ISSN 1977-0987 |
||
Il-Ġurnal Uffiċjali tal-Unjoni Ewropea |
C 471 |
|
![]() |
||
Edizzjoni bil-Malti |
Informazzjoni u Avviżi |
Volum 65 |
Werrej |
Paġna |
|
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2022/C 471/01 |
Bidu ta’ proċeduri (Il-Każ M.10433 — VIVENDI / LAGARDERE) ( 1 ) |
|
2022/C 471/02 |
Ebda oppożizzjoni għal konċentrazzjoni notifikata (Il-Każ M.10934 — VINCI ENERGIES / KONTRON IT SERVICE COMPANIES) ( 1 ) |
|
2022/C 471/03 |
Ebda oppożizzjoni għal konċentrazzjoni notifikata (Il-Każ M.10912 — CD&R / ATALIAN) ( 1 ) |
|
2022/C 471/04 |
Ebda oppożizzjoni għal konċentrazzjoni notifikata (Il-Każ M.10956 — AURELIUS INVESTMENT LUX SEVEN / SAPPI FINLAND ONE / SAPPI FINLAND OPERATIONS / SAPPI MAASTRICHT REAL ESTATE / SAPPI STOCKSTADT) ( 1 ) |
|
2022/C 471/05 |
Ebda oppożizzjoni għal konċentrazzjoni notifikata (Il-Każ M.10929 — GENERALI REAL ESTATE / MUNICH RE / SAXON LAND) ( 1 ) |
|
2022/C 471/06 |
Ebda oppożizzjoni għal konċentrazzjoni notifikata (Il-Każ M.10580 — SE AG / SEC / SEPG) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2022/C 471/07 |
||
2022/C 471/08 |
Deċiżjoni tal-Kummissjoni tas-7 ta’ Diċembru 2022 li tistabbilixxi grupp ta’ esperti tal-Kummissjoni dwar is-saħħa pubblika u li tħassar id-Deċiżjoni tal-Kummissjoni li tistabbilixxi grupp ta’ esperti tal-Kummissjoni Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni tal-Mard Mhux Komunikabbli ( 1 ) |
|
|
Il-Qorti tal-Awdituri |
|
2022/C 471/09 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2022/C 471/10 |
Avviż minn qabel ta’ konċentrazzjoni (Il-Każ M.10937 - EDF DEUTSCHLAND / HAZWEI / HYPION MOTION NEUMÜNSTER JV) — Każ kandidat għal proċedura simplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2022/C 471/11 |
|
Rettifika |
|
|
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
12.12.2022 |
MT |
Il-Ġurnal Uffiċjali tal-Unjoni Ewropea |
C 471/1 |
Bidu ta’ proċeduri
(Il-Każ M.10433 — VIVENDI / LAGARDERE)
(Test b'rilevanza għaż-ŻEE)
(2022/C 471/01)
Fit-30 ta’ Novembru 2022, il-Kummissjoni iddeċidiet li tibda proċeduri fil-każ ta’ hawn fuq wara li sabet li l-konċentrazzjoni nnotifika tqajjem dubji serji dwar il-kompatibilità tagħha mas-suq komuni. Il-bidu tal-proċeduri jiftaħ it-tieni fażi ta’ investigazzjoni fir-rigward tal-konċentrazzjoni nnotifikata, u jsir mingħajr preġudizzju għad-deċiżjoni finali dwar il-każ. Din id-deċiżjoni hi bbażata fuq l-Artikolu 6(1)(c) tar-Regolament tal-Kunsill (KE) Nru 139/2004 (1).
Il-Kummissjoni tistieden lil partijiet terzi interessati sabiex jissottomettu lill-Kummissjoni l-osservazzjonijiet li jistgħu jkollhom dwar il-konċentrazzjoni proposta.
Sabiex l-osservazzjonijiet jiġu kkunsidrati bis-sħiħ fil-proċedura, dawn għandhom jaslu għand il-Kummissjoni mhux iktar tard minn 15-il jum wara d-data tal-pubblikazzjoni. L-osservazzjonijiet jistgħu jintbagħtu lill-Kummissjoni bil-fax (+32 22964301) jew b’email lil COMP-MERGER-REGISTRY@ec.europa.eu jew bil-posta, bin-numru ta’ referenza M.10433 — VIVENDI / LAGARDERE, fl-indirizz li ġej:
European Commission |
Directorate-General for Competition |
Merger Registry |
1049 Bruxelles/Brussell |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
12.12.2022 |
MT |
Il-Ġurnal Uffiċjali tal-Unjoni Ewropea |
C 471/2 |
Ebda oppożizzjoni għal konċentrazzjoni notifikata
(Il-Każ M.10934 — VINCI ENERGIES / KONTRON IT SERVICE COMPANIES)
(Test b'rilevanza għaż-ŻEE)
(2022/C 471/02)
Fis-16 ta’ Novembru 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10934. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.12.2022 |
MT |
Il-Ġurnal Uffiċjali tal-Unjoni Ewropea |
C 471/3 |
Ebda oppożizzjoni għal konċentrazzjoni notifikata
(Il-Każ M.10912 — CD&R / ATALIAN)
(Test b'rilevanza għaż-ŻEE)
(2022/C 471/03)
Fl-24 ta’ Novembru 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10912. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.12.2022 |
MT |
Il-Ġurnal Uffiċjali tal-Unjoni Ewropea |
C 471/4 |
Ebda oppożizzjoni għal konċentrazzjoni notifikata
(Il-Każ M.10956 — AURELIUS INVESTMENT LUX SEVEN / SAPPI FINLAND ONE / SAPPI FINLAND OPERATIONS / SAPPI MAASTRICHT REAL ESTATE / SAPPI STOCKSTADT)
(Test b'rilevanza għaż-ŻEE)
(2022/C 471/04)
Fl-1 ta’ Diċembru 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10956. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.12.2022 |
MT |
Il-Ġurnal Uffiċjali tal-Unjoni Ewropea |
C 471/5 |
Ebda oppożizzjoni għal konċentrazzjoni notifikata
(Il-Każ M.10929 — GENERALI REAL ESTATE / MUNICH RE / SAXON LAND)
(Test b'rilevanza għaż-ŻEE)
(2022/C 471/05)
Fil-5 ta’ Diċembru 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10929. Il-EUR-Lex hu l-aċċess fuq l-internet għal-liġi tal-Unjoni Ewropea. |
12.12.2022 |
MT |
Il-Ġurnal Uffiċjali tal-Unjoni Ewropea |
C 471/6 |
Ebda oppożizzjoni għal konċentrazzjoni notifikata
(Il-Każ M.10580 — SE AG / SEC / SEPG)
(Test b'rilevanza għaż-ŻEE)
(2022/C 471/06)
Fis-6 ta’ Diċembru 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10580. Il-EUR-Lex hu l-aċċess fuq l-internet għal-liġi tal-Unjoni Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
12.12.2022 |
MT |
Il-Ġurnal Uffiċjali tal-Unjoni Ewropea |
C 471/7 |
Rata tal-kambju tal-euro (1)
Id-9 ta' Diċembru 2022
(2022/C 471/07)
1 euro =
|
Munita |
Rata tal-kambju |
USD |
Dollaru Amerikan |
1,0559 |
JPY |
Yen Ġappuniż |
143,30 |
DKK |
Krona Daniża |
7,4379 |
GBP |
Lira Sterlina |
0,85950 |
SEK |
Krona Żvediża |
10,9188 |
CHF |
Frank Żvizzeru |
0,9856 |
ISK |
Krona Iżlandiża |
149,50 |
NOK |
Krona Norveġiża |
10,5345 |
BGN |
Lev Bulgaru |
1,9558 |
CZK |
Krona Ċeka |
24,293 |
HUF |
Forint Ungeriż |
417,53 |
PLN |
Zloty Pollakk |
4,6869 |
RON |
Leu Rumen |
4,9224 |
TRY |
Lira Turka |
19,6872 |
AUD |
Dollaru Awstraljan |
1,5553 |
CAD |
Dollaru Kanadiż |
1,4380 |
HKD |
Dollaru ta’ Hong Kong |
8,2169 |
NZD |
Dollaru tan-New Zealand |
1,6482 |
SGD |
Dollaru tas-Singapor |
1,4260 |
KRW |
Won tal-Korea t’Isfel |
1 373,94 |
ZAR |
Rand ta’ l-Afrika t’Isfel |
18,2358 |
CNY |
Yuan ren-min-bi Ċiniż |
7,3475 |
HRK |
Kuna Kroata |
7,5550 |
IDR |
Rupiah Indoneżjan |
16 453,46 |
MYR |
Ringgit Malażjan |
4,6512 |
PHP |
Peso Filippin |
58,470 |
RUB |
Rouble Russu |
|
THB |
Baht Tajlandiż |
36,656 |
BRL |
Real Brażiljan |
5,5457 |
MXN |
Peso Messikan |
20,8490 |
INR |
Rupi Indjan |
86,9535 |
(1) Sors: rata tal-kambju ta' referenza ppubblikata mill-Bank Ċentrali Ewropew.
12.12.2022 |
MT |
Il-Ġurnal Uffiċjali tal-Unjoni Ewropea |
C 471/8 |
DEĊIŻJONI TAL-KUMMISSJONI
tas-7 ta’ Diċembru 2022
li tistabbilixxi grupp ta’ esperti tal-Kummissjoni dwar is-saħħa pubblika u li tħassar id-Deċiżjoni tal-Kummissjoni li tistabbilixxi grupp ta’ esperti tal-Kummissjoni “Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni tal-Mard Mhux Komunikabbli”
(Test b'rilevanza għaż-ŻEE)
(2022/C 471/08)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Billi:
(1) |
F’konformità mal-Artikolu 168(1) tat-Trattat dwar il-Funzjonament tal-Unjoni Ewropea, l-azzjoni tal-Unjoni, li għandha tikkomplementa l-politiki nazzjonali, jenħtieġ li tindirizza t-titjib tas-saħħa pubblika, il-prevenzjoni tal-mard fiżiku u mentali, u l-evitar tas-sorsi ta’ periklu għas-saħħa fiżika u mentali. Skont l-Artikolu 168(2) tat-Trattat, l-Istati Membri, flimkien mal-Kummissjoni, huma meħtieġa jikkoordinaw bejniethom il-politiki u l-programmi tagħhom fl-oqsma msemmija fil-paragrafu 1 ta’ dak l-artikolu. Il-Kummissjoni tista’, f’kuntatt mill-qrib mal-Istati Membri, tieħu kwalunkwe inizjattiva utli biex tippromwovi din il-koordinazzjoni, b’mod partikolari inizjattivi li jimmiraw l-istabbiliment ta’ linji gwida u indikaturi u l-organizzazzjoni ta’ skambju tal-aħjar prattika. |
(2) |
L-esperjenza u r-riżultati miksuba permezz tal-grupp ta’ esperti tal-Kummissjoni “Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni tal-Mard Mhux Komunikabbli” wrew li l-koordinazzjoni fost l-Istati Membri tista’ tikkontribwixxi għat-tnaqqis tal-piż tal-mard mhux komunikabbli fl-Unjoni billi tikkondividi u timplimenta l-aħjar prattiki u ttejjeb il-koordinazzjoni tal-azzjoni. |
(3) |
F’dak il-grupp ta’ esperti, il-Kummissjoni ħadmet mill-qrib mal-Istati Membri biex tiżviluppa azzjonijiet u politiki li jistgħu jappoġġawhom fil-kisba tal-għanijiet ta’ żvilupp sostenibbli, u b’mod partikolari l-għan ta’ żvilupp sostenibbli 3 “Jiġu żgurati ħajjiet f’saħħithom u jiġi promoss il-benesseri għal kulħadd f’kull età”. Din il-ħidma hija f’konformità mal-Komunikazzjoni tal-Kummissjoni dwar il-passi li jmiss għal ġejjieni Ewropew sostenibbli – Azzjoni Ewropea għas-sostenibbiltà (1). L-Għanijiet ta’ Żvilupp Sostenibbli se jkomplu jipprovdu d-direzzjoni għal azzjonijiet dwar is-saħħa pubblika. |
(4) |
Sa mit-twaqqif ta’ dak il-grupp ta’ esperti, l-Unjoni ilha tiffaċċja sfidi oħra importanti għas-saħħa pubblika, bħal dawk relatati ma’ mard komunikabbli inkluż l-HIV/AIDS, it-tuberkulożi u l-epatite kif ukoll sfidi relatati li jikkonċernaw it-tilqim u r-reżistenza għall-antimikrobiċi. Għalhekk, hemm bżonn li l-koordinazzjoni ma tibqax limitata għall-promozzjoni tas-saħħa, il-prevenzjoni tal-mard u l-ġestjoni tal-mard li mhux komunikabbli, iżda jenħtieġ li tiġi estiża wkoll għal dawn l-isfidi ġodda importanti għas-saħħa pubblika. |
(5) |
Jenħtieġ li l-missjoni ta’ grupp ta’ esperti ġdid tikkomplementa l-ħidma tal-Kumitat għas-Sigurtà tas-Saħħa, stabbilit bid-Deċiżjoni 1082/2013/UE tal-Parlament Ewropew u tal-Kunsill (2), billi tappoġġa aktar l-iskambju u l-implimentazzjoni tal-aħjar prattiki. |
(6) |
Il-grupp ta’ esperti l-ġdid dwar is-saħħa pubblika se jaħdem fuq oqsma li ma jikkoinċidux mal-ħidma tal-Kumitat għas-Sigurtà tas-Saħħa, stabbilit bid-Deċiżjoni Nru 1082/2013/UE. Il-Kumitat għas-Sigurtà tas-Saħħa jaġixxi fuq it-tħejjija u r-rispons għall-kriżijiet filwaqt li l-grupp ta’ esperti l-ġdid dwar is-saħħa pubblika se jagħti pariri lill-Kummissjoni dwar l-iżvilupp tal-politika u t-trasferiment tal-aħjar prattiki relatati mal-isfidi ewlenin tas-saħħa pubblika, inkluż il-mard li mhux komunikabbli kif ukoll il-mard komunikabbli bħall-HIV/AIDS, it-tuberkulożi u l-epatite, it-tilqim u r-reżistenza għall-antimikrobiċi, sabiex tiġi promossa l-koordinazzjoni bejn l-Istati Membri. |
(7) |
Minħabba l-ambitu usa’ tal-attivitajiet li jmur lil hinn mill-grupp ta’ esperti attwali, li jiffoka biss fuq il-mard mhux komunikabbli, huwa meħtieġ li jitwaqqaf grupp ta’ esperti ġdid fil-qasam tas-saħħa pubblika u li jiġu definiti l-kompiti u l-istruttura tiegħu, f’konformità mad-Deċiżjoni tal-Kummissjoni C(2016) 3301 dwar l-istabbiliment ta’ regoli orizzontali dwar il-ħolqien u l-funzjoni tal-gruppi ta’ esperti tal-Kummissjoni. Jenħtieġ li l-ambitu ta’ dan il-grupp ta’ esperti jiġi estiż għal dawn l-isfidi tas-saħħa pubblika u mhux limitat għall-mard mhux komunikabbli biss. |
(8) |
Jenħtieġ li l-grupp ikun magħmul mill-awtoritajiet tal-Istati Membri. |
(9) |
Jenħtieġ li jiġu stabbiliti regoli dwar id-divulgazzjoni ta’ informazzjoni minn membri tal-grupp. |
(10) |
Jenħtieġ li d-data personali tiġi pproċessata f’konformità mar-Regolament (UE) 2016/679 tal-Parlament Ewropew u tal-Kunsill (3) (ir-Regolament Ġenerali dwar il-Protezzjoni tad-Data), li japplika għall-Istati Membri. |
(11) |
Jenħtieġ li d-Deċiżjoni tal-Kummissjoni li tistabbilixxi l-Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni tal-Mard Mhux Komunikabbli (4) titħassar u li dan il-grupp jiġi sostitwit mill-grupp il-ġdid stabbilit f’din id-deċiżjoni attwali, sabiex jiġu żviluppati azzjonijiet u inizjattivi, tiġi promossa l-koordinazzjoni bejn l-Istati Membri, jiġu indirizzati l-isfidi ewlenin tas-saħħa pubblika fl-Unjoni, bħal dawk relatati mal-mard komunikabbli inkluż l-HIV/AIDS, it-tuberkulożi u l-epatite kif ukoll l-isfidi relatati inkluż it-tilqim u r-reżistenza għall-antimikrobiċi u ma tkunx limitata għall-mard mhux komunikabbli biss. |
(12) |
Jixraq li jiġi ffissat perjodu għall-applikazzjoni ta’ din id-Deċiżjoni, li jenħtieġ li jkun ta’ 5 snin. Jenħtieġ li l-Kummissjoni tikkunsidra fi żmien debitu l-ħtieġa għal estensjoni tal-perjodu ta’ applikazzjoni, wara evalwazzjoni tal-funzjonijiet u r-riżultati tal-Grupp ta’ esperti dwar is-saħħa pubblika. |
IDDEĊIEDIET KIF ĠEJ:
Artikolu 1
Suġġett
Jitwaqqaf il-grupp ta’ esperti dwar is-saħħa pubblika (“il-grupp”).
Artikolu 2
Kompiti
Il-kompiti tal-grupp għandhom ikunu:
(a) |
li jassisti lill-Kummissjoni fit-tħejjija ta’ inizjattivi u attivitajiet ta’ politika u leġiżlattivi li jindirizzaw l-isfidi ewlenin tas-saħħa pubblika, inkluż il-mard mhux komunikabbli kif ukoll il-mard komunikabbli. |
(b) |
li jagħti pariri lill-Kummissjoni dwar it-teħid ta’ kwalunkwe inizjattiva utli mmirata lejn l-istabbiliment ta’ linji gwida u indikaturi, l-organizzazzjoni ta’ skambju tal-aħjar prattiki promettenti u innovattivi, u riżultati ta’ riċerka li jistgħu jiġu implimentati fil-qasam tas-saħħa pubblika u s-sistemi tas-saħħa għat-trasferiment bejn l-Istati Membri. |
(c) |
li jipprovdi pariri dwar politiki jew azzjonijiet rilevanti fil-qasam tal-mard komunikabbli, fuq talba tal-Kummissjoni. F’dan ir-rigward il-Kumitat għas-Sigurtà tas-Saħħa jista’ jindika lill-Kummissjoni oqsma fejn il-parir tal-grupp ta’ esperti huwa meħtieġ biex jippromwovi l-koordinazzjoni fost l-Istati Membri, biex jippromwovi l-iffissar tal-prijoritajiet u joħloq sinerġiji bejn l-oqsma ta’ politika rilevanti li għandhom impatt fuq is-saħħa pubblika; l-aġenziji rilevanti tal-UE jistgħu jintalbu wkoll jipprovdu pariri u informazzjoni fir-rigward tal-oqsma ta’ kompetenza tagħhom. |
Artikolu 3
Konsultazzjoni
Il-Kummissjoni tista’ tikkonsulta lill-grupp dwar kwalunkwe kwistjoni relatata mas-saħħa pubblika.
Artikolu 4
Sħubija
Il-membri tal-grupp għandhom ikunu magħmula mill-awtoritajiet tal-Istati Membri li għandhom jinnominaw rappreżentanti permanenti fil-grupp jew sottogrupp ta’ esperti jew jaħtru rappreżentanti fuq bażi apposta, skont l-aġenda tal-laqgħa tal-grupp. Huma għandhom ikunu responsabbli biex jiżguraw li r-rappreżentanti tagħhom jipprovdu livell għoli ta’ għarfien espert rilevanti għall-kompiti tal-grupp, jiġifieri fis-saħħa pubblika.
Artikolu 5
President
Il-grupp għandu jiġi presedut minn rappreżentant tad-Direttorat Ġenerali għas-Saħħa u s-Sikurezza Alimentari (SANTE).
Artikolu 6
Funzjonament
1. Il-grupp għandu jaġixxi fuq talba tad-DĠ SANTE, f’konformità mar-regoli orizzontali li jirregolaw il-ħolqien u l-funzjonament ta’ gruppi ta’ esperti u l-ħolqien ta’ reġistru pubbliku ta’ dawn il-gruppi (5).
2. Fil-prinċipju, il-laqgħat tal-grupp għandhom isiru f’bini tal-Kummissjoni jew virtwalment, skont iċ-ċirkostanzi.
3. Id-DĠ SANTE għandu jipprovdi s-servizzi segretarjali. Jistgħu jattendu l-laqgħat tal-grupp u tas-sottogruppi tiegħu uffiċjali tal-Kummissjoni minn dipartimenti oħrajn li jkollhom interess fil-proċedimenti.
4. Bi qbil mad-DĠ SANTE, b’maġġoranza sempliċi tal-membri tiegħu, il-grupp jista’ jiddeċiedi li d-deliberazzjonijiet għandhom ikunu pubbliċi.
5. Il-minuti tad-diskussjoni ta’ kull punt fuq l-aġenda u tal-opinjonijiet mogħtija mill-grupp għandhom ikunu siewja u sħaħ. Il-minuti għandhom jitħejjew mis-Segretarjat taħt ir-responsabbilità tal-President.
6. Sa fejn ikun possibbli, il-grupp għandu jadotta l-opinjonijiet, ir-rakkomandazzjonijiet jew ir-rapporti tiegħu b’kunsens. F’każ ta’ votazzjoni, l-eżitu tal-votazzjoni għandu jiġi deċiż b’maġġoranza sempliċi tal-membri. Il-membri li jkunu vvutaw kontra jew li jkunu astjenew għandhom id-dritt li jkollhom dokument li jiġbor fil-qosor ir-raġunijiet għall-pożizzjoni tagħhom mehmuż mal-opinjonijiet, ir-rakkomandazzjonijiet jew ir-rapporti.
Artikolu 7
Sottogruppi
1. Id-DĠ SANTE jista’ jistabbilixxi sottogruppi biex jeżaminaw kwistjonijiet speċifiċi abbażi ta’ termini ta’ referenza ddefiniti mid-DĠ SANTE. Is-sottogruppi għandhom jiffunzjonaw f’konformità mar-regoli orizzontali u għandhom jirrapportaw lura lill-grupp. Dawn għandhom jiġu xolti malli jintlaħaq l-għan tal-mandat tagħhom.
2. Is-sottogruppi dwar il-kanċer, il-mard mhux komunikabbli u ċ-ċentri tat-terapija tal-protoni li ġew stabbiliti taħt il-“Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni tal-Mard Mhux Komunikabbli” u li għadhom jiffunzjonaw fiż-żmien tad-dħul fis-seħħ ta’ din id-deċiżjoni, jenħtieġ li jkomplu bħala sottogruppi anke taħt il-“Grupp ta’ esperti dwar is-saħħa pubblika”.
Artikolu 8
Esperti mistiedna
Id-DĠ SANTE jista’ jistieden esperti minn DĠs u entitajiet oħra tal-UE kif ukoll esperti b’għarfien speċifiku dwar suġġett fuq l-aġenda biex jieħdu sehem fil-ħidma tal-grupp jew tas-sottogruppi fuq bażi apposta.
Artikolu 9
Osservaturi
1. L-entitajiet pubbliċi għajr awtoritajiet tal-Istati Membri jistgħu jingħataw status ta’ osservatur, f’konformità mar-regoli orizzontali tal-Kummissjoni, bi stedina diretta.
2. L-entitajiet pubbliċi maħtura bħala osservaturi għandhom jinnominaw ir-rappreżentanti tagħhom fil-grupp jew sottogrupp ta’ esperti rilevanti.
3. L-osservaturi u rappreżentanti tagħhom jistgħu jkunu awtorizzati mill-President biex jieħdu sehem fid-diskussjonijiet tal-grupp u tas-sottogruppi tiegħu u biex jipprovdu għarfien espert. Madankollu, ma għandux ikollhom id-dritt tal-vot u ma għandhomx jieħdu sehem fit-tfassil ta’ rakkomandazzjonijiet jew ta’ pariri tal-grupp.
Artikolu 10
Regoli ta’ proċedura
Fuq proposta mid-DĠ SANTE u bi qbil miegħu, il-grupp għandu jadotta r-regoli ta’ proċedura tiegħu b’maġġoranza sempliċi tal-membri tiegħu, abbażi tar-regoli proċedurali standard għall-gruppi ta’ esperti, f’konformità mar-regoli orizzontali. Is-sottogruppi għandhom jiffunzjonaw f’konformità mar-regoli ta’ proċedura tal-grupp.
Artikolu 11
Segretezza professjonali u trattament ta’ informazzjoni klassifikata
Il-Membri tal-grupp u r-rappreżentanti tagħhom kif ukoll l-esperti u l-osservaturi li jiġu mistiedna huma marbuta bl-obbligu tas-segretezza professjonali, li bis-saħħa tat-Trattati u r-regoli li jimplimentawhom japplikaw għall-membri kollha tal-istituzzjonijiet u l-persunal tagħhom. Huma marbuta wkoll bir-regoli tal-Kummissjoni dwar is-sigurtà fir-rigward tal-protezzjoni tal-informazzjoni klassifikata tal-Unjoni, stabbiliti fid-Deċiżjonijiet tal-Kummissjoni (UE, Euratom) 2015/443 (6) u 2015/444 (7). F’każ li dawn l-obbligi ma jiġux irrispettati, il-Kummissjoni tista’ tieħu l-miżuri xierqa kollha.
Artikolu 12
Trasparenza
1. Il-grupp u s-sottogruppi tiegħu għandhom jiġu rreġistrati fir-Reġistru tal-gruppi ta’ esperti tal-Kummissjoni u entitajiet oħra simili (“ir-Reġistru tal-gruppi ta’ esperti”).
2. Id-data li ġejja dwar il-kompożizzjoni tal-grupp u tas-sottogruppi tiegħu għandha tiġi ppubblikata fir-Reġistru tal-gruppi ta’ esperti:
(a) |
l-ismijiet tal-awtoritajiet tal-Istati Membri; |
(b) |
l-ismijiet ta’ entitajiet pubbliċi oħrajn; |
(c) |
l-isem tal-entità pubblika li lilha ngħata l-istatus ta’ osservatur |
3. Id-dokumenti rilevanti kollha, inklużi l-aġendi, il-minuti u s-sottomissjonijiet tal-parteċipanti, għandhom ikunu disponibbli permezz ta’ link mir-Reġistru tal-gruppi ta’ esperti għal sit web apposta fejn tinsab din l-informazzjoni. L-aċċess għal siti elettroniċi apposta ma għandux ikun sottomess għal reġistrazzjoni tal-utent jew għal restrizzjoni oħra. B’mod partikolari, l-aġenda u dokumenti oħra ta’ sfond rilevanti għandhom jiġu ppubblikati fi żmien xieraq qabel il-laqgħa, segwiti mill-pubblikazzjoni fil-ħin tal-minuti. L-eċċezzjonijiet (8) għall-pubblikazzjoni għandhom ikunu possibbli biss meta d-divulgazzjoni ta’ xi dokument iddgħajjef il-protezzjoni ta’ interess pubbliku jew privat kif iddefinit fl-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (9).
Artikolu 13
Spejjeż tal-laqgħat
1. Dawk li jieħdu sehem fl-attivitajiet tal-grupp u tass-sottogruppi ma għandhomx jitħallsu għas-servizzi li jagħtu.
2. L-ispejjeż tal-ivvjaġġar u tas-sussistenza mġarrba mill-parteċipanti fl-attivitajiet tal-grupp u tas-sottogruppi għandhom jiġu rimborżati mill-Kummissjoni. Ir-rimborż għandu jsir f’konformità mad-dispożizzjonijiet fis-seħħ fil-Kummissjoni u fil-limiti tal-baġit disponibbli allokat lid-dipartimenti tal-Kummissjoni skont il-proċedura annwali għall-allokazzjoni tar-riżorsi.
Artikolu 14
Tħassir
Id-Deċiżjoni tal-Kummissjoni (10) li twaqqaf il-grupp ta’ esperti tal-Kummissjoni “Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni ta’ Mard Mhux Komunikabbli” u li tħassar id-Deċiżjoni li tistabbilixxi grupp ta’ esperti tal-Kummissjoni dwar il-mard rari u d-Deċiżjoni li tistabbilixxi grupp ta’ esperti tal-Kummissjoni dwar il-Kontroll tal-Kanċer hija b’dan imħassra.
Artikolu 15
Applikabbiltà
Din id-Deċiżjoni għandha tapplika għal 5 snin mid-data tal-adozzjoni tagħha.
Magħmul fi Brussell, is-7 ta’ Diċembru 2022.
Għall-Kummissjoni
Stella KYRIAKIDES
Membru tal-Kummissjoni
(1) Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni - Il-passi li jmiss għal ġejjieni Ewropew sostenibbli Azzjoni Ewropea għas-sostenibbiltà (COM(2016) 739 final, 22 ta’ Novembru 2016).
(2) Id-Deċiżjoni Nru 1082/2013/UE tal-Parlament Ewropew u tal-Kunsill tat-22 ta’ Ottubru 2013 dwar theddid transkonfinali serju għas-saħħa u li tħassar id-Deċiżjoni Nru 2119/98/KE (ĠU L 293, 5.11.2013, p. 1).
(3) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).
(4) Id-Deċiżjoni tal-Kummissjoni tas-17 ta’ Lulju 2018 li twaqqaf il-grupp ta’ esperti tal-Kummissjoni “Grupp ta’ Tmexxija dwar il-Promozzjoni tas-Saħħa, il-Prevenzjoni tal-Mard u l-Ġestjoni ta’ Mard Mhux Komunikabbli” u li tħassar id-Deċiżjoni li tistabbilixxi grupp ta’ esperti tal-Kummissjoni dwar il-mard rari u d-Deċiżjoni li tistabbilixxi grupp ta’ esperti tal-Kummissjoni dwar il-Kontroll tal-Kanċer (ĠU C 251, 18.7.2018, p. 9).
(5) Id-Deċiżjoni tal-Kummissjoni C(2016) 3301.
(6) Id-Deċiżjoni tal-Kummissjoni (UE, Euratom) 2015/443 tat-13 ta’ Marzu 2015 dwar is-Sigurtà fil-Kummissjoni (ĠU L 72, 17.3.2015, p. 41).
(7) Id-Deċiżjoni tal-Kummissjoni (UE, Euratom) 2015/444 tat-13 ta’ Marzu 2015 dwar ir-regoli tas-Sigurtà għall-protezzjoni ta’ informazzjoni klassifikata tal-UE (ĠU L 72, 17.3.2015, p. 53).
(8) Dawn l-eċċezzjonijiet huma maħsuba biex jipproteġu s-sigurtà pubblika, l-affarijiet militari, ir-relazzjonijiet internazzjonali, il-politika finanzjarja, monetarja jew ekonomika, il-privatezza u l-integrità tal-individwu, l-interessi kummerċjali, il-proċedimenti tal-qorti u l-konsulenza ġuridika, l-ispezzjonijiet/l-investigazzjonijiet/l-awditi u l-proċess tat-teħid ta’ deċiżjonijiet tal-istituzzjoni.
(9) Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43).
(10) Id-Deċiżjoni tal-Kummissjoni C(2018) 4492.
Il-Qorti tal-Awdituri
12.12.2022 |
MT |
Il-Ġurnal Uffiċjali tal-Unjoni Ewropea |
C 471/14 |
Rapport Speċjali 25/2022 “Verifikazzjoni tal-Introjtu Nazzjonali Gross għall-finanzjament tal-baġit tal-UE”
(2022/C 471/09)
Il-Qorti Ewropea tal-Awdituri ppubblikat ir-Rapport Speċjali 25/2022 tagħha: “Verifikazzjoni tal-Introjtu Nazzjonali Gross għall-finanzjament tal-baġit tal-UE - ir-riskji fil-kumpilazzjoni tad-data jiġu koperti sew b’mod ġenerali, iżda hemm lok għal prijoritizzazzjoni akbar tal-azzjonijiet”.
Ir-rapport jista’ jiġi kkonsultat direttament jew imniżżel minn fuq is-sit web tal-Qorti Ewropea tal-Awdituri: https://www.eca.europa.eu/mt/Pages/DocItem.aspx?did=62634
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
12.12.2022 |
MT |
Il-Ġurnal Uffiċjali tal-Unjoni Ewropea |
C 471/15 |
Avviż minn qabel ta’ konċentrazzjoni
(Il-Każ M.10937 - EDF DEUTSCHLAND / HAZWEI / HYPION MOTION NEUMÜNSTER JV)
Każ kandidat għal proċedura simplifikata
(Test b'rilevanza għaż-ŻEE)
(2022/C 471/10)
1.
Fit-2 ta’ Diċembru 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
EDF Deutschland GmbH (“EDF Deutschland”, il-Ġermanja), parti minn EDF Group (“EDF”, Franza), |
— |
HAzwei 3. Beteiligungsgesellschaft mbH (“HAzwei”, il-Ġermanja), parti minn E.ON Group (“E.ON”, il-Ġermanja), |
— |
Hypion Motion Neumünster GmbH & Co. KG, kumpanija maħluqa ġdida (“il-JV fil-Mira”, il-Ġermanja). |
EDF Deutschland u HAzwei se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab tal-JV fil-Mira.
Il-konċentrazzjoni titwettaq permezz ta’ xiri ta’ ishma f’kumpanija maħluqa ġdida li tikkostitwixxi f’impriża bi sħab (joint venture, JV).
2.
L-attivitajiet kummerċjali tal-impriżi kkonċernati huma:
— |
HAzwei għandha interessi azzjonisti għall-kumpanija prinċipali tagħha HAzwei GmbH, b’din tal-aħħar tkun attiva fl-iżvilupp ta’ proġetti li jikkonċernaw il-produzzjoni u d-distribuzzjoni tal-idroġenu. L-attivitajiet ta’ E.ON huma ġeneralment iffukati fuq żewġ oqsma ewlenin tan-negozju: (i) networks tal-enerġija u (ii) soluzzjonijiet għall-klijenti (inklużi l-provvista tal-elettriċità u tal-gass lill-konsumaturi, |
— |
EDF hija prinċipalment attiva fi Franza u barra minnha fis-swieq tal-elettriċità, u, b’mod partikolari, fil-produzzjoni tal-elettriċità u l-provvista bl-ingrossa, il-kummerċ, it-trażmissjoni, id-distribuzzjoni u l-provvista lill-konsumaturi. Sa ċertu punt, EDF Group huwa wkoll attiv fil-provvista bl-ingrossa tal-gass u fil-provvista tas-servizzi tal-enerġija. |
3.
L-attivitajiet kummerċjali tal-JV fil-Mira se jkunu x-xiri tal-idroġenu u l-bejgħ tiegħu permezz ta’ stazzjon tar-riforniment tal-idroġenu li jinsab f’Neumünster, fit-Tramuntana tal-Ġermanja.
4.
Wara analiżi preliminari, il-Kummissjoni tqis li t-tranżazzjoni notifikata tista’ taqa’ fl-ambitu tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti għandhom jaslu għand il-Kummissjoni mhux aktar tard minn għaxart jum wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10937 - EDF DEUTSCHLAND / HAZWEI / HYPION MOTION NEUMÜNSTER JV
Il-kummenti jistgħu jintbagħtu lill-Kummissjoni permezz tal-email, permezz tal-faks, jew permezz tal-posta. Uża d-dettalji ta’ kuntatt hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ATTI OĦRAJN
Il-Kummissjoni Ewropea
12.12.2022 |
MT |
Il-Ġurnal Uffiċjali tal-Unjoni Ewropea |
C 471/17 |
Pubblikazzjoni ta’ komunikazzjoni ta’ approvazzjoni ta’ emenda standard għall-Ispeċifikazzjoni tal-Prodott għal isem fis-settur tal-inbid kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33
(2022/C 471/11)
Din il-komunikazzjoni hija ppubblikata f’konformità mal-Artikolu 17(5) tar-Regolament Delegat tal-Kummissjoni (UE) 2019/33 (1)
KOMUNIKAZZJONI TAL-APPROVAZZJONI TA’ EMENDA STANDARD
“Colinele Dobrogei”
PGI-RO-A0612-AM03
Data tal-komunikazzjoni: 28.9.2022
DESKRIZZJONI TAL-EMENDA APPROVATA U R-RAĠUNIJIET GĦALIHA
1. Emenda taż-żona ġeografika tal-produzzjoni bl-inklużjoni ta’ lokalitajiet ġodda
Nitolbu li ż-żona demarkata għall-produzzjoni tal-inbejjed bl-IĠP Colinele Dobrogei tiġi aġġornata bl-inklużjoni tal-komun ta’ Baia, li jikkonsisti mir-raħal ta’ Baia, fil-kontea ta’ Tulcea.
Baia tinsab fix-Xlokk tal-kontea ta’ Tulcea, u tmiss mal-komuni ta’ Stejaru fit-Tramuntana, Beidaud fil-Lbiċ, u Ceamurlia de Jos fil-Lvant u mal-kontea ta’ Constanța fin-Nofsinhar. Baia tinsab 57 km ’il bogħod minn Tulcea, is-sede tal-kontea, u 20 km minn Babadag, li hija parti miż-żona tal-produzzjoni demarkata għall-IĠP.
Il-komun/ir-raħal ta’ Baia jgawdi kundizzjonijiet ekopedoklimatiċi simili għal dawk taż-żona tal-IĠP Colinele Dobrogei minħabba l-pożizzjoni tiegħu fiż-żona amministrattiva u l-viċinanza immedjata tiegħu ma’ bliet u rħula koperti mill-indikazzjoni ġeografika li minnha bħalissa huma prodotti l-inbejjed ta’ kwalità.
Il-kundizzjonijiet klimatiċi f’Baia, bir-radjazzjoni solari u l-enerġija tad-dawl għas-sinteżi ta’ sustanzi organiċi, jirriżultaw f’konċentrazzjoni għolja ta’ zokkrijiet fl-għeneb u għalhekk fil-most. Dan iwassal għal inbejjed b’palat sħiħ u b’sensazzjoni żejtnija fil-palat iżda fl-istess ħin friski, ta’ kulur minn isfar lewn it-tiben għal isfar bi sfumaturi ħadranin, aromi ta’ fjuri (sebuqa, akaċja) u frott (frott eżotiku), b’aroma kumplessa u karatteristiċi organolettiċi simili għal dawk tal-inbejjed bla gass bl-indikazzjoni ġeografika Colinele Dobrogei.
Il-Kapitolu III tal-Ispeċifikazzjoni tal-Prodott u l-punt 6 tad-Dokument Uniku huma emendati.
2. Iż-żieda tal-prattiki teknoloġiċi għall-produzzjoni ta’ ċerti tipi ta’ nbid
Ċerti rekwiżiti relatati ma’ prattiki teknoloġiċi (proċessi) li jwasslu għall-vinifikazzjoni ta’ nbejjed bojod minn għeneb aħmar, ta’ nbejjed rożè bla gass minn għeneb abjad u ta’ nbejjed oranġjo bla gass minn għeneb abjad (proċess ta’ maċerazzjoni fuq il-qxur tal-most tal-għeneb abjad) żdiedu mal-Ispeċifikazzjoni tal-Prodott.
Xejriet ġodda fil-konsum u preferenza għal tipi ta’ nbid rożè li jużaw diversi prattiki teknoloġiċi qed iwasslu għal interess f’dawn it-tipi ta’ nbid bla gass.
Il-Kapitolu X tal-Ispeċifikazzjoni tal-Prodott u l-punt 5.1 tad-Dokument Uniku huma emendati.
3. L-introduzzjoni ta’ varjetajiet ġodda ta’ għeneb tal-inbid, bħala l-varjetajiet prinċipali tal-produzzjoni
L-Ispeċifikazzjoni tal-Prodott ġiet issupplimentata b’varjetajiet ġodda ta’ għeneb tal-inbid li għandhom jitħallew fil-produzzjoni tal-inbejjed, jiġifieri Crâmpoșie selecționată, Busuioacă de Bohotin u Băbească gri.
Crâmpoșie selecționată – varjetà ta’ għeneb mir-Rumanija kkultivata fiż-żona ta’ Dobrogea.
Iż-żona tal-IĠP Colinele Dobrogei, adattata għal ħsad tardiv, tippermetti li varjetajiet ta’ għeneb b’qoxra ħoxna bħall-Crâmpoșie selecționata jsiru għalkollox sabiex jiġu prodotti nbejjed b’togħma ta’ frott u bbilanċjati, b’riħa friska, fwieħa friska u noti tat-togħma tal-frott (lanġas, tuffieħ aħdar) u kultant tal-fjuri, b’togħma li ddum fil-ħalq, ħjiel taċ-ċitru u mineralità. F’termini viżwali, il-kulur tal-inbid jista’ jkun isfar bi tleqqija kristallina u sfumaturi ħadranin diskreti.
L-għeneb tal-Busuioacă de Bohotin għandu tendenza li jakkumula kwantitajiet kbar ta’ zokkrijiet li jiffavorixxu ż-żieda kwalitattiva tal-kontenut ta’ aroma speċifiku għall-varjetà Busuioacă. L-iżvilupp tal-inbid iwassal għal rożè qawwi, bi sfumaturi tal-ward, aromi tal-frawli, frawli tal-foresti, u togħma ta’ frott qawwija b’aċidità medja.
Băbească gri – varjetà ta’ għeneb mir-Rumanija li, meta ssir inbid, hija kkaratterizzata minn noti ta’ fjuri u frott friski, tuffieħ aħdar, ħjiel żgħir ta’ għasel tal-akaċja u xehda. L-inbid jista’ jkollu ħjiel ta’ abjad jagħti fl-isfar, isfar ħadrani jew rożè wara maċerazzjoni qasira tal-għeneb.
Il-Kapitolu IV tal-Ispeċifikazzjoni tal-Prodott u l-punti 4 u 7 tad-Dokument Uniku huma emendati.
DOKUMENT UNIKU
1. Isem/ismijiet għar-reġistrazzjoni
Colinele Dobrogei
2. Tip ta’ indikazzjoni ġeografika:
IĠP - Indikazzjoni Ġeografika Protetta
3. Kategoriji tal-prodotti tad-dwieli
1. |
Inbid |
4. Deskrizzjoni tal-inbid/inbejjed
—
1. Inbejjed bojod u rożé
DESKRIZZJONI QASIRA
Inbejjed bojod u rożé
Kulur: isfar jagħti fl-aħdar, kultant kważi dehbi, isfar lewn it-tiben, roża ċar/medju lewn is-salamun. Riħa u togħma: aroma ta’ ħuxlief li jkun għadu kif inqata’, fjuri tal-akaċja, fwieħet l-inbid bi ħjiel ta’ lewż ħelu; akkumulazzjoni tajba ta’ zokkrijiet tagħti lill-inbejjed palat qawwi u mimli, b’noti ta’ ħawħ, berquq u mango; togħma bbilanċjata mingħajr ma jispikka l-palat qawwi; l-inbejjed għandhom riħa b’noti ta’ fjuri tal-mergħat, għasel, toast, ward, bi ħjiel żgħir ta’ ċitru tipiku fil-varjetajiet aromatiċi u noti dejjiema ta’ xehda fl-inbejjed imqaddmin (b’varjetajiet aromatiċi).
Karatteristiċi analitiċi |
|
Qawwa alkoħolika totali massima (f’% tal-volum) |
15,00 |
Qawwa alkoħolika proprja minima (f’% tal-volum) |
10,00 |
Aċidità totali minima |
3,5 grammi għal kull litru espressa bħala aċidu tartariku |
Aċidità volatili massima (f’milliekwivalenti għal kull litru) |
18 |
Total massimu ta’ diossidu tal-kubrit (f’milligrammi għal kull litru) |
200 |
2. Inbejjed ħomor
DESKRIZZJONI QASIRA
Inbejjed ħomor
Kulur: Aħmar lewn ir-rubin, aħmar lewn il-granata, aħmar jagħti fil-vjola, aħmar skur. Riħa u togħma: l-akkumulazzjoni ta’ intensità tal-kulur tagħti aromi friski ta’ frott tal-foresta, ħjiel ta’ pruna, sensazzjoni bellusija fil-ħalq u żejtnija, aromi ta’ lampun, ribes aħmar, cranberry, ċirasa qarsa, imsiemer tal-qronfol, tut tal-għollieq u tut iżraq friski; l-inbejjed għandhom struttura u karattru tanniċi, bi fwieħet l-inbid żviluppata ta’ tut iżraq u msiemer tal-qronfol, b’noti ta’ bżar/taħwir, vanilla bi tqaddim għal żmien qasir, ċirasa sewda, u aċidità ottima; huma adattati għat-tqaddim fi btieti tal-ballut.
Karatteristiċi analitiċi |
|
Qawwa alkoħolika totali massima (f’% tal-volum) |
15,00 |
Qawwa alkoħolika proprja minima (f’% tal-volum) |
10,00 |
Aċidità totali minima |
3,5 grammi għal kull litru espressa bħala aċidu tartariku |
Aċidità volatili massima (f’milliekwivalenti għal kull litru) |
20 |
Total massimu ta’ diossidu tal-kubrit (f’milligrammi għal kull litru) |
150 |
5. Prattiki tal-produzzjoni tal-inbid
5.1. Prattiki enoloġiċi speċifiċi
1. |
Produzzjoni barra miż-żona demarkata Restrizzjoni rilevanti fuq il-produzzjoni tal-inbejjed L-inbejjed tal-IĠP Colinele Dobrogei jistgħu jiġu prodotti wkoll fiż-żona qrib iż-żona demarkata, fl-istess unità amministrattiva, f’unità amministrattiva li tmiss magħha jew f’żoni li jmissu magħha li għandhom indikazzjonijiet ġeografiċi. L-Uffiċċju Nazzjonali tad-Dwieli u l-Inbid (ONVPV) għandu jiġi nnotifikat 48 siegħa qabel isir użu minn din id-deroga. |
2. |
Prattika tal-produzzjoni Prattika enoloġika speċifika It-taħlit huwa permess. Dan irid isir f’konformità mal-leġiżlazzjoni attwali. |
3. |
Prattika tal-produzzjoni tal-inbid Prattika enoloġika speċifika L-inbejjed rożè jistgħu jsiru wkoll mill-varjetajiet tal-għeneb użati għall-produzzjoni tal-inbid aħmar, bl-użu tat-teknika tal-maċerazzjoni qasira u l-preservazzjoni tal-karatteristiċi tal-varjetà jew tal-varjetajiet użati biex isiru l-inbejjed ħomor. |
4. |
Prattika tal-produzzjoni tal-inbid Prattika enoloġika speċifika Produzzjoni ta’ nbejjed bojod minn varjetajiet ħomor Ħafna produtturi beħsiebhom jintroduċu teknoloġiji biex jisfruttaw il-potenzjal aromatiku ta’ varjetajiet bħall-produzzjoni ta’ nbejjed bojod minn għeneb aħmar, tip imsejjaħ “blanc de noirs”. Dan il-metodu ta’ produzzjoni ta’ nbejjed bojod minn għeneb aħmar jisfrutta l-potenzjal tal-varjetajiet, u jirriżulta fi nbejjed ħfief u robusti kkaratterizzati minn togħma veġetali ħafifa, iddominata minn aromi sottili ta’ tut, lajm, grapefruit u għanbaqar isfar. L-aċidità żżid il-freskezza tal-inbid. L-inbid rożè bla gass minn għeneb abjad – l-għeneb tal-varjetajiet Pinot Gris, Băbească Gri jew Traminer Roz għandu qxur bi sfumaturi vjola, griż jagħti fil-vjola u blu jagħti fil-griż għal Pinot Gris u Băbească Gri, u roża jagħti f’lewn il-perla u roża jagħti fil-griż għal Traminer Roz. Dawn irendu nbejjed bla gass ta’ kulur abjad jagħti fl-isfar, minn isfar lewn it-tiben għal roża. Skont l-għażla tal-produttur tal-inbid, jistgħu jiġu prodotti kemm inbejjed bojod bla gass kif ukoll inbejjed rożè, b’dawn tal-aħħar jinkisbu bil-maċerazzjoni. Inbid oranġjo bla gass minn għeneb abjad It-teknoloġija biex jiġi prodott dan l-inbid tinvolvi proċess ta’ maċerazzjoni fuq il-qoxra tal-most tal-għeneb abjad, bil-perjodu ta’ maċerazzjoni jiddependi fuq kemm hu skur il-kulur li l-vinifikatur jixtieq li jkollu l-inbid finali. Kulur: isfar jagħti fl-ambra/ambra, bi struttura kumplessa u fwieħa aromatika ta’ fjuri tal-lajm, għasel, qoxra tal-larinġ u frott imqadded. Togħma: għanja, robusta b’komponent aċiduż qawwi ħafna aċċentwat minn mineralità qawwija. |
5.2. Rendimenti massimi
1. |
L-għeneb Petit Verdot, Sangiovese 14 000 kilogramma għeneb għal kull ettaru |
2. |
L-għeneb Viognier 14 500 kilogramma għeneb għal kull ettaru |
3. |
L-għeneb Negru de Drăgășani, Crâmpoșie selecționată, Băbească gri 15 000 kilogramma għeneb għal kull ettaru |
4. |
L-għeneb Cabernet Sauvignon, Malbec, Mourvèdre 15 400 kilogramma għeneb għal kull ettaru |
5. |
L-għeneb Busuioacă de Bohotin 16 000 kilogramma għeneb għal kull ettaru |
6. |
L-għeneb Chardonnay, Pinot Gris 16 300 kilogramma għeneb għal kull ettaru |
7. |
L-għeneb Semillon 16 600 kilogramma għeneb għal kull ettaru |
8. |
L-għeneb Muscat Ottonel, Pinot Noir, Syrah, Burgund mare, Băbească Neagră 17 100 kilogramma għeneb għal kull ettaru |
9. |
L-għeneb Sauvignon, Riesling italian, Riesling de Rhin, Merlot, Fetească Neagră, Fetească Regală, Fetească Albă, Tămâioasă Românească 18 000 kilogramma għeneb għal kull ettaru |
10. |
L-għeneb Traminer aromat, Traminer roz, Crâmpoșie, Columna, Aligoté, Iordană, Aromat de Iași, Rkațiteli 18 000 kilogramma għeneb għal kull ettaru |
11. |
L-għeneb Saint Emilion, Novac, Mamaia, Cristina, Alicante Bouschet 18 000 kilogramma għeneb għal kull ettaru |
12. |
Petit Verdot, Sangiovese 105 ettolitri għal kull ettaru |
13. |
Viognier 109 ettolitri għal kull ettaru |
14. |
Negru de Drăgășani, Crâmpoșie selecționată, Băbească gri 112-il ettolitru għal kull ettaru |
15. |
Cabernet Sauvignon, Malbec, Mourvèdre 115-il ettolitru għal kull ettaru |
16. |
Busuioaca de Bohotin 120 ettolitru għal kull ettaru |
17. |
Chardonnay, Pinot Gris 122 ettolitru għal kull ettaru |
18. |
Semillon 124 ettolitru għal kull ettaru |
19. |
Muscat Ottonel, Pinot Noir, Syrah, Burgund mare, Băbească Neagră 128 ettolitru għal kull ettaru |
20. |
Sauvignon, Riesling Italian, Riesling de Rhin, Merlot, Fetească Neagră, Fetească Regală, Fetească Albă, Tămâioasă Românească 135 ettolitru għal kull ettaru |
21. |
Traminer roz, Traminer aromat, Crâmpoşie, Columna, Aligoté, Iordană, Aromat de Iaşi, Rkaţiteli 135 ettolitru għal kull ettaru |
22. |
Saint Emilion, Novac, Mamaia, Cristina, Alicante Bouschet 135 ettolitru għal kull ettaru |
6. Definizzjoni taż-żona demarkata
Il-kontea ta’ Constanța
Il-belt ta’ Murfatlar – Murfatlar, Siminoc;
Il-komun ta’ Valu lui Traian – ir-raħal ta’ Valu lui Traian;
Il-komun ta’ Poarta Albă – l-irħula ta’ Poarta Albă u Nazarcea;
Il-belt ta’ Ovidiu – il-komun ta’ Ovidiu, ir-raħal ta’ Poiana;
Il-komun ta’ Ciocârlia – ir-raħal ta’ Ciocârlia;
Il-belt ta’ Medgidia – Medgidia, Remus Opreanu, Valea Dacilor;
Il-komun ta’ Castelu – l-irħula ta’ Castelu, Cuza Vodă, Nisipari;
Il-komun ta’ Siliştea – ir-raħal ta’ Siliştea;
Il-komun ta’ Tortoman – ir-raħal ta’ Tortoman;
Il-komun ta’ Peştera – l-irħula ta’ Peştera, Ivrinezu Mic;
Il-komun ta’ Mircea Voda – l-irħula ta’ Mircea Voda, Satu Nou, Ţibrinu, Saligny, Stefan cel Mare, Gherghina;
Il-komun ta’ Adamclisi – l-irħula ta’ Adamclisi, Abrud, Haţeg, Urluia, Zorile;
Ir-raħal ta’ Cernavodă – il-komun ta’ Cernavodă;
Il-komun ta’ Seimeni – ir-raħal ta’ Seimeni, Seimenii Mici;
Il-komun ta’ Rasova – l-irħula ta’ Rasova, Cochirleni;
Il-komun ta’ Mihai Viteazu – l-irħula ta’ Mihai Viteazu, Sinoie;
Il-komun ta’ Istria – l-irħula ta’ Istria, Nuntaşi;
Il-komun ta’ Cogealac – l-irħula ta’ Cogealac, Tariverde, Fântânele;
Il-belt ta’ Mangalia;
Il-belt ta’ Hârşova;
Il-komun ta’ Chirnogeni – ir-raħal ta’ Chirnogeni;
Il-komun tat-23 ta’ Awwissu – ir-raħal tat-23 ta’ Awwissu;
Il-komun ta’ Horia – l-irħula ta’ Horia, Tichileşti;
Il-komun ta’ Crucea – ir-raħal ta’ Crucea;
Il-komun ta’ Topalu – ir-raħal ta’ Topalu;
Il-komun ta’ Ciobanu – ir-raħal ta’ Ciobanu;
Il-komun ta’ Gârliciu – ir-raħal ta’ Gârliciu;
Il-komun ta’ Saraiu – ir-raħal ta’ Saraiu;
Il-komun ta’ Cobadin – ir-raħal ta’ Viişoara;
Il-kontea ta’ Tulcea
Il-belt ta’ Babadag;
Il-komun ta’ Sarichioi – l-irħula ta’ Enisala, Visterna, Zebil, Sabangia;
Il-komun ta’ Valea Nucarilor – l-irħula ta’ Valea Nucarilor, Agighiol, Iazurile;
Il-belt ta’ Tulcea;
Il-komun ta’ Ostrov – l-irħula ta’ Ostrov, Piatra;
Il-komun ta’ Somova – l-irħula ta’ Somova, Mineri, Parcheş;
Il-komun ta’ Niculițel – ir-raħal ta’ Niculițel;
Il-komun ta’ Izvoarele – l-irħula ta’ Izvoarele, Alba;
Il-komun ta’ Valea Teilor – ir-raħal ta’ Valea Teilor;
Il-komun ta’ Frecăţei – l-irħula ta’ Teliţa, Poşta;
Il-belt ta’ Isacea;
Il-komun ta’ Luncaviţa – ir-raħal ta’ Luncaviţa;
Il-komun ta’ Văcăreni – ir-raħal ta’ Văcăreni;
Il-komun ta’ Jijila – ir-raħal ta’ Jijila;
Il-belt ta’ Măcin;
Il-komun ta’ Greci – ir-raħal ta’ Greci;
Il-komun ta’ Cerna – ir-raħal ta’ Cerna;
Il-komun ta’ Carcaliu – ir-raħal ta’ Carcaliu;
Il-komun ta’ Baia – ir-raħal ta’ Baia.
7. Varjetà jew varjetajiet tad-dwieli li minnhom jinkiseb l-inbid/jinkisbu l-inbejjed
Alicante Bouschet N - Alicante Henri Bouschet
Aligoté B - Plant de trois, Plant gris, Vert blanc, Troyen blanc
Aromat de Iași B
Burgund Mare N - Grosser burgunder, Grossburgunder, Blaufrankisch, Kekfrankos, Frankovka, Limberger
Busuioacă de Bohotin Rs - Schwarzer Muscat, Muscat fioletovâi, Muscat violet cyperus, Tămâioasă violetă
Babeasca gri G
Băbească neagră N - Grossmuttertraube, Hexentraube, Crăcana, Rară neagră, Căldărușă, Serecsia
Cabernet Sauvignon N - Petit Vidure, Burdeos tinto
Chardonnay B - Gentil blanc, Pinot blanc Chardonnay
Columna B
Cristina N
Crâmpoșie B
Crâmpoşie selecţionată B
Fetească albă B - Păsărească albă, Poama fetei, Mädchentraube, Leanyka, Leanka
Fetească neagră N - Schwarze Mädchentraube, Poama fetei neagră, Păsărească neagră, Coada rândunicii
Fetească regală B - Königliche Mädchentraube, Königsast, Kiralyleanka, Dănășană, Galbenă de Ardeal
Iordană B - Iordovană, Iordan
Malbec N - Cotes rouges, Pied de Perdrix, Plant d’Arles
Mamaia N
Merlot N - Bigney rouge
Mourvedre N
Muscat Ottonel B - Muscat Ottonel blanc
Negru de Drăgășani N
Novac N
Petit Verdot N
Pinot Gris G - Affumé, Grauer Burgunder, Grauburgunder, Grauer Mönch, Pinot cendré, Pinot Grigio, Ruländer
Pinot noir N - Blauer Spätburgunder, Burgund mic, Burgunder roter, Klăvner Morillon Noir
Riesling de Rhin B - Weisser Riesling, White Riesling
Riesling italian B - Olasz Riesling, Olaszriesling, Welschriesling
Rkatiteli B - Dedali Rkatiteli, Korolioc Rkatiteli
Saint Emilion B - Trebbiano Toscano, Ugni blanc
Sangiovese N - Brunello di Montalcino, Morellino
Sauvignon B - Sauvignon verde
Syrah N - Shiraz, Petit Syrah
Semillon B - Semillon blanc
Traminer Rose Rs - Rosetraminer, Savagnin Rose, Gewürztraminer
Traminer aromat alb B
Tămâioasă românească B - Rumänische Weihrauchtraube, Tamianka
Viognier B - Petit Vionnier, Viogne, Galopine, Vugava bijela
8. Deskrizzjoni tar-rabta/rabtiet
8.1. Dettalji taż-żona ġeografika
Iż-żona hija t-territorju ta’ Dobrogea fix-Xlokk tar-Rumanija, demarkat mill-partijiet t’isfel tad-Danubju (fil-Punent u t-Tramuntana), il-Baħar l-Iswed (fil-Lvant) u l-fruntiera Bulgara (fin-Nofsinhar). Hija kkaratterizzata minn predominanza ta’ riżalti tat-tip qortin b’sottostrat tal-loess, u kundizzjonijiet ekoloġiċi, tal-ħamrija u klimatiċi kklassifikati fil-kategoriji ta’ steppa u foresta-steppa. Kull wieħed minn dawn il-komponenti jgħin joħloq ambjent ekoloġiku li huwa tajjeb għat-tkabbir tad-dwieli.
Il-biċċa l-kbira tad-dwieli jinsabu fuq sottostrat ġeoloġiku tal-loess (ħxuna ta’ 3-40 m), li parzjalment jgħatti blat iebes u antik (pre-Paleożojku, Paleożojku, Mesożojku u Terzjarju), awtoktonu jew spustat.
It-Tramuntana ta’ Dobrogea hija prinċipalment muntanjuża (artijiet elevati b’depressjonijiet bil-kenn, li jvarjaw bejn 100 m u 467 m ’l fuq mil-livell tal-baħar), filwaqt li n-Nofsinhar ta’ Dobrogea huwa kkaratterizzat minn pajsaġġ ta’ qortin strutturali ċatt (inqas minn 200-300 m). Dawn iż-żewġ pajsaġġi huma sseparati mill-qortin iffurmat mill-erożjoni li ħafna minnu huwa għoljiet tad-Dobrogea ċentrali (250-350 m).
Dan huwa r-reġjun tar-Rumanija fejn ix-xita u l-ilma tal-pjan huma l-aktar skarsi: id-disponibbiltà hija irregolari, u l-ilma spiss ikun aktar mineralizzat. Jintużaw is-sekwestru, il-ħsad u l-irrigazzjoni biex din is-sitwazzjoni tiġi mmitigata.
Il-klima tipikament kontinentali hija parzjalment moderata mill-prossimità tal-Baħar l-Iswed u l-Imraġ u d-Delta tad-Danubju. It-temperatura medja annwali hija ta’ madwar 11 °C b’medda tat-temperatura ta’ aktar minn 25 °C bejn il-valuri medji għal Jannar u Lulju, u aktar minn 75 °C f’termini ta’ estremi assoluti fuq diversi snin. L-ammont medju annwali ta’ xita spiss ikun inqas minn 400 mm. Il-benefiċċji taż-żona huma kundizzjonijiet termali tajbin: hija waħda mir-reġjuni l-aktar sħan tar-Rumanija (b’radjazzjoni solari ta’ aktar minn 120-125 kalorija għal kull ċentimetru kwadru, tul ta’ ħin ta’ xemx ta’ aktar minn 2 200 siegħa u temperaturi pożittivi medji ta’ kuljum li jammontaw għal 4 000-4 200 °C tul is-sena), li tiżgura li l-għeneb jista’ jsir u saħansitra anke jsir iżżejjed.
Il-ħamrija żonali hija bil-wisq il-kategorija ta’ ħamrija dominanti fiż-żoni vinikoli: mollisoli tal-isteppa (kastanozems u chernozems) u mollisoli tal-foresta-steppa (chernozems tal-kalċju u, aktar rari, chernozems taflin illuvjali, rendzina u greyzems), il-biċċa l-kbira tagħhom iffurmati fuq sottostrat tal-loess.
8.2. Dettalji tal-prodotti
L-inbejjed tal-IĠP Colinele Dobrogei jistgħu jkunu bojod, ħomor jew rożè.
L-inbejjed bojod u rożè għandhom dehra limpida, u lewn minn isfar jagħti fl-aħdar sa isfar dehbi, jew roża ċar jew medju lewn is-salamun, b’togħma bellusija.
F’termini ta’ riħa u togħma, il-maġġoranza tan-noti huma ta’ fjuri. L-inbejjed għandhom akkumulazzjoni tajba ta’ zokkrijiet u huma bbilanċjati, b’noti ta’ għasel, ward, frott taċ-ċitru f’varjetajiet aromatiċi u kultant ta’ xehda f’inbejjed imqaddmin magħmulin bl-użu ta’ varjetajiet aromatiċi.
L-inbejjed ħomor għandhom sensazzjoni bellusija fil-ħalq u huma ta’ lewn aħmar lewn ir-rubin, aħmar lewn il-granata, aħmar jagħti fil-vjola skur jew aħmar skur.
Ir-riħa u t-togħma għandhom aromi friski ta’ frott tal-foresti misjur sew, bi ħjiel ta’ pruna, sensazzjoni bellusija fil-ħalq u żejtnija, flimkien ma’ aromi ta’ lampun, ribes aħmar, cranberry, tut tal-għollieq u tut iżraq friski. L-inbejjed għandhom struttura u karattru tanniċi, bi fwieħet l-inbid ta’ tut iżraq u msiemer tal-qronfol, u kultant b’noti mmarkati ta’ bżar, filwaqt li t-tqaddim għal żmien qasir jagħti aromi ta’ vanilla. Huma xierqa għat-tqaddim fi btieti tal-ballut.
8.3. Interazzjoni kawżali
L-ispeċifiċità tal-inbejjed tal-IĠP Colinele Dobrogei hija mogħtija mill-most li jintuża biex isiru. Dan jorbot lura għall-varjetajiet tal-għeneb, li jgawdu radjazzjoni solari għolja – il-kundizzjonijiet termali huma fost l-aktar sħan fir-Rumanija – u ammont baxx ta’ xita. Dawn il-fatturi jgħinu lill-għeneb isir sew, u jirriżultaw f’mostijiet b’ammont kbir ta’ zokkrijiet. L-influwenza tal-baħar tista’ tinħass fiż-żona. Hija partikolarment ta’ benefiċċju fil-ħarifa, peress li taġixxi bħala regolatur tat-temperatura. Id-Danubju hija preżenza influwenti f’Cernavodă, b’mod partikolari fil-vinji l-eqreb tagħha. Il-ħamrija, rikka fil-karbonat tal-kalċju, hija fattur importanti għall-kwalità tal-inbid. Il-kwalità tal-inbejjed hija mmarkata mill-influwenza benefika tal-lagi Razim u Sinoe fil-qrib u ħamrija tajba għall-vitikultura, flimkien mal-fatt li l-inbejjed huma bbilanċjati fl-alkoħol u fl-aċidità u għandhom karatteristiċi organolettiċi espressi tajjeb (noti ta' fjuri/frott tal-foresta, taħwir).
9. Rekwiżiti oħra applikabbli (ippakkjar, tikkettar, rekwiżiti addizzjonali)
Rekwiżiti applikabbli għall-prodott finali
Qafas ġuridiku:
Fil-leġiżlazzjoni nazzjonali
Tip ta’ rekwiżit addizzjonali:
Deroga dwar il-produzzjoni fiż-żona ġeografika demarkata
Deskrizzjoni tar-rekwiżit:
Sakemm l-awtoritajiet kompetenti jiġu nnotifikati kif xieraq, l-inbejjed jistgħu jiġu kkundizzjonati u bbottiljati barra miż-żona li fiha tkabbar l-għeneb.
Dawn il-proċessi jistgħu jsiru fl-istess unità amministrattiva, f’unità amministrattiva li tmiss magħha jew f’żoni li jmissu magħha li għandhom indikazzjonijiet ġeografiċi.
F’dan il-każ, il-produttur jew il-bottiljatur u l-post tal-ibbottiljar iridu jiġu identifikati fuq it-tikketta, kif xieraq.
Dwar is-suġġett tal-ibbottiljar, u b’reazzjoni għad-domandi kummerċjali mis-swieq tal-UE u tal-esportazzjoni, huwa permess il-bejgħ bl-ingrossa tal-inbejjed tal-IĠP Colinele Dobrogei.
L-awtoritajiet iridu jiġu nnotifikati bil-konsenji bl-ingrossa permezz tas-sevizz ta’ spezzjoni lokali. Il-konsenji bl-ingrossa jrid ikollhom magħhom id-dokumentazzjoni applikabbli kif ukoll iċ-ċertifikat li jagħti prova tal-intitolament tagħhom li jużaw l-indikazzjoni protetta u jikkummerċjalizzaw l-inbid.
Link għall-ispeċifikazzjoni tal-prodott
https://www.onvpv.ro/sites/default/files/caiet_de_sarcini_ig_colinele_dobrogei_modif_cf_cerere_3_2021_modif_anterioare_cerere_989_18.05.2022_no_track_changes_0.pdf
Rettifika
12.12.2022 |
MT |
Il-Ġurnal Uffiċjali tal-Unjoni Ewropea |
C 471/26 |
Rettifika għan-Notifika ta’ bidu dwar rieżami tal-miżura ta’ salvagwardja applikabbli għall-importazzjonijiet ta’ ċerti prodotti tal-azzar
( Il-Ġurnal Uffiċjali tal-Unjoni Ewropea C 459 tat-2 ta’ Diċembru 2022 )
(2022/C 471/12)
F’paġna 6, fin-nota ta’ qiegħ il-paġna 2:
għal:
“Ir-Regolament ta’ Implimentazzjoni tal-Kummissjoni (UE) 2021/1029 tal-24 ta’ Ġunju 2021 li jemenda r-Regolament ta’ Implimentazzjoni tal-Kummissjoni (UE) 2019/159 biex jestendi l-miżura ta’ salvagwardja fuq l-importazzjonijiet ta’ ċerti prodotti tal-azzar (ĠU L 225, 25.6.2021, p. 1).”,
aqra:
“Ir-Regolament ta’ Implimentazzjoni tal-Kummissjoni (UE) 2021/1029 tal-24 ta’ Ġunju 2021 li jemenda r-Regolament ta’ Implimentazzjoni tal-Kummissjoni (UE) 2019/159 biex jestendi l-miżura ta’ salvagwardja fuq l-importazzjonijiet ta’ ċerti prodotti tal-azzar (ĠU L 225 I, 25.6.2021, p. 1).”