—

wara li kkunsidra t-Trattat dwar l-Unjoni Ewropea (TUE), b'mod partikolari l-Artikoli 2 u 3 tiegħu, u t-Trattat dwar il-Funzjonament tal-Unjoni Ewropea (TFUE), b'mod partikolari l-Artikoli 8, 10, 18 u 21 tiegħu,

—

wara li kkunsidra l-Karta tad-Drittijiet Fundamentali tal-Unjoni Ewropea (il-Karta), b'mod partikolari l-Artikoli 7, 9, 21, 24(2), 24(3) u 45 tagħha,

—

wara li kkunsidra l-Konvenzjoni Ewropea dwar id-Drittijiet tal-Bniedem, b'mod partikolari l-Artikolu 8 dwar id-dritt għar-rispett tal-ħajja privata u tal-familja u l-Artikolu 14 u l-Protokoll Nru 12 dwar il-projbizzjoni tad-diskriminazzjoni,

—

wara li kkunsidra d-Dikjarazzjoni Universali tad-Drittijiet tal-Bniedem,

—

wara li kkunsidra l-Karta Soċjali Ewropea ffirmata f'Turin fit-18 ta' Ottubru 1961,

—

wara li kkunsidra l-Konvenzjoni tan-NU dwar id-Drittijiet tat-Tfal (UNCRC),

—

wara li kkunsidra r-Riżoluzzjoni 2239 (2018) tal-Assemblea Parlamentari tal-Kunsill tal-Ewropa (PACE) tal-10 ta' Ottubru 2018 dwar il-ħajja privata u tal-familja: il-kisba tal-ugwaljanza irrispettivament mill-orjentazzjoni sesswali (1),

—

wara li kkunsidra r-Riżoluzzjoni 2048 (2015) tal-Assemblea Parlamentari tal-Kunsill tal-Ewropa (PACE) tat-22 ta' April 2015 dwar id-diskriminazzjoni kontra l-persuni transġeneru fl-Ewropa (2),

—

wara li kkunsidra d-Direttiva 2004/38/KE tal-Parlament Ewropew u tal-Kunsill tad-29 ta' April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (3),

—

wara li kkunsidra l-komunikazzjoni tal-Kummissjoni tat-12 ta' Novembru 2020 bit-titolu “Unjoni ta' Ugwaljanza: Strateġija dwar l-Ugwaljanza tal-LGBTIQ 2020-2025” (COM(2020)0698),

—

wara li kkunsidra d-Direttiva tal-Kunsill 2000/78/KE tas-27 ta' Novembru 2000 li tistabbilixxi qafas ġenerali għall-ugwaljanza fit-trattament fl-impjieg u fix-xogħol (4),

—

wara li kkunsidra r-riżoluzzjoni tiegħu tal-11 ta' Marzu 2021 dwar il-proklamazzjoni tal-UE bħala Żona ta' Libertà LGBTIQ (5),

—

wara li kkunsidra r-riżoluzzjoni tiegħu tat-18 ta' Diċembru 2019 dwar id-diskriminazzjoni pubblika u d-diskors ta' mibegħda kontra persuni LGBTI, inklużi żoni mingħajr LGBTI (6),

—

wara li kkunsidra r-riżoluzzjoni tiegħu tal-14 ta' Frar 2019 dwar il-futur tal-Lista ta' Azzjonijiet LGBTI (2019-2024) (7),

—

wara li kkunsidra r-riżoluzzjoni tiegħu tas-17 ta' Settembru 2020 dwar il-proposta għal deċiżjoni tal-Kunsill dwar id-determinazzjoni ta' riskju ċar ta' ksur gravi tal-istat tad-dritt mir-Repubblika tal-Polonja (8),

—

wara li kkunsidra s-sentenza tal-Qorti tal-Ġustizzja tal-Unjoni Ewropea (QĠUE) tal-5 ta' Ġunju 2018 fil-każ Relu Adrian Coman u Oħrajn v Inspectoratul General pentru Imigrări u Ministerul Afacerilor Interne (9) u tat-23 ta' April 2020 fil-każ NH v Associazione Avvocatura per i diritti LGBTI – Rete Lenford (10), u l-opinjoni tal-Avukat Ġenerali Kokott mogħtija fil-15 ta' April 2021 fil-kawża V.M.A. v Stolichna Obsthina, Rayon “Pancharevo” (11),

—

wara li kkunsidra s-sentenzi Maruko, Römer u Hay tal-QĠUE (12) u s-sentenza Taddeucci & McCall tal-Qorti Ewropea tad-Drittijiet tal-Bniedem (QEDB) (13),

—

wara li kkunsidra l-Artikolu 227(2) tar-Regoli ta' Proċedura tiegħu,

A.

billi d-drittijiet tal-LGBTIQ huma drittijiet tal-bniedem;

B.

billi l-Kumitat għall-Petizzjonijiet irċieva diversi petizzjonijiet li jqajmu tħassib dwar id-diskriminazzjoni li esperjenzaw persuni LGBTIQ fl-UE b'mod ġenerali u b'mod partikolari koppji tal-istess sess u familji qawsalla;

C.

billi dawn il-petizzjonijiet jitolbu, minn naħa waħda, li familji qawsalla jiġu ggarantiti l-istess drittijiet tal-familja bħall-familji ta' sess differenti u t-tfal tagħhom fl-Istati Membri kollha, u b'mod partikolari d-dritt għall-moviment liberu fi ħdan l-UE u r-rikonoxximent reċiproku tar-relazzjoni tagħhom u tal-istat ta' ġenitur, u, min-naħa l-oħra, miżuri kontra l-Polonja għall-ksur tal-prinċipji tan-nondiskriminazzjoni, l-ugwaljanza u l-libertà ta' espressjoni, inkluż fir-rigward ta' “Karti Reġjonali tad-Drittijiet tal-Familja” u riżoluzzjonijiet li jiddikjaraw muniċipalitajiet u reġjuni mingħajr “ideoloġija LGBTI” (l-hekk imsejħa “żoni ħielsa mil-LGBTI”;

D.

billi fit-22 ta' Marzu 2021 il-Kumitat għall-Petizzjonijiet organizza sessjoni ta' ħidma dwar id-drittijiet tal-LGBTI + fl-UE, li matulha ġie ppreżentat l-istudju li d-Dipartiment Tematiku tal-Parlament Ewropew dwar id-Drittijiet taċ-Ċittadini u l-Affarijiet Kostituzzjonali kien ikkummissjona f'isem il-kumitat dwar “Ostakli għall-Moviment Liberu tal-Familji Qawsalla fl-UE”;

E.

billi l-istudju msemmi hawn fuq jikkonkludi li l-familji qawsalla għadhom iħabbtu wiċċhom ma' ostakli kbar għall-moviment liberu tagħhom fl-UE fl-2021 b'konsegwenzi negattivi għall-interessi tat-tfal tagħhom, u li billi jeżerċitaw il-kompetenza tal-UE fir-rigward tal-moviment liberu taċ-ċittadini tal-UE u l-membri tal-familja tagħhom, l-istituzzjonijiet tal-UE jistgħu jaġixxu biex ineħħu dawn l-ostakoli; billi l-ġenituri transġeneru li d-dokumenti tal-identità tagħhom mhumiex rikonoxxuti wara li jaqsmu fruntiera jistgħu jitilfu r-rabtiet legali kollha ma' wliedhom, u dan iħalli impatt sever fuq l-aħjar interessi tat-tfal;

F.

billi l-Artikolu 21 tat-TFUE, jistabbilixxi li kull ċittadin tal-Unjoni għandu d-dritt li jmur minn post għal ieħor u li joqgħod liberament fit-territorju tal-Istati Membri;

G.

billi l-Unjoni Ewropea għandha tiġġieled kontra l-esklużjoni soċjali u d-diskriminazzjoni.

H.

billi d-dritt għal trattament indaqs u għan-nondiskriminazzjoni huwa dritt fundamentali minqux fit-Trattati u fil-Karta u għandu jiġi rispettat bis-sħiħ; billi l-ugwaljanza u l-protezzjoni tal-minoranzi huma fost il-valuri tal-UE minquxa fl-Artikolu 2 tat-TUE li l-UE qed tiżviluppa permezz tal-inizjattivi u l-azzjonijiet tal-“Unjoni tal-Ugwaljanza”;

I.

billi f'Settembru 2020, il-President tal-Kummissjoni von der Leyen, fid-diskors tagħha dwar l-Istat tal-Unjoni, enfasizzat li “Jekk int ġenitur f'pajjiż wieħed, int ġenitur f'kull pajjiż”, filwaqt li rreferiet għall-ħtieġa ta' rikonoxximent reċiproku tar-relazzjonijiet familjari fl-UE;

J.

billi l-Istati Membri kollha impenjaw ruħhom li jonoraw l-obbligi u d-dmirijiet skont id-dritt internazzjonali u t-Trattati tal-UE li jirrispettaw, jiggarantixxu, jipproteġu u jissodisfaw id-drittijiet fundamentali;

K.

billi filwaqt li l-UE rat progress f'termini ta' żwieġ u unjonijiet ċivili, id-drittijiet ta' adozzjoni għall-persuni LGBTIQ u l-protezzjoni fil-liġi mid-diskriminazzjoni, id-diskors ta' mibegħda u r-reati ta' mibegħda, kien hemm ukoll passi lura, bħal retorika ostili minn politiċi eletti, mewġiet fil-vjolenza omofobika u transfobika u l-proklamazzjoni tal-hekk imsejħa “żoni ħielsa mil-LGBTI”;

L.

billi l-persuni LGBTIQ għadhom isofru diskriminazzjoni u vjolenza fl-Ewropa; billi r-Rainbow Europe Map tal-2021, l-għodda ta' valutazzjoni komparattiva annwali tal-ILGA-Europe, tiżvela staġnar fuq firxa wiesgħa u kważi totali dwar id-drittijiet tal-bniedem tal-persuni LGBTIQ, b'mod partikolari fir-rigward tar-rikonoxximent tal-leġiżlazzjoni tal-familja madwar l-Ewropa, u li din is-sena ma kien hemm l-ebda bidla legali jew politika waħda li taffettwa b'mod pożittiv lill-persuni LGBTIQ;

M.

billi fi stħarriġ tal-2019, l-Aġenzija tal-Unjoni Ewropea għad-Drittijiet Fundamentali (FRA) sabet li d-diskriminazzjoni abbażi tal-orjentazzjoni sesswali, l-identità tal-ġeneru, l-espressjoni tal-ġeneru u l-karatteristiċi tas-sess kienet qed tiżdied fl-UE.

N.

billi l-persuni LGBTIQ għadhom iħabbtu wiċċhom ma' diskriminazzjoni f'xi Stati Membri fir-rigward tal-protezzjoni soċjali, is-sigurtà soċjali, il-kura tas-saħħa, l-edukazzjoni, u l-aċċess għal oġġetti u servizzi oħra li huma disponibbli għall-pubbliku, inkluża l-akkomodazzjoni, kif ukoll il-provvista tagħhom; billi d-direttiva orizzontali dwar in-nondiskriminazzjoni, li tista' telimina parzjalment din id-diskrepanza fil-protezzjoni lil hinn mill-impjieg, ilha imblukkata fil-Kunsill għal aktar minn 10 snin;

O.

billi mhux l-Istati Membri kollha tal-UE jipprovdu protezzjoni legali għall-persuni LGBTIQ kontra d-diskriminazzjoni;

P.

billi ma hemm l-ebda regola tal-UE dwar ir-rikonoxximent ta' sentenzi dwar l-istat ta' ġenitur bejn l-Istati Membri u l-ebda dispożizzjoni tal-UE mmirata biex issolvi l-kunflitti f'dan ir-rigward; billi xi Stati Membri ma jirrikonoxxux żwieġ bejn persuni tal-istess sess minn Stat Membru ieħor għal kwalunkwe skop tal-liġi nazzjonali għajr permess ta' residenza; billi xi Stati Membri li jippermettu lill-koppji tal-istess sess jiżżewġu jidhru li mhumiex lesti jirrikonoxxu sħab reġistrati tal-istess sess minn Stati Membri oħra; billi f'xi Stati Membri koppji tal-istess sess bit-tfal jistgħu jiġu rrifjutati li jiġu rikonoxxuti legalment bħala l-ġenituri konġunti ta' wliedhom (14); billi l-ġenituri transġeneru spiss jiġu miċħuda r-rikonoxximent tal-ġeneru legali tagħhom meta jaqsmu l-fruntieri, u dan iwassal biex l-awtoritajiet tal-fruntieri ma jirrikonoxxuhomx bħala ġenituri ta' wliedhom stess;

1.

2.

3.

4.

5.

6.

7.

8.

9.

10.

11.

12.

13.

14.

15.

—

wara li kkunsidra d-dokument ta' ħidma tal-persunal tal-Kummissjoni tal-25 ta' Frar 2021 intitolat “Evaluation of Directive 2005/44/EC on Harmonised River Information Services (RIS)” (Evalwazzjoni tad-Direttiva 2005/44/KE dwar Servizzi Armonizzati ta' Informazzjoni tax-Xmajjar (RIS)) (SWD(2021)0050),

—

wara li kkunsidra d-dokument ta' ħidma tal-persunal tal-Kummissjoni tal-24 ta' Frar 2021 intitolat “Evaluation of the 2013 Urban Mobility Package” (Evalwazzjoni tal-Pakkett dwar il-Mobilità Urbana tal-2013) (SWD(2021)0047),

—

wara li kkunsidra l-komunikazzjoni tal-Kummissjoni tad-9 ta' Diċembru 2020 intitolata “Strateġija għal Mobilità Sostenibbli u Intelliġenti – inqiegħdu t-trasport Ewropew fit-triq it-tajba għall-futur” (COM(2020)0789) u d-dokument ta' ħidma tal-persunal li jakkumpanjaha (SWD(2020)0331),

—

wara li kkunsidra l-komunikazzjoni tal-Kummissjoni tal-11 ta' Diċembru 2019 dwar il-Patt Ekoloġiku Ewropew (COM(2019)0640),

—

wara li kkunsidra d-dokument ta' ħidma tal-persunal tal-Kummissjoni tat-18 ta' Settembru 2018 intitolat “Mid-term progress report on the implementation of the NAIADES II action programme for the promotion of inland waterway transport (covering the period 2014-2017)” (Rapport ta' progress ta' nofs it-terminu dwar l-implimentazzjoni tal-programm ta' azzjoni NAIADES II għall-promozzjoni tat-trasport fl-ilmijiet navigabbli interni (li jkopri l-perjodu 2014-2017)) (SWD(2018)0428),

—

wara li kkunsidra l-white paper tal-Kummissjoni tat-28 ta' Marzu 2011 intitolata “Pjan direzzjonali għal Żona Unika Ewropea tat-Trasport – Lejn sistema tat-trasport kompetittiva u li tuża r-riżorsi b'mod effiċjenti” (COM(2011)0144),

—

wara li kkunsidra d-Direttiva (UE) 2017/2397 tal-Parlament Ewropew u tal-Kunsill tat-12 ta' Diċembru 2017 dwar ir-rikonoxximent tal-kwalifiki professjonali fin-navigazzjoni interna (1),

—

wara li kkunsidra d-Direttiva (UE) 2016/1629 tal-Parlament Ewropew u tal-Kunsill tal-14 ta' Settembru 2016 li tistabbilixxi r-rekwiżiti tekniċi għall-bastimenti tal-passaġġi fuq l-ilma interni (2),

—

wara li kkunsidra d-Direttiva 2014/94/UE tal-Parlament Ewropew u tal-Kunsill tat-22 ta' Ottubru 2014 dwar l-installazzjoni ta' infrastruttura tal-karburanti alternattivi (3), u r-reviżjoni futura tagħha,

—

wara li kkunsidra r-Regolament (UE) Nru 1315/2013 tal-Parlament Ewropew u tal-Kunsill tal-11 ta' Diċembru 2013 dwar linji gwida tal-Unjoni għall-iżvilupp tan-network trans-Ewropew tat-trasport (4) (ir-Regolament TEN-T), u r-reviżjoni futura tiegħu,

—

wara li kkunsidra d-Direttiva tal-Kunsill 92/106/KEE tas-7 ta' Diċembru 1992 dwar l-istabbiliment ta' regoli komuni għal ċerti tipi ta' trasport ikkombinat ta' prodotti bejn Stati Membri (5), u r-reviżjoni futura tagħha,

—

wara li kkunsidra d-Direttiva 2005/44/KE tal-Parlament Ewropew u tal-Kunsill tas-7 ta' Settembru 2005 dwar is-servizzi armonizzati ta' informazzjoni tax-xmajjar (RIS) f'passaġġi fuq l-ilma interni fil-Komunità (6),

—

wara li kkunsidra l-konklużjonijiet tal-Kunsill tal-21 ta' Ottubru 2020 dwar konsiderazzjonijiet ta' politika għal pjan ta' kontinġenza għal pandemiji u kriżijiet kbar oħra għas-settur tat-trasport tal-merkanzija Ewropew,

—

wara li kkunsidra l-konklużjonijiet tal-Kunsill tal-5 ta' Ġunju 2020 dwar is-Settur tat-Trasport fuq l-Ilma tal-UE – Prospettiva futura: lejn settur tat-trasport fuq l-ilma tal-UE b'livell newtrali f'termini ta' emissjonijiet tal-karbonju, l-ebda aċċident, awtomatizzat u kompetittiv,

—

wara li kkunsidra l-konklużjonijiet tal-Kunsill tal-15 ta' Novembru 2018 dwar it-trasport bin-navigazzjoni interna – “Naraw il-potenzjal tiegħu u nippromwovuh”,

—

wara li kkunsidra r-riżoluzzjoni tiegħu tas-27 ta' April 2021 dwar miżuri tekniċi u operattivi għal trasport marittimu aktar effiċjenti u aktar nadif (7),

—

wara li kkunsidra r-riżoluzzjoni tiegħu tal-15 ta' Jannar 2020 dwar il-Patt Ekoloġiku Ewropew (8),

—

wara li kkunsidra r-riżoluzzjoni tiegħu tal-14 ta' Frar 2019 dwar NAIADES II – Programm ta' azzjoni biex jappoġġja t-trasport fl-ilmijiet navigabbli interni (9),

—

wara li kkunsidra r-riżoluzzjoni tiegħu tat-22 ta' Novembru 2016 dwar l-isfruttament tal-potenzjal tat-trasport tal-passiġġieri fuq l-ilma (10),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għat-Trasport u t-Turiżmu (A9-0231/2021),

A.

billi s-settur tat-trasport fuq l-ilma tal-UE, inkluż it-trasport fl-ilmijiet navigabbli interni, huwa ta' interess strateġiku għall-integrità tal-provvista tagħha u għall-kompetittività tal-portijiet tagħha; billi 75 % tan-navigazzjoni fl-ilmijiet interni sseħħ bejn pajjiż u ieħor u għaldaqstant il-koordinazzjoni hija essenzjali għas-suq uniku;

B.

billi l-pajjiżi Ewropej għandhom varjetà ta' ilmijiet navigabbli kbar u żgħar u flotot differenti ta' bastimenti interni, li jagħmlu t-trasport fl-ilmijiet navigabbli interni konvenjenti ħafna u utli għat-trasport ta' tipi differenti u kwantitajiet kbar ta' merkanzija lejn destinazzjonijiet differenti fuq l-ilma;

C.

billi t-trasport fl-ilmijiet navigabbli interni huwa pilastru essenzjali fil-bidla lejn trasport multimodali sostenibbli, iżda fl-istess waqt qiegħed jiffaċċja sfidi konsiderevoli; billi l-ilmijiet navigabbli interni attwalment jirrappreżentaw sehem żgħir ħafna mit-trasport tal-merkanzija fl-UE (6,1 %), filwaqt li t-toroq għandhom sehem ta' 76,3 % u l-ferroviji għandhom 17,6 %; billi s-sehem modali attwali tat-trasport fl-ilmijiet navigabbli interni huwa żgħir wisq u hija meħtieġa żieda qawwija biex titnaqqas il-konġestjoni fit-toroq, tissaħħaħ is-sikurezza, jitnaqqsu l-emissjonijiet u tiġi żgurata sistema tat-trasport aktar sostenibbli b'mod ġenerali; billi hija meħtieġa azzjoni ulterjuri b'mod urġenti biex jinkiseb l-objettiv li parti sostanzjali mis-76,3 % tal-merkanzija interna li llum tinġarr bit-triq, tiġi trasferita għal fuq il-ferroviji u fl-ilmijiet navigabbli interni; billi huwa kruċjali f'dan ir-rigward li jkun hemm rabta bejn swieq ċirkolari u tal-enerġija sostenibbli ġodda u t-trasport fl-ilmijiet navigabbli interni;

D.

billi l-iżvilupp ulterjuri tas-settur tal-ilmijiet navigabbli interni huwa ġebla tax-xewka għall-bini ta' network tat-trasport Ewropew intelliġenti, sostenibbli u kompetittiv; billi n-navigabilità attwali tal-ilmijiet navigabbli tal-Ewropa hija frammentata u l-bidla modali hija mxekkla minn konġestjonijiet, konnessjonijiet neqsin u nuqqas ta' affidabilità tal-ilmijiet navigabbli interni li jiċċirkolaw b'mod liberu; billi l-ilmijiet navigabbli interni, bħala wieħed mill-aktar modi ta' trasport favur l-ambjent b'potenzjal ulterjuri li fil-biċċa l-kbira ma ġiex sfruttat biex jiġu ttrasportati ammonti sostanzjali ta' merkanzija madwar l-Unjoni Ewropea, jista' jkollhom rwol fundamentali biex jintlaħqu l-objettivi klimatiċi tal-UE;

E.

billi s-sehem totali tal-merkanzija transfruntiera trasportata fl-ilmijiet navigabbli interni tagħna huwa 54 % fuq il-kuritur tar-Renu-Alpin, 35 % fuq il-kuritur tal-Baħar tat-Tramuntana-il-Mediterran u 38 % fuq il-kuritur tal-Baħar tat-Tramuntana-il-Baltiku; billi huwa importanti li tiġi avvanzata t-tlestija tan-network ewlieni tal-ilmijiet navigabbli interni tat-TEN-T kif ukoll il-konnessjonijiet man-network komprensiv;

F.

billi t-traffiku fuq l-ilmijiet navigabbli Ewropej jiddependi fuq konnessjonijiet transfruntiera bla xkiel, u dan jagħmel it-tlestija tan-networks ewlenin tat-TEN-T sal-2030 kwistjoni tal-akbar importanza;

G.

billi l-white paper tal-Kummissjoni dwar it-trasport, li ilha ppubblikata mill-2011, enfasizzat il-fatt li s-sehem modali tal-ilmijiet navigabbli interni fl-Ewropa jeħtieġ li jiżdied u billi minn dak iż-żmien 'l hawn ma nkisibx biżżejjed progress;

H.

billi l-fehma prevalenti fis-settur tat-trasport fl-ilmijiet navigabbli interni hija li l-ekoloġizzazzjoni hija kruċjali biex tiġi żgurata l-kompetittività fit-tul tas-settur u tippermetti li jkollu rwol sinifikanti, affidabbli u kredibbli fil-bidla multimodali; billi bħalissa għaddejja riflessjoni vasta dwar kif għandha tiġi ffinanzjata din it-tranżizzjoni ekoloġika fis-settur; billi wasal iż-żmien biex aktar miżuri, għodod u mezzi konkreti jgħinu t-tqegħid fil-prattika ta' din l-ambizzjoni;

I.

billi investimenti infrastrutturali insuffiċjenti wasslu biex ix-xogħol waqa' lura; billi l-infrastruttura kwalitattiva hija l-bażi u s-sinsla ta' settur tal-ilmijiet navigabbli interni li jirnexxi; billi ż-żieda fil-kapaċità għandha l-limiti tagħha u l-enfasi għandha tkun ukoll fuq iż-żieda fil-prestazzjoni u l-iżgurar ta' affidabilità tas-settur f'kull mument;

J.

billi sehem sostanzjali mit-trasport tal-merkanzija fl-ilmijiet navigabbli interni tal-UE huwa relatat mal-portijiet marittimi; billi kemm il-portijiet tal-baħar kif ukoll dawk interni għandhom rwol importanti bħala ċentri multimodali, u jipprovdu konnessjonijiet ma' modi oħra ta' trasport li jistgħu wkoll jieħdu tagħbijiet tal-merkanzija; billi għaldaqstant huwa importanti u rikjest mil-linji gwida tat-TEN-T li l-portijiet tal-baħar u dawk interni għandhom ikunu konnessi sew flimkien u għandu jkollhom konnessjonijiet tajbin maż-żoni interni tal-pajjiż; jinnota li l-portijiet interni għandhom isiru ċentri tal-enerġija għal fjuwils alternattivi sostenibbli;

K.

billi n-nixfa u t-tibdil fil-klima huma tnejn mill-problemi maġġuri li t-trasport Ewropew fl-ilmijiet navigabbli interni qiegħed jiffaċċja; billi f'diversi reġjuni Ewropej, it-trasport fl-ilmijiet navigabbli interni ntlaqat ħażin ħafna mill-perjodu twil ta' nixfa fl-2018 minħabba l-livelli estremament baxxi tal-ilma; billi l-konsegwenzi kienu devastanti għar-Renu u t-tributarji tagħha, id-Danubju ta' Fuq u tan-Nofs u l-Elbe ta' Fuq u tan-Nofs; billi fil-Ġermanja dan wassal għal tnaqqis ta' EUR 5 biljun fil-produzzjoni industrijali; billi, barra minn hekk, iż-żoni tal-ilmijiet navigabbli interni fit-Tramuntana tal-Ewropa għandhom it-tendenza li jiffriżaw matul ix-xhur tax-xitwa li jkunu l-aktar severi, u dan ifixkel it-traffiku;

L.

billi l-bidla modali mit-triq għall-ilmijiet navigabbli interni ma tikkonċernax biss it-trasport tal-merkanzija iżda wkoll dak tal-passiġġieri, speċjalment f'żoni urbani; billi 50 % tal-popolazzjoni tal-UE tgħix qrib il-baħar u tul ix-xmajjar, it-trasport tal-passiġġieri fl-ilmijiet navigabbli interni joffri alternattiva favur l-ambjent f'termini kemm tal-konsum tal-enerġija kif ukoll tal-emissjonijiet tal-istorbju; billi dan jgħin ukoll biex titnaqqas il-konġestjoni tan-networks tat-toroq mgħobbija żżejjed u jipprovdi alternattiva għall-espansjoni tal-infrastruttura tat-toroq f'żoni b'densità għolja tal-popolazzjoni;

M.

billi l-kruċieri tax-xmajjar, il-bastiment ta' vjaġġi ta' ġurnata, il-laneċ, it-taxis tal-ilma u x-shuttles tal-ilma għandhom rwol importanti fit-turiżmu Ewropew u għandhom isiru għażla aktar nadifa għat-turiżmu u t-trasport pubbliku fir-reġjuni u l-bliet bi xmajjar, kanali u lagi aċċessibbli u navigabbli, li jagħmel ukoll il-mobilità urbana aktar sostenibbli u effettiva; billi dan għandu jiġi kkunsidrat fl-Istrateġija għal Mobilità Sostenibbli u Intelliġenti;

N.

billi, flimkien mal-ferroviji, it-trasport tal-merkanzija fl-ilmijiet navigabbli interni ser ikollu rwol kruċjali biex jintlaħqu l-objettivi tal-Patt Ekoloġiku f'termini tal-bidla modali fit-trasport tal-merkanzija; billi ż-żewġ modi fil-ktajjen tal-provvista għandhom jiġu integrati u jsiru aktar aċċessibbli;

O.

billi t-trasport fl-ilmijiet navigabbli interni jista' jkollu rwol importanti għat-trasport marittimu f'termini tat-tisħiħ tad-diġitalizzazzjoni u l-ħolqien ta' skala fir-rigward ta' soluzzjonijiet ta' propulsjoni b'emissjonijiet żero, bħall-elettrifikazzjoni u l-idroġenu;

P.

billi l-proċeduri biex jinkiseb ċertifikat għal bastiment li jaħdem bl-idroġenu għadhom twal ħafna; billi għal serje ta' bastimenti li jaħdmu bl-idroġenu bl-istess karatteristiċi tekniċi eżatti, iridu jiġu ppreżentati applikazzjonijiet għal kull bastiment; billi dan it-tip ta' piż amministrattiv jiskoraġġixxi l-investiment privat u b'hekk joħnoq il-progress teknoloġiku u t-titjib tal-kosteffiċjenza;

Q.

billi t-tranżizzjoni tal-enerġija hija wkoll sfida għas-settur tan-navigazzjoni interna minkejja li l-ilmijiet navigabbli huma wieħed mill-aktar modi ta' trasport favur l-ambjent; billi huwa importanti li jitqies ir-rwol tal-kuntratturi fil-katina tal-provvista kollha biex jittejjeb l-argument kummerċjali favur investimenti sostenibbli fis-settur tat-trasport fl-ilmijiet navigabbli interni;

R.

billi l-flotta fl-ilmijiet navigabbli interni jeħtieġ li tiġi modernizzata u adattata biex tirrifletti l-progress tekniku biex tkompli tittejjeb il-prestazzjoni ambjentali tal-bastimenti; billi t-teknoloġiji b'emissjonijiet żero għadhom mhumiex vijabbli fuq skala kbira fis-settur tat-trasport fl-ilmijiet navigabbli interni minħabba maturità teknika baxxa, nuqqas ta' infrastruttura u prezzijiet mhux kompetittivi;

S.

billi s-settur tat-trasport fl-ilmijiet navigabbli interni żgura d-distribuzzjoni kontinwa ta' oġġetti essenzjali matul il-pandemija tal-COVID-19, u ċerti partijiet tiegħu saħansitra esperjenzaw l-ogħla livelli fit-traffiku, li b'hekk wera l-flessibilità u r-reżiljenza tiegħu;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

—

wara li kkunsidra l-Artikolu 349 tat-Trattat dwar il-Funzjonament tal-Unjoni Ewropea (TFUE),

—

wara li kkunsidra l-Aġenda 2030 għall-Iżvilupp Sostenibbli, kif ukoll l-Għanijiet ta' Żvilupp Sostenibbli (SDGs), kif adottati mill-Assemblea Ġenerali tan-Nazzjonijiet Uniti fil-25 ta' Settembru 2015,

—

wara li kkunsidra l-ftehim adottat fit-12 ta' Diċembru 2015 f'Pariġi fil-21 Konferenza tal-Partijiet għall-Konvenzjoni Qafas tan-NU dwar it-Tibdil fil-Klima (COP21) (“il-Ftehim ta' Pariġi”), b'mod partikolari l-Artikolu 7(2) u l-Artikolu 11(2) tiegħu, li jirrikonoxxu d-dimensjonijiet lokali, sottonazzjonali u reġjonali tat-tibdil fil-klima u tal-azzjoni klimatika,

—

wara li kkunsidra r-rapport speċjali tal-Grupp Intergovernattiv ta' Esperti dwar it-Tibdil fil-Klima (IPCC) dwar it-tisħin globali ta' 1,5o C, il-ħames rapport ta' valutazzjoni tiegħu (AR5) u r-rapport ta' sinteżi tiegħu dwaru, kif ukoll ir-rapport speċjali tiegħu dwar it-tibdil fil-klima u l-art, u r-rapport speċjali tiegħu dwar l-oċean u l-krijosfera fi klima li qed tinbidel,

—

wara li kkunsidra l-ftehim konkluż fil-15 ta' April 2021 bejn l-Unjoni Ewropea u l-Organizzazzjoni tal-Istati Afrikani, tal-Karibew u tal-Paċifiku,

—

wara li kkunsidra l-Qafas Finanzjarju Pluriennali (QFP) l-ġdid tal-Unjoni Ewropea għall-perjodu 2021-2027, approvat mill-Parlament Ewropew u mill-Kunsill f'Diċembru 2020,

—

wara li kkunsidra l-komunikazzjoni tal-Kummissjoni tal-24 ta' Frar 2021 bit-titolu “Insawru Ewropa reżiljenti għall-klima – L-Istrateġija l-ġdida tal-UE dwar l-Adattament għat-Tibdil fil-Klima” (COM(2021)0082) u l-valutazzjoni tal-impatt u tal-vulnerabbiltà tar-reġjuni ultraperiferiċi tal-Unjoni Ewropea li takkumpanjaha,

—

wara li kkunsidra l-komunikazzjoni tal-Kummissjoni tal-20 ta' Mejju 2020 bit-titolu “Strateġija tal-UE għall-Bijodiversità għall-2030 – Inreġġgħu n-natura lura f'ħajjitna” (COM(2020)0380),

—

wara li kkunsidra r-rapport tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew, lill-Kumitat tar-Reġjuni u lill-Bank Ewropew tal-Investiment tat-23 ta' Marzu 2020 dwar l-implimentazzjoni tal-komunikazzjoni tal-Kummissjoni bit-titolu “Sħubija strateġika aktar b'saħħitha u mġedda mar-reġjuni ultraperiferiċi tal-UE” (COM(2020)0104),

—

wara li kkunsidra l-komunikazzjoni tal-Kummissjoni tal-11 ta' Diċembru 2019 bit-titolu “Il-Patt Ekoloġiku Ewropew” (COM(2019)0640),

—

wara li kkunsidra l-komunikazzjoni tal-Kummissjoni tal-24 ta' Ottubru 2017 bit-titolu “Sħubija strateġika aktar b'saħħitha u mġedda mar-reġjuni ultraperiferiċi tal-UE” (COM(2017)0623),

—

wara li kkunsidra l-komunikazzjoni tal-Kummissjoni tal-20 ta' Ġunju 2012 bit-titolu “Ir-reġjuni ultraperiferiċi tal-Unjoni Ewropea: lejn sħubija għal tkabbir intelliġenti, sostenibbli u inklużiv” (COM(2012)0287),

—

wara li kkunsidra l-komunikazzjoni tal-Kummissjoni tas-17 ta' Ottubru 2008 bit-titolu “Ir-reġjuni l-aktar imbiegħda: vantaġġ għall-Ewropa” (COM(2008)0642),

—

wara li kkunsidra l-komunikazzjoni tal-Kummissjoni tat-12 ta' Settembru 2007 bit-titolu “Strateġija għall-ibgħad reġjuni: Kisbiet u Prospettivi fil-Ġejjieni” (COM(2007)0507),

—

wara li kkunsidra l-komunikazzjoni tal-Kummissjoni tas-26 ta' Mejju 2004 bit-titolu “Sħubija aktar b'saħħitha għar-reġjuni ultraperiferiċi” (COM(2004)0343),

—

wara li kkunsidra l-komunikazzjoni tal-Kummissjoni tal-5 ta' Marzu 2020 bit-titolu “Unjoni ta' Ugwaljanza: Strateġija ta' Ugwaljanza Bejn is-Sessi għall-2020-2025” (COM(2020)0152),

—

wara li kkunsidra l-konklużjonijiet tal-Kunsill tat-23 ta' Ottubru 2020 dwar l-Istrateġija tal-UE għall-Bijodiversità għall-2030,

—

wara li kkunsidra l-Konvenzjoni tan-Nazzjonijiet Uniti dwar id-Diversità Bijoloġika,

—

wara li kkunsidra l-konklużjonijiet tal-Kunsill tad-19 ta' Novembru 2019 dwar l-oċeani u l-ibħra,

—

wara li kkunsidra l-opinjoni tal-Kumitat Ewropew tar-Reġjuni tal-10 ta' Diċembru 2020 dwar ir-rapport tal-Kummissjoni Ewropea dwar l-implimentazzjoni tas-sħubija strateġika mġedda mar-reġjuni ultraperiferiċi tal-UE (2021/C 37/10),

—

wara li kkunsidra d-dikjarazzjonijiet tal-presidenti tar-reġjuni ultraperiferiċi, u b'mod partikolari d-dikjarazzjoni adottata fil-XXV Konferenza tal-Presidenti tar-Reġjuni Ultraperiferiċi tal-Unjoni Ewropea li saret f'Mayotte fis-26 u s-27 ta' Novembru 2020,

—

wara li kkunsidra d-dikjarazzjoni konġunta tal-Konferenza tal-Presidenti tar-Reġjuni Ultraperiferiċi tal-Unjoni Ewropea, b'segwitu għal-laqgħa intersessjonali tat-3 ta' Mejju 2021,

—

wara li kkunsidra r-riżoluzzjoni tiegħu tas-17 ta' April 2020 dwar azzjoni koordinata tal-UE biex tikkumbatti l-pandemija tal-COVID-19 u l-konsegwenzi tagħha (1),

—

wara li kkunsidra r-riżoluzzjoni tiegħu tal-15 ta' Jannar 2020 dwar il-Patt Ekoloġiku Ewropew (2),

—

wara li kkunsidra r-riżoluzzjoni tiegħu tat-13 ta' Ġunju 2018 dwar il-politika ta' koeżjoni u l-ekonomija ċirkolari,

—

wara li kkunsidra r-riżoluzzjoni tiegħu tat-28 ta' Novembru 2019 dwar l-emerġenza klimatika u ambjentali (3),

—

wara li kkunsidra r-riżoluzzjoni tiegħu tal-14 ta' Marzu 2019 dwar it-tibdil fil-klima – viżjoni strateġika Ewropea fit-tul għal ekonomija għanja, moderna, kompetittiva u newtrali għall-klima f'konformità mal-Ftehim ta' Pariġi (4),

—

wara li kkunsidra l-istudju tal-Parlament Ewropew ippubblikat fl-2021 bit-titolu “Il-Politika ta' Koeżjoni u t-Tibdil fil-Klima”,

—

wara li kkunsidra r-riżoluzzjoni tiegħu tas-6 ta' Lulju 2017 dwar il-promozzjoni tal-koeżjoni u l-iżvilupp fir-Reġjuni Ultraperiferiċi tal-UE: l-implimentazzjoni tal-Artikolu 349 TFUE (5),

—

wara li kkunsidra r-riżoluzzjoni tiegħu tas-27 ta' April 2017 dwar il-ġestjoni tal-flotot tas-sajd fir-Reġjuni Ultraperiferiċi (6),

—

wara li kkunsidra r-riżoluzzjoni tiegħu tas-26 ta' Frar 2014 dwar l-ottimizzazzjoni tal-potenzjal tar-Reġjuni Ultraperiferiċi permezz tal-ħolqien ta' sinerġiji bejn il-fondi strutturali tal-UE u programmi oħra tal-UE (7),

—

wara li kkunsidra r-riżoluzzjoni tiegħu tat-18 ta' April 2012 dwar ir-rwol tal-politika ta' koeżjoni fir-reġjuni ultraperiferiċi tal-Unjoni Ewropea fil-kuntest tal-Istrateġija UE 2020 (8),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Iżvilupp Reġjonali (A9-0241/2021),

A.

billi l-Patt Ekoloġiku Ewropew, il-prinċipju “la tagħmilx ħsara sinifikanti”, l-Għanijiet ta' Żvilupp Sostenibbli (SDGs) u l-Ftehim ta' Pariġi huma importanti ħafna;

B.

billi l-prinċipji stabbiliti fil-Pilastru Ewropew tad-Drittijiet Soċjali, inkluż il-kontribut tiegħu għall-eliminazzjoni tal-inugwaljanzi, il-promozzjoni tal-ugwaljanza bejn il-ġeneri u l-integrazzjoni tal-ġeneri, huma importanti ħafna;

C.

billi jfakkar li r-reġjuni ultraperiferiċi (RUP) jappartjenu għal tliet Stati Membri, u attwalment hemm disgħa minnhom – il-Guyana Franċiża, Guadeloupe, Réunion, Mayotte, Martinique u Saint Martin (Franza), l-Azores u Madeira (il-Portugall) u l-Gżejjer Kanarji (Spanja) – mifruxa fuq żewġ oċeani, l-Oċean Atlantiku u l-Oċean Indjan, u li għandhom aktar minn 4,8 miljun abitant;

D.

billi jenfasizza li 80 % tal-bijodiversità Ewropea tinsab fir-RUP u fil-pajjiżi u t-territorji ekstra-Ewropej (PTEE) u li dawn it-territorji għandhom valur strateġiku mill-perspettiva ġeopolitika f'termini tal-konservazzjoni tal-bijodiversità globali;

E.

billi jenfasizza li r-RUP ikabbru d-dimensjoni marittima tal-Unjoni Ewropea, billi permezz tagħhom għandha l-akbar spazju marittimu fid-dinja b'aktar minn 25 miljun km2 ta' żona ekonomika esklużiva (ŻEE), u b'opportunitajiet ekonomiċi kbar;

F.

billi huwa mħasseb li r-RUP huma affettwati aktar mit-tniġġis tal-baħar minn kwalunkwe reġjun kontinentali ieħor tal-Ewropa minħabba l-insularità tagħhom, u dan għandu riperkussjonijiet fuq l-iżvilupp tagħhom minn perspettiva ambjentali u ekonomika;

G.

billi jiddispjaċih li r-rata tat-tluq bikri mill-iskola fost iż-żgħażagħ bejn 18-il sena u 24 sena fir-RUP taqbeż l-20 %, rata li hija ferm ogħla mill-medja ta' 10 % rreġistrata fl-Unjoni Ewropea (9);

H.

billi jistma li r-RUP għandhom rikkezza kulturali straordinarja li tikkontribwixxi għall-influwenza tal-Ewropa u ssaħħaħ is-setgħa ta' persważjoni tagħha fid-dinja, u li l-komunikazzjoni tal-Kummissjoni adottata fl-2017 identifikat il-kultura bħala aspett importanti u element ta' differenzjazzjoni tar-RUP;

I.

billi jiddeplora l-fatt li l-kriżi attwali tal-COVID-19, b'mod preokkupanti, xeħtet dawl fuq l-ekonomiji diġà vulnerabbli tar-RUP, u li din il-kriżi kif ukoll il-Brexit se jkollhom konsegwenzi fit-tul fil-livell soċjali, ekonomiku, ambjentali, territorjali u kulturali;

J.

billi jistma li l-kriżi tas-saħħa aggravat ukoll id-dgħufijiet tas-servizzi reġjonali tas-saħħa tar-RUP, u imponiet miżuri pjuttost stretti biex tiġi miġġielda l-pandemija f'dawn ir-reġjuni;

K.

billi huwa mħasseb li diversi setturi tal-ekonomija blu, b'mod partikolari t-turiżmu kostali u marittimu, jistgħu jiġu affettwati mill-kriżi attwali minħabba l-pandemija;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

63.

64.

65.

66.

67.

68.

69.

70.

71.

72.

73.

74.

75.

76.

77.

78.

79.

80.

81.

82.

83.

84.

85.

86.

87.

88.

89.

90.

91.

92.

93.

94.

95.

96.

97.

98.

99.

100.

101.

102.

103.

—

wara li kkunsidra l-Artikoli 174, 225 u 349 tat-Trattat dwar il-Funzjonament tal-Unjoni Ewropea,

—

wara li kkunsidra l-komunikazzjoni tal-Kummissjoni tat-23 ta' Lulju 2020 bit-titolu “Approċċ ġdid tal-istrateġija marittima għall-Atlantiku – Pjan ta' azzjoni għall-Atlantiku 2.0: Pjan ta' azzjoni aġġornat għal ekonomija blu sostenibbli, reżiljenti u kompetittiva fiż-żona tal-Atlantiku tal-Unjoni Ewropea”(COM(2020)0329),

—

wara li kkunsidra l-komunikazzjoni tal-Kummissjoni tal-20 ta' Mejju 2020 bit-titolu “Strateġija tal-UE għall-Bijodiversità għall-2030: Inreġġgħu n-natura lura f'ħajjitna” (COM(2020)0380),

—

wara li kkunsidra l-Ftehim adottat fil-21 Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (COP 21) f'Pariġi fit-12 ta' Diċembru 2015 (il-Ftehim ta' Pariġi) (1),

—

wara li kkunsidra l-komunikazzjoni tal-Kummissjoni tal-11 ta' Diċembru 2019 bit-titolu “Il-Patt Ekoloġiku Ewropew” (COM(2019)0640),

—

wara li kkunsidra r-riżoluzzjoni tiegħu tal-15 ta' Jannar 2020 dwar il-Patt Ekoloġiku Ewropew (2),

—

wara li kkunsidra l-ewwel pjan ta' azzjoni għall-Atlantiku tat-13 ta' Mejju 2013 (COM(2013)0279) u r-rieżami ta' nofs it-terminu tat-23 ta' Frar 2018 dwaru (SWD(2018)0049),

—

wara li kkunsidra l-istrateġiji tal-UE tal-10 ta' Ġunju 2009 għar-reġjun tal-Baħar Baltiku (COM(2009)0248), tat-8 ta' Diċembru 2010 għar-Reġjun tad-Danubju (COM(2010)0715), tat-28 ta' Lulju 2015 għar-Reġjun tal-Alpi (COM(2015)0366) u tas-17 ta' Ġunju 2014 għar-Reġjun Adrijatiku u Joniku (COM(2014)0357), u r-riżoluzzjonijiet tiegħu dwar dawk l-istrateġiji (3),

—

wara li kkunsidra l-Konvenzjoni dwar il-Kummerċ Internazzjonali fl-Ispeċijiet ta' Fawna u Flora Selvaġġi fil-Periklu (4),

—

wara li kkunsidra d-Direttiva tal-Kunsill 92/43/KEE tal-21 ta' Mejju 1992 dwar il-konservazzjoni tal-ħabitat naturali u tal-fawna u l-flora selvaġġa (id-Direttiva dwar il-Ħabitats) (5) u d-Direttiva 2009/147/KE tal-Parlament Ewropew u tal-Kunsill tat-30 ta' Novembru 2009 dwar il-konservazzjoni tal-għasafar selvaġġi (id-Direttiva dwar l-Għasafar) (6),

—

wara li kkunsidra r-riżoluzzjoni tiegħu tas-16 ta' Jannar 2020 dwar il-15-il laqgħa tal-Konferenza tal-Partijiet (COP15) għall-Konvenzjoni dwar id-Diversità Bijoloġika (7),

—

wara li kkunsidra r-Regolament (UE) 2021/1060 tal-Parlament Ewropew u tal-Kunsill tal-24 ta' Ġunju 2021 li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta' Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi, is-Sajd u l-Akkwakultura u r-regoli finanzjarji għalihom u għall-Fond għall-Ażil, il-Migrazzjoni u l-Integrazzjoni, il-Fond għas-Sigurtà Interna u l-Istrument għall-Appoġġ Finanzjarju għall-Ġestjoni tal-Fruntieri u l-Politika dwar il-Viżi (8),

—

wara li kkunsidra r-Regolament (UE) 2021/1059 tal-Parlament Ewropew u tal-Kunsill tal-24 ta' Ġunju 2021 dwar dispożizzjonijiet speċifiċi għall-mira tal-kooperazzjoni territorjali Ewropea (Interreg) appoġġata mill-Fond Ewropew għall-Iżvilupp Reġjonali u mill-istrumenti ta' finanzjament estern (9),

—

wara li kkunsidra r-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (10),

—

wara li kkunsidra l-Proposta għal Regolament tal-Parlament Ewropew u tal-Kunsill tat-12 ta' Ġunju 2018 dwar il-Fond Ewropew għall-Affarijiet Marittimi u s-Sajd u li jħassar ir-Regolament (UE) Nru 508/2014 tal-Parlament Ewropew u tal-Kunsill (COM(2018)0390),

—

wara li kkunsidra r-riżoluzzjoni tiegħu tat-28 ta' Novembru 2019 dwar l-emerġenza klimatika u ambjentali (11),

—

wara li kkunsidra l-opinjoni tal-Kumitat Ewropew tar-Reġjuni tad-19 ta' Marzu 2021 dwar il-komunikazzjoni tal-Kummissjoni bit-titolu “Approċċ ġdid tal-istrateġija marittima għall-Atlantiku – Pjan ta' azzjoni għall-Atlantiku 2.0: Pjan ta' azzjoni aġġornat għal ekonomija blu sostenibbli, reżiljenti u kompetittiva fiż-żona tal-Atlantiku tal-Unjoni Ewropea”,

—

wara li kkunsidra r-riżoluzzjoni tiegħu tal-25 ta' Marzu 2021 dwar l-istabbiliment ta' strateġija tal-UE għal turiżmu sostenibbli (12),

—

wara li kkunsidra r-rapport tal-Bord tal-Missjoni tal-Kummissjoni dwar l-Oċeani, Ibħra, Ilmijiet Kostali u Interni f'Saħħithom tal-21 ta' Settembru 2020 bit-titolu “Mission Starfish 2030: Restore our Ocean and Waters” (Missjoni Stilla tal-Baħar 2030: Nirrestawraw l-Oċean u l-Ilmijiet Tagħna),

—

wara li kkunsidra l-konklużjonijiet tal-Kunsill tal-5 ta' Ġunju 2019 dwar l-implimentazzjoni tal-Istrateġiji Makroreġjonali tal-UE,

—

wara li kkunsidra r-riżoluzzjoni tiegħu tad-9 ta' Marzu 2011 dwar l-istrateġija tal-UE għar-reġjun tal-Atlantiku (13),

—

wara li kkunsidra r-riżoluzzjoni tiegħu tat-13 ta' Settembru 2012 dwar l-istrateġija għar-reġjun tal-Atlantiku fil-qafas tal-politika ta' koeżjoni tal-Unjoni (14),

—

wara li kkunsidra r-rapport tal-Kummissjoni tal-20 ta' Mejju 2014 dwar il-governanza tal-istrateġiji makroreġjonali (COM(2014)0284),

—

wara li kkunsidra l-komunikazzjoni tal-Kummissjoni tas-26 ta' Jannar 2011 dwar politika reġjonali li tikkontribwixxi għat-tkabbir sostenibbli fl-Ewropa 2020 (COM(2011)0017),

—

wara li kkunsidra d-Direttiva 2014/52/UE tal-Parlament Ewropew u tal-Kunsill tas-16 ta' April 2014 li temenda d-Direttiva 2011/92/UE dwar il-valutazzjoni tal-effetti ta' ċerti proġetti pubbliċi u privati fuq l-ambjent (15),

—

wara li kkunsidra l-komunikazzjoni tal-Kummissjoni tas-17 ta' Mejju 2021 bit-titolu “Approċċ ġdid għal ekonomija blu sostenibbli fl-UE – It-trasformazzjoni tal-Ekonomija Blu tal-UE għal Futur Sostenibbli” (COM(2021)0240),

—

wara li kkunsidra d-Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi qafas għal azzjoni komunitarja fil-qasam tal-politika tal-ambjent marin (Direttiva Kwadru dwar l-Istrateġija Marina) (16),

—

wara li kkunsidra d-Direttiva 2007/60/KE tal-Parlament Ewropew u tal-Kunsill tat-23 ta' Ottubru 2007 dwar il-valutazzjoni u l-immaniġġjar tar-riskji tal-għargħar (17),

—

wara li kkunsidra d-Direttiva 2001/42/KE tal-Parlament Ewropew u tal-Kunsill tas-27 ta' Ġunju 2001 dwar l-istima tal-effetti ta' ċerti pjanijiet u programmi fuq l-ambjent (18),

—

wara li kkunsidra l-istudju mid-Direttorat Ġenerali għall-Politiki Interni tiegħu (Dipartiment Tematiku B: Politiki Strutturali u ta' Koeżjoni) tal-15 ta' Jannar 2015 bit-titolu “Rwol ġdid tal-Makroreġjuni fil-Kooperazzjoni Territorjali Ewropea”,

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra l-opinjoni tal-Kumitat għat-Trasport u t-Turiżmu kif ukoll dik tal-Kumitat għas-Sajd,

—

wara li kkunsidra r-rapport tal-Kumitat għall-Iżvilupp Reġjonali (A9-0243/2021),

A.

billi ż-żona tal-Atlantiku hija affettwata serjament mill-impatt soċjoekonomiku tal-COVID-19 u l-effetti negattivi tal-Brexit;

B.

billi ż-żona tal-Atlantiku hija l-akbar baċir tal-baħar fl-Unjoni Ewropea;

C.

billi t-turiżmu kostali u marittimu huwa sors ewlieni ta' impjiegi għar-reġjuni tal-Atlantiku u qed isofri b'mod partikolari mill-kriżi soċjoekonomika kkawżata mill-pandemija tal-COVID-19;

D.

billi l-kriżi klimatika u ż-żieda fil-livelli tal-baħar għandhom konsegwenzi kbar għall-kosti marittimi u l-gżejjer kollha fiż-żona tal-Atlantiku, li l-ambjent tagħhom, kemm dak tal-art kif ukoll dak tal-baħar, huwa fraġli u uniku;

E.

billi ż-żona tal-Atlantiku tal-UE tinkludi Madeira, l-Azores, il-Gżejjer Kanarji, il-Gujana Franċiża, Martinique, Guadeloupe u Saint Martin bħala reġjuni ultraperiferiċi (ORs), u billi l-pjan ta' azzjoni l-ġdid għall-Atlantiku għandu jkun immirat lejn dawn ir-reġjuni kollha filwaqt li titrawwem kooperazzjoni mill-qrib mal-pajjiżi u t-territorji extra-Ewropej (OCTs) tal-Atlantiku u l-pajjiżi tal-Atlantiku li mhumiex fl-UE u r-reġjuni tagħhom;

F.

billi fl-2015, il-PDG totali taż-żona tal-Atlantiku kien ta' EUR 2 175 biljun, li jirrappreżenta 15 % tal-PDG tal-UE (19);

G.

billi l-istrateġija għall-Atlantiku għandha tinkludi flussi ta' skambju tanġibbli u intanġibbli mal-OCTs tal-Atlantiku u pajjiżi mhux tal-UE, filwaqt li r-reġjuni tal-Atlantiku tal-UE, inklużi r-reġjuni ultraperiferiċi, jittieħdu bħala l-bażi tagħha;

H.

billi l-istrateġija l-ġdida tal-UE għall-bijodiversità għall-2030, ir-rieżami tad-Direttiva dwar l-Enerġija Rinnovabbli (20) u l-ekonomija blu huma elementi ewlenin fit-tranżizzjoni lejn ekonomija effiċjenti ħafna fl-użu tal-enerġija u bbażata għalkollox fuq sorsi rinnovabbli, inklużi kriterji ta' sostenibbiltà msaħħa;

I.

billi l-oċeani għandhom rwol fundamentali fl-adattament għat-tibdil fil-klima;

J.

billi oċeani b'saħħithom u l-preservazzjoni u r-restawr tal-ekosistemi tagħhom huma essenzjali għall-bniedem bħala regolaturi klimatiċi, produtturi ta' mill-inqas nofs l-ossiġenu fl-atmosfera tad-dinja, ospitanti tal-bijodiversità, riżorsa għas-sigurtà globali tal-ikel u għas-saħħa tal-bniedem, u riżorsa ta' attivitajiet ekonomiċi inklużi s-sajd, it-trasport, il-bini tal-bastimenti, il-kummerċ, it-turiżmu, il-gastronomija, l-enerġija rinnovabbli, ir-riċerka u l-prodotti tas-saħħa;

K.

billi l-Istrateġija “Mill-Għalqa sal-Platt” għandha l-għan li timplimenta sistema alimentari ġusta, sana u tajba għall-ambjent;

L.

billi l-portijiet u t-trasport għandhom rwol ewlieni fil-promozzjoni tal-iżvilupp sostenibbli u għat-tranżizzjoni lejn ekonomija mingħajr karbonju u bbażata fuq l-enerġija rinnovabbli;

M.

billi s-settur marittimu tal-UE għandu jikkontribwixxi wkoll biex jiġu indirizzati t-telfien tal-bijodiversità u d-degradazzjoni ambjentali, u għall-objettivi tal-istrateġija l-ġdida tal-UE għall-bijodiversità għall-2030;

N.

billi l-Pjan ta' Azzjoni għall-Atlantiku 2.0 rivedut għandu jisfrutta l-potenzjal tal-ekonomija blu fir-reġjun tal-Atlantiku, filwaqt li jippreserva l-ekosistemi marini u jikkontribwixxi għall-għall-adattament u l-mitigazzjoni tat-tibdil fil-klima;

O.

billi l-edukazzjoni u t-taħriġ ta' ħiliet blu, proġetti ta' riċerka konġunti, u s-sensibilizzazzjoni tal-pubbliku dwar il-potenzjal u l-fraġilità tal-oċean bħala ambjent naturali se jikkontribwixxu għas-suċċess tal-istrateġija;

P.

billi l-pjan ta' azzjoni għall-Atlantiku 2.0 ma fih l-ebda referenza għall-ORs tal-Atlantiku li ssaħħaħ id-dimensjoni tal-baħar u dik Atlantika tal-Unjoni Ewropea;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

—

wara li kkunsidra l-komunikazzjoni konġunta tal-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà tat-12 ta' Marzu 2019 bit-titolu “UE-Ċina: Perspettiva strateġika” (JOIN(2019)0005),

—

wara li kkunsidra d-djalogu bejn l-UE u ċ-Ċina dwar id-drittijiet tal-bniedem, imniedi fl-1995, u s-37 sessjoni tiegħu, li saret fi Brussell fl-1 u t-2 ta' April 2019,

—

wara li kkunsidra s-Sħubija Strateġika bejn l-UE u ċ-Ċina varata fl-2003,

—

wara li kkunsidra l-Aġenda Strateġika għall-Kooperazzjoni UE-Ċina 2020,

—

wara li kkunsidra l-Istrateġija Globali għall-Politika Estera u ta' Sigurtà tal-Unjoni Ewropea ta' Ġunju 2016,

—

wara li kkunsidra r-Regolament tal-Kunsill (UE) 2020/1998 (1) u d-Deċiżjoni tal-Kunsill (PESK) 2020/1999 (2) tas-7 ta' Diċembru 2020 li tikkonċerna miżuri restrittivi kontra l-ksur u l-abbużi serji tad-drittijiet tal-bniedem,

—

wara li kkunsidra l-konklużjonijiet tal-Kunsill dwar Hong Kong tat-28 ta' Lulju 2020,

—

wara li kkunsidra r-riżoluzzjonijiet preċedenti tiegħu dwar is-sitwazzjoni tad-drittijiet tal-bniedem fiċ-Ċina, b'mod partikolari dawk tas-17 ta' Diċembru 2020 dwar ix-xogħol furzat u s-sitwazzjoni tal-Ujguri fir-Reġjun Awtonomu Ujgur tax-Xinjiang (3), tat-18 ta' April 2019 dwar iċ-Ċina, b'mod partikolari s-sitwazzjoni tal-minoranzi reliġjużi u etniċi (4), tal-4 ta' Ottubru 2018 dwar id-detenzjoni arbitrarja tal-massa tal-Ujguri u l-Każaki fir-Reġjun Awtonomu Ujgur ta' Xinjiang (5), tat-12 ta' Settembru 2018 dwar il-qagħda tar-relazzjonijiet UE-Ċina (6), u tal-15 ta' Diċembru 2016 dwar il-każijiet tal-Akkademja Buddista Tibetana ta' Larung Gar u Ilham Tohti (7),

—

wara li kkunsidra r-riżoluzzjonijiet u r-rakkomandazzjonijiet preċedenti tiegħu dwar Hong Kong, b'mod partikolari dawk tad-19 ta' Ġunju 2020 dwar il-liġi tal-PRC dwar is-sigurtà nazzjonali għal Hong Kong u l-ħtieġa li l-UE tiddefendi l-livell għoli ta' awtonomija ta' Hong Kong (8), tal-21 ta' Jannar 2021 dwar ir-repressjoni tal-oppożizzjoni demokratika f'Hong Kong (9), u tat-13 ta' Diċembru 2017 lill-Kunsill, lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà f'Hong Kong, 20 sena wara t-trasferiment (10),

—

wara li kkunsidra r-riżoluzzjoni tiegħu tas-26 ta' Novembru 2020 dwar ir-Rieżami tal-Politika Kummerċjali tal-UE (11),

—

wara li kkunsidra r-riżoluzzjoni tiegħu tal-20 ta' Mejju 2021 dwar il-kontrosanzjonijiet Ċiniżi fuq entitajiet tal-UE, Membri tal-PE u Deputati nazzjonali (12),

—

wara li kkunsidra r-riżoluzzjoni tiegħu tal-21 ta' Jannar 2021 dwar il-konnettività u r-relazzjonijiet bejn l-UE u l-Asja (13),

—

wara li kkunsidra d-Dikjarazzjoni Universali tad-Drittijiet tal-Bniedem (UDHR) u trattati u strumenti oħra tan-Nazzjonijiet Uniti dwar id-drittijiet tal-bniedem,

—

wara li kkunsidra l-Konvenzjoni tan-NU tal-1948 dwar il-Prevenzjoni u l-Kastig tad-Delitt ta' Ġenoċidju,

—

wara li kkunsidra l-Protokoll tal-2014 għall-Konvenzjoni tal-Organizzazzjoni Internazzjonali tax-Xogħol tal-1930 dwar ix-Xogħol Furzat, li ma ġiex iffirmat miċ-Ċina,

—

wara li kkunsidra l-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) u l-Ftehim ta' Pariġi, li daħal fis-seħħ fl-4 ta' Novembru 2016,

—

wara li kkunsidra l-Konvenzjoni tan-NU dwar id-Dritt tal-Baħar (UNCLOS) konkluża fl-10 ta' Diċembru 1982 u li ilha fis-seħħ mis-16 ta' Novembru 1994,

—

wara li kkunsidra r-rapport tal-Grupp ta' Riflessjoni Maħtur mis-Segretarju Ġenerali tan-NATO tal-25 ta' Novembru 2020 bit-titolu “NATO 2030: United for a New Era” (NATO 2030: Magħquda għal Era Ġdida),

—

wara li kkunsidra l-14-il Pjan ta' Ħames Snin taċ-Ċina u l-prinċipji ta' “ċirkolazzjoni doppja” u “ktajjen tal-provvista sikuri”,

—

wara li kkunsidra l-Artikolu 36 tal-Kostituzzjoni tar-Repubblika tal-Poplu taċ-Ċina, li jiggarantixxi liċ-ċittadini kollha d-dritt għal-libertà tat-twemmin reliġjuż, u l-Artikolu 4 tagħha, li jiddefendi d-drittijiet tan-“nazzjonalitajiet f'minoranza”,

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra l-opinjoni tal-Kumitat għall-Kummerċ Internazzjonali,

—

wara li kkunsidra r-rapport tal-Kumitat għall-Affarijiet Barranin (A9-0252/2021),

A.

billi, fil-qafas strateġiku tagħha dwar id-drittijiet tal-bniedem u d-demokrazija, l-UE twiegħed li se tippromwovi d-drittijiet tal-bniedem, id-demokrazija, u l-istat tad-dritt “fl-oqsma kollha tal-azzjoni esterna tagħha, mingħajr eċċezzjoni” u li se “tqiegħed id-drittijiet tal-bniedem fil-qalba tar-relazzjonijiet tagħha mal-pajjiżi terzi kollha, inklużi s-sħab strateġiċi tagħha”;

B.

billi permezz tat-tkabbir ekonomiku qawwi u l-aġenda assertiva tal-politika barranija tagħha, b'mod partikolari l-istrateġija ta' investiment tagħha, il-politiki “Going Global” u “Made in China 2025”, u l-Inizjattiva “Belt and Road” (BRI), iċ-Ċina qed timplimenta rwol globali aktar b'saħħtu kemm bħala setgħa ekonomika kif ukoll bħala attur fil-politika barranija, li jippreżenta sfidi politiċi, ekonomiċi, ta' sigurtà u teknoloġiċi serji għall-UE, li mbagħad joħloq konsegwenzi sinifikanti u fit-tul għall-ordni dinji u jhedded serjament il-multilateraliżmu bbażat fuq ir-regoli u l-valuri demokratiċi ewlenin;

C.

billi r-Repubblika tal-Poplu taċ-Ċina hija Stat unitarju, komunista b'partit wieħed, irregolat mill-Partit Komunista taċ-Ċina (CPC), li huwa impenjat favur il-Marxiżmu-Leniniżmu; billi ma taqsam l-ebda valur demokratiku bħal-libertà individwali, il-libertà tal-kelma u l-libertà tar-reliġjon;

D.

billi ċ-Ċina qed taspira dejjem aktar għal rwol aktar globali, hekk kif il-President Ċiniż Xi Jinping pubblikament wiegħed fir-rapport tiegħu li sar fid-19-il Kungress tal-Partit Komunista fl-2017 li sal-2049 iċ-Ċina se ssir protagonista globali f'termini ta' saħħa nazzjonali komposta u influwenza internazzjonali;

E.

billi t-tradizzjoni fit-tul tad-demokrazija f'Hong Kong, fil-Macau u fit-Tajwan turi li d-demokrazija hija apprezzata mill-poplu Ċiniż;

F.

billi fil-Macau, wara l-projbizzjoni taċ-ċerimonji li jfakkru l-anniversarju tal-massakru Tiananmen u li jagħmlu pressjoni fuq l-organizzazzjonijiet tal-media biex jadottaw linja editorjali favur iċ-Ċina, dan is-sajf, l-awtoritajiet Ċiniżi eskludew 21 kandidat, li l-biċċa l-kbira tagħhom huma membri ta' movimenti favur id-demokrazija, milli jipparteċipaw fl-elezzjonijiet leġiżlattivi li jmiss;

G.

billi ċ-Ċina għandha rekord ta' ksur tad-drittijiet tal-bniedem li jevita l-impenji bilaterali u multilaterali tal-pajjiż f'dawn l-oqsma; billi ċ-Ċina ppreżentat regolarment riżoluzzjonijiet lill-Kunsill tad-Drittijiet tal-Bniedem tan-NU bil-għan li l-prinċipji tas-“sovranità, in-nuqqas ta' indħil u r-rispett reċiproku” isiru prinċipji fundamentali mhux negozjabbli li jiġu qabel il-promozzjoni u l-protezzjoni tad-drittijiet tal-bniedem tal-individwi; billi ċ-Ċina qed twettaq il-persekuzzjoni sistemika tal-poplu Ujgur, it-Tibetani, il-Mongoli u minoranzi etniċi oħra, id-difensuri tad-drittijiet tal-bniedem, l-attivisti soċjali, il-gruppi reliġjużi, il-ġurnalisti, u l-petizzjonanti u d-dimostranti kontra l-inġustizzji, kif ukoll ir-repressjoni dejjem tikber tal-ilħna kollha li ma jaqblux u ta' oppożizzjoni, speċjalment f'Hong Kong; billi l-miżuri ta' avvjament u l-impenji mhux vinkolanti ma kinux biżżejjed biex iżidu l-impenn taċ-Ċina għal valuri li huma fundamentali għall-UE;

H.

billi t-tluq reċenti ta' korrispondenti barranin miċ-Ċina u t-tikkettar mill-awtoritajiet Ċiniżi tal-Klabb tal-Korrispondenti Barranin bħala “organizzazzjoni illegali” huma l-aħħar f'serje twila u li qed tiżdied ta' każijiet ta' fastidju u ta' tfixkil kontra ġurnalisti barranin, li fl-aħħar mill-aħħar qed jitilqu miċ-Ċina; billi dan huwa parti minn sforz biex fid-dinja kollha jiġi kkontrollat id-diskors dwar iċ-Ċina u biex jiġi ddeterminat x'tip ta' diskors u diskussjonijiet jistgħu jsiru b'mod globali, u jqis dan l-isforz bħala parti minn theddida totalitarja;

I.

billi l-istrateġija eżistenti tal-UE dwar iċ-Ċina żvelat il-limitazzjonijiet tagħha fid-dawl tal-iżviluppi reċenti u tal-isfidi globali maħluqa miċ-Ċina u jeħtieġ li tiġi aġġornata;

J.

billi l-Parlament appella lill-Kummissjoni għal eżerċizzju esplorattiv u valutazzjoni tal-impatt sabiex tibda formalment in-negozjati mat-Tajwan mill-aktar fis possibbli;

K.

billi mit-tnedija tal-kampanja tal-Gvern Ċiniż fl-2014 bl-isem “Strike hard against violent terrorism” (Niġġieldu sew kontra t-terroriżmu vjolenti), is-sitwazzjoni tal-Ujguri u minoranzi etniċi primarjament Musulmani oħra fir-Reġjun Awtonomu ta' Xinjiang Uyghur marret għall-agħar malajr; billi aktar minn miljun persuna jinsabu l-ħabs f'kampijiet ta' detenzjoni, imsejħa ċentri ta' “edukazzjoni politika mill-ġdid” jew ta' “taħriġ”, li fihom l-Ujguri huma soġġetti għal xogħol sistemiku furzat, tortura, għajbien furzat, sorveljanza tal-massa, tħassir kulturali u reliġjuż, l-isterilizzazzjoni furzata tan-nisa, vjolenza sesswali, ksur tad-drittijiet riproduttivi u separazzjoni tal-familja; billi l-analiżi legali kkonkludiet li dawn ir-reati jikkostitwixxu reati kontra l-umanità, anki allegat ġenoċidju, fi ħdan il-qafas legali internazzjonali; billi diversi parlamenti nazzjonali adottaw pożizzjonijiet ta' dan it-tip;

L.

billi r-Reġim Globali ta' Sanzjonijiet tal-UE b'rabta mad-Drittijiet tal-Bniedem jippermetti lill-UE timponi miżuri restrittivi fuq individwi, entitajiet u korpi fil-mira, inklużi stati u atturi mhux statali, li jkunu responsabbli għal, involuti fi jew assoċjati ma' ksur serju tad-drittijiet tal-bniedem u abbużi; billi fit-22 ta' Marzu 2021 ġew inklużi erba' individwi Ċiniżi u entità waħda direttament responsabbli għal ksur serju tad-drittijiet tal-bniedem fir-Reġjun Awtonomu ta' Xinjiang Uyghur fil-lista ta' persuni fiżiċi u entitajiet soġġetti għal dawn il-miżuri restrittivi; billi b'reazzjoni għal dawn il-miżuri, iċ-Ċina imponiet kontrosanzjonijiet fuq għaxar individwi Ewropej u erba' entitajiet, inklużi ħames Membri tal-Parlament Ewropew u żewġ korpi istituzzjonali tal-UE, is-Sottokumitat għad-Drittijiet tal-Bniedem tal-Parlament Ewropew u l-Kumitat Politiku u ta' Sigurtà tal-Kunsill tal-Unjoni Ewropea, kif ukoll żewġ akkademiċi Ewropej, żewġ gruppi ta' riflessjoni fil-Ġermanja u l-Fondazzjoni tal-Alleanza tad-Demokraziji fid-Danimarka; billi s-sanzjonijiet Ċiniżi ma kellhomx ġustifikazzjoni legali u bażi legali u kienu mmirati direttament mhux biss lejn l-individwi u l-entitajiet ikkonċernati iżda wkoll lejn l-Unjoni Ewropea kollha kemm hi; billi s-sanzjonijiet huma tentattiv ċar biex jiskoraġġixxu lill-UE milli tkompli bil-ħidma u l-azzjoni tagħha kontra l-abbużi tad-drittijiet tal-bniedem fiċ-Ċina;

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

63.

64.

65.

66.

67.

68.

69.

70.

—

wara li kkunsidra r-Regolament (UE) 2019/1150 tal-Parlament Ewropew u tal-Kunsill tal-20 ta' Ġunju 2019 dwar il-promozzjoni tal-korrettezza u tat-trasparenza għall-utenti kummerċjali tas-servizzi tal-intermedjazzjoni online (1),

—

wara li kkunsidra d-Direttiva (UE) 2019/1152 tal-Parlament Ewropew u tal-Kunsill tal-20 ta' Ġunju 2019 dwar kondizzjonijiet tax-xogħol trasparenti u prevedibbli fl-Unjoni Ewropea (2),

—

wara li kkunsidra d-Direttiva (UE) 2019/770 tal-Parlament Ewropew u tal-Kunsill tal-20 ta' Mejju 2019 dwar ċerti aspetti li jikkonċernaw il-kuntratti għall-provvista ta' kontenut diġitali u ta' servizzi diġitali (3),

—

wara li kkunsidra r-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data, GDPR) (4),

—

wara li kkunsidra l-Pilastru Ewropew tad-Drittijiet Soċjali,

—

wara li kkunsidra r-rakkomandazzjoni tal-Kunsill tat-8 ta' Novembru 2019 dwar l-aċċess għall-protezzjoni soċjali għall-ħaddiema u għall-persuni li jaħdmu għal rashom (5),

—

wara li kkunsidra l-konklużjonijiet tal-Kunsill tal-24 ta' Ottubru 2019 dwar “Il-Futur tax-Xogħol: l-Unjoni Ewropea tippromwovi d-Dikjarazzjoni Ċentinarja tal-ILO” (6),

—

wara li kkunsidra l-konklużjonijiet tal-Kunsill tat-13 ta' Ġunju 2019 dwar “Id-dinja tax-xogħol li qed tinbidel: riflessjonijiet fuq forom ġodda ta' xogħol u l-implikazzjonijiet għas-sikurezza u s-saħħa tal-ħaddiema” (7),

—

wara li kkunsidra l-proposta tal-Kummissjoni tal-15 ta' Diċembru 2020 għal regolament tal-Parlament Ewropew u tal-Kunsill dwar Suq Uniku Għas-Servizzi Diġitali (l-Att dwar is-Servizzi Diġitali) u li jemenda d-Direttiva 2000/31/KE (COM(2020)0825),

—

wara li kkunsidra l-proposta tal-Kummissjoni tal-15 ta' Diċembru 2020 għal regolament tal-Parlament Ewropew u tal-Kunsill dwar swieq kontestabbli u ġusti fis-settur diġitali (l-Att dwar is-Swieq Diġitali) (COM(2020)0842),

—

wara li kkunsidra l-komunikazzjoni tal-Kummissjoni tal-4 ta' Marzu 2021 bit-titolu “Il-Pjan ta' Azzjoni tal-Pilastru Ewropew tad-Drittijiet Soċjali” (COM(2021)0102),

—

wara li kkunsidra l-komunikazzjoni tal-Kummissjoni tad-19 ta' Frar 2020 bit-titolu “Strateġija Ewropea għad-data” (COM(2020)0066),

—

wara li kkunsidra l-White Paper tal-Kummissjoni tad-19 ta' Frar 2020 bit-titolu “White Paper dwar l-Intelliġenza Artifiċjali – Approċċ Ewropew għall-eċċellenza u għall-fiduċja” (COM(2020)0065),

—

wara li kkunsidra l-komunikazzjoni tal-Kummissjoni tal-14 ta' Jannar 2020 bit-titolu “Ewropa soċjali b'saħħitha għal tranżizzjonijiet ġusti” (COM(2020)0014),

—

wara li kkunsidra l-komunikazzjoni tal-Kummissjoni tat-2 ta' Ġunju 2016 bit-titolu “Aġenda Ewropea għall-ekonomija kollaborattiva” (COM(2016)0356),

—

wara li kkunsidra d-dokument ta' konsultazzjoni tal-Kummissjoni tal-24 ta' Frar 2021 intitolat “L-ewwel fażi tal-konsultazzjoni tas-sħab soċjali skont l-Artikolu 154 tat-TFUE dwar azzjoni possibbli li tindirizza l-isfidi relatati mal-kundizzjonijiet tax-xogħol fuq pjattaforma diġitali”(C(2021)1127),

—

wara li kkunsidra r-riżoluzzjoni tiegħu tal-21 ta' Jannar 2021 li tinkludi rakkomandazzjonijiet lill-Kummissjoni dwar id-dritt ta' skonnessjoni (8),

—

wara li kkunsidra r-riżoluzzjoni tiegħu tas-17 ta' Diċembru 2020 dwar Ewropa soċjali b'saħħitha għal Tranżizzjonijiet Ġusti (9),

—

wara li kkunsidra r-riżoluzzjoni tiegħu tat-22 ta' Ottubru 2020 dwar l-impjiegi u l-politiki soċjali taż-żona tal-euro fl-2020 (10),

—

wara li kkunsidra r-riżoluzzjoni tiegħu tal-20 ta' Ottubru 2020 b'rakkomandazzjonijiet għall-Kummissjoni dwar qafas tal-aspetti etiċi tal-intelliġenza artifiċjali, ir-robotika u t-teknoloġiji relatati (11),

—

wara li kkunsidra r-riżoluzzjoni tiegħu tal-20 ta' Ottubru 2020 li tinkludi rakkomandazzjonijiet lill-Kummissjoni dwar l-Att dwar is-Servizzi Diġitali: Titjib tal-funzjonament tas-Suq Uniku (12),

—

wara li kkunsidra l-pożizzjoni tiegħu tal-10 ta' Lulju 2020 dwar il-proposta għal deċiżjoni tal-Kunsill fir-rigward ta' linji gwida għal-linji politiċi dwar l-impjiegi tal-Istati Membri (13),

—

wara li kkunsidra r-riżoluzzjoni tiegħu tal-10 ta' Ottubru 2019 dwar l-impjiegi u l-politiki soċjali taż-żona tal-euro (14),

—

wara li kkunsidra r-riżoluzzjoni tiegħu tad-19 ta' Jannar 2017 dwar Pilastru Ewropew tad-Drittijiet Soċjali (15),

—

wara li kkunsidra r-riżoluzzjoni tiegħu tal-15 ta' Ġunju 2017 dwar aġenda Ewropea għall-ekonomija kollaborattiva (16),

—

wara li kkunsidra r-riżoluzzjoni tiegħu tal-15 ta' Ġunju 2017 dwar il-pjattaformi online u s-suq uniku diġitali (17),

—

wara li kkunsidra r-riżoluzzjoni tiegħu tal-4 ta' Lulju 2017 dwar il-kundizzjonijiet tax-xogħol u impjieg prekarju (18),

—

wara li kkunsidra l-ittra ta' missjoni tal-Kummissarju Nicolas Schmit tal-10 ta' Settembru 2019 u l-programm ta' ħidma tal-Kummissjoni għall-2021,

—

wara li kkunsidra l-opinjoni tal-Kumitat Ekonomiku u Soċjali Ewropew tat-18 ta' Settembru 2020 bit-titolu “Fair work in the platform economy” (Kundizzjonijiet tax-xogħol ekwi fl-ekonomija tal-pjattaformi),

—

wara li kkunsidra l-opinjoni tal-Kumitat Ewropew tar-Reġjuni tal-5 ta' Diċembru 2019 dwar “Qafas Ewropew għal reazzjonijiet regolatorji għall-ekonomija kollaborattiva”,

—

wara li kkunsidra l-Ftehim Qafas tas-Sħab Soċjali Ewropej dwar id-Diġitalizzazzjoni ta' Ġunju 2020 (19),

—

wara li kkunsidra r-Rakkomandazzjoni Nru 198 tal-Organizzazzjoni Internazzjonali tax-Xogħol (ILO) dwar ir-Relazzjonijiet tal-Impjieg,

—

wara li kkunsidra l-istudju tal-Kummissjoni tat-13 ta' Marzu 2020 bit-titolu “Study to gather evidence on the working conditions of platform workers” (Studju għall-ġbir ta' evidenza dwar il-kundizzjonijiet tax-xogħol tal-ħaddiema tal-pjattaformi),

—

wara li kkunsidra r-rapport taċ-Ċentru Konġunt għar-Riċerka tal-Kummissjoni (JRC) bit-titolu “The changing nature of work and skills in the digital age” (In-natura dejjem tinbidel tax-xogħol u tal-ħiliet fl-era diġitali),

—

wara li kkunsidra r-rapport tal-JRC tal-Kummissjoni bit-titolu “Platform Workers in Europe” (Ħaddiema tal-Pjattaformi fl-Ewropa),

—

wara li kkunsidra l-istudju bit-titolu “The platform economy and precarious work” (L-ekonomija tal-pjattaformi u x-xogħol prekarju) ippubblikat mid-Direttorat Ġenerali tiegħu għall-Politiki Interni fil-11 ta' Settembru 2020 (20),

—

wara li kkunsidra l-istudju bit-titolu “The Social Protection of Workers in the Platform Economy” (Il-Protezzjoni tal-Ħaddiema fl-Ekonomija tal-Pjattaformi), ippubblikat mid-Direttorat Ġenerali tiegħu għall-Politiki Interni fis-7 ta' Diċembru 2017 (21),

—

wara li kkunsidra r-rapport tas-Cedefop tal-24 ta' Settembru 2020 bit-titolu “Developing and matching skills in the online platform economy” (L-iżvilupp u t-tlaqqigħ tal-ħiliet fl-ekonomija tal-pjattaformi online),

—

wara li kkunsidra n-nota ta' tgħarrif tas-Cedefop tat-30 ta' Lulju 2020 bit-titolu “Online working and learning in the coronavirus era” (Xogħol u tagħlim online fl-era tal-coronavirus),

—

wara li kkunsidra l-istudju tal-Eurofound tal-24 ta' Settembru 2018 bit-titolu “Employment and working conditions of selected types of platform work” (Impjieg u kundizzjonijiet tax-xogħol ta' tipi magħżula ta' xogħol fuq pjattaforma diġitali),

—

wara li kkunsidra r-rapport ta' politika tal-Eurofound tat-23 ta' Settembru 2019 bit-titolu “Platform work: Maximising the potential while safeguarding standards?' (Ix-xogħol fuq pjattaforma diġitali: Nimmassimizzaw il-potenzjal filwaqt li nissalvagwardjaw l-istandards?),

—

wara li kkunsidra r-rapport ta' riċerka tal-Eurofound tal-21 ta' Settembru 2020 bit-titolu ‘Back to the future: Policy pointers from platform work scenarios’ (Lura lejn il-futur: Pointers ta' politika mix-xenarji ta' ħidma tal-pjattaformi),

—

wara li kkunsidra r-repożitorju fuq is-sit web tal-Eurofound dwar l-ekonomija tal-pjattaformi (22),

—

wara li kkunsidra l-istudju tal-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA) tas-7 ta' Novembru 2017 bit-titolu ‘Protecting Workers in the Online Platform Economy: An overview of regulatory and policy developments in the EU’ (Nipproteġu l-Ħaddiema fl-Ekonomija tal-Pjattaformi Online: Ħarsa ġenerali lejn l-iżviluppi regolatorji u ta' politika fl-UE),

—

wara li kkunsidra r-rapport tal-ILO tat-23 ta' Frar 2021 intitolat ‘World Employment and Social Outlook 2021: The role of digital labour platforms in transforming the world of work’ (Prospettiva dinjija dwar l-impjiegi u soċjali 2021: Ir-rwol tal-pjattaformi diġitali tax-xogħol fit-trasformazzjoni tad-dinja tax-xogħol),

—

wara li kkunsidra r-rapport tal-ILO tal-20 ta' Settembru 2018 bit-titolu ‘Digital labour platforms and the future of work: Towards decent work in the online world’ (Pjattaformi tax-xogħol diġitali u l-futur tax-xogħol: Lejn xogħol deċenti fid-dinja online),

—

wara li kkunsidra d-Dikjarazzjoni taċ-Ċentenarju tal-ILO għall-Futur tax-Xogħol tal-21 ta' Ġunju 2019,

—

wara li kkunsidra l-Indiċi dwar l-Ugwaljanza bejn il-Ġeneri tal-2020 tal-Istitut Ewropew għall-Ugwaljanza bejn il-Ġeneri: Digitalisation and the future of work (Id-diġitalizzazzjoni u l-futur tax-xogħol),

—

wara li kkunsidra r-rapporti tad-Data & Society ta' Frar 2019 bit-titoli ‘Workplace Monitoring & Surveillance’ (Monitoraġġ u Sorveljanza tal-Post tax-Xogħol) u ‘Algorithmic Management in the Workplace’ (Ġestjoni Algoritmika fil-Post tax-Xogħol),

—

wara li kkunsidra l-istudju bit-titolu ‘Data subjects, digital surveillance, AI and the future of work’ (Is-suġġetti tad-data, is-sorveljanza diġitali, l-IA u l-futur tax-xogħol),ippubblikat fit-23 ta' Diċembru 2020 mid-Direttorat Ġenerali tiegħu għas-Servizzi ta' Riċerka Parlamentari, (23),

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra l-opinjoni tal-Kumitat għat-Trasport u t-Turiżmu,

—

wara li kkunsidra r-rapport tal-Kumitat għall-Impjiegi u l-Affarijiet Soċjali (A9-0257/2021),

A.

billi ‘ħaddiema tal-pjattaformi’ tirreferi għal individwi li jwettqu xogħol jew jipprovdu servizzi, b'ħafna jew bi ftit kontroll, permezz ta' pjattaforma tax-xogħol diġitali; billi, għaldaqstant, tista' tinkludi kemm ħaddiema kif ukoll persuni li ġenwinament jaħdmu għal rashom;

B.

billi ‘pjattaforma tax-xogħol diġitali’ tirreferi għal kumpanija li tintermedja jew toffri, b'livelli differenti ta' kontroll, servizzi fuq talba, mitluba minn klijenti individwali jew korporattivi u pprovduti direttament jew indirettament minn individwi, irrispettivament minn jekk dawn is-servizzi jitwettqux fuq il-post jew online;

C.

billi ‘xogħol fuq pjattaforma’ tirreferi għal xogħol imwettaq u servizzi pprovduti fuq talba u għal remunerazzjoni mill-ħaddiema tal-pjattaformi, irrispettivament mill-istatus ta' impjieg tagħhom, mit-tip ta' pjattaformi diġitali tax-xogħol (fuq il-post jew online) jew mil-livell ta' ħiliet meħtieġa;

D.

billi hemm nuqqas ta' data suffiċjenti u aġġornata madwar l-Ewropa kollha dwar ix-xogħol fuq pjattaforma diġitali, u billi l-metodoloġija tal-ġbir tad-data tvarja bejn l-Istati Membri, u dan jagħmilha diffiċli biex jiġi ddeterminat kemm hu mifrux ix-xogħol fuq pjattaforma diġitali u l-għadd ta' ħaddiema kkonċernati; billi t-tkabbir ulterjuri tax-xogħol fuq pjattaforma diġitali fis-suq tax-xogħol huwa meqjus bħala probabbli ħafna;

E.

billi x-xogħol fuq pjattaforma diġitali jista' joħloq opportunitajiet ta' impjieg, iżid l-għażla, jipprovdi introjtu addizzjonali, u jnaqqas l-ostakli għad-dħul fis-suq tax-xogħol; billi x-xogħol fuq pjattaforma diġitali jista' jiffaċilita l-flessibbiltà u l-ottimizzazzjoni tar-riżorsi, u jipprovdi opportunitajiet kemm għall-persuni li jaħdmu fi pjattaformi u klijenti tax-xogħol diġitali kif ukoll permezz tagħhom, u t-tlaqqigħ tad-domanda għas-servizzi u l-provvista tagħhom; billi l-innovazzjoni fl-għodod diġitali hija prekundizzjoni għal xogħol fuq pjattaformi diġitali u tista' tikkontribwixxi għat-tkabbir fi żminijiet ta' kriżi u rkupru; billi x-xogħol fuq pjattaforma diġitali jista' joffri vantaġġi għall-istudenti u għal dawk li jixtiequ jikkombinaw l-istudju u x-xogħol fl-istess ħin, kif ukoll joħloq aċċess għall-impjiegi għaż-żgħażagħ barra mill-edukazzjoni, impjieg jew taħriġ (NEETs), u għal persuni b'livelli aktar baxxi ta' ħiliet;

F.

billi x-xogħol fuq pjattaforma diġitali bl-ebda mod ma jista' jkun limitat għat-trasport tal-persuni jew il-konsenja ta' ikel, peress li jikkonsisti wkoll f'kompiti professjonali, kompiti domestiċi u mikrokompiti;

G.

billi x-xogħol fuq pjattaforma diġitali jiffaċilita l-aċċess għas-suq tax-xogħol permezz ta' forom moderni ta' impjieg u jinkoraġġixxi l-iżvilupp ta' teknoloġiji sabiex jiġi ffaċilitat l-użu tal-pjattaformi u jqarribhom kemm lejn il-kumpaniji kif ukoll lejn il-konsumaturi;