—

din l-ewwel taqsima introduttorja tispjega għalfejn il-Kummissjoni tipprovdi gwida dwar l-akkordji vertikali u l-kamp ta’ applikazzjoni ta’ din il-gwida. Tispjega wkoll l-objettivi tal-Artikolu 101 tat-Trattat, kif l-Artikolu 101 tat-Trattat japplika għall-akkordji vertikali, u l-passi ewlenin fil-valutazzjoni tal-akkordji vertikali skont l-Artikolu 101 tat-Trattat;

—

it-tieni taqsima tipprovdi ħarsa ġenerali lejn l-effetti pożittivi u negattivi tal-akkordji vertikali. Ir-Regolament (UE) 2022/720, dawn il-Linji Gwida, u l-politika ta’ infurzar tal-Kummissjoni f’każijiet individwali huma bbażati fuq il-kunsiderazzjoni ta’ dawn l-effetti;

—

it-tielet taqsima tittratta akkordji vertikali li ġeneralment jaqgħu barra mill-Artikolu 101(1) tat-Trattat. Filwaqt li r-Regolament (UE) 2022/720 ma japplikax għal dawn l-akkordji, huwa neċessarju li tiġi pprovduta gwida dwar il-kundizzjonijiet li fihom l-akkordji vertikali jaqgħu barra mill-Artikolu 101(1) tat-Trattat;

—

ir-raba’ taqsima tipprovdi gwida ulterjuri dwar il-kamp ta’ applikazzjoni tar-Regolament (UE) 2022/720 , inklużi spjegazzjonijiet dwar l-isfera ta’ sikurezza stabbilita mir-Regolament u d-definizzjoni ta’ akkordju vertikali. Dik it-taqsima fiha wkoll gwida dwar l-akkordji vertikali fl-ekonomija tal-pjattaformi online, li għandha rwol dejjem aktar importanti fid-distribuzzjoni tal-prodotti u tas-servizzi. Dik it-taqsima tispjega wkoll il-limiti tal-applikazzjoni tar-Regolament (UE) 2022/720, kif stabbilit fl-Artikolu 2(2), (3) u (4) tar-Regolament. Dan jinkludi l-limiti speċifiċi li japplikaw għall-iskambju ta’ informazzjoni bejn fornitur u xerrej f’xenarji ta’ distribuzzjoni doppja, skont l-Artikolu 2(5) tar-Regolament, u dawk li japplikaw għal akkordji relatati mal-forniment ta’ servizzi ta’ intermedjazzjoni online fejn il-fornitur ta’ dawk is-servizzi jkollu funzjoni ibrida, skont l-Artikolu 2(6) tar-Regolament. Ir-raba’ taqsima tispjega wkoll kif ir-Regolament (UE) 2022/720 japplika f’każijiet li fihom akkordju vertikali jaqa’ fi ħdan il-kamp ta’ applikazzjoni ta’ regolament ieħor ta’ eżenzjoni ta’ kategorija, kif stabbilit fl-Artikolu 2(7) tar-Regolament. Fl-aħħar nett, dik it-taqsima fiha deskrizzjoni ta’ ċerti tipi komuni ta’ sistema ta’ distribuzzjoni, b’mod partikolari dawk li huma s-suġġett ta’ dispożizzjonijiet speċifiċi fl-Artikolu 4 tar-Regolament dwar restrizzjonijiet fundamentali;

—

il-ħames taqsima tindirizza d-definizzjoni tas-swieq rilevanti u l-kalkolu tal-ishma mis-suq, b’referenza għall-Avviż dwar id-Definizzjoni tas-Suq (5). Dan huwa rilevanti minħabba li l-akkordji vertikali jistgħu jibbenefikaw biss mill-eżenzjoni ta’ kategorija prevista mir-Regolament (UE) 2022/720 jekk l-ishma mis-suq tal-impriżi li jkunu parti għall-akkordju ma jaqbżux il-limiti stabbiliti fl-Artikolu 3 tar-Regolament (UE) 2022/720;

—

is-sitt taqsima tkopri r-restrizzjonijiet fundamentali stabbiliti fl-Artikolu 4 tar-Regolament (UE) 2022/720 u r-restrizzjonijiet esklużi stabbiliti fl-Artikolu 5 tar-Regolament, inklużi spjegazzjonijiet dwar għaliex il-kwalifika bħala restrizzjoni “fundamentali” jew “eskluża” hija rilevanti;

—

is-seba’ taqsima fiha gwida dwar is-setgħat tal-Kummissjoni u tal-awtoritajiet tal-kompetizzjoni tal-Istati Membri (“NCAs”) sabiex jirtiraw il-benefiċċju tar-Regolament (UE) 2022/720 f’każijiet individwali, skont l-Artikolu 29 tar-Regolament tal-Kunsill (KE) Nru 1/2003 (6) u l-Artikolu 6 tar-Regolament (UE) 2022/720, kif ukoll gwida dwar is-setgħa tal-Kummissjoni li tadotta regolamenti li jiddikjaraw li r-Regolament (UE) 2022/720 ma japplikax, skont l-Artikolu 7 tar-Regolament (UE) 2022/720;

—

it-tmien taqsima tiddeskrivi l-politika ta’ infurzar tal-Kummissjoni f’każijiet individwali. Għal dak l-għan, tispjega kif l-akkordji vertikali li ma humiex koperti mir-Regolament (UE) 2022/720 huma vvalutati skont l-Artikolu 101(1) u (3) tat-Trattat, u jipprovdi gwida dwar diversi tipi komuni ta’ restrizzjonijiet vertikali.

—

l-ewwel nett, jeħtieġ li l-impriżi involuti jistabbilixxu l-ishma mis-suq tal-fornitur u tax-xerrej fis-suq rilevanti fejn huma jbigħu u jixtru, rispettivament, il-prodotti jew is-servizzi tal-kuntratt;

—

jekk la s-sehem mis-suq tal-fornitur u lanqas dak tax-xerrej ma jaqbeż il-limitu tas-sehem mis-suq ta’ 30 % stabbilit fl-Artikolu 3 tar-Regolament (UE) 2022/720, l-akkordju vertikali jkun kopert mill-isfera ta’ sikurezza stabbilita mir-Regolament, dment li l-akkordju ma jkunx fih restrizzjonijiet fundamentali skont it-tifsira tal-Artikolu 4 tar-Regolament jew kwalunkwe restrizzjoni eskluża fis-sens tal-Artikolu 5 tar-Regolament li ma tistax tiġi sseparata mill-bqija tal-akkordju;

—

jekk is-sehem mis-suq rilevanti tal-fornitur jew tax-xerrej jaqbeż il-limitu ta’ 30 % jew l-akkordju jkun fih restrizzjoni fundamentali waħda jew aktar jew restrizzjonijiet esklużi mhux separabbli, huwa neċessarju li jiġi vvalutat jekk l-akkordju vertikali jaqax fil-kamp ta’ applikazzjoni tal-Artikolu 101(1) tat-Trattat;

—

jekk l-akkordju vertikali jaqa’ fil-kamp ta’ applikazzjoni tal-Artikolu 101(1) tat-Trattat, huwa meħtieġ li jiġi eżaminat jekk jissodisfax il-kundizzjonijiet tal-eċċezzjoni previsti fl-Artikolu 101(3) tat-Trattat.

(a)

sabiex tiġi indirizzata l-kwistjoni tal-esternalità vertikali. L-iffissar ta’ prezz għoli wisq mid-distributur, mingħajr ma jitqies l-effett tad-deċiżjonijiet tiegħu fuq il-fornitur, jista’ jiġi evitat mill-fornitur li jimponi prezz massimu ta’ bejgħ mill-ġdid fuq id-distributur. B’mod simili, sabiex jiżdiedu l-isforzi ta’ bejgħ tad-distributur, il-fornitur jista’ juża distribuzzjoni selettiva jew esklużiva;

(b)

sabiex tiġi indirizzata l-problema ta’ parassitiżmu. Jista’ jseħħ parassitiżmu bejn ix-xerrejja fil-livell tal-bejgħ bl-ingrossa jew tal-bejgħ bl-imnut, b’mod partikolari, meta ma jkunx possibbli għall-fornitur li jimponi rekwiżiti effettivi ta’ promozzjoni jew ta’ servizz fuq ix-xerrejja kollha. Il-parassitiżmu bejn ix-xerrejja jista’ jseħħ biss fuq is-servizzi ta’ qabel il-bejgħ u fuq attivitajiet promozzjonali oħrajn, iżda mhux fuq is-servizzi ta’ wara l-bejgħ li għalihom id-distributur jista’ jitlob ħlas mingħand il-klijenti tiegħu individwalment. L-isforzi ta’ qabel il-bejgħ li fuqhom jista’ jseħħ il-parassitiżmu jistgħu jkunu importanti, pereżempju, meta l-prodotti jew is-servizzi jkunu relattivament ġodda, teknikament kumplessi jew ta’ valur għoli, jew meta r-reputazzjoni tal-prodotti jew tas-servizzi tkun fattur determinanti importanti tad-domanda tagħhom (22). Ir-restrizzjonijiet f’sistemi ta’ distribuzzjoni esklużiva jew selettiva, jew restrizzjonijiet oħrajn jistgħu jkunu ta’ għajnuna sabiex jiġi evitat jew jitnaqqas tali parassitiżmu. Il-parassitiżmu jista’ jseħħ ukoll bejn il-fornituri, pereżempju meta manifattur wieħed jinvesti fi promozzjoni fil-bini tax-xerrej li tattira wkoll lill-klijenti għall-kompetituri ta’ dak il-manifattur. Ir-restrizzjonijiet li jeskludu l-kompetizzjoni jistgħu jgħinu sabiex jingħeleb il-parassitiżmu bejn il-fornituri (23);

(c)

għall-ftuħ jew għad-dħul fi swieq ġodda. Meta fornitur ikun jixtieq jidħol f’suq ġeografiku ġdid, pereżempju, billi jesporta lejn pajjiż ieħor, dan jista’ jinvolvi investimenti mitlufin speċjali mid-distributur sabiex jistabbilixxi l-marka fis-suq. Sabiex distributur lokali jiġi pperswadut jagħmel dawn l-investimenti, jista’ jkun neċessarju li tiġi pprovduta protezzjoni territorjali sabiex id-distributur ikun jista’ jirkupra l-investimenti tiegħu. Dan jista’ jiġġustifika r-restrizzjoni ta’ distributuri li jinsabu fi swieq ġeografiċi oħrajn milli jbigħu fis-suq il-ġdid (ara wkoll il-paragrafi (118), (136) u (137)). Dan huwa każ speċjali tal-problema ta’ parassitiżmu stabbilita fil-punt (b);

(d)

sabiex tiġi indirizzata l-problema ta’ parassitiżmu. F’xi setturi, ċerti distributuri għandhom reputazzjoni li jaħżnu biss prodotti ta’ kwalità jew li jipprovdu servizzi ta’ kwalità (l-hekk imsejħa “distributuri primjum”). F’każ bħal dan, il-bejgħ permezz ta’ dawk id-distributuri jista’ jkun kruċjali, b’mod partikolari għat-tnedija b’suċċess ta’ prodott ġdid. Jekk il-fornitur ma jkunx jista’ jiżgura li d-distribuzzjoni tal-prodotti tiegħu tkun limitata għal tali distributuri primjum, ikun qiegħed jirriskja li ma jkunx elenkat minn tali distributuri. F’dak ix-xenarju, l-użu ta’ distribuzzjoni esklużiva jew selettiva jista’ jkun ġustifikat;

(e)

sabiex tiġi indirizzata l-problema ta’ rinunzja għal ċerti investimenti. Jew il-fornitur jew ix-xerrej jista’ jkollu bżonn jagħmel investimenti speċifiċi għar-relazzjoni (pereżempju f’tagħmir jew f’taħriġ speċifiku) li huma investimenti mitlufin u li ftit li xejn għandhom valur jew ma jkollhomx valur barra mir-relazzjoni vertikali speċifika. Pereżempju, manifattur tal-komponenti jista’ jkollu jibni magni speċifiċi sabiex jissodisfa r-rekwiżiti ta’ wieħed mill-klijenti tiegħu, iżda l-magni jistgħu ma jkunux adattati għall-użu ma’ klijenti oħrajn u jista’ jkun impossibbli li jerġgħu jbigħuhom. Fin-nuqqas ta’ akkordju, il-parti li tinvesti ssib ruħha f’pożizzjoni dgħajfa ta’ negozjar ladarba tkun għamlet l-investiment speċifiku għar-relazzjoni, peress li tirriskja li “tinżamm imwaħħla” matul in-negozjati mas-sieħeb kummerċjali tagħha. It-theddida ta’ tali rinunzja għal ċerti investimenti opportunistika tista’ twassal għal investimenti subottimali mill-parti li tinvesti. L-akkordji vertikali jistgħu jeliminaw l-ambitu għal rinunzja għal ċerti investimenti (b’mod partikolari meta l-investiment jista’ jiġi kkuntrattat bis-sħiħ u jistgħu jiġu previsti l-kontinġenzi futuri kollha) jew jistgħu jnaqqsu l-ambitu għal rinunzja għal ċerti investimenti. Pereżempju, l-obbligu li ma ssirx kompetizzjoni, l-obbligar tal-kwantità, jew ix-xiri esklużiv jistgħu jnaqqsu l-problema ta’ rinunzja għal ċerti investimenti meta l-investiment speċifiku għar-relazzjoni jsir mill-fornitur, filwaqt li d-distribuzzjoni esklużiva, l-allokazzjoni esklużiva tal-klijenti jew il-provvista esklużiva jistgħu jnaqqsu l-problema ta’ rinunzja għal ċerti investimenti meta l-investiment isir mix-xerrej;

(f)

sabiex tiġi indirizzata l-problema speċifika ta’ rinunzja għal ċerti investimenti li tista’ tinħoloq meta jkun hemm trasferiment ta’ għarfien espert sostanzjali. Il-fornitur tal-għarfien espert jista’ ma jkunx jixtieq li l-għarfien espert jintuża minn jew għall-benefiċċju tal-kompetituri tiegħu, pereżempju fil-frankiġja. Sa fejn l-għarfien espert ma kienx faċilment disponibbli għax-xerrej, u sa fejn ikun sostanzjali u indispensabbli għall-implimentazzjoni tal-akkordju, tali trasferiment jista’ jiġġustifika restrizzjoni li ma ssirx kompetizzjoni, li ġeneralment taqa’ barra mill-Artikolu 101(1) tat-Trattat f’każijiet bħal dawn;

(g)

sabiex jinkisbu ekonomiji ta’ skala fid-distribuzzjoni. Sabiex l-ekonomiji ta’ skala jiġu sfruttati u b’hekk ikun hemm prezz tal-bejgħ bl-imnut aktar baxx għall-prodotti jew għas-servizzi tiegħu, il-manifattur jista’ jkun irid jikkonċentra l-bejgħ mill-ġdid tal-prodotti jew tas-servizzi tiegħu fuq numru limitat ta’ distributuri. Sabiex jagħmel dan, il-manifattur jista’ juża distribuzzjoni esklużiva, obbligi ta’ kwantità fil-forma ta’ rekwiżit ta’ xiri minimu, distribuzzjoni selettiva li tinkludi rekwiżit ta’ distribuzzjoni selettiva jew xiri esklużiv;

(h)

sabiex jiġu żgurati l-uniformità u l-istandardizzazzjoni tal-kwalità. Restrizzjoni vertikali tista’ tgħin biex toħloq jew tippromwovi immaġni tal-marka, billi timponi ċerta miżura ta’ uniformità u ta’ standardizzazzjoni tal-kwalità fuq id-distributuri. Din tista’ tipproteġi r-reputazzjoni tal-marka, tagħmel l-prodotti jew is-servizzi kkonċernati iktar attraenti għall-utenti finali u żżid il-bejgħ. Tali standardizzazzjoni tista’, pereżempju, tinkiseb permezz ta’ distribuzzjoni selettiva jew permezz ta’ frankiġja;

(i)

sabiex jiġu indirizzati l-imperfezzjonijiet tas-suq kapitali. Il-fornituri tal-kapital, bħal banek u swieq ta’ ekwità, jistgħu jipprovdu l-kapital b’mod subottimali meta jkollhom informazzjoni imperfetta dwar is-solvenza tal-mutwatarju jew fejn ikun hemm bażi inadegwata sabiex jiġi żgurat is-self. Ix-xerrej jew il-fornitur jista’ jkollu informazzjoni aħjar u jista’ jkun kapaċi, permezz ta’ relazzjoni esklużiva, jikseb sigurtà akbar għall-investiment tiegħu. Meta l-fornitur jipprovdi s-self lix-xerrej, dan jista’ jwassal għall-impożizzjoni ta’ obbligu li ma ssirx kompetizzjoni jew obbligu ta’ kwantità fuq ix-xerrej. Meta x-xerrej jipprovdi s-self lill-fornitur, dan jista’ jkun ir-raġuni għall-impożizzjoni ta’ obbligu ta’ provvista esklużiva jew ta’ obbligu ta’ kwantità fuq il-fornitur.

(a)

esklużjoni antikompetittiva ta’ fornituri oħrajn jew ta’ xerrejja oħrajn, billi jiżdiedu l-ostakoli għad-dħul jew għall-espansjoni;

(b)

it-tnaqqis tal-kompetizzjoni bejn il-fornitur u l-kompetituri tiegħu u/jew il-faċilitazzjoni ta’ kollużjoni espliċita jew taċita bejn fornituri kompetituri, li ta’ spiss jissejħu bħala t-tnaqqis fil-kompetizzjoni bejn il-marki;

(c)

it-tnaqqis tal-kompetizzjoni bejn ix-xerrej u l-kompetituri tiegħu jew il-faċilitazzjoni ta’ kollużjoni espliċita jew taċita bejn ix-xerrejja kompetituri, spiss imsejħin it-tnaqqis tal-kompetizzjoni bejn il-marki meta tkun tikkonċerna d-distributuri tal-prodotti jew tas-servizzi tal-istess fornitur (24);

(d)

il-ħolqien ta’ ostakoli għall-integrazzjoni tas-suq, inklużi, b’mod partikolari, limitazzjonijiet fuq l-għażla tal-konsumatur li jixtri prodotti jew servizzi fi kwalunkwe Stat Membru.

(a)

iż-żieda fil-prezzijiet imposti fuq ix-xerrejja ta’ prodotti jew ta’ servizzi, li min-naħa tagħha tista’ twassal għal prezzijiet ogħla għall-konsumatur;

(b)

il-limitazzjoni tal-għażla ta’ prodotti jew ta’ servizzi;

(c)

it-tnaqqis tal-kwalità tal-prodotti jew tas-servizzi;

(d)

it-tnaqqis tal-innovazzjoni jew tas-servizz fil-livell tal-fornituri.

(a)

iżidu l-prezzijiet tal-prodotti jew tas-servizzi għall-konsumatur;

(b)

jillimitaw l-għażla ta’ kombinazzjonijiet bejn il-prezzijiet u s-servizzi u l-formati tad-distribuzzjoni;

(c)

inaqqsu d-disponibbiltà u l-kwalità tas-servizzi għall-konsumatur;

(d)

inaqqsu l-livell ta’ innovazzjoni fil-livell tad-distribuzzjoni.

(a)

is-sehem mis-suq aggregat tal-partijiet fi kwalunkwe suq rilevanti fl-Unjoni affettwat mill-akkordju ma jaqbiżx il-5 %, u

(b)

il-fatturat annwali aggregat tal-fornitur fl-Unjoni ġġenerat bil-prodotti koperti mill-akkordju ma jaqbiżx l-EUR 40 miljun jew, f’każijiet li jinvolvu akkordji konklużi bejn xerrej u diversi fornituri, ix-xiri kombinat tax-xerrej tal-prodotti koperti mill-akkordji ma jaqbiżx l-EUR 40 miljun (31). Il-Kummissjoni tista’ tikkonfuta l-preżunzjoni jekk analiżi tal-karatteristiċi tal-akkordju u tal-kuntest ekonomiku tiegħu turi l-kuntrarju.

(a)

ir-riskji speċifiċi għall-kuntratti, li huma direttament relatati mal-kuntratti konklużi u/jew innegozjati mill-aġent f’isem il-prinċipal, bħalma hu l-finanzjament ta’ stokks;

(b)

ir-riskji relatati ma’ investimenti speċifiċi għas-suq. Dawk huma investimenti speċifikament meħtieġa għat-tip ta’ attività li għaliha l-aġent jinħatar mill-prinċipal, jiġifieri li huma meħtieġa sabiex jippermettu lill-aġent jikkonkludi u/jew jinnegozja tip speċifiku ta’ kuntratt. Tali investimenti ġeneralment ikunu mitlufin, li jfisser li hekk kif investiment iħalli dak il-qasam partikolari ta’ attività, ma jkunx jista’ jintuża għal attivitajiet oħrajn jew jinbiegħ għajr b’telf sinifikanti;

(c)

ir-riskji marbuta ma’ attivitajiet oħrajn imwettqin fl-istess suq tal-prodotti, sal-punt li l-prinċipal jirrikjedi, bħala parti mir-relazzjoni tal-aġenzija, li l-aġent iwettaq tali attivitajiet mhux bħala aġent f’isem il-prinċipal, iżda għar-riskju tal-aġent stess.

(a)

l-aġent ma jixtrix il-proprjetà tal-prodotti mixtrijin jew mibjugħin skont l-akkordju ta’ aġenzija u ma jipprovdix huwa stess is-servizzi mixtrijin jew mibjugħin skont l-akkordju ta’ aġenzija. Il-fatt li l-aġent jista’ temporanjament, għal perjodu qasir ħafna ta’ żmien, jakkwista l-proprjetà fil-prodotti tal-kuntratt filwaqt li jbigħhom f’isem il-prinċipal ma jipprekludix l-eżistenza ta’ akkordju ta’ aġenzija li jaqa’ barra mill-kamp ta’ applikazzjoni tal-Artikolu 101(1) tat-Trattat, dment li l-aġent ma jġarrab l-ebda spiża jew riskju relatat mat-trasferiment tal-proprjetà;

(b)

ma jikkontribwixxix għall-ispejjeż relatati mal-forniment/max-xiri tal-prodotti jew tas-servizzi tal-kuntratt, inklużi l-ispejjeż tat-trasport tal-prodotti. Dan ma jipprekludix lill-aġent milli jwettaq is-servizz tat-trasport, dment li l-ispejjeż ikunu koperti mill-prinċipal;

(c)

l-aġent ma jżommx bl-ispejjeż kontrih jew jirriskja stokks tal-prodotti tal-kuntratt, inkluża l-ispiża tal-finanzjament tal-istokk u l-ispiża tal-istokk mitluf. L-aġent għandu jkun jista’ jirritorna prodotti mhux mibjugħin lill-prinċipal mingħajr ħlas, sakemm ma jkunx it-tort tiegħu, pereżempju, minħabba li jonqos milli jikkonforma ma’ miżuri raġonevoli ta’ sigurtà jew kontra s-serq sabiex jiġi evitat telf ta’ stokk;

(d)

l-aġent ma jiħux responsabbiltà għan-nuqqas ta’ eżekuzzjoni tal-kuntratt min-naħa tal-klijenti, bl-eċċezzjoni tat-telf tal-kummissjoni tal-aġent, sakemm ma jkunx it-tort tiegħu (pereżempju, billi jonqos milli jikkonforma ma’ miżuri raġonevoli ta’ sigurtà jew ta’ kontra s-serq jew jonqos milli jikkonforma ma’ miżuri raġonevoli sabiex jirrapporta serq lill-prinċipal jew lill-puliżija jew milli jikkomunika lill-prinċipal l-informazzjoni neċessarja kollha li tkun disponibbli għalih dwar l-affidabilità finanzjarja tal-klijent);

(e)

l-aġent ma jassumix ir-responsabbiltà lejn klijenti jew partijiet terzi oħrajn għal telf jew għal dannu li jirriżulta mill-provvista tal-prodotti jew tas-servizzi tal-kuntratt, sakemm ma jkunx tort tal-aġent;

(f)

l-aġent ma huwiex obbligat, direttament jew indirettament, li jinvesti fil-promozzjoni tal-bejgħ, inkluż permezz ta’ kontribuzzjonijiet għall-baġit tal-prinċipal għar-reklamar jew għal attivitajiet ta’ reklamar jew ta’ promozzjoni speċifikament relatati mal-prodotti jew mas-servizzi tal-kuntratt, sakemm it-tali spejjeż ma jiġux irrimborżati kompletament mill-prinċipal;

(g)

l-aġent ma jagħmilx investimenti speċifiċi għas-suq f’tagħmir, f’bini, f’taħriġ tal-persunal jew f’reklamar, bħat-tank għall-ħżin tal-petrol fil-każ ta’ bejgħ bl-imnut tal-petrol, software speċifiku għall-bejgħ ta’ poloz tal-assigurazzjoni fil-każ ta’ aġenti tal-assigurazzjoni, jew reklamar relatat ma’ rotot jew ma’ destinazzjonijiet fil-każ ta’ aġenti tal-ivvjaġġar li jbigħu titjiriet jew akkomodazzjoni f’lukandi, sakemm it-tali spejjeż ma jiġux irrimborżati kompletament mill-prinċipal;

(h)

l-aġent ma jwettaqx attivitajiet oħrajn fl-istess suq tal-prodotti meħtieġa mill-prinċipal skont ir-relazzjoni ta’ aġenzija (eż. il-konsenja tal-prodotti), sakemm dawk l-attivitajiet ma jiġux irrimborżati kompletament mill-prinċipal.

(a)

limitazzjonijiet fuq it-territorju li fih l-aġent jista’ jbigħ il-prodotti jew is-servizzi tal-kuntratt;

(b)

limitazzjonijiet fuq il-klijenti li lilhom l-aġent jista’ jbigħ il-prodotti jew is-servizzi tal-kuntratt;

(c)

il-prezzijiet u l-kundizzjonijiet li bihom l-aġent jeħtieġlu jbigħ jew jixtri l-prodotti jew is-servizzi tal-kuntratt.

(a)

kunsens espliċitu jista’ jiġi dedott mill-poteri mogħtijin lill-partijiet f’akkordju ġenerali mfassal minn qabel. Jekk il-klawżoli ta’ dak l-akkordju jipprevedu jew jawtorizzaw parti sabiex tadotta sussegwentement politika unilaterali speċifika li torbot lill-parti l-oħra, il-kunsens min-naħa tal-parti l-oħra għal dik il-politika jista’ jiġi stabbilit fuq dik il-bażi (52).

(b)

għal kunsens taċitu, huwa neċessarju li jintwera li parti tirrikjedi, b’mod espliċitu jew impliċitu, il-kooperazzjoni tal-parti l-oħra għall-implimentazzjoni tal-politika unilaterali tagħha u li l-parti l-oħra tkun ikkonformat ma’ dak ir-rekwiżit billi tkun implimentat dik il-politika unilaterali fil-prattika (53). Pereżempju, jekk wara tħabbira mill-fornitur ta’ tnaqqis unilaterali fil-provvisti sabiex jiġi evitat kummerċ parallel, id-distributuri jnaqqsu immedjatament l-ordnijiet tagħhom u ma jibqgħux jinvolvu ruħhom f’kummerċ parallel, ikun jista’ jiġi konkluż li dawn id-distributuri jagħtu l-kunsens taċitu tagħhom għall-politika unilaterali tal-fornitur. Madankollu, ma tistax tinħareġ konklużjoni bħal din jekk id-distributuri jkomplu jinvolvu ruħhom f’kummerċ parallel jew jipprovaw isibu modi ġodda sabiex jinvolvu ruħhom f’kummerċ parallel.

(a)

l-impriża li tipprovdi s-servizzi ta’ intermedjazzjoni online ma tistax tiġi kkategorizzata bħala xerrej fis-sens tal-Artikolu 1(1), il-punt (k) tar-Regolament fir-rigward ta’ prodotti jew ta’ servizzi offruti minn partijiet terzi li jużaw dawk is-servizzi ta’ intermedjazzjoni online;

(b)

għall-finijiet tal-applikazzjoni tal-limiti tas-sehem mis-suq stabbiliti fl-Artikolu 3(1) tar-Regolament, is-sehem mis-suq tal-impriża li tipprovdi s-servizzi ta’ intermedjazzjoni online jiġi kkalkolat fis-suq rilevanti għall-provvista ta’ dawk is-servizzi. L-ambitu tas-suq rilevanti jiddependi mill-fatti tal-każ, b’mod partikolari l-grad ta’ sostitwibbiltà bejn is-servizzi ta’ intermedjazzjoni online u offline, bejn is-servizzi ta’ intermedjazzjoni użati għal kategoriji differenti ta’ prodotti jew ta’ servizzi u bejn is-servizzi tal-intermedjazzjoni u l-kanali ta’ bejgħ dirett;

(c)

restrizzjonijiet imposti mill-impriża li tipprovdi s-servizzi ta’ intermedjazzjoni online fuq ix-xerrejja ta’ dawk is-servizzi relatati mal-prezz li bih, mat-territorji li għalihom, jew mal-klijenti li lilhom jistgħu jinbiegħu l-prodotti jew is-servizzi intermedjati, inklużi restrizzjonijiet relatati mar-reklamar online u mal-bejgħ online, huma soġġetti għad-dispożizzjonijiet tal-Artikolu 4 tar-Regolament (restrizzjonijiet fundamentali). Pereżempju, skont l-Artikolu 4, il-punt (a) tar-Regolament, l-eżenzjoni prevista fl-Artikolu 2(1) tar-Regolament ma tapplikax għal akkordju li permezz tiegħu fornitur ta’ servizzi ta’ intermedjazzjoni online jimponi prezz tal-bejgħ fiss jew minimu għal tranżazzjoni li jiffaċilita;

(d)

skont l-Artikolu 5(1)(d) tar-Regolament, l-eżenzjoni pprovduta mill-Artikolu 2(1) tar-Regolament ma tapplikax għall-obbligi ta’ parità fil-livell tal-bejgħ bl-imnut bejn il-pjattaformi imposti mill-impriża li tipprovdi s-servizzi ta’ intermedjazzjoni online fuq ix-xerrejja ta’ dawk is-servizzi;

(e)

skont l-Artikolu 2(6) tar-Regolament, l-eżenzjoni prevista fl-Artikolu 2(1) tar-Regolament ma tapplikax għal akkordji relatati mal-forniment ta’ servizzi ta’ intermedjazzjoni online meta l-fornitur tas-servizzi jkun impriża kompetitriċi fis-suq rilevanti għall-bejgħ tal-prodotti jew tas-servizzi intermedjati (funzjoni ibrida). Kif stabbilit fit-Taqsima 4.4.4., tali akkordji jridu jiġu vvalutati skont il-Linji Gwida Orizzontali fir-rigward tal-effetti kollużivi possibbli u skont it-taqsima 8 ta’ dawn il-Linji Gwida fir-rigward ta’ kwalunkwe restrizzjoni vertikali.

(a)

id-dispożizzjonijiet dwar id-DPI jridu jkunu parti minn akkordju vertikali, jiġifieri akkordju b’kundizzjonijiet li fihom il-partijiet jistgħu jixtru, ibigħu jew ibigħu mill-ġdid ċerti prodotti jew servizzi;

(b)

id-DPI jridu jiġu ċeduti lix-xerrej jew jiġu liċenzjati għall-użu minnu;

(c)

id-dispożizzjonijiet dwar id-DPI ma jridux jikkostitwixxu l-għan primarju tal-akkordju;

(d)

id-dispożizzjonijiet dwar id-DPI jridu jkunu direttament relatati mal-użu, mal-bejgħ jew mal-bejgħ mill-ġdid ta’ prodotti jew ta’ servizzi mix-xerrej jew mill-klijenti tiegħu. Fil-każ ta’ franchising fejn il-kummerċjalizzazzjoni tifforma l-għan tal-isfruttament tad-DPI, il-prodotti jew is-servizzi jiġu ddistribwiti mill-franchisee ewlieni jew mill-franchisees;

(e)

id-dispożizzjonijiet dwar id-DPI, b’rabta mal-prodotti jew mas-servizzi tal-kuntratt, ma jridx ikun fihom restrizzjonijiet tal-kompetizzjoni li jkollhom l-istess għan bħar-restrizzjonijiet vertikali li ma humiex eżentati skont ir-Regolament (UE) 2022/720.

(a)

akkordji li fihom parti tipprovdi lil parti oħra b’riċetta u tagħtiha liċenzja sabiex tipproduċi xarba b’dik ir-riċetta;

(b)

il-liċenzja pura ta’ trademark jew sinjal għall-finijiet ta’ merchandising;

(c)

kuntratti ta’ sponsorjar dwar id-dritt għar-reklamar proprju bħala l-isponsor uffiċjali ta’ avveniment;

(d)

liċenzjar ta’ drittijiet tal-awtur bħal kuntratti tax-xandir li jikkonċernaw id-dritt ta’ reġistrazzjoni jew ta’ xandir ta’ avveniment.

(a)

obbligu fuq il-franchisee li ma jinvolvix ruħu, direttament jew indirettament, f’xi negozju simili;

(b)

obbligu fuq il-franchisee li ma jakkwistax interessi finanzjarji fil-kapital ta’ impriża kompetitriċi bħal sabiex il-franchisee jingħata s-setgħa li jinfluwenza l-kondotta ekonomika ta’ tali impriża;

(c)

obbligu fuq il-franchisee li ma jiddivulgax lil partijiet terzi l-għarfien espert ipprovdut mill-franchisor, dment li t-tali għarfien espert ma jkunx fid-dominju pubbliku;

(d)

obbligu fuq il-franchisee li jikkomunika lill-franchisor kull esperjenza miksuba fl-isfruttar tal-franchise u li jagħti lill-franchisor u lil franchisees oħrajn liċenzja mhux esklużiva għall-għarfien espert li jirriżulta minn dik l-esperjenza;

(e)

obbligu fuq il-franchisee li jgħarraf lill-franchisor bi kwalunkwe ksur tad-DPI liċenzjati, li jieħu azzjoni legali kontra dawk li jwettqu dan il-ksur jew li jassisti lill-franchisor fi kwalunkwe azzjoni legali kontra dawk li jwettqu l-ksur;

(f)

obbligu fuq il-franchisee li ma jużax l-għarfien espert liċenzjat mill-franchisor għal finijiet oħrajn għajr l-isfruttament tal-franchise;

(g)

obbligu fuq il-franchisee li ma jċedix id-drittijiet u l-obbligi skont l-akkordju dwar franchising mingħajr il-kunsens tal-franchisor.

(a)

informazzjoni teknika marbuta mal-prodotti jew mas-servizzi tal-kuntratt, inkluża informazzjoni marbuta mar-reġistrazzjoni, maċ-ċertifikazzjoni, mat-trattament, mal-użu, mal-manutenzjoni, mat-tiswija, mall-aġġornament jew ir-reċiklaġġ tal-prodotti jew tas-servizzi tal-kuntratt, b’mod partikolari meta tali informazzjoni tkun meħtieġa li tikkonforma ma’ miżuri regolatorji, u ma’ informazzjoni li tippermetti lill-fornitur jew lix-xerrej jadatta l-prodotti jew is-servizzi tal-kuntratt għar-rekwiżiti tal-klijent;

(b)

informazzjoni loġistika marbuta mal-produzzjoni u mad-distribużżjoni tal-prodotti jew tas-servizzi tal-kuntratt fil-livelli upstream jew downstream, inkluża informazzjoni marbuta ma’ proċessi tal-produzzjoni, mal-inventarju, u, soġġetti għall-punt (b) tal-paragrafu (100), mal-volumi ta’ bejgħ u ta’ redditu;

(c)

soġġetta għall-punt (b) tal-paragrafju (100), l-informazzjoni marbuta max-xiri min-naħa tal-klijenti ta’ prodotti jew ta’ servizzi tal-kuntratt, mal-preferenzi u mal-feedback tal-klijenti,dment li l-iskambju ta’ tali informazzjoni ma jintużax biex jirrestrinġi t-territorju li fih jew il-klijenti li lilhom ix-xerrej jista’ jbigħ il-prodotti jew is-servizzi tal-kuntratt fis-sens tal-Artikolu 4, il-punti (b), (c) jew (d) tar-Regolament (UE) 2022/720;

(d)

informazzjoni marbuta mal-prezzijiet li bihom jinbiegħu l-prodotti jew is-servizzi tal-kuntratt mill-fornitur lix-xerrej;

(e)

soġġetta għall-punt (a) tal-paragrafu (100), informazzjoni marbuta mal-prezzijiet rakkomandati tal-bejgħ mill-ġdid tal-fornitur jew mal-prezzijiet massimi tal-bejgħ mill-ġdid għall-prodotti jew għas-servizzi tal-kuntratt, u informazzjoni marbuta mal-prezzijiet li bihom ix-xerrej jerġa’ jbigħ il-prodotti jew is-servizzi, dment li t-tali skambju ta’ informazzjoni ma jintużax sabiex jirrestrinġi l-kapaċità tax-xerrej li jiddetermina l-prezz tal-bejgħ tiegħu jew li jinforza prezz tal-bejgħ fiss jew minimu fis-sens tal-Artikolu 4, il-punt (a) tar-Regolament (UE) 2022/720 (69);

(f)

soġġetta għall-paragrafu(100) u l-punt (e) ta’ dan il-paragrafu, l-informazzjoni marbuta mal-kummerċjalizzazzjoni tal-prodotti u s-servizzi tal-kuntratt, inkluża informazzjoni dwar kampanji promozzjonali u informazzjoni dwar prodotti jew servizzi ġodda li jridu jiġu fornuti skont l-akkordju vertikali;

(g)

informazzjoni marbuta mal-prestazzjoni, inkluża informazzjoni aggregata kkomunikata mill-fornitur lix-xerrej b’rabta mal-attivitajiet ta’ kummerċjalizzazzjoni u ta’ bejgħ ta’ xerrejja oħrajn tal-prodotti jew tas-servizzi tal-kuntratt, dment li din ma tippermettix lix-xerrej jidentifika l-attivitajiet ta’ xerrejja kompetituri partikolari, kif ukoll informazzjoni marbuta mal-volum jew mal-valur tal-bejgħ tax-xerrej tal-prodotti jew tas-servizzi tal-kuntratt fir-rigward tal-bejgħ min-naħa tiegħu ta’ prodotti jew ta’ servizzi kompetituri.

(a)

informazzjoni marbuta mal-prezzijiet futuri li bihom il-fornitur jew ix-xerrej ikunu beħsiebhom ibigħu l-prodotti jew is-servizzi downstream tal-kuntratt;

(b)

informazzjoni marbuta ma’ utenti finali identifikati tal-prodotti jew tas-servizzi tal-kuntratt, dment li l-iskambju ta’ tali informazzjoni jkun meħtieġ:

(c)

informazzjoni marbuta ma’ prodotti mibjugħin minn xerrej bl-isem kummerċjali tiegħu stess skambjata bejn ix-xerrej u manifattur ta’ prodotti ta’ marka kompetitriċi, dment li l-manifattur ikun ukoll il-produttur tal-prodotti tal-marka proprja.

—

Ir-Regolament tal-Kummissjoni (UE) Nru 316/2014;

—

Ir-Regolament tal-Kummissjoni (UE) Nru 1217/2010 (75);

—

Ir-Regolament tal-Kummissjoni (UE) Nru 1218/2010 (76).

(a)

meta restrizzjoni fundamentali fis-sens tal-Artikolu 4 tar-Regolament (UE) 2022/720 tkun inkluża f’akkordju vertikali, dak l-akkordju x’aktarx li jaqa’ fil-kamp ta’ applikazzjoni tal-Artikolu 101(1) tat-Trattat.

(b)

akkordju li jinkludi restrizzjoni fundamentali fis-sens tal-Artikolu 4 tar-Regolament (UE) 2022/720 x’aktarx li ma jissodisfax il-kundizzjonijiet tal-Artikolu 101(3) tat-Trattat.

(a)

l-iffissar tal-marġni tal-bejgħ mill-ġdid;

(b)

l-iffissar tal-livell massimu ta’ skont li d-distributur jista’ jagħti minn livell ta’ prezz prestabbilit;

(c)

l-għoti ta’ ribassi jew ir-rimborż ta’ spejjeż promozzjonali mill-fornitur isiru soġġetti għall-osservanza ta’ livell ta’ prezz partikolari;

(d)

l-impożizzjoni ta’ prezzijiet minimi rreklamati (“MAPs”), li jipprojbixxu lid-distributur milli jirreklama prezzijiet taħt livell stabbilit mill-fornitur;

(e)

l-irbit tal-prezz tal-bejgħ mill-ġdid prestabbilit mal-prezzijiet tal-bejgħ mill-ġdid tal-kompetituri;

(f)

it-theddid, l-intimidazzjonijiet, it-twissijiet, il-penali, id-dewmien jew is-sospensjoni ta’ kunsinni jew it-terminazzjonijiet ta’ kuntratti b’rabta mal-osservanza ta’ livell ta’ prezz partikolari.

(a)

RPM tista’ tiffaċilita l-kollużjoni bejn il-fornituri, billi ttejjeb it-trasparenza tal-prezzijiet fis-suq u, għalhekk, tagħmilha eħfef li jiġi żvelat jekk fornitur ikunx qiegħed jiddevja mill-ekwilibriju kollużiv billi jwaqqa’ l-prezz tiegħu. Dan l-effett negattiv huwa aktar probabbli fi swieq suxxettibbli għal eżiti kollużivi, pereżempju, meta l-fornituri jifformaw oligopolija stretta u sehem sinifikanti mis-suq ikun kopert mill-akkordji dwar l-RPM;

(b)

RPM tista’ tiffaċilita l-kollużjoni bejn ix-xerrejja fil-livell ta’ distribuzzjoni, b’mod partikolari meta tkun xprunata mix-xerrejja. Jista’ jkun li bejjiegħa b’saħħithom jew organizzati tajjeb ikunu jistgħu jisfurzaw jew jikkonvinċu lil wieħed jew aktar mill-fornituri tagħhom jiffissaw il-prezz tal-bejgħ mill-ġdid tagħhom ’il fuq mil-livell kompetittiv, sabiex b’hekk jgħinu lix-xerrejja jilħqu jew jistabbilizzaw ekwilibriju kollużiv. L-RPM isservi bħala mezz ta’ impenn għall-bejjiegħa bl-imnut sabiex ma jiddevjawx mill-ekwilibriju kollużiv permezz ta’ skontar tal-prezzijiet;

(c)

f’xi każijiet, l-RPM tista’ wkoll tnaqqas il-kompetizzjoni bejn il-manifatturi u/jew bejn il-bejjiegħa bl-imnut, b’mod partikolari meta l-manifatturi jużaw l-istess distributuri sabiex jiddistribwixxu l-prodotti tagħhom u l-RPM tkun applikata minnhom kollha jew mill-biċċa kbira minnhom;

(d)

RPM tista’ tnaqqas il-pressjoni fuq il-marġini tal-fornitur, b’mod partikolari meta manifattur ikollu problema ta’ impenn, jiġifieri meta jkollu interess li jbaxxi l-prezz mitlub lid-distributuri sussegwenti. F’sitwazzjoni bħal dik, il-manifattur jista’ jippreferi li jaqbel mal-RPM, sabiex din tgħinu jimpenja ruħu li ma jbaxxix il-prezz għad-distributuri sussegwenti u li jnaqqas il-pressjoni fuq il-marġini tiegħu stess;

(e)

billi tipprevjeni l-kompetizzjoni fil-prezz bejn id-distributuri, l-RPM tista’ tipprevjeni jew tfixkel id-dħul u l-espansjoni ta’ formati ta’ distribuzzjoni ġodda jew aktar effiċjenti, u b’hekk tnaqqas l-innovazzjoni fil-livell tad-distribuzzjoni;

(f)

RPM tista’ tiġi implimentata minn fornitur b’saħħa fis-suq sabiex jeskludi rivali iżgħar minnu. Iż-żieda fil-marġni li l-RPM tista’ toffri lid-distributuri tista’ tinċentivahom sabiex jiffavorixxu l-marka tal-fornitur fuq marki rivali meta jagħtu pariri lill-klijenti tagħhom, anki neta tali pariri ma jkunux fl-interess tal-klijenti, jew saħansitra li ma jbigħux il-marki rivali affattu;

(g)

l-effett dirett tal-RPM huwa l-eliminazzjoni tal-kompetizzjoni fil-prezz fi ħdan il-marka, billi jiġi evitat li ċerti distributuri jew id-distributuri kollha jbaxxu l-prezz tal-bejgħ tagħhom għall-marka kkonċernata, li b’hekk jirriżulta f’żieda fil-prezz għal dik il-marka.

(a)

Meta manifattur jintroduċi prodott ġdid, l-RPM tista’ tkun mezz effiċjenti sabiex tħeġġeġ lid-distributuri jqisu aħjar l-interess tal-manifattur fil-promozzjoni ta’ dak il-prodott. L-Artikolu 101(3) tat-Trattat jeħtieġ ukoll li ma jkun hemm l-ebda mezz alternattiv realistiku u anqas restrittiv kif id-distributuri jiġu inċentivati jippromwovu l-prodott. Sabiex jissodisfaw dak ir-rekwiżit, il-fornituri jistgħu, pereżempju, juru li fil-prattika ma huwiex fattibbli li jiġu imposti fuq ix-xerrejja kollha obbligi ta’ promozzjoni effettivi permezz ta’ kuntratt. F’ċirkostanzi bħal dawn, l-impożizzjoni ta’ prezzijiet fissi jew minimi tal-bejgħ bl-imnut għal perjodu ta’ żmien limitat sabiex tiġi ffaċilitata l-introduzzjoni tal-prodott il-ġdid tista’ tiġi kkunsidrata fuq il-bilanċ favur il-kompetizzjoni.

(b)

Il-prezzijiet fissi tal-bejgħ mill-ġdid, u mhux biss il-prezzijiet massimi tal-bejgħ mill-ġdid, jistgħu jkunu meħtieġa sabiex tiġi organizzata kampanja kkoordinata ta’ prezzijiet baxxi għal terminu qasir (ta’ bejn ġimagħtejn (2) u sitt (6) ġimgħat fil-biċċa l-kbira tal-każijiet), b’mod partikolari f’sistema ta’ distribuzzjoni meta l-fornitur japplika format ta’ distribuzzjoni uniformi, bħal pereżempju sistema ta’ franchising. F’każ bħal dan, minħabba l-karattru temporanju tagħha, l-impożizzjoni ta’ prezzijiet fissi tal-bejgħ bl-imnut tista’ titqies bħala prokompetittiva fuq il-bilanċ.

(c)

Jista’ jintuża prezz minimu għall-bejgħ mill-ġdid jew MAP sabiex jipprevjeni distributur partikolari milli juża l-prodott ta’ fornitur bħala prodott “loss leader”. Meta distributur ibigħ mill-ġdid b’mod regolari prodott taħt il-prezz bl-ingrossa, dan jista’ jagħmel ħsara lill-immaġni tal-marka tal-prodott u, biż-żmien, inaqqas id-domanda ġenerali għall-prodott u jimmina l-inċentivi tal-fornitur li jinvesti fil-kwalità u fl-immaġni tal-marka. F’dan il-każ, il-fatt li dan id-distributur partikolari ma jitħalliex ibigħ taħt il-prezz bl-ingrossa permezz tal-impożizzjoni ta’ prezz minimu ta’ bejgħ mill-ġdid fil-mira jew MAP jista’ jitqies fuq il-bilanċ favur il-kompetizzjoni.

(d)

F’xi sitwazzjonijiet, il-marġni żejjed ipprovdut mill-RPM jista’ jippermetti lill-bejjiegħa bl-imnut jipprovdu servizzi addizzjonali ta’ qabel il-bejgħ, b’mod partikolari fil-każ ta’ prodotti kumplessi. Jekk ikun hemm biżżejjed klijenti li jieħdu vantaġġ minn tali servizzi sabiex jagħżlu prodott iżda, sussegwentement, jixtru bi prezzijiet orħos mingħand bejjiegħa bl-imnut li ma jipprovdux tali servizzi (u b’hekk ma jġarrbux dawn l-ispejjeż), il-bejjiegħa bl-imnut li joffru livell ta’ servizz għoli jistgħu jnaqqsu jew jieqfu jipprovdu servizzi ta’ qabel il-bejgħ li jtejbu d-domanda għall-prodott tal-fornitur. Il-fornitur jeħtieġlu juri li jkun hemm riskju ta’ parassitiżmu fil-livell ta’ distribuzzjoni, li l-prezzijiet fissi jew minimi tal-bejgħ mill-ġdid jipprovdu biżżejjed inċentivi għall-investimenti fis-servizzi ta’ qabel il-bejgħ u li ma hemm l-ebda mezz alternattiv realistiku u anqas restrittiv sabiex jingħeleb dan il-parassitiżmu. F’din is-sitwazzjoni, il-probabbiltà li l-RPM titqies li hija prokompetittiva tkun ogħla meta l-kompetizzjoni bejn il-fornituri tkun ħarxa u l-fornitur ikollu saħħa limitata fis-suq.

(a)

li jeħtieġ li x-xerrej jitlob l-approvazzjoni minn qabel tal-fornitur għall-bejgħ lil tali klijenti (117);

(b)

li jirrifjuta jew inaqqas il-bonusijiet jew l-iskontijiet jekk ix-xerrej ibigħ lil tali klijenti (118) jew jagħmel pagamenti ta’ kumpens lix-xerrej jekk jieqaf ibigħ lil tali klijenti;

(c)

itemm il-provvista ta’ prodotti jekk ix-xerrej ibigħ lil klijenti bħal dawn;

(d)

jillimita jew inaqqas il-volumi forniti, pereżempju, sabiex il-volumi jikkorrispondu għad-domanda mill-klijenti f’ċerti territorji jew għad-domanda minn ċerti gruppi ta’ klijenti;

(e)

jhedded it-terminazzjoni tal-akkordju vertikali (119) jew li ma jġeddux jekk ix-xerrej ibigħ lil tali klijenti;

(f)

jitlob prezz ogħla lid-distributur għal prodotti li jkunu se jinbiegħu lil tali klijenti (120);

(g)

jillimita l-proporzjon ta’ bejgħ magħmul mix-xerrej lil tali klijenti;

(h)

jipprevjeni lix-xerrej milli juża lingwi addizzjonali fuq l-imballaġġ jew għall-promozzjoni tal-prodotti (121);

(i)

iforni prodott ieħor jekk ix-xerrej min-naħa tiegħu jieqaf ibigħ lil tali klijenti;

(j)

iħallas lix-xerrej sabiex jieqaf mill-bejgħ lil tali klijenti;

(k)

jobbliga lix-xerrej jgħaddi lill-fornitur il-profitti minn tali klijenti (122);

(l)

jeskludi minn servizz ta’ garanzija madwar l-Unjoni kollha rimborżat mill-fornitur il-prodotti li jinbiegħu mill-ġdid barra t-territorju tax-xerrej jew prodotti li jinbiegħu fit-territorju tax-xerrej minn xerrejja li jinsabu f’territorji oħrajn (123).

(a)

il-ħtieġa li x-xerrej jipprevjeni lill-klijenti li jinsabu f’territorju ieħor milli jaraw is-sit web jew il-ħanut online tiegħu jew li jirridirezzjona lill-klijenti lejn il-ħanut online tal-manifattur jew ta’ bejjiegħ ieħor. Madankollu, l-obbligu tax-xerrej li joffri links għall-ħwienet online tal-fornitur jew ta’ bejjiegħa oħrajn ma huwiex restrizzjoni fundamentali (125);

(b)

il-ħtieġa li x-xerrej jittermina t-tranżazzjonijiet online tal-konsumaturi meta d-data tal-karta ta’ kreditu tagħhom turi indirizz li ma jkunx fit-territorju tax-xerrej (126);

(c)

l-esiġenza li x-xerrej ibigħ il-prodotti jew is-servizzi tal-kuntratt biss fi spazju fiżiku jew fil-preżenza fiżika ta’ persunal speċjalizzat (127);

(d)

il-ħtieġa li x-xerrej ifittex l-awtorizzazzjoni minn qabel tal-fornitur qabel ma jagħmel tranżazzjonijiet individwali ta’ bejgħ online;

(e)

il-projbizzjoni tax-xerrej milli juża t-trademarks jew l-ismijiet tad-ditti tal-fornitur fuq is-sit web tiegħu jew fil-ħanut online tiegħu;

(f)

il-projbizzjoni tax-xerrej milli jistabbilixxi jew jopera ħanut online wieħed jew aktar, irrispettivament minn jekk il-ħanut online huwiex ospitat fuq is-server tax-xerrej stess jew fuq server ta’ parti terza (128);

(g)

il-projbizzjoni fir-rigward tax-xerrej milli juża kanali ta’ reklamar online sħaħ, bħal magni tat-tiftix (129) jew servizzi ta’ tqabbil tal-prezzijiet, jew restrizzjonijiet li indirettament jipprojbixxu l-użu ta’ kanali ta’ reklamar online sħaħ, bħal obbligu li ma jintużawx it-trademarks jew l-ismijiet tal-marki tal-fornitur għall-offerti li għandhom jiġu rreferenzjati f’magni tat-tiftix, jew restrizzjoni fuq l-għoti ta’ informazzjoni relatata mal-prezz lil servizzi ta’ tqabbil tal-prezzijiet. Tali restrizzjonijiet għandhom l-għan li jipprevjenu l-użu effettiv tal-internet mix-xerrej sabiex ibigħ il-prodotti jew is-servizzi tal-kuntratt f’territorji jew lil klijenti partikolari, peress li jillimitaw il-kapaċità tax-xerrej li jimmira lejn klijenti lil hinn miż-żona ta’ negozjar fiżiku tiegħu, jinformahom dwar l-offerti tiegħu u jattirahom lejn il-ħanut online jew lejn kanali oħrajn ta’ bejgħ tiegħu. Il-projbizzjoni tal-użu ta’ servizzi partikolari ta’ tqabbil tal-prezzijiet jew ta’ magni tat-tiftix ġeneralment ma tkunx restrizzjoni fundamentali, peress li x-xerrej jista’ juża servizzi oħrajn ta’ reklamar online sabiex iżid l-għarfien dwar l-attivitajiet ta’ bejgħ online tiegħu. Madankollu, il-projbizzjoni tal-użu tas-servizzi ta’ reklamar l-aktar użati fil-mezz partikolari tar-reklamar online tista’ tammonta għal restrizzjoni fundamentali, jekk is-servizzi li jifdal f’dak il-mezz tar-reklamar ma jkunux kapaċi de facto jattiraw klijenti lejn il-ħanut online tax-xerrej.

(a)

rekwiżiti maħsubin sabiex jiżguraw il-kwalità jew dehra partikolari tal-ħanut online tax-xerrej;

(b)

rekwiżiti rigward il-wiri tal-prodotti jew tas-servizzi tal-kuntratt fil-ħanut online (bħan-numru minimu ta’ prodotti murijin, il-mod kif jintwerew it-trade marks jew il-marki tal-fornitur);

(c)

projbizzjoni diretta jew indiretta fuq l-użu ta’ swieq online (133);

(d)

rekwiżit li x-xerrej jopera ħanut fiżiku wieħed jew showroom fiżika waħda jew aktar, pereżempju bħala kundizzjoni sabiex isir membru tas-sistema ta’ distribuzzjoni selettiva tal-fornitur;

(e)

rekwiżit li x-xerrej ibigħ ammont assolut minimu tal-prodotti jew tas-servizzi tal-kuntratt offline (f’valur jew f’volum, iżda mhux bħala proporzjon tal-bejgħ totali tiegħu) sabiex jiżgura t-tħaddim effiċjenti tal-ħanut fiżiku tiegħu. Dan ir-rekwiżit jista’ jkun l-istess għax-xerrejja kollha, jew jista’ jiġi stabbilit f’livell differenti għal kull xerrej, fuq il-bażi ta’ kriterji oġġettivi, bħad-daqs tax-xerrej meta mqabbel ma’ xerrejja oħrajn, jew il-pożizzjoni ġeografika tiegħu.

(a)

rekwiżit li r-reklamar online jissodisfa ċerti standards ta’ kwalità jew jinkludi kontenut jew informazzjoni speċifika;

(b)

rekwiżit li x-xerrej ma jużax is-servizzi ta’ fornituri partikolari ta’ reklamar online li ma jissodisfawx ċerti standards ta’ kwalità;

(c)

rekwiżit li x-xerrej ma jużax l-isem tal-marka tal-fornitur fl-isem tad-dominju tal-ħanut online tiegħu.

(a)

l-obbligu jkun indispensabbli sabiex jiġi protett l-għarfien espert trasferit mill-fornitur lix-xerrej;

(b)

ikun limitat għall-punt tal-bejgħ li minnu x-xerrej ikun opera matul il-perjodu tal-kuntratt;

(c)

ikun limitat għal perjodu massimu ta’ sena (1).

(a)

l-obbligi ta’ parità fil-livell tal-bejgħ bl-imnut relatati mal-kanali ta’ bejgħ dirett tax-xerrejja ta’ servizzi ta’ intermedjazzjoni online (l-hekk imsejħa obbligi “ristretti” ta’ parità fil-livell tal-bejgħ bl-imnut);

(b)

l-obbligi ta’ parità relatati mal-kundizzjonijiet li fihom il-prodotti jew is-servizzi jiġu offruti lil impriżi li ma humiex utenti finali;

(c)

l-obbligi ta’ parità relatati mal-kundizzjonijiet li fihom il-manifatturi, il-bejjiegħa bl-ingrossa jew il-bejjiegħa bl-imnut jixtru prodotti jew servizzi bħala inputs (obbligi ta’ “klijent l-aktar favorit”).

(a)

in-natura tal-akkordju;

(b)

il-pożizzjoni fis-suq tal-partijiet;

(c)

il-pożizzjoni fis-suq tal-kompetituri (upstream u downstream);

(d)

il-pożizzjoni fis-suq tax-xerrejja tal-prodotti jew tas-servizzi tal-kuntratt;

(e)

l-ostakli għad-dħul;

(f)

il-livell tal-katina tal-produzzjoni jew tad-distribuzzjoni li huwa affettwat;

(g)

in-natura tal-prodott;

(h)

id-dinamika tas-suq.

(a)

il-preżenza ta’ effetti kumulattivi, li jirriżultaw mill-fatt li s-suq ikun kopert minn restrizzjonijiet vertikali simili imposti minn fornituri jew minn xerrejja oħrajn;

(b)

jekk l-akkordju ikunx “impost” (jiġifieri, il-biċċa l-kbira tar-restrizzjonijiet jew tal-obbligi japplikaw biss għal parti waħda għall-akkordju) jew “miftiehem” (iż-żewġ partijiet jaċċettaw ir-restrizzjonijiet jew l-obbligi);

(c)

l-ambjent regolatorju;

(d)

imġiba li tista’ tindika jew tiffaċilita l-kollużjoni, bħat-tmexxija tal-prezzijiet, bidliet fil-prezzijiet imħabbrin minn qabel u diskussjonijiet dwar il-prezzijiet, ir-riġidità tal-prezzijiet b’reazzjoni għal kapaċità żejda, diskriminazzjoni fil-prezzijiet u mġiba kollużiva tal-passat.

(a)

irid jipproduċi benefiċċji ekonomiċi oġġettivi,

(b)

il-konsumaturi jeħtiġilhom jirċievu sehem ġust tal-benefiċċju li jirriżulta (161),

(c)

ir-restrizzjonijiet tal-kompetizzjoni jridu jkunu indispensabbli sabiex jinkisbu dawk il-benefiċċji, u

(d)

l-akkordju ma jistax jagħti lill-partijiet il-possibbiltà li jeliminaw il-kompetizzjoni fir-rigward ta’ parti sostanzjali mill-prodotti jew mis-servizzi kkonċernati (162).

(a)

il-fornitur innifsu juża s-suq online li x-xerrej ma jkunx jista’ juża;

(b)

il-fornitur jimponi r-restrizzjoni fuq xi distributuri iżda mhux fuq oħrajn;

(c)

l-operatur tas-suq online huwa stess huwa membru awtorizzat tas-sistema ta’ distribuzzjoni selettiva.

(a)

il-pożizzjoni fis-suq tal-fornitur u tal-kompetituri tiegħu;

(b)

l-importanza tas-serivzzi ta’ tqabbil tal-prezzijiet bħala mezz ta’ reklamar fis-suq rilevanti għall-bejgħ tal-prodotti jew tas-servizzi tal-kuntratt;

(c)

it-tip u l-ambitu tar-restrizzjonijiet u l-importanza relattiva tas-servizz partikolari ta’ tqabbil tal-prezzijiet li l-użu tiegħu jkun ristrett jew ipprojbit;

(d)

jekk il-fornitur jimponix ukoll restrizzjonijiet fuq il-kapaċità tax-xerrej li juża forom oħrajn ta’ reklamar online.

(a)

jista’ jnaqqas il-kompetizzjoni u jiffaċilita l-kollużjoni bejn il-fornituri ta’ servizzi ta’ intermedjazzjoni online. B’mod partikolari, huwa aktar probabbli li fornitur li jimponi dan it-tip ta’ obbligu ta’ parità jkun jista’ jgħolli l-prezz jew inaqqas il-kwalità tas-servizzi ta’ intermedjazzjoni tiegħu mingħajr ma jitlef is-sehem mis-suq. Irrispettivament mill-prezz jew mill-kwalità tas-servizzi tal-fornitur, il-bejjiegħa ta’ prodotti jew ta’ servizzi li jagħżlu li jużaw il-pjattaforma tal-fornitur huma obbligati joffru kundizzjonijiet fuq il-pjattaforma li jkunu tal-anqas tajbin daqs il-kundizzjonijiet li joffru fuq pjattaformi kompetituri;

(b)

jista’ jeskludi d-dħul jew l-espansjoni minn fornituri ġodda jew iżgħar ta’ servizzi ta’ intermedjazzjoni online, billi jillimita l-kapaċità tat-tali fornituri li joffru lix-xerrejja u lill-utenti finali kombinazzjonijiet prezz-servizz differenzjati.

(a)

il-pożizzjoni fis-suq tal-fornitur ta’ servizzi ta’ intermedjazzjoni online li jimponi l-obbligu u tal-kompetituri tiegħu;

(b)

is-sehem tax-xerrejja tas-servizzi ta’ intermedjazzjoni online rilevanti li huma koperti mill-obbligi;

(c)

l-imġiba ta’ “homing” tax-xerrejja tas-servizzi ta’ intermedjazzjoni online u tal-utenti finali (kemm-il servizz ta’ intermedjazzjoni online kompetitriċi jużaw);

(d)

l-eżistenza ta’ ostakli għad-dħul fis-suq rilevanti għall-provvista ta’ servizzi ta’ intermedjazzjoni online;

(e)

is-sinifikat tal-kanali ta’ bejgħ dirett tax-xerrejja tas-servizzi ta’ intermedjazzjoni online u l-punt sa fejn dawk ix-xerrejja jistgħu jneħħu l-prodotti tagħhom mill-pjattaformi tal-fornituri ta’ servizzi ta’ intermedjazzjoni online (it-tneħħija mill-elenkar).