KOMUNIKAZZJONI TAL-KUMMISSJONI

Avviż tal-Kummissjoni dwar ir-rakkomandazzjonijiet għal kull Stat Membru u reġjun dwar l-aġġornament tar-rapporti tal-2018 tal-Artikoli, 8, 9 u 10 tad-Direttiva Kwadru dwar l-Istrateġija Marina (2008/56/KE)

(2022/C 118/01)

1)   INTRODUZZJONI

Id-Direttiva Kwadru dwar l-Istrateġija Marina (MSFD, 2008/56/KE) (1) hija politika olistika għall-protezzjoni tal-ambjent marin tal-ibħra madwar l-Ewropa filwaqt li tippermetti l-użu sostenibbli ta’ prodotti u servizzi marini. Hi teħtieġ lill-Istati Membri jivvalutaw l-istatus tal-kwalità tal-ambjent marin, jiddeterminaw status ambjentali tajjeb, jistabbilixxu miri ambjentali xierqa u jfasslu programmi xierqa ta’ monitoraġġ u jimplimentaw miżuri biex jintlaħaq l-għan ewlieni tad-Direttiva li jiġi żgurat l-“istatus ambjentali tajjeb” tal-ibħra marini kollha tal-UE sal-2020. Dan l-għan ma ntlaħaqx fl-ilmijiet kollha tal-UE fid-deskritturi kollha tad-Direttiva (2).

Matul it-tieni ċiklu ta’ implimentazzjoni tad-Direttiva, l-Istati Membri kellhom jinnotifikaw lill-Kummissjoni sal-15 ta’ Ottubru 2018 ir-rapporti aġġornati tagħhom għall-Artikoli 8, 9 u 10 tad-Direttiva (3). Il-Kummissjoni għandha tivvaluta dawn ir-rapporti tal-Istati Membri f’konformità mal-Artikoli 12 u 17 (4) tad-Direttiva.

L-Istati Membri jistgħu jipprovdu rapporti bbażati fuq it-test, strutturati skont il-ħtiġijiet nazzjonali, biex jissodisfaw l-obbligu legali tagħhom li jirrappurtaw skont l-MSFD. Permezz tal-Istrateġija Komuni ta’ Implimentazzjoni tal-MSFD, l-Istati Membri qablu wkoll li jipprovdu rapporti elettroniċi b’informazzjoni strutturata li hija xierqa għall-finijiet tal-valutazzjonijiet tal-Artikolu 12 għad-disseminazzjoni fil-livell Ewropew permezz ta’ WISE Marine (4).

Mit-23 Stat Membru li għandhom ilmijiet marini (5), u għalhekk jenħtieġ li jirrapportaw skont l-Artikolu 17, 22 kienu pprovdew rapporti testwali sa Settembru 2020. L-Istati Membri li ma kinux irrapportaw sal-iskadenza ta’ Ottubru 2018 ġew imfakkra perjodikament dwar l-obbligu ta’ rapportar tagħhom fil-laqgħat tal-Istrateġija Komuni ta’ Implimentazzjoni tal-MSFD. Infetħu każijiet ta’ ksur għan-nuqqas ta’ rapportar kontra l-Bulgarija, il-Kroazja, Ċipru, id-Danimarka, l-Estonja, Franza, il-Greċja, l-Irlanda, l-Italja, il-Latvja, il-Litwanja, Malta, il-Polonja, il-Portugall, is-Slovenja, Spanja u r-Renju Unit (6). Il-każijiet kollha ngħalqu, wara li waslu r-rapporti, ħlief għall-Bulgarija li r-rapporti tagħha ma waslux sa Novembru 2021.

Sa Ottubru 2020, 20 Stat Membru kienu pprovdew rapporti elettroniċi, u għalhekk ġew inklużi f’din il-valutazzjoni tal-Artikolu 12. Minbarra l-komunikazzjonijiet permezz tal-Istrateġija Komuni ta’ Implimentazzjoni tal-MSFD, kien hemm komunikazzjoni diretta mal-Bulgarija u l-Greċja li titlob is-sottomissjoni ta’ rapporti elettroniċi (7). Ir-rapportar elettroniku tard mill-Istati Membri għaldaqstant wassal għad-dewmien fit-twettiq ta’ din il-valutazzjoni tal-Artikolu 12.

Il-valutazzjoni wasslet għal rapport nazzjonali għal kull Stat Membru (8) u għal rapport reġjonali dwar il-koerenza għal tlieta (9) mill-erba’ reġjuni marini MSFD (il-Baħar Baltiku, l-Oċean Atlantiku tal-Grigal, u l-Baħar Mediterran) (10).

Barra minn hekk, il-valutazzjoni wasslet għal sett ta’ rakkomandazzjonijiet għal kull Stat Membru u għal kull reġjun (li huma ġeneralment applikabbli għall-Istati Membri kollha f’dawk ir-reġjuni). Ir-rakkomandazzjonijiet għandhom l-għan li jidentifikaw il-modi li bihom ir-rapporti għall-Artikoli 8, 9 u 10 għandhom jittejbu meta jiġu aġġornati f’Ottubru 2024.

B’mod parallel mal-analiżi tar-rapporti tal-Istati Membri għal din il-valutazzjoni tal-Artikolu 12 tal-MSFD, li jipprovdu feedback dwar ir-rapportar għal kull Stat Membru, iċ-Ċentru Konġunt tar-Riċerka (JRC) tal-Kummissjoni Ewropea analizza r-rapporti minn perspettiva xjentifika u teknika. Dan irriżulta f’sensiela ta’ 11-il rapport tekniku li jipprovdu ħarsa ġenerali Ewropea biex tappoġġa l-proċess ta’ implimentazzjoni tal-MSFD (11).

Dan l-avviż, flimkien mad-dokument ta’ ħidma tal-persunal li jakkumpanjah (12), jippreżenta r-rakkomandazzjonijiet għall-pajjiżi u r-reġjuni kollha vvalutati sa issa. Dawn huma espressi fir-rigward tat-tliet Artikoli (8, 9 u 10) li dwarhom sar rapport, u fir-rigward tad-deskritturi identifikati fl-Anness I tal-MSFD u l-kriterji identifikati fid-Deċiżjoni tal-Kummissjoni (UE) 2017/848.

Id-dokument ta’ ħidma tal-persunal li jakkumpanja (13) dan l-avviż fih ir-rakkomandazzjonijiet nazzjonali u reġjonali speċifiċi għall-pajjiżi u r-reġjuni kollha vvalutati sa issa.

2)   RAKKOMANDAZZJONIJIET NAZZJONALI U REĠJONALI:

Artikolu	Suġġetti	Nru ta’ rakkomandazzjonijiet
Artikolu 8	— Karatteristiċi u elementi vvalutati — Metodoloġija tal-valutazzjoni — Il-punt sa fejn jinkiseb il-GES — Pressjonijiet ewlenin li jipprevjenu l-GES — Konsistenza tal-valutazzjoni attwali mad-Determinazzjoni tal-GES tal-2018	Nazzjonali - 5
	— Sett koerenti ta’ elementi — Metodoloġija ta’ valutazzjoni koerenti	Reġjonali - 4
Artikolu 9	— Użu ta’ kriterji primarji — Użu ta’ kriterji sekondarji — Deskrizzjoni kwalitattiva tal-GES — Determinazzjoni kwantitattiva tal-GES	Nazzjonali - 7
	— Użu koerenti ta’ kriterji primarji — Deskrizzjoni kwalitattiva koerenti tal-GES — Determinazzjoni kwantitattiva koerenti tal-GES	Reġjonali - 7
Artikolu 10	— Miri għal pressjonijiet ewlenin — Miri li jistgħu jitkejlu — Valutazzjoni tal-progress bil-miri — Kwantifikazzjoni ta’ distakk għall-GES — Rabta bejn il-mira u l-miżuri diretti	Nazzjonali - 5
	— Pressjonijiet ewlenin f’(sotto)reġjun	Reġjonali - 1
Total		29

3)   KONKLUŻJONI

Il-konsiderazzjoni ta’ dawn ir-rakkomandazzjonijiet mill-Istati Membri, b’mod partikolari fejn huma meħtieġa armonizzazzjoni addizzjonali u rapportar koerenti, se teħtieġ aktar kollaborazzjoni fost l-Istati Membri f’livell tekniku fil-kuntest tal-Istrateġija Komuni ta’ Implimentazzjoni tal-MSFD (14), bħal fil-Gruppi Tekniċi tal-MSFD u n-Networks ta’ Esperti taċ-Ċentru Konġunt tar-Riċerka.

---

(1)  Id-Direttiva 2008/56/KE tal-Parlament Ewropew u tal-Kunsill tas-17 ta’ Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Id-Direttiva Kwadru dwar l-Istrateġija Marina) (ĠU L 164, 25.6.2008, p. 19).

(2)  COM/2020/259 final

(3)  F’konformità mal-Artikolu 17(2)(a) u 17(2)(b)

(4)  GD14: gwida għar-rapportar tal-2018 dwar l-aġġornamenti tal-Art. 8, 9 &10; Anness 2 eżempji maħduma.

(5)  L-ilmijiet marini huma definiti fl-Artikolu 3(1) tal-MSFD. L-Awstrija, iċ-Ċekja, l-Ungerija, il-Lussemburgu u s-Slovakkja huma pajjiżi mingħajr kosta u ma jirrapportawx skont l-Artikolu 17.

(6)  Ir-Renju Unit kien għadu Stat Membru tal-UE fiż-żmien tal-obbligu ta’ rapportar fl-2018, iżda ma kienx lesta r-rapportar elettroniku tiegħu fil-ħin għal din il-valutazzjoni.

(7)  Iż-żewġ Stati Membri li jifdal (il-Bulgarija, il-Greċja) se jiġu vvalutati meta r-rapporti elettroniċi tagħhom isiru disponibbli.

(8)  Il-valutazzjonijiet tekniċi speċifiċi għall-pajjiż tħejjew għall-Kummissjoni minn konsulent estern – ara https://circabc.europa.eu/ui/group/326ae5ac-0419-4167-83ca-e3c210534a69/library/31bf127a-ca1f-483e-a34e-e0243754ef81?p=1&n=10&sort=modified_DESC.

(9)  Ir-raba’ reġjun marin, il-Baħar l-Iswed, għandu biss żewġ Stati Membri (il-Bulgarija u r-Rumanija) u ma jistax jiġi vvalutat għall-koerenza sakemm il-Bulgarija tipprovdi r-rapporti elettroniċi tagħha.

(10)  Il-valutazzjonijiet tekniċi speċifiċi għar-reġjun tħejjew għall-Kummissjoni minn konsulent estern – ara https://circabc.europa.eu/ui/group/326ae5ac-0419-4167-83ca-e3c210534a69/library/31bf127a-ca1f-483e-a34e-e0243754ef81?p=1&n=10&sort=modified_DESC.

(11)  9 Reviżjonijiet tal-JRC: https://mcc.jrc.ec.europa.eu/main/dev.py?N=18&O=460.

(12)  SWD(2022)55

(13)  SWD(2022)55

(14)  L-istrateġija ta’ implimentazzjoni komuni hija programm ta’ koordinazzjoni informali stabbilit mill-Kummissjoni, bil-parteċipazzjoni tal-Istati Membri, il-konvenzjonijiet reġjonali dwar il-baħar u l-partijiet ikkonċernati oħra

Komunikazzjoni tal-Kummissjoni

(2022/C 118/02)

Il-kapitali Ewropej tal-Kultura 2026 huma Oulu (fil-Finlandja) u Trenčín (fis-Slovakkja).

Ebda oppożizzjoni għal konċentrazzjoni notifikata

(Il-Każ M.10566 — P66 / H2 EE / JV)

(Test b’rilevanza għaż-ŻEE)

(2022/C 118/03)

Fit 4 ta’ Marzu 2022, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32022M10566. Il-EUR-Lex hu l-aċċess fuq l-internet għal-liġi tal-Unjoni Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

Il-11 ta’ Marzu 2022

(2022/C 118/04)

1 euro =

	Munita	Rata tal-kambju
USD	Dollaru Amerikan	1,0990
JPY	Yen Ġappuniż	128,46
DKK	Krona Daniża	7,4402
GBP	Lira Sterlina	0,83970
SEK	Krona Żvediża	10,6460
CHF	Frank Żvizzeru	1,0230
ISK	Krona Iżlandiża	144,90
NOK	Krona Norveġiża	9,8033
BGN	Lev Bulgaru	1,9558
CZK	Krona Ċeka	25,213
HUF	Forint Ungeriż	380,92
PLN	Zloty Pollakk	4,7820
RON	Leu Rumen	4,9490
TRY	Lira Turka	16,2554
AUD	Dollaru Awstraljan	1,5017
CAD	Dollaru Kanadiż	1,4024
HKD	Dollaru ta’ Hong Kong	8,6007
NZD	Dollaru tan-New Zealand	1,6053
SGD	Dollaru tas-Singapor	1,4949
KRW	Won tal-Korea t’Isfel	1 354,04
ZAR	Rand ta’ l-Afrika t’Isfel	16,4896
CNY	Yuan ren-min-bi Ċiniż	6,9633
HRK	Kuna Kroata	7,5713
IDR	Rupiah Indoneżjan	15 696,64
MYR	Ringgit Malażjan	4,6098
PHP	Peso Filippin	57,461
RUB	Rouble Russu
THB	Baht Tajlandiż	36,542
BRL	Real Brażiljan	5,5077
MXN	Peso Messikan	22,9524
INR	Rupi Indjan	83,9875

---

(1)  Sors: rata tal-kambju ta’ referenza ppubblikata mill-Bank Ċentrali Ewropew.