1.

Madwar l-Unjoni, minkejja li ħafna Stati Membri għamlu progress tajjeb fl-implimentazzjoni ta’ politiki u programmi tal-apprendiment biex jappoġġaw it-tranżizzjoni ekoloġika u jippromwovu l-apprendiment favur l-iżvilupp sostenibbli, hemm bżonn li jitkomplew u jiżdiedu l-isforzi f’dak ir-rigward. Il-politika u l-prattika għal dan it-tip ta’ apprendiment jenħtieġ li jiġu stimulati u appoġġati aktar. Huwa neċessarju li tiġi rikonoxxuta l-ħtieġa għal apprendiment interkonness fil-pilastri ambjentali, ekonomiċi u soċjali tal-iżvilupp sostenibbli, filwaqt li ssir enfasi speċifika fuq il-pilastru ambjentali.

2.

Il-Patt Ekoloġiku Ewropew (1), l-Istrateġija tal-UE għall-Bijodiversità għall-2030 (2), l-istrateġija tal-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (UNESCO) għall-Edukazzjoni għall-Iżvilupp Sostenibbli 2030 u l-ħidma relatata tal-Kummissjoni Ekonomika għall-Ewropa tan-Nazzjonijiet Uniti (UNECE) (3) jenfasizzaw ir-rwol ewlieni tal-iskejjel, l-edukazzjoni għolja u istituzzjonijiet oħra tal-edukazzjoni u t-taħriġ biex jinvolvu ruħhom mal-istudenti, il-ġenituri, l-edukaturi (4) u l-komunità usa’ fir-rigward tal-bidliet meħtieġa għal tranżizzjoni ekoloġika ta’ suċċess, ġusta u inklużiva. Fil-konklużjonijiet tiegħu dwar ’’Il-Bijodiversità - il-ħtieġa għal azzjoni urġenti’’ (5), il-Kunsill enfasizza li l-investiment fl-edukazzjoni, fost oqsma oħra, huwa kruċjali fil-ġbir tal-aħjar data u fis-sejbien tal-aħjar soluzzjonijiet f’dan ir-rigward. L-Istrateġija tal-UE għaż-Żgħażagħ tidentifika Ewropa ekoloġika sostenibbli bħala għan u tappella biex iż-żgħażagħ kollha jkunu ambjentalment attivi u edukati.

3.

L-apprendiment għat-tranżizzjoni ekoloġika u l-iżvilupp sostenibbli jappoġġa l-istudenti ta’ kull età biex jiksbu l-għarfien, il-ħiliet u l-attitudnijiet meħtieġa biex jgħixu b’mod aktar sostenibbli, jibdlu x-xejriet tal-konsum u tal-produzzjoni, iħaddnu stili ta’ ħajja aktar tajbin għas-saħħa u jikkontribwixxu – kemm b’mod individwali kif ukoll b’mod kollettiv – għal ekonomija u soċjetà aktar sostenibbli. Huwa jikkontribwixxi wkoll għat-tisħiħ tal-ħiliet u l-kompetenzi dejjem aktar meħtieġa fis-suq tax-xogħol. Huwa jippromwovi l-fehim tal-isfidi globali interkonnessi li qed niffaċċjaw, inkluż il-kriżi klimatika, id-degradazzjoni ambjentali u t-telf tal-bijodiversità, li kollha għandhom dimensjonijiet ambjentali, soċjali, ekonomiċi u kulturali.

4.

L-Għanijiet ta’ Żvilupp Sostenibbli tan-NU, b’mod partikolari l-Mira 4.7, jappellaw biex sal-2030, l-istudenti kollha jkunu kisbu l-għarfien u l-ħiliet meħtieġa biex jippromwovu l-iżvilupp sostenibbli, inkluż, fost l-oħrajn, permezz tal-edukazzjoni għall-iżvilupp sostenibbli u stili ta’ ħajja sostenibbli, id-drittijiet tal-bniedem, l-ugwaljanza bejn il-ġeneri, il-promozzjoni ta’ kultura ta’ paċi u ta’ nonvjolenza, iċ-ċittadinanza globali u l-apprezzament tad-diversità kulturali u tal-kontribut tal-kultura għall-iżvilupp sostenibbli (6).

5.

Il-Komunikazzjoni dwar iż-Żona Ewropea tal-Edukazzjoni (7), il-Pilastru Ewropew tad-Drittijiet Soċjali (8), il-qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021-2030) (9) u l-Komunikazzjoni dwar ŻER ġdida għar-Riċerka u l-Innovazzjoni (10) jappellaw biex il-politiki u l-investimenti tal-edukazzjoni u t-taħriġ ikunu mmirati lejn tranżizzjonijiet ekoloġiċi u diġitali inklużivi għar-reżiljenza u l-prosperità fil-futur.

6.

Il-kompetenzi ewlenin, kif definiti fil-Qafas Ewropew ta’ Referenza dwar il-Kompetenzi Ewlenin għat-Tagħlim Tul il-Ħajja (11), għandhom l-għan li jappoġġaw lin-nies madwar l-Ewropa biex jiksbu l-għarfien, il-ħiliet u l-attitudnijiet meħtieġa għas-sodisfazzjon u l-iżvilupp personali, l-impjegabbiltà, l-inklużjoni soċjali, stil ta’ ħajja sostenibbli, ħajja ta’ suċċess f’soċjetajiet paċifiċi, ġestjoni tal-ħajja konxja mis-saħħa u ċ-ċittadinanza attiva fi żmien ta’ bidla rapida u profonda.

7.

L-Aġenda għall-Ħiliet għall-Ewropa (12) ħabbret l-appoġġ għall-iżvilupp ta’ sett ta’ ħiliet ewlenin u ekoloġiċi għas-suq tax-xogħol bil-ħsieb li tinħoloq ġenerazzjoni ta’ professjonisti li jaħsbu fl-ambjent u ta’ operaturi ekonomiċi ekoloġiċi, li tintegra l-kunsiderazzjonijiet ambjentali u klimatiċi fl-edukazzjoni ġenerali, l-edukazzjoni għolja, l-edukazzjoni u t-taħriġ vokazzjonali kif ukoll fir-riċerka. L-Ewropa teħtieġ professjonisti kompetenti ħafna biex issostni t-tranżizzjoni ekoloġika u biex tkun fil-pożizzjoni ewlenija dinjija fit-teknoloġiji sostenibbli.

8.

Ir-Rakkomandazzjoni tal-Kunsill dwar l-edukazzjoni u t-taħriġ vokazzjonali (VET) għall-kompetittività sostenibbli, il-ġustizzja soċjali u r-reżiljenza (13) u d-Dikjarazzjoni ta’ Osnabrück jirrikonoxxu s-settur tal-VET bħala kruċjali għat-tranżizzjonijiet diġitali u ekoloġiċi.

9.

Il-Patt Klimatiku Ewropew jistieden lill-individwi, lill-komunitajiet u lill-organizzazzjonijiet jipparteċipaw fl-azzjoni klimatika u fil-bini ta’ Ewropa aktar ekoloġika billi joffru opportunitajiet ta’ apprendiment dwar it-tibdil fil-klima, jiżviluppaw u jimplimentaw is-soluzzjonijiet, u jiltaqgħu ma’ nies oħrajn biex jimmultiplikaw l-impatt ta’ dawk is-soluzzjonijiet. Il-Koalizzjoni ta’ Edukazzjoni għall-Klima għandha l-għan li toħloq komunità mmexxija minn studenti u għalliema, flimkien mal-iskejjel u n-networks tagħhom u atturi edukattivi oħra, biex titgħallem minn kemm jista’ jkun esperjenzi rilevanti, u tnaqqas il-frammentazzjoni bejn is-setturi, id-dominji u n-nies tal-edukazzjoni.

10.

Il-Pjan ta’ Azzjoni għall-Edukazzjoni Diġitali (14) jipprovdi viżjoni għal edukazzjoni u taħriġ diġitali Ewropej ta’ kwalità għolja, inklużivi u aċċessibbli u jissottolinja l-importanza tat-teknoloġiji diġitali bħala faċilitaturi abilitanti b’saħħithom għat-tranżizzjoni ekoloġika filwaqt li, fl-istess ħin, jiffaċilita bidla lejn imġiba sostenibbli kemm fl-iżvilupp ta’ prodotti diġitali kif ukoll fl-użu tagħhom.

11.

Il-Bauhaus Ewropea l-Ġdida ġġib dimensjoni kulturali u kreattiva fil-Patt Ekoloġiku Ewropew, bil-għan li jintwera kif l-innovazzjoni sostenibbli toffri bidliet tanġibbli u pożittivi fil-ħajja tagħna ta’ kuljum, inkluż fil-binjiet tal-iskejjel u f’ambjenti oħrajn ta’ apprendiment.

12.

L-UNESCO, permezz tal-programm tagħha ta’ Edukazzjoni għall-Iżvilupp Sostenibbli, qed taħdem biex l-edukazzjoni u t-taħriġ isiru parti aktar ċentrali u viżibbli tar-rispons internazzjonali għall-kriżi klimatika u biex jintlaħqu l-Għanijiet ta’ Żvilupp Sostenibbli kollha, b’mod partikolari l-Mira 4.7 dwar l-edukazzjoni għall-iżvilupp sostenibbli. Skont il-Konvenzjoni Qafas tan-NU dwar it-Tibdil fil-Klima u l-Ftehim ta’ Pariġi, il-partijiet jimpenjaw ruħhom li jippromwovu u jikkooperaw dwar it-tibdil fil-klima fil-kuntest tal-iżvilupp sostenibbli fid-dimensjonijiet kollha, b’mod partikolari fl-edukazzjoni, it-taħriġ, is-sensibilizzazzjoni tal-pubbliku, il-parteċipazzjoni pubblika u l-aċċess pubbliku għall-informazzjoni.

13.

Hemm sensibilizzazzjoni u xewqa dejjem jikbru fost iż-żgħażagħ biex ikunu involuti fi kwistjonijiet tal-iżvilupp sostenibbli, partikolarment fi kwistjonijiet ambjentali u klimatiċi. Ir-riżultati ta’ Ewrobarometru maħruġ f’Mejju 2022 jindikaw li ż-żgħażagħ fl-UE jikkunsidraw li ’’l-protezzjoni tal-ambjent u l-ġlieda kontra t-tibdil fil-klima’’ hija waħda mill-prijoritajiet ewlenin li fuqha jenħtieġ li tiffoka s-Sena Ewropea taż-Żgħażagħ (2022). Id-data tal-OECD (15) mill-2018 diġà turi li dawk li għandhom 15-il sena huma sensibbli ħafna għat-tibdil fil-klima u l-kriżi ambjentali u l-ħtieġa li din tiġi indirizzata. Madankollu, l-istess data tal-OECD turi li hemm ħafna inqas studenti li jħossu sens ta’ kontroll fuq l-azzjonijiet u l-konsegwenzi tagħhom biex jagħmlu differenza reali. Il-limitu tal-kriżi klimatika u ambjentali jista’ jwassal biex l-istudenti jħossuhom megħluba u bla setgħa, li jista’ jiġi aggravat minn informazzjoni mhux preċiża u mid-diżinformazzjoni.

14.

Huwa ta’ importanza kbira li s-sistemi u l-istituzzjonijiet tal-edukazzjoni u t-taħriġ jirrispondu għall-għajta dejjem tikber taż-żgħażagħ dwar il-kriżi klimatiku u dak tal-bijodiversità u li jinvolvu liż-żgħażagħ fit-tfassil ta’ soluzzjonijiet relatati mat-apprendiment għat-tranżizzjoni ekoloġika u l-iżvilupp sostenibbli u fit-teħid ta’ azzjoni għal futur sostenibbli. Is-Sena Ewropea taż-Żgħażagħ 2022 għandha rwol importanti x’taqdi biex tkompli tistimula l-involviment taż-żgħażagħ.

15.

Il-pandemija tal-COVID-19 enfasizzat ir-rabtiet mill-qrib tagħna man-natura u mill-ġdid poġġiet l-enfasi fuq is-sistemi tal-edukazzjoni u tat-taħriġ. Ittieħdu tagħlimiet dwar possibbiltajiet ġodda għall-edukazzjoni u t-taħriġ, inkluż approċċi ta’ apprendiment imħallat f’ambjenti diversi (inkluż online), l-involviment u l-awtonomija tal-istudenti u r-rabtiet bejn l-edukazzjoni formali u l-komunità usa’. Il-pandemija żiedet ukoll it-tħassib li ilu jeżisti dwar il-benesseri fiżiku, mentali u emozzjonali tat-tfal, taż-żgħażagħ u tal-adulti.

16.

Iċ-ċentri individwali tal-edukazzjoni u tal-indukrar bikri tat-tfal, l-iskejjel, l-istituzzjonijiet tal-edukazzjoni għolja, l-organizzazzjonijiet tar-riċerka, il-fornituri tal-VET u l-komunitajiet lokali qed isiru dejjem aktar attivi fir-rigward tal-kriżi klimatika u dik tal-bijodiversità. Madankollu, is-sostenibbiltà għadha mhijiex karatteristika sistemika tal-edukazzjoni u t-taħriġ madwar l-UE.

17.

F’ħafna pajjiżi, l-apprendiment għas-sostenibbiltà u kunċetti ugwalment vijabbli, bħall-edukazzjoni għall-iżvilupp sostenibbli u l-edukazzjoni dwar iċ-ċittadinanza globali, ġew adottati fil-politiki, l-istrateġiji u l-kurrikuli. Madankollu, l-edukaturi jeħtieġu appoġġ, għarfien espert u opportunitajiet tat-taħriġ aktar immirat biex jinkorporaw il-prinċipji tat-tranżizzjoni ekoloġika u l-iżvilupp sostenibbli fil-prattiki tat-tagħlim u tat-taħriġ tagħhom. Ta’ spiss iħossuhom li mhumiex mgħammra biżżejjed biex jittrattaw l-ansjetà ekoloġika u l-pessimiżmu ekoloġiku u biex jgħinu lill-istudenti jimpenjaw ruħhom fi kwistjonijiet klimatiċi u ambjentali b’mod pożittiv.

18.

L-approċċi lejn is-sostenibbiltà li jinvolvu l-istituzzjoni sħiħa li jinkorporaw l-oqsma kollha ta’ attività mhumiex dejjem preżenti biżżejjed. Tali approċċi jistgħu jinkludu t-tagħlim u l-apprendiment; il-governanza; ir-riċerka u l-innovazzjoni; u l-infrastruttura, il-faċilitajiet u l-operazzjonijiet, u jenħtieġ li jinvolvu lill-istudenti, lill-persunal, lill-ġenituri, u lill-komunitajiet lokali u usa’.

19.

Jeħtieġ li jiġu esplorati aktar il-potenzjal u l-opportunità li jiġu kkumplementati u msaħħa aġendi oħra tal-edukazzjoni u t-taħriġ. It-tagħlim u l-apprendiment għat-tranżizzjoni ekoloġika u l-iżvilupp sostenibbli jistgħu jappoġġaw bis-sħiħ il-politiki u l-programmi għas-saħħa, il-benesseri u l-inklużjoni; iċ-ċittadinanza attiva u globali; is-solidarjetà; it-tagħlim iċċentrat fuq l-istudenti; ir-riċerka u l-innovazzjoni; u t-trasformazzjoni diġitali, inkluż l-intelliġenza artifiċjali (16).

20.

L-integrazzjoni b’mod sistematiku tad-dimensjoni tal-edukazzjoni u t-taħriġ f’politiki oħra relatati mat-tranżizzjoni ekoloġika u l-iżvilupp sostenibbli f’perspettiva tul il-ħajja tista’ tappoġġa l-implimentazzjoni ta’ dawk il-politiki. Tista’ wkoll tgħaqqad setturi differenti tas-soċjetà u tal-ekonomija u tinkorpora b’mod effettiv is-sostenibbiltà fl-edukazzjoni u t-taħriġ.

21.

Din ir-Rakkomandazzjoni tirrispetta bis-sħiħ il-prinċipji ta’ sussidjarjetà u proporzjonalità. Hija tirrikonoxxi li l-livell ta’ awtonomija li jgawdu minnu l-istituzzjonijiet tal-edukazzjoni u t-taħriġ ivarja ħafna madwar l-Istati Membri. F’xi Stati Membri, l-istituzzjonijiet tal-edukazzjoni u t-taħriġ, l-istituzzjonijiet tat-taħriġ tal-għalliema, kif ukoll l-għalliema u l-ħarrieġa, igawdu minn livell għoli ta’ awtonomija. Ir-Rakkomandazzjoni ser tiġi implimentata skont iċ-ċirkostanzi nazzjonali u f’kooperazzjoni mal-Istati Membri.

1.

2.

3.

4.

5.

6.

7.

8.

9.

1.

2.

3.

4.

5.

6.

7.

1.

Fl-Ewropa hemm għadd dejjem akbar ta’ persuni li jridu jaġġornaw u jtejbu l-għarfien, il-ħiliet u l-kompetenzi tagħhom sabiex jitnaqqas id-distakk bejn l-edukazzjoni formali u t-taħriġ tagħhom, u l-ħtiġijiet ta’ soċjetà u suq tax-xogħol li qegħdin jinbidlu b’rata mgħaġġla. L-irkupru mill-pandemija tal-COVID-19 u t-tranżizzjoni diġitali kif ukoll dik ekoloġika ħaffew il-pass tal-bidla fil-mod kif ngħixu, nitgħallmu u naħdmu. Enfasizzaw ukoll il-ħtieġa li n-nies ikunu mgħammra aħjar biex jindirizzaw l-isfidi attwali u futuri. Il-pandemija affettwat il-prospetti tal-karriera kemm taż-żgħażagħ kif ukoll tal-adulti. Żiedet ukoll il-qgħad u għamlet ħsara lill-benesseri fiżiku, mentali u emozzjonali ta’ mijiet ta’ miljuni ta’ persuni fl-Ewropa.

2.

Waħda mill-isfidi ewlenin li qegħdin jiffaċċaw in-negozji u l-impjegaturi Ewropej hija provvista insuffiċjenti ta’ ħiliet rilevanti fis-suq tax-xogħol tal-UE. Fl-istess waqt, il-ħaddiema qed jiffaċċaw bidliet mingħajr preċedent fil-mod kif jiġi organizzat ix-xogħol. Barra minn hekk, il-profili tal-kompiti u r-rekwiżiti tal-ħiliet qegħdin jinbidlu b’mod fundamentali minħabba t-tranżizzjoni ekoloġika u dik diġitali. Kif deskritt fid-Deċiżjoni tal-Kunsill (UE) 2021/1868 tal-15 ta’ Ottubru 2021 dwar linji gwida għall-politiki dwar l-impjiegi tal-Istati Membri (1), “l-Istati Membri u l-Unjoni jridu jaħdmu biex tiġi żviluppata strateġija kkoordinata għall-impjiegi u b’mod partikolari biex tiġi promossa forza tax-xogħol b’ħiliet, imħarrġa u adattabbli, kif ukoll swieq tax-xogħol li jkunu orjentati lejn il-ġejjieni u jwieġbu għat-tibdil ekonomiku”. Titjib u tiġdid kontinwi tal-ħiliet huma essenzjali għall-ħaddiema biex jiġu indirizzati l-ħtiġijiet tal-impjieg attwali tagħhom jew għat-tranżizzjoni għal impjiegi ġodda u setturi li qegħdin jespandu, bħas-setturi ekoloġiċi u diġitali, b’mod partikolari fil-kuntest tat-tixjiħ demografiku.

3.

In-nies iridu aċċess għal tagħlim u apprendiment ta’ kwalità pprovduti b’modi u f’ambjenti differenti, sabiex jiżviluppaw l-għarfien, il-ħiliet u l-kompetenzi personali, soċjali, kulturali u professjonali tagħhom. Kien hemm appelli biex is-sistemi tal-edukazzjoni u t-taħriġ isiru aktar flessibbli u biex jinstabu soluzzjonijiet li jipprovdu apprendiment aktar iċċentrat fuq l-istudent, aċċessibbli u inklużiv għal firxa usa’ ta’ profili. Il-fornituri mhux formali tal-edukazzjoni u t-taħriġ qegħdin jindirizzaw ukoll din il-ħtieġa billi jipprovdu opportunitajiet ġodda u innovattivi għat-titjib u t-tiġdid tal-ħiliet.

4.

Kultura effettiva ta’ apprendiment tul il-ħajja hija kruċjali sabiex jiġi żgurat li kulħadd ikollu l-għarfien, il-ħiliet u l-kompetenzi li jeħtieġ sabiex jirnexxi fis-soċjetà, fis-suq tax-xogħol u fil-ħajja personali tiegħu. Huwa essenzjali li n-nies ikunu jistgħu jaċċessaw edukazzjoni u taħriġ rilevanti u ta’ kwalità, titjib u tiġdid tal-ħiliet matul ħajjithom. L-opportunitajiet ta’ apprendiment tul il-ħajja għandhom ikunu parti mill-istrateġija fit-tul tal-istituzzjonijiet tal-edukazzjoni u t-taħriġ sabiex itejbu r-rispons tagħhom għall-ħtiġijiet tal-impjegaturi u tal-istudenti li jinbidlu b’rata mgħaġġla. Dan ser jippermetti lil korp aktar divers ta’ studenti (inkluż il-gradwati ta’ dawn l-istituzzjonijiet u studenti adulti oħrajn) itejbu u jġeddu l-ħiliet. Hu rakkomandat li l-istituzzjonijiet tal-edukazzjoni għolja, l-istituzzjonijiet tal-edukazzjoni u t-taħriġ vokazzjonali (VET), il-fornituri tat-tagħlim għall-adulti u fornituri oħrajn ta’ mikrokredenzjali, inkluż impjegaturi, jikkooperaw u jintegraw l-aħħar sejbiet tar-riċerka fit-tfassil u fl-aġġornament tal-opportunitajiet ta’ apprendiment.

5.

Il-mikrokredenzjali jistgħu jgħinu sabiex jiġu ċċertifikati l-eżiti ta’ esperjenzi żgħar ta’ apprendiment imfassla apposta. Dawn jagħmlu possibbli l-kisba mmirata u flessibbli tal-għarfien, il-ħiliet u l-kompetenzi sabiex jiġu ssodisfati ħtiġijiet ġodda u emerġenti fis-soċjetà u fis-suq tax-xogħol u jagħmluha possibbli għall-individwi biex jeliminaw in-nuqqasijiet fil-ħiliet li jeħtieġu biex jirnexxu f’ambjent li qed jinbidel b’rata mgħaġġla, mingħajr ma jissostitwixxu l-kwalifiki tradizzjonali. Fejn xieraq, jistgħu jikkomplementaw kwalifiki eżistenti u jipprovdu valur miżjud filwaqt li ma jdgħajfux il-prinċipju ewlieni ta’ programmi ta’ lawrja sħiħa f’edukazzjoni inizjali u f’taħriġ. Il-mikrokredenzjali jistgħu jitfasslu u jinħarġu minn fornituri varji f’ambjenti ta’ apprendiment differenti (ambjenti formali, mhux formali u informali).

6.

Minkejja l-użu dejjem akbar tagħhom, ma hemm l-ebda definizzjoni jew standard komuni għall-mikrokredenzjali fl-Ewropa. Dan jillimita l-fehim u l-adozzjoni tal-mikrokredenzjali, u għalhekk idgħajjef il-potenzjal tal-mikrokredenzjali li jiffaċilitaw apprendiment u perkorsi tal-karriera flessibbli. Din ir-rakkomandazzjoni għandha l-għan li tappoġġa l-bini tal-fiduċja fil-mikrokredenzjali madwar l-Ewropa fost dawk kollha involuti, kemm fornituri kif ukoll benefiċjarji.

7.

Fl-ewwel prinċipju tiegħu, il-Pilastru Ewropew tad-Drittijiet Soċjali (2) jiddikjara li kulħadd għandu d-dritt għal edukazzjoni, taħriġ u apprendiment tul il-ħajja ta’ kwalità u inklużivi sabiex iżomm u jikseb ħiliet li jippermettu parteċipazzjoni sħiħa fis-soċjetà u maniġġar b’suċċess ta’ tranżizzjonijiet fis-suq tax-xogħol, fl-Unjoni Ewropea kollha. Ir-raba’ prinċipju tal-Pilastru Ewropew tad-Drittijiet Soċjali jiddikjara li kulħadd għandu d-dritt għal assistenza f’waqtha u mfassla apposta għat-titjib tal-prospetti tiegħu tal-impjieg jew tal-impjieg indipendenti. Dan id-dritt għall-assistenza jinkludi d-dritt li jingħata appoġġ għat-taħriġ u għall-kwalifikazzjoni mill-ġdid. Il-Pjan ta’ Azzjoni tal-Pilastru Ewropew tad-Drittijiet Soċjali jirreferi għall-mikrokredenzjali bħala strument innovattiv li “jista’ jiffaċilita perkorsi ta’ apprendiment flessibbli u jappoġġa lill-ħaddiema fuq l-impjieg tagħhom jew matul tranżizzjonijiet professjonali”. Il-mikrokredenzjali jista’ jkollhom rwol fit-twettiq tal-miri ewlenin tal-UE li għandhom jintlaħqu sal-2030, inkluż mira li 60 % tal-adulti kollha jipparteċipaw f’taħriġ kull sena u rata ta’ impjieg ta’ mill-anqas 78 %. Dawn iż-żewġ miri ntlaqgħu tajjeb mill-mexxejja tal-UE, mis-sħab soċjali u mis-soċjetà ċivili, fis-Summit Soċjali ta’ Porto u mbagħad mill-Kunsill Ewropew fil-laqgħa tiegħu fl-24-25 ta’ Ġunju 2021 (3).

8.

B’mod parallel mal-Pjan ta’ Azzjoni, il-Kummissjoni adottat Rakkomandazzjoni dwar appoġġ attiv effettiv għall-impjiegi wara l-kriżi tal-COVID-19 (ir-Rakkomandazzjoni “EASE”) (4). Ir-Rakkomandazzjoni toffri gwida politika konkreta lill-Istati Membri dwar l-iżvilupp ta’ pakketti ta’ politika koerenti sabiex jiffaċilitaw it-tranżizzjonijiet minn impjieg għal ieħor u jrawmu rkupru mill-COVID-19 li jwassal għall-ħolqien abbundanti ta’ impjiegi. Il-gwida ta’ politika tkopri opportunitajiet għat-titjib u għat-tiġdid tal-ħiliet u miżuri ta’ appoġġ.

9.

L-Aġenda għall-Ħiliet għall-Ewropa (5) ħabbret, fost it-12-il azzjoni ewlenija tagħha, inizjattiva ġdida dwar approċċ Ewropew għall-mikrokredenzjali. Din l-inizjattiva ġdida għandha l-għan li tappoġġa l-kwalità, it-trasparenza u l-adozzjoni tal-mikrokredenzjali fl-UE. L-Aġenda għall-Ħiliet ħabbret ukoll inizjattiva dwar kontijiet individwali tal-apprendiment li tista’ tgħin fit-tnaqqis ta’ distakki eżistenti fl-aċċess għall-edukazzjoni u t-taħriġ għall-adulti fl-età tax-xogħol u tippermetti lin-nies jimmaniġġaw it-tranżizzjonijiet fis-suq tax-xogħol b’suċċess. Il-mikrokredenzjali jistgħu jintużaw bħala parti mill-edukazzjoni u t-taħriġ magħmula disponibbli għan-nies sabiex isostnu t-tħaddim ta’ dawn il-kontijiet individwali ta’ apprendiment.

10.

Il-Komunikazzjoni tal-Kummissjoni dwar il-kisba sal-2025 taż-Żona Ewropea tal-Edukazzjoni (6) ħabbret li l-Kummissjoni ser taħdem lejn l-iżvilupp ta’ approċċ Ewropew għall-mikrokredenzjali, biex tgħin twessa’ l-opportunitajiet ta’ tagħlim u ssaħħaħ ir-rwol kemm tal-istituzzjonijiet tal-edukazzjoni għolja kif ukoll tal-istituzzjonijiet tal-edukazzjoni u t-taħriġ vokazzjonali fl-apprendiment tul il-ħajja.

11.

Ir-Rakkomandazzjoni tal-Kunsill dwar l-edukazzjoni u t-taħriġ vokazzjonali (VET) għall-kompetittività sostenibbli, il-ġustizzja soċjali u r-reżiljenza (7) titlob lill-Kummissjoni biex “tesplora l-kunċett u l-użu tal-mikrokredenzjali”.

12.

Ir-Riżoluzzjoni tal-Kunsill dwar qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021-2030) (8) tippreżenta l-esplorazzjoni tal-kunċett u l-użu tal-mikrokredenzjali bħala waħda mill-kwistjonijiet u azzjonijiet konkreti għaż-żona tal-prijorità 2 tal-qafas strateġiku (Tagħlim tul il-ħajja u mobbiltà).

13.

Il-konklużjonijiet tal-Kunsill dwar l-inizjattiva tal-Universitajiet Ewropej – Inqarrbu l-edukazzjoni għolja, ir-riċerka, l-innovazzjoni u s-soċjetà: Inwittu t-triq għal dimensjoni ġdida fl-edukazzjoni għolja Ewropea (9) jenfasizzaw li “għalkemm ma jiddevjawx mill-prinċipju ewlieni ta’ programmi ta’ lawrja sħiħa u lanqas ma jdgħajfuh, il-mikrokredenzjali jistgħu jgħinu jwessgħu l-opportunitajiet ta’ apprendiment biex jakkomodaw studenti mhux tradizzjonali u d-domanda għal ħiliet ġodda fis-suq tax-xogħol; jagħmlu l-esperjenza ta’ apprendiment aktar flessibbli u modulari; jappoġġaw l-aċċess għall-edukazzjoni għolja; u jinvolvu lill-istudenti, irrispettivament mill-kwalifiki preċedenti jew mill-kuntest tagħhom, filwaqt li jippromwovu opportunitajiet ta’ taħriġ mill-ġdid u ta’ titjib tal-ħiliet u jiżguraw edukazzjoni ta’ kwalità”.

14.

Il-Ministri għall-Edukazzjoni taż-Żona Ewropea tal-Edukazzjoni Għolja impenjaw ruħhom fil-Komunikat ta’ Ruma dwar il-Proċess intergovernattiv ta’ Bolonja (10) sabiex jgħinu lill-istituzzjonijiet tal-edukazzjoni għolja tagħhom: (i) jiddiversifikaw l-offerta ta’ apprendiment tagħhom; u (ii) jinnovaw fil-kontenut edukattiv u l-modi ta’ provvediment. Minbarra l-programmi ta’ lawrja sħiħa, u filwaqt li jżommu d-dritt tagħhom li jfasslu programmi ta’ studju u li jirregolaw kwistjonijiet ta’ trasferiment ta’ kreditu b’mod indipendenti, ħafna istituzzjonijiet tal-edukazzjoni għolja joffru jew qegħdin jippjanaw li joffru unitajiet iżgħar ta’ apprendiment. Dawn l-unitajiet iżgħar jistgħu jgħinu lill-istudenti jiżviluppaw jew jaġġornaw il-ħiliet u l-kompetenzi kulturali, professjonali u trasversali tagħhom f’diversi stadji f’ħajjithom. Il-kooperazzjoni fi ħdan il-proċess ta’ Bolonja ser tesplora kif, u kemm, dawn l-unitajiet iżgħar u flessibbli ta’ apprendiment – inkluż dawk li jwasslu għall-mikrokredenzjali – jistgħu jiġu definiti, żviluppati, implimentati u rikonoxxuti bl-użu ta’ għodod komuni.

15.

Is-sistemi tal-edukazzjoni u t-taħriġ għandhom jipprevedu l-ħtiġijiet, l-abbiltajiet u l-kapaċitajiet individwali differenti tal-istudenti kollha. Għandhom joffru wkoll opportunitajiet ta’ apprendiment lil kulħadd, inkluż f’ambjenti mhux formali u informali kif enfasizzat fil-konklużjonijiet tal-Kunsill dwar l-ekwità u l-inklużjoni fl-edukazzjoni u t-taħriġ sabiex jiġi promoss is-suċċess edukattiv għal kulħadd (11). Il-mikrokredenzjali mfassla tajjeb jistgħu jintużaw bħala parti minn miżuri mmirati sabiex jappoġġaw l-inklużjoni u l-aċċessibbiltà għall-edukazzjoni u t-taħriġ għal firxa usa’ ta’ studenti. Din il-firxa usa’ ta’ studenti tinkludi gruppi żvantaġġati u vulnerabbli (bħal persuni b’diżabilità, anzjani, persuni b’livell baxx ta’ kwalifiki/ħiliet, minoranzi, persuni bi sfond ta’ migrazzjoni, refuġjati u persuni b’anqas opportunitajiet minħabba l-pożizzjoni ġeografika tagħhom u/jew is-sitwazzjoni soċjoekonomika żvantaġġata tagħhom). Il-mikrokredenzjali jistgħu jintużaw ukoll biex jgħinu lill-istudenti jorjentaw ruħhom u biex jiffaċilitaw l-aċċess għall-apprendiment u t-taħriġ, u s-suċċess fihom, u biex jingħata appoġġ għat-tranżizzjoni mill-iskola għax-xogħol. It-tkabbir mistenni fl-għadd ta’ refuġjati u applikanti għall-ażil ser jirrikjedi l-iżvilupp ta’ strateġiji sabiex dawn il-gruppi jiġu integrati b’mod effettiv fis-sistemi tal-edukazzjoni, tat-taħriġ u tax-xogħol. Il-gwida u l-apprendiment reċiproku fl-UE b’rabta mat-tfassil u l-ħruġ tal-mikrokredenzjali jistgħu jrawmu l-inklużjoni u jiżguraw li l-istudenti mill-gruppi kollha tas-soċjetà jkunu jistgħu jaċċessaw il-benefiċċji tagħhom.

16.

Il-mikrokredenzjali jistgħu jappoġġaw ukoll l-iżvilupp professjonali u l-mobbiltà tal-ħaddiema, inkluż nies f’forom ta’ impjieg mhux standard, bħal dawk fl-ekonomija tal-pjattaformi (12), li jista’ jkollhom diffikultajiet biex jaċċessaw taħriġ skont l-istatus fl-impjieg tagħhom (13).

17.

Il-mikrokredenzjali jista’ jkollhom rwol attiv fit-twettiq ta’ inizjattivi ta’ politika tal-UE sabiex javvanzaw it-tranżizzjonijiet diġitali u ekoloġika. Il-mikrokredenzjali jistgħu: (i) isostnu l-għanijiet tal-Pjan ta’ Azzjoni dwar l-Edukazzjoni Diġitali 2021-2027 (14) sabiex jgħinu fl-għoti ta’ opportunitajiet ta’ apprendiment flessibbli u aċċessibbli għall-ħiliet diġitali; u (ii) jilħqu l-miri tal-pjan “Kumpass Diġitali 2030” tal-Kummissjoni sabiex sal-2030 tiġi żviluppata popolazzjoni b’ħiliet diġitali kif ukoll professjonisti diġitali b’ħiliet għolja fl-Ewropa. Il-mikrokredenzjali jistgħu jaqdu wkoll rwol fit-twettiq tal-Patt Ekoloġiku Ewropew (15) li huwa l-istrateġija ta’ tkabbir tal-Ewropa li għandu l-għan li jittrasforma l-ekonomija u s-soċjetà tagħha u jpoġġihom fi triq aktar sostenibbli.

18.

Ir-Rakkomandazzjoni tal-Kunsill dwar il-Qafas Ewropew tal-Kwalifiki għat-tagħlim tul il-ħajja u li tħassar ir-Rakkomandazzjoni tal-Parlament Ewropew u tal-Kunsill tat-23 ta’ April 2008 dwar l-istabbiliment ta’ Qafas Ewropew tal-Kwalifiki għat-tagħlim tul il-ħajja (16) tipprevedi qafas komuni ta’ referenza biex tgħin lin-nies u lill-organizzazzjonijiet iqabblu kemm sistemi ta’ kwalifika differenti kif ukoll il-livelli ta’ kwalifika minn dawk is-sistemi. Bħala qafas ta’ referenza Ewropew, il-Qafas Ewropew tal-Kwalifiki (QEK) huwa miftuħ għat-tipi u l-livelli kollha ta’ kwalifiki u jirrappreżenta r-referenza standard komuni għat-trasparenza, il-portabbiltà u l-komparabbiltà. Il-QEK huwa miftuħ ukoll għall-mikrokredenzjali jekk u fejn huma l-ewwel inklużi fl-oqfsa nazzjonali tal-kwalifiki.

19.

Ir-Rakkomandazzjoni tal-Kunsill tal-20 ta’ Diċembru 2012 dwar il-validazzjoni tat-tagħlim mhux formali u informali (17) stiednet lill-Istati Membri jistabbilixxu sal-2018 – skont iċ-ċirkostanzi u l-ispeċifiċitajiet nazzjonali u kif iqisu xieraq – arranġamenti għall-validazzjoni tal-apprendiment mhux formali u informali. Dawn l-arranġamenti għall-validazzjoni jfissru li n-nies jista’ jkollhom il-validazzjoni tal-għarfien, il-ħiliet u l-kompetenzi li jkunu kisbu permezz ta’ apprendiment mhux formali u informali. Dawn l-arranġamenti għall-validazzjoni jippermettu wkoll lin-nies jiksbu kwalifika sħiħa jew, fejn applikabbli, kwalifika parzjali. L-evalwazzjoni tal-2020 tar-Rakkomandazzjoni (18) talbet għal aktar żvilupp tar-rabtiet bejn il-validazzjoni u l-mikrokredenzjali.

20.

Id-Deċiżjoni (UE) 2018/646 tal-Parlament Ewropew u tal-Kunsill tat-18 ta’ April 2018 dwar qafas komuni għall-għoti ta’ servizzi aħjar għall-ħiliet u l-kwalifiki (Europass) u li tħassar id-Deċiżjoni Nru 2241/2004/KE (19) tistabbilixxi l-bażi għall-għoti ta’ għodod online biex in-nies ikunu jistgħu jimmaniġġaw il-karriera u l-apprendiment tul il-ħajja tagħhom b’servizzi ta’ awtentikazzjoni għall-kredenzjali li jagħmlu l-mikrokredenzjali portabbli.

21.

Ir-rilevanza, l-iżvilupp u l-aġġornament tal-mikrokredenzjali jiddependu fuq:

22.

Din ir-Rakkomandazzjoni tirrispetta bis-sħiħ il-prinċipji tas-sussidjarjetà u l-proporzjonalità, il-prinċipji tal-awtonomija istituzzjonali u l-libertà akkademika, u r-responsabbiltà tal-Istati Membri għall-kontenut u l-organizzazzjoni tal-edukazzjoni u t-taħriġ vokazzjonali f’konformità maċ-ċirkostanzi nazzjonali, u f’kooperazzjoni mill-qrib mal-partijiet ikkonċernati rilevanti kollha.

23.

Din ir-Rakkomandazzjoni hi mingħajr preġudizzju għad-Direttiva 2005/36/KE kif emendata bid-Direttiva 2013/55/UE dwar ir-rikonoxximent ta’ kwalifiki professjonali u r-reġim ta’ rikonoxximent awtomatiku previsti fiha,

1.

2.

3.

4.

5.

6.

7.

8.

9.

10.

Din l-esperimentazzjoni, il-kooperazzjoni, il-governanza u s-sħubija huma importanti għall-identifikazzjoni tal-ħtiġijiet għall-mikrokredenzjali, l-iżvilupp konġunt tal-mikrokredenzjali, u l-aġġornament tal-mikrokredenzjali, kif ukoll għall-valutazzjoni tal-impatt fuq it-titjib u t-tiġdid tal-ħiliet u t-taħriġ, l-apprendiment tul il-ħajja u l-iżvilupp tal-karriera.

11.

12.

13.

14.

15.

16.

17.

18.

19.

20.

21.

22.

(1)

Forza tax-xogħol b’ħiliet għoljin hija kruċjali għat-tisħiħ tal-kompetittività sostenibbli tal-Unjoni, għall-appoġġ għal irkupru mill-pandemija tal-COVID-19 rikk fl-impjiegi u għall-iżgurar ta’ tranżizzjonijiet diġitali u ekoloġiċi soċjalment ġusti. Hekk kif is-swieq tax-xogħol jevolvu, il-persuni jeħtieġ li jżommu l-pass billi jtejbu l-ħiliet tagħhom. Ħiliet ġodda u aħjar joħolqu aktar opportunitajiet u jgħammru lill-persuni biex ikollhom rwol attiv fil-ġestjoni tat-tranżizzjonijiet fis-suq tax-xogħol u biex jipparteċipaw b’mod sħiħ fis-soċjetà, fl-isfond tat-tibdil demografiku. Barra minn hekk, it-titjib tal-ħiliet u t-taħriġ mill-ġdid tal-adulti jistgħu jkunu għodda b’saħħithom fil-promozzjoni tal-ekwità soċjali u l-inklużjoni għal tranżizzjoni ġusta.

(2)

L-Artikolu 14(1) tal-Karta tad-Drittijiet Fundamentali (1) jsostni li kull persuna għandha d-dritt għall-edukazzjoni u li jkollha aċċess għal taħriġ professjonali u kontinwu. L-ewwel prinċipju tal-Pilastru Ewropew tad-Drittijiet Soċjali (“il-Pilastru”), ipproklamat b’mod konġunt mill-Parlament Ewropew, il-Kunsill u l-Kummissjoni fis-17 ta’ Novembru 2017 (2), isostni li kulħadd għandu d-dritt għal edukazzjoni, taħriġ u apprendiment tul il-ħajja ta’ kwalità u inklużivi sabiex jinżammu u jinkisbu ħiliet li jippermettulhom jipparteċipaw b’mod sħiħ fis-soċjetà u jiġġestixxu b’suċċess it-tranżizzjonijiet fis-suq tax-xogħol. Ir-raba’ prinċipju tal-Pilastru jittratta l-appoġġ attiv għall-impjiegi, biex jiġi sostnut id-dritt ta’ kull persuna għal assistenza f’waqtha u mfassal apposta biex itejjeb il-prospetti ta’ impjieg jew impjieg indipendenti. Il-ħames prinċipju tal-Pilastru, dwar l-impjieg sigur u adattabbli, jenfasizza li, irrispettivament mit-tip u d-durata tar-relazzjoni ta’ impjieg, il-ħaddiema għandhom id-dritt igawdu minn trattament ġust u ugwali rigward il-kondizzjonijiet tax-xogħol, l-aċċess għall-protezzjoni soċjali u t-taħriġ.

(3)

Fil-25 ta’ Ġunju 2021, il-Kunsill Ewropew laqa’ b’sodisfazzjon il-miri ewlenin tal-Unjoni tal-pjan ta’ azzjoni tal-Pilastru Ewropew tad-Drittijiet Soċjali, f’konformità mad-Dikjarazzjoni ta’ Porto tat-8 ta’ Mejju 2021, u b’hekk appoġġa l-ambizzjoni li jiġi żgurat li, sal-2030, mill-anqas 60 % tal-adulti kollha jipparteċipaw f’taħriġ kull sena. Madankollu, il-parteċipazzjoni f’apprendiment għall-adulti fl-Unjoni staġnat matul l-aħħar għaxar snin u 21 Stat Membru ma laħqux il-mira fil-livell tal-Unjoni għall-2020. B’kont meħud ta’ dan, il-Kunsill adotta r-Riżoluzzjoni dwar aġenda Ewropea ġdida għat-tagħlim tal-adulti 2021-2030 (3) biex jappoġġa l-progress lejn il-mira ewlenija tal-Unjoni għall-apprendiment għall-adulti. Ħafna adulti, bħal dawk f’forom atipiċi ta’ xogħol, l-impjegati ta’ intrapriżi żgħar u medji (SMEs), il-persuni qiegħda, dawk inattivi u bi kwalifiki baxxi spiss ma jkunux jistgħu jilħqu l-opportunitajiet għall-iżvilupp tal-ħiliet.

(4)

L-Aġenda għall-Ħiliet għall-Ewropa, adottata mill-Kummissjoni fl-1 ta’ Lulju 2020, tappella għal rivoluzzjoni fil-ħiliet biex it-tranżizzjoni ekoloġika u dik diġitali jinbidlu f’opportunitajiet għal irkupru ġust u fil-pront. Fost l-oħrajn, hija tħabbar li l-Kummissjoni ser tesplora l-kontijiet individwali tal-apprendiment bħala għodda biex tappoġġa t-titjib tal-ħiliet u t-taħriġ mill-ġdid tal-adulti fl-età tax-xogħol, filwaqt li tikkomplementa azzjonijiet oħra mmirati lejn l-impjegaturi u dawk li jipprovdu l-edukazzjoni u t-taħriġ.

(5)

Il-ħiliet għat-tranżizzjoni ekoloġika u t-titjib tal-ħiliet u t-taħriġ mill-ġdid tal-forza tax-xogħol ser ikunu meħtieġa fil-kuntest tal-bidla għal ekonomija moderna, effiċjenti fir-riżorsi u kompetittiva, kif stipulat skont il-Patt Ekoloġiku Ewropew li l-għan tiegħu hija in-newtralità klimatika sal-2050. Il-Komunikazzjoni tal-Kummissjoni tal-14 ta’ Lulju 2021“Lesti għall-Mira ta’ 55 %” tirrikonoxxi li t-tranżizzjoni ekoloġika tista’ tirnexxi biss jekk l-Unjoni jkollha l-ħaddiema bi kwalifiki għoljin li teħtieġ biex tibqa’ kompetittiva u tindika l-azzjonijiet ewlenin tal-Aġenda Ewropea għall-Ħiliet biex il-persuni jingħataw il-ħiliet li huma meħtieġa għat-tranżizzjoni ekoloġika u dik diġitali.

(6)

Il-Komunikazzjoni tal-Kummissjoni tad-9 ta’ Marzu 2021 dwar id-Deċennju Diġitali tal-Ewropa tagħraf in-nuqqas ta’ persunal b’ħiliet diġitali adegwati, kif ukoll l-iżbilanċ bejn il-ġeneri fost l-ispeċjalisti fit-teknoloġija tal-informazzjoni u tal-komunikazzjoni (ICT) u l-gradwati fix-xjenza, it-teknoloġija, l-inġinerija u l-matematika (STEM). Hija ttenni l-objettiv li jiġi żgurat li mill-anqas 80 % tal-popolazzjoni tal-Unjoni jkollha mill-anqas ħiliet diġitali bażiċi sal-2030, u tipproponi l-mira ta’ 20 miljun speċjalista tal-ICT impjegati, b’konverġenza bejn in-nisa u l-irġiel ukoll sal-2030. Il-proposta tal-Kummissjoni tal-15 ta’ Settembru 2021 dwar il-perkors għad-Deċennju Diġitali tissuġġerixxi li jiġi stabbilit qafas biex jitmexxew ’il quddiem dawn l-objettivi. Il-Pjan ta’ Azzjoni għall-Edukazzjoni Diġitali 2021-2027 tat-30 ta’ Settembru 2020 jenfasizza li jenħtieġ li jintużaw mezzi teknoloġiċi biex tiġi ffaċilitata l-aċċessibbiltà u tissaħħaħ il-flessibbiltà tal-opportunitajiet ta’ apprendiment, inkluż it-titjib tal-ħiliet u t-taħriġ mill-ġdid.

(7)

Il-Komunikazzjoni tal-Kummissjoni tal-10 ta’ Marzu 2020 bit-titlu “Strateġija Industrijali Ġdida għall-Ewropa” tappella għal azzjoni deċiżiva sabiex l-apprendiment tul il-ħajja jsir realtà għal kulħadd u jiġi żgurat li l-edukazzjoni u t-taħriġ iżommu l-pass u jgħinu fit-twettiq tat-tranżizzjonijiet doppji.

(8)

Il-Konklużjonijiet tal-Kunsill tat-8 ta’ Ġunju 2020 (4) jistiednu lill-Istati Membri, filwaqt li jieħdu kont taċ-ċirkostanzi nazzjonali u filwaqt li jirrispettaw ir-rwol u l-awtonomija tas-sħab soċjali, biex jesploraw mudelli possibbli għal finanzjament pubbliku u privat tat-tagħlim tul il-ħajja u l-iżvilupp ta’ ħiliet fuq livell individwali, peress li l-finanzjament sostenibbli huwa speċjalment importanti fil-kuntest tan-nuqqas ta’ ħaddiema b’ħiliet, u jagħtu attenzjoni partikolari lil gruppi vulnerabbli u ħaddiema b’livell baxx ta’ ħiliet, u jappellaw lill-Kummissjoni biex, skont il-kompetenzi tagħha, tappoġġa lill-Istati Membri f’dawk l-isforzi.

(9)

L-appoġġ finanzjarju insuffiċjenti għall-individwi huwa wieħed mill-ostakli ewlenin li jinfluwenzaw il-parteċipazzjoni fl-apprendiment. B’mod ġenerali, l-investimenti pubbliċi u privati ma humiex suffiċjenti. Il-biċċa l-kbira tat-taħriġ relatat mal-impjiegi fl-UE huwa sponsorjat mill-impjegatur. Madankollu, ħafna kumpaniji, b’mod partikolari l-SMEs, ma jipprovdux jew ma jiffinanzjawx taħriġ għall-persunal tagħhom, u individwi f’xogħol atipiku għandhom anqas jew ma għandhom ebda aċċess għal taħriġ sponsorjat mill-impjegatur. Tali inugwaljanzi jistgħu jimminaw il-benesseri u s-saħħa tal-individwi, inaqqsu l-kompetittività ekonomika, jirriżultaw f’opportunitajiet mitlufa u f’ostakli għall-innovazzjoni u hemm ir-riskju li jħallu lill-persuni lura fit-tranżizzjoni lejn attivitajiet ekonomiċi aktar sostenibbli.

(10)

Minbarra l-kostijiet diretti, ir-restrizzjonijiet taż-żmien huma fattur importanti li jipprevjeni lill-adulti milli jfittxu t-taħriġ. Filwaqt li fil-maġġoranza tal-Istati Membri jeżistu arranġamenti għal leave mħallas għal taħriġ (5), l-għarfien dwar il-leave għal taħriġ u l-użu tiegħu minn adulti f’età tax-xogħol huma spiss baxxi, u l-arranġamenti ħafna drabi ma jkoprux lill-ħaddiema atipiċi jew ma jippermettux lill-adulti jfittxu edukazzjoni u taħriġ matul perjodi ta’ qgħad jew ta’ attività ekonomika baxxa.

(11)

Ħafna adulti, speċjalment fost dawk bi kwalifiki baxxi u dawk l-aktar imbiegħda mis-suq tax-xogħol, ma humiex motivati biex jieħdu t-taħriġ. Dawn jistgħu ma jkunux konxji tal-ħtiġijiet tagħhom b’rabta mal-ħiliet, u jistgħu ma jkunux jafu jekk ikunux disponibbli appoġġ u taħriġ, jew ikunux ta’ kwalità tajba u rikonoxxuti fis-suq tax-xogħol. Barra minn hekk, il-persuni jistgħu ma jkunux motivati biex jinvolvu ruħhom f’taħriġ li jkun intgħażel mingħajr ma ġew ikkonsultati u li ma jkunx imfassal skont il-ħtiġijiet tagħhom.

(12)

Huwa meħtieġ approċċ ġdid fir-rigward tat-titjib tal-ħiliet u t-taħriġ mill-ġdid fl-Unjoni. Dan jenħtieġ li jikkomplementa l-istrumenti eżistenti u jsegwi l-impenji politiċi billi jawtonomizza lill-individwi u jagħtihom l-appoġġ u l-għodod li jeħtieġu biex itejbu l-ħiliet jew jitħarrġu mill-ġdid, fil-livelli kollha tal-ħiliet.

(13)

Fl-opinjoni tiegħu tas-16 ta’ Awwissu 2021 dwar l-inizjattiva tal-Unjoni dwar il-kontijiet individwali tal-apprendiment u t-tisħiħ tal-għoti tat-taħriġ fl-Ewropa, il-Kumitat Konsultattiv għat-Taħriġ Vokazzjonali (ACVT) jargumenta li inizjattiva bħal din jenħtieġ li tikkontribwixxi għal aktar involviment, motivazzjoni u parteċipazzjoni tal-adulti fl-edukazzjoni u t-taħriġ. L-isfida ewlenija hija li jittejjeb it-tqabbil tal-ħiliet u l-impjiegi u li jiġi żgurat l-aċċess għal għażliet diversifikati ta’ taħriġ ta’ kwalità permezz tal-għoti ta’ taħriġ aktar rilevanti u mmirat aħjar. L-ACVT jenfasizza fl-opinjoni tiegħu li l-għażla ta’ mekkaniżmi ta’ finanzjament u inċentivi mfassla apposta skont il-grupp fil-mira fil-livell nazzjonali għandha ssegwi l-ħtiġijiet u l-prijoritajiet nazzjonali.

(14)

Approċċ wieħed possibbli biex jiġu indirizzati l-problemi deskritti hawn fuq huwa li n-nies jingħataw appoġġ dirett permezz ta’ intitolamenti għat-taħriġ fil-kontijiet individwali tal-apprendiment. Dan jinvolvi wkoll l-istabbiliment ta’ qafas ġenerali ta’ abilitazzjoni li jagħti lill-individwi aċċess għal opportunitajiet ta’ taħriġ, informazzjoni, gwida, leave mħallas għal taħriġ u r-rikonoxximent tar-riżultati tat-taħriġ. Dan l-approċċ jista’ jikkomplementa inizjattivi eżistenti fil-livell nazzjonali.

(15)

Huwa rrakkomandat li jiġi definit intitolament individwali għat-taħriġ fil-livell nazzjonali, f’konformità mal-ħtiġijiet ta’ taħriġ tan-nies (6), u b’kont meħud ta’ strumenti eżistenti oħra. Il-modulazzjoni tal-finanzjament skont il-ħtiġijiet tista’ żżid l-effiċjenza tal-inizjattiva. L-Istati Membri jistgħu jistabbilixxu intitolamenti addizzjonali għat-taħriġ għall-individwi l-aktar fil-bżonn, skont il-kuntest nazzjonali u s-suq tax-xogħol li qed jinbidel. Pereżempju, l-Istati Membri jistgħu jżidu l-kontijiet individwali tal-apprendiment f’setturi strateġiċi (7), biex jappoġġaw it-tranżizzjoni ekoloġika u dik diġitali. Minbarra l-intitolamenti finanzjarji, ir-rilevanza, l-utilità u r-rikonoxximent tat-taħriġ huma fatturi ewlenin li jaffettwaw il-parteċipazzjoni fit-titjib tal-kompetenzi u t-taħriġ mill-ġdid. Huwa wkoll rrakkomandat li s-sħab soċjali u l-partijiet ikkonċernati rilevanti jiġu kkonsultati dwar dawn il-kwistjonijiet.

(16)

Jenħtieġ li l-kontijiet individwali tal-apprendiment jippermettu lill-persuni jakkumulaw u jużaw l-intitolamenti għat-taħriġ fuq perjodu stabbilit, li għandu jiġi definit fil-livell nazzjonali, sabiex ikunu jistgħu jieħdu taħriġ aktar fit-tul jew aktar għali jew jitħarrġu matul tnaqqis fir-ritmu ekonomiku b’reazzjoni għall-ħtiġijiet ta’ ħiliet emerġenti. Jenħtieġ li l-individwi jkunu jistgħu jżommu l-intitolamenti tagħhom għal taħriġ individwali indipendentement mis-sitwazzjoni tax-xogħol jew mill-istatus professjonali tagħhom u matul bidliet fil-karriera. L-Istati Membri huma mistiedna jistabbilixxu regoli għall-iskadenza tal-intitolamenti li jagħtu inċentiv lill-istudenti biex jagħmlu użu sħiħ mill-intitolamenti tagħhom.

(17)

Jenħtieġ li tiġi promossa l-possibbiltà li tiġi permessa l-preservazzjoni tal-intitolamenti individwali għat-taħriġ matul perjodi li fihom l-individwu jgħix fi Stat Membru ieħor, jew l-użu ta’ intitolamenti individwali għat-taħriġ għall-aċċess għal taħriġ rikonoxxut u ta’ kwalità assigurata mir-reġistru nazzjonali tal-kont tal-apprendiment tagħhom minn barra l-pajjiż. It-trasferibbiltà tal-intitolamenti bejn l-Istati Membri hija karatteristika mixtieqa fuq perjodu fit-tul, li jeħtieġ li tiġi eżaminata aktar, b’kont meħud tal-impatti possibbli fuq is-swieq nazzjonali tax-xogħol.

(18)

Biex l-individwi jiġu megħjuna jidentifikaw perkors ta’ taħriġ xieraq u b’hekk tiżdied il-motivazzjoni tagħhom biex jitgħallmu, jeħtieġ li jkun disponibbli aċċess għall-opportunitajiet ta’ gwida professjonali u l-validazzjoni tal-karriera. Hemm ukoll il-ħtieġa għal reġistri pubbliċi aġġornati ta’ taħriġ rikonoxxut permezz ta’ portali diġitali nazzjonali uniċi apposta aċċessibbli għal kulħadd, inkluż għall-persuni b’diżabilità, u, preferibbilment, b’interkonnessjoni xierqa mal-pjattaforma Europass.

(19)

Huwa rrakkomandat li l-kontijiet individwali tal-apprendiment jintużaw biex tiġi aċċessata l-validazzjoni, inkluż l-opportunitajiet ta’ valutazzjoni tal-ħiliet. L-evalwazzjoni reċenti mill-Kummissjoni tal-ħidma mwettqa skont ir-Rakkomandazzjoni tal-Kunsill tal-20 ta’ Diċembru 2012 dwar il-validazzjoni tal-apprendiment mhux formali u informali (8) tindika progress sostanzjali, iżda tidentifika wkoll sfidi persistenti u tinnota r-risposti proposti. B’mod partikolari, huwa neċessarju li l-individwi jingħataw appoġġ imfassal apposta, u li tiġi żgurata koordinazzjoni aktar mill-qrib mas-servizzi ta’ gwida u tfassil effettiv ta’ inizjattivi ta’ validazzjoni għall-gruppi żvantaġġati u vulnerabbli. L-Istati Membri huma mistiedna jinkoraġġixxu l-għoti ta’ mikrokredenzjali fejn rilevanti, abbażi tal-ħtiġijiet identifikati, f’konformità mar-Rakkomandazzjoni tal-Kunsill ta’ 16 ta’ Ġunju 2022 dwar il-mikrokredenzjali għall-apprendiment tul il-ħajja u għall-impjegabbiltà (9).

(20)

Din ir-Rakkomandazzjoni tappoġġa l-implimentazzjoni ta’ leave mħallas għal taħriġ. L-għoti xieraq ta’ leave mħallas għal taħriġ jippermetti lill-ħaddiema jżommu s-salarju tagħhom jew dħul sostituttiv matul perjodi ta’ taħriġ. L-Istati Membri huma mistiedna jidħlu fi djalogu mas-sħab soċjali dwar arranġamenti li jippermettu lill-impjegati jipparteċipaw f’taħriġ matul il-ħinijiet tax-xogħol bl-użu tal-kontijiet individwali tal-apprendiment tagħhom, b’kont meħud tal-possibiltajiet u l-iskemi nazzjonali tat-taħriġ. F’dan ir-rigward, jenħtieġ li titqies ukoll is-sitwazzjoni tal-SMEs u l-mikrointrapriżi.

(21)

Attivitajiet u kampanji usa’ ta’ sensibilizzazzjoni u ta’ ħidma biex jintlaħqu n-nies huma kruċjali biex jittejbu b’mod sinifikanti r-rati ta’ parteċipazzjoni tal-adulti fl-opportunitajiet ta’ apprendiment, b’mod partikolari fost gruppi b’għarfien baxx dwar it-titjib tal-ħiliet u t-taħriġ mill-ġdid, bħal dawk l-aktar imbiegħda mis-suq tax-xogħol. Il-kooperazzjoni bejn l-awtoritajiet pubbliċi, is-sħab soċjali, l-organizzazzjonijiet tas-soċjetà ċivili u partijiet ikkonċernati oħra, ibbażata fuq il-fehim komuni li t-titjib tal-ħiliet u t-taħriġ mill-ġdid huma mezz ta’ investiment, tista’ żżid l-effettività tal-attivitajiet ta’ sensibilizzazzjoni u ta’ ħidma biex jintlaħqu n-nies. L-attenzjoni għall-aċċessibbiltà għandha tiffaċilita l-parteċipazzjoni tal-adulti b’diżabilità.

(22)

Il-monitoraġġ fil-livell nazzjonali, u t-titjib kontinwu tal-kontijiet individwali tal-apprendiment u tal-qafas ta’ abilitazzjoni, huma kruċjali biex tiġi appoġġata l-implimentazzjoni ta’ din ir-Rakkomandazzjoni. L-aġġustamenti sussegwenti jistgħu jikkonċernaw l-ammont ta’ intitolamenti għat-taħriġ individwali, il-gruppi ta’ prijorità jew l-integrazzjoni faċli għall-utent tad-diversi elementi tal-qafas ta’ abilitazzjoni.

(23)

Finanzjament adegwat huwa karatteristika ewlenija ta’ skemi ta’ suċċess għall-kontijiet individwali tal-apprendiment. Skema nazzjonali ta’ kontijiet individwali tal-apprendiment tista’ tiffaċilita l-kondiviżjoni tal-ispejjeż bejn diversi sorsi ta’ finanzjament, bħall-awtoritajiet pubbliċi, l-impjegaturi u l-fondi ġestiti mis-sħab soċjali, billi tippermetti li diversi sorsi ta’ finanzjament jikkontribwixxu għall-konti individwali tal-apprendiment. Taħlita ta’ sorsi pubbliċi u privati ta’ finanzjament għandha tiżgura s-sostenibbiltà tal-inizjattiva fl-Istati Membri, li hija fundamentali għas-suċċess tagħha. Tali taħlita ta’ sorsi ta’ finanzjament tiffaċilita l-modulazzjoni tal-appoġġ u ż-żidiet mill-impjegaturi għall-impjegati tagħhom, jew b’mod volontarju jew bħala riżultat ta’ ftehimiet ta’ negozjar kollettiv.

(24)

Fondi tal-Unjoni li jappoġġaw skemi ta’ apprendiment għall-adulti, bħall-Fond Soċjali Ewropew Plus (10), il-Fond Ewropew għall-Iżvilupp Reġjonali (11) u l-Fond għal Tranżizzjoni Ġusta (12) kif ukoll, fejn rilevanti, il-Faċilità għall-Irkupru u r-Reżiljenza (13) taħt Next Generation EU u l-għarfien espert imfassal apposta permezz tal-Istrument ta’ Appoġġ Tekniku (14) , jistgħu jappoġġaw l-istabbiliment tal-kontijiet individwali tal-apprendiment u l-qafas ta’ abilitazzjoni tagħhom. L-apprendiment reċiproku, iffaċilitat mill-Kummissjoni, jista’ jappoġġa wkoll il-proċess.

(25)

Din ir-Rakkomandazzjoni hija mingħajr preġudizzju għall-kompetenza esklużiva tal-Istati Membri u għad-distribuzzjoni tal-kompetenzi f’kull Stat Membru fil-livell nazzjonali, reġjonali jew lokali fir-rigward tal-finanzjament, kif ukoll għall-organizzazzjoni u l-kontenut tas-sistemi tagħhom ta’ apprendiment u taħriġ għall-adulti. Hija ma twaqqafx lill-Istati Membri milli jżommu jew jistabbilixxu dispożizzjonijiet oħra jew aktar avvanzati dwar l-apprendiment u t-taħriġ għall-adulti minn dawk rakkomandati f’din ir-Rakkomandazzjoni.

(26)

Jenħtieġ li l-Istati Membri jinvolvu lis-sħab soċjali u lill-partijiet ikkonċernati rilevanti kollha, inkluż l-organizzazzjonijiet tas-soċjetà ċivili, fit-tfassil tar-riformi. Din ir-Rakkomandazzjoni tirrispetta b’mod sħiħ l-awtonomija tas-sħab soċjali, inkluż fejn dawn ikunu responsabbli għall-istabbiliment u l-ġestjoni ta’ skemi ta’ taħriġ.

(27)

Il-miżuri deskritti f’din ir-Rakkomandazzjoni ma jissostitwixxux l-għoti ta’ taħriġ mill-impjegaturi, is-servizzi pubbliċi u privati tal-impjiegi jew fornituri oħra tal-edukazzjoni u t-taħriġ, u mhumiex maħsuba biex jinterferixxu fih, u lanqas ma għandhom jissostitwixxu l-appoġġ pubbliku għall-istituzzjonijiet tal-edukazzjoni u t-taħriġ jew tipi oħra ta’ appoġġ. Jenħtieġ li l-piż amministrattiv addizzjonali jiġi minimizzat.

1.

2.

3.

Huwa rrakkomandat li l-ħaddiema tal-fruntiera u l-persuni li jaħdmu għal rashom li jaħdmu fi Stat Membru li ma jkunx l-Istat Membru fejn jirrisjedu legalment ikunu koperti fl-Istat Membru fejn jaħdmu.

4.

5.

6.

7.

8.

9.

10.

11.

—

Gwida għall-karriera u validazzjoni

12.

—

Reġistru nazzjonali ta’ opportunitajiet ta’ kwalità u eliġibbli għal taħriġ, gwida għall-karriera u validazzjoni

13.

14.

15.

16.

17.

—

Portal diġitali nazzjonali uniku li jappoġġa l-kontijiet individwali tal-apprendiment

18.

—

Leave mħallas għal taħriġ

19.

20.

21.

22.

23.

24.

25.

26.

27.

28.

29.

(1)

L-emissjonijiet tal-gassijiet serra jeħtieġ li jitnaqqsu b’mod urġenti, b’mod partikolari sabiex titnaqqas iż-żieda fil-livell tal-baħar u l-probabbiltà ta’ avvenimenti estremi tat-temp li diġà jaffettwaw lil kull reġjun madwar id-dinja (1) u sabiex jitnaqqsu l-kostijiet ekonomiċi u soċjali assoċjati mal-effetti tat-tisħin globali (2). L-Unjoni u l-Istati Membri tagħha huma Partijiet għall-Ftehim ta’ Pariġi adottat fil-15 ta’ Diċembru 2015 taħt il-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) (“il-Ftehim ta’ Pariġi”) (3), li jorbot lill-Partijiet tiegħu sabiex iżommu ż-żieda fit-temperatura medja globali għal ferm anqas minn 2°C ’il fuq mil-livelli preindustrijali u sabiex isegwu sforzi sabiex jillimitaw iż-żieda fit-temperatura għal 1.5°C ’il fuq mil-livelli preindustrijali.

(2)

It-tibdil fil-klima u d-degradazzjoni ambjentali jippreżentaw theddid serju li jeħtieġ azzjoni urġenti, kif affermat mill-ġdid reċentement fis-Sitt Rapport ta’ Valutazzjoni tal-Grupp Intergovernattiv ta’ Esperti dwar it-Tibdil fil-Klima (IPCC) fuq il-Bażi tax-Xjenza Fiżika. It-tbatija tal-bniedem u t-telf ekonomiku li jirriżultaw minn avvenimenti estremi aktar frekwenti relatati mal-klima, bħall-għargħar, il-mewġ tas-sħana, in-nixfiet u n-nirien fil-foresti, qegħdin isiru aktar komuni. Fl-Unjoni, dak it-telf diġà jammonta għal medja ta’ aktar minn EUR 12-il biljun fis-sena (4).

Dak it-telf jista’ jilħaq EUR 175 biljun addizzjonali, li huwa 1.38 % tal-PDG tal-Unjoni, fis-sena jekk it-tisħin globali jilħaq 3 C ’il fuq mil-livelli preindustrijali, meta mqabbel ma’ EUR 65 biljun għal 2°C u EUR 36 biljun fis-sena għal 1.5°C. Dan jagħmel ħsara sproporzjonata lil ċerti gruppi, b’mod partikolari persuni li diġà jinsabu f’sitwazzjonijiet vulnerabbli u reġjuni li diġà qed jiffaċċjaw sfidi.

(3)

Il-komumikazzjoni tal-Kummissjoni tal-11 ta’ Diċembru 2019 intitolata “Il-Patt Ekoloġiku Ewropew” (“il-Patt Ekoloġiku Ewropew”) jistabbilixxi l-istrateġija sabiex l-Unjoni ssir l-ewwel kontinent b’newtralità klimatika u jittrasforma l-Unjoni f’soċjetà sostenibbli, aktar ġusta u aktar prospera li tirrispetta l-limiti tal-pjaneta. Il-ħtieġa għal tranżizzjoni ġusta hija parti integrali mill-Patt Ekoloġiku Ewropew, li enfasizza li l-ebda persuna u l-ebda post ma jenħtieġ li jitħallew lura. Il-Liġi Ewropea dwar il-Klima (5) tistabbilixxi objettiv vinkolanti għall-Unjoni kollha ta’ newtralità klimatika sal-2050 u mira intermedja vinkolanti ta’ tnaqqis domestiku nett fl-emissjonijiet tal-gassijiet serra ta’ mill-anqas 55 % sal-2030 meta mqabbla mal-livelli tal-1990. It-tmien Programm ta’ Azzjoni Ambjentali sal-2030 (6) għandu l-għan li jaċċellera t-tranżizzjoni ekoloġika lejn ekonomija ċirkolari newtrali għall-klima, sostenibbli, mhux tossika, effiċjenti fl-użu tar-riżorsi, ibbażata fuq l-enerġija rinnovabbli, reżiljenti u kompetittiva b’mod ġust, ekwu u inklużiv, u li jipproteġi, jirrestawra u jtejjeb l-istat tal-ambjent.

(4)

Fid-dawl tal-gwerra tal-aggressjoni tar-Russja kontra l-Ukrajna, il-komunikazzjoni tal-Kummissjoni tat-18 ta’ Mejju 2020 intitolata “il-Pjan REPowerEU” (il “Pjan REPowerEU”), f’konformità mad-Dikjarazzjoni ta’ Versailles tal-10 u l-11 ta’ Marzu 2022, jistabbilixxi miżuri biex titneħħa gradwalment id-dipendenza tal-Unjoni fuq il-fjuwils fossili mir-Russja billi jiġu diversifikati l-provvisti tal-gass u titnaqqas b’mod aktar rapidu d-dipendenza fuq il-fjuwils fossili, inkluż permezz tal-introduzzjoni ta’ pompi solari, tar-riħ u tas-sħana, id-dekarbonizzazzjoni tal-industrija, u l-għoti ta’ permessi aktar malajr ta’ proġetti tal-enerġija rinnovabbli.

(5)

It-trasformazzjoni għal ekonomija u għal soċjetà b’newtralità klimatika teħtieġ azzjoni ta’ politika komprensiva u investiment sostanzjali f’ħafna oqsma, bħall-azzjoni klimatika, l-enerġija, it-trasport, l-ambjent, l-industrija, ir-riċerka u l-innovazzjoni (7). Sabiex tintlaħaq il-mira vinkolanti fil-livell tal-Unjoni għall-2030, fl-14 ta’ Lulju 2021 il-Kummissjoni ħarġet komunikazzjoni intitolata “‘Lesti għall-mira ta’ 55 ’: nilħqu l-Mira Klimatika tal-UE għall-2030 fi triqitna lejn in-newtralità klimatika” kif ukoll għadd ta’ proposti leġiżlattivi simili, (“il-pakkett ‘Lesti għall-mira ta’ 55’”. Il-pakkett “Lesti għall-mira ta’ 55 ” jinkludi proposti biex tiġi aġġornata l-leġiżlazzjoni rilevanti, inkluż is-Sistema tal-UE għall-Iskambju ta’ Kwoti tal-Emissjonijiet (EU ETS) (8), id-Direttivi dwar it-tassazzjoni tal-enerġija, l-effiċjenza enerġetika u l-enerġija rinnovabbli, ir-Regolament dwar l-istandards ta’ rendiment għall-emissjonijiet tas-CO2 għall-karozzi u l-vannijiet, ir-Regolament dwar l-inklużjoni tal-emissjonijiet u l-assorbimenti tal-gassijiet serra mill-użu tal-art, it-tibdil fl-użu tal-art u l-forestrija, id-Direttiva dwar l-infrastruttura tal-fjuwils alternattivi, u r-Regolament dwar il-kondiviżjoni tal-isforzi (ESR) fir-rigward tas-setturi barra mill-EU ETS attwali, jiġifieri s-setturi tat-trasport u tal-binjiet.

Huwa jinkludi proposti għal leġislazzjoni ġdida, b’mod partikolari sabiex jiġi appoġġat l-użu ta’ fjuwils aktar nodfa fis-setturi tal-avjazzjoni u tat-trasport marittimu, kif ukoll sabiex jiġi stabbilit mekkaniżmu ta’ aġġustament tal-karbonju fil-fruntieri u biex jiġi stabbilit Fond Soċjali għall-Klima, li huwa direttament relatat mal-introduzzjoni proposta ta’ sistema għall-iskambju ta’ kwoti tal-emissjonijiet għall-fjuwils użata fil-binjiet u fit-trasport bit-triq. Il-pakkett “Lesti għall-mira ta’ 55 %”, flimkien ma’ miżuri meħuda fil-livell tal-Unjoni sabiex jiġu appoġġati u inċentivati l-investimenti pubbliċi u privati meħtieġa, huwa mmirat sabiex jgħin biex jiġi appoġġat u aċċellerat it-tkabbir ta’ swieq ġodda, pereżempju għal fjuwils nodfa u vetturi b’emissjonijiet baxxi, u b’hekk jitnaqqsu l-kostijiet tat-tranżizzjoni sostenibbli kemm għan-negozji kif ukoll għaċ-ċittadini.

(6)

Fil-laqgħa tiegħu tal-20 ta’ Ġunju 2019 il-Kunsill Ewropew impenja ruħu, fl-Aġenda Strateġika Ġdida 2019-2024” tiegħu, sabiex jiżgura tranżizzjoni ġusta lejn in-newtralità klimatika li hija inklużiva u li ma tħalli ’l ħadd lura. Fil-livell internazzjonali, l-Istati Membri approvaw l-Għanijiet ta’ Żvilupp Sostenibbli tan-Nazzjonijiet Uniti u rratifikaw il-Ftehim ta’ Pariġi, li jirreferu għall-ħtiġijiet ta’ tranżizzjoni ġusta tal-forza tax-xogħol u l-ħolqien ta’ xogħol deċenti u impjiegi ta’ kwalità, kif ukoll il-ħtieġa li l-adattament u l-bini tal-kapaċità jkunu reattivi għal kwistjonijiet ta’ ġeneru. Il-Linji Gwida tal- Organizzazzjoni Internazzjonali tax-Xogħol jipprovdu qafas ta’ politika stabbilit fil-livell internazzjonali għal tranżizzjoni ġusta lejn ekonomiji u soċjetajiet ambjentalment sostenibbli għal kulħadd (9). Barra minn hekk, 54 firmatarju (pajjiżi u sħab soċjali) approvaw id-“Dikjarazzjoni ta’ Silesia dwar is-Solidarjetà u t-Tranżizzjoni Ġusta” (10), li ġiet adottata fl-24 Konferenza tal-Partijiet (COP) tal-UNFCCC f’Katowice, inkluż il-Kummissjoni, f’isem l-Unjoni, u 21 Stat Membru individwali. L-Unjoni u għaxar Stati Membri ffirmaw id-Dikjarazzjoni “Appoġġ tgħall-Kondizzjonijiet għal Tranżizzjoni Ġusta fuq livell Internazzjonali”, adottata fis-26 COP tal-UNFCCC fi Glasgow, b’impenn li tiġi inkluża informazzjoni dwar tranżizzjoni ġusta fir-Rapporti ta’ Trasparenza Biennali fil-kuntest tar-rapportar dwar il-politiki u l-miżuri tagħhom sabiex jinkisbu l-Kontribuzzjonijiet Stabbiliti fil-livell Nazzjonali tagħhom.

(7)

Il-ġustizzja u s-solidarjetà huma prinċipji fundamentali tal-politiki tal-Unjoni lejn it-tranżizzjoni ekoloġika u rekwiżiti għall-appoġġ pubbliku wiesa’ u sostnut tagħha. Il-Patt Ekoloġiku Ewropew jenfasizza li t-tranżizzjoni trid tkun ġusta u inklużiva, u trid tpoġġi lin-nies l-ewwel u tagħti attenzjoni partikolari għall-appoġġ ta’ dawk ir-reġjuni, l-industriji, il-ħaddiema, l-unitajiet domestiċi u l-konsumaturi li ser jiffaċċjaw l-akbar sfidi. Barra minn hekk, il-komunikazzjoni tal-Kummissjoni tal-14 ta’ Jannar 2020, bit-titolu “Ewropa Soċjali b’Saħħitha għal Tranżizzjonijiet Ġusti” tenfasizza li l-implimentazzjoni tal-Patt Ekoloġiku Ewropew ser tagħti lill-Ewropa l-għodod sabiex tistinka għal aktar fir-rigward tal-konverġenza f’livelli ogħla, il-ġustizzja soċjali u l-prosperità kondiviża. Il-komunikazzjoni tal-Kummissjoni tat-23 ta’ Frar 2022 dwar ix-xogħol deċenti madwar id-dinja għal tranżizzjoni globali ġusta u rkupru sostenibbli tqiegħed il-promozzjoni ta’ xogħol deċenti madwar id-dinja fil-qalba ta’ tranżizzjoni ġusta u rkupru inklużiv, sostenibbli u reżiljenti mill-pandemija.

(8)

Il-komumikazzjoni tal-Kummissjoni tal-4 ta’ Marzu 2021 intitolata “Il-Pjan ta’ Azzjoni tal-Pilastru Ewropew tad-Drittijiet Soċjali” (11) jenfasizza li l-unità, il-koordinazzjoni u s-solidarjetà huma meħtieġa biex nimxu ‘l quddiem lejn deċennju aktar ekoloġiku u diġitali li fih l-Ewropej jistgħu jirnexxu. Huwa ppropona tliet miri ewlenin tal-UE għall-2030, jiġifieri: li mill-anqas 78 % tal-popolazzjoni ta’ bejn l-20 u l-64 sena jenħtieġ li tkun f’impjieg sal-2030 (12); li mill-anqas 60 % tal-adulti kollha jenħtieġ li jipparteċipaw f’taħriġ kull sena (13); u li n-numru ta’ persuni f’riskju ta’ faqar jew ta’ esklużjoni soċjali jenħtieġ li jitnaqqas b’mill-anqas 15-il miljun sal-2030 (14). Dawk il-miri ewlenin tal-2030 intlaqgħu mill-mexxejja tal-Unjoni fid-Dikjarazzjoni ta’ Porto tat-8 ta’ Mejju 2021 fil-laqgħa informali tal-kapijiet ta’ stat jew ta’ gvern f’Porto fis-7-8 ta’ Mejju 2021 u mill-Kunsill Ewropew fil-konklużjonijiet tiegħu tal-24-25 ta’ Ġunju 2021.

(9)

Permezz tal-istabbiliment ta’ politiki ta’ akkumpanjament xierqa (15), it-tranżizzjoni ekoloġika tista’, b’mod aggregat, toħloq madwar miljun impjieg ta’ kwalità addizzjonali (16) fl-Unjoni sal-2030 u 2 miljuni sal-2050 (17), f’setturi bħal dawk tal-kostruzzjoni, teknoloġiji tal-informazzjoni u tal-komunikazzjoni (“ICT”) jew tal-enerġija rinnovabbli, filwaqt li jittaffa t-tnaqqis fit-tul ta’ impjiegi li jirrikjedu ħiliet medji bħala riżultat tal-awtomatizzazzjoni u d-diġitalizzazzjoni. Madankollu, f’xenarju pessimistiku, l-impatti tat-tranżizzjoni ekoloġika lejn in-newtralità klimatika jekk mhux appoġġati minn taħlita adegwata ta’ politika jistgħu jimplikaw telf ta’ impjiegi u tal-PDG sa 0.39 % fl-Unjoni, u telf ta’ impjiegi sa 0.26 % (18).

(10)

L-impatti tat-tranżizzjoni ekoloġika fuq in-negozju u l-impjiegi ser ivarjaw skont is-settur, il-professjoni, ir-reġjun u l-pajjiż, u dan jimplika bidliet fl-impjiegi fi ħdan is-setturi u l-ekosistemi industrijali, kif ukoll riallokazzjonijiet kbar tax-xogħol bejniethom (19). Ir-ristrutturar u l-aġġustament fil-kumpaniji, fis-setturi u fl-ekosistemi kkonċernati jeħtieġu l-iżvilupp ta’ mudelli ġodda ta’ negozju u riallokazzjonijiet kbar tax-xogħol fis-setturi u fir-reġjuni kollha. Pereżempju, it-telf tal-impjiegi huwa mistenni f’xi attivitajiet ta’ estrazzjoni jew fil-produzzjoni tal-enerġija bbażata fuq il-fjuwils fossili, kif ukoll f’partijiet tas-settur tal-karozzi. Min-naħa l-oħra, huma mistennija opportunitajiet ġodda ta’ impjiegi f’attivitajiet ta’ żamma tal-valur ċirkolari u fil-produzzjoni sostenibbli tat-trasport u l-enerġija. Għalhekk, l-Istati Membri jenħtieġ li jsegwu approċċi granulari, b’enfasi fuq ir-reġjuni u l-ekosistemi individwali kkonċernati, f’kollaborazzjoni mas-sħab soċjali u/jew mal-awtoritajiet u l-partijiet ikkonċernati lokali u reġjonali.

(11)

Bil-ħolqien ta’ opportunitajiet ta’ xogħol ta’ kwalità għal kulħadd flimkien ma’ miżuri meħuda sabiex jittaffa u jiġi evitat il-faqar enerġetiku u tat-trasport, it-tranżizzjoni ekoloġika tista’ tikkontribwixxi sabiex jiżdied l-introjtu u jitnaqqsu l-inugwaljanzi u l-faqar b’mod ġenerali (20). B’hekk tista’ tgħin sabiex jiġu indirizzati l-inugwaljanzi soċjoekonomiċi u l-esklużjoni soċjali li kienu jeżistu qabel, ittejjeb is-saħħa u l-benesseri, u tippromwovi l-ugwaljanza, inkluż l-ugwaljanza bejn il-ġeneri. Jenħtieġ li tingħata attenzjoni partikolari lil ċerti gruppi tal-popolazzjoni, b’mod partikolari dawk li huma diġà f’sitwazzjonijiet vulnerabbli. B’mod partikolari dawn jinkludu unitajiet domestiċi b’introjtu baxx u medju baxx, li jonfqu sehem għoli mill-introjtu tagħhom fuq servizzi essenzjali bħall-enerġija, it-trasport u l-akkomodazzjoni, kif ukoll intrapriżi mikro, żgħar u ta’ daqs medju. Ir-riżultati tal-immudellar juru li l-kwistjoni ta’ jekk it-taxxi ambjentali humiex progressivi jew rigressivi ser tiddependi l-aktar fuq it-tfassil tal-istrument, inkluż, pereżempju, il-punt sa fejn it-tnaqqis fit-taxxa fuq l-introjtu jew għażliet oħra għar-riċiklaġġ tal-introjtu huma mmirati lejn persuni b’introjtu baxx (21).

(12)

L-attivitajiet ta’ żamma tal-valur ċirkolari, inkluż il-mudelli tan-negozju ta’ tiswija, użu mill-ġdid, manifattura mill-ġdid u servitizzazzjoni, jistgħu jrawmu aċċess affordabbli u sostenibbli għall-prodotti u s-servizzi. Dawn jiġġeneraw ukoll impjiegi u opportunitajiet f’diversi livelli ta’ ħiliet, inkluż għan-nisa, għall-persuni b’diżabilità u għall-gruppi f’sitwazzjonijiet vulnerabbli, permezz ta’ entitajiet tal-ekonomija soċjali attivi f’dawk l-oqsma. Billi jippromwovu ċ-ċirkolarità tal-prodotti, inaqqsu bil-kbir l-emissjonijiet tal-karbonju, filwaqt li l-impjiegi maħluqa huma qrib il-prodotti li jeħtieġ li jinżammu, jiġu rinnovati jew kondiviżi.

(13)

Skont l-aħħar data disponibbli f-statistika tal-UE dwar l-introjtu u l-kondizzjonijiet tal-għajxien għall-2019/2020, il-faqar enerġetiku affettwa lil madwar 8 % tal-popolazzjoni tal-Unjoni, jiġifieri aktar minn 35 miljun persuna, li ma setgħux iżommu djarhom sħan b’mod adegwat, b’differenzi sinifikanti bejn l-Istati Membri u bejn il-kategoriji tal-introjtu (22). B’mod ġenerali, l-Osservatorju tal-Faqar Enerġetiku jistma, abbażi ta’ taħlita ta’ indikaturi, li aktar minn 50 miljun unità domestika fl-Unjoni jesperjenzaw faqar enerġetiku (23). Il-faqar enerġetiku, li jirriżulta minn taħlita ta’ introjtu baxx, sehem għoli mill-introjtu disponibbli li jintefaq fuq l-enerġija u effiċjenza enerġetika baxxa, ilu sfida ewlenija għall-Unjoni għal xi żmien. Barra minn hekk, ir-riskju tal-faqar enerġetiku jiżdied bi prezzijiet tal-enerġija għoljin u volatili, li huma xprunati minn għadd ta’ fatturi inkluż dawk relatati mal-kuntest tal-gwerra tal-aggressjoni tar-Russja kontra l-Ukrajna u r-rispons ta’ politika sussegwenti tal-Unjoni. Din il-forma ta’ faqar taffettwa mhux biss lill-unitajiet domestiċi b’introjtu baxx, iżda wkoll lill-unitajiet domestiċi b’introjtu medju baxx f’ħafna Stati Membri.

L-unitajiet domestiċi bi ħtiġijiet tal-enerġija ogħla mill-medja, li jinkludu familji bit-tfal, inkluż dawk immexxija minn ġenituri waħedhom, persuni b’diżabilità, u persuni akbar fl-età, huma wkoll aktar suxxettibbli għall-faqar enerġetiku (24) u għall-effetti tiegħu. In-nisa, u b’mod partikolari dawk li huma ġenituri waħedhom u n-nisa akbar fl-età (25), huma wkoll affettwati b’mod partikolari mill-faqar enerġetiku. Minbarra l-faqar enerġetiku, il-kunċett ta’ faqar fit-trasport qiegħed jiġi rikonoxxut dejjem aktar fejn għal ċerti kategoriji tal-popolazzjoni ma huwiex possibbli li jinkiseb livell ta’ servizzi tat-trasport li huwa soċjalment u materjalment meħtieġ. Mingħajr il-miżuri ta’ akkumpanjament xierqa sabiex itaffu u jipprevjenu l-faqar enerġetiku u fit-trasport, dawk il-forom ta’ faqar huma fir-riskju li jaggravaw b’mod partikolari minħabba l-internalizzazzjoni tal-kostijiet tal-emissjonijiet fil-formazzjoni tal-prezzijiet jew minħabba l-kostijiet tal-adattament lejn alternattivi b’effiċjenza ogħla u b’emissjonijiet aktar baxxi.

(14)

Il-prinċipji tal-ġustizzja soċjali, il-koeżjoni u s-solidarjetà huma integrati bis-sħiħ fit-tfassil tal-oqfsa rilevanti dwar il-klima, l-enerġija u l-ambjent fil-livell tal-Unjoni, inkluż permezz tal-“prinċipju ta’ min iniġġes iħallas” u l-kondiviżjoni tal-isforzi bejn l-Istati Membri kif ukoll f’xi ridistribuzzjoni tal-kwoti tal-EU ETS għall-finijiet ta’ solidarjetà, ta’ tkabbir u ta’ interkonnessjonijiet fl-Unjoni u l-użu tagħhom għall-Fond għall-Modernizzazzjoni li jikkontribwixxi għall-ħtiġijiet sinifikanti ta’ investiment tal-Istati Membri b’introjtu aktar baxx sabiex jimmodernizzaw is-sistemi tal-enerġija tagħhom. Barra minn hekk, il-qafas tal-leġiżlazzjoni tal-Unjoni dwar l-enerġija jipprovdi lill-Istati Membri b’għodod sabiex jiżguraw il-protezzjoni ta’ klijenti domestiċi foqra fl-enerġija u vulnerabbli filwaqt li jevitaw distorsjonijiet tas-suq. Filwaqt li dawk l-għodod jgħinu fl-iffaċilitar tat-tranżizzjoni ekoloġika, huma maħsuba sabiex jipprovdu l-mezzi sabiex tiġi żgurata l-protezzjoni meħtieġa b’mod aktar ġenerali, kif muri pereżempju mill-komunikazzjoni tal-Kummissjoni tat-13 ta’ Ottubru 2021 bit-titolu “L-indirizzar tal-prezzijiet tal-enerġija: sett ta’ għodod għall-azzjoni u l-appoġġ” u l-Pjan REPowerEU.

(15)

L-Istati Membri għandhom firxa ta’ għodod għad-dispożizzjoni tagħhom sabiex jiddeskrivu u jikkoordinaw l-azzjonijiet tagħhom għal tranżizzjoni ġusta. Il-pjanijiet nazzjonali għall-enerġija u l-klima (NECPs) li jitħejjew f’konformità mar-Regolament (UE) Nru 2018/1999 tal-Parlament Ewropew u tal-Kunsill (26) jenħtieġ li jivvalutaw in-numru ta’ unitajiet domestiċi fil-faqar enerġetiku u jiddeskrivu l-miżuri meħtieġa sabiex jiġu indirizzati l-implikazzjonijiet soċjali u territorjali tat-tranżizzjoni enerġetika. Il-Pjanijiet ta’ Tranżizzjoni Territorjali Ġusta (TJTPs) li jitħejjew f’konformità mar-Regolament (UE) Nru 2021/1056 tal-Parlament Ewropew u tal-Kunsill (27) jenħtieġ li jidentifikaw it-territorji eliġibbli għall-appoġġ taħt il-Fond għal Tranżizzjoni Ġusta sal-2027. Iffinanzjat minn NextGenerationEU, il-pjanijiet ta’ rkupru u reżiljenza (RRPs) nazzjonali li jitħejjew f’konformità mar-Regolament (UE) Nru 2021/241 tal-Parlamant Ewropew u tal-Kunsill (28) jistabbilixxu riformi u investimenti sabiex irawmu t-tranżizzjoni ekoloġika, it-tkabbir inklużiv, il-koeżjoni soċjali u territorjali, ir-reżiljenza u l-prospetti għall-ġenerazzjoni li jmiss, b’orizzont ta’ implimentazzjoni sal-2026. Xi azzjonijiet għal tranżizzjoni ġusta huma implimentati wkoll fil-kuntest ta’ programmi u inizjattivi oħra, b’mod partikolari l-fondi tal-politika ta’ Koeżjoni.

(16)

Filwaqt li tibni b’mod partikolari fuq il-prinċipji u l-politiki tal-Patt Ekoloġiku Ewropew u fuq il-Pilastru Ewropew tad-Drittijiet Soċjali, hemm lok sabiex jittejjeb it-tfassil tal-politiki b’mod komprensiv u trasversali, u sabiex tiġi żgurata l-koerenza tal-isforzi ta’ nfiq, fil-livelli tal-Unjoni u nazzjonali. Fil-komunikazzjoni tal-Kummissjoni tas-17 ta’ Settembru 2020 bit-titolu “Valutazzjoni madwar l-UE kollha tal-Pjanijiet Nazzjonali għall-Enerġija u l-Klima - Immexxu ’l quddiem it-tranżizzjoni ekoloġika u nippromwovu l-irkupru ekonomiku permezz ta’ ppjanar integrat tal-enerġija u tal-klima”, il-Kummissjoni, filwaqt li rrikonoxxiet li n-NECP’s finali jipprovdu xi indikaturi u politiki dwar il-faqar enerġetiku, ikkonkludiet li mhux dejjem jipprovdu prijoritizzazzjoni ċara tal-ħtiġijiet ta’ finanzjament għal tranżizzjoni ġusta, u lanqas għat-tiġdid u t-titjib tal-ħiliet jew għall-appoġġ ta’ aġġustamenti fis-suq tax-xogħol. It-TJTPs jenħtieġ li jiffokaw fuq territorji magħżula u għalhekk ma humiex mistennija li jistabbilixxu strateġija u politiki ġenerali għal tranżizzjoni ġusta fil-livell nazzjonali. Filwaqt li r-riformi u l-investimenti li jappoġġaw u li jgħinu jiffinanzjaw huma mfassla sabiex jipprovdu impatt dejjiemi, kemm it-TJTPs kif ukoll l-RRPs huma limitati fiż-żmien.

(17)

Tranżizzjoni ġusta lejn in-newtralità klimatika fl-Unjoni sal-2050 ser tiżgura li ħadd ma jitħalla lura, b’mod partikolari l-ħaddiema u l-unitajiet domestiċi l-aktar affettwati mit-tranżizzjoni ekoloġika, u dawk li diġà jinsabu f’sitwazzjonijiet vulnerabbli. Għal dak il-għan, kif stabbilit f’din ir-Rakkomandazzjoni, l-Istati Membri jenħtieġ li jistabbilixxu pakketti ta’ politika komprensivi (29), isaħħu l-elementi trasversali li jippromwovu tranżizzjoni ekoloġika ġusta, u jagħmlu l-aħjar użu mill-finanzjament pubbliku u privat. Il-pakketti ta’ politika jenħtieġ li jqisu lin-nies u l-unitajiet domestiċi li huma l-aktar affettwati mit-tranżizzjoni ekoloġika, b’mod partikolari mit-telf ta’ impjiegi iżda wkoll mit-tibdil fil-kundizzjonijiet tax-xogħol u/jew rekwiżiti ġodda ta’ kompiti fuq ix-xogħol, kif ukoll dawk soġġetti għal impatti negattivi fuq l-introjtu disponibbli, in-nefqa, u l-aċċess għal servizzi essenzjali. Bħala parti mill-aktar gruppi affettwati, il-pakketti ta’ politika jenħtieġ li, b’mod partikolari, iżda mhux biss, iqisu lin-nies u lill-unitajiet domestiċi f’sitwazzjonijiet vulnerabbli, b’mod partikolari n-nies l-aktar imbiegħda mis-suq tax-xogħol, pereżempju minħabba l-ħiliet tagħhom, il-kundizzjonijiet territorjali tas-suq tax-xogħol, jew karatteristiċi oħrajn, bħas-sess, l-oriġini razzjali jew etnika, ir-reliġjon jew it-twemmin, id-diżabilità, l-età jew l-orjentazzjoni sesswali. Barra minn hekk, in-nies u l-unitajiet domestiċi f’sitwazzjonijiet vulnerabbli jistgħu jinkludu lil dawk li jgħixu fil-faqar jew li jinsabu f’riskju ta’ faqar u/jew faqar enerġetiku, li jiffaċċjaw ostakli għall-mobbiltà, jew piż żejjed tal-kostijiet tal-akkomodazzjoni, inkluż unitajiet domestiċi mmexxija minn ġenituri waħedhom, li aktar ta’ spiss ikunu nisa milli rġiel. Il-pakketti ta’ politika jenħtieġ li jiġu adattati għaċ-ċirkostanzi lokali, filwaqt li jitqiesu l-ħtiġijiet tal-partijiet l-aktar vulnerabbli u remoti tal-Unjoni, inkluż ir-reġjuni u l-gżejjer ultraperiferiċi.

(18)

L-appoġġ attiv għal impjieg ta’ kwalità jenħtieġ li jiffoka fuq l-għoti ta’ għajnuna lill-ħaddiema, lil dawk li qegħdin ifittxu impjieg, lil persuni li ma humiex impjegati, u li ma humiex jirċievu edukazzjoni jew taħriġ (NEETs) u lil dawk li jaħdmu għal rashom l-aktar affettwati mit-tranżizzjoni ekoloġika. B’mod partikolari, persuni sottorappreżentati bħan-nisa, il-ħaddiema b’livell baxx ta’ ħiliet, il-persuni b’diżabilità, il-persuni akbar fl-età jew il-persuni b’kapaċitajiet komparattivament baxxi sabiex jadattaw għall-bidliet fis-suq tax-xogħol jeħtieġu appoġġ sabiex itejbu l-impjegabbiltà tagħhom u sabiex isibu impjieg, f’konformità mar-Rakkomandazzjoni tal-Kummissjoni (UE) 2021/402 (30). Filwaqt li jibnu fuq gwida ta’ politika preċedenti, b’mod partikolari dik ir-Rakkomandazzjoni u d- Deċiżjonijiet tal-Kunsill (UE) 2020/1512 (31) u (UE) 2021/1868 (32), il-pakketti ta’ politika jenħtieġ li għalhekk jinkludu miżuri mfassla sabiex jappoġġaw inċentivi għar-reklutaġġ u t-tranżizzjoni, appoġġ għall-intraprenditorija, b’mod partikolari għan-nisa jew għall-persuni b’diżabilità, u miżuri għall-ħolqien ta’ impjiegi ta’ kwalità, b’mod partikolari għall-intrapriżi mikro, żgħar u ta’ daqs medju u fit-territorji l-aktar affettwati. Tali miżuri, flimkien ma’ appoġġ adegwat tal-Unjoni, jistgħu wkoll ikunu strumentali biex jiġu indirizzati l-isfidi għas-suq tax-xogħol, bħal dawk li jirriżultaw mill-influss ta’ refuġjati Ukreni b’mod partikolari fl-Istati Membri l-aktar affettwati. Dawn jenħtieġ li jrawmu wkoll l-implimentazzjoni u l-infurzar effettivi tar-regoli eżistenti dwar il-kundizzjonijiet tax-xogħol u l-appoġġ għal ristrutturar soċjalment responsabbli f’konformità mar-regoli u l-istandards eżistenti. Is-sħab soċjali għandhom rwol vitali x’jaqdu sabiex jikkontribwixxu għall-indirizzar, permezz tad-djalogu, tal-konsegwenzi soċjali u tal-impjiegi tal-isfidi tat-tranżizzjoni ekoloġika.

(19)

L-aċċess għal edukazzjoni, taħriġ u tagħlim tul il-ħajja ta’ kwalità u inklużivi għal kulħadd huwa essenzjali sabiex jiġi żgurat li l-forza tax-xogħol ikollha l-ħiliet meħtieġa sabiex twettaq it-tranżizzjoni ekoloġika. L-aspetti ta’ tranżizzjoni ġusta jenħtieġ li għalhekk jiġu integrati fl-iżvilupp u fl-implimentazzjoni tal-istrateġiji nazzjonali għall-ħiliet, filwaqt li jitqiesu l-proposti magħmula mill-Kummissjoni fl-“Aġenda Ewropea għall-Ħiliet” (33) u “l-“Istrateġija Industrijali l-Ġdida aġġornata” ) (34) Is-sħubijiet għall-ħiliet skont il-Patt għall-Ħiliet ser ikunu wkoll lieva importanti. L-għarfien u t-tbassir aġġornati dwar is-suq tax-xogħol u l-ħiliet, inkluż fil-livelli reġjonali, settorjali u okkupazzjonali, jippermettu l-identifikazzjoni u t-tbassir tal-ħtiġijiet rilevanti ta’ ħiliet speċifiċi għall-okkupazzjoni u trasversali, inkluż bħala bażi għall-adattament tal-kurrikuli sabiex jiġu ssodisfati l-ħtiġijiet ta’ ħiliet għat-tranżizzjoni ekoloġika. L-edukazzjoni u taħriġ vokazzjonali jenħtieġ li jgħammru liż-żgħażagħ u lill-adulti b’fokus partikolari fuq in-nisa u l-ħaddiema b’livell baxx ta’ ħiliet, bil-ħiliet meħtieġa sabiex jirnexxu fit-tranżizzjoni ekoloġika, f’konformità mar-Rakkomandazzjoni tal-Kunsill 2020/C 417/01 (35).

L-apprendistati u t-traineeships imħallsa, inkluż komponenti ta’ taħriġ b’saħħithom, b’mod partikolari għaż-żgħażagħ, jikkontribwixxu għat-tranżizzjonijiet fis-suq tax-xogħol, b’mod partikolari lejn attivitajiet li jikkontribwixxu għall-objettivi klimatiċi u ambjentali, u setturi li jiffaċċjaw nuqqasijiet partikolari ta’ ħiliet. Iż-żieda fil-parteċipazzjoni tal-adulti fit-tagħlim tul il-ħajja jenħtieġ li tiġi promossa sabiex jiġu ssodisfati l-ħtiġijiet ta’ tiġdid u titjib tal-ħiliet, fost l-oħrajn, billi l-individwi jingħataw is-setgħa li jfittxu taħriġ li jkun imfassal għall-ħtiġijiet tagħhom u, fejn xieraq, permezz ta’ korsijiet qosra u b’assigurazzjoni tal-kwalità dwar il-ħiliet għat-tranżizzjoni ekoloġika, filwaqt li jitqies ir-Rakkomandazzjoni tal-Kunsill tas-16 ta’ Ġunju 2022 (36) li għandu l-għan li jagħmilha aktar faċli sabiex jiġu vvalutati u rikonoxxuti l-eżiti ta’ tali korsijiet.

(20)

Il-kompożizzjoni tas-sistemi ta’ benefiċċji fiskali u tas-sistemi ta’ protezzjoni soċjali jenħtieġ li tiġi eżaminata skont il-ħtiġijiet speċifiċi li jirriżultaw mit-tranżizzjoni ekoloġika, filwaqt ssir riflessjoni wkoll dwar il-“prinċipju ta’ min iniġġes iħallas” u l-ħtieġa li l-politiki ta’ akkumpanjament ma jintroduċux sussidji għall-konsum tal-fjuwils fossili, ma jorbtux lill-konsumaturi ma’ teknoloġija speċifika, ma jnaqqsux l-inċentivi għar-rinnovazzjonijiet tal-binjiet u għas-sostituzzjonijiet tas-sistema tal-enerġija termali u ma jmaqqsux l-inċentivi fil-miżuri ġenerali għall-effiċjenza enerġetika. Taħlita ta’ diversi politiki tista’ tappoġġa l-aktar unitajiet domestiċi u ħaddiema vulnerabbli l-aktar affettwati mit-tranżizzjoni ekoloġika. Skont is-sitwazzjoni nazzjonali u individwali, din tista’, pereżempju, tinvolvi t-trasferiment tat-tassazzjoni lil hinn mix-xogħol u lejn objettivi klimatiċi u ambjentali kif previst fil-proposta għal reviżjoni tad-Direttiva dwar it-Tassazzjoni fuq l-Enerġija (37), rieżami tal-iskemi tal-qgħad u/jew appoġġ temporanju u mmirat permezz ta’ introjtu dirett, fejn meħtieġ. Is-sistemi ta’ protezzjoni soċjali, inkluż politiki ta’ inklużjoni soċjali, jistgħu jiġu rieżaminati u, fejn applikabbli, adattati fid-dawl tat-tranżizzjoni ekoloġika, b’mod partikolari sabiex jipprovdu sigurtà tal-introjtu, speċjalment matul tranżizzjonijiet minn impjieg għal ieħor, u sabiex jipprovdu servizzi soċjali, tas-saħħa u tal-kura adegwati permezz ta’ infrastruttura soċjali adegwata, speċjalment fit-territorji l-aktar affettwati, pereżempju żoni rurali u remoti, bħar-reġjuni ultraperiferiċi, sabiex tiġi evitata l-esklużjoni soċjali, u jiġu indirizzati r-riskji għas-saħħa. Sabiex tiġi evitata u miġġielda l-esklużjoni soċjali tat-tfal, l-investimenti fl-infrastruttura soċjali għat-tfal ikollhom l-għan li jiżguraw l-aċċess għal servizzi ewlenin għat-tfal fil-bżonn, kif stabbilit fir-Rakkomandazzjoni tal-Kunsill (UE) 2021/1004 (38).

(21)

Sabiex tinbena reżiljenza fiżika u finanzjarja għall-impatti irriversibbli tat-tibdil fil-klima b’mod inklużiv, jeħtieġ li jiġu promossi s-sensibilizzazzjoni dwar ir-riskju, it-tnaqqis tar-riskju u s-soluzzjonijiet ta’ trasferiment tar-riskju, b’mod partikolari billi tiżdied id-disponibbiltà ta’ soluzzjonijiet tal-assigurazzjoni u billi jsir investiment fil-ġestjoni tar-riskju ta’ diżastri u fl-adattament għat-tnaqqis tal-impatti fiżiċi tat-tibdil fil-klima, biex b’hekk jitnaqqas it-telf kif ukoll id-distakk fil-protezzjoni tal-klima, filwaqt li jitqiesu l-intrapriżi mikro, żgħar u ta’ daqs medju, kif ukoll żoni rurali u remoti, bħar-reġjuni u l-gżejjer ultraperiferiċi. Il-ġestjoni tar-riskju ta’ diżastri, inkluż is-sistemi ta’ protezzjoni ċivili fil-livell nazzjonali u dak tal-Unjoni, jenħtieġ li tissaħħaħ sabiex jiġu evitati x-xokkijiet relatati mal-klima kif ukoll ikun hemm tħejjija u rispons aħjar għalihom.

(22)

Kulħadd għandu d-dritt ta’ aċċess għal servizzi essenzjali ta’ kwalità tajba, inkluż l-enerġija, it-trasport, l-ilma, is-sanità, is-servizzi finanzjarji u l-komunikazzjonijiet diġitali, u l-appoġġ għal aċċess ugwali għal tali servizzi jenħtieġ li jkun disponibbli għal dawk fil-bżonn (39). Barra minn hekk, jenħtieġ li jiġu pprovduti l-aċċess għal akkomodazzjoni soċjali jew għal assistenza għall-akkomodazzjoni ta’ kwalità tajba għal dawk fil-bżonn (40). L-unitajiet domestiċi b’introjtu baxx u medju, il-klijenti vulnerabbli, inkluż l-utenti finali, il-persuni li qegħdin jiffaċċjaw jew li huma fil-faqar enerġetiku, u l-persuni li jgħixu f’akkomodazzjoni soċjali, jistgħu jibbenefikaw mill-applikazzjoni tal-prinċipju “l-effiċjenza enerġetika tiġi l-ewwel”. Minbarra l-protezzjoni u l-għoti tas-setgħa lill-konsumaturi tal-enerġija, huma meħtieġa miżuri speċifiċi biex jiġu evitati u indirizzati l-kawżi ewlenin tal-faqar enerġetiku, b’mod partikolari billi jiġu promossi investimenti mmirati lejn titjib fl-effiċjenza enerġetika, b’mod partikolari fis-settur tal-akkomodazzjoni soċjali. L-aġġornamenti proposti tad-Direttiva dwar l-Effiċjenza Enerġetika (41) u d-Direttiva dwar ir-Rendiment tal-Bini fl-Użu tal-Enerġija (42) għandhom ukoll l-għan li jindirizzaw l-ostakli mhux ekonomiċi ewlenin għar-rinnovazzjoni bħall-inċentivi maqsuma, inkluż il-konfigurazzjonijiet bejn is-sidien u l-kerrejja, u l-istrutturi ta’ sjieda konġunta. F’dan il-kuntest, jenħtieġ li tingħata attenzjoni speċifika lin-nisa u lil gruppi partikolari li jinsabu f’riskju akbar li jiġu affettwati mill-faqar enerġetiku, bħall-persuni b’diżabilità, il-ġenituri waħedhom, l-anzjani, it-tfal, u l-persuni ta’ sfond razzjali jew etniku minoritarju.

L-isfidi ta’ mobbiltà li kienu jeżistu minn qabel u li qegħdin jitfaċċaw jistgħu jiġu indirizzati permezz ta’ miżuri ta’ appoġġ u l-iżvilupp tal-infrastruttura meħtieġa, bħat-trasport pubbliku. L-affordabbiltà, l-aċċessibbiltà u s-sikurezza tal-mobbiltà sostenibbli u modi differenti tat-trasport, inkluż it-trasport privat u pubbliku, huma kruċjali sabiex jiġi żgurat li kulħadd jibbenefika mit-tranżizzjoni ekoloġika u jkun parti minnha. Il-mobbiltà urbana għandha rwol sinifikanti f’dan il-kuntest, kif rifless ukoll mill-komunikazzjoni tal-Kummissjoni tal-14 ta’ Diċembru 2021 bit-titlu “Il-Qafas il-Ġdid tal-UE għall-Mobbiltà Urbana”.

(23)

Approċċ tas-soċjetà kollha għat-tranżizzjoni ġusta jenħtieġ li jappoġġa l-azzjoni politika, abbażi tal-koordinazzjoni tat-tfassil tal-politika u l-kapaċitajiet operazzjonali msaħħa fil-livelli kollha u fl-oqsma ta’ politika rilevanti kollha, filwaqt li jagħti wkoll rwol attiv lill-awtoritajiet reġjonali u lokali. Huwa jenħtieġ li jkun ibbażat fuq l-involviment tas-sħab soċjali fil-livelli u fl-istadji kollha, kif ukoll parteċipazzjoni effettiva u li tħalli impatt fuq is-soċjetà ċivili u l-partijiet ikkonċernati. Tali koordinazzjoni u impenn jistgħu jiżguraw li l-prinċipji tal-Patt Ekoloġiku Ewropew dwar il-ġustizzja u s-solidarjetà jiġu integrati fit-tfassil, fl-implimentazzjoni u fil-monitoraġġ tal-politika mill-bidu nett, billi jipprovdu l-bażi għal appoġġ ġenerali u fit-tul għal politiki inklużivi li javvanzaw it-tranżizzjoni ekoloġika.

(24)

Bażi ta’ evidenza b’saħħitha hija essenzjali sabiex jiġu stabbiliti politiki soċjali u tas-suq tax-xogħol sodi li jiżguraw tranżizzjoni ġusta u inklużiva. Għal dak il-għan, l-armonizzazzjoni u l-konsistenza gradwali tad-definizzjonijiet, il-kunċetti, il-klassifikazzjonijiet u l-metodoloġiji, b’mod partikolari abbażi tar-Rakkomandazzjoni tal-Kummissjoni (UE) 2020/1563 (43), jiffaċilitaw il-valutazzjonijiet u l-komparabbiltà tagħhom. Aktar azzjonijiet ta’ riċerka u innovazzjoni jistgħu jikkontribwixxu għall-bażi ta’ għarfien li tista’ tikkontribwixxi għall-politika u għad-diskors pubbliku. Min-naħa l-oħra, l-iskambji mal-pubbliku fid-diversità kollha tiegħu u mal-partijiet ikkonċernati ewlenin, pereżempju dwar l-eżiti tal-evalwazzjonijiet, l-eżerċizzji ta’ previżjoni u ta’ monitoraġġ, jistgħu jikkontribwixxu għat-tfassil tal-politika u s-sjieda.

(25)

Huma meħtieġa data diżaggregata skont is-sessi u indikaturi xierqa granulari u ta’ kwalità għolja b’mod partikolari sabiex jiġu vvalutati l-impatti fuq l-impjiegi u dawk soċjali u distributtivi tal-politiki dwar it-tibdil fil-klima. Tali data u indikaturi bħalissa ma humiex kompletament disponibbli. Pereżempju, filwaqt li sar xi progress fir-rigward tal-kejl tal-faqar enerġetiku, jistgħu jiġu żviluppati indikaturi għall-valutazzjoni tal-faqar fit-trasport f’konformità maċ-ċirkostanzi nazzjonali. Il-monitoraġġ u l-evalwazzjoni jistgħu jissaħħu permezz ta’ numru ta’ azzjonijiet, b’enfasi fuq indikaturi, tabelli ta’ valutazzjoni kif ukoll proġetti pilota fuq skala żgħira u l-esperimentazzjoni tal-politika. L-azzjonijiet jenħtieġ jibnu fuq, jew jużaw, tabelli ta’ valutazzjoni eżistenti bħat-Tabella ta’ Valutazzjoni Soċjali u d-dashboard tal-Patt Ekoloġiku Ewropew, li fihom informazzjoni rilevanti dwar aspetti speċifiċi ta’ politiki ta’ tranżizzjoni ġusta.

(26)

L-użu ottimali u effiċjenti tal-finanzjament pubbliku u privat u l-mobilizzazzjoni tar-riżorsi kollha disponibbli u l-użu effettiv tagħhom huma ta’ importanza partikolari fid-dawl tal-ħtiġijiet sinifikanti ta’ investiment li jirriżultaw mit-tranżizzjoni ekoloġika. Fil-livell tal-Unjoni, l-azzjonijiet rilevanti huma appoġġati permezz tal-baġit tal-Unjoni u NextGenerationEU. Dawn ser jiġu implimentati taħt il-Faċilità għall-Irkupru u r-Reżiljenza (RRF), il-Mekkaniżmu għal Tranżizzjoni Ġusta (JTM), inkluż il-Fond għal Tranżizzjoni Ġusta (JTF), il-Fond Soċjali Ewropew Plus (FSE+), il-Fond Ewropew għall-Iżvilupp Reġjonali (FEŻR), il-Fond ta’ Koeżjoni, l-Assistenza fl-Irkupru għall-Koeżjoni u għat-Territorji tal-Ewropa (REACT-EU), l-ERASMUS+ u l-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG), il-programm LIFE, il-programm Orizzont Ewropa, il-Fondi għall-Modernizzazzjoni u l-Innovazzjoni (44) u l-fondi taħt il-Politika Agrikola Komuni (PAK). Barra minn hekk, il-Kummissjoni tappoġġa lill-Istati Membri permezz tal-Istrument ta’ Appoġġ Tekniku, billi tipprovdi għarfien espert tekniku mfassal apposta għat-tfassil u l-implimentazzjoni tar-riformi, inklużi dawk li jippromwovu tranżizzjoni ġusta lejn in-newtralità tal-karbonju.

(27)

Is-Semestru Ewropew huwa l-qafas ta’ koordinazzjoni tal-politika ekonomika u tal-impjiegi tal-Unjoni. Ser ikompli jaqdi dan ir-rwol fil-fażi ta’ rkupru u fl-avvanz tat-tranżizzjonijiet ekoloġiċi u diġitali, strutturati madwar l-erba’ dimensjonijiet tas-sostenibbiltà kompetittiva, filwaqt li jappoġġa t-twettiq tal-Għanijiet ta’ Żvilupp Sostenibbli. Skont is-Semestru Ewropew, il-Kummissjoni ser timmonitorja mill-qrib l-eżiti u l-impatti soċjoekonomiċi u, fejn rilevanti, tipproponi rakkomandazzjonijiet speċifiċi għall-pajjiż immirati sabiex tiżgura li ħadd ma jitħalla lura. Il-komplementarjetà mal-miżuri appoġġati taħt il-Faċilità għall-Irkupru u r-Reżiljenza ser tkun prijorità. Għalhekk, il-monitoraġġ ta’ din ir-Rakkomandazzjoni ser isir fil-kuntest tas-Semestru Ewropew kif adatt, inkluż fil-qafas tal-kumitati rilevanti, fl-oqsma tal-kompetenzi rispettivi tagħhom, abbażi ta’ valutazzjonijiet adegwati, evalwazzjonijiet tal-impatt tal-politika, u l-istat tal-implimentazzjoni tal-gwida pprovduta f’din ir-Rakkomandazzjoni. L-arranġament ta’ monitoraġġ mhux ser iżid piżijiet amministrattivi bla bżonn għall-Istati Membri.

(28)

Barra minn hekk, bħala parti mill-abbozz u l-aġġornament finali tan-NECPs tagħhom fl-2023 u fl-2024, rispettivament, f’konformità mal-Artikolu 14 tar-Regolament (UE) 2018/1999 , l-Istati Membri jenħtieġ li jibbażaw fuq din ir-Rakkomandazzjoni sabiex jikkunsidraw l-integrazzjoni tal-impjiegi, valutazzjonijiet tal-impatt soċjali u distributtivi u aspetti ta’ tranżizzjoni ġusta fil-ħames dimensjonijiet tal-Unjoni tal-Enerġija, u jkomplu jsaħħu l-miżuri ta’ politika sabiex jiġu indirizzati dawk l-impatti, b’enfasi partikolari fuq il-faqar enerġetiku.

(29)

Barra minn hekk, il-monitoraġġ tal-implimentazzjoni ta’ din ir-Rakkomandazzjoni jista’ jibni fuq l-evidenza eżistenti fil-kuntest tal-proċessi ta’ sorveljanza multilaterali stabbiliti, bħas-Semestru Ewropew. Il-Kunsill jew il-Kummissjoni jistgħu jitolbu lill-Kumitat tal-Impjiegi u lill-Kumitat tal-Protezzjoni Soċjali, f’konformità mal-Artikoli 150 u 160 tat-Trattat dwar il-Funzjonament tal-Unjoni Ewropea, rispettivament, u f’kooperazzjoni ma’ kumitati rilevanti oħra, b’mod partikolari l-Kumitat tal-Politika Ekonomika, biex jeżaminaw fil-qasam ta’ kompetenza rispettiv tagħhom l-implimentazzjoni ta’ din ir-Rakkomandazzjoni fuq bażi ta’ rapportar adegwat mill-Kummissjoni u għodod multilaterali oħra ta’ sorveljanza. Barra minn hekk, f’dan l-isfond, il-Kummissjoni qiegħda taħdem sabiex ittejjeb id-disponibbiltà tad-data, diżaggregata skont is-sessi, sabiex taġġorna u tuża oqfsa u gwida metodoloġika eżistenti, inkluż għall-kejl tal-faqar enerġetiku u fit-trasport u l-inugwaljanzi ambjentali, u sabiex tevalwa l-effettività u l-impatt attwali tal-miżuri ta’ politika,

(1)

(2)

(3)

(4)

(5)

(6)

(7)

(8)

(9)

(10)

(11)

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10251. Il-EUR-Lex hu l-aċċess fuq l-internet għal-liġi tal-Unjoni Ewropea.

—

Ħruġ ta’ awtorizzazzjoni għat-tqegħid fis-suq (Artikolu 13 tar-Regolament (KE) Nru 726/2004 tal-Parlament Ewropew u tal-Kunsill): Aċċettat