ISSN 1977-0987 |
||
Il-Ġurnal Uffiċjali tal-Unjoni Ewropea |
C 139 |
|
Edizzjoni bil-Malti |
Informazzjoni u Avviżi |
Volum 65 |
Werrej |
Paġna |
|
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2022/C 139/01 |
Ebda oppożizzjoni għal konċentrazzjoni notifikata (Il-Każ M.10593 — DUSSUR / SeAH / JV) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2022/C 139/02 |
||
|
INFORMAZZJONI MILL-ISTATI MEMBRI |
|
2022/C 139/03 |
||
2022/C 139/04 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2022/C 139/05 |
Avviż minn qabel ta’ konċentrazzjoni (Il-Każ M.10636 — COVÉA / PARTNERRE) — Każ li jista’ jiġi kkunsidrat għal proċedura ssimplifikata ( 1 ) |
|
2022/C 139/06 |
Avviż minn qabel ta’ konċentrazzjoni (Il-Każ M.10642 – CENTRAL / SIGNA / SELFRIDGES) — Każ li jista’ jiġi kkunsidrat għal proċedura ssimplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2022/C 139/07 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
29.3.2022 |
MT |
Il-Ġurnal Uffiċjali tal-Unjoni Ewropea |
C 139/1 |
Ebda oppożizzjoni għal konċentrazzjoni notifikata
(Il-Każ M.10593 — DUSSUR / SeAH / JV)
(Test b’rilevanza għaż-ŻEE)
(2022/C 139/01)
Fit 16 ta’ Marzu 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10593. Il-EUR-Lex hu l-aċċess fuq l-internet għal-liġi tal-Unjoni Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
29.3.2022 |
MT |
Il-Ġurnal Uffiċjali tal-Unjoni Ewropea |
C 139/2 |
Rata tal-kambju tal-euro (1)
It-28 ta’ Marzu 2022
(2022/C 139/02)
1 euro =
|
Munita |
Rata tal-kambju |
USD |
Dollaru Amerikan |
1,0966 |
JPY |
Yen Ġappuniż |
135,93 |
DKK |
Krona Daniża |
7,4393 |
GBP |
Lira Sterlina |
0,83643 |
SEK |
Krona Żvediża |
10,4225 |
CHF |
Frank Żvizzeru |
1,0257 |
ISK |
Krona Iżlandiża |
142,80 |
NOK |
Krona Norveġiża |
9,5123 |
BGN |
Lev Bulgaru |
1,9558 |
CZK |
Krona Ċeka |
24,650 |
HUF |
Forint Ungeriż |
374,13 |
PLN |
Zloty Pollakk |
4,7180 |
RON |
Leu Rumen |
4,9483 |
TRY |
Lira Turka |
16,2750 |
AUD |
Dollaru Awstraljan |
1,4590 |
CAD |
Dollaru Kanadiż |
1,3702 |
HKD |
Dollaru ta’ Hong Kong |
8,5861 |
NZD |
Dollaru tan-New Zealand |
1,5838 |
SGD |
Dollaru tas-Singapor |
1,4921 |
KRW |
Won tal-Korea t’Isfel |
1 342,49 |
ZAR |
Rand ta’ l-Afrika t’Isfel |
15,9925 |
CNY |
Yuan ren-min-bi Ċiniż |
6,9862 |
HRK |
Kuna Kroata |
7,5735 |
IDR |
Rupiah Indoneżjan |
15 737,77 |
MYR |
Ringgit Malażjan |
4,6238 |
PHP |
Peso Filippin |
57,080 |
RUB |
Rouble Russu |
|
THB |
Baht Tajlandiż |
37,027 |
BRL |
Real Brażiljan |
5,2133 |
MXN |
Peso Messikan |
21,9841 |
INR |
Rupi Indjan |
83,4825 |
(1) Sors: rata tal-kambju ta’ referenza ppubblikata mill-Bank Ċentrali Ewropew.
INFORMAZZJONI MILL-ISTATI MEMBRI
29.3.2022 |
MT |
Il-Ġurnal Uffiċjali tal-Unjoni Ewropea |
C 139/3 |
Aġġornament tal-ammonti ta’ referenza għall-qsim tal-fruntieri esterni, kif imsemmi fl-Artikolu 6(4) tar-Regolament (UE) 2016/399 tal-Parlament Ewropew u tal-Kunsill li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen)
(2022/C 139/03)
Il-pubblikazzjoni ta’ ammonti ta’ referenza għall-qsim tal-fruntieri esterni, kif imsemmi fil-Artikolu 6(4) tar- Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Il-Kodiċi tal-Fruntieri ta’ Schengen) hija bbażata fuq l-informazzjoni mogħtija mill-Istati Membri lill-Kummissjoni skont l-Artikolu 39 tal-Kodiċi tal-Fruntieri ta’ Schengen (kodifikazzjoni).
Minbarra l-pubblikazzjoni fil-ĠU, huwa disponibbli aġġornament ta’ kull xahar fuq is-sit web tad-Direttorat Ġenerali għall-Affarijiet Interni.
L-AMMONTI TA’ REFERENZA MEĦTIEĠA GĦALL-QSIM TAL-FRUNTIERA ESTERNA FFISSATI MILL-AWTORITAJIET NAZZJONALI
L – E S T O N J A
Emenda fl-informazzjoni ppubblikata fil-ĠU C 178, 28.5.2020, p. 3
Skond il-liġi ta’ l-Estonja, persuni barranin li jaslu l-Estonja mingħajr ittra ta’ stedina, fuq talba ta’ xi gwardja uffiċjali tal-fruntiera, għandhom jipprovdu evidenza meta jidħlu fil-pajjiż li għandhom mezzi finanzjarji suffiċjenti sabiex ikopru l-ispejjeż taż-żjara tagħhom fl-Estonja u għal meta jħalluha. Mezzi finanzjarji suffiċjenti għall kull jum permess huma kkonsidrati li huma 0.2-il darba tas-salarju minimu fix-xahar implimentatati mill-Gvern tar-Repubblika, jiġifieri 130.80 EUR.
Inkella, il-persuna li tagħmel l-istedina jkollha tieħu r-responsabbiltà għall-ispejjeż taż-żjara tal-barrani u tat-tluq tiegħu mill-Estonja.
Lista ta’ pubblikazzjonijiet preċedenti
29.3.2022 |
MT |
Il-Ġurnal Uffiċjali tal-Unjoni Ewropea |
C 139/5 |
Proċedimenti ta’ stralċ
Deċiżjoni biex jinfetħu proċedimenti ta’ falliment għal “Societatea de Asigurare-Reasigurare City Insurance SA”
(Pubblikazzjoni skont l-Artikolu 14 tad-Direttiva 2001/17/KE tal-Parlament Ewropew u tal-Kunsill dwar ir-riorganizzazzjoni u l-istralċ ta’ impriżi tal-assigurazzjoni (l-Artikolu 280 tad-Direttiva 2009/138/KE tal-Parlament Ewropew u tal-Kunsill dwar il-bidu u l-eżerċizzju tan-negozju tal-Assigurazzjoni u tar-Riassigurazzjoni)
(2022/C 139/04)
Impriża tal- assigurazzjoni |
“Societatea de Asigurare-Reasigurare City Insurance S.A” bl-uffiċċju reġistrat tagħha f’Bukarest, settur 1, str. Emanoil Porumbaru, nr. 93-95, CP 011424, irreġistrat fl-Uffiċċju tar-Reġistru tal-Kummerċ taħt Nru J40/3150/1998, kodiċi ta’ reġistrazzjoni uniku 10392742, irreġistrat fir-Reġistratur tal-Assigurazzjoni taħt Nru RA-008 fl-10 ta’ April 2003. |
Data, dħul fis-seħħ u natura tad-deċiżjoni |
Id-Deċiżjoni Nru 1148/17.09.2021 dwar l-irtirar tal-liċenzja operattiva ta’ “City Insurance S.A”, id-dikjarazzjoni tal-insolvenza tagħha u s-sottomissjoni ta’ applikazzjoni għall-ftuħ ta’ proċedimenti ta’ falliment kontriha; Deċiżjoni provviżorja Nru 507 tal-Qorti ta’ Bukarest tad-9 ta’ Frar 2022 dwar il-bidu ta’ proċedimenti ta’ falliment kontra l-kumpanija “City Insurance S.A.” |
Awtoritajiet kompetenti |
“Autoritatea de Supraveghere Financiară” (ASF) [Awtorità ta’ Sorveljanza Finanzjarja], bl-uffiċċju prinċipali tagħha fi Splaiul Independenței Nru 15, Settur 5, Bukarest, ir-Rumanija |
Awtorità ta’ sorveljanza |
“Autoritatea de Supraveghere Financiară” (ASF) [Awtorità ta’ Sorveljanza Finanzjarja], bl-uffiċċju prinċipali tagħha fi Splaiul Independenței Nru 15, Settur 5, Bukarest, ir-Rumanija |
Likwidatur maħtur |
Likwidatur maħtur mill-Qorti - CITR Filiala Cluj Dettalji ta’ kuntatt tal-likwidatur maħtur mill-qorti: Bukarest, Strada Gara Herăstrău, nr. 4, Green Court, etaj 3, settur 2 |
Liġi applikabbli |
Ir-Rumanija Ordni ta’ Emerġenza tal-Gvern Nru 93/2012 dwar it-twaqqif, l-organizzazzjoni u l-funzjonament tal-Awtorità Superviżorja Finanzjarja, approvata b’emendi bil-Liġi Nru 113/2013, kif emendata; il-Liġi Nru 503/2004 dwar l-irkupru finanzjarju, il-falliment, u x-xoljiment u l-istralċ volontarju fin-negozju tal-assigurazzjoni, ippubblikata mill-ġdid; il-Liġi Nru 237/2015 dwar l-awtorizzazzjoni u s-superviżjoni tal-attivitajiet tal-assigurazzjoni, kif emendata; il-Liġi Nru 85/2014 dwar il-prevenzjoni tal-insolvenza u l-proċeduri tal-insolvenza, kif emendata. |
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
29.3.2022 |
MT |
Il-Ġurnal Uffiċjali tal-Unjoni Ewropea |
C 139/6 |
Avviż minn qabel ta’ konċentrazzjoni
(Il-Każ M.10636 — COVÉA / PARTNERRE)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2022/C 139/05)
1.
Fil-21 ta’ Marzu 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Covéa Coopérations (“Covéa”, Franza) ikkontrollata minn Covéa SGAM (Franza), |
— |
PartnerRe Ltd (“PartnerRe”, Bermuda), ikkontrollata minn Exor N.V. (in-Netherlands). |
Covéa se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ PartnerRe kollha kemm hi.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma:
— |
Covéa huwa grupp mutwu bil-kwartieri ġenerali fi Franza attiv fl-assikurazzjoni tal-ħajja u mhux tal-ħajja, u sa ċertu punt fir-riassikurazzjoni, id-distribuzzjoni tal-assikurazzjoni u l-ġestjoni tal-assi, |
— |
PartnerRe hija kumpanija globali tar-riassikurazzjoni li għandha l-kwartieri ġenerali tagħha f’Bermuda. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi speċifikata dejjem:
M.10636 — COVÉA / PARTNERRE
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (“ir-Regolament dwar l-Għaqdiet”).
29.3.2022 |
MT |
Il-Ġurnal Uffiċjali tal-Unjoni Ewropea |
C 139/8 |
Avviż minn qabel ta’ konċentrazzjoni
(Il-Każ M.10642 – CENTRAL / SIGNA / SELFRIDGES)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2022/C 139/06)
1.
Fil-21 ta’ Marzu 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Harng Central Department Store Ltd (“Central”, it-Tajlandja), |
— |
SIGNA Holding GmbH (“SIGNA”, l-Awstrija), |
— |
SFP Holdings Limited, Selfridges Manchester Limited u SHEL Holdings Europe Limited (flimkien “Selfridges”, ir-Renju Unit), ikkontrollata minn Selfridges Group Limited (il-Kanada). |
Central u SIGNA se jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ Selfridges.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma:
— |
Central: hija attiva fid-dinja kollha fil-proprjetà immobbli, il-bejgħ bl-imnut, l-ospitalità u r-ristoranti primarjament fix-Xlokk tal-Asja. Fl-UE, Central hija attiva fis-settur tal-bejgħ bl-imnut fl-Italja bil-banner “la Rinascente”, fil-Ġermanja bil-banner “The KaDeWe Group” u fid-Danimarka bil-banner “Illum”. Twettaq ukoll attivitajiet ta’ żvilupp tal-proprjetà fil-Ġermanja, fid-Danimarka u fl-Italja, |
— |
SIGNA: hija primarjament attiva f’żewġ oqsma tan-negozju: kummerċ bl-imnut u proprjetà immobbli. Fil-kummerċ bl-imnut, hija tħaddem katina ta’ ħwienet ta’ prodotti mhux tal-ikel fil-Ġermanja (“GALERIA”) u fil-Belġju (“INNO”). Hija għandha wkoll ħwienet fiżiċi speċjalizzati ta’ prodotti sportivi, kif ukoll numru ta’ ħwienet online bil-banners “SportSCheck” u “SIGNA Sports United Group”. Barra minn hekk, hija tħaddem ħwienet tal-għamara fl-Awstrija, kif ukoll żewġt iħwienet tal-għamara online (“kika” u “Leiner”). Fil-proprjetà immobbli, SIGNA tiffoka fuq ix-xiri, il-kera, il-lokazzjoni u l-ġestjoni tal-art u l-bini kif ukoll l-iżvilupp tal-proġetti. Hija proprjetarja ta’ proprjetajiet immobbli primarjament fl-Awstrija, fil-Ġermanja, fit-Tramuntana tal-Italja u fl-Iżvizzera. Hija tħaddem ukoll lukandi lussużi fl-Awstrija u fl-Italja, |
— |
Selfridges: hija primarjament attiva fil-bejgħ bl-imnut ta’ prodotti mhux tal-ikel inklużi prodotti tas-sbuħija, ħelwa tan-nisa, ħut ikħal, ilbies għar-riġlejn, ilbies għar-riġlejn, aċċessorji u homewares. In-negozju tal-bejgħ bl-imnut ta’ Selfridges jinkludi tliet banners operattivi separati: “Selfridges”, “De Bijenkorf” u “Brown Thomas and Arnotts” bi ħwienet li jinsabu fir-Renju Unit, l-Irlanda u n-Netherlands, pjattaformi diġitali assoċjati, u parteċipazzjonijiet ta’ proprjetà immobbli fir-Renju Unit u fl-Irlanda. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi speċifikata dejjem:
M.10642 – CENTRAL / SIGNA / SELFRIDGES
Il-kummenti jistgħu jintbagħtu lill-Kummissjoni permezz tal-email, permezz tal-fax jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (“ir-Regolament dwar l-Għaqdiet”).
ATTI OĦRAJN
Il-Kummissjoni Ewropea
29.3.2022 |
MT |
Il-Ġurnal Uffiċjali tal-Unjoni Ewropea |
C 139/10 |
Pubblikazzjoni ta’ applikazzjoni għall-approvazzjoni ta’ emenda, li ma hijiex minuri, fi Speċifikazzjoni tal-Prodott skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2022/C 139/07)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.
APPLIKAZZJONI GĦALL-APPROVAZZJONI TA’ EMENDA FL-ISPEĊIFIKAZZJONI TAL-PRODOTT TA’ DENOMINAZZJONIJIET TA’ ORIĠINI PROTETTI JEW TA’ INDIKAZZJONIJIET ĠEOGRAFIĊI PROTETTI LI MA HIJIEX MINURI
Applikazzjoni għall-approvazzjoni ta’ emenda f’konformità mal-ewwel subparagrafu tal-Artikolu 53(2) tar-Regolament (UE) Nru 1151/2012
“Prosciutto di San Daniele”
Nru tal-UE: PDO-IT-0065-AM01 – 24.4.2020
PDO (X) IĠP ( )
1. Grupp applikant u interess leġittimu
Consorzio del Prosciutto di San Daniele |
Via Ippolito Nievo, 19 |
33038 San Daniele del Friuli (UD) |
L-Italja |
Tel. +39 0432 957515
Email: info@prosciuttosandaniele.it
Il-Consorzio del Prosciutto di San Daniele [“l-Assoċjazzjoni għall-Ħarsien tal-Prosciutto di San Daniele”] għandu d-dritt li jissottometti applikazzjoni għal emenda f’konformità mal-Artikolu 13(1) tad-Digriet tal-Ministeru għall-Politika Agrikola, Alimentari u Forestali Nru 12511 tal-14 ta’ Ottubru 2013.
2. Stat membru jew pajjiż terz
L-Italja
3. Intestatura fl-ispeċifikazzjoni tal-prodott affettwata mill-emenda/i
☒ |
Isem il-prodott |
☒ |
Deskrizzjoni tal-prodott |
☒ |
Żona ġeografika |
☒ |
Prova tal-oriġini |
☒ |
Metodu ta’ produzzjoni |
☒ |
Rabta |
☒ |
Tikkettar |
☒ |
Oħrajn: kontroll |
4. Tip ta’ emenda/i
☒ |
Emenda għall-Ispeċifikazzjoni tal-Prodott ta’ DOP jew IĠP irreġistrata li ma għandhiex tikkwalifika bħala minuri f’konformità mat-tielet subparagrafu tal-Artikolu 53(2) tar-Regolament (UE) Nru 1151/2012. |
☐ |
Emenda għall-Ispeċifikazzjoni tal-Prodott ta’ DOP jew IĠP irreġistrata li għaliha ma jkunx ġie ppubblikat Dokument Uniku (jew ekwivalenti) li ma għandhiex tikkwalifika bħala minuri f’konformità mat-tielet subparagrafu tal-Artikolu 53(2) tar-Regolament (UE) Nru 1151/2012. |
5. Emenda/i
5.1. Bidla fl-abbozzar
It-titolu tal-Ispeċifikazzjoni tal-Prodott (“Prosciutto di San Daniele” denominazzjoni ta’ Oriġini Protetta): Speċifikazzjoni Ġenerali) inbidel għal Speċifikazzjoni tal-Prodott għad-Denominazzjoni ta’ Oriġini Protetta “Prosciutto di San Daniele”. Il-werrej, l-annessi tal-Ispeċifikazzjoni tal-Prodott u l-preambolu, bit-titolu Introduzzjoni u metodoloġija, tħassru.
5.2. Emenda ta’ element essenzjali: isem il-prodott
It-Taqsimiet A u B tal-Ispeċifikazzjoni tal-Prodott (intitolati rispettivament L-isem tal-prodott kopert mid-denominazzjoni tal-oriġini u Deskrizzjoni tal-prodott, li tiddikjara l-materja prima u l-karatteristiċi organolettiċi, kimiċi u fiżiċi ewlenin – minn hawn ’il quddiem imqassra għal Deskrizzjoni tal-prodott), li kienu jiddefinixxu l-prodott imsemmi bl-isem protett, ġew strutturati mill-ġdid fl-Artikolu 1 (Isem) u fl-Artikolu 5.4 (Passi fl-ipproċessar tal-“Prosciutto di San Daniele”).
Tneħħew ir-referenzi għall-isem “Prosciutto di San Daniele del Friuli” peress li dan l-isem ma kienx inkluż fl-applikazzjoni li saret mill-Italja skont l-Artikolu 17 tar-Regolament tal-Kunsill (KEE) Nru 2081/1992 jew fir-reġistrazzjoni sussegwenti permezz tar-Regolament tal-Kummissjoni (KE) Nru 1107/1996 u r-rettifika ppubblikata f’Il-Ġurnal Uffiċjali tal-Unjoni Ewropea fl-4 ta’ Marzu 2015. Barra minn hekk, ir-referenzi kollha għal-leġiżlazzjoni nazzjonali u tal-UE tneħħew peress li huma skaduti u mhux meħtieġa.
5.3. Bidla fl-abbozzar
Il-lista tad-dokumenti ta’ referenza relatati mat-Taqsima A tal-Ispeċifikazzjoni tal-Prodott tħassret.
5.4. Bidla fl-abbozzar: Żona ġeografika, Metodu ta’ produzzjoni, Deskrizzjoni tal-prodott
Id-deskrizzjoni taż-żona ġeografika li fiha jridu jitwieldu, jitrabbew u jinqatlu l-ħnieżer li għandhom jintużaw biex isir il-“Prosciutto di San Daniele”, ipprovduta fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fil-punt 4 tad-Dokument Uniku ġiet emendata biex tispeċifika li l-karkassi jridu jitqattgħu f’dik iż-żona wkoll, kif diġà huwa l-każ fil-prattika. Din l-informazzjoni kollha issa tifforma parti mill-Artikolu 3 (Żona ta’ produzzjoni). Dan ma jaffettwax il-punt 3.4 tad-Dokument Uniku minħabba li dan jirreferi għall-istadji tal-proċess tal-produzzjoni tal-“Prosciutto San Daniele” li jibda bit-tirqim tal-koxox friski tal-majjal li diġà jkunu nqatgħu.
L-informazzjoni dwar il-projbizzjoni fuq l-użu ta’ fħula u ta’ majjali nisa pprovduta fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) ġiet emendata billi tneħħa r-rekwiżit li l-ħnieżer ikunu “perfettament f’saħħithom meta jinqatlu u jkunu msada kompletament”, peress li dan diġà huwa obbligatorju għal raġunijiet ta’ saħħa u iġjene, u ġie introdott metodu ta’ kalkolu biex ikun aktar faċli li wieħed ikun jaf l-età ta’ ħanżir. Din l-informazzjoni issa tinstab fl-Artikoli 5.1 (Karatteristiċi ġenetiċi) u 5.3 (Tbiċċir u tqattigħ). Il-punt 3.3 tad-Dokument Uniku sempliċiment ġie ristrutturat mingħajr ma nbidel il-kontenut.
Ir-rekwiżit li l-parti distali tar-riġel (trotter) titħalla fuq il-“Prosciutto di San Daniele” sakemm il-perżut jiġi mmarkat bil-logo, sa issa inkluż fit-Taqsima B tal-Ispeċifikazzjoni tal-Prodott (Deskrizzjoni tal-prodott), ġie fformulat mill-ġdid u issa jinsab fl-Artikolu 2(Deskrizzjoni tal-prodott). It-test issa huwa aktar ċar dwar kemm it-trotter għandu jitħalla mal-perżut matul l-ipproċessar.
5.5. Emenda ta’ element mhux essenzjali: metodu ta’ produzzjoni
L-informazzjoni dwar il-materja prima – jiġifieri s-saqajn ta’ wara tal-ħnieżer – u d-deskrizzjoni tal-istadju ta’ tqattigħ tal-karkassa fil-proċess ta’ preparazzjoni, li jinsabu fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fil-punt 3.3 tad-Dokument Uniku, ġew emendati u issa jinstabu fl-Artikolu 5.1 (Karatteristiċi ġenetiċi) u 5.3 (Tbiċċir u tqattigħ). Żdiedet ukoll regola ġdida, li tillimita l-ammont ta’ muskolu espost għal 8 ċentimetri mill-ponta tal-għadma tal-koxxa.
Dan l-ammont ta’ muskolu espost imkejjel mill-ponta tal-għadma tal-koxxa huwa indikatur tal-kwalità biex jiġi mkejjel b’mod preċiż jekk sieq tal-majjal tkunx inqatgħet b’mod korrett. Din il-limitazzjoni l-ġdida ma tinvolvi l-ebda bidla fil-prodott finali.
Mal-punt 3.3 tad-Dokument Uniku żdiedet sinteżi tar-regoli għall-qtugħ tas-saqajn tal-majjal.
5.6. Emenda ta’ element mhux essenzjali: Metodu ta’ produzzjoni
Dan li ġej żdied mal-Artikolu 5.3 (Tbiċċir u tqattigħ) u mal-punt 3.3 tad-Dokument Uniku: “Saqajn tal-majjal mingħajr trotter li jiżnu bejn 12-il kg u 17-il kg jistgħu jiġu pproċessati fi prieżet biss meta jkunu maħsuba għal ċerti pajjiżi mhux tal-UE li ma jippermettux li t-trotter jitħalla mqabbad.”
Din l-emenda tippermetti l-ipproċessar ta’ saqajn tal-majjal mingħajr trotter fi “Prosciutto di San Daniele” meta l-perżut ikun se jiġi esportat lejn ċerti pajjiżi mhux tal-UE – bħall-Istati Uniti u l-Awstralja – b’leġiżlazzjoni dwar is-saħħa u l-iġjene li tirrikjedi t-tneħħija tat-trotter. Ir-rekwiżiti tal-piż għas-saqajn mingħajr trotter huma l-istess bħal dawk stabbiliti fl-Ispeċifikazzjoni tal-Prodott, aġġustati għat-tneħħija tat-trotter, li jiżen madwar 500 g, jiġifieri l-piż minimu jitnaqqas minn 12,5 kg għal 12-il kg u l-piż massimu jitnaqqas minn 17,5 kg għal 17-il kg.
5.7. Emenda ta’ element essenzjali: Metodu ta’ produzzjoni
Id-deskrizzjoni tal-parametri tas-saqajn friski tal-majjal użati biex isir il-“Prosciutto di San Daniele” ipprovduta fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fil-punt 3.3 tad-Dokument Uniku issa tinstab fl-Artikolu 5.3 ( Tbiċċir u tqattigħ) u ġiet emendata kif deskritt hawn taħt, biż-żieda ta’ rekwiżit ta’ piż massimu ġdid.
Il-piż minimu tas-saqajn friski tal-majjal inbidel minn 11-il kg għal 12,5 kg minħabba li, fl-Ewropa kollha u fl-Italja b’mod partikolari, il-ħnieżer imrobbija u l-karkassi tagħhom qed isiru itqal. Ir-raġunijiet għal dan huma t-titjib ġenetiku fir-razez u fil-prattiki tal-biedja (iġjene u sanità, benesseri tal-annimali u nutrizzjoni). Is-saqajn tal-majjal li jiżnu bejn 11 u 12,5 kg ma għadhomx jintużaw biex jagħmlu l-“Prosciutto di San Daniele” minħabba li hemm ħafna inqas minnhom disponibbli fis-suq.
Il-piż massimu permess tas-saqajn friski tal-majjal li jintużaw biex isir il-“Prosciutto di San Daniele” inbidel għal 17,5 kg. It-tkabbir normali, l-iżvilupp korrett u l-kwalità tajba tal-karkassi tal-majjal għadhom kollha żgurati sa dan il-piż massimu ġdid.
Il-ħxuna tax-xaħam li tinsab madwar in-naħa ta’ barra ta’ sieq friska mirquma tal-majjal, imkejla vertikalment mill-ponta tal-għadma tal-koxxa u inkluża l-ġilda, inbidlet minn 15-il mm għal 17-il mm. Il-ħxuna tax-xaħam tal-wiċċ hija indikazzjoni tal-kwalità tas-sieq friska tal-majjal, li tippermetti li l-prieżet jiġu ppreservati għal żmien twil. Minħabba li issa qed jintużaw saqajn tal-majjal aktar tqal, dan il-parametru kellu jiġi aġġustat biex jiġi żgurat li l-prieżet li jirriżultaw ikollhom saff ta’ xaħam tal-wiċċ li jkun oħxon biżżejjed u fi proporzjon tajjeb mal-laħam dgħif.
L-istess bidliet saru wkoll fil-punt 3.3 tad-Dokument Uniku.
5.8. Emenda ta’ element mhux essenzjali: Metodu ta’ produzzjoni
Ir-regoli dwar il-ħżin ta’ saqajn friski tal-majjal ladarba jinqatgħu, kif previst fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fil-punt 3.3 tad-Dokument Uniku, ġew emendati u issa jinstabu fl-Artikolu 5.3 (Tbiċċir u tqattigħ). Ir-rekwiżiti għall-ħżin ta’ saqajn friski tal-majjal sempliċiment inkitbu mill-ġdid iżda l-kontenut proprju tagħhom ma nbidilx apparti ż-żmien mit-tbiċċir sal-ipproċessar: minflok “il-prodott ma jistax isir minn saqajn friski tal-majjal miksuba minn ħnieżer maqtula fl-aħħar 24 siegħa jew aktar minn 120 siegħa ilu”, ir-regola issa taqra “mhux aktar minn 5 (ħamest) ijiem mid-data tat-tbiċċir”.
Din l-emenda tneħħi r-restrizzjoni fuq l-ipproċessar ta’ saqajn friski tal-majjal fl-ewwel 24 siegħa wara t-tbiċċir, peress li ma tikkostitwixxix ħtieġa teknoloġika reali fl-interessi tal-produzzjoni jew tas-saħħa u tal-iġjene. Din ir-regola sempliċiment irriflettiet il-fatt li l-faċilitajiet ta’ refriġerazzjoni tal-biċċeriji kienu inqas effiċjenti fl-1993 meta tfasslet l-Ispeċifikazzjoni tal-Prodott, milli huma llum.
5.9. Bidla fl-abbozzar: deskrizzjoni tal-prodott
Id-deskrizzjoni tal-karatteristiċi fiżiċi u organolettiċi tal-“Prosciutto di San Daniele” ladarba jintemm il-proċess tal-preservazzjoni, ipprovduta fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fil-punt 3.2 tad-Dokument Uniku, iċċaqalqet għall-Artikolu 2 (Deskrizzjoni tal-prodott) u inkitbet parzjalment mill-ġdid biex jingħataw dettalji aktar kompluti u aktar preċiżi tal-karatteristiċi tal-“Prosciutto di San Daniele”, filwaqt li nżammet id-deskrizzjoni tal-prodott u d-dettalji kollha tar-rabta mal-ambjent. Saru bidliet simili fil-punt 3.2 tad-Dokument Uniku. Dawn l-emendi huma purament editorjali u ma għandhom l-ebda impatt fuq il-kontenut.
5.10. Emenda ta’ elementi essenzjali: deskrizzjoni tal-prodott
Il-karatteristiċi kimiċi tal-“Prosciutto di San Daniele” ippreservat għalkollox deskritti fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fil-punt 3.2 tad-Dokument Uniku issa jinstabu fl-Artikolu 2 (Deskrizzjoni tal-prodott) u ġew emendati kif deskritt hawn taħt.
Filwaqt li qabel it-test kien jiddikjara li “il-proporzjon bejn il-perċentwal tal-kontenut ta’ klorur tas-sodju u l-perċentwal tal-kontenut ta’ ndewwa (espress bħala numri u mmultiplikat b’100) ma jridx ikun anqas minn 7,8 jew aktar minn 11,2”, issa jaqra: “Il-kontenut tal-melħ (klorur tas-sodju) ma jridx ikun anqas minn 4,3 % jew aktar minn 6,0 %”. Din l-emenda tagħmilha possibbli li l-klorur tas-sodju jiġi vvalutat fuq bażi awtonoma b’limiti minimi u massimi, kif diġà huwa l-każ għall-indewwa. Il-limiti li ġew stabbiliti jippermettu li jsiru prieżet b’ammont baxx ta’ melħ, f’konformità mar-rakkomandazzjonijiet tal-Organizzazzjoni Dinjija tas-Saħħa. Il-valuri ddefiniti ma jbiddlux il-prodott lest jew il-karatteristiċi organolettiċi tal-perżut; minflok, dawn jagħmluha possibbli li jiġi indikat b’mod preċiż kwalunkwe eċċess jew nuqqas ta’ kontenut ta’ melħ.
Ir-regola li “il-proporzjon bejn il-perċentwal tal-kontenut ta’ ndewwa u l-perċentwal tal-kontenut totali ta’ proteina jrid ikun bejn 1,9 u 2,5” tħassret. Dan il-parametru wera li ma kienx effettiv għall-fini tal-verifika tal-kwalità tal-perżut, peress li l-kontenut ta’ proteina kif ivvalutat f’muskolu mingħajr ebda xaħam tal-wiċċ ftit li xejn għandu sinifikat xjentifiku.
Id-definizzjoni tal-indiċi tal-proteolisi (“nitroġenu li jinħall fl-aċidu trikloroaċetiku (TCA) bħala perċentwal tan-nitroġenu totali”) tħassret minħabba li dan huwa għarfien komuni. Għalhekk, dan it-test issa sar konformi mal-format użat għall-parametri fiżiċi u kimiċi l-oħra.
Ġie introdott limitu ġdid: “L-attività tal-ilma (aw) ma tridx taqbeż iż-0,930”. L-attività tal-ilma hija parametru analitiku li huwa utli biex titkejjel l-istabbiltà mikrobijoloġika tal-“Prosciutto di San Daniele”. Il-verifika tal-attività tal-ilma hija kejl tas-saħħa u tal-iġjene użat internazzjonalment bl-istess limitu ta’ 0,930, u hija wkoll mod validu biex jiġi ċċertifikat li l-perżut huwa adattat għall-esportazzjoni lejn ċerti pajjiżi mhux tal-UE. Din l-emenda bl-ebda mod tbiddel il-karatteristiċi tal-perżut.
Dawn l-emendi kollha jagħmluha possibbli li jiġi vverifikat f’aktar dettall li l-“Prosciutto di San Daniele” għandu l-karatteristiċi kimiċi meħtieġa meta l-perżut jiġi mmarkat bil-logo u/jew jitwaħħal miegħu mezz ieħor ta’ identifikazzjoni. L-istess bidliet saru wkoll fil-punt 3.2 tad-Dokument Uniku.
5.11. Emenda ta’ elementi essenzjali: deskrizzjoni tal-prodott
Il-karatteristiċi applikabbli għall-prodotti maħsuba biex jiġu ppreżentati fi flieli ppakkjati minn qabel ġew miżjuda mal-Artikolu 2 tal-Ispeċifikazzjoni tal-Prodott (Deskrizzjoni tal-prodott) u mal-punt 3.2 tad-Dokument Uniku.
L-ispeċifikazzjonijiet għall-perżut imqatta’ huma aktar restrittivi minn dawk għall-perżut sħiħ minħabba li l-“Prosciutto di San Daniele” imqatta’ fi flieli u ppakkjat minn qabel huwa aktar vulnerabbli għad-deterjorament potenzjali fil-kwalità fl-istadju tal-kummerċjalizzazzjoni.
Żdiedu r-rekwiżiti l-ġodda li ġejjin għall-“Prosciutto di San Daniele” maħsuba għat-tqattigħ: irid ikun ġie ppreservat għal “mill-inqas 430 jum”; ma jrid ikun hemm “l-ebda marka kannella jew safra iżolata meta jinqata’” (dan il-parametru viżiv jippermetti l-identifikazzjoni preċiża ta’ difett fid-dehra tal-perżut imqatta’ mibjugħ ippakkjat fi trejs tal-plastik); il-kontenut tal-indewwa issa jrid ikun “mhux inqas minn 62 %”; u ġie miżjud parametru ġdid ta’ “attività tal-ilma (aw) li ma taqbiżx iż-0,920”. Dawn l-emendi huma meħtieġa biex jiggarantixxu l-proprjetajiet organolettiċi, il-kwalità u l-istabbiltà mikrobijoloġika tal-“Prosciutto di San Daniele” imqatta’ u ppakkjat minn qabel, li jeħtieġ li jkun “tari” iżda wkoll xott biżżejjed.
5.12. Emenda ta’ elementi essenzjali: deskrizzjoni tal-prodott
Ir-regoli dwar il-piż tal-“Prosciutto di San Daniele” previsti fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u l-punt 3.2 tad-Dokument Uniku issa jinstabu fl-Artikolu 2 (Deskrizzjoni tal-prodott) u ġew emendati kif deskritt hawn taħt.
Il-piż minimu tal-“Prosciutto di San Daniele” ladarba jitlesta l-ipproċessar inbidel minn “qatt inqas minn 7,5 kg” għal “piż mhux inqas minn 8,3 kg”. Dan il-piż minimu huwa marbut mal-piż minimu tas-saqajn friski tal-majjal fil-bidu tal-ipproċessar, li jitilfu madwar 30 % tal-piż inizjali tagħhom permezz ta’ deidratazzjoni waqt il-proċess tal-produzzjoni tal-perżut.
Ġie introdott ukoll piż massimu tal-“Prosciutto di San Daniele”, “li ma jaqbiżx it-12,8 kg” ladarba l-ipproċessar ikun lest. Dan il-limitu massimu huwa marbut mal-piż massimu tas-saqajn friski tal-majjal fil-bidu tal-ipproċessar, li jitilfu madwar 30 % tal-piż ta’ permezz ta’ deidratazzjoni matul il-proċess tal-produzzjoni tal-perżut.
It-test issa jispeċifika wkoll li l-perżut jintiżen meta jkun qed jiġi mmarkat bil-logo u/jew ikollu mezz ieħor ta’ identifikazzjoni mwaħħal miegħu. Dawn l-emendi jagħmluha possibbli li jiġu esklużi prieżet li ma jkunux nixfu biżżejjed sal-ħin li l-ipproċessar ikun komplut.
5.13. Bidla fl-abbozzar: Tikkettar
Id-deskrizzjoni tal-modi kif għandu jiġi ppreżentat il-“Prosciutto di San Daniele” ipprovduta fit-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) ġiet emendata u issa tinsab taħt l-Artikoli 8.1 (Preżentazzjoni u bejgħ) u 8.2 (Riproduzzjoni tal-logo u użu tad-denominazzjoni). Din l-informazzjoni tinstab ukoll fil-punt 3.6 tad-Dokument Uniku. Dan it-test ġie miktub mill-ġdid mingħajr ma nbidel il-kontenut tiegħu, billi ġew iċċarati l-modi li bihom il-“Prosciutto di San Daniele” jiġi ppreżentat u ġew eliminati d-dettalji irrilevanti.
5.14. Bidla fl-abbozzar: żona ġeografika
Saru bidliet fid-deskrizzjoni taż-żona li fiha l-prodott imqatta’ jista’ jiġi ppakkjat skont it-Taqsima B tal-verżjoni preċedenti tal-Ispeċifikazzjoni tal-Prodott (Deskrizzjoni tal-prodott) u fl-informazzjoni dwar iż-żona tal-produzzjoni u d-deskrizzjoni tat-tekniki tat-trobbija tal-ħnieżer li jridu jiġu pprattikati sabiex jiġu ggarantiti l-kwalitajiet tradizzjonali tal-“Prosciutto di San Daniele” li qabel kienu fit-Taqsima C (Definizzjoni taż-żona ġeografika u konformità mal-kundizzjonijiet stabbiliti fl-Artikolu 2(4) – minn hawn ’il quddiem imqassra għal Żona ġeografika). Din l-informazzjoni issa tinstab fl-Artikoli 3 (Żona tal-produzzjoni) u 5.2 (Trobbija tal-ħnieżer) u ġiet emendata biex titjieb iċ-ċarezza filwaqt li jinżamm l-istess kontenut. L-istess bidliet saru fil-punti 3.4, 3.5 u 4 tad-Dokument Uniku, li issa jagħtu wkoll ir-raġunijiet għar-restrizzjoni tat-tqattigħ fi flieli u tal-ippakkjar tal-perżut imqatta’ għaż-żona ġeografika. Ir-regola dwar fejn għandhom ikunu jinsabu l-faċilitajiet tal-produzzjoni ma nbidlitx, iżda issa qed jiġi enfasizzat li l-istadji differenti tal-produzzjoni tal-“Prosciutto di San Daniele” iridu jsiru fiż-żona ġeografika. Ir-regola dwar fejn għandhom ikunu jinsabu l-azjendi agrikoli u l-biċċeriji ma nbidlitx: il-ħnieżer iridu jkunu twieldu, trabbew u nqatlu u l-karkassi tagħhom ikunu tqattgħu fiż-żona ġeografika.
5.15. Emenda ta’ elementi essenzjali: metodu ta’ produzzjoni
L-informazzjoni dwar ir-razez awtorizzati ta’ ħnieżer ipprovduta fit-Taqsima C tal-verżjoni preċedenti tal-Ispeċifikazzjoni tal-Prodott (Żona ġeografika) u fil-punt 3.3 tad-Dokument Uniku issa tinstab fl-Artikolu 5.1 (Karatteristiċi ġenetiċi) u ġiet emendata kif deskritt hawn taħt.
L-informazzjoni dwar l-oriġini tal-materja prima relatata mat-tipi ġenetiċi ta’ nissiela, kemm l-ommijiet kif ukoll il-missirijiet, saret aktar ċara. It-test issa jagħti dettalji preċiżi tal-kombinazzjonijiet kollha possibbli ta’ inkroċjar tar-razez u huwa aktar restrittiv mill-verżjoni preċedenti tal-Ispeċifikazzjoni tal-Prodott, li kienet tgħid li “razez, inkroċji u ibridi oħra huma aċċettati sakemm ikunu r-riżultat programm ta’ għażla jew ta’ inkroċjar tar-razez li jissodisfa r-rekwiżiti tal-Ktieb tal-Merħla Taljana għall-ħnieżer tqal”.
It-tipi ġenetiċi ta’ ħnieżer li minnhom jista’ jsir il-“Prosciutto di San Daniele” issa huma ċari mal-ewwel, u t-test issa jispeċifika u jinkludi tabella li turi l-uniċi kombinazzjonijiet possibbli ta’ inkroċjar tar-razez permessi. Sabiex jiġu żgurati ċarezza u trasparenza massimi, il-punt 3.3 tad-Dokument Uniku ġie emendat ukoll biex jagħti l-lista sħiħa tal-karatteristiċi ġenetiċi meħtieġa mill-ħnieżer.
It-test emendat jipprevedi li hija meħtieġa valutazzjoni tar-razza u tat-tip ġenetiku kemm tal-omm kif ukoll tal-missier biex jiġi vverifikat li huma kompatibbli mal-għażla tat-tliet razez ta’ referenza fil-Ktieb tal-Merħla Taljana. Peress li l-ommijiet jagħtu wkoll kontribut ġenetiku importanti, il-majjala issa wkoll trid tiġi vvalutata biex jiġi żgurat li jinżammu l-karatteristiċi tradizzjonali.
Issa qed issir referenza għal-lista ta’ tipi ġenetiċi approvati sabiex jitjieb il-kontroll fuq il-katina tal-produzzjoni. Din il-lista se tiġi ppubblikata u tinżamm aġġornata mill-Ministeru għall-Politika Agrikola, Alimentari u Forestali.
Ir-razez li qabel kienu jissejħu “Bajda Kbira”, “Landrace kif imtejba mill-Ktieb tal-Merħla Taljana” u “Duroc kif imtejba mill-Ktieb tal-Merħla Taljana”, issa jissejħu “Bajda Kbira Taljana”, “Landrace Taljana” u “Duroc Taljana” fil-verżjoni l-ġdida tal-Ispeċifikazzjoni tal-Prodott. It-tifsira baqgħet l-istess.
5.16. Bidla fl-abbozzar: Metodu ta’ produzzjoni
L-informazzjoni dwar ċerti tipi ta’ ħnieżer li ma jistgħux jintużaw ipprovduta fit-Taqsima C tal-verżjoni preċedenti tal-Ispeċifikazzjoni tal-Prodott (Żona ġeografika) u l-punt 3.3 tad-Dokument Uniku issa tinstab fl-Artikolu 5.1 (Karatteristiċi ġenetiċi). Din l-informazzjoni ġiet emendata biex jitneħħew ir-referenzi ġeneriċi għall-karatteristiċi ġenetiċi tal-ħnieżer ipprojbiti, minħabba li t-test issa fih lista tat-tipi ġenetiċi approvati u l-kombinazzjonijiet ta’ tgħammir permessi. Din hija biss bidla strutturali – ir-regoli dwar dak li ma huwiex permess baqgħu l-istess.
5.17. Bidla essenzjali: Metodu ta’ produzzjoni
Ir-regoli li jeskludu ċerti piżijiet ta’ ħnieżer li jinsabu fit-Taqsima C tal-verżjoni preċedenti tal-Ispeċifikazzjoni tal-Prodott (Żona ġeografika) u l-punt 3.3 tad-Dokument Uniku issa jinstabu fl-Artikolu 5.3 (Tbiċċir u tqattigħ) u ġew emendati kif deskritt hawn taħt.
Din l-emenda tiċċara l-kunċetti ġeneriċi ta’ “piżijiet għoljin” u “ħnieżer tqal” użati fil-verżjoni preċedenti, li jistabbilixxu medda ta’ piż tal-karkassa (f’kg). It-test ma għadux jirreferi għal “piż medju tal-lott (piż ħaj) ta’ 160 kg (10 % inqas jew aktar)” iżda pjuttost “piż tal-karkassa li jvarja minn minimu ta’ 110,1 kg sa massimu ta’ 168 kg”.
F’din l-emenda, ir-referenza għall-piż ħaj medju ta’ lott ta’ ħnieżer tneħħiet u ġiet issostitwita bil-parametru tal-piż tal-karkassa individwali, ivverifikat b’mod oġġettiv u preċiż għal kull ħanżir waqt it-tbiċċir. Din il-bidla tagħmilha possibbli li jiġi vverifikat b’mod aktar preċiż li kull ħanżir imbiċċer jissodisfa r-rekwiżiti ta’ eliġibbiltà; ma kien hemm l-ebda bidla fil-karatteristiċi li l-ħnieżer huma meħtieġa li jkollhom biex jintużaw bħala materja prima. L-għan ta’ din l-emenda huwa li l-kwalità tal-materja prima ssir saħansitra aktar uniformi, u dan jillimita wkoll il-possibbiltà ta’ varjazzjoni fil-piż tal-ħnieżer u tal-karkassi u s-saqajn tal-majjal li jirriżultaw.
Il-punt 3.3 tad-Dokument Uniku ma għadux jeħtieġ “piż medju għal kull lott (piż ħaj) ta’ 160 kg jew 10 % aktar jew inqas”; dan ġie ssostitwit b’rekwiżit speċifiku tal-piż applikabbli għal kull karkassa tal-majjal.
5.18. Bidla essenzjali: Metodu ta’ produzzjoni
L-informazzjoni dwar id-dieta tal-ħnieżer ipprovduta fit-Taqsima C tal-verżjoni preċedenti tal-Ispeċifikazzjoni tal-Prodott (Żona ġeografika) u fil-punt 3.3 tad-Dokument Uniku issa tinstab fl-Artikolu 5.2 (Trobbija tal-ħnieżer) u ġiet emendata kif deskritt hawn taħt.
Tal-anqas 50 % tal-konsum ta’ għalf niexef annwali mill-ħnieżer irid jiġi prodott fiż-żona ġeografika. F’konformità mal-Artikolu 1 tar-Regolament Delegat tal-Kummissjoni (UE) Nru 664/2014, il-materja prima tal-għalf tiġi miż-żona ġeografika li fiha jitrabbew il-ħnieżer użati biex isir il-“Prosciutto di San Daniele”. Il-karatteristiċi tal-kwalità ta’ dik il-materja prima huma ideali biex jiġi żgurat li l-ħnieżer jieklu dieta tajba u tajba għas-saħħa.
Fi kwalunkwe każ, il-kwalitajiet tal-“Prosciutto di San Daniele” u r-rabta tiegħu maż-żona ddefinita huma ggarantiti mill-preżenza minima ta’ 50 % fuq bażi annwali ta’ materja niexfa fir-razzjon tal-għalf, magħmula, fi proporzjonijiet li jvarjaw, minn ċereali bħall-qamħirrum, dqiq taż-żerriegħa tal-qamħirrum u/jew taħlita ta’ qamħirrum, sorgu, xgħir, qamħ u tritikal, iżda wkoll ċereali żgħar, ċiċri u prodotti sekondarji oħra tal-ipproċessar tal-qamħ.
Wara l-emenda, ir-regoli dwar l-għalf issa huma strutturati fl-ordni kronoloġiku tal-istadji differenti tat-trobbija, bil-materja prima permessa murija f’tabella waħda.
Il-punt 3.3. tad-Dokument Uniku ġie emendat ukoll biex jinkludi deskrizzjoni dettaljata tal-materja prima permessa, kif ukoll biex jispeċifika li, f’konformità mal-Artikolu 1 tar-Regolament (UE) Nru 664/2014, mill-inqas 50 % tal-konsum annwali ta’ materja niexfa tal-ħnieżer irid jiġi miż-żona ġeografika li fiha jitrabbew, minħabba li, għal raġunijiet relatati mal-klima u kummerċjali, mhux dejjem ikun teknikament possibbli li tinkiseb il-materja prima lokalment. Minkejja dan, il-kwalità u r-rabta maż-żona lokali huma ggarantiti.
L-ewwel stadji tat-trobbija, sa piż ħaj ta’ 40 kg, ma jaffettwawx il-karatteristiċi finali tal-“Prosciutto di San Daniele”. Matul dawk l-istadji, il-ħnieżer għandhom jiġu mitmugħa bil-materja prima kollha permessa mil-leġiżlazzjoni attwali sabiex jiġi żgurat li jiġu ssodisfati l-ħtiġijiet nutrizzjonali, tal-benesseri u tas-saħħa tagħhom.
It-tabella tal-għalf turi l-materja prima permessa fl-istadji sussegwenti, it-tkabbir u l-irfinar, li ġew emendati kif ġej:
It-terminoloġija użata għall-materjali tal-għalf ġiet magħmula konformi mar-Regolament tal-Kummissjoni (UE) Nru 68/2013 dwar il-Katalgu tal-materjali tal-għalf, kif emendat bir-Regolament tal-Kummissjoni (UE) 2017/1017. Din ir-reviżjoni tat-terminoloġija kienet meħtieġa biex tingħata indikazzjoni aktar ċara tat-tip ta’ materja prima li qed issir referenza għaliha.
Il-lista ta’ materja prima permessa għall-għalf tal-ħnieżer u r-rekwiżiti assoċjati ġew riveduti kif ġej:
— |
L-imżiewed tal-ħarrub mingħajr żerriegħa, il-frakass tal-laħam, il-lisati tal-proteina, il-ħafur, il-patata mnixxfa, il-manjoka, il-polpa tal-pitravi ppressata maħżuna fis-silos, il-pasta taż-żejt tal-ġunġlien, id-dqiq tal-kopra, u l-prodotti sekondarji tad-distillazzjoni flimkien max-xorrox jew ix-xorrox tal-butir tneħħew minħabba li bilkemm jitkabbru fiż-żona tat-trobbija tal-ħnieżer, jew ma għadhomx jitkabbru, minħabba li ġew ipprojbiti minn leġiżlazzjoni ġdida (il-frakass tal-laħam), minħabba li diffiċilment jinstabu, minħabba li huma ta’ kwalità nutrizzjonali fqira, jew minħabba li l-użu tagħhom huwa evitat għal raġunijiet tekniċi u ta’ kwalità. Din l-emenda tneħħi l-possibbiltà li tintuża materja prima minn barra ż-żona tat-trobbija li ma baqgħetx tintuża jew li tintuża biss f’ammonti negliġibbli, u tissostitwiha b’materja prima oħra miż-żona lokali. B’riżultat ta’ dan, ir-rabta maż-żona ġeografika hija msaħħa, mingħajr ebda impatt fuq il-kwalità tal-perżut lest. |
— |
Żdiedet il-materja prima li ġejja: is-silaġġ tal-qamħirrum (li issa żdied mad-dieta tal-irfinar ukoll), id-dqiq tal-glutina tal-qamħirrum u/jew għalf tal-glutina tal-qamħirrum (li issa żdied mad-dieta tal-ifrinar ukoll), id-dqiq tas-sbula sħiħa tal-qamħirrum, ħbub imnixxfa tad-distillaturi u sustanzi li jinħallu (li issa żdiedu mad-dieta tal-irfinar ukoll), id-dqiq tal-lift, lipidi b’punt tat-tidwib ogħla minn 36 °C (li issa żdiedu mad-dieta tal-ifrinar ukoll) u l-fażola tas-sojja sħiħa mixwija u/jew l-espellent tas-sojja (miżjudin mad-dieta tat-tkabbir biss). Din l-emenda kienet meħtieġa minħabba li din il-materja prima titkabbar fiż-żona li fiha jitrabbew il-ħnieżer, normalment mill-bdiewa tal-ħnieżer stess, u wkoll minħabba li, bis-saħħa tar-riċerka u t-titjib ġenetiku, il-valuri nutrizzjonali tagħha tjiebu. Din issaħħaħ ukoll ir-rabta bejn il-“Prosciutto di San Daniele” u ż-żona ġeografika. |
— |
Saru bidliet fil-kwantitajiet permessi tal-materja prima li ġejja: ix-xorrox tal-butir (tkabbir biss), id-dqiq tal-glutina tal-qamħirrum u/jew l-għalf tal-glutina tal-qamħirrum, il-qamħirrum, is-sorgu, ix-xgħir, il-qamħ, it-tritikal, il-polpa tal-pitravi disidratata, in-nifel (imnixxef b’temperatura għolja), il-prodotti miksuba waqt l-estrazzjoni tal-fażola tas-sojja, il-prodotti miksuba waqt l-estrazzjoni taż-żrieragħ tal-ġirasol, taċ-ċiċri, u ta’ żrieragħ ta’ legumi oħrajn. Din l-emenda saret b’kunsiderazzjoni tad-disponibbiltà ta’ din il-materja prima fiż-żona tal-produzzjoni u s-sejbiet xjentifiċi magħmula mill-industrija tal-għalf matul l-aħħar għaxar snin. L-ammonti żdiedu minħabba li dawn huma ingredjenti tal-għalf li dejjem kienu l-pedament tad-dieti tradizzjonali tal-ħnieżer u minħabba li ġeneralment jitkabbru fiż-żona ġeografika, normalment mill-bdiewa tal-ħnieżer għall-użu tagħhom stess. Dawn jgħinu wkoll biex itejbu l-konsum tal-fibra u l-funzjonijiet vitali tal-ħnieżer. L-użu ta’ dawn il-materjali fi kwantitajiet akbar ma jbiddilx il-kwalitajiet tal-prodott tad-DOP, iżda jsaħħaħ ir-rabta maż-żona. |
— |
It-tolleranza ta’ 10 % applikabbli għall-kwantitajiet tal-materja prima differenti li tinsab fl-għalf ġiet aġġustata b’referenza għall-Artikolu 17(2)(b) tar-Regolament (KE) Nru 767/2009, biex it-test isir konformi mal-leġiżlazzjoni attwali dwar l-għalf tal-bhejjem. |
— |
Il-limiti l-ġodda li ġejjin ġew introdotti f’din l-emenda: l-ammont ta’ xaħam nej minn prodotti miksuba waqt l-estrazzjoni tal-fażola tas-sojja, taż-żerriegħa tal-ġirasol u taż-żerriegħa tal-lift ma jistax jaqbeż it-2,5 % tal-konsum ta’ materja niexfa ta’ kuljum, u l-kontenut ta’ xaħam huwa limitat għal 5 % tal-konsum ta’ materja niexfa ta’ kuljum. Dawn il-limiti jirriżultaw f’kopertura tax-xaħam ta’ kwalità tajba fis-saqajn tal-majjal. |
5.19. Bidla mhux essenzjali: Metodu ta’ produzzjoni
Id-definizzjoni tal-istadji fit-trobbija tal-ħnieżer stabbilita fit-Taqsima C tal-Ispeċifikazzjoni tal-Prodott preċedenti (Żona ġeografika) issa tinstab fl-Artikolu 5.2 (Trobbija tal-ħnieżer) u ġiet emendata kif deskritt hawn taħt.
It-tul massimu tal-istadju tat-treddigħ tal-qżieqeż inbidel minn 30 jum għal 28 jum, kif stabbilit fid-Direttiva tal-Kunsill 2008/120/KE, Anness I, Kapitolu II, punt C.
It-tul tal-istadju tal-qżieqeż tal-ftama żdied minn 80 jum għal tliet xhur u issa qed jingħata piż massimu ta’ 40 kg għall-qżieqez tal-ftama. Dawn iż-żewġ parametri, li jridu jiġu rrispettati fl-istess ħin, jiżguraw it-tkabbir gradwali u bbilanċjat tal-ħnieżer f’dan l-istadju, li huwa wieħed mill-karatteristiċi ewlenin tat-trobbija tal-ħnieżer “tqal” fiż-żona tal-produzzjoni.
L-istadju tat-tkabbir issa jintemm mhux aktar tard minn ħames xhur sabiex jiġi żgurat tkabbir ibbilanċjat qabel l-istadju tal-irfinar. Il-piż massimu tal-ħnieżer fi tmiem l-istadju tat-tkabbir żdied ukoll minn 80 kg għal 85 kg, abbażi tal-iżviluppi fil-ġenetika u fin-nutrizzjoni u l-applikazzjoni ta’ standards tal-benesseri tal-annimali li wasslu għal titjib ġeneralizzat fil-kapaċità tal-ħnieżer għat-tkabbir.
It-test ma għadux jagħti firxa ta’ piż għall-istadju tal-irfinar, iżda minflok jispeċifika l-piż eżatt tal-karkassi tal-ħnieżer għall-istadju li jmiss fil-proċess, jiġifieri t-tbiċċir.
5.20. Bidla fl-abbozzar: Metodu ta’ produzzjoni
L-informazzjoni dwar il-klassifikazzjoni tal-karkassi u l-benesseri tal-annimali pprovduta fit-Taqsima C tal-Ispeċifikazzjoni tal-Prodott preċedenti (Żona ġeografika) issa tinstab fl-Artikoli 5.2 (Trobbija tal-ħnieżer) u 5.3 (Tbiċċir u tqattigħ) u ġiet emendata bit-tħassir tad-dispożizzjonijiet ġenerali dwar il-benesseri tal-annimali u l-infrastruttura tal-azjendi agrikoli minħabba li diġà jinstabu fil-leġiżlazzjoni tal-UE (id-Direttiva tal-Kunsill 2008/120/KE).
5.21. Bidla fl-abbozzar: prova tal-oriġini
Saru bidliet fl-informazzjoni dwar il-kontroll tal-azjendi agrikoli ipprovduta fit-Taqsima C tal-Ispeċifikazzjoni tal-Prodott preċedenti (Żona ġeografika). Din l-informazzjoni issa tinstab fl-Artikolu 4 (Prova tal-oriġini) u t-test ġie rivedut mingħajr ma nbidel il-kontenut. Issa jidentifika l-kategoriji kollha ta’ operaturi tul il-katina sabiex jiġu żgurati t-traċċar u r-rintraċċabbiltà għall-“Prosciutto di San Daniele”.
5.22. Bidla mhux essenzjali: tikkettar
L-informazzjoni dwar l-immarkar tal-ħnieżer prevista fit-Taqsima C tal-verżjoni preċedenti tal-Ispeċifikazzjoni tal-Prodott (Żona ġeografika) u fil-punt 3.6 tad-Dokument Uniku issa tinstab fl-Artikolu 5.2 (Trobbija tal-ħnieżer) u ġiet emendata kif deskritt hawn taħt.
L-iskadenza għall-immarkar slap inbidlet minn “30 jum” għal “sal-ftim” sabiex jiġi żgurat li l-materja prima tkun tista’ tiġi traċċata lura għall-merħla li fiha jkun twieled il-ħanżir.
Sabiex jittejjeb l-infurzar tal-Ispeċifikazzjoni tal-Prodott, żdiedet deskrizzjoni tal-informazzjoni li jeħtieġ li jkun fiha l-marka slap tal-merħla tal-oriġini. L-għodod li bħalissa qed jintużaw diġà jikkonformaw ma’ dawn l-ispeċifikazzjonijiet il-ġodda.
Ġiet miżjuda tabella ta’ referenza li turi liema ittra għandha tintuża biex tirrappreżenta x-xahar tat-twelid – informazzjoni li trid tiġi inkluża fil-marka slap – biex jiġu żgurati ċarezza u trasparenza massimi fit-traċċar u fir-rintraċċabbiltà tal-“Prosciutto di San Daniele”.
Żdiedet il-possibbiltà li jintużaw mezzi oħra ta’ identifikazzjoni minbarra jew minflok l-immarkar slap biex jitqiesu l-iżviluppi fit-teknoloġija.
Ir-regola biex wieħed jikkalkula l-età ta’ ħanżir f’xhur ġiet iċċarata sabiex ikun possibbli li jiġi vverifikat li l-limitazzjonijiet relatati mal-istadji differenti tat-trobbija qed jiġu rrispettati mingħajr ebda dubju.
Ir-referenza għall-marki tal-bidwi tneħħiet mill-punt 3.6 tad-Dokument Uniku peress li dan jirrigwarda l-kontrolli u s-sistema ta’ traċċabbiltà u mhux it-tikkettar tal-prodott.
5.23. Bidla fl-abbozzar: Kontroll
Saru bidliet fl-informazzjoni dwar is-sistema ta’ kontroll fis-seħħ għat-trasferimenti tal-ħnieżer, il-marki u ċ-ċertifikati pprovduta fit-Taqsima C tal-Ispeċifikazzjoni tal-Prodott preċedenti (Żona ġeografika). Din l-informazzjoni issa tinstab fl-Artikolu 4 (Prova tal-oriġini). It-test il-ġdid issa jidentifika l-kategoriji kollha ta’ operaturi tul il-katina sabiex jiġu żgurati t-traċċar u r-rintraċċabbiltà għall-“Prosciutto di San Daniele”.
5.24. Bidla mhux essenzjali: Tikkettar
L-informazzjoni dwar l-immarkar tas-saqajn tal-majjal fil-biċċerija pprovduta fit-Taqsima C tal-verżjoni preċedenti tal-Ispeċifikazzjoni tal-Prodott (Żona ġeografika) u fil-punt 3.6 tad-Dokument Uniku issa tinstab fl-Artikolu 5.3 (Tbiċċir u tqattigħ) u ġiet emendata kif deskritt hawn taħt.
L-emenda ttejjeb iċ-ċarezza billi tissostitwixxi t-termini “l-immarkar tal-bidwi” b’“marka tal-oriġini slap” u “t-timbru li ma jitħassarx tal-biċċerija” b’“timbru ta’ identifikazzjoni tal-biċċerija”.
Biex jittejjeb l-infurzar tal-Ispeċifikazzjoni tal-Prodott, ir-rekwiżiti għat-timbru ta’ identifikazzjoni tal-biċċerija issa huma deskritti b’mod aktar ċar. It-timbri li qed jintużaw bħalissa fil-biċċeriji diġà jissodisfaw dawn ir-rekwiżiti. Żdiedet il-possibbiltà li jintużaw mezzi oħra ta’ identifikazzjoni minbarra jew minflok it-timbru ta’ identifikazzjoni tal-biċċerija biex jitqiesu l-iżviluppi fit-teknoloġija.
Ir-referenza għat-timbru tal-biċċerija tneħħiet mill-punt 3.6 tad-Dokument Uniku peress li din tirrigwarda l-kontrolli u s-sistema ta’ traċċabbiltà u mhux it-tikkettar tal-prodott.
5.25. Bidla fl-abbozzar: metodu ta’ produzzjoni
L-informazzjoni relatata mal-faċilitajiet tat-tqattigħ ipprovduta fit-Taqsima C tal-Ispeċifikazzjoni tal-Prodott preċedenti (Żona ġeografika) issa tinstab fl-Artikolu 5.3 (Tbiċċir u tqattigħ) u ġiet emendata biex tagħmilha ċara li l-karkassi jistgħu wkoll jitqattgħu f’faċilitajiet apposta għat-tqattigħ tal-laħam irreġistrati mas-sistema ta’ kontroll, kif diġà kien il-każ taħt il-verżjoni preċedenti.
5.26. Bidla fl-abbozzar: Żona ġeografika
Il-mapep taż-żona ġeografika ipprovduti fit-Taqsima C (Żona ġeografika) tal-Ispeċifikazzjoni tal-Prodott preċedenti u l-lista tad-dokumenti ta’ referenza relatati ma’ dik it-taqsima tħassru.
5.27. Bidla fl-abbozzar: Rabta
Saru bidliet fit-Taqsima D tal-verżjoni preċedenti tal-Ispeċifikazzjoni tal-Prodott (Oriġini tal-prodott b’rabta maż-żona ġeografika), li qassru l-kontenut filwaqt li żammew id-dettalji storiċi essenzjali. Din l-informazzjoni issa tinstab fl-Artikolu 6 (Rabta mal-ambjent).
5.28. Bidla fl-abbozzar: metodu ta’ produzzjoni
L-informazzjoni dwar l-istadji differenti tal-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) issa tinstab fl-Artikolu 5.4 (Passi fl-ipproċessar tal-“Prosciutto di San Daniele”) u ġiet emendata biex tinkludi lista tal-passi differenti involuti fil-proċess tal-produzzjoni tal-“Prosciutto di San Daniele”, li issa jinkludu wkoll il-proċessi tal-“ittimbrar bid-data tal-bidu tal-preservazzjoni” u l-“immarkar bil-logo”, li diġà kienu previsti fil-verżjoni preċedenti. It-terminu Taljan li jintuża biex jirreferi għall-istadju tad-dendil tal-prieżet biex jinxfu inbidel minn stagionatura (“tqaddim” jew “maturazzjoni”) għal affinamento (“irfinar”) sabiex dan il-pass fl-ipproċessar jiġi identifikat b’mod preċiż mingħajr ebda ambigwità.
5.29. Bidla mhux essenzjali: Metodu ta’ produzzjoni
L-informazzjoni dwar l-istadji tat-twarrib, tat-tkessiħ u tat-tirqim fil-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Twarrib, tkessiħ u tirqim) u ġiet emendata kif deskritt hawn taħt.
Il-limitu massimu ta’ żmien għall-konsenja tas-saqajn tal-majjal mill-biċċerija għall-faċilità tal-preservazzjoni nbidel minn “120 siegħa” għall-“ħamest ijiem” ekwivalenti.
It-tqegħid tas-saqajn tal-majjal f’maħżen kiesaħ qabel il-preservazzjoni sar fakultattiv. Din l-emenda tqis it-titjib fil-prestazzjoni tat-tagħmir tat-tkessiħ fil-biċċeriji u fil-vetturi.
Il-possibbiltà tat-tirqim mill-ġdid ta’ perżut mirqum issa ġiet magħmula espliċita. Dan il-proċess ma jbiddilx il-karatteristiċi tal-prodott lest.
Ġiet introdotta regola li biha l-faċilitajiet tal-preservazzjoni rreġistrati fis-sistema ta’ kontroll huma pprojbiti milli jaħdmu bis-saqajn tal-majjal bit-trotter li jkun għadu mwaħħal li ma jkunux ġew approvati għall-proċess tal-produzzjoni tal-perżut tad-DOP. Din il-miżura hija meħtieġa biex tiġi żgurata separazzjoni ċara bejn il-“Prosciutto di San Daniele” u prodotti simili oħra fil-faċilitajiet tal-produzzjoni biex jiġi ffaċilitat it-traċċar immirat lejn il-prevenzjoni tal-użu frawdolenti tad-DOP.
5.30. Bidla mhux essenzjali: Metodu ta’ produzzjoni
L-informazzjoni dwar l-istadji tat-tmelliħ u tal-ippressar fil-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Tmelliħ u ppressar) u ġiet emendata kif deskritt hawn taħt. L-ebda waħda minn dawn il-bidliet ma taffettwa l-kwalitajiet tal-prodott lest.
L-emenda tintroduċi l-possibbiltà ta’ perjodu iqsar ta’ tmelliħ minn “jum għal kull kilogramma ta’ piż” meta l-preservatur ewlieni, abbażi tal-esperjenza taż-żminijiet attwali ta’ tmelliħ/tneħħija tal-melħ jew il-kontenut ta’ ndewwa jew il-piż tas-saqajn tal-majjal, iqis li l-istadju tat-tmelliħ dam biżżejjed biex jagħti lill-perżut il-karatteristiċi tipiċi tal-“Prosciutto di San Daniele”.
Ir-referenza ġenerika għal “indewwa għolja” ġiet issostitwita bl-ispeċifikazzjoni li l-indewwa trid tkun “mill-inqas 65 %”.
Il-medda tat-temperatura żdiedet minn “0-3 °C” għal “0-5 °C” minħabba li l-valuri preċedenti kienu restrittivi ħafna u setgħu jiġu miksura meta wieħed jidħol fil-maħżen kiesaħ. Dan ma jaffettwax it-temperatura attwali tas-saqajn tal-majjal.
Ir-ripetizzjoni tal-immassaġġjar u l-ippressar tal-laħam ma għadhiex trid issir “f’nofs il-perjodu ta’ tmelliħ stabbilit minn qabel”, peress li dan ir-rekwiżit li l-immassaġġjar isir fin-nofs eżatt tal-perjodu ta’ tmelliħ huwa diffiċli li jiġi osservat u ma huwiex iġġustifikat mil-lat tekniku. L-ippressar issa jista’ jsir billi jiġu mmassaġġjati s-saqajn tal-majjal diversi drabi u/jew billi tiġi applikata pressjoni kostanti; din l-għażla titħalla għad-diskrezzjoni tal-“preservatur ewlieni”, li, mill-esperjenza, jista’ jkejjel l-aħjar metodu abbażi tal-karatteristiċi tal-prodott.
Fl-interess taċ-ċarezza, ġew speċifikati l-kundizzjonijiet ta’ ndewwa u tat-temperatura għall-imħażen kesħin li fihom issir l-ippressar.
5.31. Bidla mhux essenzjali: Metodu ta’ produzzjoni
L-informazzjoni dwar l-istadju tal-mistrieħ fil-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Mistrieħ, tindif u żieda fit-temperatura) u ġiet emendata kif deskritt hawn taħt.
Il-perjodu minimu ta’ mistrieħ żdied minn 60 għal 75 jum. Din l-emenda hija meħtieġa minħabba li qed jintużaw saqajn friski tal-majjal aktar tqal.
Il-perjodu ta’ mistrieħ ma għadux limitat għal 90 jum. Din l-emenda hija meħtieġa biex tippermetti lill-“preservatur ewlieni”, jiddeċiedi mill-esperjenza, meta għandu jtemm il-perjodu ta’ mistrieħ abbażi tal-karatteristiċi speċifiċi tas-saqajn tal-majjal.
Il-limiti minimi u massimi ta’ ndewwa applikabbli għall-kamra li fiha jseħħ il-mistrieħ inbidlu minn 70 % għal 45 % u minn 80 % għal 90 % rispettivament, u t-temperatura minima f’dik il-kamra nbidlet minn 4 °C għal 1 °C. Din il-bidla ma taffettwax il-karatteristiċi tal-prodott lest; din għandha l-għan li tottimizza l-proċess tat-tnixxif u tipprevjeni d-dehra ta’ difetti.
5.32. Bidla mhux essenzjali: Metodu ta’ produzzjoni
L-informazzjoni dwar l-istadju tal-ħasil fil-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Ħasil) u ġiet emendata kif deskritt hawn taħt.
Din l-emenda tipprovdi definizzjoni preċiża tal-istadju tat-“temperatura dejjem tiżdied” li jiġi qabel il-ħasil, minħabba li huwa importanti ħafna li t-temperatura tal-prodott tiżdied gradwalment qabel ma jinħasel.
Il-possibbiltà li jintużaw l-ixkupilji għall-ħasil tneħħiet minħabba li dawn ma jistgħux jibqgħu jintużaw għal raġunijiet ta’ iġjene. Għal din l-istess raġuni, il-ħasil ma għadux strettament obbligatorju.
5.33. Bidla mhux essenzjali: Metodu ta’ produzzjoni
L-informazzjoni dwar l-istadju tat-tnixxif tal-prieżet li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Tnixxif u preparazzjoni għad-dendil biex jinxef) u ġiet emendata kif deskritt hawn taħt.
It-test ma għadux jistabbilixxi limiti fuq il-perċentwal tal-indewwa, it-temperatura jew id-durata tal-istadju tat-tnixxif, minflok dan jitħalla għall-ġudizzju attent tal-“preservatur ewlieni”. Dan il-fattur uman tradizzjonali huwa kruċjali fl-ipproċessar tipiku tal-“Prosciutto di San Daniele”.
It-terminu Taljan użat għall-pass li fih il-prieżet jiġu mħejjija biex jiddendlu biex jinxfu nbidel minn prestagionatura għal pre-affinamento minħabba li stagionatura – u għalhekk anke prestagionatura – jista’ joħloq konfużjoni u nuqqas ta’ ftehim.
Il-firxa ta’ temperaturi li fihom il-perżut jitħejja biex jiddendel u jinxef (l-istadju tal-pre-affinamento) ġiet estiża minn “12 °C – 14 °C inizjalment u 14 °C – 19 °C fl-aħħar” għal “11 °C – 20 °C”. Din l-emenda tissimplifika aspett tekniku, mingħajr ebda impatt fuq il-karatteristiċi tal-prodott lest.
5.34. Bidla mhux essenzjali: Metodu ta’ produzzjoni
L-informazzjoni dwar l-istadju tad-dendil tal-prieżet biex jinxfu fil-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) u fil-punt 5.3 tad-Dokument Uniku, issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Id-dendil biex jinxef u l-illardjar) u ġiet emendata kif deskritt hawn taħt.
It-terminu Taljan użat biex jirreferi għall-istadju tad-dendil tal-prieżet biex jinxfu nbidel minn stagionatura għal affinamento minħabba li tal-ewwel jista’ jikkawża konfużjoni u nuqqas ta’ ftehim.
Ir-regola li tispeċifika kif il-prieżet għandhom jitqiegħdu fir-rigward tat-twieqi tħassret, peress li ċ-ċirkolazzjoni tal-arja fil-kmamar tal-preservazzjoni tiżgura li l-prieżet kollha jinxfu gradwalment, u b’hekk jinkiseb l-istess riżultat. Din l-emenda saret ukoll f’5.3 tad-Dokument Uniku. Ir-referenza għat-tip ta’ sistemi ta’ arja kondizzjonata li jistgħu jintużaw fil-faċilitajiet tal-produzzjoni nbidlet biex tingħata definizzjoni aktar xierqa.
It-test ma għadux jiddikjara li dan l-istadju “normalment jieħu tmien xhur” minħabba li din hija dikjarazzjoni ġenerika. Iż-żmien minimu l-ġdid tal-ipproċessar huwa ta’ 400 jum, ekwivalenti għal 13-il xahar u erbat ijiem, inkluż l-istadju msemmi qabel li l-prieżet jiġu mdendla biex jinxfu, li xorta jdum madwar tmien xhur.
Il-prieżet issa jistgħu jiġu llardjati aktar minn darbtejn: l-illardjar jikkontribwixxi għall-iżvilupp u ż-żamma tal-karatteristiċi tal-kwalità li huma tipiċi tal-“Prosciutto di San Daniele”, iżommu artab u jipprevjeni milli tifforma qoxra fuq il-wiċċ.
Fl-interess tas-saħħa u tal-iġjene, it-test issa jispeċifika li l-ħasil jista’ jsir biss qabel id-dissussar.
Id-dikjarazzjoni li “l-proċessi kollha ta’ tnixxif artifiċjali” huma pprojbiti tneħħiet minħabba li kienet ġenerika u mhux ċara.
5.35. Bidla essenzjali: Metodu ta’ produzzjoni
L-informazzjoni dwar it-tul tal-proċess tal-produzzjoni li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) u fil-punt 3.2 tad-Dokument Uniku issa tinstab fl-Artikoli 2 (Deskrizzjoni tal-prodott) u 5.4 (Passi fl-ipproċessar tal-“Prosciutto di San Daniele” – Immarkar bil-logo) u ġiet emendata kif deskritt hawn taħt.
Din l-emenda żżid iż-żmien minimu tal-ipproċessar minn 12-il xahar għal “mhux inqas minn 400 jum”. Din il-bidla kienet meħtieġa minħabba li l-użu ta’ saqajn friski tal-majjal aktar tqal jeħtieġ żmien minimu itwal ta’ preservazzjoni biex jiġi żgurat li dawn jinxfu kif suppost. Barra minn hekk, il-perjodi itwal ta’ preservazzjoni jkomplu jtejbu l-karatteristiċi organolettiċi tal-“Prosciutto di San Daniele”.
Għal dawn ir-raġunijiet, tneħħiet il-possibbiltà li jitnaqqas il-perjodu minimu ta’ pproċessar għas-saqajn li jkunu ftit aktar mill-piż minimu permess.
Il-perjodu minimu ta’ preservazzjoni issa huwa speċifikat ukoll bħala karatteristika tal-prodott taħt il-punt 3.2 tad-Dokument Uniku.
5.36. Bidla mhux essenzjali: Metodu ta’ produzzjoni
L-informazzjoni dwar il-proċess tal-immarkar tal-prieżet bil-logo li tinsab fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) u fil-punti 3.2 u 3.6 tad-Dokument Uniku issa tinstab fl-Artikolu 5.4 (Passi fl-ipproċessar tal-“Prosciutto di San Daniele” – Immarkar bil-logo) u ġiet emendata kif deskritt hawn taħt.
It-test issa jagħti deskrizzjoni tal-għażliet ta’ mmarkar, billi jiddikjara li perżuta tista’ tiġi mmarkata aktar minn darba, u jagħti speċifikazzjonijiet għal-logo. L-emenda tejbet id-deskrizzjoni tal-logo tal-“Prosciutto di San Daniele”, li, fil-każ ta’ prieżet f’porzjonijiet, irid jiġi mmarkat fuq kull porzjon.
Għall-finijiet tat-traċċar u tar-rintraċċabbiltà tal-“Prosciutto di San Daniele”, ir-referenza għall-kodiċi ta’ identifikazzjoni fuq il-logo issa hija aktar ċara: dan irid jidentifika l-produttur li jkun lesta l-proċess tal-produzzjoni.
Il-logo mmarkat fuq il-prieżet issa jista’ jinkludi marki ta’ identifikazzjoni addizzjonali żgħar li ma jbiddlux id-dehra tal-kompożizzjoni ġenerali tal-logo iżda jippermettu li dan jiġi identifikat bħala marka oriġinali magħmula bl-użu ta’ ħadida tal-immarkar iċċertifikata u mhux kopja frawdolenti.
Kif diġà kien il-każ fil-verżjoni preċedenti tal-Ispeċifikazzjoni tal-Prodott, l-Assoċjazzjoni, bħala sidt il-ħadidiet tal-immarkar, tippermetti lil kwalunkwe produttur irreġistrat mas-sistema ta’ kontroll tad-DOP li jissodisfa r-rekwiżiti tal-Ispeċifikazzjoni tal-Prodott tal-“Prosciutto di San Daniele” – irrispettivament minn jekk dak il-produttur jagħmilx parti mill-assoċjazzjoni nnifisha – li juża dawk il-ħadidiet biex jiċċertifika l-prodott tad-DOP.
Żdiedet il-possibbiltà li jintużaw mezzi oħra ta’ identifikazzjoni minbarra jew minflok l-immarkar biex jitqiesu l-iżviluppi fit-teknoloġija. Din id-dispożizzjoni żdiedet ukoll fil-punt 3.2 u 3.6 tad-Dokument Uniku.
5.37. Bidla fl-abbozzar: Kontroll
Ir-referenzi għall-kontroll tal-faċilitajiet tal-preservazzjoni li jinsabu fit-Taqsima E tal-verżjoni preċedenti tal-Ispeċifikazzjoni tal-Prodott (Metodu ta’ produzzjoni) tneħħew.
5.38. Bidla mhux essenzjali: Kontroll
L-informazzjoni dwar it-trasferimenti tal-prieżet matul il-proċess tal-preservazzjoni pprovduta fit-taqsima E tal-verżjoni preċedenti tal-Ispeċifikazzjoni tal-Prodott (Metodu ta’ produzzjoni) issa tinstab fl-Artikolu 5.5 (It-trasferiment tal-prieżet waqt il-preservazzjoni) u ġiet emendata permezz ta’ abbozzar mill-ġdid tal-parti dwar it-trasferiment tal-prieżet qabel ma jkunu għaddew 180 jum. Din il-bidla ttejjeb iċ-ċarezza iżda ma tbiddilx it-tifsira.
5.39. Bidla mhux essenzjali: Tikkettar
Id-dettalji dwar kif ir-rintraċċabbiltà hija ggarantita mill-bidu tal-proċess ta’ preservazzjoni li jinsabu fit-taqsima E tal-Ispeċifikazzjoni tal-Prodott preċedenti (Metodu ta’ produzzjoni) u l-punt 3.6 tad-Dokument Uniku issa jinstabu fl-Artikolu 5.4 (Passi fl-ipproċessar tal-“Prosciutto di San Daniele” – Ittimbrar bid-data tal-bidu tal-preservazzjoni) u ġew emendati biex jagħtu deskrizzjoni mtejba tar-rekwiżiti tat-timbru tad-data tal-bidu tal-preservazzjoni.
It-timbri użati għall-immarkar tal-prieżet ma għadhomx meħtieġa li jkun fihom l-akronimu “D.O.T.”, li kien ifisser terminu li ma għadux jintuża, jiġifieri Denominazione di Origine Tutelata (“Denominazzjoni ta’ Oriġini Mħarsa”). Minflok, għandu jintuża l-akronimu “P.S.D.” – “Prosciutto di San Daniele” – peress li dan jirreferi għad-denominazzjoni ta’ oriġini protetta li ġiet irreġistrata. Sabiex jittejbu t-traċċar u r-rintraċċabbiltà tal-“Prosciutto di San Daniele”, it-timbru tad-data tal-bidu tal-preservazzjoni jrid jiddikjara wkoll in-numru tal-lott tal-prodott.
Żdiedet il-possibbiltà li jintużaw mezzi oħra ta’ identifikazzjoni minbarra jew minflok it-timbru tad-data tal-bidu tal-preservazzjoni biex jitqiesu l-iżviluppi fit-teknoloġija.
Ir-referenza għall-ittimbrar tas-saqajn friski tal-majjal tneħħiet mill-punt 3.6 tad-Dokument Uniku peress li dan jirrigwarda l-kontrolli u s-sistema ta’ traċċabbiltà u mhux it-tikkettar.
5.40. Bidla fl-abbozzar: Prova tal-oriġini
L-informazzjoni dwar il-proċeduri ta’ kontroll relatati mat-timbri tad-data tal-bidu tal-preservazzjoni u l-logos immarkati fuq il-prieżet li kienet tifforma parti mit-taqsima E tal-Ispeċifikazzjoni tal-Prodott (Metodu ta’ produzzjoni) issa tinstab fl-Artikolu 4 (Prova tal-oriġini).
Il-lista tad-dokumenti ta’ referenza relatati mat-Taqsima E tal-Ispeċifikazzjoni tal-Prodott tħassret.
5.41. Bidla fl-abbozzar: Rabta
Saru bidliet fl-informazzjoni fit-taqsima F tal-verżjoni preċedenti tal-Ispeċifikazzjoni tal-Prodott (Rabta mal-ambjent ġeografiku) u fil-punt 5 tad-Dokument Uniku. Verżjoni emendata ta’ din l-informazzjoni, li żżomm biss il-kontenut li juri r-rabta mat-territorju, issa tinstab fl-Artikolu 6 (Rabta mal-ambjent). F’din il-verżjoni mqassra, ma sar l-ebda tibdil fl-elementi ewlenin li juru r-rabta bejn il-“Prosciutto di San Daniele” u ż-żona ġeografika. Bl-istess mod, il-punt 5 tad-Dokument Uniku nkiteb mill-ġdid, b’mod li jippreżenta l-informazzjoni ewlenija aktar fil-qosor u jinkludi referenza għall-elementi tradizzjonali li jagħmlu t-tekniki tal-ħnieżer u tal-produzzjoni tal-perżut uniċi.
5.42. Bidla fl-abbozzar: Kontroll
Saru bidliet fit-taqsima G tal-verżjoni preċedenti tal-Ispeċifikazzjoni tal-Prodott (Struttura ta’ spezzjoni skont l-Artikolu 10 tar-Regolament tal-Kunsill (KEE) Nru 2081/92). Din l-informazzjoni issa tinstab fl-Artikolu 4 (Prova tal-oriġini) u 7 (Kontroll). L-informazzjoni dwar il-korp ta’ kontroll ġiet aġġornata.
5.43. Bidla fl-abbozzar: tikkettar
L-informazzjoni dwar is-sekwenza tas-simboli li jidentifikaw il-materja prima u l-prodott lest matul l-ipproċessar li tinsab fit-taqsima H tal-verżjoni preċedenti tal-Ispeċifikazzjoni tal-Prodott (Informazzjoni speċifika dwar it-tikkettar marbuta mat-terminu “DOP” u termini nazzjonali ekwivalenti – minn hawn ’il quddiem imqassra għal Tikkettar) u fil-punt 3.6 tad-Dokument Uniku issa tinstab fl-Artikoli 5 (Metodu ta’ produzzjoni tal-“Prosciutto di San Daniele”) u 8 (Preżentazzjoni, kummerċjalizzazzjoni u tikkettar). Dan il-kontenut ġie emendat biex jagħti deskrizzjoni dettaljata tas-simboli u l-marki użati għall-identifikazzjoni tal-“Prosciutto di San Daniele”, skont l-ordni kronoloġiku tal-ipproċessar. Din l-informazzjoni tneħħiet mill-punt 3.6 tad-Dokument Uniku peress li hija relatata mal-kontrolli u mar-rintraċċabbiltà u mhux mat-tikkettar. Dawn l-emendi għandhom l-għan li jtejbu s-sistema ta’ traċċar u rintraċċabbiltà tal-“Prosciutto di San Daniele”.
5.44. Bidla mhux essenzjali: Tikkettar
L-informazzjoni dwar il-preżenza tal-logo fuq il-formati differenti kollha ta’ preżentazzjoni li jinsabu fit-taqsima H tal-verżjoni preċedenti tal-Ispeċifikazzjoni tal-Prodott (Tikkettar) u fil-punti 3.2 u 3.6 tad-Dokument Uniku issa tinstab fl-Artikolu 8 (Preżentazzjoni, kummerċjalizzazzjoni u tikkettar) u ġiet emendata kif deskritt hawn taħt.
It-test issa jispeċifika fid-dettall kif għandhom jiġu ppreżentati u kkummerċjalizzati l-formati differenti tal-“Prosciutto di San Daniele”. Issa jagħti dettalji wkoll dwar kif għandhom jintwerew l-isem tal-prodott u l-immaġni tal-logo, kif ukoll jispeċifika informazzjoni obbligatorja dwar it-tikkettar għall-formati differenti ta’ preżentazzjoni.
It-test issa jispeċifika l-elementi ta’ identifikazzjoni li dejjem iridu jinżammu fuq il-“Prosciutto di San Daniele” bl-għadma u mingħajr għadma, fl-interessi tat-traċċar u tar-rintraċċabbiltà u biex tiġi evitata t-tneħħija tagħhom fl-istadju tal-kummerċjalizzazzjoni.
It-test issa jiddeskrivi b’mod ċar kif għandu jiġi kkalkolat it-tul tal-perjodu tal-preservazzjoni (f’xhur) għall-perżut bl-għadma u mingħajr għadma. Din l-emenda hija meħtieġa biex jiġi żgurat li kwalunkwe operatur jew awtorità superviżorja tikkalkula l-perjodu tal-preservazzjoni b’mod korrett u mingħajr ambigwità.
Ġie speċifikat li meta l-“Prosciutto di San Daniele” jinbiegħ fi flieli ppakkjati minn qabel, dan irid jiġi dissussat fiż-żona ġeografika ddefinita. L-uniċi għanijiet ta’ dan ir-rekwiżit huma li tiġi ppreservata l-kwalità tal-prodott fi flieli ppakkjat minn qabel u li tiġi evitata l-frodi. Dan diġà kien indirettament implikat fit-Taqsima C tal-verżjoni preċedenti tal-Ispeċifikazzjoni tal-Prodott, li kienet tgħid li l-faċilitajiet tat-tqattigħ iridu jkunu fiż-żona tal-produzzjoni u li l-operazzjonijiet kollha li għandhom jitwettqu minn tali faċilitajiet kellhom jitwettqu fiż-żona ġeografika ddefinita.
Issa huwa speċifikat li, qabel it-tqattigħ, il-perżut mingħajr għadma jista’ jitkessaħ għal inqas minn 0 °C minħabba li dan jgħin biex jiġu ppreservati l-karatteristiċi tipiċi tal-“Prosciutto di San Daniele” u biex jiġi evitat li joħorġu difetti waqt it-tqattigħ u l-ippakkjar.
L-ispeċifikazzjonijiet tal-logo issa huma deskritti b’mod preċiż u murija b’immaġni tal-logo nnifsu. Din l-emenda tiċċara aktar din l-informazzjoni, li hija meħtieġa għar-rappreżentazzjoni korretta tal-immaġnijiet. Il-punt 3.6 tad-Dokument Uniku ġie rivedut ukoll biex jinkludi l-immaġni tal-logo.
Issa huwa speċifikat li l-isem “Prosciutto di San Daniele” għandu jitħalla bit-Taljan biex jiġi żgurat li l-prodott ikun rikonoxxut minnufih fi kwalunkwe post fid-dinja.
5.45. Bidla fl-abbozzar: Kontroll
L-informazzjoni dwar il-kontrolli fis-seħħ għall-ħadidiet tal-immarkar, l-importanza tal-logos għall-prodott lest, u l-ksur tar-regoli li tinsab fit-taqsima H tal-verżjoni preċedenti tal-Ispeċifikazzjoni tal-Prodott (Tikkettar) issa tinstab fl-Artikoli 5.4 (Passi fl-ipproċessar tal-“Prosciutto di San Daniele” – Immarkar bil-logo) u 8.2 (Riproduzzjoni tal-logo u użu tad-denominazzjoni). Din l-informazzjoni jew tħalliet l-istess jew ġiet emendata biex jiġu eliminati dettalji irrilevanti għall-Ispeċifikazzjoni tal-Prodott.
5.46. Bidla fl-abbozzar: Tikkettar
L-informazzjoni dwar is-simboli tar-rintraċċabbiltà ttimbrati fuq il-laħam fil-biċċerija u fil-faċilità tal-preservazzjoni li tinsab fit-taqsima H tal-verżjoni preċedenti tal-Ispeċifikazzjoni tal-Prodott (Tikkettar) issa tinstab fl-Artikoli 5.3 (Tbiċċir u tqattigħ) u 5.4 (Passi fl-ipproċessar tal-“Prosciutto di San Daniele”) u ġiet strutturata mill-ġdid fl-ordni tal-passi differenti tal-ipproċessar, mingħajr ma nbidel il-kontenut.
5.47. Bidla mhux essenzjali: Tikkettar
L-informazzjoni dwar it-tikkettar tal-“Prosciutto di San Daniele” bl-għadma, mingħajr għadma u ppakkjat minn qabel, li tinsab fit-taqsima H tal-verżjoni preċedenti tal-Ispeċifikazzjoni tal-Prodott (Tikkettar) u fil-punt 3.6 tad-Dokument Uniku issa tinstab fl-Artikolu 8.3 (Tikkettar) u ġiet emendata kif deskritt hawn taħt.
Għall-formati kollha użati għall-bejgħ tal-“Prosciutto di San Daniele”, l-informazzjoni dwar it-tikkettar ġiet riveduta sabiex tiġi standardizzata l-preżentazzjoni tat-tikketta fis-suq u tgħin biex il-prodott isir aktar rikonoxxibbli.
Il-punt 3.6 tad-Dokument Uniku ġie emendat u issa fih sommarju tar-rekwiżiti ewlenin tat-tikkettar.
5.48. Bidla fl-abbozzar: Tikkettar
Id-dettalji tal-informazzjoni addizzjonali fit-tikkettar mit-taqsima H tal-verżjoni preċedenti tal-Ispeċifikazzjoni tal-Prodott (Tikkettar) issa jinsabu fl-Artikolu 8.3 (Tikkettar) u ġew emendati, billi nżammu l-kunċetti stabbiliti fil-verżjoni preċedenti tal-Ispeċifikazzjoni tal-Prodott iżda b’distinzjoni aktar ċara bejn it-termini li jistgħu jintużaw u li ma jistgħux jintużaw u bl-eliminazzjoni ta’ kontenut irrilevanti.
5.49. Bidla fl-abbozzar
It-Taqsima I tal-Ispeċifikazzjoni tal-Prodott preċedenti (Kundizzjonijiet skont il-leġiżlazzjoni nazzjonali li għandhom jiġu rrispettati) tħassret.
5.50. Bidla fl-abbozzar
L-annessi tal-Ispeċifikazzjoni tal-Prodott (“Direttiva 14/1992”, “DAR 03/04 tad-9 ta’ Novembru 2004” u Tariffi tas-sħubija, tariffi ordinarji u titjib ordinarju”) tħassru.
DOKUMENT UNIKU
“Prosciutto di San Daniele”
Nru tal-UE: PDO-IT-0065-AM01 – 24.4.2020
PDO (X) IĠP ( )
1. Isem
“Prosciutto di San Daniele”
2. Stat membru jew pajjiż terz
L-Italja
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott [elenkat fl-Anness XI]
Klassi 1.2: Prodotti tal-laħam (imsajra, immellħa, affumikati, eċċ.)
3.2. Deskrizzjoni tal-prodott
Il-“Prosciutto di San Daniele” huwa prosciutto crudo li jkun ġie mmellaħ u ppreservat fin-niexef għal mill-inqas 400 jum mid-data tal-bidu tal-preservazzjoni. Il-“Prosciutto di San Daniele” għandu forma karatteristika ta’ kitarra u jinkludi l-parti distali tar-riġel (trotter). “Prosciutto di San Daniele” sħiħ bl-għadma ma għandux ikun jiżen inqas minn 8,3 kg u lanqas iktar minn 12,8 kg. Il-laħam huwa tari u x-xaħam huwa abjad u fi proporzjon tajjeb mad-dgħif, li huwa aħmar u roża b’xi vini ta’ xaħam. Għandu togħma delikata, b’bilanċ tajjeb ta’ togħma kompluta u b’togħma ta’ wara aktar qawwija. Għandu aroma tfuħ ta’ perżut ippreservat minħabba ż-żmien twil ta’ preservazzjoni.
Il-karatteristiċi fiżiċi u kimiċi tal-“Prosciutto di San Daniele”, kif ittestjati fuq il-biceps femoris qabel ma l-perżut jiġi mmarkat bil-logo, huma kif ġej:
— |
kontenut ta’ ndewwa mhux inqas minn 57,0 % jew aktar minn 63,0 %; |
— |
kontenut ta’ melħ (klorur tas-sodju) mhux inqas minn 4,3 % jew aktar minn 6,0 %; |
— |
indiċi tal-proteolisi ta’ mhux aktar minn 31 %; |
— |
attività tal-ilma (aw) li ma taqbiżx iż-0,930. |
Il-“Prosciutto di San Daniele” jista’ jinbiegħ sħiħ bl-għadma jew mingħajr għadma, u jista’ jinqata’ wkoll f’porzjonijiet ta’ forom u piżijiet differenti. Irrispettivament mill-format, il-perżut irid ikollu logo fuq il-ġilda u/jew mezz ieħor ta’ identifikazzjoni li jiżgura jew jiggarantixxi li l-materja prima u l-prieżet ikunu traċċabbli u rintraċċabbli.
Il-“Prosciutto di San Daniele” jinbiegħ ukoll bħala perżut imqatta’ ppakkjat minn qabel. Għall-perżut li jrid jitqatta’ u jiġi ppakkjat, il-perjodu minimu ta’ preservazzjoni huwa ta’ 430 jum, il-kontenut ta’ ndewwa huwa limitat għal 62,0 % u l-attività tal-ilma (aw) ma tistax taqbeż iż-0,920.
3.3. Għalf u materja prima
Is-saqajn friski tal-majjal li jintużaw għall-produzzjoni tal-“Prosciutto di San Daniele” iridu joriġinaw fiż-żona tat-trobbija tal-ħnieżer definita fil-punt 4 u jiġu mill-wild ta’:
a) |
fħula tar-razez tradizzjonali Bajda Kbira Taljana, Landrace Taljana u Duroc Taljana, kif imtejba mill-Ktieb tal-Merħla Taljana, jew ta’ razza pura jew inkroċjati bejniethom, u majjali nisa tar-razez tradizzjonali Bajda Kbira Taljana u Landrace Taljana, jew ta’ razza pura jew inkroċjati bejniethom; |
b) |
fħula tar-razez tradizzjonali msemmija f’a) u majjali nisa inkroċjati jew majjali nisa ta’ tipi ġenetiċi oħra sakemm dawn jiġu mrobbija taħt skemi ta’ għażla u/jew ta’ inkroċjar tar-razez li jinvolvu r-razez Bajda Kbira, Landrace jew Duroc għall-produzzjoni ta’ ħnieżer tqal, li l-għanijiet tagħhom huma kompatibbli ma’ dawk tal-Ktieb tal-Merħla Taljana; |
c) |
fħula u majjali nisa ta’ tipi ġenetiċi oħra sakemm dawn jiġu mrobbija taħt skemi ta’ għażla u/jew ta’ inkroċjar tar-razez li jinvolvu r-razez Bajda Kbira, Landrace jew Duroc għall-produzzjoni ta’ ħnieżer tqal, li l-għanijiet tagħhom huma kompatibbli ma’ dawk tal-Ktieb tal-Merħla Taljana; |
d) |
fħula tat-tipi ġenetiċi l-oħra msemmija f’c), u majjali nisa tar-razez tradizzjonali msemmija f’a). |
Is-saqajn friski tal-majjal użati biex isir il-prodott ma jistgħux jiġu minn:
— |
ħnieżer b’karatteristiċi mhux favorevoli, b’mod partikolari s-suxxettibbiltà għall-istress (PSS); |
— |
fħula jew majjali nisa. |
L-għalf tal-ħnieżer irid joriġina fiż-żona ġeografika li fiha jitrabbew. Madankollu, f’ċerti snin jista’ jkun teknikament impossibbli li l-materjali tal-għalf kollha jinkisbu lokalment għal raġunijiet relatati mal-klima jew għal raġunijiet kummerċjali, f’liema każ ir-rabta maż-żona lokali trid tiġi ggarantita, f’konformità mal-Artikolu 1 tar-Regolament (UE) Nru 664/2014, billi jiġi żgurat li mill-inqas 50 % tal-konsum annwali ta’ materja niexfa tal-ħnieżer jiġi miż-żona ġeografika li fiha jitrabbew. L-għalf jista’ jingħata kemm f’forma likwida kif ukoll f’forma xotta.
Id-dieta li tingħata lill-ħnieżer tal-ħalib għandha tikkonsisti mill-materja prima permessa mil-leġiżlazzjoni attwali tal-UE dwar l-għalf tal-bhejjem. Id-dieta tal-ħnieżer tista’ tiġi ssupplimentata b’vitamini, minerali u amminoaċidi, u jistgħu jintużaw addittivi skont il-leġiżlazzjoni attwali.
Il-materja prima li ġejja hija permessa fl-istadju tat-tkabbir: qamħirrum (sa 65 % tal-konsum ta’ materja niexfa); sorgu, xgħir, qamħ, tritikal, dqiq taż-żerriegħa tal-qamħirrum u/jew taħlita tal-qamħirrum (sa 55 % tal-konsum ta’ materja niexfa); ċereali żgħar, ċiċri (sa 25 % tal-konsum ta’ materja niexfa); dqiq tas-sbula sħiħa tal-qamħirrum, nuħħala tal-qamħ u prodotti sekondarji oħra tal-ipproċessar tal-qamħ, prodotti miksuba waqt l-estrazzjoni tal-fażola tas-sojja (sa 20 % tal-konsum ta’ materja niexfa); silaġġ tal-qamħirrum, dqiq tal-glutina tal-qamħirrum jew għalf tal-glutina tal-qamħirrum, polpa tal-pitravi disidratati, prodotti miksuba waqt l-estrazzjoni taż-żrieragħ tal-ġirasol, pasta taż-żerriegħa tal-lift, żerriegħa ta’ legumi oħra, fażola tas-sojja sħiħa mixwija u/jew espellent tas-sojja (sa 10 % tal-konsum ta’ materja niexfa); pasta tar-raħs tal-qamħirrum, melassa (sa 5 % tal-konsum ta’ materja niexfa); nifel (imnixxef f’temperatura għolja) (sa 4 % tal-konsum ta’ materja niexfa); ħbub imnixxfa tad-distillaturi u sustanzi li jinħallu (sa 3 % tal-konsum ta’ materja niexfa); polpa tal-frott u polpa tat-tadam (lbieba tat-tadam) bħala trasportaturi tat-taħlitiet lesti minn qabel, espellent tal-kittien, għalf tal-espellent tal-kittien, pasta tal-kittien, għalf tal-pasta tal-kittien, lipidi b’punt tat-tidwib ta’ aktar minn 36 °C, ħmira (sa 2 % tal-konsum ta’ materja niexfa); frakass tal-fdal tal-ħut (sa 1 % tal-konsum ta’ materja niexfa); xorrox (sa 15 l għal kull ħanżir kuljum); u xorrox tal-butir (sa 250 g tal-konsum ta’ materja niexfa għal kull ħanżir kuljum).
Il-kriterji li ġejjin iridu jitqiesu wkoll fl-istadju tat-tkabbir: id-dieta tista’ tiġi ssupplimentata b’vitamini u minerali, u jistgħu jintużaw addittivi f’konformità mal-leġiżlazzjoni attwali tal-UE; sabiex tiġi żgurata kopertura tax-xaħam ta’ kwalità tajba, il-kontenut tal-aċidu linoleiku huwa limitat għal 2 % tal-konsum ta’ materja niexfa u x-xaħam huwa limitat għal 5 % tal-konsum ta’ materja niexfa; u ċ-ċereali jridu jkunu tal-anqas 45 % tal-konsum globali ta’ materja niexfa.
L-istess regoli għall-istadju tat-tkabbir japplikaw ukoll fl-istadju tal-irfinar, bl-eċċezzjonijiet li ġejjin: iċ-ċereali jridu jammontaw għal mill-inqas 55 % tal-konsum globali ta’ materja niexfa u l-ħnieżer li jkunu fil-fażi tal-irfinar ma jistgħux jingħataw frakass tal-fdal tal-ħut jew żerriegħa sħiħa tas-sojja mixwija u/jew espellent tas-sojja.
Is-saqajn tal-majjal li jintużaw fil-produzzjoni tal-“Prosciutto di San Daniele” iridu jiġu minn karkassi kklassifikati taħt il-kategorija “H” (tqal) li jiżnu bejn minimu ta’ 110,1 kg u massimu ta’ 168 kg u li jaqgħu taħt il-klassijiet “U”, “R”, jew “O” fuq l-iskala tal-Unjoni Ewropea għall-klassifikazzjoni tal-karkassi tal-majjal. Is-saqajn ma għandhomx jiżnu inqas minn 12,5 kg jew aktar minn 17,5 kg, u dawk maħsuba għal pajjiżi mhux tal-UE li ma jippermettux li t-trotter jitħalla mas-sieq tal-perżut ma jistgħux jiżnu inqas minn 12-il kg jew aktar minn 17-il kg.
Is-saqajn tal-majjal iridu jinqatgħu skont l-istandard stabbilit fl-użu u jkollhom saff estern tax-xaħam li jkun oħxon mill-inqas 17-il mm, inkluża l-ġilda. Dan ix-xaħam irid ikun sod biżżejjed, jiġifieri b’valur ta’ jodju ta’ mhux aktar minn 70 jew b’kontenut ta’ aċidu linoleiku ta’ mhux aktar minn 15 %.
Ma jistgħux jintużaw saqajn minn ħnieżer b’mijopatiji PSE jew DFD evidenti jew b’effetti sekondarji ovvji ta’ kundizzjonijiet infjammatorji u trawmatiċi preċedenti.
Is-saqajn minn ħnieżer maqtula aktar minn ħamest ijiem qabel ma jistgħux jiġu pproċessati f’perżut.
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-passi kollha involuti fil-produzzjoni tal-“Prosciutto di San Daniele”, mit-tirqim tas-saqajn friski tal-majjal sat-tlestija tal-proċess tat-tnixxif, iridu jsiru fiż-żona ta’ produzzjoni identifikata, li tikkonsisti fit-territorju fi ħdan il-konfini amministrattivi tal-muniċipalità ta’ San Daniele del Friuli fil-provinċja ta’ Udine fir-Reġjun Awtonomu ta’ Friuli-Venezia Giulia.
3.5. Regoli speċifiċi dwar it-tqattigħ u l-ippakkjar
Sabiex tiġi ggarantita l-awtentiċità tal-“Prosciutto di San Daniele” mibjugħ bħala flieli ppakkjati minn qabel u b’hekk jiġu protetti l-konsumaturi, it-tqattigħ u l-ippakkjar iridu jsiru fiż-żona ġeografika tal-produzzjoni. Dan huwa meħtieġ biex tiġi ggarantita l-oriġini tal-prodott imqatta’ u ppakkjat minn qabel minħabba li l-perżut imqatta’ ma jibqax ikollu l-marki ta’ identifikazzjoni jidhru fuq il-ġilda tal-“Prosciutto di San Daniele”. Dan jirriżulta wkoll mill-ħtieġa li jiġi żgurat li t-tqattigħ u l-ippakkjar isiru b’mod li jiġu evitati d-deidratazzjoni, l-ossidazzjoni jew kwalunkwe difett fil-karatteristiċi organolettiċi oriġinali tal-“Prosciutto di San Daniele”. Meta jitqatta’ fi flieli l-perżut jitlef il-protezzjoni naturali li tipprovdi l-ġilda u jispiċċa aktar espost għall-ambjent.
3.6. Regoli speċifiċi dwar it-tikkettar
Il-“Prosciutto di San Daniele” irid ikollu logo mmarkat fuq il-ġilda u/jew mezz ieħor ta’ identifikazzjoni li jiżgura jew jiggarantixxi li l-materja prima u l-prieżet ikunu traċċabbli u rintraċċabbli.
Il-logo immarkat fuq il-prieżet huwa kif ġej:
It-tikkettar tal-“Prosciutto di San Daniele” bl-għadma jew mingħajr għadma, kemm jekk jinbiegħ sħiħ jew imqatta’ f’porzjonijiet, irid jinkludi d-dettalji li ġejjin:
— |
“Prosciutto di San Daniele” (bit-Taljan), segwit mill-kliem Denominazione di Origine Protetta (Denominazzjoni ta’ oriġini protetta) jew DOP; |
— |
l-isem jew it-trademark tal-kumpanija u l-indirizz tal-produttur tal-perżut irreġistrat fis-sistema ta’ monitoraġġ li jiffinalizza l-proċess tal-produzzjoni jew jikkumerċjalizza l-perżut. |
L-imballaġġ tal-“Prosciutto di San Daniele” imqatta’ fi flieli jrid jinkludi “Prosciutto di San Daniele” (bit-Taljan) segwiti mill-kliem Denominazione di Origine Protetta jew DOP, il-logo muri hawn fuq, in-numru ta’ identifikazzjoni ta’ min jippakkja, u l-kodiċi ta’ identifikazzjoni, kontroll u ċertifikazzjoni ta’ kull pakkett individwali.
4. Definizzjoni fil-qosor taż-żona ġeografika
Il-“Prosciutto di San Daniele” irid ikun prodott fil-konfini amministrattivi tal-muniċipalità ta’ San Daniele del Friuli fil-provinċja ta’ Udine fir-Reġjun Awtonomu ta’ Friuli-Venezia Giulia.
Il-majjal li jintuża biex minnu jsir il-“Prosciutto di San Daniele” irid jiġi minn ħnieżer li jkunu twieldu, trabbew u nqatlu u l-karkassi tagħhom ikunu tqattgħu fiż-żona ġeografika li tinkludi t-territorju tar-reġjuni li ġejjin: Friuli-Venezia Giulia, Veneto, Lombardia, Piemonte, Emiglia-Romagna, Umbria, Toscana, Marche, Abruzzo u Lazio.
5. Rabta maż-żona ġeografika
5.1. Speċifiċità taż-żona ġeografika
Iż-żona ta’ produzzjoni tal-“Prosciutto di San Daniele” hija l-muniċipalità ta’ San Daniele del Friuli fiċ-ċentru ta’ Friuli, tul ix-xmara Tagliamento, li warajha jibdew l-ewwel għoljiet tal-Prealpi Karniċi.
It-topografija partikolari taż-żona tinteraġixxi ma’ sistema ta’ riħ li fiha, tul il-passaġġ tax-xmara Tagliamento, irjieħ sħan li jitilgħu mill-Baħar Adrijatiku jiltaqgħu ma’ rjieħ aktar kesħin li jinżlu mill-Alpi, fi fluss dritt mill-Canale del Ferro del Tarvisano. Dan joħloq mikroklima speċifika li tiżgura ċirkolazzjoni ta’ arja kalma u ambjent b’umdità baxxa li huma ideali għall-preservazzjoni xotta fit-tul tal-perżut.
5.2. Speċifiċità tal-prodott
Il-fatt li l-perżut jibqa’ bit-trotter, kif ukoll il-logo mmarkat fuq il-ġilda u/jew l-użu ta’ mezz ta’ identifikazzjoni alternattiv, huma karatteristika tal-“Prosciutto di San Daniele”. Il-fatt li t-trotter jitħalla mas-sieq jgħin biex il-perżut jiġi ppreservat matul l-ipproċessar u jgħin lill-konsumaturi jgħarfu minnufih il-“Prosciutto di San Daniele”. Barra minn hekk, il-forma karatteristika ta’ kitarra, it-togħma delikata b’bilanċ tajjeb ta’ togħma kompluta, u l-aroma tfuħ tal-“Prosciutto di San Daniele” huma karatteristiċi distintivi u ġejjin mit-tirqim u l-ippressar tas-saqajn, iż-żieda ta’ melħ tal-baħar biss u xejn aktar fil-bidu tal-proċess ta’ produzzjoni, u ż-żmien twil li fih il-laħam idum imdendel biex jinxef.
Is-saqajn tal-majjal miż-żona stabbilita tat-trobbija tal-ħnieżer, li ġejjin mir-razez speċifikati fil-punt 3, imrobbija kif speċifikat fl-istess punt, għandhom kopertura ta’ laħam u karatteristiċi ta’ togħma li jagħmluhom naturalment adattati biex isiru prieżet ippreservati fit-tul.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott
Il-kwalità tal-“Prosciutto di San Daniele” hija dovuta għaż-żona ġeografika ta’ produzzjoni u l-karatteristiċi ambjentali u umani tagħha. Il-“Prosciutto di San Daniele” jikseb il-karatteristiċi distintivi tiegħu mill-ammont ġust ta’ xaħam tal-ogħla kwalità li jinsab fil-“ħnieżer tqal” tipiċi tal-Wied tal-Po. Din il-kopertura ta’ xaħam hija garantita mill-għażla tar-razza ġenetika u mill-klima taż-żona ġeografika li fiha jitrabbew il-ħnieżer u li minnha tittieħed il-materja prima li tintuża bħala għalf għalihom.
Il-mikroklima partikolari taż-żona ġeografika ta’ produzzjoni għandha rwol fil-perjodu twil ta’ preservazzjoni u tgħin biex jiżviluppaw it-togħma u l-aroma tal-“Prosciutto di San Daniele”. Minħabba l-kundizzjonijiet tal-ħamrija lokali u tal-klima, il-produzzjoni dejjem kienet iffukata esklussivament fuq il-muniċipalità li tat l-isem lill-perżut, u l-ipproċessar tas-saqajn tal-majjal, li tradizzjonalment jinkisbu miż-żona deskritta fil-punt 4, isir minn ħaddiema tas-sengħa speċjalizzati.
L-esperjenza tal-“preservaturi ewlenin”, li jużaw it-tekniki speċifiċi għall-produzzjoni tal-perżut mgħoddija minn ġenerazzjoni għal oħra, hija essenzjali. Dawn jirregolaw il-parametri differenti involuti fl-istadji tal-produzzjoni tal-perżut skont il-kundizzjonijiet tal-klima u l-karatteristiċi tas-saqajn tal-majjal, billi jużaw kmamar tat-tnixxif b’ħafna twieqi li fihom jesponu l-prieżet għall-kurrenti naturali li jgħinu t-tnixxif gradwali u fit-tul tal-“Prosciutto di San Daniele” u jgħinuh jiżviluppa l-aroma karatteristika tiegħu.
Referenza għall-pubblikazzjoni tal-Ispeċifikazzjoni tal-Prodott
(it-tieni subparagrafu tal-Artikolu 6(1) ta’ dan ir-Regolament)
Il-Ministeru nieda l-proċedura nazzjonali ta’ oppożizzjoni permezz tal-pubblikazzjoni tal-proposta għal emenda tad-DOP “Prosciutto di San Daniele” fil-Ġurnal Uffiċjali tar-Repubblika Taljana Nru 299 tal-21 ta’ Diċembru 2019. It-test sħiħ tal-Ispeċifikazzjoni tal-Prodott huwa disponibbli fuq is-sit web li ġej:
http://www.politicheagricole.it/flex/cm/pages/ServeBLOB.php/L/IT/IDPagina/3335
jew inkella:
billi wieħed imur direttament fil-paġna ewlenija tal-Ministeru għall-Politika Agrikola, Alimentari u Forestali (http://www.politicheagricole.it), jikklikkja fuq “Qualità” (fl-istrixxa orizzontali fil-parti ta’ fuq tal-iskrin) u fl-aħħar nett jikklikkja fuq il-kliem “Disciplinari di Produzione all’esame dell’UE”.