RAKKOMANDAZZJONI TAL-MEMBRI TAL-KUNSILL LI JIRRAPPREŻENTAW L-ISTATI MEMBRI LI GĦANDHOM BĦALA MUNITA L-EURO

tas-17 ta’ Ġunju 2022

għall-Kunsill dwar l-adozzjoni tal-euro mill-Kroazja fl-1 ta’ Jannar 2023

(2022/C 238/01)

IL-MEMBRI TAL-KUNSILL TAL-UNJONI EWROPEA LI JIRRAPPREŻENTAW L-ISTATI MEMBRI LI GĦANDHOM BĦALA MUNITA L-EURO,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari t-tieni subparagrafu tal-Artikolu 140(2) tiegħu,

Wara li kkunsidraw il-proposta mill-Kummissjoni Ewropea,

Wara li kkunsidraw ir-rapport mill-Kummissjoni Ewropea,

Wara li kkunsidraw ir-rapport mill-Bank Ċentrali Ewropew,

Billi:

(1)

Fid-dawl tal-valutazzjoni tagħhom, il-Membri tal-Kunsill li jirrappreżentaw l-Istati Membri li għandhom bħala munita l-euro huma tal-istess fehma bħall-Kummissjoni li l-Kroazja kisbet il-kompatibbiltà legali u tirrispetta l-kriterji ta’ konverġenza u, b’kont meħud ukoll tal-fatturi addizzjonali, iqisu li l-Kroazja tissodisfa l-kondizzjonijiet meħtieġa għall-adozzjoni tal-euro.

(2)

Filwaqt li jirreferu wkoll għall-valutazzjoni tal-konverġenza magħmula mill-Kummissjoni u l-Bank Ċentrali Ewropew, il-Membri tal-Kunsill li jirrappreżentaw l-Istati Membri li għandhom bħala munita l-euro jenfasizzaw ukoll l-importanza li l-impenji li ttieħdu mad-dħul fil-Mekkaniżmu tar-Rati tal-Kambju II jitlestew b’suċċess u jissottolinjaw li jeħtieġ li l-linji ta’ politika jkunu għal kollox orjentati biex tintlaħaq l-isfida li tinżamm konverġenza sostenibbli, u b’mod partikolari konverġenza tal-inflazzjoni, tal-ekonomija Kroata għal tul ta’ żmien. Għal dan il-għan, huma jħeġġu lill-awtoritajiet Kroati biex ikomplu jsegwu politika fiskali li timmira biex tinkiseb pożizzjoni fiskali prudenti fuq perjodu ta’ żmien medju u li jipproċedu bl-implimentazzjoni tal-Pjan għall-Irkupru u r-Reżiljenza tal- Kroazja, sabiex jiżguraw li l-parteċipazzjoni fiż-żona tal-euro tirnexxi.

(3)

Il-Membri tal-Kunsill li jirrappreżentaw l-Istati Membri li għandhom bħala munita l-euro jistennew li l-Kroazja tikkoopera b’mod kostruttiv f’materji li jagħmlu parti mill-governanza tal-Mekkaniżmu Ewropew ta’ Stabbiltà, il-ġestjoni tal-kriżijiet fiż-żona euro u t-twettiq tal-istruttura tal-Unjoni Ekonomika u Monetarja,

B’DAN JIRRAKKOMANDAW LILL-KUNSILL TAL-UNJONI EWROPEA:

Id-deroga fir-rigward tal-Kroazja skont it-tifsira tal-Artikolu 139(1) tat-Trattat dwar il-Funzjonament tal-Unjoni Ewropea kif imsemmija fl-Artikolu 5 tal-Att ta’ Adeżjoni tal-2012 (1) għandha titħassar b’effett mill-1 ta’ Jannar 2023.

---

(1)  ĠU L 112, 24.4. 2012, p. 21.

Avviż għall-attenzjoni tas-suġġetti tad-data li għalihom japplikaw il-miżuri restrittivi previsti fid-Deċiżjoni tal-Kunsill (PESK) 2016/1693 u fir-Regolament tal-Kunsill (UE) 2016/1686 li jimponi miżuri restrittivi addizzjonali kontra ISIL (Da’esh) u Al-Qaida u persuni fiżiċi u ġuridiċi, entitajiet jew korpi assoċjati magħhom

(2022/C 238/02)

L-attenzjoni tas-suġġetti tad-data qed tinġibed għall-informazzjoni li ġejja f’konformità mal-Artikolu 16 tar-Regolament (UE) 2018/1725 tal-Parlament Ewropew u tal-Kunsill (1).

Il-bażi ġuridika għal din l-operazzjoni ta’ pproċessar huma d-Deċiżjoni tal-Kunsill (PESK) 2016/1693 (2), kif emendata bid-Deċiżjoni tal-Kunsill (PESK) 2022/950 (3), u r-Regolament tal-Kunsill (UE) 2016/1686 (4), kif implimentat bir-Regolament ta’ Implimentazzjoni tal-Kunsill (UE) 2022/949 (5).

Il-kontrollur ta’ din l-operazzjoni ta’ pproċessar huwa l-Kunsill tal-Unjoni Ewropea rrappreżentat mid-Direttur Ġenerali tar-RELEX (Relazzjonijiet Esterni) tas-Segretarjat Ġenerali tal-Kunsill u d-dipartiment inkarigat bl-operazzjoni ta’ pproċessar huwa r-RELEX.1 li jista’ jiġi kkuntattjat f’dan l-indirizz:

Kunsill tal-Unjoni Ewropea

Segretarjat Ġenerali

RELEX.1

Rue de la Loi/Wetstraat 175

1048 Bruxelles/Brussel

BELGIQUE/BELGIË

Email: sanctions@consilium.europa.eu

L-Uffiċjal għall-Protezzjoni tad-Data tas-SĠK jista’ jiġi kkuntattjat f’dan l-indirizz:

Uffiċjal tal-Protezzjoni tad-Data

data.protection@consilium.europa.eu

L-iskop tal-operazzjoni ta’ pproċessar huwa l-istabbiliment u l-aġġornament tal-lista ta’ persuni soġġetti għal miżuri restrittivi f’konformità mad-Deċiżjoni (PESK) 2016/1693, kif emendata bid-Deċiżjoni (PESK) 2022/950 r-Regolament (UE) 2016/1686, kif implimentat bir-Regolament ta’ Implimentazzjoni (UE) 2022/949.

Is-suġġetti tad-data huma l-persuni fiżiċi li jissodisfaw il-kriterji għall-elenkar kif stabbiliti fid-Deċiżjoni (PESK) 2016/1693 u fir-Regolament (UE) 2016/1686.

Id-data personali miġbura tinkludi d-data meħtieġa għall-identifikazzjoni tajba tal-persuna kkonċernata, id-dikjarazzjoni tar-raġunijiet u kwalunkwe data oħra relatata ma’ dan.

Id-data personali miġbura tista’ tiġi kondiviża skont kif ikun meħtieġ mas-Servizz Ewropew għall-Azzjoni Esterna u mal-Kummissjoni.

Mingħajr preġudizzju għar-restrizzjonijiet skont l-Artikolu 25 tar-Regolament (UE) 2018/1725, l-eżerċizzju tad-drittijiet tas-suġġetti tad-data bħad-dritt għal aċċess, kif ukoll id-drittijiet għal rettifika jew għal oġġezzjoni ser jingħata f’konformità mar-Regolament (UE) 2018/1725.

Id-data personali ser tinżamm għal 5 snin mill-mument li s-suġġett tad-data jkun tneħħa mil-lista ta’ persuni soġġetti għall-miżuri restrittivi jew il-validità tal-miżura tkun skadiet, jew sakemm idumu l-proċedimenti tal-qorti f’każ li dawn ikunu nbdew.

Mingħajr preġudizzju għal kwalunkwe rimedju ġudizzjarju, amministrattiv jew mhux ġudizzjarju, is-suġġetti tad-data jistgħu jressqu lment quddiem il-Kontrollur Ewropew għall-Protezzjoni tad-Data f’konformità mar-Regolament (UE) 2018/1725 (edps@edps.europa.eu).

---

(1)  ĠU L 295, 21.11.2018, p. 39.

(2)  ĠU L 255, 21.9.2016, p. 25.

(3)  ĠU L 164 I, 20.6.2022, p.4.

(4)  ĠU L 255, 21.9.2016, p. 1.

(5)  ĠU L 164 I, 20.6.2022, p. 1.

Avviż għall-attenzjoni tal-persuni u l-grupp soġġetti għall-miżuri restrittivi previsti fid-Deċiżjoni tal-Kunsill (PESK) 2016/1693, kif emendata bid-Deċiżjoni tal-Kunsill (PESK) 2022/950, u r-Regolament tal-Kunsill (UE) 2016/1686, kif implimentat bir-Regolament ta’ Implimentazzjoni tal-Kunsill (UE) 2022/949li jimponi miżuri restrittivi addizzjonali diretti kontra ISIL (Da’esh) u Al-Qaida u persuni fiżiċi u ġuridiċi, entitajiet jew korpi assoċjati magħhom

(2022/C 238/03)

L-informazzjoni li ġejja qed tinġieb għall-attenzjoni tal-persuni u l-grupp elenkati fl-Anness għad-Deċiżjoni tal-Kunsill (PESK) 2016/1693 (1), kif emendata bid-Deċiżjoni tal-Kunsill (PESK) 2022/950 (2), u fl-Anness I għar-Regolament tal-Kunsill (UE) 2016/1686 (3), kif implimentat bir-Regolament ta’ Implimentazzjoni tal-Kunsill (UE) 2022/949 (4) li jimponi miżuri restrittivi addizzjonali diretti kontra ISIL (Da’esh) u Al-Qaida u persuni fiżiċi u ġuridiċi, entitajiet jew korpi assoċjati magħhom.

Il-Kunsill tal-Unjoni Ewropea ddeċieda li l-persuni u l-grupp li jidhru fl-Annessi msemmija hawn fuq għandhom jiġu inklużi fil-lista ta’ persuni, gruppi, impriżi u entitajiet soġġetti għall-miżuri restrittivi previsti fid-Deċiżjoni (PESK) 2016/1693 u fir-Regolament (UE) 2016/1686.

Qed tinġibed l-attenzjoni tal-persuni u l-grupp ikkonċernati għall-possibbiltà li ssir applikazzjoni quddiem l-awtoritajiet kompetenti tal-Istat(i) Membru/i rilevanti kif elenkati fl-Anness II għar-Regolament (UE) 2016/1686 sabiex tinkiseb awtorizzazzjoni biex il-fondi ffriżati jintużaw għal ħtiġijiet essenzjali jew ħlasijiet speċifiċi skont l-Artikolu 5 ta’ dak ir-Regolament.

Il-persuni u l-grupp ikkonċernati jistgħu jippreżentaw talba biex jiksbu d-dikjarazzjoni tar-raġunijiet tal-Kunsill għaliex ġew inklużi fil-lista msemmija hawn fuq. Din it-talba għandha tintbagħat fl-indirizz li ġej:

Kunsill tal-Unjoni Ewropea

Segretarjat Ġenerali

RELEX.1

Rue de la Loi/Wetstraat 175

1048 Bruxelles/Brussel

BELGIQUE/BELGIË

Email: sanctions@consilium.europa.eu

Il-persuni u l-grupp ikkonċernati jistgħu, fi kwalunkwe ħin, jippreżentaw talba lill-Kunsill, flimkien ma’ kwalunkwe dokumentazzjoni ta’ appoġġ, biex id-deċiżjoni li jiġu inklużi fil-lista tiġi kkunsidrata mill-ġdid, fl-indirizz ipprovdut hawn fuq. F’dan ir-rigward, qed tinġibed l-attenzjoni tal-persuni u l-grupp ikkonċernati għar-rieżami regolari tal-lista mill-Kunsill skont l-Artikolu 6(2) tad-Deċiżjoni (PESK) 2016/1693 u l-Artikolu 4(4) tar-Regolament (UE) 2016/1686. Sabiex it-talbiet jiġu kkunsidrati fir-rieżami li jmiss, dawn għandhom jiġu ppreżentati sal-15 ta’ Lulju 2022.

L-attenzjoni tal-persuni u l-grupp ikkonċernati qed tinġibed ukoll għall-possibbiltà li d-deċiżjoni tal-Kunsill tiġi kkontestata quddiem il-Qorti Ġenerali tal-Unjoni Ewropea, skont il-kondizzjonijiet stabbiliti fl-Artikolu 275, it-tieni paragrafu, u l-Artikolu 263, ir-raba’ u s-sitt paragrafi, tat-Trattat dwar il-Funzjonament tal-Unjoni Ewropea.

---

(1)  ĠU L 255, 21.9.2016, p. 25.

(2)  ĠU L 164 I, 20.6.2022, p. 4.

(3)  ĠU L 255, 21.9.2016, p. 1.

(4)  ĠU L 164 I, 20.6.2022, p. 1.

Avviż għall-attenzjoni ta’ ċerti persuni soġġetti għall-miżuri restrittivi previsti fid-Deċiżjoni tal-Kunsill 2014/145/PESK u r-Regolament tal-Kunsill (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna

(2022/C 238/04)

L-informazzjoni li ġejja qed tinġieb għall-attenzjoni tas-Sur Rustam Ilmirovich TEMIRGALIEV

(Nru 3), is-Sur Viktor Alekseevich OZEROV (Nru 9), is-Sur Vladimir Anatolievich SHAMANOV (Nru 50), is-Sur Vladimir Nikolaevich PLIGIN (Nru 51), is-Sur Igor Nikolaevich BEZLER (Nru 55), is-Sur Aleksandr Yurevich BORODAI (Nru 62), is-Sur Alexander KHODAKOVSKY (Nru 63), is-Sur Boris Vyacheslavovich GRYZLOV (Nru 77), is-Sur Mikhail Vladimirovich DEGTYARYOV/DEGTYAREV (Nru 79), is-Sur Pavel Yurievich GUBAREV (Nru 82), is-Sur Sergey Vadimovich ABISOV (Nru 91), is-Sur Yuriy Valentinovich KOVALCHUK (Nru 94), is-Sur Mikhail Sergeyevifch SHEREMET (Nru 105), is-Sur Vladimir Abdualiyevich VASILYEV (Nru 108), is-Sur Viktor Petrovich VODOLATSKY (Nru 109), is-Sur Alexander Mikhailovich BABAKOV (Nru 119), is-Sur Oleg Konstantinovich AKIMOV (Nru 121), is-Sa Lesya Mikhaylovna LAPTEVA (Nru 128), is-Sur Vladyslav Mykolayovych DEYNEGO (Nru 132), is-Sur Viktor Vyacheslavovich YATSENKO (Nru 144), is-Sur Andrei Dmitrievich KOZENKO (Nru 155), is-Sa Svetlana Borisovna SAVCHENKO (Nru 156), is-Sur Miroslav Aleksandrovich POGORELOV (Nru 165), is-Sur Aleksei Yurievich CHERNIAK (Nru 204), is-Sur Leonid Ivanovich BABASHOV (Nru 205), is-Sa Tatiana Georgievna LOBACH (Nru 206) u s-Sur Oleg Anatolyevich MATVEYCHEV (Nru 604), persuni li jidhru fl-Anness għad-Deċiżjoni tal-Kunsill 2014/145/PESK (1) u fl-Anness I għar-Regolament tal-Kunsill (UE) Nru 269/2014 (2) dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna.

Il-Kunsill qed jikkunsidra jżomm il-miżuri restrittivi kontra l-persuni msemmijin hawn fuq b’dikjarazzjonijiet ġodda tar-raġunijiet. Dawk il-persuni huma b’dan infurmati li jistgħu jippreżentaw talba lill-Kunsill biex jiksbu d-dikjarazzjonijiet tar-raġunijiet intenzjonati għad-deżinjazzjoni tagħhom, qabel it-28 ta’ Ġunju 2022, fl-indirizz li ġej:

Kunsill tal-Unjoni Ewropea

Segretarjat Ġenerali

RELEX.1

Rue de la Loi/Wetstraat 175

1048 Bruxelles/Brussel

BELGIQUE/BELGIË

Email: sanctions@consilium.europa.eu

---

(1)  Deċiżjoni tal-Kunsill 2014/145/PESK tas-17 ta’ Marzu 2014 dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina (ĠU L 78, 17.3.2014, p. 16).

(2)  Regolament tal-Kunsill (UE) Nru 269/2014 tas-17 ta’ Marzu 2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukraina (ĠU L 78, 17.3.2014, p. 6).

Rata tal-kambju tal-euro (1)

L-20 ta’ Ġunju 2022

(2022/C 238/05)

1 euro =

	Munita	Rata tal-kambju
USD	Dollaru Amerikan	1,0517
JPY	Yen Ġappuniż	141,94
DKK	Krona Daniża	7,4387
GBP	Lira Sterlina	0,85748
SEK	Krona Żvediża	10,6375
CHF	Frank Żvizzeru	1,0162
ISK	Krona Iżlandiża	137,30
NOK	Krona Norveġiża	10,4085
BGN	Lev Bulgaru	1,9558
CZK	Krona Ċeka	24,728
HUF	Forint Ungeriż	397,85
PLN	Zloty Pollakk	4,6520
RON	Leu Rumen	4,9453
TRY	Lira Turka	18,2239
AUD	Dollaru Awstraljan	1,5061
CAD	Dollaru Kanadiż	1,3662
HKD	Dollaru ta’ Hong Kong	8,2558
NZD	Dollaru tan-New Zealand	1,6549
SGD	Dollaru tas-Singapor	1,4589
KRW	Won tal-Korea t’Isfel	1 357,54
ZAR	Rand ta’ l-Afrika t’Isfel	16,8603
CNY	Yuan ren-min-bi Ċiniż	7,0346
HRK	Kuna Kroata	7,5175
IDR	Rupiah Indoneżjan	15 589,89
MYR	Ringgit Malażjan	4,6291
PHP	Peso Filippin	56,872
RUB	Rouble Russu
THB	Baht Tajlandiż	37,157
BRL	Real Brażiljan	5,4117
MXN	Peso Messikan	21,3016
INR	Rupi Indjan	81,9940

---

(1)  Sors: rata tal-kambju ta’ referenza ppubblikata mill-Bank Ċentrali Ewropew.

Rapport Speċjali 12/2022

“Durabbiltà fl-iżvilupp rurali: il-biċċa l-kbira mill-proġetti jibqgħu operazzjonali għall-perjodu meħtieġ, iżda hemm opportunitajiet biex jinkisbu riżultati aktar dejjiema”

(2022/C 238/06)

Il-Qorti Ewropea tal-Awdituri ppubblikat ir-rapport speċjali 12/2022 tagħha: “Durabbiltà fl-iżvilupp rurali: il-biċċa l-kbira mill-proġetti jibqgħu operazzjonali għall-perjodu meħtieġ, iżda hemm opportunitajiet biex jinkisbu riżultati aktar dejjiema”.

Ir-rapport jista’ jiġi kkonsultat direttament jew imniżżel minn fuq is-sit web tal-Qorti Ewropea tal-Awdituri: https://www.eca.europa.eu/mt/Pages/DocItem.aspx?did=61262

DEĊIŻJONI TAR-RAPPREŻENTANT GĦOLI TAL-UNJONI GĦALL-AFFARIJIET BARRANIN U L-POLITIKA TA’ SIGURTÀ

tad-29 ta’ Marzu 2022

li temenda ADMIN(2017) 10 tad-19 ta’ Settembru 2017 dwar ir-regoli tas-sigurtà għas-Servizz Ewropew għall-Azzjoni Esterna

(2022/C 238/07)

IR-RAPPREŻENTANT GĦOLI TAL-UNJONI GĦALL-AFFARIJIET BARRANIN U L-POLITIKA TA’ SIGURTÀ,

Wara li kkunsidra d-Deċiżjoni tal-Kunsill 2010/427/UE tas-26 ta’ Lulju 2010 li tistabbilixxi l-organizzazzjoni u l-funzjonament tas-Servizz Ewropew għall-Azzjoni Esterna (“SEAE”) (1),

Wara li kkunsidra l-opinjoni tal-Kumitat imsemmi fl-Artikolu 15 tad-Deċiżjoni tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà tad-19 ta’ Settembru 2017 dwar ir-regoli tas-sigurtà għas-Servizz Ewropew għall-Azzjoni Esterna (2), u b’mod partikolari l-paragrafi 4 u 5 tiegħu,

Billi:

(1)	L-Appendiċi B tad-Deċiżjoni tar-Rappreżentant Għoli ADMIN(2017) 10 fih tabella ta’ ekwivalenza tal-klassifikazzjonijiet tas-sigurtà,

(2)

Franza nnotifikat lis-SEAE bil-bidliet fil-klassifikazzjonijiet tas-sigurtà tagħha. Dawn il-bidliet jintroduċu żewġ marki ta’ klassifikazzjoni ġodda b’effett mill-1 ta’ Lulju 2021: “TRÈS SECRET” u “SECRET”. L-informazzjoni ġġenerata minn Franza qabel l-1 ta’ Lulju 2021 u kklassifikata “TRÈS SECRET DÉFENSE”, “SECRET DÉFENSE” jew “CONFIDENTIEL DÉFENSE” jenħtieġ li tkompli tiġi ttrattata u protetta fil-livell ekwivalenti ta’ “TRÈS SECRET UE/EU TOP SECRET”, “SECRET UE/EU SECRET” jew “CONFIDENTIEL UE/EU CONFIDENTIAL” rispettivament.

(3)	Il-perjodu ta’ tranżizzjoni previst fl-Artikolu 126 tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-“Ftehim dwar il-Ħruġ”) ġie fi tmiemu fil-31 ta’ Diċembru 2020.

(4)	L-Iżvezja nnotifikat id-dħul fis-seħħ fl-1 ta’ April 2019 tal-Att dwar is-Sigurtà Protettiva (2018:585), li jemenda l-iskema tal-klassifikazzjoni tal-Iżvezja.

(5)	Hija meħtieġa emenda tad-Deċiżjoni ADMIN(2017) 10 sabiex dawn il-bidliet jiġu riflessi,

IDDEĊIEDA KIF ĠEJ:

---

(1)  ĠU L 201, 3.8.2010, p. 30.

(2)  ĠU C 126, 10.4.2018, p. 1.

Avviż skont l-Artikolu 13 tad-Direttiva 2001/24/KE tal-Parlament Ewropew u tal-Kunsill fuq ir-riorganizzazzjoni u l-istralċ ta’ istituzzjonijiet ta’ kreditu rigward il-likwidazzjoni u l-istralċ sussegwenti ta’ Cyprus Popular Bank Public CO LTD (istituzzjoni ta’ kreditu Ċiprijotta f’likwidazzjoni) (il-“Kumpanija”)

(2022/C 238/08)

Uffiċċju Reġistrat: 134 Limassol Avenue, 3rd Floor, 2015, Strovolos, Nicosia, Cyprus

Skont id-deċiżjoni tal-Qorti Distrettwali ta’ Nikosija maħruġa fil-31 ta’ Mejju 2022 b’rabta mal-applikazzjoni Nru 1/2021 ippreżentata mill-Bank Ċentrali ta’ Ċipru skont id-dispożizzjonijiet tal-Artikolu 33B tal-Liġi dwar in-Negozju tal-Istituzzjonijiet ta’ Kreditu, 66(I)/97, kif emendata, inħarġu l-ordnijiet tal-qorti għal-likwidazzjoni tal-Kumpanija u l-ħatra tiegħi bħala likwidatur, f’konformità mad-dispożizzjonijiet tal-Artikolu 33B tal-Liġi dwar in-Negozju tal-Istituzzjonijiet ta’ Kreditu, 66(I)/97, kif emendata.

L-avviżi rilevanti kollha għal-likwidazzjoni se jsiru fis-sit web li ġej

https://www.ips-docs.com/case/22WUC009CYP/Gn8@pXmv

Avviż minn qabel ta’ konċentrazzjoni

(Il-Każ M.10789 – GOLDMAN SACHS / SOJITZ / JV)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2022/C 238/09)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Pubblikazzjoni tad-Dokument Uniku emendat wara l-approvazzjoni ta’ emenda minuri f’konformità mat-tieni subparagrafu tal-Artikolu 53(2) tar-Regolament (UE) Nru 1151/2012

(2022/C 238/10)

Il-Kummissjoni Ewropea approvat din l-emenda minuri skont it-tielet subparagrafu tal-Artikolu 6(2) tar-Regolament ta’ Delega tal-Kummissjoni (UE) Nru 664/2014 (1).

L-applikazzjoni għall-approvazzjoni ta’ din l-emenda minuri tista’ tiġi kkonsultata fil-bażi tad-data eAmbrosia tal-Kummissjoni.

DOKUMENT UNIKU

“TURRÓN DE AGRAMUNT / TORRÓ D’AGRAMUNT”

Nru tal-UE: PGI-ES-0167-AM01 – 18.1.2022

DOP ( ) IĠP (X)

1.   Isem/ismijiet [tad-DOP jew tal-IĠP]

“Turrón de Agramunt / Torró d’Agramunt”

2.   Stat membru jew pajjiż terz

Spanja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott [elenkat fl-Anness XI]

Klassi 2.3. Ħobż, għaġina, kejkijiet, ħelu, gallettini u prodotti oħra tal-furnara

3.2.   Deskrizzjoni tal-prodott li għalih japplika l-isem f’(1)

“Turrón de Agramunt / Torró d’Agramunt” huwa magħmul minn għasel, lewż jew ġellewż imqaxxar u inkaljat, zokkor u/jew ġulepp tal-glukożju, abjad tal-bajd, jew l-ekwivalenti mnixxef, u wejfer.

Skont it-tip kummerċjali ( suprema jew extra ), il-perċentwal minimu ta’ materja prima bażika għandu jkun kif ġej:

	Suprema	Extra
Ġellewż jew	60,00	46,00
Lewż	60,00	46,00
Għasel	10,00	10,00
Abjad tal-bajd jew ekwivalenti mnixxef	1,00	1,00

Il-qubbajt suprema u extra koperti minn din l-indikazzjoni ġeografika protetta (IĠP) iridu jkollhom il-karatteristiċi definiti fir-regolamenti tekniċi tas-saħħa rilevanti.

It-tabella ta’ hawn taħt turi l-kompożizzjoni kimika meħtieġa tal-kampjuni tat-“Turrón de Agramunt” (% tal-prodott lest):

	Qubbajt tal-lewż		Qubbajt tal-ġellewż
	Suprema	Extra	Suprema	Extra
Kontenut ta’ ndewwa (massimu)	5,0	6,0	5,0	6,0
Kontenut ta’ proteini (minimu)	11,0	9,0	7,0	5,5
Xaħmijiet (minimi)	32,5	26,0	30,0	24,5
Irmied (massimu)	2,2	2,2	2,0	2,0

It-“Turrón de Agramunt” għandu l-karatteristiċi organolettiċi li ġejjin:

—	kulur: kannella dehbi ċar;

—	konsistenza: irregolari, raffa u poruża. Soda iżda tinkiser mingħajr sforz. Tqarmeċ iżda ddub fil-ħalq;

—	ħlewwa: togħma qawwija ħafna;

—	forma: kejkijiet tondi u blokok jew biċċiet rettangolari.

Dawn il-karatteristiċi huma r-riżultat ta’ taħlita għaqlija ta’ ingredjenti minn naħa waħda u ta’ ħin ta’ tisjir preċiż min-naħa l-oħra.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

___

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Kemm il-produzzjoni (inkluż l-inkaljar tal-ġellewż u tal-lewż, it-tisjir tat-taħlita, l-iffurmar u t-tqattigħ ladarba t-taħlita tkun qagħdet) kif ukoll l-ippakkjar tal-qubbajt kopert mill-IĠP “Turrón de Agramunt / Torró d’Agramunt” iridu jsiru fiż-żona ġeografika deskritta fil-punt 4.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

Il-qubbajt jiġi ppreżentat fil-forma ta’ biċċiet (blokok rettangolari jew kejkijiet tondi) li jiżnu minn 15-il g sa 1 kg.

Il-prodott jiġi ppakkjat f’temperatura ambjentali ftit wara li jkun sar.

3.6.   Regoli speċifiċi dwar it-tikkettar

L-isem tal-IĠP “Turrón de Agramunt / Torró d’Agramunt”, il-logo tal-IĠP stess u kull informazzjoni oħra ddeterminata b’mod ġenerali mil-leġiżlazzjoni fis-seħħ, iridu jidhru fuq it-tikketti.

4.   Deskrizzjoni fil-qosor taż-żona ġeografika

Il-qubbajt tal-IĠP “Turrón de Agramunt / Torró d’Agramunt” jiġi prodott u ppakkjat fil-muniċipalità ta’ Agramunt fid-distrett Katalan ta’ Urgell fil-provinċja ta’ Lleida.

5.   Rabta maż-żona ġeografika

Ir-rabta bejn it-“Turrón de Agramunt” u ż-żona ġeografika tal-produzzjoni hija bbażata fuq ir-reputazzjoni tiegħu kif ukoll fuq l-għarfien espert lokali, li ġej minn tradizzjoni storika twila. Il-muniċipalità, li tagħti l-isem tagħha lill-IĠP u li hija stess tikkostitwixxi ż-żona ġeografika tal-produzzjoni, hija inseparabbli mill-qubbajt.

Storja

Bħal kull tradizzjoni tajba, hemm ħafna stejjer leġġendarji marbuta mal-oriġini tat-“Turrón de Agramunt”. L-attività tat-turronaires (il-manifatturi tal-qubbajt) ilha ddokumentata minn tmiem is-seklu 18, meta kienet diġà stabbilita bħala tradizzjoni u li jindika li bilfors hija aktar antika. Il-qerda tal-arkivji muniċipali matul il-Gwerer Napoleoniċi u l-fatt li l-attività kienet issir bħala waħda agrikola jagħmluha diffiċli biex jiġu stabbiliti dati aktar bikrija.

Il-manifatturi tal-qubbajt ta’ Agramunt tant saru popolari li mhux biss ħadu sehem fil-festivals popolari tradizzjonali iżda daħlu wkoll fid-dinja tal-letteratura bid-dramm ta’ Serafí Pitarra La Dida (“L-Imreddgħa”). Il-protagonista eroj ta’ din l-opra teatrika, li sseħħ fl-1700, hija Paula ta’ Agramunt, l-imreddgħa, u manifattriċi tas-sengħa tal-qubbajt.

Il-qubbajt kien jiġi mmanifatturat bl-idejn:

L-għasel kien jitferra’ f’taġen u mbagħad malli jibda jagħli, kien jitħawwad b’mod kostanti bi strument tal-injam imsejjaħ remo (“moqdief”) biex ma jinħaraqx.

Fil-passat, il-manifatturi tal-qubbajt kienu jinkaljaw il-ġellewż jumejn qabel ma jħalltuhom mal-għasel, minħabba li jekk dawn ma jkunux birdu biżżejjed, il-qubbajt seta’ jinkiser faċilment.

It-taħlita tiskura u, sabiex jiċċarawha, kienu jżidulha żewġ tużżani abjad tal-bajd, imħabbtin, sakemm tibbies. Meta l-manifattur tal-qubbajt l-aktar espert kien jiġġudika li t-taħlita kienet lesta, l-ewwel kienu jdaħħlu mgħarfa tal-injam fit-taħlita u mbagħad wara f’barmil ta’ ilma kiesaħ. Wara li t-taħlita tkun tħalliet ftit tibred, jinżdied ġellewż daqskemm jiżdied għasel u t-taħlita tkompli titħawwad sakemm issir omoġenja.

Imbagħad kienet titħalla tagħqad għal nofs siegħa qabel ma tinqata’ b’magna tal-qtugħ speċjali msejħa rajola (maduma). Wara li tkun inqatgħet f’biċċiet, kienet tintiżen u tiġi ffurmata biex tingħata l-forma tipika tal-qubbajt ċatt u tond jew tawwali, mgħaffeġ bejn żewġ folji ta’ pan de ángel (tip ta’ wejfer), li kienu jitwaħħlu miegħu bl-użu ta’ għodda tal-injam. Meta jkunu birdu u nixfu kompletament, il-blokok tal-qubbajt kienu jitqiegħdu f’kaxxa tal-injam miksija minn ġewwa biż-żingu jew f’kaxxa tal-landa sabiex jiġu ppreservati sal-bejgħ.

Il-produzzjoni tat-“Turrón de Agramunt” ftit li xejn inbidlet minn meta bdiet. Bħal fl-industriji kollha, il-progress tekniku u l-modernizzazzjoni biddlu l-metodi tal-ipproċessar, b’tali mod li xi wħud mill-operazzjonijiet li jsiru manwalment issa jitwettqu bil-magna, iżda l-materja prima tibqa’ essenzjalment l-istess u l-uniċi bidliet li saru, kienu biex l-ipproċessar isir aktar faċli.

Aspetti soċjali

Il-produzzjoni żdiedet bi ftit kull sena, minn 45 325 kg ta’ “Turrón de Agramunt” fl-1995 għal 71 980 kg fl-1999.

Minbarra li tipprovdi għadd kbir ta’ impjiegi, l-industrija tal-qubbajt ta’ Agramunt hija sors ta’ attività konsiderevoli fis-settur tas-servizzi, prinċipalment fit-trasport u t-turiżmu:

—	in-nuqqas ta’ kollegament ferrovjarju ma’ Agramunt ifisser li l-qubbajt kollu jrid jiġi ttrasportat bit-triq;

—	għadd kbir ta’ viżitaturi jiġu biex jaraw il-manifatturi artiġjanali jagħmlu l-qubbajt. Barra minn hekk, sa mill-1989, f’Ottubru ssir iċ-ċelebrazzjoni tal-Feria del Turrón de Agramunt (fiera tal-qubbajt ta’ Agramunt). Din tiġbed ħafna viżitaturi u saret waħda mill-akbar fieri fi Lleida.

Referenza għall-pubblikazzjoni tal-Ispeċifikazzjoni tal-Prodott

L-Ispeċifikazzjoni tal-Prodott aġġornata hija aċċessibbli hawn http://agricultura.gencat.cat/web/.content/al_alimentacio/al02_qualitat_alimentaria/normativa-dop-igp/plecs-tramit/pliego-condiciones-igp-torro-agramunt-modificacion-menor-es.pdf filwaqt li l-applikazzjoni għal emenda qed tiġi pproċessata bħalissa u mbagħad, ladarba tiġi approvata, tiġi ppubblikata hawn http://agricultura.gencat.cat/ca/ambits/alimentacio/segells-qualitat-diferenciada/distintius-origen/dop-igp/normativa-dop-igp/plecs-condicions/.

---

(1)  ĠU L 179, 19.6.2014, p. 17.