiet stabbilita, l-emendi għall-Ispeċifikazzjoni tal-Prodott mitluba huma meħtieġa bil-għan li jipprovdu deskrizzjoni aktar dettaljata tal-kundizzjonijiet importanti kollha tal-produzzjoni u tal-kummerċjalizzazzjoni, inklużi l-istadji varji tal-produzzjoni, u biex tiġi żgurata l-kwalità tad-DOP “Vorarlberger Bergkäse”.

L-Ispeċifikazzjoni tal-Prodott preċedenti, li kienet magħmula minn diversi dokumenti u annessi separati, ġiet magħquda f’dokument wieħed, rivedut u aġġornat sabiex tiġi pprovduta deskrizzjoni aktar ċara tar-rekwiżiti, b’mod partikolari dwar il-metodu ta’ produzzjoni u l-prova tal-oriġini, sabiex tinżamm il-kwalità tad-DOP “Vorarlberger Bergkäse”.

B’mod aktar speċifiku, dawn l-emendi jikkonċernaw:

1.   Deskrizzjoni tal-prodott

It-test taħt il-punt 5(b) (Deskrizzjoni) u ż-żidiet li saru f’dak il-punt tal-Ispeċifikazzjoni tal-Prodott oriġinali ġew inklużi taħt il-punt 4.2 (Deskrizzjoni). Min-naħa tagħha, dan il-punt inqasam fil-punti 4.2.1 (Ġenerali) u 4.2.2 (Karatteristiċi). It-test oriġinali sar aktar speċifiku u strutturat. Il-kontenut tal-FiDM tħassar. Il-piż tar-roti tal-ġobon individwali żdied għal 7-40 kg (minflok 8-35 kg) u l-medda tal-għoli tal-forma ġiet estiża għal 8-12 cm (qabel kienet 10-12 cm). Il-perjodu minimu tas-sajran ġie speċifikat li huwa ta’ 3 xhur.

Il-punt 5b tal-Ispeċifikazzjoni tal-Prodott:

u ż-żidiet mal-punt 5b

inkitbu mill-ġdid b’dan il-mod:

4.2.   Deskrizzjoni

4.2.1.   Ġenerali

Il-“Vorarlberger Bergkäse” huwa ġobon iebes magħmul minn ħalib naturali tal-baqar tal-muntanji jew tal-widien, mingħajr l-użu ta’ sajlos. Il-farms li jitimgħu l-baqar żgħar bis-silaġġ (farms imħallta) ma humiex permessi li jipprovdu l-ħalib.

Ir-roti tal-ġobon jiżnu bejn 7 kg u 40 kg, għandhom tul ta’ 8-12-il cm u jiġu mmaturati għal mill-inqas 3 xhur.

4.2.2.   Proprjetajiet

Il-ġobon għandu qoxra granulari misjura b’tebgħat għal xotta, minn safra fil-kannella sa kannella u sawra minn iebsa sa lixxa. Il-kulur tiegħu huwa minn lewn l-avorju sa isfar ċar. Meta jitqatta’ f’biċċiet, il-ġobon juri toqob tondi bejn wieħed u ieħor id-daqs ta’ piżelli, minn matti sa jleqqu, imqassma b’mod uniformi iżda skars. Jistgħu jiffurmaw qasmiet żgħar (ta’ tul ta’ 0,5-1 cm) fil-ġobon. It-togħma hija pikkanti, u ssir aktar qawwija aktar ma jgħaddi ż-żmien. Skont il-grad ta’ maturazzjoni, il-karatteristiċi deskritti jistgħu jkunu xi ftit jew wisq evidenti, mingħajr ma tiġi affettwata jew mibdula l-immaġni ġenerali tad-DOP “Vorarlberger Bergkäse”.

Il-“Vorarlberger Bergkäse” jista’ jiġi kkumerċjalizzat f’porzjonijiet ta’ daqsijiet differenti.

Raġunijiet

Il-kummenti li ma humiex relatati mad-deskrizzjoni tal-prodott ġew stabbiliti f’aktar dettall fil-punti “Rabta maż-żona ġeografika” u “Metodu ta’ produzzjoni”, li issa huma previsti għal dak il-għan.

Il-meded tat-tolleranza għall-piż u l-għoli tar-roti tal-ġobon żdiedu bħala riżultat tat-telf ta’ sajran ikkawżat minn ħażna aktar fit-tul tal-ġobon u għal raġunijiet tal-vijabbiltà ekonomika tal-azjendi ż-żgħar. Għal raġunijiet loġistiċi, l-azjendi ż-żgħar jeħtieġu li l-ġobnijiet ikunu itqal. Il-kliem “madwar 50 % FiDM” tneħħa mingħajr ma ġie sostitwit minħabba li huwa superfluwu fid-dawl tar-rekwiżiti legali eżistenti. Il-formolazzjoni tal-kliem, li parti minnha ġejja mill-Ispeċifikazzjoni u parti ġiet miżjuda, saret aktar preċiża (eż. dwar il-perjodu minimu ta’ maturazzjoni) sabiex ġiet iċċarata u mtejba l-kompletezza tad-deskrizzjoni tal-prodott, u b’hekk il-korp ta’ spezzjoni ngħata parametri tal-prodott aktar preċiżi u affidabbli biex ikun jista’ jiżgura l-kwalità tal-prodott.

2.   Prova tal-oriġini

Il-kummenti preċedenti fl-Ispeċifikazzjoni kienu dwar l-istorja tal-prodott fil-punt 5(d) (Prova tal-oriġini), li kellhom jiġu ppreżentati f’dan il-punt meta ġiet rikonoxxuta d-denominazzjoni inkwistjoni, u ż-żidiet li saru f’dak il-punt issa tmexxew għall-punt 4.6. (Rabta maż-żona ġeografika) (ara t-test ta’ dak il-punt). Minflokhom, ġew inklużi dispożizzjonijiet speċifiċi għas-settur dwar l-iżgurar tat-traċċabbiltà taħt il-punt 4.4 (Prova tal-oriġini) fl-Ispeċifikazzjoni l-ġdida:

Raġunijiet

Billi l-Ispeċifikazzjoni tal-Prodott sa issa ma kinitx tinkludi regoli dwar il-prova tal-oriġini, huwa meqjus xieraq li tiġi inkluża informazzjoni dwar it-traċċabbiltà tal-prodott fil-punt 4.4 (Prova tal-oriġini) tal-Ispeċifikazzjoni tal-Prodott. Issa tinkludi dispożizzjonijiet biex tiġi żgurata t-traċċabbiltà. Barra minn hekk, xi test tmexxa wkoll mil-punt 5(h) (Tikkettar) oriġinali għall-punt 4.4 (Prova tal-oriġini).

3.   Żona ġeografika

Punt 5(c) (Żona ġeografika) tal-Ispeċifikazzjoni tal-Prodott oriġinali

Żdied ir-reġjun ta’ Walgau. Il-bqija tat-test tqassar għall-informazzjoni meħtieġa għaż-żona ġeografika. L-ortografija “Laiblachtal” inbidlet għal “Leiblachtal”.

Barra minn hekk, il-mapep ta’ Vorarlberg u tal-Awstrija ppreżentati addizzjonalment fil-punt 5(c) (Żona ġeografika) tal-Ispeċifikazzjoni tal-Prodott oriġinali ġew sostitwiti b’mappa ġdida.

Il-punt 5c tal-Ispeċifikazzjoni tal-Prodott:

u l-mapep ta’ Vorarlberg u l-Awstrija ppreżentati addizzjonalment fil-punt 5c

ġiet irriformulata biex taqra kif ġej:

4.   Metodu tal-produzzjoni

It-test oriġinali tal-punt 5(e) (Metodu tal-produzzjoni) tal-Ispeċifikazzjoni tal-Prodott ġie fformulat b’mod aktar preċiż u nqasam fil-punti 4.5.1 (Materja prima – ħalib), 4.5.2 (Produzzjoni) u 4.5.3 (Għarfien espert – għarfien tal-produzzjoni).

Il-metodu tal-ipproċessar ukoll ġie ddefinit b’mod aktar preċiż. Barra minn hekk, il-metodu ta’ produzzjoni tradizzjonali ġie deskritt f’aktar dettall fil-punt 4.5.3 (Għarfien espert – għarfien dwar il-produzzjoni).

Il-punt 5e tal-Ispeċifikazzjoni tal-Prodott jgħid hekk:

Il-“Vorarlberger Bergkäse” huwa prodott tradizzjonali tipiku.

Komponent essenzjali tal-proċess tal-produzzjoni huwa l-konformità ma’ kriterji stretti tal-produzzjoni tal-ħalib (linji gwida tal-kwalità għall-produtturi tal-ħalib).

B’mod partikolari:

—	huma biss l-azjendi b’ġestjoni purament estensiva tal-bwar – mingħajr il-produzzjoni tas-silaġġ jew it-tagħlif bih – li huma awtorizzati jipprovdu l-ħalib, jew ħalib minn tali farms biss jista’ jintuża għall-produzzjoni tal-“Vorarlberger Bergkäse”.

—	Il-ħalib jitwassal fil-maħleb tal-ġobon mill-inqas darba kuljum u jiġi pproċessat direttament hemmhekk (l-ebda trasport ulterjuri minn maħleb għal ieħor).

Produzzjoni attwali:

—	Il-ħalib mhux ipproċessat ipprovdut (mhux imsaħħan, pasturizzat jew sterilizzat biċ-ċentrifugazzjoni) huwa parzjalment xkumat (b’kontenut ta’ xaħam ta’ madwar 3,3 %).

—

Jitbaqqat bit-tames tal-għoġol u l-kultura tax-xorrox u tal-aċidu lattiku tal-farm stess (li għalihom l-esperjenza tal-produttur tal-ġobon hija kruċjali għall-valutazzjoni u l-kultivazzjoni ta’ din il-kultura). B’riżultat tal-użu tal-kulturi tax-xorrox, il-“Vorarlberger Bergkäse” huwa differenti ħafna minn prodotti simili oħrajn.

—	Imbagħad il-baqta tissaħħan għal bejn wieħed u ieħor 51-52,5 °C u tiġi ppressata.

—

Imbagħad, ir-roti tal-ġobon jitpoġġew f’banju tas-salmura għal 2-3 ijiem (b’kontenut tal-melħ ta’ madwar 20 %) imbagħad jiġu mmaturati fil-kantini f’temperatura ta’ bejn 12 °C u 15 °C u f’umdità relattiva ta’ bejn 90 % u 95 %. B’dan il-mod, il-ġobnijiet jiġu ttrattati regolarment bis-salmura biex tiġi żgurata l-formazzjoni tipika tal-qoxra u tiżviluppa t-togħma (jiġifieri jinżebgħu jew jintgħorku b’ilma mielaħ (kontenut tal-melħ ta’ madwar 20 %, pH ta’ 5,25) darbtejn fil-ġimgħa).

—	Il-“Vorarlberger Bergkäse” ikun lest għall-konsum wara bejn 3 u 6 xhur (skont il-grad ta’ sajran, il-karatteristiċi tiegħu jistgħu jvarjaw xi ftit: qasmiet żgħar fil-ġobon (twal 0,5-1 cm), inqas toqob, togħma qawwija).

L-awtomonitoraġġ u l-assigurazzjoni tal-kwalità kostanti tal-farms jiżguraw il-kwalità għolja tal-ħalib mhux ipproċessat u l-produzzjoni tal-“Vorarlberger Bergkäse”. Il-konformità mal-assigurazzjoni tal-kwalità tiġi vverifikata mill-“Qualitätsmanagementverein für Lebensmittel aus Vorarlberg” [l-Assoċjazzjoni tal-Ġestjoni tal-Kwalità għall-Ikel minn Vorarlberg]. Il-kontrolli fuq l-iġjene tal-farms u tal-persunal u s-saħħa tal-annimali huma meħtieġa mil-liġi.”;

inkiteb mill-ġdid kif ġej:

4.5.2.   Produzzjoni

Il-ħalib mhux ipproċessat l-ewwel jiġi xkumat parzjalment u mbaqqat bit-tames tal-għoġol u b’kultura ta’ xorrox u/jew batterja tal-aċidu lattiku. Il-batterji tradizzjonali tal-aċidu lattiku minn kulturi selvaġġi issa jiffurmaw il-bażi tal-kultura omm għall-kulturi tal-farms, li għadhom jiġu kkultivati fil-farm. Iż-żieda ta’ preservattivi, stabbilizzaturi u addittivi prodotti kimikament ma hijiex permessa. Il-ħalib magħqud (koagulat) imbagħad jinqata’ għad-daqs mixtieq permezz ta’ apparat għall-qtugħ tal-baqta. Imbagħad iseħħ l-istadju li jmiss tal-formazzjoni tal-ġobon: il-baqtiet jiżviluppaw ulterjorment u sseħħ sinereżi (meta x-xorrox jissepara minn mal-baqtiet). Il-baqtiet jissaħħnu għal temperatura ta’ bejn 51 °C u 54 °C imbagħad jiġu ttrasferiti f’forom u jiġu ppressati. Skont id-daqs tal-ġobon mixtieq, ir-roti jiżnu bejn 7 kg u 40 kg qabel ma jiġu mgħaddsa fis-salmura u jkunu ta’ tul ta’ bejn 8 cm u 12-il cm. Imbagħad, il-ġobnijiet jitpoġġew f’banju tas-salmura b’kontenut tal-melħ ta’ mill-inqas 20 Bé° għal bejn jumejn u tlett ijiem sabiex il-ġobon jassorbi l-melħ, tiġi ffurmata l-qoxra u tiżviluppa l-istruttura tal-ġobon, u b’hekk il-ġobon jiġi ssiġillat fuq in-naħa ta’ barra filwaqt li jsir sew u b’mod uniformi fuq in-naħa ta’ ġewwa. Dan iwassal għall-konsistenza omoġenja u kumpatta tal-“Vorarlberger Bergkäse”. Imbagħad, il-ġobnijiet jiġu mmaturati għal mill-inqas 3 xhur, skont in-natura tal-qoxra u l-esperjenza tal-proċessur tal-ħalib, f’temperatura ta’ bejn 10 °C u 15 °C u umdità ta’ aktar minn 80 %. Matul il-maturazzjoni, il-ġobnijiet jiġu ttrattati regolarment (miżbugħin jew jintgħorku) b’ilma mielaħ (kontenut tal-melħ sa 20 Bé°) mill-inqas darbtejn fil-ġimgħa biex tiġi żgurata l-formazzjoni tipika tal-qoxra u tiżviluppa t-togħma. Wara l-perjodu minimu ta’ maturazzjoni, il-ġobon “Vorarlberger Bergkäse” jkun lest għall-konsum.

4.5.3.   Know-how – għarfien dwar il-produzzjoni

Il-kwalità tal-“Vorarlberger Bergkäse” hija dovuta b’mod partikolari għall-esperjenza tal-proċessuri lokali tal-ħalib fil-ġestjoni tal-produzzjoni u s-sajran tal-ġobon.

L-arti tal-produzzjoni tal-ġobon hija bbażata fuq in-know-how tal-proċessuri tal-ħalib involuti fil-produzzjoni b’modi differenti skont ir-rwol individwali tagħhom fil-proċess, fejn tinkiseb il-kwalità tipika tal-“Vorarlberger Bergkäse”.

Dan jibda bl-użu u bil-kultivazzjoni tal-kulturi tal-batterji tal-aċidu lattiku. Pereżempju, id-determinazzjoni tal-kompożizzjoni tal-kultura tal-batterji tal-aċidu lattiku, it-temperatura, il-perjodi ta’ mistrieħ, il-kwantitajiet u l-proporzjon miżjuda u l-kundizzjonijiet tal-ħażna jirriżultaw mill-esperjenza tal-proċessur tal-ħalib.

Impatt potenzjali partikolari tal-esperjenza tagħhom huwa l-ħżin u l-maturazzjoni speċifiċi tal-ħalib b’mod favorevoli għall-formazzjoni ta’ batterji tal-aċidu lattiku li jtejbu b’mod sinifikanti l-karatteristiċi tal-ġobon f’termini tal-ħajja fuq l-ixkaffa, ir-riħa u t-togħma. Il-kwantità ta’ tames tal-għoġġiela, il-ħin u l-mod tal-qtugħ tal-ħalib imbaqqat (koagulat) u d-daqs tal-baqtiet, l-iżvilupp sussegwenti tal-ġobon u t-tisħin tat-taħlita tal-baqta/xorrox jirriżultaw mill-esperjenza speċifika tal-produttur tal-ġobon, u huma responsabbli għall-kwalità tal-“Vorarlberger Bergkäse”.

Il-produttur tal-ġobon irid jimmonitorja kull stadju tal-produzzjoni tal-ġobon mill-qrib ħafna u jrid jidentifika ż-żmien it-tajjeb għal kull stadju tal-ipproċessar. Pereżempju, it-tisħin bir-reqqa tal-“Vorarlberger Bergkäse” għal 51-54 °C wara l-qtugħ tal-ħalib koagulat huwa prerekwiżit importanti għall-ħajja twila fuq l-ixkaffa tal-ġobon. Fl-istess ħin, il-ħalib irid jiġi mmaniġġat b’attenzjoni sabiex jiġi żgurat li jinżammu l-karatteristiċi u l-komponenti aromatiċi u mikrobijoloġiċi u għaldaqstant il-kwalitajiet speċifiċi tal-ħalib. Barra minn hekk, minħabba l-kundizzjonijiet dejjem jinbidlu b’mod naturali tat-tagħlif fil-mergħat fuq il-muntanji, il-ħalib ma għandu l-ebda karatteristika standard, iżda pjuttost il-kwalità tiegħu tvarja (pereżempju, f’termini tal-kontenut ta’ proteini jew ta' kompożizzjoni oħra tal-ħalib). L-esperjenza vasta tagħhom tippermetti lill-produtturi tal-“Vorarlberger Bergkäse” jikkumpensaw sew għal dawn il-fluttwazzjonijiet naturali.

L-immaniġġar b’attenzjoni mill-produttur tal-ġobon tal-istadji kollha fil-proċess huwa kruċjali għall-bqija tal-proċess ta’ maturazzjoni u b’hekk għall-kwalità tal-prodott finali. Matul il-maturazzjoni, trid tingħata wkoll attenzjoni partikolari għall-immaniġġar b’attenzjoni tal-ġobon. B’riżultat tal-esperjenza tagħhom, il-produtturi tal-ġobon istintivament jafu meta l-ġobon irid jiddawwar, jitfarfar u jintgħorok, u għalhekk għandhom impatt sinifikanti fuq il-kwalità tal-ġobon.

Il-laqgħat regolari tal-maniġers tal-proċessuri tal-ħalib u/jew tal-produtturi tal-ġobon, li fihom jaqsmu l-għarfien li jkunu kisbu, jagħtu lok għal proċess kostanti ta’ taħriġ, li jgħin biex jinżammu l-kwalità u t-tradizzjoni tal-“Vorarlberger Bergkäse”.

Raġunijiet

Saru emendi għall-proċess tal-produzzjoni bil-għan li tiġi żgurata l-kwalità inekwivokabbli tal-“Vorarlberger Bergkäse”, li hija msejsa, b’mod partikolari, fuq l-għarfien tal-produtturi dwar il-metodu ta’ produzzjoni tradizzjonali. Flimkien mal-formulazzjoni – issa emendata – li diġà kienet fl-Ispeċifikazzjoni tal-Prodott oriġinali, dan il-metodu ta’ produzzjoni tradizzjonali huwa deskritt f’aktar dettall, b’mod partikolari bid-definizzjoni aktar preċiża tal-metodu tal-ipproċessar. Il-kliem “b’kontenut ta’ xaħam ta’ 3,3 %” tneħħa mingħajr ma ġie sostitwit minħabba li ma huwiex meħtieġ fid-dawl tar-rekwiżiti legali eżistenti.

L-emendi individwali jirreletaw mal-punti li ġejjin:

—	Materja prima – ħalib

Sabiex tiġi żgurata provvista bilanċjata ta’ nutrijenti meħtieġa għall-benessri tal-annimali, indipendentement minn kundizzjonijiet klimatiċi eċċezzjonali, bħal nixfiet, sar possibbli li jinxtraw ħbub imfarrka u jintużaw bħala għalf kompensatorju u komplementari sa proporzjon ta’ 30 % tal-materja niexfa fis-sena. L-għalf supplimentari fil-forma ta’ ħbub imfarrka sa proporzjon ta’ 30 % huwa meħtieġ ukoll għall-benessri tal-annimali sabiex jiġi żgurat it-tagħlif adegwat matul perjodi ta’ rendiment għoli tal-ħalib. Id-deroga msemmija hawn fuq għas-supplimenti tal-għalf ma taffettwax il-kwalità għolja u kostanti tal-ħalib minħabba li ħafna mill-għalf oħxon irid jiġi miż-żona demarkata.

It-trasport ulterjuri minn maħleb għal ieħor fiż-żona ddefinita għandu jkun permess fil-futur peress li, minħabba l-istat attwali tat-teknoloġija, dan ma għadux jaffettwa l-kwalità. Barra minn hekk, il-kunsinna ta’ kuljum tal-ħalib ma hijiex parametru tal-kwalità deċiżiv minħabba l-istat attwali tat-teknoloġija, u għal din ir-raġuni dan it-test tħassar mill-Ispeċifikazzjoni oriġinali. It-trasport tal-ħalib lejn parti kontraenti oħra jrid jiġi ddokumentat ukoll. Il-Linji gwida tal-kwalità għall-produtturi tal-ħalib li jinsabu bħala anness mal-Ispeċifikazzjoni tal-Prodott tħassru, peress li l-metodu tal-produzzjoni huwa ppreżentat b’mod aktar dettaljat u komprensiv u l-valutazzjoni tal-kwalità issa hija deskritta fil-punt 4.7 (Kontroll). Barra minn hekk, l-Assoċjazzjoni tal-Ġestjoni tal-Kwalità għall-Ikel minn Vorarlberg ġiet stralċjata.

—	Produzzjoni

Il-produzzjoni tal-“Vorarlberger Bergkäse” hija deskritta fi stadji dettaljati, mill-ipproċessar tal-ħalib mhux ipproċessat sal-istadju tas-sajran matul it-tnixxif naturali. Il-parametri tekniċi li għandhom jiġu osservati sabiex tiġi żgurata l-kwalità huma ċċitati.

Il-baqta issa tista’ tissaħħan sa bejn 51 °C u 54 °C (minflok bejn 51,5 °C u 52,5 °C bħal qabel). Ġiet permessa firxa usa’ ta’ temperaturi tat-tisħin minħabba li ma huwiex possibbli, fil-każ ta’ tisħin manwali, li tiġi stabbilita temperatura preċiża, li jfisser li hija meħtieġa tolleranza akbar. Il-firxa l-ġdida ta’ tolleranza għat-temperatura tat-tisħin ma għandhiex impatt negattiv fuq il-kwalità tal-prodott. Iż-żieda ta’ preservattivi, stabbilizzaturi u addittivi prodotti kimikament għadha ma hijiex permessa. Dan sar saħansitra aktar ċar permezz ta’ formulazzjoni aktar preċiża.

Fir-rigward tal-kulturi tax-xorrox jew tal-aċidu lattiku tal-farm stess, ġie ċċarat li l-kultura bażi storika llum hija prodotta ċentralment u mbagħad tiġi kkultivata internament għal użu ulterjuri fil-produzzjoni tal-“Vorarlberger Bergkäse”. L-esperjenza tal-proċessuri tal-ħalib għandha rwol kruċjali f’dan ir-rigward.

Il-kontenut tal-melħ ġie ċċarat u adattat għal kriterji prattikament verifikabbli bl-użu tal-gradi Baumé (°Bé) bħala l-unità tal-kejl. Il-pH tal-banju tal-melħ li oriġinarjament kien fl-Ispeċifikazzjoni tal-Prodott ma huwiex rilevanti fil-prattika minħabba d-diffikultà teknika tal-monitoraġġ, u għalhekk ġie ssostitwit bil-gradi Baumé (°Bé) bħala l-unità ta’ kejl.

B’riżultat tal-progress teknoloġiku, is-sajran ma għadx għandu għalfejn isir fil-kantini tas-sajran tal-produttur tal-ġobon stess, iżda jista’ jsir ukoll fil-kantini esterni li jinsabu fiż-żona ġeografika ddefinita, fejn il-kundizzjonijiet għar-regolazzjoni tal-parametri rilevanti għall-kontroll huma ottimali wkoll.

Minħabba l-karatteristiċi differenti tal-kantini tas-sajran u t-tendenza fir-rekwiżiti tal-kwalità tas-suq favur ħinijiet itwal ta’ sajran tal-ġobon, kien meħtieġ li l-firxa tat-temperatura tiġi aġġustata minn 12-15 °C għal 10-15 °C u l-umdità għal aktar minn 80 %. L-għarfien espert speċjali tal-maniġer tal-kantina tal-ġobon jiżgura li tinżamm il-kwalità oriġinali tal-“Vorarlberger Bergkäse”.

Il-formazzjoni tal-qoxra tipika tal-“Vorarlberger Bergkäse” u l-kwalità assoċjata tal-ġobon ġew iċċarati ulterjorment, u saret referenza għall-ġestjoni mill-produttur tal-ġobon u l-klima tas-sajran.

—	Għarfien espert – għarfien dwar il-produzzjoni

Billi l-Ispeċifikazzjoni preċedenti ma kienet tinkludi ebda osservazzjoni ewlenija dwar l-għarfien tradizzjonali tal-produtturi, l-Ispeċifikazzjoni saret aktar speċifika f’dan ir-rigward, u ngħataw deskrizzjonijiet tal-kredenzjali tal-ispeċjalisti. Hemm ukoll deskrizzjoni tal-attivitajiet kontinwi bil-għan li tingħadda t-tradizzjoni sabiex tiġi żgurata l-kwalità, biex b’hekk it-telfien jew it-tħollija tal-għarfien espert ikunu jistgħu jitrażżnu b’mod effiċjenti, u jkun jista’ jinżamm l-għarfien tradizzjonali tal-prodott. L-Assoċjazzjoni tal-Ġestjoni tal-Kwalità għall-Ikel minn Vorarlberg ġiet stralċjata. Il-grupp applikant issa huwa responsabbli għat-taħriġ kontinwu u għal kull skambju ta’ informazzjoni. Il-kwalità tal-materja prima u l-ġestjoni tal-kwalità fl-impjant tal-ipproċessar huma regolati mil-leġiżlazzjoni fil-livell nazzjonali u f’dak tal-UE u mmonitorjati kif xieraq.

5.   Rabta maż-żona ġeografika

L-informazzjoni li qabel kienet inkluża fil-punti 5(d) (Prova tal-oriġini) u 5(f) (Rabta) tal-Ispeċifikazzjoni tal-Prodott oriġinali u ż-żidiet li saru fiż-żewġ punti nġabru fil-qosor fil-punt 4.6 (Rabta maż-żona ġeografika).

Kemm il-volum tal-produzzjoni kif ukoll il-biblijografija dwar l-iżvilupp storiku tal-ġobon tħassru.

Raġunijiet

L-Ispeċifikazzjoni ġiet adattata għar-rekwiżiti tar-Regolament (UE) Nru 1151/2012 billi l-osservazzjonijiet storiċi, bħall-evidenza dokumentata u t-tradizzjonijiet antiki relatati mal-“Vorarlberger Bergkäse”, li għall-bidu kienu deskritti fil-punt dwar il-prova tal-oriġini, issa tmexxew taħt il-punt 4.6 (Rabta maż-żona ġeografika).

L-effetti tal-fatturi klimatiċi u umani fiż-żona ġeografika huma deskritti b’mod komprensiv, billi ġiet ipprovduta deskrizzjoni dettaljata tal-għarfien espert speċifiku tal-produtturi reġjonali, li qabel kien imsemmi biss fil-qosor fl-Ispeċifikazzjoni, bħall-għarfien tradizzjonali tat-tekniki speċjali tal-ħażna u l-livell għoli ta’ għarfien espert dwar it-tekniki tal-produzzjoni u l-ġestjoni tal-maturazzjoni, li huwa kruċjali biex jinħarġu l-karatteristiċi organolettiċi tal-ġobon.

It-telf fil-volum tal-produzzjoni huwa dovut għall-bidla kontinwa fil-kwantitajiet prodotti.

L-iżvilupp storiku tal-ġobon issa huwa deskritt fid-dettall fil-punt 4.6 (Rabta maż-żona ġeografika). Għalhekk, il-biblijografija dwar l-iżvilupp storiku tal-ġobon saret superfluwa u għalhekk tħassret, b’mod partikolari għal raġunijiet ta’ leġġibbiltà aħjar.

6.   Tikkettar

It-test oriġinali tal-punt 5(h) (Tikkettar) tal-Ispeċifikazzjoni tal-Prodott u ż-żidiet li saru fih issa tmexxew għall-punt 4.4 (Prova tal-Oriġini) u ġew adattati għar-rekwiżiti attwali tad-dokumentazzjoni.

Pereżempju, ir-rekwiżiti fl-Ispeċifikazzjoni oriġinali (rigward it-twaħħil fuq il-prodott tad-data tal-produzzjoni u n-numru tal-azjenda) ma għadhomx meħtieġa bħala riżultat tad-dokumentazzjoni li trid tiġi pprovduta għall-finijiet tal-prova tal-oriġini. Il-marka tal-kaseina li għandha tintuża ġiet iċċarata. It-twaħħil ta’ din il-marka mal-ippakkjar tal-porzjonijiet tal-ġobon ma għadux meħtieġ minħabba li t-traċċabbiltà tal-lott hija ggarantita fil-każ tal-porzjonijiet.

Ir-regoli dwar it-tikketti privati stabbiliti fil-punt 5(h) (Tikkettar) tal-Ispeċifikazzjoni tal-Prodott oriġinali tmexxew għall-punt 4.8 (Tikkettar).

“L-użu ta’ tikketti privati huwa permess. It-tikketta privata ma għandhiex tkun tali li tqarraq bil-konsumatur jew li tagħmel ħsara lir-reputazzjoni tad-DOP.”

Raġunijiet

Ġew iċċarati u estiżi r-rekwiżiti li jikkonċernaw il-ġestjoni ta’ tikketti privati. Dawn se jibqgħu permessi.

7.   Emendi editorjali

7.1.   Id-dettalji ta’ kuntatt tal-awtorità kompetenti tal-Istat Membru ġew aġġornati.

7.2.   L-isem u l-indirizz tal-grupp applikant ġew aġġornati.

Raġunijiet

ARGE Milch Vorarlberg huwa s-suċċessur legali tal-grupp applikant oriġinali fir-rigward tad-drittijiet u l-obbligi kollha li jirriżultaw mid-denominazzjoni ta’ oriġini protetta “Vorarlberger Bergkäse”. L-informazzjoni dwar l-awtorità kompetenti ġiet aġġornata.

7.3.   Korp ta’ spezzjoni

Il-punt li fih id-dettalji ta’ kuntatt tal-korp ta’ spezzjoni ġie emendat minħabba li dak il-korp issa huwa kumpanija privata, jiġifieri Lacon GmbH.

7.4.   Bidliet fit-tfassil/fil-preżentazzjoni tal-Ispeċifikazzjoni tal-Prodott

Rinumerazzjoni u emenda ta’ wħud mit-titoli biex l-informazzjoni tkun aktar ċara u preċiża.

7.5.   Rekwiżiti nazzjonali

L-intestatura “Rekwiżiti nazzjonali” tneħħiet mingħajr ma ġiet issostitwita peress li dawn ma humiex meħtieġa fid-dawl tar-rekwiżiti regolatorji.

DOKUMENT UNIKU

“Vorarlberger Bergkäse”

Nru tal-UE: PDO-AT-1419-AM01 – 5.4.2022

DOP (X) IĠP ()

1.   ISEM/ISMIJIET

“Vorarlberger Bergkäse”

2.   Stat membru jew pajjiż terz

L-Awstrija

3.   Deskrizzjoni tal-prodott agrikolu jew tal-oġġett tal-ikel

3.1   Tip ta’ prodott [bħal fl-Anness XI]

Klassi 1.3. Ġobon

3.2   Deskrizzjoni tal-prodott li għalih japplika l-isem f’(1)

Il-“Vorarlberger Bergkäse” huwa ġobon iebes magħmul minn ħalib naturali tal-baqar tal-muntanji jew tal-widien, mingħajr l-użu ta’ sajlos. Il-farms li jitimgħu l-baqar żgħar bis-silaġġ (farms imħallta) ma humiex permessi li jipprovdu l-ħalib użat. Ir-roti tal-ġobon jiżnu bejn 7 kg u 40 kg, għandhom tul ta’ 8-12-il cm u jiġu mmaturati għal mill-inqas 3 xhur.

Il-ġobon għandu qoxra granulari misjura b’tebgħat għal xotta, minn safra fil-kannella sa kannella u sawra minn iebsa sa lixxa. Il-kulur tiegħu huwa minn lewn l-avorju sa isfar ċar. Meta jitqatta’ f’biċċiet, il-ġobon juri toqob tondi bejn wieħed u ieħor id-daqs ta’ piżelli, minn matti sa jleqqu, imqassma b’mod uniformi iżda skars. Jistgħu jiffurmaw qasmiet żgħar (ta’ tul ta’ 0,5-1 cm) fil-ġobon. It-togħma hija pikkanti, u ssir aktar qawwija aktar ma jgħaddi ż-żmien.

3.3   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Huwa biss il-ħalib minn farms b’ġestjoni tal-bwar – mingħajr il-produzzjoni tas-silaġġ jew it-tagħlif bih – li jista’ jintuża għall-produzzjoni tal-“Vorarlberger Bergkäse”.

L-użu ta’ ħbub imfarrkin bħala għalf kompensatorju u komplementari minn żoni oħrajn huwa permess sa proporzjon ta’ 30 % ta’ materja niexfa fis-sena.

Il-ħbub imfarrkin jistgħu jinxtraw minn żoni oħrajn minħabba li ż-żona ġeografika, reġjun muntanjuż tipiku kkaratterizzat minn bwar u minn saff baxx ta’ ħumus, ma hijiex adatta sew għat-tkabbir tal-għelejjel. Dan ifisser li kważi l-ebda ċereali jew għalla simili ma tikber jew tiġi prodotta fiż-żona, għalhekk ikollhom jinxtraw minn żoni oħrajn.

Għalhekk, il-perċentwal ta’ foraġġ miż-żona ġeografika ma jridx ikun inqas minn 70 % tal-materja niexfa totali mitmugħa fis-sena lill-baqar li jreddgħu. Iż-żieda tal-ħbub imfarrkin li joriġinaw minn xi mkien ieħor hija permessa sa proporzjon ta’ 30 % tal-materja niexfa tal-porzjon rispettiv.

3.4   Passi speċifiċi tal-produzzjoni li jridu jsiru fiż-żona ġeografika ddefinita

Il-materja prima trid tiġi prodotta, ipproċessata u mmaturata fiż-żona ddefinita.

3.5   Regoli speċifiċi dwar it-tqattigħ, it-taħkik, l-ippakkjar, eċċ.

—

3.6   Regoli speċifiċi dwar it-tikkettar

Il-ġobnijiet iridu jiġu identifikati b’marka tal-kaseina li jkollha numru tas-serje. L-assoċjazzjoni applikanti hija responsabbli għall-amministrazzjoni u għall-allokazzjoni tan-numru tas-serje.

4   Definizzjoni fil-qosor taż-żona ġeografika

Il-“Vorarlberger Bergkäse” jiġi prodott minn ħalib mhux ipproċessat prodott f’Vorarlberg fir-reġjuni li ġejjin tal-provinċja: Bregenzerwald, Kleinwalsertal, Großwalsertal, Leiblachtal (Pfänderstock), Walgau u Rheintal.

5   Rabta maż-żona ġeografika

Il-“Vorarlberger Bergkäse” huwa prodott li ilu jiġi prodott u kkunsmat f’dik li llum hija l-provinċja ta’ Vorarlberg għal bosta mijiet ta’ snin. Oriġinarjament, u għal sekli sħaħ, il-ġobon kien prodott primarjament għall-konsum proprju u għall-kummerċjalizzazzjoni reġjonali.

Il-kundizzjonijiet reġjonali, bħall-altitudni, il-klima, il-flora u l-fawna u l-istruttura fuq skala żgħira tal-farms wasslu għall-iżvilupp f’nofs is-seklu 18 tal-produzzjoni tal-ġobon tax-xaħam b’tekniki speċifiċi ta’ produzzjoni tal-ġobon. Dan wassal għal ħajja itwal fuq l-ixkaffa u għal valur miżjud ogħla.

L-għarfien u l-ħiliet tekniċi tal-produzzjoni tal-ġobon akkumulati fiż-żona ġeografika demarkata (it-teknoloġija tal-produzzjoni, il-maturazzjoni, it-tagħlif tal-annimali u l-ipproċessar tal-ħalib) ġew mgħoddija minn ġenerazzjoni għal oħra. Madwar l-1890, l-istabbiliment tal-assoċjazzjonijiet wassal għal ġbir flimkien u tixrid aħjar tal-għarfien. Dawn l-assoċjazzjonijiet sussegwentement ġew issostitwiti minn kooperattivi, li għadhom jeżistu sal-lum.

Il-ħżin u l-maturazzjoni mmirati tal-ħalib iffavorixxew il-batterji tal-aċidu lattiku, li tejbu b’mod sinifikanti l-karatteristiċi tal-ġobon f’termini tal-ħajja fuq l-ixkaffa, ir-riħa u t-togħma. Il-batterji tradizzjonali tal-aċidu lattiku minn kulturi selvaġġi issa jiffurmaw il-bażi tal-kultura omm għall-kulturi tal-farms, li għadhom jiġu kkultivati fil-farm. L-użu tat-tames tal-għoġġiela, iż-żmien u l-mod kif jitqatta’ l-ħalib koagulat u d-daqs tal-baqtiet, l-iżvilupp tal-ġobon u t-tisħin tat-taħlita tal-baqta u x-xorrox huma r-riżultat tal-esperjenza speċifika tal-produttur tal-ġobon u jispjegaw il-kwalità tal-“Vorarlberger Bergkäse”. Dan l-għarfien u dawn il-ħiliet ġew żviluppati ulterjorment u għadhom iservu sal-lum bħala bażi għall-produzzjoni tal-“Vorarlberger Bergkäse”.

Referenza għall-pubblikazzjoni tal-Ispeċifikazzjoni tal-Prodott

https://www.patentamt.at/herkunftsangaben/vorarlbergerbergkaese/

Tista’ tiġi aċċessata wkoll direttament permezz tas-sit web tal-Uffiċċju tal-Privattivi tal-Awstrija (www.patentamt.at) billi wieħed jinnaviga għal: “Trademarks / Geographical indications / List of Austrian geographical indications”. It-test jidher taħt l-isem tad-denominazzjoni tal-kwalità.

---

(1)  ĠU L 343, 14.12.2012, p. 1.