—

wara li kkunsidra l-komunikazzjoni tal-Kummissjoni tad-19 ta' Ottubru 2021 dwar il-Politika tat-Tkabbir tal-UE (COM(2021)0644) u r-Rapport 2021 dwar it-Turkija (SWD(2021)0290) li jakkumpanjaha,

—

wara li kkunsidra r-Regolament (UE) 2021/1529 tal-Parlament Ewropew u tal-Kunsill tal-15 ta' Settembru 2021 li jistabbilixxi l-Istrument għall-Assistenza ta' Qabel l-Adeżjoni (IPA III) (1),

—

wara li kkunsidra l-Qafas ta' Negozjar għat-Turkija tat-3 ta' Ottubru 2005 u l-fatt li, bħal fil-każ tal-pajjiżi tal-adeżjoni kollha, l-adeżjoni tat-Turkija mal-UE tiddependi minn konformità sħiħa mal-kriterji ta' Copenhagen, u mill-ħtieġa li jiġu normalizzati r-relazzjonijiet tagħha mal-Istati Membri kollha tal-UE, inkluża r-Repubblika ta' Ċipru,

—

wara li kkunsidra d-dikjarazzjoni maħruġa mill-Komunità Ewropea u l-Istati Membri tagħha fil-21 ta' Settembru 2005 wara d-dikjarazzjoni li saret mit-Turkija mal-firma tal-Protokoll Addizzjonali għall-Ftehim ta' Ankara fid-29 ta' Lulju 2005, inkluża d-dispożizzjoni li r-rikonoxximent tal-Istati Membri kollha huwa komponent neċessarju tan-negozjati, u l-ħtieġa li t-Turkija tipproċedi bin-normalizzazzjoni tar-relazzjonijiet tagħha mal-Istati Membri kollha u li timplimenta bis-sħiħ il-Protokoll Addizzjonali għall-Ftehim ta' Ankara lejn l-Istati Membri kollha billi tneħħi l-ostakli kollha għall-moviment liberu tal-merkanzija, inklużi restrizzjonijiet fuq il-mezzi tat-trasport, mingħajr preġudizzju jew diskriminazzjoni,

—

wara li kkunsidra d-Dikjarazzjonijiet UE-Turkija tat-18 ta' Marzu 2016 u tad-29 ta' Novembru 2015,

—

wara li kkunsidra l-Ftehim bejn l-Unjoni Ewropea u r-Repubblika tat-Turkija dwar ir-riammissjoni ta' persuni li jirrisjedu mingħajr awtorizzazzjoni (2) (Ftehim ta' Riammissjoni UE-Turkija),

—

wara li kkunsidra l-konklużjonijiet tal-Kunsill tas-26 ta' Ġunju 2018, tat-18 ta' Ġunju 2019 u tal-14 ta' Diċembru 2021 dwar it-tkabbir u l-proċess ta' stabbilizzazzjoni u ta' assoċjazzjoni, il-konklużjonijiet tal-Kunsill tal-15 ta' Lulju u tal-14 ta' Ottubru 2019 dwar l-attivitajiet ta' tħaffir mhux awtorizzat tat-Turkija fil-Lvant tal-Mediterran, il-konklużjonijiet tal-Kunsill Ewropew tat-12 ta' Diċembru 2019, tal-1-2 ta' Ottubru 2020 u tal-15-16 ta' Ottubru 2020 u tal-24 ta' Ġunju 2021, il-konklużjonijiet rilevanti l-oħra kollha tal-Kunsill u tal-Kunsill Ewropew, id-Dikjarazzjoni tal-ministri għall-affarijiet barranin tal-UE tal-15 ta' Mejju 2020 u r-riżultati ewlenin tal-vidjokonferenza tagħhom tal-14 ta' Awwissu 2020 dwar is-sitwazzjoni fil-Lvant tal-Mediterran, l-eżitu tal-laqgħa informali tal-Ministri għall-affarijiet Barranin tal-UE f'Gymnich tas-27 u t-28 ta' Awwissu 2020, u d-Dikjarazzjoni tal-Membri tal-Kunsill Ewropew tal-25 ta' Marzu 2021 dwar il-Lvant tal-Mediterran,

—

wara li kkunsidra d-Deċiżjoni tal-Kunsill (PESK) 2019/1894 tal-11 ta' Novembru 2019 dwar miżuri restrittivi fid-dawl tal-attivitajiet ta' tħaffir mhux awtorizzat tat-Turkija fil-Lvant tal-Mediterran (3), kif imġedda bid-Deċiżjoni tal-Kunsill (PESK) 2020/1657 tas-6 ta' Novembru 2020 (4) u d-Deċiżjoni tal-Kunsill (PESK) 2021/1966 tal-11 ta' Novembru 2021 (5),

—

wara li kkunsidra s-sħubija tat-Turkija fil-Kunsill tal-Ewropa u fin-NATO,

—

wara li kkunsidra l-komunikazzjoni tal-Kummissjoni tas-26 ta' Mejju 2021 dwar il-Ħames Rapport Annwali dwar il-Faċilità għar-Rifuġjati fit-Turkija (COM(2021)0255),

—

wara li kkunsidra l-ittra tal-Kummissarju għad-Drittijiet tal-Bniedem tal-Kunsill tal-Ewropa tal-25 ta' Frar 2021 dwar ir-restrizzjoni ta' attivitajiet tal-NGOs u l-libertà ta' assoċjazzjoni f'isem il-ġlieda kontra t-terroriżmu u l-ittra tal-Kummissarju għad-Drittijiet tal-Bniedem tal-Kunsill tal-Ewropa tas-17 ta' Ġunju 2021 dwar id-drittijiet tal-bniedem ta' persuni LGBTI,

—

wara li kkunsidra r-riżoluzzjonijiet rilevanti tal-Kumitat tal-Ministri tal-Kunsill tal-Ewropa, inklużi r-riżoluzzjonijiet interim tat-2 ta' Frar 2022 u tat-2 ta' Diċembru 2021 dwar l-eżekuzzjoni tas-sentenza tal-Qorti Ewropea tad-Drittijiet tal-Bniedem f'Kavala kontra t-Turkija, ir-riżoluzzjoni interim tat-2 ta' Diċembru 2021 dwar l-eżekuzzjoni tas-sentenza tal-Qorti Ewropea tad-Drittijiet tal-Bniedem f'Selahattin Demirtaş vs. It-Turkija (Nru 2), ir-riżoluzzjoni interim tas-16 ta' Settembru 2021 dwar l-eżekuzzjoni tas-sentenza tal-Qorti Ewropea tad-Drittijiet tal-Bniedem f'Ċipru vs. It-Turkija, u r-riżoluzzjoni tas-17 ta' Ottubru 2007, ir-riżoluzzjoni interim tad-9 ta' Marzu 2009 u d-disa' deċiżjonijiet sussegwenti dwar l-eżekuzzjoni tas-sentenza tal-Qorti Ewropea tad-Drittijiet tal-Bniedem f'Ülke vs. It-Turkija,

—

wara li kkunsidra l-Artikolu 46 tal-Konvenzjoni Ewropea dwar id-Drittijiet tal-Bniedem li jgħid li l-partijiet kontraenti jimpenjaw ruħhom li jirrispettaw is-sentenza finali tal-Qorti Ewropea tad-Drittijiet tal-Bniedem fi kwalunkwe kawża li jkunu parti minnha, u l-obbligu li jirriżulta għat-Turkija li timplimenta s-sentenzi kollha tal-Qrati Ewropea tad-Drittijiet tal-Bniedem,

—

wara li kkunsidra r-riżoluzzjonijiet rilevanti tal-Kunsill tas-Sigurtà tan-NU dwar Ċipru, inkluża r-Riżoluzzjoni 186(1964) tal-4 ta' Marzu 1964, li tafferma mill-ġdid is-sovranità tar-Repubblika ta' Ċipru, ir-Riżoluzzjoni 550(1984) tal-11 ta' Mejju 1984 dwar l-azzjonijiet ta' seċessjoni f'Ċipru u r-Riżoluzzjoni 789(1992) tal-25 ta' Novembru 1992 li tħeġġeġ lil dawk kollha kkonċernati fil-kwistjoni ta' Ċipru jikkommettu ruħhom għall-miżuri għat-tisħiħ tal-fiduċja stabbiliti fir-riżoluzzjoni, li jqisu t-tentattivi biex kwalunkwe parti ta' Varosha tiġi riżolta minn persuni oħra għajr l-abitanti tagħha bħala inammissibbli, u jitolbu t-trasferiment ta' dik iż-żona lill-amministrazzjoni tan-Nazzjonijiet Uniti,

—

wara li kkunsidra l-Liġi Nru 7262 ta' Diċembru 2020 dwar il-Prevenzjoni tal-Finanzjament tal-Proliferazzjoni tal-Armi ta' Qerda Massiva, li tuża l-miżuri tal-ġlieda kontra t-terroriżmu bħala arma biex tattakka s-soċjetà ċivili,

—

wara li kkunsidra r-rapport tal-Kumitat għall-Affarijiet Legali u d-Drittijiet tal-Bniedem tal-Assemblea Parlamentari tal-Kunsill tal-Ewropa tas-6 ta' Jannar 2021 dwar ir-restrizzjonijiet fuq l-attivitajiet tal-NGOs fl-Istati Membri tal-Kunsill tal-Ewropa,

—

wara li kkunsidra d-dikjarazzjoni tal-UNESCO tal-10 ta' Lulju 2020 dwar il-Hagia Sophia, f'Istanbul,

—

wara li kkunsidra l-Indiċi Dinji tal-Libertà tal-Istampa tal-2022 ippubblikat minn Reporters Mingħajr Fruntieri, li jqiegħed lit-Turkija fil-149 post minn 180 pajjiż, ir-Rapport ta' Amnesty International għall-2020/21, u r-Rapport Dinji tal-2020 tal-Human Rights Watch,

—

wara li kkunsidra r-riżoluzzjonijiet preċedenti tiegħu, b'mod partikolari dawk tad-19 ta' Mejju 2021 dwar ir-Rapporti tal-Kummissjoni tal-2019-2020 dwar it-Turkija (6), tat-8 ta' Lulju 2021 dwar ir-repressjoni tal-oppożizzjoni fit-Turkija, speċifikament il-Partit Demokratiku tal-Poplu (HDP) (7), tal-21 ta' Jannar 2021 dwar is-sitwazzjoni tad-drittijiet tal-bniedem fit-Turkija, b'mod partikolari l-każ ta' Selahattin Demirtato u ta' priġunieri oħra minħabba twemmin (8), tas-26 ta' Novembru 2020 dwar iż-żieda fit-tensjonijiet f'Varosha wara l-azzjonijiet illegali mit-Turkija u l-ħtieġa urġenti li jissuktaw it-taħditiet (9), tal-15 ta' April 2015 dwar iċ-ċentinarju tal-Ġenoċidju Armen (10), tas-7 ta' Ottubru 2021 dwar ir-rapport ta' implimentazzjoni dwar il-Fondi Fiduċjarji tal-UE u l-Faċilità għar-Rifuġjati fit-Turkija (11), u tal-24 ta' Novembru 2021 dwar il-pożizzjoni tal-Kunsill dwar l-abbozz ta' baġit emendatorju Nru 5/2021 tal-Unjoni Ewropea għas-sena finanzjarja 2021 – Appoġġ umanitarju għar-rifuġjati fit-Turkija (12),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Barranin (A9-0149/2022),

A.

billi t-Turkija, bħala pajjiż kandidat għall-adeżjoni mal-UE, hija sieħba ewlenija fir-rigward tal-ekonomija u ġar importanti u sieħba strateġika għall-UE f'oqsma essenzjali ta' interess konġunt bħall-kummerċ, il-migrazzjoni, is-saħħa pubblika, il-klima, it-tranżizzjoni ekoloġika, is-sigurtà u l-ġlieda kontra t-terroriżmu;

B.

billi l-integrazzjoni ekonomika tat-Turkija mal-UE baqgħet konsiderevoli fl-2020, bil-pajjiż jirrappreżenta s-sitt l-akbar sieħba kummerċjali tal-UE, filwaqt li l-UE tibqa' bil-bosta l-akbar sieħba kummerċjali tat-Turkija u l-akbar sors ta' investiment dirett barrani tagħha; billi t-Turkija bħalissa għaddejja minn diffikultajiet ekonomiċi u finanzjarji, li qed jaggravaw l-impatt ekonomiku tal-pandemija;

C.

billi l-ħidma fuq id-dimensjoni tas-sigurtà tal-UE mxiet 'il quddiem dan l-aħħar, u kisbet struttura u sustanza, u billi t-Turkija tirrappreżenta sieħba estremament siewja bħala alleata tan-NATO u sieħba strateġika li tokkupa post ewlieni fl-Ewropa u għandha rwol ġeostrateġiku strumentali fl-arkitettura tas-sigurtà tal-Baħar l-Iswed u, b'mod partikolari, fis-sigurtà tal-Ukrajna, li qed tiffaċċja aggressjoni mir-Russja; billi t-Turkija wriet nuqqas ta' rieda u ppreżentat kundizzjonijiet politiċi biex tilqa' lill-Finlandja u lil-Iżvezja fin-NATO; billi huwa importanti li fiċ-ċirkostanzi serji attwali l-alleati kollha tan-NATO jaġixxu bi prospettiva u jirratifikaw malajr il-protokolli tal-adeżjoni tal-Finlandja u tal-Iżvezja;

D.

billi t-Turkija tospita l-akbar popolazzjoni ta' rifuġjati fid-dinja, bi kważi 4 miljun rifuġjat irreġistrati mis-Sirja, l-Iraq u l-Afganistan, u billi l-finanzjament tal-UE lil dawn il-komunitajiet wera l-valur tiegħu biex jassisti lit-Turkija sabiex twieġeb malajr għall-ħtiġijiet umanitarji u ta' żvilupp tar-rifuġjati u tal-komunitajiet ospitanti tagħhom;

E.

billi wara l-passi meħuda lejn tnaqqis tat-tensjonijiet bejn l-UE u t-Turkija, kif ukoll bejn it-Turkija u xi Stati Membri tal-UE fil-Lvant tal-Mediterran, il-Kunsill Ewropew offra li jrawwem dinamika aktar pożittiva fir-relazzjonijiet bejn l-UE u t-Turkija, dment li dan ikompli jiġi indirizzat bi sforzi kostruttivi; billi, b'mod partikolari, il-Kunsill Ewropew esprima l-fatt li huwa lest li jaħdem mat-Turkija b'mod gradwali, proporzjonat u riversibbli f'għadd ta' oqsma ta' interess komuni, dment li t-tnaqqis tat-tensjonijiet riċenti bejn l-UE u t-Turkija, b'mod partikolari fir-rigward tas-sitwazzjoni fil-Lvant tal-Mediterran, ikun sostnut u t-Turkija timpenja ruħha b'mod kostruttiv u tissodisfa l-kondizzjonijiet stabbiliti f'konklużjonijiet preċedenti tal-Kunsill Ewropew, b'mod partikolari dwar relazzjonijiet tajbin ta' viċinat u r-rispett għad-drittijiet tal-bniedem u d-dritt internazzjonali;

F.

billi l-fatt li pajjiż ikun kandidat jippreżumi rieda li javviċina progressivament u jallinja mal-acquis tal-UE fl-aspetti kollha, inklużi l-valuri, l-interessi, l-istandards u l-politiki, li jirrispetta u jħares il-kriterji ta' Copenhagen, li jallinja mal-politiki u l-objettivi tal-UE, u li jsegwi u jżomm relazzjonijiet tajbin ta' viċinat mal-UE u l-Istati Membri kollha tagħha mingħajr diskriminazzjoni; billi analiżi tar-rapporti tal-UE f'dawn l-aħħar snin turi li t-Turkija għadha ferm 'il bogħod mill-valuri u l-qafas normattiv tal-UE, distakk li fil-fatt qed jikber f'oqsma fundamentali bħar-rispett għad-dritt internazzjonali, l-istat tad-dritt, id-drittijiet tal-bniedem, il-libertajiet individwali, id-drittijiet ċivili u l-libertà tal-espressjoni kif ukoll ir-relazzjonijiet tajbin ta' viċinat u l-kooperazzjoni reġjonali; billi r-rabtiet bejn is-soċjetà ċivili Torka u l-forzi prodemokratiċi u l-UE għadhom b'saħħithom, peress li l-UE hija impenjata bis-sħiħ li tipprovdi appoġġ liċ-ċittadini u lill-organizzazzjonijiet Torok li jippromwovu n-normi u l-valuri Ewropej;

G.

billi matul is-sena li għaddiet, ir-relazzjonijiet bejn l-UE u t-Turkija bħala medja baqgħu stabbli, hekk kif kooperazzjoni u djalogu msaħħa dwar għadd ta' kwistjonijiet ikkoeżistew ma' kunflitti u tensjonijiet regolari; billi din ir-riżoluzzjoni tirrifletti din is-sitwazzjoni billi tilqa' l-iżviluppi pożittivi u tagħmel referenza għal potenzjal ulterjuri fir-relazzjoni, filwaqt li tiġbed l-attenzjoni għall-problemi residwi, b'mod partikolari fir-rigward tal-istat tad-dritt u d-drittijiet fundamentali bi ksur tal-kriterji ta' Copenhagen, ksur tad-dritt internazzjonali, jew provokazzjonijiet kontinwi kontra r-Repubblika ta' Ċipru; billi jekk din ir-riżoluzzjoni trid tivvaluta b'mod xieraq il-progress tat-Turkija jew in-nuqqas ta' progress fir-rigward tad-drittijiet tal-bniedem u l-istat tad-dritt, bħala l-qalba tal-proċess ta' adeżjoni, huwa importanti li jiġu deskritti l-mekkaniżmi konkreti għall-erożjoni tal-libertajiet li, meħuda flimkien, qed iwasslu għal dan ir-rigress ġenerali tal-istandards Ewropej; billi approċċ bħal dan ifisser li wieħed imur lil hinn mit-tfassil ta' lista twila ta' ċittadini u gruppi li qed ibatu b'riżultat ta' dawn id-deċiżjonijiet biex fil-fatt jiġu identifikati l-operaturi u l-korpi tal-awtoritajiet pubbliċi responsabbli minn din is-sitwazzjoni inkwetanti fil-qasam ta' azzjoni partikolari tagħhom; billi l-kritika trid tkun immirata aktar milli ġenerika;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

—

wara li kkunsidra t-Titolu V tat-Trattat dwar l-Unjoni Ewropea (TUE), u b'mod partikolari l-Artikoli 42 u 43 tiegħu,

—

wara li kkunsidra l-miri tal-Unjoni għan-newtralità karbonika għall-2030 u l-2050,

—

wara li kkunsidra l-Pjan Direzzjonali dwar it-Tibdil fil-Klima u d-Difiża tad-9 ta' Novembru 2020,

—

wara li kkunsidra l-Kunċett għal Approċċ Integrat dwar it-Tibdil fil-Klima u s-Sigurtà tal-5 ta' Ottubru 2021,

—

wara li kkunsidra l-Kunċett tal-UE għall-Protezzjoni Ambjentali u l-Ottimizzazzjoni tal-Enerġija għall-Operazzjonijiet u l-Missjonijiet Militari mmexxija mill-UE,

—

wara li kkunsidra r-Regolament (UE) 2021/697 tal-Parlament Ewropew u tal-Kunsill tad-29 ta' April 2021 li jistabbilixxi l-Fond Ewropew għad-Difiża (EDF) (1), b'mod partikolari l-premessa 60 tiegħu li tiddikjara kontribuzzjoni klimatika ta' 30 % u l-premessa 61 tiegħu li tiddikjara kontribuzzjonijiet ta' 7,5 % u 10 % tal-infiq annwali kontra t-telfien tal-bijodiversità sal-2027,

—

wara li kkunsidra r-Regolament (UE) 2021/947 tal-Parlament Ewropew u tal-Kunsill tad-9 ta' Ġunju 2021 li jistabbilixxi l-Istrument ta' Viċinat, ta' Kooperazzjoni għall-Iżvilupp u ta' Kooperazzjoni Internazzjonali – Ewropa Globali (2) (ir-“Regolament NDICI”), b'mod partikolari l-premessa 49 tiegħu li tiddikjara kontribuzzjoni klimatika ta' 30 %,

—

wara li kkunsidra l-komunikazzjoni tal-Kummissjoni tat-8 ta' Lulju 2020 dwar strateġija għall-idroġenu għal Ewropa newtrali għall-klima (COM(2020)0301),

—

wara li kkunsidra l-Pjan ta' Azzjoni tan-NATO dwar it-Tibdil fil-Klima u s-Sigurtà,

—

wara li kkunsidra d-dokument ta' strateġija tas-SEAE ta' Ġunju 2016 bit-titolu “A Global Strategy for the European Union's Foreign and Security Policy” (Strateġija Globali għall-Politika Estera u ta' Sigurtà tal-Unjoni Ewropea) u r-rapporti ta' segwitu tiegħu,

—

wara li kkunsidra l-konklużjonijiet tal-Kunsill tat-22 ta' Jannar 2018 dwar l-approċċ integrat għall-kunflitti u l-kriżijiet esterni,

—

wara li kkunsidra l-konklużjonijiet tal-Kunsill tal-10 ta' Diċembru 2018 dwar in-nisa, il-paċi u s-sigurtà,

—

wara li kkunsidra l-konklużjonijiet tal-Kunsill tal-20 ta' Jannar 2020 dwar id-diplomazija dwar il-klima,

—

wara li kkunsidra l-konklużjonijiet tal-Kunsill tal-25 ta' Jannar 2021 dwar id-diplomazija dwar il-klima u l-enerġija – it-twettiq tad-dimensjoni esterna tal-Patt Ekoloġiku Ewropew,

—

wara li kkunsidra l-konklużjonijiet tal-Kunsill tas-17 ta' Ġunju 2020 u tal-10 ta' Mejju 2021 dwar is-sigurtà u d-difiża,

—

wara li kkunsidra l-komunikazzjoni konġunta tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà tas-7 ta' Ġunju 2017 bit-titolu “Approċċ Strateġiku għar-Reżiljenza fl-azzjoni esterna tal-UE” (JOIN(2017)0021),

—

wara li kkunsidra r-Rapport Annwali tal-Attività għall-2020 tal-Kummissjoni – l-Industrija tad-Difiża u l-Ispazju,

—

wara li kkunsidra l-komunikazzjoni tal-Kummissjoni tal-24 ta' Frar 2021 bit-titolu “Insawru Ewropa reżiljenti għall-klima – L-Istrateġija l-ġdida tal-UE dwar l-Adattament għat-Tibdil fil-Klima” (COM(2021)0082),

—

wara li kkunsidra l-Għanijiet ta' Żvilupp Sostenibbli tan-Nazzjonijiet Uniti,

—

wara li kkunsidra r-rapport ta' riċerka tal-Kunsill tas-Sigurtà tan-Nazzjonijiet Uniti tal-21 ta' Ġunju 2021 dwar it-tibdil fil-klima,

—

wara li kkunsidra d-deċiżjonijiet tal-mexxejja tan-NATO f'Ġunju 2021 dwar il-klima u s-sigurtà,

—

wara li kkunsidra r-Rapport Dinji dwar il-Klima u s-Sigurtà ta' Ġunju 2021 tal-Kunsill Militari Internazzjonali dwar il-Klima u s-Sigurtà,

—

wara li kkunsidra r-rapport finali tal-proġett BIOSEC tal-2021 bit-titolu “Bijodiversità u Sigurtà”, iffinanzjat mill-Kunsill Ewropew tar-Riċerka (ERC) għall-perjodu 2016-2020,

—

wara li kkunsidra l-proġett ADELPHI bit-titolu “Weathering Risk: A Climate and Security Risk and Foresight Assessment” (Riskju ta' Esponiment għall-Kundizzjonijiet tat-Temp: Valutazzjoni tar-Riskju u tal-Prospettiva tal-Klima u s-Sigurtà),

—

wara li kkunsidra l-proġetti kofinanzjati mill-UE, bħal “FREXUS: Improving security and climate resilience in a fragile context through the water-energy-food security Nexus” (FREXUS: It-titjib tas-sigurtà u tar-reżiljenza għall-klima f'kuntest fraġli permezz tar-Rabta bejn l-ilma, l-enerġija u s-sigurtà alimentari) fir-reġjun tas-Saħel,

—

wara li kkunsidra d-dokumenti tan-NU dwar is-sigurtà tal-bniedem u dwar ir-responsabbiltà ta' protezzjoni,

—

wara li kkunsidra r-riżoluzzjoni tiegħu tas-7 ta' Lulju 2021 dwar il-kooperazzjoni bejn l-UE u n-NATO fil-kuntest tar-relazzjonijiet trans-Atlantiċi (3),

—

wara li kkunsidra r-riżoluzzjoni tiegħu tat-3 ta' Lulju 2018 dwar id-diplomazija dwar il-klima (4),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Barranin (A9-0084/2022),

A.

billi l-gwerra ta' aggressjoni tar-Russja kontra l-Ukrajna qed tisfida l-ordni tas-sigurtà Ewropea b'mod mingħajr preċedent u qed tagħmel pressjoni fuq is-setturi kollha tal-Unjoni u tal-Istati Membri tagħha biex isiru aktar b'saħħithom, aktar reżiljenti u aktar indipendenti, b'mod partikolari fl-oqsma tad-difiża, is-sigurtà, iċ-ċibersigurtà u l-infrastruttura kritika, iżda wkoll l-enerġija, inkluża l-effiċjenza enerġetika;

B.

billi l-fatturi ambjentali jistgħu jinfluwenzaw is-sigurtà tal-bniedem u tal-Istat b'diversi modi diretti u indiretti;

C.

billi t-tibdil fil-klima u l-impatti relatati mal-klima, inklużi d-degradazzjoni ambjentali, it-telfien tal-bijodiversità, id-deforestazzjoni, id-deżertifikazzjoni, it-temp estrem, l-iskarsezza tal-ilma u tal-ikel, it-tniġġis tal-arja u d-diżastri naturali diġà jippromwovu l-emerġenza ta' kunflitti jew kriżijiet u diġà qed jheddu s-sigurtà, l-istabbiltà u l-paċi lokali, reġjonali u internazzjonali; billi t-tibdil fil-klima, li l-konsegwenzi tiegħu diġà huma evidenti u huma previsti li jaċċelleraw fuq perjodu ta' żmien medju u fit-tul, sar multiplikatur dejjem aktar dominanti tar-riskju, peress li jista' jikkontribwixxi għall-aggravar ta' ċerti fatturi ta' kriżijiet li diġà jeżistu (bħal żieda fl-inugwaljanzi ekonomiċi jew oppressjoni politika qawwija), u jikkostitwixxi sfida ġdida għas-sigurtà li tirrikjedi riżorsi adegwati biex tiġi indirizzata, flimkien ma' theddid ibridu u ċibernetiku;

D.

billi r-rabtiet bejn it-tibdil fil-klima u l-kunflitt jistgħu jkunu kumplessi, u l-effetti konkreti tat-tibdil fil-klima fuq il-kunflitt huma fil-biċċa l-kbira speċifiċi għall-kuntest; billi hemm bżonn li jiġu appoġġjati skambji aktar sistematiċi u estensivi u arrikkiment reċiproku bejn il-komunitajiet xjentifiċi li jaħdmu fuq ir-rabta bejn il-klima u s-sigurtà;

E.

billi t-tibdil fil-klima jibqa' fil-qalba tal-aġenda għall-paċi u s-sigurtà bħala l-“multiplikatur tat-theddid” aħħari, li jaggrava r-riskji soċjali, ekonomiċi u ambjentali eżistenti li jistgħu jikkawżaw diżordni u potenzjalment jirriżultaw f'kunflitt vjolenti; billi l-bidliet ambjentali u klimatiċi u l-konsegwenzi tagħhom, flimkien ma' fatturi oħra, jaggravaw il-vulnerabbiltajiet, it-tensjonijiet u r-riskji li diġà jeżistu, aktar milli dejjem jikkawżaw dawn huma stess jew ikunu kawża diretta ta' kunflitti armati bejn l-Istati jew internazzjonali; billi t-tibdil fil-klima jista' jaffettwa s-sigurtà tan-nies b'mod differenti skont il-ġeneru, l-istatus soċjoekonomiku, l-età, l-orjentazzjoni sesswali, l-etniċità, ir-reliġjon (jew in-nuqqas tagħha), il-kapaċità jew id-diżabilità tagħhom, eċċ.; billi l-gruppi emarġinati b'mod partikolari għandhom it-tendenza li jkunu affettwati sproporzjonalment b'mod negattiv mit-tibdil fil-klima; billi r-riskji għas-sigurtà relatati mat-tibdil fil-klima jaffettwaw b'mod partikolari lill-popolazzjonijiet ekonomikament żvantaġġati u għandhom effetti soċjoekonomiċi; billi t-tibdil fil-klima għandu effetti negattivi fuq il-wirt kulturali u naturali taż-żoni affettwati;

F.

billi l-kriżi klimatika taffettwa kemm is-sigurtà tal-bniedem kif ukoll dik tal-Istat; billi t-tibdil fil-klima jikkonverġi b'diversi modi ma' dinamika politika, etnika u soċjoekonomika, u huwa xprunatur dirett tal-kunflitt fis-sens li jżid ir-riskji ta' diżastri u jpoġġi pressjoni addizzjonali fuq l-ekosistemi, u b'hekk jhedded l-għajxien tan-nies, is-sigurtà tal-ilma u tal-ikel, u l-infrastruttura kritika, fost l-oħrajn, billi jinstiga t-tibdil fl-użu tal-art u d-degradazzjoni ambjentali;

G.

billi ż-żieda fil-livelli tal-baħar diġà kkawżat għargħar u salinizzazzjoni, filwaqt li toħloq riskju kbir għas-sigurtà u l-eżistenza taż-żoni kostali u l-gżejjer li jinsabu fil-baxx; billi skont ir-rapport Groundswell 2021 aġġornat tal-Bank Dinji, it-tibdil fil-klima jista' jwassal biex sal-2050 216-il miljun persuna jiċċaqilqu minn post għal ieħor f'pajjiżhom stess; billi r-rapport jiddikjara wkoll li azzjoni immedjata u konkreta tista' tnaqqas b'mod sinifikanti l-iskala tal-migrazzjoni marbuta mat-tibdil fil-klima; billi l-iskarsezza tal-ilma għandha impatt multidimensjonali fuq is-sigurtà tal-bniedem u l-istabbiltà soċjopolitika; billi, minħabba t-tibdil fil-klima, il-provvisti tal-ilma se jiġu affettwati, speċjalment fil-pajjiżi li qed jiżviluppaw, filwaqt li d-domanda globali għall-ilma se tiżdied; billi t-tibdil fil-klima qed iżid ir-riskju ta' nixfiet u għargħar; billi l-impatt tat-tibdil fil-klima fuq il-prezzijiet tal-ikel qed jimmina l-għajxien u jwassal għal spostament, mard u karestija, li jirriżultaw fil-migrazzjoni fuq skala bla preċedent;

H.

billi fis-Saħel, l-impatti tat-tibdil fil-kundizzjonijiet klimatiċi fuq id-disponibbiltà tar-riżorsi naturali, flimkien ma' fatturi bħat-tkabbir tal-popolazzjoni, il-governanza dgħajfa u l-isfidi relatati mad-dritt għaż-żamma tal-art, wasslu għal żieda fil-kompetizzjoni fir-rigward tar-riżorsi naturali skarsi – b'mod partikolari l-art fertili u l-ilma – u rriżultaw f'tensjonijiet u f'kunflitti bejn il-komunitajiet u l-gruppi tal-għajxien;

I.

billi t-tibdil fil-klima huwa wieħed mill-fatturi li jsawru l-ambjent strateġiku, peress li jamplifika r-riskji u jimponi restrizzjonijiet; billi l-kriżi klimatika ġġenerat effetti fuq is-sistema internazzjonali, fejn għandha l-potenzjal li taggrava t-tensjonijiet ġeopolitiċi, u li tbiddel il-bilanċ bejn setgħat ewlenin; billi l-kwistjonijiet relatati mat-tibdil fil-klima qed jiġu sfruttati minn atturi malizzjużi sabiex iżidu l-ingranaġġ tagħhom jew jinkoraġġixxu l-ostilitajiet; billi t-tidwib tal-għata polari tas-silġ qed iżid it-tensjonijiet ġeopolitiċi, b'mod partikolari madwar il-Pol tat-Tramuntana;

J.

billi l-forzi armati tal-Istati Uniti tilfu aktar tagħmir u infrastruttura militari minħabba diżastri naturali milli minħabba l-kunflitti armati fl-Afganistan u fl-Iraq flimkien; billi l-Amministrazzjoni ta' Biden għamlet sforzi pożittivi fil-ġlieda kontra t-tibdil fil-klima, inkluż billi reġgħet ingħaqdet mal-Ftehim ta' Pariġi u billi integrat it-tibdil fil-klima fil-Gwida Strateġika nazzjonali Interim dwar is-Sigurtà tagħha;

K.

billi l-forzi armati huma fost l-akbar konsumaturi tal-fjuwils fossili madwar id-dinja;

L.

billi l-produzzjoni domestika taż-żejt u tal-gass tal-Unjoni qed tonqos b'mod kostanti; billi l-Unjoni tiddependi ħafna mill-enerġija u qed tiddependi dejjem aktar minnha, filwaqt li l-Istati Membri kollha tagħha huma importaturi netti tal-enerġija minn għadd limitat ta' pajjiżi terzi, u b'rata ta' dipendenza mill-enerġija li żdiedet minn 56 % għal 61 % matul il-perjodu 2000-2019; billi fi studju reċenti, l-impronta tal-karbonju tal-2019 tas-settur militari fl-Istati Membri, inklużi kemm il-forzi armati nazzjonali kif ukoll l-industriji tat-teknoloġija militari bbażati fl-UE, kienet stmata għal madwar 24,8 miljun tunnellata ta' ekwivalenti ta' CO2; billi t-trasformazzjoni tal-enerġija, kif ukoll is-sistemi avvanzati tal-armi, jirrikjedu aċċess għal materja prima kritika, li l-ktajjen tal-provvista tagħha joħolqu vulnerabbiltajiet f'xi każijiet, anke għal SMEs speċjalizzati fis-settur tad-difiża Ewropew, b'mod partikolari jekk ikunu ddominati minn għadd limitat ta' pajjiżi terzi;

M.

billi, skont l-Aġenzija Ewropea għad-Difiża (EDA), il-fjuwils tat-trasport ammontaw għal 52 % tal-konsum tal-enerġija tat-22 Stat Membru li pprovdew data għall-2016 u l-2017 (il-pajjiżi jirrappreżentaw 96,9 % tan-nefqa ġenerali fuq id-difiża tal-Istati Membri tal-EDA); billi, skont l-istess stħarriġ tal-EDA, l-infrastruttura militari u l-bini jirrappreżentaw konsumatur kbir ieħor tal-enerġija, bit-tisħin waħdu kien jirrappreżenta, bħala medja, 32 % tal-konsum tal-enerġija tal-forzi armati tal-Istati Membri fl-2017, li 75 % minnu kien iġġenerat mill-fjuwils taż-żejt u mill-gass naturali;

N.

billi minħabba l-gwerra ta' aggressjoni tar-Russja kontra l-Ukrajna, l-Unjoni u l-Istati Membri tagħha jridu jtemmu l-importazzjonijiet tal-fjuwils fossili mir-Russja; billi minħabba l-attakk Russu fuq l-ordni tas-sigurtà Ewropea, il-forzi armati Ewropej jeħtieġ ukoll li jsiru aktar indipendenti mill-importazzjonijiet tal-fjuwils fossili, filwaqt li fl-istess ħin is-saħħa militari u l-effikaċja tal-missjoni tagħhom jeħtieġ li jiżdiedu;

O.

billi xi Stati Membri tal-UE qed jużaw iż-żoni kbar tagħhom magħżula mill-militar biex jipproteġu l-bijodiversità, pereżempju billi jipprevjenu titjiriet bil-ħelikopters fuq żoni ta' tibjit;

P.

billi l-kriminalità ambjentali hija attività kriminali frekwenti ħafna fid-dinja u tħassib sinifikanti fir-rigward tas-sigurtà; billi hija meħtieġa kooperazzjoni aktar b'saħħitha dwar din il-kwistjoni bejn l-UE u l-pajjiżi sħab, billi l-Istati jiġu appoġġjati fl-iżvilupp tal-kapaċitajiet tagħhom biex jindirizzaw il-kriminalità ambjentali;

Q.

billi l-kriminalità ambjentali saret ir-raba' l-akbar settur tal-kriminalità li jiġġenera rikavat fid-dinja, li qed jikber tliet darbiet aktar malajr mill-ekonomija globali; billi rapport tal-2016 tal-Interpol u tal-Programm tan-NU għall-Ambjent stima li r-rikavati mill-kriminalità ambjentali jilħqu USD 258 biljun fis-sena, inklużi l-kummerċ illegali ta' organiżmi selvaġġi, il-forestrija u l-kriminalità fis-sajd, tat-traffikar tal-iskart u l-estrazzjoni illegali;

R.

billi rapport tal-2018 tal-Interpol, l-RHIPTO u l-Inizjattiva Globali kontra l-Kriminalità Organizzata Tranżnazzjonali sab li l-kriminalità ambjentali hija l-akbar xprunatur finanzjarju tal-kunflitti u l-akbar sors ta' introjtu għall-gruppi armati mhux statali u għall-organizzazzjonijiet terroristiċi, qabel attivitajiet illegali tradizzjonali bħall-ħtif ta' persuni għal riskatt u t-traffikar tad-droga;

S.

billi s-settur tad-difiża mhuwiex imsemmi fil-Ftehim ta' Pariġi tal-2015, u jħalli f'idejn il-gvernijiet nazzjonali biex jiddeċiedu jekk jinkludux l-isforzi ta' mitigazzjoni mis-settur tad-difiża fl-impenji nazzjonali tagħhom lejn il-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC); billi s-setturi kollha jridu jikkontribwixxu għat-tnaqqis tal-emissjonijiet u fl-istess ħin jadattaw għat-tibdil fil-klima sabiex jintlaħqu l-objettivi tan-newtralità tal-karbonju tal-Unjoni u tinżamm l-effettività operazzjonali; billi f'Settembru 2020, Franza żvelat l-Istrateġija l-ġdida tagħha għall-Enerġija fil-qasam tad-Difiża b'34 rakkomandazzjoni biex tnaqqas u tottimizza l-konsum tal-enerġija tal-forzi armati tagħha u ttejjeb is-sigurtà tal-enerġija tagħha;

T.

billi anke skambju nukleari żgħir ikollu konsegwenzi umanitarji serji, u jkollu impatt ukoll fuq il-klima b'mod negattiv ħafna, u jikkawża karestija u t-tqassir tal-istaġuni tat-tkabbir għal diversi snin;

U.

billi s-sigurtà trid tkun fil-qalba tal-ħsieb ambjentali sabiex jiġu żviluppati soluzzjonijiet ta' żvilupp sostenibbli realistiċi, dejjiema u effettivi għas-sigurtà tal-bniedem u għall-istabbiltà globali; billi, bħala konsegwenza, l-azzjoni esterna tal-Unjoni trid tinkorpora dejjem aktar it-tibdil fil-klima u l-kunsiderazzjonijiet ambjentali bħala riskju ewlieni għas-sigurtà, u tadatta kif xieraq l-istrateġiji u l-kunċetti, il-proċeduri, it-tagħmir u l-infrastruttura ċivili u militari, l-iżvilupp tal-kapaċitajiet, inkluż it-taħriġ, u, fejn xieraq, il-qafas istituzzjonali u l-mekkaniżmi ta' obbligu ta' rendikont tagħha; billi l-politika ta' sigurtà u difiża tal-Unjoni u l-istrumenti tagħha għandhom jikkontribwixxu b'mod dirett għall-prevenzjoni u t-tnaqqis tal-effetti negattivi fuq is-sigurtà tal-kriżi klimatika; billi l-kapaċità totali tal-istrumenti ta' governanza u ta' konsolidazzjoni tal-paċi trid tindirizza r-rabta bejn il-klima u s-sigurtà;

V.

billi, minħabba l-effetti tat-tibdil fil-klima fuq is-sigurtà u l-impatti relatati mal-klima, il-miżuri tas-sigurtà tal-klima, jiġifieri l-antiċipazzjoni u l-adattament għall-konsegwenzi tat-tibdil fil-klima għall-ambjent strateġiku u l-missjonijiet militari, u l-finanzjament tagħhom, iridu jinftiehmu bħala li jikkontribwixxu wkoll għad-difiża u s-sigurtà; billi l-NDICI għandu mira ta' nfiq ta' 30 % tal-baġit tiegħu ta' seba' snin ta' EUR 80 biljun biex jappoġġja l-azzjonijiet dwar il-klima, u bejn 7,5 u 10 % fis-sena għall-objettivi tal-protezzjoni ambjentali u tal-bijodiversità;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

—

wara li kkunsidra r-riżoluzzjoni tiegħu tas-16 ta' Settembru 2021 dwar Strateġija UE-Ċina ġdida (1),

—

wara li kkunsidra r-riżoluzzjoni tiegħu tal-1 ta' Marzu 2022 dwar l-aggressjoni tar-Russja kontra l-Ukrajna (2),

—

wara li kkunsidra r-riżoluzzjoni ES-11/L.1 tal-Assemblea Ġenerali tan-NU tat-2 ta' Marzu 2022, li tiddeplora l-aggressjoni tar-Russja kontra l-Ukrajna,

—

wara li kkunsidra r-riżoluzzjoni ES-11/L.2 tal-Assemblea Ġenerali tan-NU tal-24 ta' Marzu 2022 dwar il-konsegwenzi umanitarji tal-aggressjoni kontra l-Ukrajna,

—

wara li kkunsidra l-Boxxla Strateġika tal-UE, appoġġata mill-Kunsill Ewropew fl-24 ta' Marzu 2022,

—

wara li kkunsidra d-dikjarazzjoni konġunta tal-Federazzjoni Russa u tar-Repubblika tal-Poplu taċ-Ċina tal-4 ta' Frar 2022 dwar ir-relazzjonijiet internazzjonali li jidħlu f'era ġdida u l-iżvilupp sostenibbli globali,

—

wara li kkunsidra l-Forum Ministerjali għall-Kooperazzjoni fl-Indo-Paċifiku tat-22 ta' Frar 2022,

—

wara li kkunsidra r-riżoluzzjoni tiegħu tal-15 ta' Diċembru 2021 dwar l-isfidi u l-prospettivi għas-sistemi multilaterali ta' kontroll tal-armi ta' qerda massiva u ta' diżarm (3),

—

wara li kkunsidra r-rakkomandazzjoni tiegħu tal-21 ta' Ottubru 2021 lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) rigward ir-relazzjonijiet u l-kooperazzjoni UE-Tajwan (4),

—

wara li kkunsidra r-rakkomandazzjoni tal-21 ta' Ottubru 2020 lill-Kunsill u lill-VP/RGħ dwar it-tħejjija tal-Għaxar proċess ta' rieżami tat-Trattat dwar in-Nonproliferazzjoni tal-Armi Nukleari (TNP), il-kontroll tal-armi nukleari u l-opzjonijiet ta' diżarm nukleari (5),

—

wara li kkunsidra r-riżoluzzjoni tiegħu tal-21 ta' Jannar 2021 dwar il-konnettività u r-relazzjonijiet bejn l-UE u l-Asja (6),

—

wara li kkunsidra r-riżoluzzjoni tiegħu tat-18 ta' April 2018 dwar l-abbozz ta' deċiżjoni tal-Kunsill dwar il-konklużjoni f'isem l-Unjoni tal-Ftehim Qafas bejn l-Unjoni Ewropea u l-Istati Membri tagħha, minn naħa waħda, u l-Awstralja, min-naħa l-oħra (7),

—

wara li kkunsidra r-riżoluzzjoni tiegħu tat-3 ta' Ottubru 2017 dwar ir-relazzjonijiet politiċi tal-UE mal-Assoċjazzjoni tan-Nazzjonijiet tax-Xlokk tal-Asja (ASEAN) (8),

—

wara li kkunsidra r-rakkomandazzjoni tiegħu tad-29 ta' April 2021 lill-Kunsill, lill-Kummissjoni u lill-VP/RGħ rigward ir-relazzjonijiet UE-Indja (9),

—

wara li kkunsidra l-pożizzjoni adottata tiegħu fit-12 ta' Diċembru 2018 dwar l-abbozz ta' deċiżjoni tal-Kunsill dwar il-konklużjoni f'isem l-Unjoni Ewropea tal-Ftehim ta' Sħubija Strateġika bejn l-Unjoni Ewropea u l-Istati Membri tagħha, minn naħa, u l-Ġappun, min-naħa l-oħra (10),

—

wara li kkunsidra r-riżoluzzjoni tiegħu tas-7 ta' Ottubru 2021 dwar l-istat tal-kapaċitajiet ta' difiża ċibernetika tal-UE (11),

—

wara li kkunsidra l-konklużjonijiet tal-Kunsill Ewropew tal-21 u t-22 ta' Ottubru 2021,

—

wara li kkunsidra l-komunikazzjoni konġunta tal-Kummissjoni u tal-VP/RGħ tas-16 ta' Settembru 2021 dwar l-istrateġija tal-UE għall-kooperazzjoni fl-Indo-Paċifiku (JOIN(2021)0024),

—

wara li kkunsidra l-aġġornament ta' Lulju 2021 tal-istrateġija ta' Franza għall-Indo-Paċifiku bit-titolu “The Indo-Pacific region: a priority for France” (Ir-reġjun Indo-Paċifiku: prijorità għal Franza),

—

wara li kkunsidra l-konsultazzjonijiet ta' Livell Għoli bejn l-UE u l-Istati Uniti dwar l-Indo-Paċifiku tat-3 ta' Diċembru 2021,

—

wara li kkunsidra l-komunikazzjoni konġunta tal-Kummissjoni u tal-VP/RGħ tal-1 ta' Diċembru 2021 dwar “Il-Portal Globali” (JOIN(2021)0030),

—

wara li kkunsidra t-13-il Summit bejn l-Asja u l-Ewropa (ASEM) tal-25 u s-26 ta' Novembru 2021,

—

wara li kkunsidra l-Kunċett għal Approċċ Integrat dwar it-Tibdil fil-Klima u s-Sigurtà tal-5 ta' Ottubru 2021,

—

wara li kkunsidra l-konklużjonijiet tal-Kunsill tas-16 ta' April 2021 dwar Strateġija tal-UE għall-kooperazzjoni fl-Indo-Paċifiku,

—

wara li kkunsidra l-patt dwar is-sigurtà tal-AUKUS tal-15 ta' Settembru 2021,

—

wara li kkunsidra l-Komunikat tas-Summit tan-NATO fi Brussell tal-14 ta' Ġunju 2021,

—

wara li kkunsidra l-konklużjonijiet tal-Kunsill tas-17 ta' Ġunju 2020 u tal-10 ta' Mejju 2021 dwar is-sigurtà u d-difiża,

—

wara li kkunsidra s-Sħubija dwar il-Konnettività bejn l-UE u l-Indja miftiehma fit-8 ta' Mejju 2021,

—

wara li kkunsidra d-Deċiżjoni tal-Kunsill (PESK) 2020/2188 tat-22 ta' Diċembru 2020 li temenda l-Azzjoni Konġunta 2008/851/PESK dwar l-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (12),

—

wara li kkunsidra d-dikjarazzjoni ministerjali konġunta UE-ASEAN tal-1 ta' Diċembru 2020 dwar il-konnettività,

—

wara li kkunsidra s-Summit UE-Ċina tal-1 ta' April 2022,

—

wara li kkunsidra ż-żjara tal-President tal-Kummissjoni Ursula von der Leyen fl-Indja tal-24 u l-25 ta' April 2022,

—

wara li kkunsidra s-Summit UE-Ġappun tat-12 ta' Mejju 2022,

—

wara li kkunsidra l-komunikat konġunt maħruġ mill-Ministri għall-Affarijiet Barranin tal-G7 fl-14 ta' Mejju 2022,

—

wara li kkunsidra l-istrateġija tan-Netherlands għall-Indo-Paċifiku tat-13 ta' Novembru 2020 bit-titolu “Indo-Pacific: Guidelines for strengthening Dutch and EU cooperation with partners in Asia” (L-Indo-Paċifiku: Linji gwida għat-tisħiħ tal-kooperazzjoni tan-Netherlands u tal-UE mas-sħab fl-Asja),

—

wara li kkunsidra l-Pjan Direzzjonali dwar it-Tibdil fil-Klima u d-Difiża tad-9 ta' Novembru 2020,

—

wara li kkunsidra l-“Linji gwida ta' politika għar-reġjun Indo-Paċifiku” tal-Gvern Federali Ġermaniż ta' Settembru 2020,

—

wara li kkunsidra s-Sħubija maqbula bejn l-UE u l-Ġappun għall-Konnettività Sostenibbli u Infrastrutturi ta' Kwalità fis-27 ta' Settembru 2019,

—

wara li kkunsidra l-kontribut tal-Kummissjoni u l-VP/RGħ għall-Kunsill Ewropew tat-12 ta' Marzu 2019 bit-titolu “UE-Ċina – Perspettiva strateġika”,

—

wara li kkunsidra l-Pjan ta' Azzjoni tal-UE kontra d-Diżinformazzjoni, tal-5 ta' Diċembru 2018,

—

wara li kkunsidra d-deċiżjoni li ttieħdet fil-laqgħa ministerjali bejn l-UE u l-ASEAN tal-21 ta' Jannar 2019 biex tiġi stabbilita Sħubija Strateġika bejn l-UE u l-ASEAN,

—

wara li kkunsidra l-Ftehim ta' Sħubija u Kooperazzjoni bejn l-UE u Singapore, li ġie ffirmat fi Brussell fid-19 ta' Ottubru 2018,

—

wara li kkunsidra l-komunikazzjoni konġunta tal-Kummissjoni u l-VP/RGħ tad-19 ta' Settembru 2018 bit-titolu “Konnessjoni bejn l-Ewropa u l-Asja – Elementi Fundamentali għal Strateġija tal-UE” (JOIN(2018)0031),

—

wara li kkunsidra l-konklużjonijiet tal-Kunsill tat-28 ta' Mejju 2018 dwar il-kooperazzjoni msaħħa tal-UE għas-sigurtà fl-Asja u mal-Asja,

—

wara li kkunsidra l-Pjan ta' Azzjoni ASEAN-UE 2018-2022,

—

wara li kkunsidra l-Ftehim ta' Sħubija dwar ir-Relazzjonijiet u l-Kooperazzjoni bejn New Zealand u l-Unjoni Ewropea tal-5 ta' Ottubru 2016,

—

wara li kkunsidra l-proposta konġunta għal deċiżjoni tal-Kunsill tal-14 ta' April 2016 dwar l-iffirmar, f'isem l-Unjoni Ewropea, u l-applikazzjoni proviżorja tal-Ftehim Qafas bejn l-Unjoni Ewropea u l-Istati Membri tagħha, minn naħa waħda, u l-Awstralja, min-naħa l-oħra (JOIN(2016)0008),

—

wara li kkunsidra l-Istrateġija dwar is-Sigurtà Marittima tal-Unjoni Ewropea tal-24 ta' Ġunju 2014,

—

wara li kkunsidra l-Ftehim Qafas tat-23 ta' Jannar 2013 bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra,

—

wara li kkunsidra l-komunikat tas-summit tal-14 ta' Ġunju 2021 maħruġ mill-Kapijiet ta' Stat u ta' Gvern li pparteċipaw fil-laqgħa tal-Kunsill tal-Atlantiku tat-Tramuntana fi Brussell,

—

wara li kkunsidra s-sentenza tal-Qorti Permanenti ta' Arbitraġġ tat-12 ta' Lulju 2016 dwar l-Arbitraġġ tal-Baħar taċ-Ċina tan-Nofsinhar (ir-Repubblika tal-Filippini vs ir-Repubblika tal-Poplu taċ-Ċina),

—

wara li kkunsidra l-ewwel Summit tal-mexxejja li qatt sar bil-membri preżenti fl-24 ta' Settembru 2021 tad-Djalogu Kwadrilaterali dwar is-Sigurtà (QUAD), magħmul mill-mexxejja politiċi tal-Istati Uniti, tal-Awstralja, tal-Ġappun u tal-Indja,

—

wara li kkunsidra l-Konvenzjoni tan-NU dwar il-Liġi tal-Baħar (UNCLOS),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Barranin (A9-0085/2022),

A.

billi l-UE tiddefinixxi l-Indo-Paċifiku bħala reġjun li jkopri l-kosta tal-Lvant tal-Afrika sal-Istati gżejjer tal-Paċifiku; billi r-reġjun Indo-Paċifiku huwa reġjun varjat, li jospita 60 % tal-popolazzjoni tad-dinja u seba' membri tal-G20 u, huwa fattur ewlieni fl-ordni internazzjonali globali u fih hemm sħab politiċi, kummerċjali u ta' sigurtà li kulma jmur qed isiru aktar importanti għall-UE;

B.

billi madwar 90 % tal-kummerċ estern tal-UE jiġi ttrasportat bil-baħar; billi l-passaġġi fuq l-ilma ewlenin ta' importanza vitali għall-kummerċ tal-UE, bħall-Istrett ta' Malacca, il-Baħar taċ-Ċina tan-Nofsinhar u l-Istrett ta' Bab-el-Mandeb, jinsabu fir-reġjun Indo-Paċifiku;

C.

billi l-pajjiżi tal-UE u tal-Indo-Paċifiku qed iħabbtu wiċċhom ma' sfidi ta' sigurtà dejjem aktar simili kif ukoll sfidi mhux tradizzjonali; billi l-perspettiva tal-UE dwar ir-reġjun tirrifletti r-rikonoxximent politiku tal-ħtieġa li tittieħed responsabbiltà akbar fl-indirizzar tal-isfidi tas-sigurtà globali;

D.

billi fuq stedina tal-President Xi Jinping fl-4 ta' Frar 2022 ġie ffirmat test konġunt mill-Presidenti taċ-Ċina u tar-Russja qabel iċ-ċerimonja ta' ftuħ tal-Logħob Olimpiku tax-Xitwa f'Beijing; billi d-dikjarazzjoni konġunta ddikjarat, fost affarijiet oħra, li l-ħbiberija bejn iż-żewġ Stati “ma għandha ebda limitu”, u billi permezz ta' din id-dikjarazzjoni ċ-Ċina għall-ewwel darba ssieħbet uffiċjalment mad-domanda tar-Russja biex titwaqqaf l-espansjoni tan-NATO;

E.

billi, skont ir-rapporti tal-media, l-uffiċjali Ċiniżi fis-summit tal-4 ta' Frar 2022 talbu lill-uffiċjali għolja Russi biex ma jinvadux lill-Ukrajna qabel tmiem il-Logħob Olimpiku tax-Xitwa f'Beijing; billi dan ifisser li uffiċjali għolja Ċiniżi kellhom xi livell ta' għarfien dirett dwar il-pjanijiet jew l-intenzjonijiet ta' gwerra tar-Russja qabel ma bdiet l-aggressjoni fl-24 ta' Frar 2022;

F.

billi fl-okkażjoni tas-Summit UE-Ċina tal-1 ta' April 2022, hija u tfakkar fir-responsabbiltà li għandha ċ-Ċina bħala attur globali biex taħdem favur il-paċi u l-istabbiltà, l-UE stiednet liċ-Ċina ssostni l-isforzi biex jinġieb immedjatament fi tmiemu t-tixrid ta' demm fl-Ukrajna, b'mod konsistenti mar-rwol taċ-Ċina fid-dinja bħala membru permanenti tal-Kunsill tas-Sigurtà tan-NU, u fid-dawl tar-relazzjonijiet partikolarment mill-qrib tagħha mar-Russja;

G.

billi b'rispons għall-gwerra tar-Russja kontra l-Ukrajna, li bdiet b'invażjoni militari fl-24 ta' Frar 2022, l-Assemblea Ġenerali tan-NU adottat fit-2 ta' Marzu 2022 ir-Riżoluzzjoni ES-11/1, li tiddeplora l-aggressjoni tar-Russja kontra l-Ukrajna, b'141 vot favur, ħamsa kontra, 35 astensjoni u bi 12-il pajjiż li ma vvotawx; billi lanqas pajjiż wieħed fl-Indo-Paċifiku ma vvota kontra r-riżoluzzjoni u ċ-Ċina, l-Indja, il-Madagascar, il-Mozambique, il-Laos, l-Afrika t'Isfel, is-Sri Lanka, it-Tanzanija u l-Vjetnam biss astjenew fuq it-test finali;

H.

billi l-komunikazzjoni konġunta li ġiet adottata dan l-aħħar dwar strateġija tal-UE għall-kooperazzjoni fl-Indo-Paċifiku, li hija msejsa fuq impenn ibbażat fuq il-prinċipji b'perspettiva fit-tul, tirrifletti evoluzzjoni profonda fil-mod ta' kif l-UE tħares lejn l-interessi, l-opportunitajiet u l-isfidi tagħha fir-reġjun Indo-Paċifiku u l-ambizzjoni tagħha li jkollha rwol akbar fil-ħarsien tal-valuri u l-interessi tagħha f'dan ir-reġjun ta' importanza ġeopolitika u ekonomika li kulma jmur qiegħda tikber; billi l-promozzjoni ta' arkitettura ta' sigurtà reġjonali miftuħa, stabbli u bbażata fuq ir-regoli u l-bini ta' relazzjonijiet b'saħħithom, rabtiet kummerċjali sostenibbli u kooperazzjoni fil-qasam tas-sigurtà ma' organizzazzjonijiet u pajjiżi reġjonali tal-Indo-Paċifiku huma ċentrali għall-istrateġija; billi l-Forum Ministerjali għall-Kooperazzjoni fl-Indo-Paċifiku tat-22 ta' Frar 2022 laqqa' flimkien il-Ministri għall-Affarijiet Barranin tal-Istati Membri tal-UE u ta' madwar 30 pajjiż fir-reġjun Indo-Paċifiku, u billi l-UE u l-Istati Membri tagħha fil-laqgħa ssottolinjaw l-appoġġ tagħhom għal impenn akbar u fit-tul fl-Indo-Paċifiku, permezz ta' azzjonijiet konkreti u billi jissaħħu d-djalogu dwar is-sigurtà u d-difiża u r-relazzjonijiet bilaterali mas-sħab fir-reġjun;

I.

billi l-komunikazzjoni konġunta dwar “Il-Portal Globali” għandha l-għan li timmobilizza sa EUR 300 biljun f'investimenti biex tagħti spinta lir-rabtiet intelliġenti, nodfa u sikuri fis-setturi diġitali, tal-enerġija u tat-trasport u ssaħħaħ is-sistemi tas-saħħa, tal-edukazzjoni u tar-riċerka fid-dinja kollha;

J.

billi f'dawn l-aħħar snin id-dinamika fir-reġjun, u b'mod partikolari dik li toriġina mir-Repubblika tal-Poplu taċ-Ċina, wasslet għal tensjonijiet u kompetizzjoni ġeopolitiċi intensi, riflessa f'żieda fl-infiq militari, f'tisħiħ tal-forzi militari u f'retorika aktar aggressiva, u b'hekk thedded l-ordni internazzjonali bbażat fuq ir-regoli; billi għaldaqstant fir-reġjun Indo-Paċifiku evolva ċentru ġdid ta' kompetizzjoni reġjonali u globali; billi la hemm ordni ta' sigurtà reġjonali ġenerali u lanqas mekkaniżmu għat-tisħiħ tal-fiduċja biex jittaffew l-isfidi u t-tensjonijiet assoċjati; billi tali dinamika tirrappreżenta theddida serja għall-istabbiltà u għas-sigurtà fir-reġjun u fil-komunità globali, b'impatt dirett fuq l-interessi strateġiċi tal-UE bħala sieħeb politiku u ekonomiku fundamentali tal-pajjiżi fir-reġjun; billi l-ġlieda ideoloġika fir-reġjun bejn l-awtoritarjaniżmu u d-demokrazija għandha l-potenzjal li tinfluwenza l-eżitu tat-taqbid ekwivalenti madwar id-dinja, inkluż qrib l-Unjoni Ewropea; billi reġjun Indo-Paċifiku stabbli u paċifiku bbażat fuq ir-rispett għad-dritt internazzjonali huwa kruċjali għas-salvagwardja tas-sigurtà u l-interessi tal-UE; billi l-indirizzar tal-kawżi ewlenin tal-instabbiltà, bħall-faqar, l-inġustizzja soċjali u l-ksur tad-drittijiet tal-bniedem huwa prekundizzjoni biex jiġu żgurati l-paċi u s-sigurtà fl-Indo-Paċifiku; billi l-UE hija impenjata lejn is-sigurtà tal-bniedem, il-paċi u d-dritt internazzjonali, u d-drittijiet tal-bniedem;

K.

billi l-UE hija l-investitur barrani ewlieni u l-fornitur tal-assistenza għall-iżvilupp ewlieni fl-Indo-Paċifiku; billi l-UE hija sieħeb kummerċjali importanti u diġà kkonkludiet ftehimiet ta' kummerċ ħieles, jew qiegħda fil-proċess li tagħmel dan, ma' pajjiżi fir-reġjun; billi l-UE diġà tista' tiddependi minn network wiesa' ta' sħubijiet u ftehimiet ma' għadd ta' pajjiżi, bħall-Ġappun, ir-Repubblika tal-Korea, l-Awstralja, l-Indja, New Zealand, il-Vjetnam u Singapore, u ma' organizzazzjonijiet reġjonali, bħall-Assoċjazzjoni tan-Nazzjonijiet tax-Xlokk tal-Asja (ASEAN) u l-Organizzazzjoni tal-Istati Afrikani, tal-Karibew u tal-Paċifiku (OSAKP); billi l-UE hija preżenti fir-reġjun permezz tal-Istat Membru tagħha, Franza, b'mod partikolari permezz tad-dipartimenti Franċiżi ekstra-Ewropej La Réunion u Mayotte, kif ukoll it-Territorji Franċiżi tan-Nofsinhar u tal-Antartika fl-Oċean Indjan, u fl-Oċean Paċifiku permezz ta' New Caledonia, kif ukoll permezz tal-kollettivitajiet Franċiżi ekstra-Ewropej tal-Polineżja Franċiża u Wallis u Futuna; billi dawn ir-reġjuni Franċiżi jospitaw madwar 1,6 miljun ċittadin tal-UE, inkluż 'il fuq minn 7 000 membru tal-persunal militari; billi, konsegwentement, l-UE hija attur residenti fl-Indo-Paċifiku;

L.

billi aktar minn nofs il-bastimenti tas-sajd tad-dinja joperaw fil-Baħar taċ-Ċina tan-Nofsinhar, li waħdu jirrappreżenta madwar 12 % tas-sajd tad-dinja; billi l-UE kkonkludiet diversi ftehimiet ta' sħubija dwar is-sajd sostenibbli ma' pajjiżi fir-reġjun Indo-Paċifiku (l-Istati Federali tal-Mikroneżja, il-Gżejjer Cook, il-Gżejjer Solomon, Kiribati, il-Madagascar, il-Mauritius, il-Mozambique u s-Seychelles) u billi l-flotta tas-sajd tal-UE hija preżenti kemm fl-oċean Indjan kif ukoll f'dak Paċifiku; billi l-UE hija membru attiv ta' diversi organizzazzjonijiet reġjonali għall-ġestjoni tas-sajd (RFMOs) fir-reġjun Indo-Paċifiku (il-Kummissjoni dwar it-Tonn tal-Oċean Indjan, il-Partijiet tal-Ftehim dwar is-Sajd fin-Nofsinhar tal-Oċean Indjan, il-Kummissjoni għas-Sajd fil-Punent tal-Paċifiku u l-Paċifiku Ċentrali u l-RFMO tan-Nofsinhar tal-Paċifiku); billi l-applikazzjoni tal-UE għas-sħubija fil-Kummissjoni tas-Sajd tal-Paċifiku tat-Tramuntana ġiet aċċettata fil-25 ta' Frar 2021 u billi hija jkollha djalogi ta' livell għoli dwar kwistjonijiet li jikkonċernaw l-oċeani u s-sajd mal-Awstralja, l-Indoneżja, il-Ġappun u New Zealand; billi l-UE ffirmat ftehim ta' sħubija dwar l-oċeani maċ-Ċina; billi hija jkollha wkoll djalogi u għandha gruppi ta' ħidma dwar is-sajd illegali, mhux irrappurtat u mhux irregolat mal-Korea, mat-Tajlandja u mat-Tajwan;

M.

billi l-iżgurar tal-istabbiltà u tal-libertà tan-navigazzjoni fl-ilmijiet Indo-Paċifiċi huwa kruċjali għas-sostenibbiltà u l-paċi globali u reġjonali u għall-iżgurar tal-interessi strateġiċi tal-UE; billi l-UE hija involuta fl-appoġġ tas-sigurtà marittima reġjonali permezz tal-operazzjoni tal-politika ta' sigurtà u ta' difiża komuni (PSDK) EUNAVFOR Atalanta; billi s-sħab tal-Indo-Paċifiku laqgħu l-Operazzjoni Atalanta u l-enfasi tagħha fuq il-prevenzjoni tal-piraterija u tas-serq armat, kif ukoll il-monitoraġġ tal-armi u t-traffikar tad-droga; billi l-UE u l-Istati Membri tagħha impenjaw ruħhom li jżidu l-preżenza navali permanenti tagħha fir-reġjun permezz, fost l-oħrajn, tal-kunċett tal-Preżenzi Marittimi Koordinati;

N.

billi Franza għandha kapaċitajiet militari stazzjonati b'mod permanenti fiż-żona tal-Asja-Paċifiku; u billi jista' jkun pertinenti li wieħed jirrifletti dwar kif dawn il-pożizzjonijiet permanenti Franċiżi – permezz tal-Forzi Armati fil-Polineżja Franċiża (FAPF) u l-Forzi Armati ta' New Caledonia (FONA) b'mod partikolari – jistgħu jintużaw għal skjeramenti potenzjali Ewropej;

O.

billi t-tisħiħ tal-forzi militari taċ-Ċina, l-imġiba dejjem aktar assertiva u espansjonista tagħha fir-reġjun Indo-Paċifiku, l-attivitajiet militari tagħha fl-Istrett tat-Tajwan u fil-Baħar taċ-Ċina tal-Lvant u tan-Nofsinhar, inklużi azzjonijiet li jxekklu l-libertà tan-navigazzjoni mwettqa mill-Gwardja tal-Kosta Ċiniża u mill-Milizja Marittima, qed iżidu t-tensjonijiet fl-Indo-Paċifiku, u l-istess qed isir minħabba l-ksur intenzjonat u ripetut min-naħa taċ-Ċina taż-żona ta' identifikazzjoni tad-difiża tal-ajru tat-Tajwan, l-azzjonijiet tagħha biex ittemm l-indipendenza u l-awtonomija ta' Hong Kong, it-tisħiħ tal-forzi militari tagħha fil-fruntiera Sino-Indjana, ir-retorika dejjem aktar aggressiva tagħha, u l-kampanji manipulattivi tagħha ta' diżinformazzjoni u tal-media; jitlob lill-UE tħejji strateġija bbażata fuq ir-realtajiet fuq il-post li tippermettilha tirreaġixxi jekk ikun hemm bżonn; iwissi dwar il-periklu ta' tellieqa aċċellerata għall-armi fir-reġjun;

P.

billi l-assertività taċ-Ċina fir-reġjun mhijiex limitata għall-qasam militari iżda mmaterjalizzat ukoll permezz ta' prattiki kummerċjali aggressivi bbażati fuq il-koerċizzjoni diplomatika u l-politiki ta' diplomazija ostili tad-dejn; billi l-espansjoni ekonomika u finanzjarja taċ-Ċina fl-Indo-Paċifiku u fl-Ewropa tinvolvi investimenti fl-infrastruttura kritika; billi ċ-Ċina qed tipprova tikseb influwenza politika permezz tal-interessi ekonomiċi tagħha; billi l-kriżi tal-COVID-19 uriet l-importanza ta' ktajjen tal-provvista affidabbli u rabtiet ekonomiċi aktar bilanċjati maċ-Ċina;

Q.

billi fit-12 ta' Lulju 2016, il-Qorti Permanenti ta' Arbitraġġ f'każ importanti ddeċidiet li ma kien hemm l-ebda evidenza li storikament iċ-Ċina kienet eżerċitat kontroll esklużiv fuq it-territorji li hija ssostni li huma tagħha fil-Baħar taċ-Ċina tan-Nofsinhar; billi ċ-Ċina injorat din is-sentenza u, fost azzjonijiet oħra, ħolqot bażijiet militari fuq gżejjer magħmula mill-bniedem;

R.

billi ċ-Ċina wriet nuqqas ta' trasparenza u ta' riluttanza biex tidħol f'taħditiet dwar il-parteċipazzjoni potenzjali tagħha fi strumenti multilaterali għall-kontroll tal-armi nukleari, li ppermettielha taħżen bla xkiel ta' xejn armament kbir ta' missili ballistiċi ta' medda intermedja teknoloġikament avvanzati, bħal Dong-Feng 26s;

S.

billi t-trasformazzjoni diġitali qed ikollha impatt dejjem akbar fuq l-istruttura tas-sistema internazzjonali; billi l-iffissar tal-istandards internazzjonali u l-innovazzjonijiet rivoluzzjonarji fit-teknoloġiji tal-fruntiera bħall-intelliġenza artifiċjali, il-computing kwantistiku, il-5G u s-6G huma ta' importanza strateġika għall-UE u għall-futur diġitali tagħha u billi hemm kompetizzjoni globali dejjem akbar għas-supremazija teknoloġika, li fiha ċ-Ċina hija impenjata b'mod sinifikanti;

T.

billi f'dikjarazzjoni konġunta tal-24 ta' Mejju 2022, il-mexxejja tal-Istati Uniti, l-Awstralja, l-Indja u l-Ġappun waqt is-Summit reċenti tal-QUAD reġgħu enfasizzaw il-prinċipji ta' Indo-Paċifiku ħieles u miftuħ: il-libertà, l-istat tad-dritt, il-valuri demokratiċi, is-sovranità u l-integrità territorjali; billi l-mexxejja ħabbru sensiela ta' inizjattivi ġodda mfassla biex japprofondixxu l-kooperazzjoni fir-reġjun kollu, inkluża s-Sħubija Indo-Paċifika għas-Sensibilizzazzjoni dwar il-Qasam Marittimu;

U.

billi fit-23 ta' Mejju 2022, il-President tal-Istati Uniti Biden iddikjara li l-Istati Uniti jintervjenu b'mod militari jekk iċ-Ċina tipprova tieħu lit-Tajwan bil-forza;

V.

billi fl-24 ta' Mejju 2022, erba' bomers H-6 Ċiniżi u żewġ bomers Tu-95 Russi wettqu titjiriet konġunti madwar il-Ġappun u r-Repubblika tal-Korea, li wasslu liż-żewġ pajjiżi biex tajru b'urġenza inġenji tal-ajru tal-ġlied biex jimmonitorjaw it-titjiriet; billi t-titjiriet konġunti saru fl-istess jum li fih il-President tal-Istati Uniti Biden kien qed jiltaqa' mal-kontropartijiet tiegħu fil-QUAD f'Tokyo;

W.

billi fit-23 ta' Mejju 2022, l-Istati Uniti, l-Awstralja, il-Brunei Darussalam, l-Indja, l-Indoneżja, il-Ġappun, ir-Repubblika tal-Korea, il-Malażja, New Zealand, ir-Repubblika tal-Filippini, Singapore, it-Tajlandja u l-Vjetnam nedew il-proċess biex jiġi stabbilit il-Qafas Ekonomiku għall-Prosperità Indo-Paċifiku, li għandu l-għan li jikkontribwixxi għall-kooperazzjoni, l-istabbiltà, il-prosperità, l-iżvilupp u l-paċi fir-reġjun; billi l-Qafas Ekonomiku għall-Prosperità Indo-Paċifiku joffri alternattiva għall-preżenza kummerċjali dejjem tikber taċ-Ċina fir-reġjun kollu;

X.

billi f'April 2022, iċ-Ċina u l-Gżejjer Solomon iffirmaw patt ta' kooperazzjoni fil-qasam tas-sigurtà, li ġibed l-attenzjoni internazzjonali u wassal għal żieda fil-preżenza diplomatika u l-involviment mal-pajjiżi gżejjer tal-Paċifiku; billi fit-30 ta' Mejju 2022, waqt żjara tal-Ministru tal-Affarijiet Barranin Ċiniż Wang Yi f'10 nazzjonijiet tal-gżejjer tal-Paċifiku, u minħabba tħassib dejjem akbar f'dawn il-pajjiżi, iċ-Ċina ħabbret li kienet qed twaqqaf ftehim reġjonali ppjanat man-nazzjonijiet tal-gżejjer tal-Paċifiku bit-titolu “Viżjoni ta' Żvilupp Komuni tal-Pajjiżi tal-Gżejjer tal-Paċifiku-Ċina”, li kien maħsub biex ikopri l-kummerċ ħieles u l-kooperazzjoni fis-sigurtà, inklużi oqsma bħat-taħriġ tal-pulizija, iċ-ċibersigurtà, l-immappjar marittimu u l-aċċess għar-riżorsi; billi l-President tal-Istati Federali tal-Mikroneżja, David Panuelo, sejjaħ il-proposta “l-aktar ftehim uniku propost li jista' jittrasforma l-qagħda attwali fil-Paċifiku fi kwalunkwe żmien ta' ħajjitna”, u qal li “jhedded li jġib, fl-aħjar xenarju, era ġdida tal-Gwerra Bierda, u, fl-agħar xenarju, Gwerra Dinjija”; billi minkejja li naqqset milli tiżgura dan il-ftehim estensiv, iċ-Ċina ffirmat għadd ta' ftehimiet bilaterali iżgħar man-nazzjonijiet tal-Paċifiku matul iż-żjarat reġjonali ta' Wang;

Y.

billi l-kriżi klimatika qed ikollha impatt fuq is-sistema internazzjonali, u għandha l-potenzjal li taggrava t-tensjonijiet ġeopolitiċi; billi l-azzjoni esterna tal-Unjoni trid tinkorpora dejjem aktar it-tibdil fil-klima u d-degradazzjoni ambjentali bħala multiplikatur tar-riskju u tadatta kif xieraq l-istrateġiji u l-kunċetti u l-proċeduri tagħha, anki fl-Indo-Paċifiku;

Z.

billi fil-15 ta' Diċembru 1995 l-istati membri tal-ASEAN iffirmaw it-Trattat dwar iż-Żona Denuklearizzata tax-Xlokk tal-Asja (It-Trattat SEANWFZ) bħala impenn biex ir-reġjun tax-Xlokk tal-Asja jiġi ppreservat bħala reġjun ħieles mill-armi nukleari u minn armi oħra ta' qerda massiva;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

—

wara li kkunsidra l-Artikoli 174, 175 u 349 tat-Trattat dwar il-Funzjonament tal-Unjoni Ewropea (TFUE),

—

wara li kkunsidra r-Regolament (UE) 2021/1058 tal-Parlament Ewropew u tal-Kunsill tal-24 ta' Ġunju 2021 dwar il-Fond Ewropew għall-Iżvilupp Reġjonali u l-Fond ta' Koeżjoni (1),

—

wara li kkunsidra r-Regolament (UE) 2021/1056 tal-Parlament Ewropew u tal-Kunsill tal-24 ta' Ġunju 2021 li jistabbilixxi l-Fond għal Tranżizzjoni Ġusta (2),

—

wara li kkunsidra d-dikjarazzjoni finali tal-40 Assemblea Ġenerali Annwali tal-Kummissjoni tal-Gżejjer tal-Konferenza tar-Reġjuni Periferiċi Marittimi tal-Ewropa (CPMR) tal-15 ta' April 2021,

—

wara li kkunsidra s-7 Programm ta' Azzjoni Ambjentali (EAP) u l-kunċetti stabbiliti fih,

—

wara li kkunsidra l-konklużjonijiet tal-Kunsill tas-16 ta' Ottubru 2020 dwar l-Istrateġija tal-UE għall-bijodiversità għall-2030,

—

wara li kkunsidra l-istudju li sar għall-Kumitat għall-Iżvilupp Reġjonali tiegħu bit-titolu “Il-Gżejjer tal-Unjoni Ewropea: Is-sitwazzjoni attwali u l-isfidi futuri”, ippubblikat f'Marzu 2021,

—

wara li kkunsidra l-istudju li sar għall-Kumitat għall-Iżvilupp Reġjonali tiegħu bit-titolu “Il-Politika ta' Koeżjoni u t-Tibdil fil-Klima”, ippubblikat f'Marzu 2021,

—

wara li kkunsidra l-istrument għall-irkupru Next Generation EU,

—

wara li kkunsidra d-dikjarazzjoni finali tas-26 Konferenza tal-Presidenti tar-Reġjuni Ultraperiferiċi, iffirmata f'Ponta Delgada fit-18 ta' Novembru 2021,

—

wara li kkunsidra l-opinjoni tal-Kumitat Ewropew tar-Reġjuni tal-10 ta' Diċembru 2020 dwar ir-rapport tal-Kummissjoni Ewropea dwar l-implimentazzjoni tas-sħubija strateġika mġedda mar-reġjuni ultraperiferiċi tal-UE (2021/C 37/10) (3),

—

wara li kkunsidra l-ftehim tal-Kunsill tas-7 ta' Diċembru 2021 dwar approċċ ġenerali għall-aġġornament tar-regoli tal-UE dwar ir-rati tat-taxxa fuq il-valur miżjud (VAT),

—

wara li kkunsidra r-riżoluzzjoni tiegħu tat-18 ta' Mejju 2021 dwar ir-rieżami tal-Fond ta' Solidarjetà tal-Unjoni Ewropea (4),

—

wara li kkunsidra r-riżoluzzjoni tiegħu tas-17 ta' April 2018 dwar it-tisħiħ tal-koeżjoni ekonomika, soċjali u territorjali fl-Unjoni Ewropea: is-7 rapport tal-Kummissjoni Ewropea (5),

—

wara li kkunsidra r-riżoluzzjoni tiegħu tas-17 ta' April 2020 dwar l-azzjoni koordinata tal-Unjoni Ewropea biex tikkumbatti l-pandemija tal-COVID-19 u l-konsegwenzi tagħha (6),

—

wara li kkunsidra r-riżoluzzjoni tiegħu tal-15 ta' Jannar 2020 dwar il-Patt Ekoloġiku Ewropew (7),

—

wara li kkunsidra r-riżoluzzjoni tiegħu tal-14 ta' Settembru 2021 bit-titolu “Lejn sħubija aktar b'saħħitha mar-reġjuni ultraperiferiċi tal-UE” (8),

—

wara li kkunsidra r-riżoluzzjoni tiegħu tat-28 ta' Novembru 2019 dwar l-emerġenza klimatika u ambjentali (9),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra l-opinjonijiet tal-Kumitat għall-Impjieg u l-Affarijiet Soċjali u tal-Kumitat għall-Agrikoltura u l-Iżvilupp Rurali,

—

wara li kkunsidra l-opinjoni tal-Kumitat Ewropew tar-Reġjuni tal-14 ta' Ottubru 2020 dwar l-użu sostenibbli tar-riżorsi naturali fil-gżejjer tal-Mediterran,

—

wara li kkunsidra r-rapport tal-Kumitat għall-Iżvilupp Reġjonali (A9-0144/2022),

A.

billi huwa stmat li l-popolazzjoni tar-reġjuni insulari tal-UE tgħodd aktar minn 20 000 000 ruħ (4,6 % tal-popolazzjoni totali tal-UE); billi l-popolazzjoni insulari Ewropea hija mifruxa fuq madwar 2 400 gżira li jappartjenu għal 13-il Stat Membru;

B.

billi l-gżejjer tal-UE li qed jiffaċċjaw għadd kbir ta' problemi strutturali diġà huma fil-biċċa l-kbira kkategorizzati bħala reġjuni tal-Klassifikazzjoni Komuni ta' Unitajiet Territorjali għall-Istatistika (NUTS) 2 jew NUTS 3;

C.

billi l-gżejjer spiss ibatu minn taħlita ta' żvantaġġi naturali multipli u permanenti bħad-daqs żgħir, fil-biċċa l-kbira d-densità baxxa tal-popolazzjoni, l-isfidi demografiċi bħall-pressjoni demografika staġjonali, iċ-ċokon tas-swieq, l-insularità doppja (gżira u arċipelagu), it-topografija diffiċli simili ħafna għal dik tar-reġjuni muntanjużi, id-dipendenza mit-trasport marittimu u bl-ajru u d-dipendenza fuq għadd żgħir ta' prodotti.

D.

billi t-tibdil demografiku ma għandux l-istess impatt fuq il-pajjiżi u r-reġjuni kollha, iżda għandu impatt akbar fuq ir-reġjuni li diġà qegħdin lura, filwaqt li jaggrava l-inugwaljanzi soċjali u territorjali eżistenti; billi r-reġjuni rurali, periferiċi u ultraperiferiċi, inklużi l-gżejjer, l-aktar li huma affettwati mid-depopolazzjoni, billi b'mod partikolari ż-żgħażagħ u n-nisa qed jitilqu minn dawk iż-żoni, u dan jirriżulta fil-fatt li sehem dejjem akbar ta' persuni kbar fl-età jgħixu hemmhekk, ħaġa li tista' żżid ir-riskju ta' iżolament soċjali;

E.

billi l-karatteristiċi speċifiċi tal-gżejjer huma rikonoxxuti mill-Artikolu 174 tat-TFUE, u billi l-applikazzjoni konkreta ta' dan l-Artikolu b'attenzjoni speċifika għat-territorji insulari tal-UE għadha nieqsa; billi dawn il-karatteristiċi għandhom jitqiesu fil-politiki tal-UE, b'mod partikolari billi jitfasslu strateġija ddedikata, pjan ta' azzjoni Ewropew u aġenda ta' politika tal-gżejjer bi prijoritajiet għall-azzjoni definiti b'mod ċar;

F.

billi r-reġjuni insulari huma kollha komparattivament inqas żviluppati mir-reġjuni kontinentali tal-Istat Membru tagħhom u għandhom PDG per capita aktar baxx minn dawn tal-aħħar;

G.

billi tliet Stati Membri tal-UE huma gżejjer;

H.

billi l-iskonnessjoni fiżika tal-gżejjer u l-bogħod tagħhom mill-kontinent joħolqu limitazzjonijiet addizzjonali, inkluż għas-suq tax-xogħol, il-kollegamenti tat-trasport sostenibbli u l-mobilità, l-importazzjoni tal-materja prima u prodotti għall-konsumatur, l-aċċess għall-prodotti tal-gżejjer għas-swieq esterni tal-viċinat, l-edukazzjoni, il-kura tas-saħħa, il-kummerċ, l-aċċess għall-ilma u s-sanità, il-provvista tal-enerġija u l-faċilitajiet tal-immaniġġjar tal-iskart; billi din l-iskonnessjoni ġeografika tagħmel it-tranżizzjoni ekoloġika ta' territorji bħal dawn lejn ekonomija newtrali għall-klima bil-wisq aktar diffiċli;

I.

billi l-aċċess ugwali għal miżuri ta' kwalità u inklużivi ta' taħriġ f'ħiliet, ta' titjib tal-ħiliet u ta' taħriġ mill-ġdid, kif ukoll għal informazzjoni dwar ir-riżorsi tal-ħiliet, il-konsulenza, l-edukazzjoni u t-taħriġ vokazzjonali għall-persuni kollha, inkluż għal persuni li jgħixu fiż-żoni rurali u remoti u l-gżejjer skarsament popolati u depopolati, huwa kruċjali għall-kompetittività sostenibbli, il-ġustizzja soċjali u r-reżiljenza;

J.

billi, f'konformità mal-Artikolu 349 tat-TFUE, għar-reġjuni ultraperiferiċi, li fil-maġġoranza l-kbira tagħhom huma gżejjer, l-UE jeħtiġilha tadotta miżuri speċifiċi mmirati biex jiġu stabbiliti l-kundizzjonijiet tal-applikazzjoni tal-politiki komuni tal-UE għal dawk ir-reġjuni, b'mod partikolari f'oqsma bħall-politiki doganali u kummerċjali, il-politika fiskali, iż-żoni ħielsa, il-politiki tal-agrikoltura u s-sajd, il-kundizzjonijiet għall-forniment ta' materja prima u prodotti essenzjali għall-konsumatur, l-għajnuna mill-Istat u l-kundizzjonijiet ta' aċċess għall-fondi strutturali u għall-programmi orizzontali tal-Unjoni; billi miżuri speċifiċi f'dawk l-oqsma kollha jikkontribwixxu għat-tisħiħ tal-koeżjoni ekonomika, soċjali u territorjali fl-UE;

K.

billi matul il-pandemija tal-COVID-19, il-ħaddiema staġjonali u stazzjonati spiss ma kellhomx kura tas-saħħa bażika, akkomodazzjoni deċenti, tagħmir protettiv personali u informazzjoni adegwata; billi dawn spiss kellhom biss aċċess inadegwat jew l-ebda aċċess għall-iskemi ta' protezzjoni soċjali fl-Istati Membri ospitanti, inklużi l-benefiċċju tal-mard u skemi tal-qgħad għal żmien qasir; billi l-mobilità tal-ħaddiema tiddependi ħafna fuq il-mezzi tat-trasport disponibbli, u l-ħaddiema mill-gżejjer u r-reġjuni ultraperiferiċi tal-Unjoni huma affettwati b'mod partikolari;

L.

billi l-konsegwenzi soċjali, ekonomiċi, ambjentali u kulturali fit-tul tal-kriżi tal-COVID-19 fit-territorji insulari tal-Unjoni huma partikolarment inkwetanti u billi l-irkupru Ewropew jenħtieġ li jinkludi lill-gżejjer u ma għandux jiġġenera disparitajiet reġjonali ġodda; billi l-kriżi tal-COVID-19 uriet li l-ekonomiji tal-gżejjer huma vulnerabbli ħafna għal avvenimenti bħal dawn;

M.

billi r-rati tal-qgħad spiss għoljin tal-gżejjer, li għandhom it-tendenza li jkunu ogħla minn dawk fil-kontinent, ġew aggravati serjament mill-kriżi tal-COVID-19, u affettwaw liż-żgħażagħ b'mod partikolari;

N.

billi l-gżejjer u r-reġjuni ultraperiferiċi huma fl-ewwel linja quddiem it-tibdil fil-klima, u huma affettwati mil-livelli tal-baħar li qed jogħlew u l-erożjoni kostali u t-tisħin u l-aċidifikazzjoni tal-ibħra u tal-oċeani u ż-żieda fil-frekwenza u l-vjolenza tad-diżastri naturali bħaċ-ċikluni, l-iżbroffi ta' vulkani, in-nirien tal-foresti u l-maltempati, l-għargħar, in-nixfa u l-problemi tad-deżertifikazzjoni li jista' jkollhom effetti negattivi fuq l-agrikoltura u l-provvista tal-ikel u jistgħu jikkawżaw diversi forom ta' ħsara ekonomika, soċjali u ambjentali; billi dawn jistgħu jkunu laboratorji eċċellenti għal firxa ta' proċessi ta' tranżizzjoni ekoloġika u ħafna qed ifittxu li jiksbu l-awtonomija tal-enerġija abbażi tas-sorsi rinnovabbli tal-enerġiji;

O.

billi l-gżejjer għandhom ħafna assi li jridu jiġu sfruttati aħjar;

P.

billi jitqies il-ġid eċċezzjonali tal-bijodiversità u l-ekosistemi tal-gżejjer; billi l-ekosistemi tal-gżejjer huma partikolarment mhedda mill-impatt tat-tibdil fil-klima u jenħtieġ li jiġu protetti;

Q.

billi, f'ħafna gżejjer, iż-żoni interni għadhom lura meta mqabbla mar-reġjuni kostali f'termini ta' żvilupp ekonomiku u aċċessibbiltà għas-servizzi;

R.

billi l-azjendi agrikoli fil-gżejjer, ħafna minnhom ta' daqs żgħir, huma mxekkla mill-pożizzjoni remota tagħhom, l-insularità u l-kundizzjonijiet ambjentali, id-dipendenza fuq l-enerġija mill-kontinent, id-diversità limitata fil-produzzjoni minħabba l-kundizzjonijiet lokali u klimatiċi u d-dipendenza għolja fuq is-swieq lokali, kif ukoll mill-kriżi klimatika, id-degradazzjoni ambjentali, it-telf tal-bijodiversità u n-nuqqas ta' infrastrutturi bażiċi bħat-toroq, il-provvista tal-ilma, il-ġestjoni tal-iskart, u l-infrastruttura diġitali u dik tas-saħħa; billi dawn id-diffikultajiet strutturali spiss jiġu aggravati mill-fatt li mhemmx servizzi ta' interess ġenerali żviluppati bis-sħiħ;

S.

billi l-gżejjer, b'mod partikolari r-reġjuni ultraperiferiċi, huma vulnerabbli ħafna għall-kriżijiet soċjoekonomiċi kif ukoll għad-diżastri naturali bħall-avvenimenti estremi tat-temp u l-attività vulkanika; billi minħabba l-iżolament ġeografiku tagħhom u d-diffikultajiet fl-aċċess għall-provvisti bażiċi mit-territorji kontinentali, bħall-fjuwil jew l-ilma, il-gżejjer huma affettwati b'mod aktar sever minn fenomeni bħall-pandemija tal-COVID-19, li joħolqu diffikultajiet partikolari għall-bdiewa; billi t-territorji insulari fl-Unjoni jirrappreżentaw 80 % tal-bijodiversità tal-Ewropa, jospitaw ħafna mill-ispeċijiet endemiċi tal-kontinent u jistgħu jaġixxu bħala rifuġji għall-ispeċijiet li huma mhedda bl-estinzjoni, filwaqt li jirrappreżentaw wkoll żoni vitali għall-mgħoddija tax-xitwa, punti ta' waqfien jew konġestjonijiet għall-għasafar, il-mammiferi u l-invertebrati migratorji minbarra li għandhom teżori ta' pajsaġġ u ambjentali li jirrikjedu protezzjoni speċifika;

T.

billi parti sostanzjali tal-iżvilupp soċjoekonomiku tal-gżejjer huwa bbażat fuq setturi li fin-natura tagħhom huma staġjonali ħafna, bħal fil-każ tal-agrikoltura u t-turiżmu; billi l-bdiewa fir-reġjuni insulari jbatu speċjalment minn kompetittività mnaqqsa minħabba l-fatt li jridu jħallsu spejjeż tat-trasport għalja u ma jistgħux jibbenefikaw minn ekonomiji ta' skala, peress li f'ħafna gżejjer l-art hija riżorsa skarsa; billi l-gżejjer tal-UE se jkunu jeħtieġu jikkonformaw mal-Istrateġija mill-Għalqa sal-Platt bħala parti essenzjali tal-Patt Ekoloġiku Ewropew sabiex jiġu żviluppati sistemi tal-provvista tal-ikel ekwi, tajbin għas-saħħa u li ma jagħmlux ħsara lill-ambjent; billi dawn ir-reġjuni jistgħu jitqiegħdu fi żvantaġġ serju mill-kompetizzjoni minn pajjiżi mhux tal-UE, li ħafna drabi ma jirrispettawx l-istess standards ta' produzzjoni ambjentali u tas-sikurezza tal-ikel u jkollhom kosti lavorattivi ħafna aktar baxxi;

U.

billi l-impatt tal-Istrateġija mill-Għalqa sal-Platt fuq il-produzzjoni agrikola tal-UE jista' jkollu konsegwenzi serji f'dawn ir-reġjuni minħabba l-kompetittività dgħajfa tagħhom fir-rigward tal-importazzjonijiet minn barra u l-isfidi li jiffaċċjaw biex jiddiversifikaw il-produzzjoni tagħhom;

V.

billi l-bijodiversità tal-baħar u tal-art tal-gżejjer hija fil-biċċa l-kbira endemika, u għalhekk hija aktar fraġli; billi t-tniġġis marin u kostali, kif ukoll is-sajd eċċessiv u s-sajd illegali, mhux irrappurtat u mhux irregolat, li għandu impatt akbar fuq l-ambjent tal-gżejjer, b'konsegwenzi serji ħafna għall-impjiegi, is-settur tas-sajd fuq skala żgħira u l-komunitajiet lokali, jista' jkun sors ta' tħassib għall-gżejjer;

W.

billi r-reġjuni ultraperiferiċi u l-gżejjer għandhom il-potenzjal li jgħinu biex jiġi żgurat futur sostenibbli għall-Ewropa f'setturi strateġiċi bħall-enerġija nadifa, il-bijodiversità u l-ekoturiżmu;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

63.

64.

65.

66.

67.

68.

69.

70.

71.

72.

73.

74.

75.

76.

77.

78.

79.

80.

81.

82.

83.

84.

85.

86.

87.

88.

89.

90.

91.

92.

93.

—

wara li kkunsidra l-Artikolu 3(3) tat-Trattat dwar l-Unjoni Ewropea, u l-Artikoli 3, 11, 38, 120 u 191 tat-Trattat dwar il-Funzjonament tal-Unjoni Ewropea,

—

wara li kkunsidra d-Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi qafas għal azzjoni komunitarja fil-qasam tal-politika tal-ambjent tal-baħar (Direttiva Kwadru dwar l-Istrateġija Marina) (1),

—

wara li kkunsidra r-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (2) (ir-Regolament PKS), u speċjalment l-Artikolu 17 tiegħu,

—

wara li kkunsidra l-pożizzjoni tal-Parlament Ewropew adottata fl-ewwel qari fit-28 ta' April 2021 bil-ħsieb tal-adozzjoni tar-Regolament (UE) 2021/… tal-Parlament Ewropew u tal-Kunsill li jistabbilixxi pjan ta' ġestjoni pluriennali għat-tonn fil-Lvant tal-Atlantiku u fil-Mediterran, li jemenda r-Regolamenti (KE) Nru 1936/2001, (UE) 2017/2107 u (UE) 2019/833 u li jħassar ir-Regolament (UE) 2016/1627 (3),

—

wara li kkunsidra r-Regolament (UE) 2021/1139 tal-Parlament Ewropew u tal-Kunsill tas-7 ta' Lulju 2021 li jistabbilixxi l-Fond Ewropew għall-Affarijiet Marittimi, is-Sajd u l-Akkwakultura u li jemenda r-Regolament (UE) 2017/1004 (4),

—

wara li kkunsidra l-komunikazzjoni tal-Kummissjoni tal-20 ta' Mejju 2020 bit-titolu “Strateġija tal-UE għall-Bijodiversità għall-2030: Inreġġgħu n-natura lura f'ħajjitna” (COM(2020)0380),

—

wara li kkunsidra r-riżoluzzjoni tiegħu tad-9 ta' Ġunju 2021 dwar l-Istrateġija tal-UE għall-Bijodiversità għall-2030: Inreġġgħu n-natura lura f'ħajjitna (5),

—

wara li kkunsidra l-komunikazzjoni tal-Kummissjoni tal-20 ta' Mejju 2020 bit-titolu “Strateġija ‘Mill-Għalqa sal-Platt’ għal sistema tal-ikel ġusta, tajba għas-saħħa u favur l-ambjent” (COM(2020)0381),

—

wara li kkunsidra r-riżoluzzjoni tiegħu tal-20 ta' Ottubru 2021 dwar l-istrateġija mill-għalqa sal-platt għal sistema tal-ikel ġusta, tajba għas-saħħa u favur l-ambjent (6),

—

wara li kkunsidra r-rapport tal-Kummissjoni tal-25 ta' Ġunju 2020 dwar l-implimentazzjoni tad-Direttiva Kwadru dwar l-Istrateġija Marina (Direttiva 2008/56/KE) (COM(2020)0259),

—

wara li kkunsidra r-rapport tal-Kumitat Xjentifiku, Tekniku u Ekonomiku għas-Sajd (STECF) tal-Kummissjoni tat-30 ta' Settembru 2019 bit-titolu “Social data in the EU fisheries sector” (Id-data soċjali fis-settur tas-sajd tal-UE),

—

wara li kkunsidra r-rapport tal-STECF tas-17 ta' Diċembru 2020 bit-titolu “Social dimension of the CFP” (Id-dimensjoni soċjali tal-PKS),

—

wara li kkunsidra r-rapport ekonomiku annwali tal-STECF tal-2021 dwar il-Flotta tas-Sajd tal-UE ppubblikat fit-8 ta' Diċembru 2021,

—

wara li kkunsidra r-rapport tal-STECF tat-28 ta' April 2021 dwar il-kriterji u l-indikaturi biex jiġu inkorporati aspetti ta' sostenibbiltà għall-prodotti tal-frott tal-baħar fl-istandards tal-kummerċjalizzazzjoni skont l-Organizzazzjoni Komuni tas-Suq,

—

wara li kkunsidra l-istudju tal-2015 mitlub mill-Kumitat għas-Sajd dwar il-kriterji għall-allokazzjoni tal-aċċess għas-sajd fl-UE,

—

wara li kkunsidra s-sentenza tat-Tribunal Amministrattiv ta' Montpellier tal-15 ta' Lulju 2021 fil-kawża numru 1801790,

—

wara li kkunsidra r-rapport tal-Fondazzjoni għall-Ekonomija Ġdida (NEF) ta' Settembru 2021 bit-titolu “Who gets to fish in the EU? A 2021 update of how EU Member States allocate fishing opportunities” (Min jidħol jistad fl-UE? Aġġornament tal-2021 ta' kif l-Istati Membri tal-UE jallokaw l-opportunitajiet tas-sajd),

—

wara li kkunsidra r-rapport tal-2018 tal-Fond Dinji għall-Organiżmi Selvaġġi bit-titolu “Evaluating Europe's course to sustainable fisheries by 2020” (Evalwazzjoni tal-perkors tal-Ewropa lejn is-sajd sostenibbli sal-2020),

—

wara li kkunsidra r-rapport minn Low Impact Fishers of Europe u Our Fish tas-27 ta' Ottubru 2021 bit-titolu “How the EU can Transition to Low Environmental Impact, Low Carbon, Socially Just Fishing” (Kif l-UE tista' Tgħaddi għal Impatt Ambjentali Baxx, Livell Baxx ta' Emissjonijiet ta' Karbonju, Sajd Soċjalment Ġust),

—

wara li kkunsidra r-rapport tal-2020 tal-Grupp ta' Ħidma dwar it-Tkarkir Elettriku tal-Kunsill Internazzjonali għall-Esplorazzjoni tal-Baħar (ICES) u l-Parir Speċjali tal-ICES tal-20 ta' Mejju 2020 bi tweġiba għat-talba min-Netherlands rigward l-impatti tat-tkarkir bl-impulsi fuq l-ekosistema u l-ambjent mis-sajd għal-lingwata (Solea solea) fil-Baħar tat-Tramuntana,

—

wara li kkunsidra l-Artikolu 6.18 tal-Kodiċi ta' Kondotta għal Sajd Responsabbli tal-Organizzazzjoni tal-Ikel u l-Agrikoltura tan-NU, dwar il-protezzjoni tad-drittijiet tas-sajjieda artiġjanali u fuq skala żgħira u l-aċċess preferenzjali tagħhom, fejn xieraq, għaż-żoni u r-riżorsi tas-sajd tradizzjonali,

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għas-Sajd (A9-0152/2022),

A.

billi r-Regolament PKS tinkludi l-objettivi “li l-attivitajiet tas-sajd u l-akkwakultura huma ambjentalment sostenibbli fit-tul u huma ġestiti b'mod li huwa konsistenti mal-objettivi li jinkisbu benefiċċji ekonomiċi, soċjali u ta' impjieg, u li jingħata kontribut għad-disponibbiltà ta' provvisti tal-ikel”, li jiġi applikat “l-approċċ prekawzjonarju għall-ġestjoni tas-sajd, u … [timmira] li tiżgura li l-isfruttament ta' riżorsi bijoloġiċi ħajjin tal-baħar jirripristina l-popolazzjonijiet tal-ispeċijiet mistada u jżommhom 'il fuq minn livelli li jistgħu jipproduċu r-rendiment massimu sostenibbli”, u jsemmi l-objettivi tal-implimentazzjoni ta' “approċċ ibbażat fuq l-ekosistema għall-ġestjoni tas-sajd sabiex tiżgura li l-impatti negattivi tal-attivitajiet tas-sajd fuq l-ekosistema tal-baħar ikunu minimizzati”, li “tikkontribwixxi għal standard tal-għajxien ġust għal dawk li jiddipendu mill-attivitajiet tas-sajd, filwaqt li jittieħed kont tas-sajd kostali u l-aspetti soċjoekonomiċi” u “tippromwovi attivitajiet ta' sajd kostali, b'kont meħud tal-aspetti soċjoekonomiċi”;

B.

billi l-objettiv 14.b tal-Għanijiet ta' Żvilupp Sostenibbli (SDGs) tan-NU jitlob lill-partijiet jipprovdu “aċċess ta' sajjieda artiġjanali fuq skala żgħira għar-riżorsi u s-swieq tal-baħar”;

C.

billi l-Kunsill huwa responsabbli għall-istabbiliment tal-opportunitajiet tas-sajd (qabdiet permissibbli totali jew l-isforzi totali tas-sajd), li mbagħad jitqassmu fost l-Istati Membri biex jiżguraw il-prinċipju ta' stabbiltà relattiva; billi l-istabbiltà relattiva hija element importanti tal-PKS li wriet li hija affidabbli fit-tul u tipprovdi viżibbiltà lis-sajjieda, u li ma għandhiex tiġi mminata; billi kull Stat Membru jqassam dawn l-opportunitajiet tas-sajd fost is-sajjieda u l-organizzazzjonijiet tal-produtturi tiegħu, skont il-prinċipju ta' sussidjarjetà;

D.

billi, skont il-prinċipju tas-sussidjarjetà, l-Istati Membri huma responsabbli għall-allokazzjoni tal-opportunitajiet tas-sajd; billi jista' jkun hemm differenzi kbar bejn is-setturi f'pajjiżi differenti, bir-riżultat li approċċ “wieħed tajjeb għal kulħadd” mhuwiex mixtieq;

E.

billi skont l-Artikolu 17 tar-Regolament dwar il-PKS, l-Istati Membri jeħtiġilhom jużaw kriterji trasparenti u oġġettivi, inklużi dawk ta' natura ambjentali, soċjali u ekonomika meta jallokaw l-opportunitajiet tas-sajd disponibbli għalihom, kif imsemmi fl-Artikolu 16 tar-Regolament dwar il-PKS; billi dawk il-kriterji jistgħu jinkludu l-impatt tas-sajd fuq l-ambjent, l-istorja tal-konformità, il-kontribut għall-ekonomija lokali u l-livelli ta' qbid storiku;

F.

billi l-Artikolu 17 ma jeskludix is-sajd rikreattiv mill-kamp ta' applikazzjoni tiegħu, u huwa f'idejn l-Istati Membri li jiddeċiedu kif jallokaw l-opportunitajiet tas-sajd fil-livell nazzjonali;

G.

billi l-Artikolu 17 jiddikjara wkoll l-Istati Membri għandhom jagħmlu ħilithom biex jipprovdu inċentivi għall-bastimenti tas-sajd li jużaw irkaptu selettiv tas-sajd jew li jużaw tekniki tas-sajd b'impatt ambjentali mnaqqas, bħal b'konsum imnaqqas tal-enerġija jew ta' ħsara għall-ħabitat;

H.

billi skont l-Artikolu 16, l-Istati Membri għandhom jiddeċiedu dwar il-metodu tal-allokazzjoni tal-opportunitajiet tas-sajd allokati lilhom li mhumiex soġġetti għal sistema ta' konċessjonijiet tas-sajd trasferibbli, u kull Stat Membru għandu jinforma lill-Kummissjoni bil-metodu tal-allokazzjoni;

I.

billi l-pubblikazzjoni ta' data dwar l-allokazzjonijiet tal-kwoti tas-sajd għandha ssir f'konformità mar-regolamenti rilevanti dwar il-protezzjoni tad-data;

J.

billi l-valutazzjoni tal-STECF tad-dimensjoni soċjali tal-PKS sabet li fl-2020, 16 minn 23 Stat Membru kostali wieġbu għat-talba tal-Kummissjoni biex jinformawha bil-metodu ta' allokazzjoni użat;

K.

billi l-UE ma ssodisfatx l-iskadenza li tikseb status ambjentali tajjeb tal-ilmijiet tal-baħar tal-UE sal-2020, kif stabbilit fl-Artikolu 1(1) tad-Direttiva Kwadru dwar l-Istrateġija Marina; billi r-rapport li l-Kummissjoni adottat fl-2020 dwar l-ewwel ċiklu ta' implimentazzjoni tad-Direttiva Kwadru dwar l-Istrateġija Marina, filwaqt li qies in-natura olistika tagħha, stabbilixxa li s-sistema ta' protezzjoni tal-UE hija waħda mill-aktar ambizzjużi fid-dinja u kkonkluda li jeħtieġ li tittejjeb biex jiġu indirizzati problemi bħas-sajd eċċessiv f'xi ibħra u prattiki ta' sajd mhux sostenibbli, skart tal-plastik, nutrijenti eċċessivi, storbju taħt l-ilma, u tipi oħra ta' tniġġis;

L.

billi l-UE ma rrispettatx l-iskadenza tal-2020 biex tikseb ir-rata ta' sfruttament tar-rendiment massimu sostenibbli (MSY) għall-istokkijiet kollha tas-sajd; billi, madankollu, sar progress konsiderevoli lejn il-kisba tal-mira tal-MSY, b'mod partikolari fil-Grigal tal-Atlantiku u l-Baħar Baltiku, fejn fl-2020, 99 % tal-ħatt l-art li huwa ġestit biss mill-UE u li għalih kien disponibbli parir xjentifiku, kien “stokkijiet ġestiti b'mod sostenibbli”;

M.

billi l-UE impenjat ruħha li twettaq l-Aġenda 2030 tan-NU li tinkludi l-SDG 14: għall-konservazzjoni u l-użu sostenibbli tal-oċeani, l-ibħra u r-riżorsi tal-baħar għall-iżvilupp sostenibbli;

N.

billi fir-riżoluzzjoni tiegħu dwar l-istrateġija mill-għalqa sal-platt, il-Parlament talab lill-Kummissjoni u lill-Istati Membri “jipprovdu appoġġ adegwat għat-tranżizzjoni lejn sajd b'impatt baxx” inkluż “billi jiżdied il-perċentwal tal-kwoti nazzjonali allokati għas-sajd kostali fuq skala żgħira”;

O.

billi “sajd kostali fuq skala żgħira” huwa definit fir-Regolament dwar il-Fond Ewropew għall-Affarijiet Marittimi, is-Sajd u l-Akkwakultura (FEMSA) bħala attivitajiet tas-sajd imwettqa minn bastimenti tal-baħar u tas-sajd fl-ilmijiet interni ta' tul totali ta' inqas minn 12-il metru u li ma jużawx irkaptu rmunkat, jew minn sajjieda bil-mixi, inklużi dawk li jiġbru l-frott tal-baħar bil-qoxra;

P.

billi l-istrateġija tal-UE għall-bijodiversità għall-2030 tinkludi l-objettiv li jitnaqqsu l-impatti negattivi tal-attivitajiet tas-sajd u tal-estrazzjoni fuq ħabitats u speċijiet tal-baħar sensittivi, inkluż qiegħ il-baħar, bil-għan li jinkiseb status ambjentali tajjeb;

Q.

billi l-objettivi tal-istrateġija tal-UE għall-bijodiversità jinkludu t-tnaqqis tal-qabdiet inċidentali tal-ispeċijiet għal livell li jippermetti l-irkupru u l-konservazzjoni tagħhom;

R.

billi s-sajd tal-UE huwa settur strateġiku tal-Unjoni, li jipprovdi għadd sinifikanti ta' impjiegi diretti u indiretti fiż-żoni tas-sajd u kostali, filwaqt li jżomm ekonomija sostenibbli billi jgħaqqad l-impjiegi u l-għajxien tan-nies mat-territorju u maż-żamma tat-tradizzjonijiet kulturali;

S.

billi l-FEMSA jipprovdi appoġġ finanzjarju għas-sajjieda żgħażagħ li jibdew attivitajiet tas-sajd, filwaqt li ma hemm l-ebda garanzija sussegwenti biex jinkisbu opportunitajiet tas-sajd;

T.

billi s-sajd jagħti kontribut indispensabbli għas-sigurtà tal-ikel tal-Unjoni;

U.

billi s-sajd joħloq impjiegi kemm fuq il-baħar kif ukoll fuq l-art; billi xi reġjuni jiddependu fuq il-ħatt l-art li jseħħ lokalment biex tiġi żgurata l-vijabbiltà ta' ħafna negozji u biex jinżammu komunitajiet kostali vivaċi;

V.

billi ma hemm l-ebda rapport komprensiv dwar l-implimentazzjoni tal-Artikolu 17 tar-Regolament PKS mill-Kummissjoni, li jfisser li l-uniċi evalwazzjonijiet disponibbli għal din il-valutazzjoni tal-implimentazzjoni inizjali huma dawk ippubblikati mill-STECF, l-organizzazzjonijiet tal-karità, is-settur tas-sajd innifsu, l-NGOs u l-partijiet ikkonċernati;

W.

billi skont l-aħħar valutazzjoni tal-STECF dwar id-dimensjoni soċjali tal-PKS, it-talba tal-Kummissjoni tal-2020 lill-Istati Membri biex jipprovdu informazzjoni dwar is-sistema ta' allokazzjoni tagħhom kienet tinkludi mistoqsija dwar il-valutazzjoni tal-impatt u żewġ Stati Membri biss (l-Iżvezja u d-Danimarka) irrappurtaw li wettqu valutazzjoni bħal din; billi l-istess rapport sab li fl-2020, 16 biss minn 23 Stat Membru kostali wieġbu għat-talba tal-Kummissjoni biex jinformawha bil-metodu ta' allokazzjoni użat; billi bosta minn dawk ir-reazzjonijiet kienu ta' użu limitat peress li kien fihom biss deskrizzjonijiet wiesgħa tal-flotta tas-sajd nazzjonali jew sempliċement enfasizzaw l-intenzjoni tal-allokazzjonijiet tagħhom mingħajr ma spjegaw il-kriterji “trasparenti u oġġettivi”;

X.

billi għall-istaġun tas-sajd tal-2020, l-allokazzjoni tal-kwota tat-tonn lill-bastimenti fuq skala żgħira kienet ta' 3,03 % fl-Italja, 11,6 % fil-Kroazja, 11,89 % fi Franza, 13,68 % fil-Portugall u 36,93 % fi Spanja;

Y.

billi ħafna mill-istokkijiet huma prinċipalment fil-mira ta' tipi differenti ta' flotot, iżda xi ftit minnhom huma fil-mira kemm ta' flotot fuq skala żgħira kif ukoll ta' skala kbira;

Z.

billi bl-implimentazzjoni tal-Artikolu 17 tar-Regolament PKS u bl-allokazzjoni ta' kwoti tas-sajd abbażi ta' kriterji trasparenti u oġġettivi ta' natura ambjentali, soċjali jew ekonomika, l-UE tista' tikseb tranżizzjoni ġusta għal flotta tas-sajd b'livell baxx ta' emissjonijiet ta' karbonju u b'impatt baxx; billi, dan l-objettiv irid jimxi id f'id mal-objettiv li jinkisbu benefiċċji ekonomiċi, soċjali u tal-impjieg, u li jikkontribwixxi għad-disponibbiltà tal-provvisti tal-ikel;

AA.

billi l-Kummissjoni qed tiżviluppa pjan ta' azzjoni għall-konservazzjoni tar-riżorsi tas-sajd u għall-protezzjoni tal-ekosistemi tal-baħar, li jrid jikkontribwixxi għal wieħed mill-objettivi ewlenin tal-Patt Ekoloġiku Ewropew billi jiżgura s-sostenibbiltà tas-sajd u l-protezzjoni adegwata tal-ekosistemi tal-baħar u l-bijodiversità tagħhom;

AB.

billi fl-10 ta' Novembru 2020, il-Parlament, il-Kunsill u l-Kummissjoni laħqu ftehim dwar ir-Regolament li jistabbilixxi pjan ta' ġestjoni pluriennali għat-tonn fil-Lvant tal-Atlantiku u fil-Mediterran; billi l-Kunsill imbagħad ivvota kontra dan il-ftehim, u dan jikkontradixxi deċiżjoni li diġà ntlaħaq qbil dwarha maż-żewġ istituzzjonijiet l-oħra;

AC.

billi l-Brexit kellu wkoll impatt fuq id-distribuzzjoni tad-drittijiet tas-sajd fl-UE;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

—

wara li kkunsidra l-Preambolu tat-Trattat dwar l-Unjoni Ewropea (TUE), b'mod partikolari l-paragrafi tlieta, erbgħa u sitta tiegħu,

—

wara li kkunsidra t-Titolu V tat-TUE, b'mod partikolari l-Kapitolu 2, it-Taqsima 2 tiegħu dwar id-dispożizzjonijiet dwar il-politika ta' sigurtà u ta' difiża komuni (PSDK),

—

wara li kkunsidra l-Ftehim ta' Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Ukrajna, min-naħa l-oħra (1), il-Ftehim ta' Assoċjazzjoni bejn l-Unjoni Ewropea u l-Komunità tal-Enerġija Atomika u l-Istati Membri tagħhom, minn naħa l-waħda, u l-Georgia, min-naħa l-oħra (2), il-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa, u r-Repubblika tal-Moldova, min-naħa l-oħra (3), il-Ftehim ta' Sħubija Komprensiv u Msaħħaħ bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Armenja, min-naħa l-oħra (4), u l-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, mill-parti l-waħda, u r-Repubblika tal-Ażerbajġan mill-parti l-oħra (5),

—

wara li kkunsidra r-Regolament (UE) 2021/947 tal-Parlament Ewropew u tal-Kunsill tad-9 ta' Ġunju 2021 li jistabbilixxi l-Istrument ta' Viċinat, ta' Kooperazzjoni għall-Iżvilupp u ta' Kooperazzjoni Internazzjonali – Ewropa Globali, li jemenda u li jħassar id-Deċiżjoni Nru 466/2014/UE tal-Parlament Ewropew u tal-Kunsill u jħassar ir-Regolament (UE) 2017/1601 u r-Regolament tal-Kunsill (KE, Euratom) Nru 480/2009 (6),

—

wara li kkunsidra r-Regolament (UE) 2021/887 tal-Parlament Ewropew u tal-Kunsill tal-20 ta' Mejju 2021 li jistabbilixxi ċ-Ċentru Ewropew ta' Kompetenza Industrijali, Teknoloġika u tar-Riċerka fil-qasam taċ-Ċibersigurtà u n-Network ta' Ċentri Nazzjonali ta' Koordinazzjoni (7),

—

wara li kkunsidra r-Regolament (UE) 2019/881 tal-Parlament Ewropew u tal-Kunsill tas-17 ta' April 2019 dwar l-ENISA (l-Aġenzija tal-Unjoni Ewropea għaċ-Ċibersigurtà) u dwar iċ-ċertifikazzjoni taċ-ċibersigurtà tat-teknoloġija tal-informazzjoni u tal-komunikazzjoni u li jħassar ir-Regolament (UE) Nru 526/2013 (l-Att dwar iċ-Ċibersigurtà) (8),

—

wara li kkunsidra d-Direttiva (UE) 2016/1148 tal-Parlament Ewropew u tal-Kunsill tas-6 ta' Lulju 2016 dwar miżuri għal livell għoli komuni ta' sigurtà tan-networks u tas-sistemi tal-informazzjoni madwar l-Unjoni (9),

—

wara li kkunsidra d-Deċiżjoni tal-Kunsill (PESK) 2021/1792 tal-11 ta' Ottubru 2021 li temenda d-Deċiżjoni 2014/145/PESK dwar miżuri restrittivi fir-rigward ta' azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna (10),

—

wara li kkunsidra d-Deċiżjoni tal-Kunsill (PESK) 2021/509 tat-22 ta' Marzu 2021 li tistabbilixxi Faċilità Ewropea għall-Paċi, u li tħassar id-Deċiżjoni (PESK) 2015/528 (11),

—

wara li kkunsidra d-Deċiżjonijiet tal-Kunsill (PESK) 2021/748 (12), 2021/749 (13) u 2021/750 (14) tas-6 ta' Mejju 2021 dwar il-parteċipazzjoni tal-Kanada, tar-Renju tan-Norveġja u tal-Istati Uniti tal-Amerka fil-proġett PESCO Mobbiltà Militari,

—

wara li kkunsidra d-Deċiżjoni tal-Kunsill (PESK) 2020/1537 tat-22 ta' Ottubru 2020 li temenda d-Deċiżjoni (PESK) 2019/797 dwar miżuri restrittivi kontra attakki ċibernetiċi li jheddu l-Unjoni jew l-Istati Membri tagħha (15),

—

wara li kkunsidra d-Deċiżjoni tal-Kunsill (PESK) 2020/1127 tat-30 ta' Lulju 2020 li temenda d-Deċiżjoni (PESK) 2019/797 dwar miżuri restrittivi kontra attakki ċibernetiċi li jheddu lill-Unjoni jew l-Istati Membri tagħha (16),

—

wara li kkunsidra d-Deċiżjoni tal-Kunsill (PESK) 2019/797 tas-17 ta' Mejju 2019 dwar miżuri restrittivi kontra attakki ċibernetiċi li jheddu l-Unjoni jew l-Istati Membri tagħha (17),

—

wara li kkunsidra d-Deċiżjoni tal-Kunsill (PESK) 2017/2315 tal-11 ta' Diċembru 2017 li tistabbilixxi Kooperazzjoni Strutturata Permanenti (PESCO) u li tiddetermina l-lista ta' Stati Membri Parteċipanti (18),

—

wara li kkunsidra d-Deċiżjoni tal-Kunsill 2014/486/PESK tat-22 ta' Lulju 2014 dwar il-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (19), u d-Deċiżjoni tal-Kunsill (PESK) 2021/813 tal-20 ta' Mejju 2021 li temenda d-Deċiżjoni 2014/486/PESK dwar il-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (20),

—

wara li kkunsidra l-Azzjoni Konġunta tal-Kunsill 2008/736/PESK tal-15 ta' Settembru 2008 dwar il-Missjoni ta' Monitoraġġ tal-Unjoni Ewropea fil-Georgia, EUMM Georgia (21), u d-Deċiżjoni tal-Kunsill (PESK) 2020/1990 tat-3 ta' Diċembru 2020 li temenda d-Deċiżjoni 2010/452/PESK dwar il-Missjoni ta' Monitoraġġ tal-Unjoni Ewropea fil-Georgia, EUMM Georgia (22),

—

wara li kkunsidra l-programm ta' ħidma annwali għall-2021 tal-Fond Ewropew għad-Difiża, adottat mill-Kummissjoni fit-30 ta' Ġunju 2021,

—

wara li kkunsidra l-proposta tal-Kummissjoni tas-16 ta' Diċembru 2020 għal direttiva tal-Parlament Ewropew u tal-Kunsill dwar miżuri għal livell għoli komuni ta' ċibersigurtà madwar l-Unjoni kollha, li tħassar id-Direttiva (UE) 2016/1148 (COM(2020)0823),

—

wara li kkunsidra l-proposta tal-Kummissjoni tas-16 ta' Diċembru 2020 għal direttiva tal-Parlament Ewropew u tal-Kunsill dwar ir-reżiljenza tal-entitajiet kritiċi (COM(2020)0829),

—

wara li kkunsidra l-komunikazzjoni konġunta tal-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà tas-16 ta' Diċembru 2020 bit-titolu “L-istrateġija tal-UE dwar iċ-Ċibersigurtà għad-Deċennju Diġitali” (JOIN(2020)0018),

—

wara li kkunsidra l-komunikazzjoni tal-Kummissjoni tal-24 ta' Lulju 2020 dwar l-Istrateġija tal-UE dwar l-Unjoni tas-Sigurtà (COM(2020)0605),

—

wara li kkunsidra l-komunikazzjoni konġunta tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà tat-13 ta' Settembru 2017 bit-titolu “Reżiljenza, Deterrenza u Difiża: Il-bini ta' ċibersigurtà b'saħħitha għall-UE” (JOIN(2017)0450),

—

wara li kkunsidra l-komunikazzjoni konġunta tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà tas-7 ta' Ġunju 2017 bit-titolu “Approċċ Strateġiku għar-Reżiljenza fl-azzjoni esterna tal-UE” (JOIN(2017)0021),

—

wara li kkunsidra l-laqgħa informali tal-Kunsill Ewropew li saret fl-10 u l-11 ta' Marzu 2022, il-laqgħa formali tal-Kunsill Ewropew li saret fl-24 u l-25 ta' Marzu 2022 u s-summit straordinarju tan-NATO tal-24 ta' Marzu 2022,

—

wara li kkunsidra d-dikjarazzjoni tal-membri tal-Kunsill Ewropew tas-26 ta' Frar 2021 dwar is-sigurtà u d-difiża,

—

wara li kkunsidra l-aġenda strateġika ġdida 2019-2024, adottata mill-Kunsill Ewropew fl-20 ta' Ġunju 2019,

—

wara li kkunsidra l-konklużjonijiet tal-Kunsill Ewropew tal-20 ta' Diċembru 2013, tas-26 ta' Ġunju 2015, tal-15 ta' Diċembru 2016, tad-9 ta' Marzu 2017, tat-22 ta' Ġunju 2017, tal-20 ta' Novembru 2017 u tal-15 ta' Diċembru 2017,

—

wara li kkunsidra l-konklużjonijiet tal-Kunsill tat-22 ta' Jannar 2018 dwar l-approċċ integrat għal konflitti u kriżijiet esterni u tal-24 ta' Jannar 2022 dwar is-sitwazzjoni tas-sigurtà Ewropea,

—

wara li kkunsidra l-konklużjonijiet tal-Kunsill tal-25 ta' Novembru 2013, tat-18 ta' Novembru 2014, tat-18 ta' Mejju 2015, tas-27 ta' Ġunju 2016, tal-14 ta' Novembru 2016, tat-18 ta' Mejju 2017, tas-17 ta' Lulju 2017, tal-25 ta' Ġunju 2018, tas-17 ta' Ġunju 2019, tal-10 ta' Diċembru 2019, tas-17 ta' Ġunju 2020, tat-12 ta' Ottubru 2020, tal-20 ta' Novembru 2020, tas-7 ta' Diċembru 2020 u tal-10 ta' Mejju 2021 dwar il-politika ta' sigurtà u ta' difiża komuni,

—

wara li kkunsidra l-konklużjonijiet tal-Kunsill tat-13 ta' Diċembru 2021 dwar il-Patt dwar id-Dimensjoni Ċivili tal-PSDK,

—

wara li kkunsidra l-konklużjonijiet tal-Kunsill tal-20 ta' Novembru 2020 dwar ir-rieżami strateġiku tal-PESCO għall-2020,

—

wara li kkunsidra l-konklużjonijiet tal-Kunsill tas-16 ta' Ġunju 2020 dwar azzjoni esterna tal-UE dwar il-prevenzjoni u l-ġlieda kontra t-terroriżmu u l-estremiżmu vjolenti,

—

wara li kkunsidra l-konklużjonijiet tal-Kunsill tal-10 ta' Diċembru 2019 dwar l-isforzi komplementari għat-tisħiħ tar-reżiljenza u l-ġlieda kontra t-theddid ibridu,

—

wara li kkunsidra l-konklużjonijiet tal-Kunsill tal-10 ta' Diċembru 2018 dwar in-nisa, il-paċi u s-sigurtà,

—

wara li kkunsidra l-Konklużjonijiet tal-Kunsill u tar-rappreżentanti tal-gvernijiet tal-Istati Membri, imlaqqgħin fi ħdan il-Kunsill fid-19 ta' Novembru 2018, dwar l-istabbiliment ta' Patt dwar id-Dimensjoni Ċivili tal-PSDK,

—

wara li kkunsidra l-konklużjonijiet tal-Kunsill tad-19 ta' Ġunju 2017 dwar qafas għal rispons diplomatiku konġunt tal-UE għal attivitajiet ċibernetiċi malizzjużi (“Is-sett ta' għodod taċ-ċiberdiplomazija”),

—

wara li kkunsidra r-rapport finali tal-ewwel ċiklu tar-Rieżami Annwali Koordinat dwar id-Difiża (CARD) ippreżentat lill-Kunsill fil-laqgħa tiegħu tal-20 ta' Novembru 2020,

—

wara li kkunsidra l-istrateġija globali bit-titolu “Viżjoni Kondiviża, Azzjoni Komuni: Ewropa aktar b'saħħitha – Strateġija Globali għall-Politika Estera u ta' Sigurtà tal-Unjoni Ewropea” ippreżentata mill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) fit-28 ta' Ġunju 2016,

—

wara li kkunsidra d-dikjarazzjonijiet konġunti tas-summits tas-Sħubija tal-Lvant (SL) tal-2009 fi Praga, tal-2011 f'Varsavja, tal-2013 f'Vilnius, tal-2015 f'Riga, tal-2017 fi Brussell u tal-2021 fi Brussell,

—

wara li kkunsidra d-dikjarazzjoni komuni adottata mill-Kumitati Parlamentari għall-Affarijiet Barranin tat-Trio Assoċjat, u dawk adottati mill-Polonja u mil-Litwanja fit-13 ta' Diċembru 2021 dwar it-tisħiħ tal-kooperazzjoni fl-ambitu tal-monitoraġġ tad-drittijiet tal-bniedem fit-territorji tal-istati tas-Sħubija tal-Lvant okkupati mir-Russja,

—

wara li kkunsidra l-Protokoll ta' Minsk tal-5 ta' Settembru 2014, il-Memorandum ta' Minsk tad-19 ta' Settembru 2014 u l-pakkett ta' miżuri għall-implimentazzjoni tal-Ftehimiet ta' Minsk, adottati u ffirmati f'Minsk fit-12 ta' Frar 2015, u approvati b'mod ġenerali mill-Kunsill tas-Sigurtà tan-NU fir-Riżoluzzjoni 2202 (2015) tas-17 ta' Frar 2015,

—

wara li kkunsidra l-laqgħat trilaterali tal-14 ta' Diċembru 2021 u tas-6 ta' April 2022 bejn il-President tal-Kunsill Ewropew Charles Michel, il-President tar-Repubblika tal-Ażerbajġan Ilham Aliyev u l-Prim Ministru tar-Repubblika tal-Armenja Nikol Pashinyan,

—

wara li kkunsidra d-dikjarazzjoni konġunta dwar il-kooperazzjoni bejn l-UE u n-NATO tal-10 ta' Lulju 2018 u d-dikjarazzjoni konġunta UE-NATO tat-8 ta' Lulju 2016,

—

wara li kkunsidra s-sitt rapport ta' progress tas-17 ta' Mejju 2021 dwar l-implimentazzjoni tas-sett komuni ta' proposti approvati mill-Kunsilli tal-UE u tan-NATO fis-6 ta' Diċembru 2016 u fil-5 ta' Diċembru 2017,

—

wara li kkunsidra s-sett komuni ta' 74 proposta għall-implimentazzjoni tad-Dikjarazzjoni Konġunta ta' Varsavja approvata mill-Kunsilli tal-UE u tan-NATO fis-6 ta' Diċembru 2016 u fil-5 ta' Diċembru 2017,

—

wara li kkunsidra d-dikjarazzjoni konġunta tal-UE u tan-NU tal-24 ta' Jannar 2022 dwar it-Tisħiħ tas-Sħubija Strateġika NU-UE dwar l-Operazzjonijiet ta' Paċi u l-Ġestjoni ta' Kriżijiet: Prijoritajiet 2022-2024,

—

wara li kkunsidra l-Karta tan-NU, l-Att Finali ta' Ħelsinki tal-1975 tal-Organizzazzjoni għas-Sigurtà u l-Kooperazzjoni fl-Ewropa (OSKE), il-Karta ta' Pariġi tal-1990 għal Ewropa Ġdida, il-Kodiċi ta' Kondotta tal-OSKE dwar l-Aspetti Politikomilitari tas-Sigurtà tat-3 ta' Diċembru 1994, il-Memorandum dwar l-Assigurazzjonijiet tas-Sigurtà b'Rabta mal-Adeżjoni tal-Ukrajna għat-Trattat dwar in-Nonproliferazzjoni tal-Armi Nukleari tal-5 ta' Diċembru 1994 (il-Memorandum ta' Budapest dwar l-Assigurazzjonijiet tas-Sigurtà) u d-Dokument ta' Vjenna tat-30 ta' Novembru 2011 dwar il-miżuri għat-tisħiħ tal-fiduċja u tas-sigurtà,

—

wara li kkunsidra r-riżoluzzjoni tiegħu tas-7 ta' Lulju 2021 dwar il-kooperazzjoni bejn l-UE u n-NATO fil-kuntest tar-relazzjonijiet tranżatlantiċi (23),

—

wara li kkunsidra r-riżoluzzjoni tiegħu tal-20 ta' Mejju 2021 dwar il-priġunieri tal-gwerra wara l-kunflitt l-aktar reċenti bejn l-Armenja u l-Ażerbajġan (24),

—

wara li kkunsidra r-riżoluzzjoni tiegħu tal-25 ta' Marzu 2021 dwar l-implementazzjoni tad-Direttiva 2009/81/KE, rigward l-akkwist pubbliku fl-oqsma tad-difiża u tas-sigurtà, u tad-Direttiva 2009/43/KE, rigward it-trasferiment ta' prodotti relatati mad-difiża (25),

—

wara li kkunsidra r-riżoluzzjoni tiegħu tal-11 ta' Frar 2021 dwar l-implimentazzjoni tal-Ftehim ta' Assoċjazzjoni tal-UE mal-Ukrajna (26),

—

wara li kkunsidra r-riżoluzzjoni tiegħu tal-20 ta' Jannar 2021 dwar l-implimentazzjoni tal-Politika ta' Sigurtà u ta' Difiża Komuni – rapport annwali 2020 (27),

—

wara li kkunsidra r-riżoluzzjoni tiegħu tal-20 ta' Jannar 2021 dwar l-implimentazzjoni tal-Politika Estera u ta' Sigurtà Komuni – rapport annwali 2020 (28),

—

wara li kkunsidra r-riżoluzzjoni tiegħu tal-20 ta' Ottubru 2020 dwar l-implimentazzjoni tal-Ftehim ta' Assoċjazzjoni tal-UE mar-Repubblika tal-Moldova (29),

—

wara li kkunsidra r-riżoluzzjoni tiegħu tas-16 ta' Settembru 2020 dwar l-implimentazzjoni tal-ftehim ta' assoċjazzjoni tal-UE mal-Georgia (30),

—

wara li kkunsidra r-rakkomandazzjoni tiegħu tad-19 ta' Ġunju 2020 lill-Kunsill, lill-Kummissjoni u lir-Rappreżentant Għoli tal-Unjoni għall-Affarijiet Barranin u l-Politika ta' Sigurtà dwar is-Sħubija tal-Lvant, fit-tħejjija għas-Summit ta' Ġunju 2020 (31),

—

wara li kkunsidra r-riżoluzzjoni tiegħu tal-11 ta' Diċembru 2018 dwar il-mobbiltà militari (32),

—

wara li kkunsidra r-riżoluzzjoni tiegħu tat-13 ta' Ġunju 2018 dwar iċ-ċiberdifiża (33),

—

wara li kkunsidra r-riżoluzzjonijiet preċedenti tiegħu dwar ir-Russja, speċjalment dawk relatati mal-azzjonijiet tar-Russja fit-territorji tal-pajjiżi tas-Sħubija tal-Lvant, l-annessjoni illegali tagħha tal-Krimea, il-ksur tad-drittijiet tat-Tatari tal-Krimea, l-okkupazzjoni ta' partijiet mit-territorju tal-Ukrajna, il-Georgia u r-Repubblika tal-Moldova u l-attivitajiet relatati ta' stabbiliment ta' fruntieri, kif ukoll il-propaganda ostili tagħha u d-diżinformazzjoni kontra l-UE u l-pajjiżi tas-Sħubija tal-Lvant,

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Barranin (A9-0168/2022),

A.

billi s-Sħubija tal-Lvant hija parti mill-politika tal-viċinat tal-UE u billi l-UE għandha approċċ komprensiv għas-sigurtà u r-reżiljenza, inkluż kontra t-theddid ċibernetiku u ibridu, li huwa mfassal speċifikament biex isaħħaħ ir-relazzjonijiet mas-sitt pajjiżi tas-Sħubija tal-Lvant: l-Armenja, l-Ażerbajġan, il-Belarussja, il-Georgia, ir-Repubblika tal-Moldova u l-Ukrajna, biex jgħin fil-promozzjoni tal-paċi, l-istabbiltà, ir-reżiljenza, il-prosperità kondiviża, l-iżvilupp sostenibbli, ir-riformi u s-sigurtà tal-bniedem fil-viċinat tal-Lvant tal-UE, isaħħaħ il-kooperazzjoni ekonomika, jappoġġja r-riforma transsettorjali u jikkontribwixxi għar-reżiljenza ġenerali ta' dawk il-pajjiżi, fi spirtu ta' sjieda u responsabbiltà kondiviżi;

B.

billi s-Sħubija tal-Lvant tfittex li trawwem l-istabbiltà, il-prosperità u l-kooperazzjoni reċiproka, u li tavvanza l-impenn għar-riformi meħtieġa; billi hemm ħtieġa urġenti li tissaħħaħ ir-riżoluzzjoni paċifika tal-kunflitti fis-Sħubija tal-Lvant, b'mod partikolari permezz ta' approċċi u fora multilaterali bħall-OSKE; billi hemm bżonn li tiġi żviluppata strateġija dwar kif għandhom jiġu indirizzati aħjar l-aspetti tas-sigurtà tal-politika tal-UE fis-Sħubija tal-Lvant, filwaqt li jitqiesu l-ħtiġijiet tas-sigurtà tal-pajjiżi sħab rilevanti bħala punt tat-tluq, peress li d-destabbilizzazzjoni tar-reġjun tas-Sħubija tal-Lvant toħloq theddida globali sinifikanti u theddida għall-paċi, l-istabbiltà u s-sigurtà tal-pajjiżi tas-Sħubija tal-Lvant u tal-kontinent Ewropew;

C.

billi f'dawn l-aħħar snin is-Sħubija tal-Lvant qed tiffaċċja ksur serju tad-dritt internazzjonali, tat-theddid għas-sigurtà u kunflitti, u dan wassal għall-gwerra ta' aggressjoni attwali mir-Russja kontra l-Ukrajna; billi s-sigurtà u l-paċi fil-viċinat tal-Lvant jippresupponu r-rispett u ż-żamma tad-dritt internazzjonali, l-integrità territorjali u d-drittijiet u l-libertajiet fundamentali; billi l-UE għandha tagħmel ħilitha biex tgħin lill-pajjiżi assoċjati tas-Sħubija tal-Lvant jerġgħu jiksbu s-sovranità tagħhom u l-kontroll sħiħ fuq it-territorji tagħhom; billi l-impenn ċar tal-UE għall-perspettiva Ewropea tal-pajjiżi assoċjati tas-Sħubija tal-Lvant huwa kruċjali għal riformi prodemokratiċi u għas-sigurtà, l-istabbiltà u l-prosperità tas-soċjetajiet tagħhom;

D.

billi l-UE u s-sħab tas-Sħubija tal-Lvant iddeċidew b'mod konġunt li japprofondixxu l-kooperazzjoni tagħhom fil-qasam tas-sigurtà, inkluż it-tisħiħ tal-kapaċità tal-pajjiżi tas-Sħubija tal-Lvant li jindirizzaw it-theddid ibridu u ċibernetiku; billi trid tiġi ppreservata wkoll enfasi fuq it-theddid konvenzjonali, filwaqt li jitqiesu l-iżviluppi reċenti li seħħew fil-pajjiżi tas-Sħubija tal-Lvant u fl-Asja Ċentrali;

E.

billi l-għanijiet essenzjali tas-Sħubija tal-Lvant huma ta' benefiċċju għall-ġirien kollha, inkluża r-Russja, peress li jgħinu biex jiffurmaw reġjun aktar stabbli permezz ta' miżuri li jippreservaw id-dritt internazzjonali, jirrispettaw l-integrità territorjali u permezz tat-trattati li jirregolaw ir-relazzjonijiet bejn l-istati u jsaħħu l-governanza tajba, id-demokrazija, l-istat tad-dritt, ir-rispett għad-drittijiet tal-bniedem u relazzjonijiet tajbin ta' viċinat billi jippromwovu l-paċi, l-istabbiltà, il-prosperità kondiviża u l-prospetti għall-popli tal-pajjiżi kollha tas-Sħubija tal-Lvant; billi d-destabbilizzazzjoni tar-reġjun tas-Sħubija tal-Lvant toħloq theddida sinifikanti għall-paċi, l-istabbiltà u s-sigurtà tal-UE u dik globali;

F.

billi s-Summit tas-Sħubija tal-Lvant li sar fil-15 ta' Diċembru 2021 afferma mill-ġdid id-dritt sovran ta' kull sieħeb li jagħżel il-livell ta' ambizzjoni u l-għanijiet tiegħu fir-relazzjonijiet tiegħu mal-UE;

G.

billi s-Summit tas-Sħubija tal-Lvant tal-2021 irriżulta fi sforzi akbar biex tittejjeb ir-reżiljenza, tissaħħaħ il-komunikazzjoni strateġika u l-ġlieda kontra d-diżinformazzjoni, u titrawwem is-sigurtà, id-djalogu ċibernetiku u l-kooperazzjoni fl-oqsma tal-PSDK;

H.

billi kull pajjiż fiż-żona tas-Sħubija tal-Lvant, bl-eċċezzjoni tal-Belarussja, għandu kunflitt territorjali fuq l-art tiegħu, immexxi mir-Russja jew li jinvolviha;

I.

billi fit-22 ta' Frar 2022, iż-żewġ kmamar tal-Parlament Russu – il-Kunsill tal-Federazzjoni u d-Duma tal-Istat – approvaw b'mod unanimu r-rikonoxximent tar-reġjuni separatisti tal-Ukrajna ta' Donetsk u Luhansk bħala stati indipendenti;

J.

billi fit-23 ta' Frar 2022, il-Parlament Russu vverifika li jippermetti lill-President Putin juża l-armata Russa barra mill-pajjiż biex “jappoġġja lis-separatisti fl-Ukrajna”;

K.

billi fl-24 ta' Frar 2022, il-President Russu Vladimir Putin ħabbar f'xandira fuq it-televixin irrekordjata minn qabel li huwa kien ordna “operazzjoni militari speċjali” fil-Lvant tal-Ukrajna; billi ftit minuti wara, seħħew attakki bil-missili f'għexieren ta' bliet madwar il-pajjiż, inkluża l-kapitali tal-Ukrajna; billi fil-bidu, it-truppi u l-vetturi armati qasmu lejn l-Ukrajna tal-Lvant mill-fruntiera Russa, kif ukoll mill-Belarussja fit-Tramuntana u mill-Krimea, annessa illegalment mir-Russja, lejn in-Nofsinhar;

L.

billi fis-27 ta' Frar 2022, il-President Putin ħa d-deċiżjoni li jqiegħed forzi nukleari u missili Russi fl-ogħla livell ta' prontezza għall-ġlied;

M.

billi fl-24 ta' Frar 2022, wara li ġabret aktar minn 200 000 truppa f'formazzjoni offensiva fuq il-fruntiera tal-Ukrajna, filwaqt li żiedet ukoll it-tattiċi ibridi u ċibernetiċi tagħha tal-gwerra kontra l-awtoritajiet Ukreni eletti, ir-Russja nediet invażjoni fuq skala sħiħa tal-Ukrajna mill-fruntieri tagħha tat-Tramuntana, tal-Lvant u tan-Nofsinhar u mill-Baħar l-Iswed, filwaqt li bbumbardjat bis-saħħa ż-żoni ċivili bl-użu tas-superjorità tal-forzi tal-ajru u navali u tal-armi tagħha; billi kumplessivament dan huwa l-akbar kunflitt militari fl-Ewropa mit-Tieni Gwerra Dinjija 'l hawn;

N.

billi minkejja l-ostakli inizjali minħabba sforzi intensivi ta' reżistenza min-naħa tal-Ukrajna, il-forzi Russi wettqu operazzjonijiet offensivi u attakki bl-ajru u bl-artillerija/bir-rokits fuq pożizzjonijiet u infrastruttura ċivili, inklużi kurituri ta' evakwazzjoni magħrufa;

O.

billi fit-13 ta' Marzu 2022 r-Russja eskalat il-gwerra tagħha ta' aggressjoni fl-Ukrajna b'attakki fuq bażi militari ewlenija inqas minn 16-il km bogħod mill-fruntiera tal-Polonja, u dan wassal biex inqatlu 35 persuna u korrew 134 oħra, u b'hekk komplew jiżdiedu t-tensjonijiet fir-reġjun;

P.

billi r-Russja tal-President Putin għadha tinvolvi ruħha fi gwerra ta' aggressjoni u gwerra ibrida kontinwa kontra xi pajjiżi tas-Sħubija tal-Lvant, appoġġjata mit-theddida dejjem preżenti ta' forza fir-reġjun kollu, mill-aggressjoni armata u mill-okkupazzjoni illegali, sabiex l-istati jinżammu politikament dgħajfa u żbilanċjati u marbuta mal-isfera ta' influwenza awtodikjarata ta' Moska, u dan jinjora b'mod effettiv id-dritt sovran tal-pajjiżi tas-Sħubija tal-Lvant għall-integrità territorjali, biex jagħmlu l-għażliet ta' politika barranija tagħhom stess u biex jagħżlu l-alleanzi tagħhom stess, bi ksur tal-prinċipji rilevanti tal-OSKE stabbiliti fl-Att Finali ta' Ħelsinki tal-1975, il-Karta ta' Pariġi tal-1990 kif ukoll id-Dokument ta' Istanbul (1999) u d-Dikjarazzjoni ta' Astana (2010); billi l-azzjonijiet aggressivi tar-Russja u t-tentattivi tagħha li ddgħajjef l-ordni ta' sigurtà Ewropew qed jikkawżaw instabbiltà kemm fir-reġjun kif ukoll lil hinn minnu u għandhom l-għan ukoll li jdgħajfu u jiddegradaw ir-rwol tal-UE fir-reġjun;

Q.

billi l-aggressjoni militari diretta tar-Russja kontra l-Georgia fl-2008 u l-okkupazzjoni sussegwenti ta' 20 % tat-territorji tagħha, l-invażjoni tagħha, l-okkupazzjoni temporanja u l-annessjoni illegali tal-Krimea fl-2014, u l-appoġġ tagħha għas-separatisti f'Donetsk u Luhansk iddestabbilizzaw ir-reġjun u serva bħala preċedent li wassal għall-gwerra ta' aggressjoni tar-Russja kontra l-Ukrajna u għal ksur ċar tas-sovranità, l-indipendenza, l-unità u l-integrità territorjali tal-Georgia u tal-Ukrajna; billi l-UE kkundannat bil-qawwa dawn l-azzjonijiet u tenniet bis-sħiħ id-determinazzjoni tagħha li ma tirrikonoxxix ir-reġjuni tar-Russja li huma annessi u okkupati illegalment, li hija użat biex tniedi aggressjoni kontra xi pajjiżi tas-Sħubija tal-Lvant, li wassal biex l-Istati Membri u l-UE jieħdu firxa ta' miżuri restrittivi; billi l-azzjonijiet tar-Russja wrew li r-Russja tirrifjuta l-aspirazzjonijiet tal-pajjiżi assoċjati tas-Sħubija tal-Lvant li jissieħbu mal-UE jew man-NATO u hija ddeterminata li ssostni u tiġġieled kwalunkwe tentattiv għal għajnuna fl-iżvilupp demokratiku f'reġjun li tqis bħala “pajjiż barrani fil-qrib”; billi l-“pajjiż barrani fil-qrib” għadu meqjus mill-Kremlin bħala l-isfera ta' influwenza tar-Russja;

R.