KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

5.7.2022

Il-Ġurnal Uffiċjali tal-Unjoni Ewropea

C 258/3

Rata tal-kambju tal-euro (1)

L-4 ta' Lulju 2022

(2022/C 258/03)

1 euro =

	Munita	Rata tal-kambju
USD	Dollaru Amerikan	1,0455
JPY	Yen Ġappuniż	141,51
DKK	Krona Daniża	7,4391
GBP	Lira Sterlina	0,85960
SEK	Krona Żvediża	10,7658
CHF	Frank Żvizzeru	1,0037
ISK	Krona Iżlandiża	139,30
NOK	Krona Norveġiża	10,2958
BGN	Lev Bulgaru	1,9558
CZK	Krona Ċeka	24,745
HUF	Forint Ungeriż	401,52
PLN	Zloty Pollakk	4,7100
RON	Leu Rumen	4,9440
TRY	Lira Turka	17,5994
AUD	Dollaru Awstraljan	1,5205
CAD	Dollaru Kanadiż	1,3435
HKD	Dollaru ta’ Hong Kong	8,2033
NZD	Dollaru tan-New Zealand	1,6748
SGD	Dollaru tas-Singapor	1,4587
KRW	Won tal-Korea t’Isfel	1 353,40
ZAR	Rand ta’ l-Afrika t’Isfel	17,0275
CNY	Yuan ren-min-bi Ċiniż	6,9977
HRK	Kuna Kroata	7,5301
IDR	Rupiah Indoneżjan	15 684,13
MYR	Ringgit Malażjan	4,6138
PHP	Peso Filippin	57,487
RUB	Rouble Russu
THB	Baht Tajlandiż	37,298
BRL	Real Brażiljan	5,5663
MXN	Peso Messikan	21,1972
INR	Rupi Indjan	82,5067

(1) Sors: rata tal-kambju ta' referenza ppubblikata mill-Bank Ċentrali Ewropew.

5.7.2022

Il-Ġurnal Uffiċjali tal-Unjoni Ewropea

C 258/5

Sommarju tal-Opinjoni tal-Kontrollur Ewropew għall-Protezzjoni tad-Data dwar il-Proposta għal Regolament dwar il-protezzjoni tal-indikazzjonijiet ġeografiċi għall-prodotti artiġjanali u industrijali

(It-test sħiħ ta’ din l-Opinjoni jinsab bl-Ingliż, bil-Franċiż u bil-Ġermaniż fuq is-sit web tal-EDPS www.edps.europa.eu)

(2022/C 258/05)

Fit-13 ta’ April 2022, il-Kummissjoni Ewropea adottat Proposta għal Regolament tal-Parlament Ewropew u tal-Kunsill dwar il-protezzjoni tal-indikazzjonijiet ġeografiċi għall-prodotti artiġjanali u industrijali u li jemenda r-Regolamenti (UE) 2017/1001 u (UE) 2019/1753 tal-Parlament Ewropew u tal-Kunsill u d-Deċiżjoni tal-Kunsill (UE) 2019/1754 (minn hawn ’il quddiem “il-Proposta”).

Din il-proposta għandha l-għan li tikkomplementa s-sistema ta’ protezzjoni tal-UE għall-indikazzjonijiet ġeografiċi, li diġà jeżistu għall-prodotti agrikoli u l-oġġetti tal-ikel, l-inbejjed u l-ispirti, u li tippermetti t-twettiq effettiv tal-obbligi li jirriżultaw mill-adeżjoni tal-UE mal-Att ta’ Ġinevra tal-Ftehim ta’ Liżbona.

L-EDPS jinnota b’mod pożittiv li l-Proposta tiddetermina r-rwoli tal-Kummissjoni, tal-EUIPO u tal-awtoritajiet kompetenti tal-Istati Membri fir-rigward tal-ipproċessar ta’ data personali fil-proċeduri skont din il-Proposta.

L-EDPS jirrakkomanda li jiġi ċċarat jekk il-kontrolluri differenti involuti fl-ipproċessar ta’ data personali humiex ser jaġixxu bħala kontrolluri konġunti jew le. Jekk iva, l-EDPS jirrakkomanda li jiġi previst arranġament kif previst mill-Artikoli 28 tal-EUDPR u/jew l-Artikolu 26 tal-GDPR. F’dan ir-rigward, l-EDPS ifakkar li arranġamenti dettaljati biex tiġi żgurata l-konformità mar-rekwiżiti tal-protezzjoni tad-data, fejn meħtieġ, jistgħu jiġu definiti wkoll permezz ta’ att ta’ implimentazzjoni.

L-EDPS jinnota li l-Proposta tipprevedi l-ħolqien ta’ reġistru elettroniku pubblikament aċċessibbli ta’ indikazzjonijiet ġeografiċi għal prodotti artiġjanali u industrijali. F’dan ir-rigward, l-EDPS jirrakkomanda delineazzjoni ċara tal-kategoriji ta’ data li ser tiġi pproċessata. L-EDPS jirrakkomanda li fil-Proposta nnifisha tiġi speċifikata kwalunkwe kategorija ta’ data personali involuta. Fl-aħħar nett, l-EDPS jikkunsidra li l-perjodu magħżul għaż-żamma tad-data għad-dokumentazzjoni relatata mal-kanċellazzjoni ta’ indikazzjonijiet ġeografiċi għandu jkun ġustifikat aktar.

1. INTRODUZZJONI

Fit-13 ta’ April 2022, il-Kummissjoni Ewropea adottat Proposta għal Regolament tal-Parlament Ewropew u tal-Kunsill dwar il-protezzjoni tal-indikazzjoni ġeografika għal inġenji u prodotti industrijali u li jemenda r-Regolamenti (UE) 2017/1001 u (UE) 2019/1753 tal-Parlament Ewropew u tal-Kunsill u d-Deċiżjoni tal-Kunsill (UE) 2019/1754 (“il-Proposta”).

L-objettiv tal-Proposta huwa li tiġi stabbilita protezzjoni tal-indikazzjoni ġeografika (“IĠ”) direttament applikabbli għall-prodotti artiġjanali u industrijali (“CI”) fil-livell tal-UE. Għandha l-għan ukoll li tiżgura li l-produtturi jkunu jistgħu jibbenefikaw mill-qafas internazzjonali għar-reġistrazzjoni u l-protezzjoni tal-IĠ (“is-sistema ta’ Lisbona”) (1).

Il-Proposta tikkomplementa l-protezzjoni eżistenti tal-UE għall-IĠ fil-qasam agrikolu. Issegwi approċċi simili meħuda dwar il-kundizzjonijiet tal-eliġibbiltà u l-protezzjoni tal-IĠ għall-prodotti agrikoli u l-oġġetti tal-ikel, l-inbejjed u l-ispirti kif stabbilit fi:

—	Ir-Regolament (UE) Nru 1151/2012 tal-Parlament Ewropew u tal-Kunsill (2) dwar skemi tal-kwalità għal prodotti agrikoli u oġġetti tal-ikel.

—	Ir-Regolament (UE) 2019/787 tal-Parlament Ewropew u tal-Kunsill (3) dwar id-definizzjoni, id-deskrizzjoni, il-preżentazzjoni u t-tikkettar ta’ xorb spirituż, u

—	Ir-Regolament (UE) Nru 1308/2013 tal-Parlament Ewropew u tal-Kunsill (4) li jistabbilixxi organizzazzjoni komuni tas-swieq fi prodotti agrikoli (5).

Il-Proposta temenda r-Regolament (UE) 2017/1001 tal-Parlament Ewropew u tal-Kunsill dwar it-trademark tal-Unjoni Ewropea rigward kunflitti possibbli bejn l-IĠ u t-trademarks u tispeċifika kompiti addizzjonali għall-Uffiċċju tal-Proprjetà Intellettwali tal-Unjoni Ewropea (“EUIPO”). Tipproponi wkoll emenda għad-Deċiżjoni tal-Kunsill (UE) 2019/1754 dwar l-adeżjoni tal-Unjoni Ewropea mal-Att ta’ Ġinevra tal-Ftehim ta’ Liżbona dwar id-Denominazzjonijiet ta’ Oriġini u l-Indikazzjonijiet Ġeografiċi, sabiex tiġi stabbilita konnessjoni bejn is-sistema ta’ protezzjoni tal-IĠ tal-UE għall-prodotti CI u s-sistema ta’ Liżbona (6).

L-Opinjoni preżenti tal-EDPS hija maħruġa bi tweġiba għal konsultazzjoni mill-Kummissjoni Ewropea tat-13 ta’ April 2022, skont l-Artikolu 42(1) tal-EUDPR. L-EDPS jilqa’ r-referenza għal din il-konsultazzjoni fil-Premessa 63 tal-Proposta. Il-kummenti u r-rakkomandazzjonijiet f’din l-Opinjoni huma limitati għad-dispożizzjonijiet fil-Proposta li huma l-aktar rilevanti mill-perspettiva tal-protezzjoni tad-data.

4. KONKLUŻJONIJIET

16.

Fid-dawl ta’ dan ta’ hawn fuq, l-EDPS:

—	jilqa’ l-ħatra espliċita ta’ kontrolluri fir-rigward tal-ipproċessar ta’ data personali fil-proċeduri stabbiliti mill-Proposta;

—	jirrakkomanda li jiġi ċċarat jekk il-kontrolluri għandhomx jitqiesu bħala “kontrolluri konġunti” skont it-tifsira tal-Artikoli 28 EUDPR u 26 GDPR;

—	jirrakkomanda li fil-Proposta tiġi speċifikata kwalunkwe kategorija ta’ data li għandha tiġi inkluża fir-reġistru tal-Unjoni tal-indikazzjonijiet ġeografiċi għall-artiġjanat u l-prodotti industrijali;

—	iqis li l-perjodu ta’ żamma propost għad-dokumentazzjoni relatata mal-kanċellazzjoni tar-reġistrazzjoni tal-IĠ għandu jiġi ġġustifikat jew imnaqqas aktar sa fejn jikkonċerna d-data personali.

Brussell, it-2 ta' Ġunju 2022.

Wojciech Rafał WIEWIÓROWSKI

(1) COM(2022) 174 finali, p. 1.

(2) ĠU L 343, 14.12.2012, p. 1.

(3) ĠU L 130, 17.5.2019, p. 1.

(4) ĠU L 347, 20.12.2013, p. 671.

(5) L-EDPS ġie kkonsultat dwar ir-Regolament (UE) Nru 1308/2013 u adotta l-Opinjoni tiegħu fl-14 ta’ Diċembru 2011.

(6) COM(2022) 174 finali, p. 2.

5.7.2022

Il-Ġurnal Uffiċjali tal-Unjoni Ewropea

C 258/7

Sommarju tal-Opinjoni tal-Kontrollur Ewropew għall-Protezzjoni tad-Data dwar il-Proposta għal Regolament dwar is-sigurtà tal-informazzjoni fl-istituzzjonijiet, il-korpi, l-uffiċċji u l-aġenziji tal-Unjoni

(It-test sħiħ ta’ din l-Opinjoni jinsab bl-Ingliż, bil-Franċiż u bil-Ġermaniż fuq is-sit web tal-EDPS www.edps.europa.eu)

(2022/C 258/06)

Fit-22 ta’ Marzu 2022, il-Kummissjoni Ewropea adottat Proposta għal Regolament tal-Parlament Ewropew u tal-Kunsill dwar is-sigurtà tal-informazzjoni fl-istituzzjonijiet, il-korpi, l-uffiċċji u l-aġenziji tal-Unjoni (“il-Proposta”).

L-EDPS jilqa’ l-għan tal-Proposta li tittejjeb is-sigurtà tal-informazzjoni mmaniġġjata mill-EUIs, billi jiġu stabbiliti regoli komuni dwar is-sigurtà tal-informazzjoni kif ukoll titrawwem kultura koerenti tas-sigurtà tal-informazzjoni fi strument legali speċifiku.

L-EDPS josserva li s-sigurtà tad-data personali kif mitluba mill-EUDPR għandha ambitu li jikkoinċidi biss parzjalment mal-ambitu tas-sigurtà tal-informazzjoni taħt il-Proposta. Din tal-aħħar tiffoka fuq il-kunfidenzjalità tal-informazzjoni, filwaqt li l-EUDPR tiżgura wkoll l-integrità u d-disponibbiltà. Barra minn hekk, id-dispożizzjonijiet tas-sigurtà tad-data personali tal-EUDPR jindirizzaw speċifikament ir-riskji għad-drittijiet u l-libertajiet tal-persuni fiżiċi.

Il-Proposta tirrikjedi li l-EUIs jadottaw miżuri ta’ sigurtà tal-informazzjoni, li inevitabbilment se jinvolvu l-ipproċessar ta’ data personali u ta’ data ta’ komunikazzjoni elettronika, inkluża data tat-traffiku. L-EDPS jikkunsidra li jrid ikun evidenti li l-miżuri kollha ta’ sigurtà tal-informazzjoni li jinvolvu l-ipproċessar ta’ data personali għandhom ikunu konformi mal-qafas legali attwali dwar il-protezzjoni tad-data u l-privatezza u li l-EUIs għandhom jieħdu salvagwardji tekniċi u organizzattivi rilevanti biex jiżguraw din il-konformità b’mod responsabbli.

Biex tinkiseb ċertezza legali u prevedibbiltà, u biex tiġi żgurata l-konformità mal-EUDPR, l-EDPS jagħti parir bil-qawwa li l-Proposta, jew tal-inqas, att delegat li għandu jiġi adottat sussegwentement mill-Kummissjoni, tiddefinixxi b’mod ċar l-attivitajiet tal-ipproċessar tad-data personali li huma permessi. għall-finijiet ta’ dan ir-Regolament. L-EDPS jiġbed ukoll l-attenzjoni għall-ħtieġa li tiġi żgurata l-konformità mar-regoli tal-EUDPR fir-rigward tat-trasferimenti ta’ data personali lil pajjiżi terzi u organizzazzjonijiet internazzjonali. Barra minn hekk, l-EDPS jirrakkomanda li jiġi spjegat fi Premessa, li se japplikaw id-dispożizzjonijiet kollha tal-EUDPR, inklużi r-regoli dwar it-trasferimenti internazzjonali.

L-EDPS jenfasizza l-importanza li tiġi integrata l-perspettiva tal-privatezza u l-protezzjoni tad-data fil-ġestjoni tas-sigurtà tal-informazzjoni, sabiex jinkisbu sinerġiji pożittivi bejn il-Proposta u l-leġiżlazzjoni dwar il-privatezza u l-protezzjoni tad-data, u jipprovdi rakkomandazzjonijiet speċifiċi dwar kif jistgħu jinkisbu tali sinerġiji, inklużi: obbligu speċifiku għall-uffiċjali tal-UE responsabbli għas-sigurtà tal-informazzjoni biex jikkooperaw mill-qrib mal-uffiċjal tal-protezzjoni tad-data maħtur f’konformità mal-Artikolu 43 tal-EUDPR; l-integrazzjoni tal-kriptaġġ minn tarf sa tarf fil-lista ta’ miżuri minimi ta’ sigurtà tal-Proposta, fejn applikabbli, u b’mod partikolari meta tiġi skambjata informazzjoni sensittiva mhux klassifikata; u l-promozzjoni ta’ ġestjoni integrata tar-riskju tas-sigurtà tal-informazzjoni u proċess integrat ta’ ġestjoni tal-inċidenti li jservu kemm obbligi ta’ sigurtà tal-informazzjoni kif ukoll ta’ protezzjoni tad-data dwar notifiki ta’ ksur tad-data.

1. INTRODUZZJONI U SFOND

1.	Fit-22 ta’ Marzu 2022, il-Kummissjoni Ewropea adottat Proposta għal Regolament tal-Parlament Ewropew u tal-Kunsill dwar is-sigurtà tal-informazzjoni fl-istituzzjonijiet, il-korpi, l-uffiċċji u l-aġenziji tal-Unjoni (1) (“il-Proposta”).

2.	Fl-istess data, il-Kummissjoni Ewropea adottat Proposta oħra għal Regolament li jistabbilixxi miżuri għal livell komuni għoli ta’ ċibersigurtà fl-istituzzjonijiet, il-korpi, l-uffiċċji u l-aġenziji tal-Unjoni (2) (“il-Proposta taċ-Ċibersigurtà”).

Iż-żewġ Proposti kienu ġew previsti mill-Istrateġija taċ-Ċibersigurtà tal-UE għad-Deċennju Diġitali ppreżentati fis-16 ta’ Diċembru 2020 (3) (“l-Istrateġija”). L-għan ġenerali tal-Istrateġija kien li ssaħħaħ l-awtonomija strateġika tal-Unjoni fl-oqsma taċ-ċibersigurtà u li ttejjeb ir-reżiljenza u r-rispons kollettiv tagħha kif ukoll li tibni Internet globali u miftuħ bi lqugħ protettiv qawwi biex jiġu indirizzati r-riskji għas-sigurtà u d-drittijiet u l-libertajiet fundamentali tan-nies fl-Ewropa (4).

Il-Proposta tikkostitwixxi waħda mill-inizjattivi regolatorji tal-Istrateġija, u b’mod partikolari fil-qasam taċ-Ċibersigurtà tal-Istituzzjonijiet, il-korpi, l-uffiċċji u l-aġenziji tal-UE (“l-EUIs”). Skont l-Istrateġija, l-għan tal-Proposta huwa doppju:

—	li tiffaċilita l-interoperabbiltà ta’ sistemi ta’ informazzjoni klassifikata, billi tippermetti trasferiment bla xkiel ta’ informazzjoni bejn l-entitajiet differenti, u

—

li tippermetti approċċ interistituzzjonali għall-immaniġġjar ta’ informazzjoni klassifikata tal-UE u informazzjoni sensittiva mhux klassifikata, li jista’ jservi wkoll bħala mudell għall-interoperabbiltà fl-Istati Membri, filwaqt li jiddikjara li l-UE għandha tkompli tiżviluppa wkoll il-kapaċità tagħha li tikkomunika b’mod sigur mas-sħab rilevanti, billi jibnu sa fejn hu possibbli fuq arranġamenti u proċeduri eżistenti.

L-EDPS josserva li s-suġġett tal-Proposta inkwistjoni huwa wkoll relatat direttament mal-Proposta għal Direttiva tal-Parlament Ewropew u tal-Kunsill dwar miżuri għal livell komuni għoli ta’ ċibersigurtà madwar l-Unjoni, li tħassar id-Direttiva (UE) 2016/1148 (“Proposta NIS 2.0”). L-EDPS ifakkar li ħareġ l-Opinjoni 5/2021 dwar l-Istrateġija taċ-Ċibersigurtà (5) u d-Direttiva NIS 2.0 (“Opinjoni NIS 2.0”) (6). Għal din ir-raġuni l-Opinjoni preżenti se tirreferi għall-Opinjoni NIS 2.0.

Skont il-memorandum ta’ spjegazzjoni tal-Proposta, minħabba l-ammont li dejjem qed jiżdied ta’ informazzjoni sensittiva mhux klassifikata (“ISMK”) u informazzjoni klassifikata tal-Unjoni Ewropea (“IKUE”) li l-EUIs jeħtieġ li jaqsmu bejniethom u meta jitqies l-iżvilupp drammatiku tax-xenarju ta’ theddid, l-amministrazzjoni Ewropea hija esposta għal attakki fl-oqsma kollha ta’ attività tagħha. L-informazzjoni mmaniġġjata mill-EUIs hija attraenti ħafna għall-atturi tat-theddid u jeħtieġ li tkun protetta b’mod xieraq.

Skont il-memorandum ta’ spjegazzjoni, il-Proposta:

—	tistabbilixxi kategoriji ta’ informazzjoni armonizzati u komprensivi, kif ukoll regoli komuni ta’ ġestjoni għall-EUIs kollha,

—	twaqqaf skema ta’ kooperazzjoni effiċjenti dwar is-sigurtà tal-informazzjoni bejn l-EUIs li kapaċi trawwem kultura koerenti tas-sigurtà tal-informazzjoni madwar l-amministrazzjoni Ewropea,

—	timmodernizza l-politiki tas-sigurtà tal-informazzjoni fil-livelli kollha ta’ klassifikazzjoni/kategorizzazzjoni, għall-EUIs kollha, filwaqt li tqis it-trasformazzjoni diġitali u l-iżvilupp tat-telexogħol bħala prattika strutturali.

Fit-22 ta’ Marzu 2022 il-Kummissjoni kkonsultat lill-Kontrollur Ewropew għall-Protezzjoni tad-Data skont l-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (“EUDPR”) (7). Il-kummenti u r-rakkomandazzjonijiet f’din l-Opinjoni huma limitati għad-dispożizzjonijiet fil-Proposta li huma l-aktar rilevanti mill-perspettiva tal-protezzjoni tad-data u l-privatezza.

4. KONKLUŻJONIJIET

31.

Fid-dawl ta’ dan imsemmi hawn fuq, l-EDPS jagħmel ir-rakkomandazzjonijiet prinċipali li ġejjin:

—

l-EDPS jagħti parir bil-qawwa li l-Proposta tiddefinixxi b’mod ċar l-attivitajiet tal-ipproċessar tad-data personali li huma permessi għall-finijiet ta’ dan ir-Regolament, inklużi: l-iskop(ijiet) tal-ipproċessar; kategoriji ta’ data personali; kategoriji ta’ suġġetti tad-data; definizzjoni ta’ rwoli kif applikabbli (kontrollur, proċessur, kontrolluri konġunti), perjodi ta’ żamma, riċevituri f’każ ta’ trażmissjoni lil entitajiet mhux soġġetti għall-EUDPR. L-EDPS jikkunsidra li dawn l-elementi għandhom jiġu pprovduti b’mod espliċitu fil-Proposta, jew għall-inqas, f’att delegat li għandu jiġi adottat sussegwentement mill-Kummissjoni. Il-Proposta għandha tipprovdi għal tali delega.

—

l-EDPS jirrakkomanda li jiġi spjegat fi Premessa, li se japplikaw id-dispożizzjonijiet kollha tal-EUDPR, inklużi r-regoli dwar it-trasferimenti internazzjonali. Il-Premessa 6 tista’ tintuża wkoll biex tinkludi kwalunkwe rakkomandazzjoni ġenerali oħra dwar il-protezzjoni tad-data magħmula f’din l-Opinjoni li ma timmirax li tbiddel id-dispożizzjonijiet sostantivi.

—	l-EDPS jirrakkomanda bil-qawwa l-inklużjoni ta’ kriptaġġ minn tarf sa tarf fil-lista ta’ miżuri minimi ta’ sigurtà tal-Proposta, fejn applikabbli, u b’mod partikolari meta tiġi skambjata informazzjoni sensittiva mhux klassifikata.

—

l-EDPS jirrakkomanda li jiżdied fl-Artikolu 5(3), li fil-fatturi li qed jiġu kkunsidrati mill-proċess tal-ġestjoni tar-riskju tas-sigurtà tal-informazzjoni, għandhom jiġu kkunsidrati wkoll it-theddidiet li jirriżultaw minn aċċess ibbażat fuq ġuriżdizzjoni ta’ pajjiżi terzi (eż. mill-awtoritajiet pubbliċi tagħhom).

—

l-EDPS jagħti parir bil-qawwa li fi premessa rilevanti jiġu spjegati l-benefiċċji li jkun hemm ġestjoni integrata tar-riskju għas-sigurtà tal-informazzjoni u proċess integrat ta’ ġestjoni tal-inċidenti li jservi kemm obbligi ta’ sigurtà tal-informazzjoni kif ukoll ta’ protezzjoni tad-data dwar notifiki ta’ ksur tad-data.

—

l-EDPS jagħti parir bil-qawwa li l-proposta tipprovdi għal obbligu speċifiku għall-uffiċjali tal-UE responsabbli għas-sigurtà tal-informazzjoni biex jikkooperaw mill-qrib mal-uffiċjal tal-protezzjoni tad-data maħtur skont l-Artikolu 43 tal-EUDPR, meta jittrattaw attivitajiet bħall-applikazzjoni tal-protezzjoni tad-data skont id-disinn u b’mod awtomatiku miżuri ta’ sigurtà ta’ informazzjoni, għażla ta’ miżuri ta’ sigurtà li jinvolvu data personali, ġestjoni integrata tar-riskju, ġestjoni integrata ta’ inċidenti ta’ sigurtà.

Brussell, 17 ta’ Mejju 2022.

Wojciech Rafał WIEWIÓROWSKI

(1) COM(2022) 119 finali.

(2) COM(2022) 122 finali.

(3) L-Istrateġija taċ-Ċibersigurtà tal-UE għad-Deċennju Diġitali | It-tiswir tal-futur diġitali tal-Ewropa (europa.eu) inkluża Komunikazzjoni Konġunta mar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (JOIN(2020)18).

(4) Ara l-kapitolu I. INTRODUZZJONI, paġna 4 tal-Istrateġija.

(5) Komunikazzjoni Konġunta mill-Kummissjoni Ewropea u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà lill-Parlament Ewropew u lill-Kunsill, bit-titlu “L-Istrateġija taċ-Ċibersigurtà tal-UE għad-Deċennju Diġitali”.

(6) Opinjoni 5/2021 tal-EDPS dwar l-Istrateġija taċ-Ċibersigurtà u d-Direttiva NIS 2.0.

(7) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

5.7.2022

Il-Ġurnal Uffiċjali tal-Unjoni Ewropea

C 258/10

Sommarju tal-Opinjoni tal-Kontrollur Ewropew għall-Protezzjoni tad-Data dwar Proposta għal Regolament li jistabbilixxi miżuri għal livell għoli komuni ta’ ċibersigurtà fl-istituzzjonijiet, fil-korpi, fl-uffiċċji u fl-aġenziji tal-Unjoni Ewropea

[It-test sħiħ ta’ din l-Opinjoni jinsab bl-Ingliż, bil-Franċiż u bil-Ġermaniż fuq is-sit web tal-EDPS www.edps.europa.eu]

(2022/C 258/07)

Fit-22 ta’ Marzu 2022, il-Kummissjoni Ewropea adottat Proposta għal Regolament li jistabbilixxi miżuri għal livell għoli komuni ta’ ċibersigurtà fl-istituzzjonijiet, fil-korpi, fl-uffiċċji u fl-aġenziji tal-Unjoni Ewropea (“il-Proposta”).

L-EDPS jilqa’ l-għan tal-Proposta li ttejjeb il-qagħda taċ-ċibersigurtà tal-Istituzzjonijiet, il-korpi, l-uffiċċji u l-aġenziji tal-Unjoni Ewropea (“EUIs”), u bl-istess mod jilqa’ r-rwol il-ġdid tal-eks “Skwadra ta’ Rispons f’Emerġenza relatata mal-Kompjuters”, illum imsejħa “Ċentru għaċ-Ċibersigurtà” (CERT-UE), b’kunsiderazzjoni tad-diġitalizzazzjoni amplifikata, ix-xenarju ta’ theddida għaċ-ċibersigurtà li qed jevolvi malajr u l-bidla riċenti fid-diġitalizzazzjoni kkawżata wkoll mill-pandemija tal-COVID-19.

L-EDPS jiddispjaċih li l-Proposta ma tallinjax mad-Direttiva NIS, u l-Proposta NIS 2.0 sabiex jinkisbu regoli konsistenti u omoġenji għall-Istati Membri u l-EUIs, biex b’hekk jikkontribwixxu għal-livell ġenerali ta’ ċibersigurtà tal-Unjoni. L-EDPS jirrakkomanda li jiżdied mal-Proposta li r-rekwiżiti minimi ta’ sigurtà tagħha għandhom mill-inqas ikunu ndaqs jew ogħla mir-rekwiżiti minimi ta’ sigurtà tal-entitajiet tal-NIS u tal-Proposta NIS 2.0.

Għall-konformità mal-Proposta, l-EUIs, kif ukoll is-CERT-UE se jkollhom jużaw ċerti proċessi u miżuri ta’ ċibersigurtà, li wisq probabbli se jimplikaw ipproċessar addizzjonali tad-data personali. Sabiex tinkiseb ċertezza legali u prevedibbiltà, u biex tkun żgurata l-konformità mal-EUDPR, l-EDPS jissuġġerixxi bis-sħiħ li l-Proposta, jew għall-inqas, att delegat li sussegwentement jiġi adottat mill-Kummissjoni, għandha tipprovdi b’mod ċar bażi legali għall-ipproċessar tad-data personali mis-CERT-UE u mill-EUIs, inklużi b’mod partikolari l-finijiet tal-ipproċessar u l-kategoriji tad-data personali.

L-EDPS jisħaq fuq l-importanza li tiġi integrata l-perspettiva tal-privatezza u l-protezzjoni tad-data fil-ġestjoni taċ-ċibersigurtà, sabiex jinkisbu sinerġiji pożittivi bejn il-Proposta u l-leġiżlazzjoni dwar il-privatezza u l-protezzjoni tad-data, u jipprovdi rakkomandazzjonijiet speċifiċi dwar kif tali sinerġiji jistgħu jinkisbu, inkluż obbligu speċifiku għall-uffiċjali tal-UE responsabbli miċ-ċibersigurtà li jikkooperaw mill-qrib mal-uffiċjal għall-protezzjoni tad-data maħtur f’konformità mal-EUDPR.

L-EDPS jissuġġerixxi bis-sħiħ li l-Proposta tipprevedi l-kooperazzjoni mill-qrib bejn is-CERT-UE u l-EDPS, f’attivitajiet bħal meta jiġu indirizzati inċidenti li jirriżultaw fi ksur ta’ data personali, meta jiġu indirizzati vulnerabbiltajiet sinifikanti, inċidenti sinifikanti jew attakki kbar, li jkollhom il-potenzjal li jirriżultaw fi ksur ta’ data personali, kif ukoll meta s-CERT-UE jkollu indikazzjonijiet li l-ksur tal-Proposta jimplika ksur tad-data personali.

L-EDPS jirrakkomanda bis-sħiħ ukoll li l-Proposta tipprevedi l-parteċipazzjoni tal-EDPS fil-“Bord Interistituzzjonali taċ-Ċibersigurtà” (IICB).

1. INTRODUZZJONI U SFOND

1.	Fit-22 ta’ Marzu 2022, il-Kummissjoni Ewropea adottat Proposta għal Regolament li jistabbilixxi miżuri għal livell għoli komuni ta’ ċibersigurtà fl-istituzzjonijiet, fil-korpi, fl-uffiċċji u fl-aġenziji tal-Unjoni (1) (“il-Proposta”).

2.	Fl-istess data, il-Kummissjoni Ewropea adottat il-Proposta għal Regolament tal-Parlament Ewropew u tal-Kunsill dwar is-sigurtà tal-informazzjoni fl-istituzzjonijiet, fil-korpi, fl-uffiċċji u fl-aġenziji tal-Unjoni (2) (“il-Proposta Infosec”).

Iż-żewġ Proposti kienu previsti mill-Istrateġija tal-UE dwar iċ-Ċibersigurtà għad-Deċennju Diġitali ppreżentata fis-16 ta’ Diċembru 2020 (3) (“l-Istrateġija”). L-għan ġenerali tal-Istrateġija hu li ssaħħaħ l-awtonomija strateġika tal-Unjoni fil-qasam taċ-ċibersigurtà u li ttejjeb ir-reżiljenza u r-rispons kollettiv tagħha kif ukoll li tibni internet globali u miftuħ b’ilqugħ protettivi qawwija biex jiġu indirizzati r-riskji għas-sigurtà u għad-drittijiet u l-libertajiet fundamentali tan-nies fl-Ewropa (4).

Il-Proposta tikkostitwixxi waħda mill-inizjattivi regolatorji tal-Istrateġija, u b’mod partikolari fil-qasam taċ-ċibersigurtà għall-istituzzjonijiet, il-korpi, l-uffiċċji u l-aġenziji tal-UE (EUIs). Skont il-memorandum ta’ spjegazzjoni tagħha, l-għan tal-Proposta huwa doppju:

—	li tindirizza x-xenarju kulma jmur aktar ostili ta’ theddida ċibernetika u l-inċidenza ogħla ta’ ċiberattakki aktar sofistikati li jaffettwaw l-istituzzjonijiet, il-korpi u l-aġenziji tal-UE, li jmexxu l-ħtieġa għal investimenti akbar biex jintlaħaq livell għoli ta’ maturità ċibernetika, u

—

li ssaħħaħ l-Iskwadra ta’ Rispons f’Emerġenza relatata mal-Kompjuters tal-UE (CERT-UE) b’mekkaniżmu mtejjeb ta’ finanzjament li huwa meħtieġ biex iżid il-kapaċità tagħha li tgħin lill-istituzzjonijiet, il-korpi u l-aġenziji tal-UE japplikaw r-regoli l-ġodda taċ-ċibersigurtà, u jtejbu r-reżiljenza ċibernetika tagħhom.

L-EDPS josserva li s-suġġett tal-Proposta inkwistjoni huwa interkonness mal-Proposta għal Direttiva tal-Parlament Ewropew u tal-Kunsill dwar miżuri għal livell għoli komuni ta’ ċibersigurtà fl-Unjoni kollha, li tħassar id-Direttiva (UE) 2016/1148 (“il-Proposta NIS 2.0”). L-EDPS ifakkar li huwa ħareġ l-Opinjoni 5/2021 dwar l-Istrateġija ta’ Ċibersigurtà (5) u d-Direttiva NIS 2.0 (“l-Opinjoni NIS 2.0”) (6). Għal din ir-raġuni l-Opinjoni preżenti se tirreferi għall-Opinjoni NIS 2.0.

F’konformità mal-Istrateġija, il-Proposta għandha l-għan li tkompli ttejjeb ir-reżiljenza tal-istituzzjonijiet, il-korpi u l-aġenziji kollha tal-UE flimkien mal-kapaċitajiet tagħhom ta’ rispons għal inċident. Hija wkoll konformi mal-prijoritajiet tal-Kummissjoni li tħejji l-Ewropa għall-era diġitali u tibni ekonomija lesta għall-futur li taħdem għan-nies. Barra minn hekk, tisħaq li s-sigurtà u r-reżiljenza tal-amministrazzjoni pubblika huma l-pedament fit-trasformazzjoni diġitali tas-soċjetà fl-intier tagħha.

Skont il-memorandum ta’ spjegazzjoni, il-Proposta:

—	tiddeskrivi miżuri bil-għan li tiżgura livell għoli komuni ta’ ċibersigurtà għall-istituzzjonijiet, il-korpi u l-aġenziji tal-Unjoni Ewropea,

—	tistabbilixxi l-“Bord Interistituzzjonali taċ-Ċibersigurtà”, li għandu jkun responsabbli mill-monitoraġġ tal-implimentazzjoni tar-Regolament propost,

—

tistabbilixxi r-rwol il-ġdid tal-Iskwadra ta’ Rispons f’Emerġenza relatata mal-Kompjuters għall-istituzzjonijiet, l-aġenziji u l-korpi tal-UE (“CERT-UE”) (7), bħala ċ-“Ċentru għaċ-Ċibersigurtà” għall-istituzzjonijiet, il-korpi u l-aġenziji tal-Unjoni, f’konformità mal-iżviluppi fl-Istati Membri u globalment.

Fit-22 ta’ Marzu 2022 il-Kummissjoni Ewropea talbet lill-EDPS biex joħroġ Opinjoni dwar il-Proposta skont l-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (“l-EUDPR”) (8). Il-kummenti u r-rakkomandazzjonijiet f’din l-Opinjoni huma limitati għad-dispożizzjonijiet fil-Proposta li huma l-aktar rilevanti mill-perspettiva tal-protezzjoni tad-data u l-privatezza.

4. KONKLUŻJONIJIET

48.

Fid-dawl ta’ dan imsemmi hawn fuq, l-EDPS jagħmel ir-rakkomandazzjonijiet prinċipali li ġejjin:

—

l-EDPS jirrakkomanda ż-żieda ta’ premessa li l-Proposta tibni fuq il-Proposta NIS 2.0, u li tiġi spjegata aktar ir-rabta bejn il-Proposta u d-Direttiva NIS kif ukoll il-Proposta NIS 2.0 fil-premessi 4 u 5. Barra minn hekk, l-EDPS jirrakkomanda l-inklużjoni tal-kliem li ġej fit-test prinċipali: “Ir-rekwiżiti minimi ta’ sigurtà għandhom mill-inqas ikunu ndaqs jew ogħla mir-rekwiżiti minimi ta’ sigurtà tal-entitajiet tal-NIS u tal-Proposta NIS 2.0”;

—

l-EDPS jissuġġerixxi bis-sħiħ li l-Proposta għandha tipprovdi biċ-ċar bażi legali għall-ipproċessat tad-data personali mis-CERT-UE u l-EUIs, inklużi b’mod partikolari l-finijiet tal-ipproċessar u l-kategoriji tad-data personali. Barra minn hekk, l-elementi li ġejjin għandhom jiġu stabbiliti b’mod espliċitu: (a) L-identifikazzjoni tal-kontrollur(i), tal-proċessuri jew tal-kontrolluri konġunti, kif applikabbli; (b) Il-kategoriji tas-suġġetti tad-data; (c) Il-perjodi ta’ żamma jew għall-inqas il-kriterji li jiddeterminaw tali perjodi. L-EDPS iqis li dawn l-elementi għandhom ikunu previsti b’mod espliċitu fil-Proposta, jew għall-inqas, f’att delegat li jkun adottat sussegwentement mill-Kummissjoni. Il-Proposta għandha tipprevedi tali delegazzjoni;

—	l-EDPS jirrakkomanda bis-sħiħ l-inklużjoni ta’ “kriptaġġ f’punt wieqaf”, “kriptaġġ f’punt tranżitorju” kif ukoll “kriptaġġ minn tarf sa tarf” fil-lista ta’ miżuri minimi għaċ-ċibersigurtà tal-Anness II tal-Proposta;

—

l-EDPS jissuġġerixxi bis-sħiħ li l-proposta tipprevedi obbligu speċifiku għall-Uffiċjal taċ-Ċibersigurtà Lokali definit fl-Artikolu 4(5) biex jikkoopera mal-uffiċjal tal-protezzjoni tad-data maħtur f’konformità mal-Artikolu 43 tal-EUDPR, fit-trattament ta’ attivitajiet li jirkbu fuq xulxin bħall-applikazzjoni tal-protezzjoni tad-data mid-disinn u b’mod awtomatiku għall-miżuri ta’ ċibersigurtà, l-għażla ta’ miżuri ta’ ċibersigurtà li jinvolvu data personali, il-ġestjoni integrata tar-riskju, u l-indirizzar integrat ta’ inċident ċibernetiku;

—

l-EDPS jissuġġerixxi bis-sħiħ li tiżdied dispożizzjoni fl-Artikolu 12 “Missjoni u kompiti tas-CERT-UE” tal-Proposta li “CERT-UE għandu jaħdem f’kooperazzjoni mill-qrib mal-EDPS, fl-indirizzar ta’ inċidenti li jirriżultaw fi ksur ta’ data personali jew fi ksur ta’ kunfidenzjalità ta’ komunikazzjonijiet elettroniċi”;

—	l-EDPS jirrakkomanda li jiżdied obbligu għas-CERT-UE li jinforma lill-EDPS meta jindirizza vulnerabbiltajiet sinifikanti, inċidenti sinifikanti jew attakki kbar li jkollhom il-potenzjal li jirriżultaw fi ksur ta’ data personali u/jew fil-ksur ta’ kunfidenzjalità ta’ komunikazzjonijiet elettroniċi;

—	l-EDPS jirrakkomanda li fl-Artikolu 12 jiġi previst li l-EDPS għandu jkun involut fl-attivitajiet ta’ sensibilizzazzjoni dwar iċ-ċibersigurtà tas-CERT-UE tal-EUIs, sabiex tkun koperta r-relazzjoni bejn il-ksur tad-data personali u l-inċidenti taċ-ċibersigurtà;

—

l-EDPS jirrakkomanda li tiżdied dispożizzjoni fl-Artikolu 12 “Missjoni u kompiti tas-CERT-UE” tal-Proposta li tispeċifika li s-CERT-UE għandu jinforma mingħajr dewmien żejjed lill-EDPS meta jkollu indikazzjonijiet li ksur mill-EUIs tal-obbligu stabbilit fil-Proposta jkun jimplika ksur tad-data personali;

—	l-EDPS jissuġġerixxi bis-sħiħ li l-Kontrollur Ewropew għall-Protezzjoni tad-Data jiġi miżjud fl-Artikolu 9(3) bħala parteċipant permanenti fl-IICB b’rappreżentant wieħed.

Brussell, is-17 ta’ Mejju 2022

Wojciech Rafał WIEWIÓROWSKI

(1) COM(2022) 122 final.

(2) COM(2022) 119 final.

(3) L-Istrateġija tal-UE dwar iċ-Ċibersigurtà għad-Deċennju Diġitali | Insawru l-futur diġitali tal-Ewropa (europa.eu) inkluża Komunikazzjoni Konġunta mar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (JOIN(2020)18).

(4) Ara l-kapitolu I. INTRODUZZJONI tal-Istrateġija, paġna 4.

(5) Il-Komunikazzjoni Konġunta mill-Kummissjoni Ewropea u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà lill-Parlament Ewropew u lill-Kunsill, bit-titolu “L-Istrateġija tal-UE dwar iċ-Ċibersigurtà għad-Deċennju Diġitali”.

(6) Opinjoni tal-EDPS 5/2021 dwar l-Istrateġija ta’ Ċibersigurtà u d-Direttiva NIS 2.0.

(7) Ir-rwol attwali tas-CERT-UE jirriżulta mill-Ftehim Interistituzzjonali 2018/C 12/01.

(8) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p 39).

5.7.2022

Il-Ġurnal Uffiċjali tal-Unjoni Ewropea

C 258/13

Aġġornament tal-ammonti ta’ referenza għall-qsim tal-fruntieri esterni, kif imsemmi fl-Artikolu 6(4) tar-Regolament (UE) 2016/399 tal-Parlament Ewropew u tal-Kunsill li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen) (1)

(2022/C 258/08)

Il-pubblikazzjoni ta’ ammonti ta’ referenza għall-qsim tal-fruntieri esterni, kif imsemmi fil-Artikolu 6(4) tar- Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Il-Kodiċi tal-Fruntieri ta’ Schengen) (2) hija bbażata fuq l-informazzjoni mogħtija mill-Istati Membri lill-Kummissjoni skont l-Artikolu 39 tal-Kodiċi tal-Fruntieri ta’ Schengen (kodifikazzjoni).

Minbarra l-pubblikazzjoni fil-ĠU, huwa disponibbli aġġornament ta’ kull xahar fuq is-sit web tad-Direttorat Ġenerali għall-Affarijiet Interni.

L-AMMONTI TA’ REFERENZA MEĦTIEĠA GĦALL-QSIM TAL-FRUNTIERA ESTERNA FFISSATI MILLAWTORITAJIET NAZZJONA

L-IŻLANDA

Emenda fl-informazzjoni ppubblikata fil-ĠU C 247, 13.10.2006, p. 19.

Skond il-liġi ta’ l-Iżlanda, il-persuni barranin għandhom jagħtu prova li huma għandhom biżżejjed flus sabiex jilħqu l-bżonnijiet tagħhom fl-Iżlanda u li jagħmlu l-vjaġġ tar-ritorn. Fil-prattika, l-ammont ta’ referenza hu stabbilit għal ISK 8 000 għal kull persuna kuljum. Jekk l-ispejjeż marbuta maż-żjara jitħallsu minn terza persuna, l-ammont jiġi mnaqqas bin-nofs. L-inqas ammont totali huwa ta’ ISK 40 000 għal kull dħul.

Lista ta’ pubblikazzjonijiet preċedenti

ĠU C 247, 13.10.2006, p. 19.

ĠU C 77, 5.4.2007, p. 11.

ĠU C 153, 6.7.2007, p. 22.

ĠU C 164, 18.7.2007, p. 45.

ĠU C 182, 4.8.2007, p. 18.

ĠU C 57, 1.3.2008, p. 38.

ĠU C 134, 31.5.2008, p. 19.

ĠU C 331, 31.12.2008, p. 13.

ĠU C 33, 10.2.2009, p. 1.

ĠU C 36, 13.2.2009, p. 100.

ĠU C 37, 14.2.2009, p. 8.

ĠU C 98, 29.4.2009, p. 11.

ĠU C 35, 12.2.2010, p. 7.

ĠU C 304, 10.11.2010, p. 5.

ĠU C 24, 26.1.2011, p. 6.

ĠU C 157, 27.5.2011, p. 8.

ĠU C 203, 9.7.2011, p. 16.

ĠU C 11, 13.1.2012, p. 13.

ĠU C 72, 10.3.2012, p. 44.

ĠU C 199, 7.7.2012, p. 8.

ĠU C 298, 4.10.2012, p. 3.

ĠU C 56, 26.2.2013, p. 13.

ĠU C 98, 5.4.2013, p. 3.

ĠU C 269, 18.09.2013, p. 2.

ĠU C 57, 28.2.2014, p. 2.

ĠU C 152, 20.5.2014, p. 25.

ĠU C 224, 15.7.2014, p. 31.

ĠU C 434, 4.12.2014, p. 3.

ĠU C 447, 13.12.2014, p. 32.

ĠU C 38, 4.2.2015, p. 20.

ĠU C 96, 11.3.2016, p. 7.

ĠU C 146, 26.4.2016, p. 12.

ĠU C 248, 8.7.2016, p. 12.

ĠU C 111, 8.4.2017, p. 11.

ĠU C 21, 20.1.2018, p. 3.

ĠU C 93, 12.3.2018, p. 4.

ĠU C 153, 2.5.2018, p. 8.

ĠU C 186, 31.5.2018, p. 10.

ĠU C 264, 26.7.2018, p. 6.

ĠU C 366, 10.10.2018, p. 12.

ĠU C 459, 20.12.2018, p. 38.

ĠU C 140, 16.4.2019, p. 7.

ĠU C 178, 28.5.2020, p. 3.

ĠU C 102, 24.3.2021, p. 8.

ĠU C 486, 3.12.2021, p. 26.

ĠU C 139, 29.3.2022, p. 3.

ĠU C 143, 31.3.2022, p. 6.

(1) Ara l-lista ta’ pubblikazzjonijiet preċedenti fl-aħħar parti ta’ dan l-aġġornament.

(2) ĠU L 77, 23.3.2016, p. 1.

		ISSN 1977-0987
Il-Ġurnal Uffiċjali tal-Unjoni Ewropea		C 258

Edizzjoni bil-Malti	Informazzjoni u Avviżi	Volum 65 5 ta' Lulju 2022

Werrej		Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2022/C 258/01	Ebda oppożizzjoni għal konċentrazzjoni notifikata (Il-Każ M.10708 — CURA / OCG / DEUTSCHE EUROSHOP JV) ( 1 )	1
2022/C 258/02	Ebda oppożizzjoni għal konċentrazzjoni notifikata (Il-Każ M.10529 — HEIDELBERGCEMENT / THOMA BRAVO / COMMAND ALKON) ( 1 )	2

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2022/C 258/03	Rata tal-kambju tal-euro — L-4 ta' Lulju 2022	3
	Il-Qorti tal-Awdituri
2022/C 258/04	Rapport Speċjali 14/2022: — Ir-rispons tal-Kummissjoni għall-frodi fil-Politika Agrikola Komuni: Wasal il-waqt li l-kwistjoni tiġi indirizzata aktar fil-fond	4
	Il-Kontrollur Ewropew għall-Protezzjoni tad-Data
2022/C 258/05	Sommarju tal-Opinjoni tal-Kontrollur Ewropew għall-Protezzjoni tad-Data dwar il-Proposta għal Regolament dwar il-protezzjoni tal-indikazzjonijiet ġeografiċi għall-prodotti artiġjanali u industrijali (It-test sħiħ ta’ din l-Opinjoni jinsab bl-Ingliż, bil-Franċiż u bil-Ġermaniż fuq is-sit web tal-EDPS www.edps.europa.eu)	5
2022/C 258/06	Sommarju tal-Opinjoni tal-Kontrollur Ewropew għall-Protezzjoni tad-Data dwar il-Proposta għal Regolament dwar is-sigurtà tal-informazzjoni fl-istituzzjonijiet, il-korpi, l-uffiċċji u l-aġenziji tal-Unjoni (It-test sħiħ ta’ din l-Opinjoni jinsab bl-Ingliż, bil-Franċiż u bil-Ġermaniż fuq is-sit web tal-EDPS www.edps.europa.eu)	7
2022/C 258/07	Sommarju tal-Opinjoni tal-Kontrollur Ewropew għall-Protezzjoni tad-Data dwar Proposta għal Regolament li jistabbilixxi miżuri għal livell għoli komuni ta’ ċibersigurtà fl-istituzzjonijiet, fil-korpi, fl-uffiċċji u fl-aġenziji tal-Unjoni Ewropea [It-test sħiħ ta’ din l-Opinjoni jinsab bl-Ingliż, bil-Franċiż u bil-Ġermaniż fuq is-sit web tal-EDPS www.edps.europa.eu]	10
	INFORMAZZJONI MILL-ISTATI MEMBRI
2022/C 258/08	Aġġornament tal-ammonti ta’ referenza għall-qsim tal-fruntieri esterni, kif imsemmi fl-Artikolu 6(4) tar-Regolament (UE) 2016/399 tal-Parlament Ewropew u tal-Kunsill li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen)	13


	(1) Test b'rilevanza għaż-ŻEE.