1.

Din ir-riżoluzzjoni tibni fuq ir-Riżoluzzjoni dwar l-Istrateġija tal-Unjoni Ewropea għaż-Żgħażagħ 2019-2027 (1), ir-Riżoluzzjoni li tistabbilixxi linji gwida dwar il-governanza tad-Djalogu tal-UE maż-Żgħażagħ (2), il-Konklużjonijiet dwar it-trawwim tal-kuxjenza demokratika u l-involviment demokratiku fost iż-żgħażagħ fl-Ewropa (3), il-Konklużjonijiet dwar tisħiħ tal-governanza f’diversi livelli fil-promozzjoni tal-parteċipazzjoni taż-żgħażagħ fil-proċessi tat-teħid tad-deċiżjonijiet (4), u l-eżiti taċ-ċikli preċedenti tad-Djalogu tal-UE maż-Żgħażagħ.

2.

Ir-Riżoluzzjoni dwar l-Istrateġija tal-Unjoni Ewropea għaż-Żgħażagħ 2019-2027 tistabbilixxi objettivi ġenerali, prinċipji gwida u bażi għal aktar kooperazzjoni fil-qasam taż-żgħażagħ fil-livell tal-UE. Ir-riżoluzzjoni tappella għal involviment akbar taż-żgħażagħ fid-djalogu ma’ dawk li jieħdu d-deċiżjonijiet, u għall-involviment taż-żgħażagħ minn diversi sfondi u gruppi soċjali.

3.

Id-djalogu tal-UE maż-Żgħażagħ (EUYD) huwa mekkaniżmu ta’ parteċipazzjoni għaż-żgħażagħ fl-UE. Dan iservi ta’ forum għal riflessjoni konġunta kontinwa u għal konsultazzjoni dwar il-prijoritajiet, l-implimentazzjoni u s-segwitu tal-kooperazzjoni fil-livell tal-UE fil-qasam taż-żgħażagħ (5) bejn dawk li jieħdu d-deċiżjonijiet, iż-żgħażagħ u l-organizzazzjonijiet rappreżentattivi tagħhom, u li jippermetti sħubija kontinwa fil-governanza ta’ dawn il-proċessi fil-livell lokali, reġjonali, nazzjonali u Ewropew.

4.

L-Istati Membri huma mħeġġa jiffaċilitaw il-parteċipazzjoni taż-żgħażagħ fil-fażijiet kollha tal-implimentazzjoni tad-Djalogu tal-UE maż-Żgħażagħ billi jinvolvu s-settur taż-żgħażagħ u billi jagħtu, fejn xieraq, rwol ewlieni lill-Kunsill Nazzjonali taż-Żgħażagħ (NYC) (6) rispettiv fil-Grupp ta’ Ħidma Nazzjonali (NWG) u fil-Grupp ta’ Tmexxija Ewropew (ESG).

5.

L-eżiti tat-Tmien Ċiklu tal-EUYD huma bbażati fuq it-tliet Konferenzi tal-UE dwar iż-Żgħażagħ minn dan iċ-ċiklu, fuq feedback minn konsultazzjonijiet u avvenimenti kwalitattivi nazzjonali u Ewropej mill-fażi tad-djalogu, fuq ir-riżultati kwantitattivi tal-Istħarriġ Ċentrali tal-EUYD, u fuq ir-riżultati mill-fażi tal-impatt fil-livell nazzjonali u Ewropew, u jikkontribwixxu għall-integrazzjoni tal-implimentazzjoni f’diversi livelli u transsettorjali tal-Għan dwar iż-Żgħażagħ #9 “Spazju u Parteċipazzjoni għal Kulħadd”. Iċ-ċiklu ġie kkoordinat fil-livell Ewropew mill-Grupp ta’ Tmexxija Ewropew.

6.

L-għan ta’ dan id-dokument huwa li jiżgura li l-eżiti tat-Tmien Ċiklu tal-EUYD jiġu rikonoxxuti u jingħataw segwitu mill-partijiet ikkonċernati rilevanti fil-qasam tal-politiki nazzjonali u Ewropej dwar iż-żgħażagħ, u li jiżgura l-kwalità u l-kontinwità fl-implimentazzjoni tal-proċess tal-EUYD u l-eżiti tiegħu.

7.

It-Tmien Ċiklu tad-Djalogu tal-UE maż-Żgħażagħ matul il-Presidenzi Ġermaniża-Portugiża-Slovena matul il-perijodu mill-1 ta’ Lulju 2020 sal-31 ta’ Diċembru 2021 taħt it-titolu komuni “Ewropa għaż-Żgħażagħ - Żgħażagħ għall-Ewropa: Spazju għad-Demokrazija u l-Parteċipazzjoni” jibni fuq l-Għanijiet Ewropej dwar iż-Żgħażagħ, jiġifieri l-Għan għaż-Żgħażagħ #9 “Spazju u Parteċipazzjoni għal Kulħadd” tal-Istrateġija tal-Unjoni Ewropea għaż-Żgħażagħ 2019-2027.

8.

Filwaqt li r-Riżoluzzjoni dwar l-Istrateġija tal-Unjoni Ewropea għaż-Żgħażagħ 2019-2027 tappella għal involviment akbar taż-żgħażagħ fil-proċess ta’ Djalogu tal-UE maż-Żgħażagħ, hija teħtieġ kapaċità suffiċjenti, b’mod partikolari riżorsi finanzjarji u umani, biex tilħaq maż-żgħażagħ kollha fil-livell lokali, reġjonali, nazzjonali u Ewropew u tikkomunika magħhom.

9.

Il-kontribut tal-Gruppi ta’ Ħidma Nazzjonali huwa importanti fit-tmexxija tal-proċessi tad-Djalogu tal-UE maż-Żgħażagħ fil-livell nazzjonali, inkluż fil-livell reġjonali u lokali, b’mod partikolari biex jintlaħqu gruppi differenti ta’ żgħażagħ u biex il-partijiet ikkonċernati nazzjonali, reġjonali u lokali differenti jiġu konnessi mal-proċess.

10.

Il-kontribut tal-Organizzazzjonijiet Internazzjonali taż-Żgħażagħ Mhux Governattivi (INGYOs) huwa importanti biex iwassal firxa ta’ perspettivi minn madwar l-Ewropa għad-djalogu ta’ politika u biex jiġi żgurat kontribut ta’ kwalità dwar id-dimensjoni tranżnazzjonali tal-proċess ta’ Djalogu tal-UE maż-Żgħażagħ.

11.

Karatteristika partikolari tat-Tmien Ċiklu kienet l-enfasi fuq il-kwalità tal-parteċipazzjoni u l-użu predominanti tal-għodod diġitali fil-kuntest tal-kriżi tas-saħħa. It-Tmien Ċiklu tal-proċess tal-EUYD seħħ matul il-pandemija tal-COVID-19 meta l-biċċa l-kbira tal-pajjiżi tal-UE kellhom fis-seħħ miżuri ta’ tbegħid soċjali, li llimitaw il-kapaċità li jsiru laqgħat fiżiċi. Minħabba l-pandemija, it-tliet Konferenzi tal-UE dwar iż-Żgħażagħ ġew organizzati f’kooperazzjoni mill-qrib mal-Kunsilli Nazzjonali taż-Żgħażagħ rispettivi f’format virtwali.

12.

Il-Presidenza Ġermaniża ffukat fuq is-sensibilizzazzjoni demokratika u l-impenn demokratiku fost iż-żgħażagħ fl-Ewropa taħt is-slogan “Żgħażagħ u Demokrazija”. Bħala bażi għal konsultazzjonijiet u avvenimenti fil-livell nazzjonali u Ewropew, ġie propost sett ta’ mistoqsijiet kwalitattivi lill-Gruppi ta’ Ħidma Nazzjonali (NWG) fl-Istati Membri u lill-Organizzazzjonijiet Internazzjonali Mhux Governattivi taż-Żgħażagħ (INGYOs), b’enfasi fuq is-seba’ miri tal-Għan dwar iż-Żgħażagħ #9 “Spazju u Parteċipazzjoni għal Kulħadd”.

13.

Il-Presidenza Portugiża ffukat fuq it-tisħiħ tal-governanza f’diversi livelli permezz tal-promozzjoni tal-parteċipazzjoni taż-żgħażagħ fil-proċessi tat-teħid tad-deċiżjonijiet u għamlet enfasi partikolari fuq il-parteċipazzjoni taż-żgħażagħ permezz tal-innovazzjoni diġitali. Ingħatat attenzjoni wkoll lill-approċċi bbażati fuq id-drittijiet taż-żgħażagħ għall-politiki dwar iż-żgħażagħ, u dan kien is-suġġett tad-dibattitu ta’ orjentazzjoni li sar fil-laqgħa tal-Kunsill tal-Ministri għaż-Żgħażagħ fis-17 ta’ Mejju 2021. Peress li l-Presidenza Portugiża ħabtet mat-tranżizzjoni mill-fażi tad-djalogu għall-fażi ta’ implimentazzjoni, ġie żviluppat sett ta’ għodod b’azzjonijiet konkreti biex jiġi implimentat l-Għan dwar iż-Żgħażagħ #9, b’kont meħud tar-rapporti dwar il-konsultazzjonijiet u l-avvenimenti kwalitattivi, u d-diskussjonijiet li saru mid-delegati Portugiżi tal-Konferenza tal-UE dwar iż-Żgħażagħ. Barra minn hekk, saret is-Solve the Gap Hackathon ta’ 28 siegħa u dan wassal għall-ħolqien ta’ għodda online biex tippromwovi l-involviment taż-żgħażagħ fil-proċessi demokratiċi. L-għodda ser tidher fil-Portal Ewropew taż-Żgħażagħ.

14.

Il-Presidenza Slovena esplorat l-importanza ta’ spazji ċiviċi għall-parteċipazzjoni taż-żgħażagħ u modi biex tissalvagwardjahom. Tat ħarsa wkoll lejn ir-riżultati kwantitattivi tal-Istħarriġ Ċentrali tal-EUYD u r-riżultati mis-sett ta’ mistoqsijiet gwida introdotti taħt il-Presidenza Portugiża, billi użathom biex tesplora prattiki tajbin għall-implimentazzjoni tal-Għan dwar iż-Żgħażagħ #9 u l-miri tiegħu, u tbiddel dawn il-prattiki f’Azzjonijiet għaż-Żgħażagħ. Ġew identifikati l-ostakli għall-implimentazzjoni tagħhom u t-triq ’il quddiem.

15.

Kull ċiklu tal-EUYD jibni fuq ċikli preċedenti, fuq il-Konferenzi tal-UE dwar iż-Żgħażagħ u fuq il-ħidma tal-presidenzi tal-Kunsill tal-UE fil-qasam taż-żgħażagħ. Huwa jenfasizza r-rwol u l-importanza tal-għaqda tat-triju ta’ Presidenzi fl-ilħuq tal-objettivi ta’ kull ċiklu tal-EUYD u fil-kontribut biex jintlaħqu l-miri stabbiliti fl-Għanijiet dwar iż-Żgħażagħ, billi jintrabtu ċikli suċċessivi.

16.

Il-Gruppi ta’ Ħidma Nazzjonali użaw varjetà ta’ metodi, bħal metodi viżivi parteċipattivi u metodi ta’ riċerka ta’ azzjoni parteċipattiva, avvenimenti madwar mejda u avvenimenti ta’ djalogu online maż-żgħażagħ. L-INGYOs iffaċilitaw avvenimenti madwar mejda li involvew lil dawk li jfasslu l-politika u ż-żgħażagħ fil-livell Ewropew.

17.

Il-Grupp ta’ Tmexxija Ewropew ippropona l-Istħarriġ Ċentrali tal-EUYD bħala mod kif jiġu esplorati segmenti oħra tal-parteċipazzjoni taż-żgħażagħ sabiex tiġi inkluża firxa wiesgħa kemm jista’ jkun ta’ vuċijiet u bħala mod kif il-Gruppi ta’ Ħidma Nazzjonali u l-INGYOs jiġu mħeġġa jiffukaw aktar fuq formati kwalitattivi u aktar sinifikanti għall-parteċipazzjoni fil-proċess ta’ djalogu, u b’hekk jingħata valur miżjud lill-konsultazzjonijiet fil-livell tal-UE.

18.

Il-kooperazzjoni u l-kokreazzjoni sinifikanti bejn it-tliet presidenzi tal-UE involuti u l-Kunsilli Nazzjonali taż-Żgħażagħ rispettivi tagħhom, il-Forum Ewropew taż-Żgħażagħ u l-Kummissjoni Ewropea kienu fost il-prinċipji ewlenin li ggwidaw l-implimentazzjoni tat-Tmien Ċiklu tal-EUYD.

19.

Li ż-żgħażagħ u l-organizzazzjonijiet taż-żgħażagħ jitqiegħdu fil-qalba tat-tfassil, l-ippjanar, l-implimentazzjoni, il-monitoraġġ, l-evalwazzjoni u s-segwitu taċ-ċiklu u l-attivitajiet kollha tiegħu, pereżempju billi jiġi żgurat li l-Kunsilli Nazzjonali taż-Żgħażagħ tal-presidenza jkollhom id-dritt li jikkopresiedu l-Grupp ta’ Tmexxija Ewropew, kien aspett ewlieni fis-suċċess tat-Tmien Ċiklu tal-EUYD.

20.

Ir-rikonoxximent ulterjuri tal-involviment u l-kontribut tal-INGYOs fil-proċess tal-EUYD huwa importanti biex jiġi żgurat li d-djalogu jkollu dimensjoni Ewropea b’saħħitha; għandhom jiġu żgurati finanzjament u appoġġ politiku sostenibbli, strutturali u suffiċjenti fil-livelli Ewropej u nazzjonali sabiex kemm il-Gruppi ta’ Ħidma Nazzjonali kif ukoll l-INGYOs ikunu jistgħu jwettqu l-attivitajiet tagħhom fil-qafas tal-proċess uffiċjali tal-EUYD.

21.

Il-Konferenzi tal-UE dwar iż-Żgħażagħ huma parti sinifikanti mill-proċess ta’ djalogu taż-żgħażagħ, joħolqu spazji sikuri fejn il-parteċipanti jkollhom l-għarfien u l-opportunitajiet meħtieġa biex jikkontribwixxu, u għandhom ilaqqgħu flimkien lil dawk li jieħdu d-deċiżjonijiet biex jieħdu sehem fid-djalogu b’mod sinifikanti, jaqsmu il-fehmiet maż-żgħażagħ fuq bażi ugwali, joħolqu flimkien magħhom l-eżiti tal-Konferenzi, u jintegraw l-eżiti, fejn possibbli, fit-teħid ta’ deċiżjonijiet politiċi tagħhom sabiex jiġi żgurat proċess sinifikanti ta’ parteċipazzjoni taż-żgħażagħ.

22.

L-organizzazzjoni tal-avvenimenti kollha relatati mad-Djalogu tal-UE maż-Żgħażagħ bl-aktar mod sostenibbli possibbli, u filwaqt li jitqiesu d-dimensjonijiet ambjentali, soċjali u ekonomiċi tas-sostenibbiltà, hija element importanti biex il-proċess isir aktar sinifikanti għaż-żgħażagħ u għal dawk li jieħdu d-deċiżjonijiet.

23.

L-enfasi fuq l-implimentazzjoni tal-Għan dwar iż-Żgħażagħ #9 sabiex il-miri tiegħu jinbidlu f’Azzjonijiet għaż-Żgħażagħ ġab dimensjoni ġdida importanti fil-proċess tad-Djalogu tal-UE maż-Żgħażagħ billi ġab il-bidliet li huma meħtieġa biex titjieb il-ħajja taż-żgħażagħ fl-Ewropa, u jista’ jiġi adottat minn ċikli futuri tal-EUYD bħala prattika tajba u ta’ ispirazzjoni.

24.

Iż-żgħażagħ huma l-preżent u l-futur ta’ Ewropa sostenibbli, soċjali, newtrali għall-klima, prospera u demokratika li tkun adattata għall-era diġitali. Il-parteċipazzjoni tagħhom hija vitali fit-tfassil tal-preżent u l-futur tal-Ewropa, filwaqt li jiġi żgurat li ċ-ċittadini kollha tagħha jgawdu minn sodisfazzjon u benesseri personali, u jingħataw is-setgħa li jinvolvu ruħhom f’ċittadinanza attiva u responsabbli.

25.

Il-pandemija tal-COVID-19 u l-miżuri eċċezzjonali li ttieħdu biex tiġi miġġielda l-pandemija kellhom impatt serju fuq il-parteċipazzjoni taż-żgħażagħ u fuq l-ispazji ċiviċi għaż-żgħażagħ, li ċkienu dejjem aktar u jistgħu jiġu salvagwardjati b’mod proattiv. Il-pandemija tal-COVID-19 enfasizzat ukoll l-importanza li jiġu esplorati u żviluppati aktar forom ġodda ta’ parteċipazzjoni u involviment ċiviku, speċjalment fil-kuntest tal-parteċipazzjoni diġitali taż-żgħażagħ, filwaqt li fl-istess ħin jiġu rikonoxxuti u indirizzati d-distakki diġitali eżistenti u l-limiti tal-parteċipazzjoni diġitali (7).

26.

Il-parteċipazzjoni attiva taż-żgħażagħ fil-konsultazzjonijiet kwalitattivi nazzjonali u Ewropej implimentati mill-Gruppi ta’ Ħidma Nazzjonali u l-Organizzazzjonijiet Internazzjonali Mhux Governattivi taż-Żgħażagħ, u l-involviment attiv tagħhom fl-Istħarriġ Ċentrali tal-EUYD imniedi mill-Grupp ta’ Tmexxija Ewropew, kif ukoll l-involviment attiv tagħhom fil-fażi ta’ implimentazzjoni. Il-konsultazzjonijiet u l-fażi ta’ implimentazzjoni involvew użu varjat u innovattiv ta’ stħarriġiet fuq skala iżgħar, gruppi fokus, avvenimenti kbar ta’ djalogu maż-żgħażagħ, workshops, riċerka ta’ azzjoni parteċipattiva, metodi viżwali parteċipattivi, diskussjonijiet madwar mejda tonda u avvenimenti ta’ djalogu diġitali maż-żgħażagħ.

27.

L-attivitajiet u l-miżuri proposti u li qed jitwettqu minn NWGs u INGYOs f’ċirkostanzi li saru diffiċli minħabba l-pandemija, bħala parti mill-proċess biex l-Għan dwar iż-Żgħażagħ #9 jinbidel f’Azzjonijiet għaż-Żgħażagħ.

28.

Il-kooperazzjoni b’suċċess u s-sħubija ugwali fil-Grupp ta’ Tmexxija Ewropew matul iċ-ċiklu kollu, li jibnu fuq ir-rakkomandazzjonijiet taċ-ċikli preċedenti tal-EUYD għall-implimentazzjoni f’diversi livelli u transsettorjali tal-EUYD.

29.

Jikkunsidraw l-eżiti tat-Tmien Ċiklu ta’ Djalogu tal-UE maż-Żgħażagħ, inkluż ir-rakkomandazzjonijiet taż-żgħażagħ mehmuża fl-Anness I, meta jfasslu u jimplimentaw il-politiki futuri dwar iż-żgħażagħ, f’sinerġija mal-politiki kollha li jaffettwaw liż-żgħażagħ, u jesploraw modi ulterjuri għall-implimentazzjoni tal-Għanijiet Ewropej dwar iż-Żgħażagħ u l-miri li jinsabu fihom.

30.

Isaħħu u jtejbu l-proċess ta’ Djalogu tal-UE maż-Żgħażagħ billi jikkunsidraw u, fejn possibbli, japplikaw l-aħjar prattiki mit-Tmien Ċiklu ta’ Djalogu tal-UE maż-Żgħażagħ u l-prinċipji li ggwidaw l-implimentazzjoni b’suċċess tiegħu, b’mod partikolari billi jpoġġu liż-żgħażagħ u lill-organizzazzjonijiet taż-żgħażagħ fil-qalba tal-proċess u jiżguraw li d-Djalogu tal-UE maż-Żgħażagħ ikun proċess immexxi miż-żgħażagħ fejn iż-żgħażagħ u dawk li jieħdu d-deċiżjonijiet ikollhom djalogu kostruttiv li jfittex soluzzjonijiet b’impatt reali. Il-Kunsilli Nazzjonali taż-Żgħażagħ, fejn applikabbli, għandhom għalhekk ikomplu jkunu l-partijiet ikkonċernati ewlenin fil-Gruppi ta’ Ħidma Nazzjonali u jingħataw l-appoġġ politiku u finanzjarju meħtieġ biex iwettqu dan ir-rwol.

31.

Jirrikonoxxu u jipprijoritizzaw ir-rwol tal-Gruppi ta’ Ħidma Nazzjonali (NWGs), l-impenn indispensabbli tagħhom għall-proċess, u l-importanza tagħhom fir-rigward tal-firxa u d-diversità tal-perspettivi.

32.

Jipprijoritizzaw u jagħtu viżibbiltà lill-EUYD f’avvenimenti nazzjonali u fil-livell tal-UE u jippromwovu l-parteċipazzjoni taż-żgħażagħ fil-proċessi tat-teħid tad-deċiżjonijiet f’kull livell, u jappoġġaw u jsaħħu l-kooperazzjoni bejn il-partijiet ikkonċernati differenti, jiġifieri l-Grupp ta’ Tmexxija Ewropew, il-Gruppi ta’ Ħidma Nazzjonali, il-Forum Ewropew taż-Żgħażagħ, il-Kunsilli Nazzjonali taż-Żgħażagħ, l-Organizzazzjonijiet Internazzjonali mhux Governattivi taż-Żgħażagħ, u partijiet ikkonċernati rilevanti oħra.

33.

Jipprovdu l-appoġġ neċessarju, inkluż ir-riżorsi finanzjarji adegwati, u l-għodod ta’ parteċipazzjoni adatti għaż-żgħażagħ meħtieġa biex ikun hemm djalogu maż-żgħażagħ u biex jintlaħqu aktar żgħażagħ minn firxa wiesgħa ta’ sfondi u gruppi soċjali f’kull livell, bil-għan li jinkisbu l-għanijiet ambizzjużi stabbiliti għall-proċess ta’ Djalogu tal-UE maż-Żgħażagħ fl-Istrateġija tal-Unjoni Ewropea għaż-Żgħażagħ 2019-2027.

34.

Jiżguraw approċċ aktar sostenibbli u strateġiku għall-komunikazzjoni u l-outreach tal-EUYD, fejn tiġi implimentata strateġija ta’ komunikazzjoni interna u esterna globali fil-livell Ewropew, u jipprovdu lill-Gruppi ta’ Ħidma Nazzjonali b’appoġġ addizzjonali, fejn rilevanti, biex itejbu l-komunikazzjoni tagħhom dwar l-EUYD, maħluqa b’mod konġunt minn organizzazzjonijiet taż-żgħażagħ, f’konformità mal-istrateġija ta’ komunikazzjoni Ewropea, maħluqa taħt it-tmexxija konġunta tal-organizzazzjonijiet taż-żgħażagħ, inkluż logo komuni tal-EUYD, li jagħti tikketta lill-azzjonijiet kollha tal-EUYD, fil-livell Ewropew, nazzjonali, reġjonali u lokali.

35.

Il-Kummissjoni Ewropea u l-Istati Membri għandhom jiżguraw it-tisħiħ ta’ memorja istituzzjonali fit-tul u l-kontinwità tal-ħidma bejn iċ-ċikli tal-EUYD. Għandhom jiġu organizzati skambji regolari u koordinazzjoni ggwidata miż-żgħażagħ u appoġġati b’mod adegwat bejn it-triju tal-Presidenzi, l-aħħar presidenza mit-triju preċedenti, l-ewwel presidenza mit-triju li jmiss, il-Kummissjoni u l-Forum Ewropew taż-Żgħażagħ. Id-dokumentazzjoni tal-Grupp ta’ Tmexxija Ewropew għandha tkun għad-dispożizzjoni tal-pubbliku fuq il-Portal Ewropew taż-Żgħażagħ.

36.

Jipprovdu feedback kontinwu liż-żgħażagħ u lill-organizzazzjonijiet taż-żgħażagħ involuti fl-istadji kollha tal-proċess tal-EUYD biex jiġi żgurat djalogu sinifikanti u parteċipazzjoni taż-żgħażagħ fil-livelli kollha.

1.

Fis-Summit Soċjali għall-Impjiegi Ġusti u t-Tkabbir li sar f’Gothenburg fl-2017, il-mexxejja tal-UE pproklamaw b’mod konġunt il-Pilastru Ewropew tad-Drittijiet Soċjali, li jistabbilixxi d-dritt għal edukazzjoni u taħriġ ta’ kwalità u inklużivi u tagħlim tul il-ħajja għal kulħadd bħala l-ewwel prinċipju tiegħu, u, bħala r-raba’ prinċipju tiegħu, id-dritt li wieħed jirċievi appoġġ meta jfittex impjieg, appoġġ għat-taħriġ u għar-rikwalifikazzjoni, kif ukoll id-dritt għat-trasferiment tal-intitolamenti tal-protezzjoni soċjali u t-taħriġ matul tranżizzjonijiet professjonali,

2.

Il-konklużjonijiet tal-Kunsill Ewropew tal-14 ta’ Diċembru 2017 (1) identifikaw l-edukazzjoni bħala element ewlieni għall-bini ta’ soċjetajiet inklużivi u koeżivi u għas-sostenn tal-kompetittività Ewropea; għalhekk, l-edukazzjoni u t-taħriġ tqiegħdu fil-qalba tal-aġenda politika Ewropea għall-ewwel darba,

3.

Fl-Aġenda Strateġika tal-UE 2019-2024 il-mexxejja tal-UE qablu li jżidu l-investimenti fil-ħiliet u l-edukazzjoni tan-nies,

4.

Il-mexxejja tal-UE ltaqgħu fis-Summit Soċjali ta’ Porto fis-7 ta’ Mejju 2021 biex japprofondixxu l-implimentazzjoni tal-Pilastru Ewropew tad-Drittijiet Soċjali billi jpoġġu l-edukazzjoni u l-ħiliet fiċ-ċentru tal-azzjoni politika,

5.

Fil-konklużjonijiet tal-Kunsill Ewropew ta’ Ġunju 2021, il-mexxejja tal-UE laqgħu l-miri ewlenin tal-UE dwar l-impjiegi, il-ħiliet u t-tnaqqis tal-faqar stabbiliti fil-Pjan ta’ Azzjoni tal-Pilastru Ewropew tad-Drittijiet Soċjali, f’konformità mad-Dikjarazzjoni ta’ Porto, inkluż il-mira fil-livell tal-UE ta’ mill-inqas 60 % tal-adulti jipparteċipaw fit-tagħlim kull sena sal-2030,

6.

Id-dokumenti ta’ sfond rilevanti, kif stabbiliti fl-Anness III għal din ir-Riżoluzzjoni, għandhom jiġu kkunsidrati.

7.

L-Aġenda Ewropea mġedda għat-tagħlim tal-adulti (EAAL), li ġiet adottata mill-Kunsill tal-Unjoni Ewropea fl-2011 sabiex tkompli, tikkomplementa u tikkonsolida l-ħidma fil-qasam tat-tagħlim għall-adulti skont l-erba’ objettivi strateġiċi identifikati mill-Kunsill fil-qafas strateġiku “ET2020”,

8.

Ir-Rakkomandazzjoni tal-Kunsill dwar Perkorsi ta’ Titjib tal-Ħiliet: Opportunitajiet Ġodda għall-Adulti (2016), li tissottolinja l-ħtiġijiet speċifiċi tal-adulti, b’mod partikolari fost gruppi b’livell baxx ta’ kwalifiki, mingħajr impjieg u dawk vulnerabbli, li għandhom bżonn attenzjoni u appoġġ addizzjonali biex itejbu l-ħiliet bażiċi tagħhom u jkunu jistgħu jagħmlu progress,

9.

Ir-Rapport “Kisbiet taħt l-Aġenda Ewropea Mġedda għat-Tagħlim tal-Adulti” (2019), li jagħmel rendikont tal-kisbiet fil-perjodu 2011-2018. Huwa jidentifika wkoll suġġetti u prijoritajiet emerġenti li jistgħu jitqiesu fil-perijodu ta’ wara l-2020, inkluż il-ħidma kontinwa dwar il-governanza, il-provvista u l-adozzjoni, il-flessibbiltà u l-aċċess kif ukoll l-assigurazzjoni tal-kwalità,

10.

L-Aġenda għall-Ħiliet għall-Ewropa għall-kompetittività sostenibbli, il-ġustizzja soċjali u r-reżiljenza (2020) tipproponi, fost oħrajn, l-Azzjoni 8 “Ħiliet għall-Ħajja”, li tipprevedi ħidma mill-Kummissjoni u l-Istati Membri dwar prijoritajiet ġodda għall-Aġenda Ewropea għat-Tagħlim tal-Adulti bl-għan li jinbnew sistemi ta’ tagħlim għall-adulti komprensivi, ta’ kwalità u inklużivi,

11.

Ir-Rakkomandazzjoni tal-Kunsill dwar l-edukazzjoni u t-taħriġ vokazzjonali (VET) għall-kompetittività sostenibbli, il-ġustizzja soċjali u r-reżiljenza (2020) u d-Dikjarazzjoni ta’ Osnabrück dwar l-edukazzjoni u t-taħriġ vokazzjonali (2020) jappellaw għall-iżvilupp ulterjuri tal-VET bħala perkors attraenti u ta’ kwalità għolja għall-impjiegi u l-ħajja, u jqajmu u jrawmu kuxjenza fost l-adulti għall-fatt li t-tagħlim huwa sforz għal tul il-ħajja,

12.

Ir-Riżoluzzjoni tal-Kunsill dwar qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn minnha tipprevedi kooperazzjoni Ewropea fl-edukazzjoni u t-taħriġ għall-perijodu sal-2030 (2021–2030), li għandha titwettaq f’perspettiva inklużiva, olistika u ta’ tagħlim tul il-ħajja, u tiddikjara wkoll li t-tagħlim tul il-ħajja jinkludi l-forom u l-livelli kollha ta’ edukazzjoni u taħriġ mill-edukazzjoni u l-kura bikrija tat-tfal sat-tagħlim għall-adulti, inkluż l-edukazzjoni u t-taħriġ vokazzjonali (VET) u l-edukazzjoni għolja.

13.

L-Istati Membri tal-Unjoni Ewropea għandhom mudelli differenti ta’ tagħlim għall-adulti, skont il-ħtiġijiet, iċ-ċirkostanzi, il-politiki, l-istrateġiji u t-tradizzjonijiet nazzjonali, reġjonali u lokali tagħhom. Ir-Rapporti juru li minħabba l-aġġustamenti tal-pandemija tal-COVID-19, it-tagħlim għall-adulti u l-ambjenti tat-tagħlim komplew jiddiversifikaw il-prattiki tat-tagħlim għall-adulti fl-Ewropa kollha (2),

14.

Il-Monitor tal-Edukazzjoni u t-Taħriġ 2020 (3) jirrapporta li l-parteċipazzjoni fit-tagħlim għall-adulti hija baxxa, b’medja tal-UE ta’ 10.8 % biss tal-adulti (nisa: 11.9 %, irġiel: 9.8 %) fl-età ta’ bejn il-25 u l-64 sena li pparteċipaw f’tagħlim għall-adulti fl-aħħar erba’ ġimgħat qabel l-istħarriġ tal-2019. Barra minn hekk, id-data tal-Eurostat tal-2020 turi li l-parteċipazzjoni fit-tagħlim għall-adulti hija inqas minn dik ta’ qabel il-pandemija tal-COVID-19, b’medja tal-UE ta’ 9.2 % biss tal-adulti (nisa: 10.0 %, irġiel: 8.3 %) fl-età ta’ bejn il-25 u l-64 sena li pparteċipaw f’tagħlim għall-adulti fl-aħħar erba’ ġimgħat qabel l-istħarriġ,

15.

Ir-rapport Eurydice “Adult education and training in Europe: Building inclusive pathways to skills and qualifications” (L-edukazzjoni u t-taħriġ għall-adulti fl-Ewropa: nibnu mogħdijiet inklużivi għall-ħiliet u l-kwalifiki) (2021) juri li madwar adult minn kull ħamsa fl-UE ma lestiex l-edukazzjoni sekondarja għolja u li proporzjon sostanzjali tal-adulti fl-Ewropa huwa affettwat minn livelli baxxi ta’ litteriżmu, numeriżmu u/jew ħiliet diġitali. Il-pajjiżi jvarjaw ukoll f’termini ta’ parteċipazzjoni tal-adulti fl-edukazzjoni u t-taħriġ; madankollu, karatteristika komuni hija li l-biċċa l-kbira tal-attivitajiet ta’ tagħlim li fihom jieħdu sehem l-adulti huma ta’ natura mhux formali.

16.

Kultura ġdida ta’ tagħlim għandha tenfasizza r-rilevanza tal-ħiliet bażiċi għal kulħadd u tal-kisba kontinwa ta’ għarfien, ħiliet u kompetenzi rilevanti, fil-livelli kollha f’kuntesti ta’ tagħlim formali, mhux formali u informali, matul il-ħajja kollha ta’ persuna. L-individwi b’mentalità żviluppata ta’ tagħlim tul il-ħajja huma mgħammra aħjar biex jadattaw għal ċirkostanzi ġodda u biex jiżviluppaw il-ħiliet li jeħtieġu għall-impjiegi kif ukoll għall-parteċipazzjoni sħiħa fis-soċjetà u l-iżvilupp personali,

17.

It-tagħlim għall-adulti għandu pożizzjoni speċjali fil-prijorità strateġika tal-Qafas strateġiku għall-kooperazzjoni Ewropea lejn iż-Żona Ewropea tal-Edukazzjoni – “It-tagħlim tul il-ħajja u l-mobbiltà jsiru realtà għal kulħadd”, li bħalissa huwa meħtieġ b’mod aktar urġenti minn qatt qabel, minħabba l-isfidi tal-irkupru mill-kriżi tal-COVID-19 u l-ħtieġa għar-reżiljenza, il-bidla fil-ħtiġijiet tas-suq tax-xogħol, l-ispariġġ fil-ħiliet, it-tranżizzjoni ekoloġika u dik diġitali u l-proporzjon kbir b’mod persistenti ta’ adulti fl-Ewropa li għandhom livell baxx ta’ għarfien, ħiliet u kompetenzi bażiċi,

18.

Il-frammentazzjoni tat-tagħlim għall-adulti bejn is-setturi, l-oqsma ta’ politika u l-oqfsa legali jeħtieġ li tiġi indirizzata. Hemm bżonn ta’ djalogu bejn il-partijiet kollha biex jiġi żgurat li jkun hemm viżjoni kondiviża għall-għoti msaħħaħ ta’ tagħlim għall-adulti, fejn jitqiesu d-dimensjoni soċjali tat-tagħlim għall-adulti, kif ukoll l-impjegabbiltà. Peress li l-individwi, l-impjegaturi u l-istat jibbenefikaw mit-tagħlim għall-adulti, għandhom jiġu rikonoxxuti r-responsabbiltà u l-kontribut ta’ kull parti,

19.

Huwa ferm importanti li titrawwem kuxjenza akbar fost l-impjegaturi dwar il-fatt li t-tagħlim għall-adulti jikkontribwixxi għall-kwalità tal-proċessi u l-eżiti tax-xogħol, kif ukoll għall-kwalità tal-involviment tal-ħaddiema fix-xogħol tagħhom. It-tagħlim għall-adulti jista’ jikkontribwixxi għall-produttività, il-kompetittività, l-inklużjoni soċjali, l-ugwaljanza bejn is-sessi, il-kreattività, l-innovazzjoni u l-intraprenditorija. Huwa fattur importanti li l-impjegaturi jkunu inċentivati biex jieħdu rwol aktar attiv fl-appoġġ tat-titjib tal-ħiliet u t-taħriġ mill-ġdid u fit-tisħiħ tal-impjegabbiltà u t-tranżizzjonijiet fis-suq tax-xogħol tal-impjegati tagħhom fuq bażi kontinwa. Għaldaqstant, huwa importanti li tinħoloq kultura ta’ tagħlim fil-postijiet tax-xogħol kollha, li l-opportunitajiet tat-tagħlim jkunu ppjanati u organizzati fil-post tax-xogħol, u għandhom ikunu promossi u appoġġati mill-partijiet ikkonċernati kollha,

20.

Madankollu, it-tagħlim għall-adulti jeħtieġ li jmur lil hinn mill-iżvilupp ta’ ħiliet relatati max-xogħol. Huwa importanti wkoll li titrawwem kuxjenza akbar fost il-popolazzjoni ġenerali dwar l-importanza u l-benefiċċji tal-parteċipazzjoni fit-tagħlim tul il-ħajja. It-tagħlim għall-adulti għandu jkun interkonness mat-tipi u l-livelli kollha tal-edukazzjoni u t-taħriġ, inkluż l-edukazzjoni għolja, permezz ta’ perkorsi flessibbli formali, mhux formali u informali,

21.

It-tagħlim għall-adulti għandu s-setgħa li jtejjeb l-opportunitajiet tal-ħajja u tax-xogħol għall-adulti, irrispettivament miċ-ċirkostanzi soċjodemografiċi u personali tagħhom. Ir-responsabbiltà individwali għall-iżvilupp tal-karriera għandha titqies bħala parti mill-gwida u appoġġ professjonali tul il-ħajja. Barra minn hekk, it-tagħlim għall-adulti jista’ jikkontribwixxi għaċ-ċittadinanza attiva u għat-tagħlim komunitarju. Huwa jappoġġa wkoll l-iżvilupp u s-sodisfazzjon personali, soċjali u professjonali, is-saħħa u l-benesseri, f’konformità mal-ħtiġijiet, it-talenti u l-aspirazzjonijiet attwali u futuri tal-individwu. It-tagħlim għall-adulti għandu rwol kruċjali fl-indirizzar tal-isfidi u l-opportunitajiet attwali u futuri fil-ħajja u fuq ix-xogħol, li jwasslu għal komunitajiet sostenibbli,

22.

L-impatti tal-bidla demografika, kif ukoll it-tranżizzjoni ekoloġika u dik diġitali, jeħtieġu approċċi ġodda biex jiffaċilitaw il-parteċipazzjoni tal-adulti, inkluż dawk li mhumiex inklinati biex jattendu attivitajiet ta’ tagħlim u l-grupp ta’ età 65+, fit-tagħlim għall-adulti sabiex jiġu appoġġati l-integrazzjoni u l-parteċipazzjoni sħiħa tagħhom fis-soċjetà.

23.

It-tagħlim għall-adulti jeħtieġ approċċ olistiku li jinkludi kollaborazzjoni intersettorjali u bejn diversi partijiet ikkonċernati, u koordinazzjoni effettiva fil-livell Ewropew, nazzjonali, reġjonali u lokali, li jirrispetta l-mudelli differenti tat-tagħlim għall-adulti fl-Unjoni Ewropea u li jirrispetta bis-sħiħ il-kompetenzi speċifiċi tal-livelli differenti ta’ politika.

24.

Fil-perijodu sal-2030 u inkluż, l-objettiv ġenerali tal-aġenda Ewropea l-ġdida għat-tagħlim għall-adulti 2021-2030 (NEAAL 2030) ser ikun li jiżdiedu u jittejbu l-għoti, il-promozzjoni u l-adozzjoni ta’ opportunitajiet ta’ tagħlim formali, mhux formali u informali għal kulħadd,

25.

L-oqsma prijoritarji ewlenin tan-NEAAL 2030 jiżguraw il-kontinwità tal-ħidma u l-iżvilupp ulterjuri tat-tagħlim għall-adulti, kif deskritt hawn taħt u deskritt fid-dettall fl-Anness I għal dan id-dokument:

26.

Metodu miftuħ ta’ koordinazzjoni (MMK): Fil-perijodu sal-2030, l-Istati Membri u l-Kummissjoni ser jaħdmu flimkien mill-qrib biex jieħdu kont tal-ħidma li saret fil-livell tekniku, filwaqt li jevalwaw il-proċess u r-riżultati tiegħu permezz tal-MMK u billi jassumu responsabbiltà għall-proċess fi ħdan il-qasam ta’ kompetenza rispettiv tagħhom, fil-livell nazzjonali, reġjonali jew Ewropew. Dan għandu jsir f’konsultazzjoni mal-Grupp ta’ Ħidma dwar it-Tagħlim għall-Adulti stabbilit bħala parti mill-Qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021-2030) u n-network tal-koordinaturi nazzjonali għat-tagħlim għall-adulti.

27.

Tagħlim reċiproku: It-tagħlim reċiproku huwa element ewlieni tan-NEAAL 2030 peress li jipprovdi l-opportunità li wieħed jidentifika u jitgħallem minn prattiki tajbin fi Stati Membri differenti. It-tagħlim reċiproku, bl-involviment tal-partijiet interessati rilevanti, ser jitwettaq b’mezzi bħal attivitajiet ta’ tagħlim bejn il-pari, konsulenza bejn il-pari u skambji tal-aħjar politiki u prattiki, konferenzi, seminars, fora ta’ livell għoli u gruppi ta’ esperti, kif ukoll permezz ta’ studji u analiżi, networks (inkluż dawk ibbażati fuq l-internet) u forom oħra ta’ disseminazzjoni u permezz ta’ viżibbiltà ċara tar-riżultati.

28.

Governanza effettiva: In-NEAAL 2030 hija parti integrali mill-Qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021-2030).

29.

Monitoraġġ tal-proċess: Il-monitoraġġ perjodiku tal-progress lejn il-miri fil-livell tal-UE (4) permezz ta’ indikaturi fil-livell tal-UE (deskritti fl-Anness II għal dan) applikati fil-ġbir u l-analiżi sistematiċi ta’ data komparabbli internazzjonalment, jipprovdi kontribut essenzjali għat-tfassil ta’ politika bbażata fuq l-evidenza mingħajr ma jinħoloq piż addizzjonali għall-Istati Membri. Il-monitoraġġ annwali ser isir permezz tal-Monitor tal-Edukazzjoni u t-Taħriġ u l-proċess tas-Semestru Ewropew (permezz tat-Tabella ta’ Valutazzjoni Soċjali riveduta), li jsegwi l-progress lejn il-kisba tal-miri kollha maqbula fil-livell tal-UE fil-qasam tat-tagħlim għall-adulti. Il-monitoraġġ u l-evalwazzjoni tal-miri u l-indikaturi fil-livell tal-UE għandhom isiru f’kooperazzjoni mal-Grupp Permanenti dwar l-Indikaturi u l-Punti ta’ Riferiment (SGIB) u jiġu rieżaminati fl-2023.

30.

Bini tal-għarfien u politika dwar it-tagħlim għall-adulti mibnija fuq l-evidenza: Huwa meħtieġ li jiġu żviluppati aktar analiżi tad-data u riċerka fil-fond, fejn possibbli, fil-livell internazzjonali, Ewropew u dak nazzjonali permezz ta’ firxa ta’ għodod, u li jittieħed vantaġġ mill-ħidma tal-Eurostat, Eurydice, is-CEDEFOP, il-Fondazzjoni Ewropea għat-Taħriġ - ETF, il-Eurofound, l-OECD u organizzazzjonijiet oħra. L-analiżi għandha tinkludi wkoll il-monitoraġġ ta’ gruppi vulnerabbli ta’ adulti u data dwar l-investiment fl-edukazzjoni u t-taħriġ, jekk possibbli anke fil-livell tal-impjegaturi u l-komunitajiet lokali, fost oħrajn. It-trasformazzjoni tal-impjiegi u l-isforzi enormi għat-titjib u t-tiġdid tal-ħiliet jeħtieġu informazzjoni affidabbli u mmirata dwar il-ħiliet biex jiġu identifikati l-ħtiġijiet futuri tas-suq tax-xogħol f’dan ir-rigward. Dan ser jappoġġa lill-adulti fl-iżvilupp tal-karriera tul il-ħajja tagħhom u jiffaċilita kemm it-tranżizzjoni tas-suq tax-xogħol kif ukoll dik tas-soċjetà.

31.

Kooperazzjoni ma’ organizzazzjonijiet internazzjonali: Huwa importanti li tissaħħaħ il-kooperazzjoni ma’ organizzazzjonijiet bħall-OECD (b’mod partikolari billi jsir użu mir-riżultati tal-Programm għall-Valutazzjoni Internazzjonali tal-Kompetenzi tal-Adulti (PIAAC)), in-NU (b’mod partikolari l-UNESCO u l-ILO) u l-Kunsill tal-Ewropa , kif ukoll fi ħdan inizjattivi reġjonali jew globali rilevanti.

32.

Finanzjament: It-tagħlim għall-adulti huwa ffinanzjat permezz ta’ firxa ta’ strumenti differenti alimentati minn diversi sorsi. Preferibbilment u fejn adegwat, u f’konformità mal-prinċipju tas-sussidjarjetà, it-tagħlim għall-adulti għandu jiddependi fuq finanzjament kontinwu u regolari pjuttost milli fuq sussidji relatati ma’ proġetti jew programmi. L-approċċi ta’ finanzjament ibbażati fuq responsabbiltà kondiviża tal-partijiet ikkonċernati pubbliċi u privati jistgħu jgħinu biex jiżdiedu u jiġu intensifikati r-riżorsi.

33.

Matul il-perijodu 2021–2030, jiffokaw l-isforzi tagħhom fuq l-oqsma ta’ prijorità deskritti fl-Anness I, u b’hekk jikkontribwixxu wkoll għall-implimentazzjoni tal-Qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021-2030), fejn rilevanti, u f’konformità mal-kuntesti, iċ-ċirkostanzi u l-leġiżlazzjoni nazzjonali, reġjonali u lokali tagħhom,

34.

Itejbu komunikazzjoni effettiva bejn il-ministeri rilevanti, kif ukoll mal-partijiet ikkonċernati, bħas-sħab soċjali, in-negozji, l-organizzizzazjonijiet mhux governattivi u l-organizzazzjonijiet tas-soċjetà ċivili bil-ħsieb li tittejjeb il-koerenza bejn il-linji ta’ politika dwar it-tagħlim għall-adulti u linji ta’ politika soċjoekonomiċi usa’. Dan l-approċċ ta’ gvern sħiħ u ta’ diversi partijiet ikkonċernati jista’ jissaħħaħ aktar permezz ta’ koordinazzjoni nazzjonali, reġjonali u lokali effettiva li torbot il-politika u l-prattika,

35.

Jappoġġaw it-tagħlim għall-adulti bi gwida tul il-ħajja u żvilupp tal-karriera billi jibnu sħubiji fil-livelli kollha. F’konformità mal-prinċipji tal-assigurazzjoni tal-kwalità, din il-gwida għandha tkun marbuta ma’ attivitajiet ta’ ħidma biex jintlaħqu n-nies, validazzjoni u sensibilizzazzjoni, biex b’hekk tikkontribwixxi għall-implimentazzjoni tar-Rakkomandazzjoni tal-Kunsill dwar Perkorsi ta’ Titjib tal-Ħiliet. Dan ser jiżgura li l-adulti kollha jkollhom l-opportunità li jiżviluppaw il-ħiliet bażiċi u l-kompetenzi ewlenin tagħhom abbażi tal-ħtiġijiet tagħhom u jiksbu l-livell ta’ ħiliet meħtieġ fis-soċjetà u fis-suq tax-xogħol tal-lum,

36.

Meta jimplimentaw ir-Rakkomandazzjoni tal-Kunsill dwar il-validazzjoni ta’ tagħlim mhux formali u informali, jagħmlu progress fl-iżgurar li l-opportunitajiet ta’ validazzjoni jkunu disponibbli għall-adulti kollha, biex b’hekk jiżguraw ukoll opportunitajiet għal ċans ieħor, li possibbilment iwasslu għal kwalifiki sħaħ jew parzjali,

37.

Jappoġġaw l-espansjoni tat-tagħlim għall-adulti fil-livell sekondarju u terzjarju, kemm ġenerali kif ukoll vokazzjonali permezz ta’ perkorsi ta’ tagħlim flessibbli, pereżempju klassijiet ta’ filgħaxija, edukazzjoni part-time, tagħlim mill-bogħod u tagħlim imħallat, u jippermettu lill-istudenti adulti (a) jiksbu kwalifiki fil-livell 4 u ogħla tal-QEK; u (b) jlestu korsijiet qosra li jippermettu l-aġġornament, it-twessigħ u l-approfondiment tal-kompetenzi,

38.

Jgħollu l-istatus okkupazzjonali tal-professjonalizzazzjoni tal-edukaturi u l-ħarrieġa (5) tal-adulti u jappoġġawhom, u jtejbu l-edukazzjoni u t-taħriġ inizjali u kontinwi tagħhom u l-iżvilupp professjonali tagħhom, inkluż billi jappoġġaw l-użu ta’ approċċi (imħalltin, online, mill-bogħod, ibridi, eċċ.) u riżorsi (infrastruttura u tagħmir tal-ICT) innovattivi,

39.

Jappoġġaw, fejn adatt, id-diġitalizzazzjoni ta’ kwalità għolja u bbażata fuq l-inklużività tal-proċessi tal-edukazzjoni, it-taħriġ u t-tagħlim fil-livell organizzattiv u individwali. Barra minn hekk, jassistu, jedukaw u jħarrġu lill-istudenti adulti biex jużaw l-għodod diġitali b’mod aktar wiesa’ u effettiv filwaqt li jikkunsidraw id-distakk diġitali inkluż bejn il-ġeneri,

40.

Jistinkaw biex jiżviluppaw mekkaniżmi sempliċi, flessibbli u wiesgħa għall-kumpaniji u l-individwi biex iqajmu kuxjenza u jrawmu bidla fil-mentalità fost l-individwi u s-soċjetà, abbażi tal-kunċett tat-tagħlim tul il-ħajja li jenfasizza l-ħtieġa li wieħed jikseb għarfien, ħiliet u kompetenzi fuq bażi kontinwa,

41.

Jiffaċilitaw it-tagħlim tul il-ħajja biex jippromwovu l-parteċipazzjoni tal-adulti fit-tagħlim permezz ta’ strumenti differenti bħal EPALE - il-Pjattaforma Elettronika għat-Tagħlim tal-Adulti fl-Ewropa (eż. appoġġ għall-professjonisti tat-tagħlim għall-adulti, inkluż l-edukaturi u l-ħarrieġa tal-adulti, il-persunal ta’ gwida u appoġġ, ir-riċerkaturi u l-akkademiċi, u dawk li jfasslu l-politika),

42.

Jippromwovu l-mobbiltà għat-tagħlim tal-istudenti adulti u tal-persunal tat-tagħlim għall-adulti kif ukoll il-kooperazzjoni transfruntiera, inkluż permezz tal-programm Erasmus+, il-fondi tal-politika ta’ koeżjoni tal-UE u strumenti oħra, fejn xieraq,

43.

Jagħmlu aktar sforzi biex ineħħu l-ostakli u x-xkiel eżistenti għal kull tip ta’ tagħlim, inkluż kwistjonijiet relatati mal-mobbiltà, l-aċċessibbiltà, l-inugwaljanzi bejn il-ġeneri, il-gwida, il-ħidma biex jintlaħqu n-nies, is-servizzi tal-istudenti u r-rikonoxximent ta’ tagħlim preċedenti bħala parti mill-eżiti tat-tagħlim,

44.

Ikomplu jiżviluppaw mekkaniżmi ta’ assigurazzjoni tal-kwalità billi pereżempju jippromwovu assigurazzjoni tal-kwalità interna u esterna, fir-rigward ta’ programmi, proċessi, organizzazzjonijiet ta’ implimentazzjoni, edukaturi u ħarrieġa tal-adulti, u attivitajiet ta’ konsulenza, u billi jiżviluppaw ġbir ta’ data, pereżempju billi jużaw informazzjoni miġbura permezz ta’ stħarriġ dwar is-sitwazzjoni tal-gradwati.

45.

Tappoġġa lill-Istati Membri fl-implimentazzjoni tan-NEAAL 2030 u l-oqsma ta’ prijorità tagħha kif deskritti fl-Anness I, kif ukoll biex possibbilment jiżviluppaw strateġiji nazzjonali olistiċi u li jinvolvu approċċ ta’ gvern sħiħ fil-qasam tal-ħiliet,

46.

Tiżgura l-komplementarjetà u l-koerenza tal-inizjattivi ta’ politika tal-UE meħuda skont in-NEAAL 2030,

47.

Tikkollabora mill-qrib mal-Istati Membri, sabiex jiġi żgurat li jkun hemm fis-seħħ struttura ta’ governanza flessibbli u effiċjenti kif deskritt fir-Riżoluzzjoni tal-Kunsill dwar qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021–2030), b’mod partikolari bl-involviment tal-Grupp ta’ Ħidma dwar l-Apprendiment għall-Adulti, in-network ta’ koordinaturi nazzjonali tat-tagħlim għall-adulti, attivitajiet ta’ tagħlim bejn il-pari u attivitajiet oħra ta’ networking,

48.

Tappoġġa lill-koordinaturi nazzjonali tat-tagħlim għall-adulti billi tiffinanzja l-ħidma tagħhom biex tiffaċilita l-kooperazzjoni fost l-Istati Membri u mal-Kummissjoni fl-implimentazzjoni tan-NEAAL 2030,

49.

Issaħħaħ l-għarfien dwar it-tagħlim għall-adulti fl-Ewropa billi twettaq studji u riċerka rilevanti għall-analiżi ta’ kwistjonijiet ta’ tagħlim għall-adulti, inkluż permezz ta’ Eurydice, is-CEDEFOP, u l-ETF u f’kooperazzjoni ma’ networks u istituzzjonijiet rilevanti oħra, billi tagħmel użu sħiħ mill-informazzjoni u l-kapaċitajiet ta’ riċerka tagħhom, mingħajr ma toħloq piżijiet addizzjonali għall-Istati Membri. Għandha tingħata attenzjoni wkoll lill-grupp ta’ età 65+ billi jiġu żviluppati evidenza u data komparattivi dwar il-parteċipazzjoni tagħhom fit-tagħlim għall-adulti,

50.

Tkompli u tintensifika l-kooperazzjoni ma’ organizzazzjonijiet internazzjonali rilevanti bħall-OECD, in-NU (b’mod partikolari l-UNESCO u l-ILO) u l-Kunsill tal-Ewropa, kif ukoll ma’ inizjattivi reġjonali jew globali rilevanti, pereżempju fil-Balkani tal-Punent, is-Sħubija tal-Lvant, eċċ.,

51.

Tiżgura d-disponibbiltà tal-fondi fil-livell Ewropew biex jappoġġaw l-implimentazzjoni tan-NEAAL 2030 permezz ta’ programmi, fondi u strumenti rilevanti tal-UE, bħal Erasmus+, il-Fond Soċjali Ewropew Plus (FSE+), il-Fond Ewropew ta’ Aġġustament għall-Globalizzazzjoni għal Ħaddiema Spostati, il-Faċilità għall-Irkupru u r-Reżiljenza, il-Fond għal Tranżizzjoni Ġusta, InvestEU, l-Istrument ta’ Appoġġ Tekniku, eċċ.,

52.

Tippreżenta lill-Kunsill ħarsa ġenerali sistematika u pjan direzzjonali tal-politiki, l-għodod ta’ kooperazzjoni, l-istrumenti ta’ finanzjament, l-inizjattivi u s-sejħiet immirati fil-livell tal-Unjoni, bħall-Perkors ta’ Titjib tal-Ħiliet, Erasmus+, u s-Semestru Ewropew, li jikkontribwixxu għall-kisba tan-NEAAL 2030, u taġġornah regolarment,

53.

Tirrapporta dwar l-implimentazzjoni tan-NEAAL 2030 bħala parti mill-Qafas Strateġiku għall-kooperazzjoni Ewropea fl-edukazzjoni u t-taħriġ (2021-2030), abbażi tal-ħidma tal-koordinaturi nazzjonali tat-tagħlim għall-adulti, il-Grupp ta’ Ħidma dwar l-Apprendiment għall-Adulti, l-istudji u l-esperti tar-riċerka,

54.

Tippermetti aktar żvilupp u implimentazzjoni tal-EPALE, li tappoġġa u ssaħħaħ il-professjonisti tat-tagħlim għall-adulti permezz ta’ skambji fost kollegi, blog posts, fora, networking u l-għoti ta’ informazzjoni ta’ kwalità għolja, preċiża u rilevanti dwar l-aspetti kollha tat-tagħlim għall-adulti,

55.

Tappoġġa lill-Istati Membri, inkluż permezz ta’ finanzjament, fl-involviment regolari tagħhom fiċ-ċikli ta’ riċerka sabiex tinkiseb data komparabbli dwar il-progress tagħhom fil-qasam tal-ħiliet tal-adulti (Stħarriġ tal-OECD dwar il-Ħiliet tal-Adulti [PIAAC], Stħarriġ dwar l-Edukazzjoni għall-Adulti u Stħarriġ dwar il-Forza tax-Xogħol).

1.

Il-pandemija tal-COVID-19 affettwat u poġġiet pressjoni bla preċedent fuq is-sistemi tal-edukazzjoni u t-taħriġ madwar id-dinja u madwar l-Unjoni. Ir-restrizzjonijiet soċjetali ġabu bidliet kbar fit-tagħlim u l-apprendiment kif ukoll fil-komunikazzjoni u fil-kollaborazzjoni fi ħdan il-komunitajiet tal-edukazzjoni u t-taħriġ (1). Dawn kellhom impatt fuq l-istudenti, il-familji tagħhom, l-għalliema, il-ħarrieġa, u l-mexxejja tal-istituzzjonijiet, kif ukoll fuq il-professjonisti fil-komunità li jappoġġaw l-edukazzjoni, bħall-ħaddiema soċjali, il-psikoloġi, speċjalisti fi kwistjonijiet ta’ konsulenza, professjonisti fil-kura tas-saħħa u edukaturi kulturali oħrajn. L-Istati Membri setgħu jimmobilizzaw b’mod rapidu soluzzjonijiet u appoġġ għat-tagħlim mill-bogħod, billi f’ħafna każijiet għamlu użu ta’ teknoloġiji diġitali. Ġew meħuda tagħlimiet utli dwar opportunitajiet ġodda għall-edukazzjoni u t-taħriġ, inkluż iż-żieda sinifikanti fil-ħiliet u l-kompetenzi diġitali tal-għalliema u rabtiet aktar mill-qrib bejn l-iskejjel u l-komunità usa’. Madankollu, ħafna Stati Membri esperjenzaw nuqqasijiet fis-sistema, b’nuqqas mifrux ta’ tħejjija u riżorsi għall-bidla lejn approċċ differenti għat-tagħlim u l-apprendiment, li enfasizza u aggrava l-inugwaljanzi, id-diskrepanzi u l-ħtiġijiet eżistenti (2). Is-sistemi tal-edukazzjoni u t-taħriġ iridu jindirizzaw dawn u jtejbu wkoll ir-reżiljenza tagħhom, biex ilaħħqu ma’ u jadattaw aħjar għaċ-ċirkostanzi li qed jinbidlu fil-futur.

2.

Il-konklużjonijiet tal-Kunsill dwar il-ġlieda kontra l-kriżi tal-COVID-19 fl-edukazzjoni u t-taħriġ jistiednu lill-Istati Membri biex “jerġgħu jibdew attivitajiet ta’ tagħlim u apprendiment wiċċ imb wiċċ”, u barra minn hekk jipprovdu “possibbiltajiet għal tagħlim mill-bogħod, diġitali u mħallat”, filwaqt li “jagħtu attenzjoni addizzjonali biex jiżguraw opportunitajiet indaqs”. Il-konklużjonijiet tal-Kunsill dwar l-edukazzjoni diġitali fis-soċjetajiet tal-għarfien tal-Ewropa (3) jistiednu wkoll lill-Kummissjoni biex “tkompli l-ħidma, f’kooperazzjoni mill-qrib mal-Istati Membri u abbażi tal-evidenza”, il-konklużjonijiet imsemmija hawn fuq, “bil-għan li jkun hemm komprensjoni kondiviża fil-livell tal-Unjoni tal-approċċi għal proċessi ta’ apprendiment mill-bogħod li jkunu effettivi, inklużivi u interessanti”.

3.

Il-Pjan ta’ Azzjoni għall-Edukazzjoni Diġitali 2021-2027 jiddeskrivi l-viżjoni tal-Kummissjoni Ewropea għal edukazzjoni diġitali ta’ kwalità għolja, inklużiva u aċċessibbli fl-Ewropa. Huwa appell għal azzjoni għal kooperazzjoni aktar b’saħħitha fil-livell Ewropew biex jittieħdu tagħlimiet mill-pandemija tal-COVID-19 u s-sistemi tal-edukazzjoni u t-taħriġ jkunu aktar lesti għall-era diġitali. Dan jenfasizza l-potenzjal tat-teknoloġija li tiffaċilita apprendiment aktar aċċessibbli, flessibbli, personalizzat u ffukat fuq l-istudenti. Ifittex li jindirizza l-inugwaljanzi fl-edukazzjoni u t-taħriġ meta jkun hemm nuqqas ta’ ħiliet u kompetenzi diġitali, aċċess għal għodod xierqa, u konnettività online affidabbli. Il-pjan jenfasizza l-ħtieġa li tissaħħaħ il-kapaċità diġitali fis-sistemi tal-edukazzjoni u t-taħriġ.

4.

It-trawwim tal-iżvilupp tal-kompetenzi huwa wieħed mill-għanijiet ta’ Żona Ewropea tal-Edukazzjoni li permezz tagħha “nużaw il-potenzjal sħiħ tal-edukazzjoni u tal-kultura bħala muturi tal-impjiegi, tal-ġustizzja soċjali, taċ-ċittadinanza attiva kif ukoll bħala mezz biex tiġi esperjenzata l-identità Ewropea fid-diversità kollha tagħha” (4). Ir-Riżoluzzjoni tal-Kunsill dwar qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni u lil hinn (2021-2030) (5) tistabbilixxi, bħala l-għan ewlieni tal-kooperazzjoni Ewropea fl-edukazzjoni u t-taħriġ, l-appoġġ għall-iżvilupp ulterjuri tas-sistemi tal-edukazzjoni u t-taħriġ fl-Istati Membri li għandhom l-għan li jiżguraw is-sodisfazzjon personali, soċjali u professjonali taċ-ċittadini kollha, filwaqt li tippromwovi l-valuri demokratiċi, l-ugwaljanza, il-koeżjoni soċjali, iċ-ċittadinanza attiva, u d-djalogu interkulturali, kif ukoll il-prosperità ekonomika sostenibbli, it-tranżizzjonijiet ekoloġiċi u diġitali, u l-impjegabbiltà.

5.

L-ewwel prinċipju tal-Pilastru Ewropew tad-Drittijiet Soċjali (6) jiddikjara li kulħadd għandu d-dritt għal edukazzjoni, taħriġ u tagħlim tul il-ħajja ta’ kwalità u inklużivi sabiex iżomm u jikseb ħiliet li jippermettulu jipparteċipa b’mod sħiħ fis-soċjetà u tranżizzjonijiet ta’ suċċess fis-suq tax-xogħol. Il-prinċipju 11 tal-Pilastru jiddikjara li t-tfal li ġejjin minn ambjent żvantaġġat għandhom id-dritt għal miżuri speċifiċi biex jissaħħu l-opportunitajiet indaqs. L-implimentazzjoni effettiva ta’ dawk il-prinċipji tiddependi ħafna fuq id-determinazzjoni u l-azzjoni tal-Istati Membri. L-azzjonijiet fil-livell tal-UE jistgħu jikkomplementaw l-azzjonijiet nazzjonali u l-Kummissjoni ppreżentat il-kontribut tagħha fil-Pjan ta’ Azzjoni tal-Pilastru Ewropew tad-Drittijiet Soċjali (7).

6.

L-Aġenda għall-Ħiliet għall-Ewropa (8) tiddefinixxi azzjonijiet li jgħinu lill-individwi u lin-negozji jiżviluppaw u jużaw aktar ħiliet u ħiliet aħjar, billi jsaħħu l-kompetittività sostenibbli u jibnu r-reżiljenza biex jirreaġixxu għall-kriżijiet, abbażi tat-tagħlimiet meħuda matul il-pandemija tal-COVID-19; tipproponi wkoll it-trawwim tal-edukazzjoni STEM (Xjenza, Teknoloġija, Inġinerija u Matematika) f’azzjonijiet ta’ riċerka u innovazzjoni.

7.

Ir-Rakkomandazzjoni tal-Kunsill li tistabbilixxi Garanzija Ewropea għat-Tfal (9) tistieden lill-Istati Membri jiggarantixxu aċċess effettiv u liberu għall-edukazzjoni u l-attivitajiet ibbażati fl-iskejjel għat-tfal fil-bżonn (jiġifieri f’riskju ta’ faqar jew esklużjoni soċjali). L-Istrateġija tal-UE dwar id-Drittijiet tat-Tfal (10) titlob li tinbena edukazzjoni inklużiva ta’ kwalità.

8.

F’dinja li qed tinbidel rapidament u interkonnessa ħafna, kull persuna teħtieġ firxa wiesgħa ta’ kompetenzi u li tiżviluppahom kontinwament matul il-ħajja. Il-kompetenzi ewlenin kif definiti fil-Qafas Ewropew ta’ Referenza dwar il-Kompetenzi Ewlenin għat-Tagħlim Tul il-Ħajja (11) għandhom l-għan li jistabbilixxu l-pedament għall-kisba ta’ soċjetajiet aktar ekwi u aktar demokratiċi. Dawn jirrispondu għall-ħtieġa ta’ tkabbir inklużiv u sostenibbli, koeżjoni soċjali u żvilupp ulterjuri tal-kultura demokratika.

9.

Ir-Rakkomandazzjoni tal-Kunsill dwar il-kompetenzi ewlenin għat-tagħlim tul il-ħajja (12) tiddikjara li l-iżvilupp tal-kompetenzi huwa ffaċilitat permezz tal-promozzjoni ta’ varjetà ta’ approċċi u ambjenti tat-tagħlim, inkluż l-użu adegwat tat-teknoloġiji diġitali; l-għoti ta’ appoġġ lill-persunal edukattiv kif ukoll lil partijiet ikkonċernati oħrajn li jappoġġaw il-proċessi ta’ tagħlim, inkluż il-familji; l-appoġġ u l-iżvilupp ulterjuri tal-valutazzjoni u l-validazzjoni tal-kompetenzi ewlenin miksuba f’kuntesti differenti; u t-tisħiħ tal-kollaborazzjoni fl-edukazzjoni u bejn ambjenti tal-edukazzjoni, it-taħriġ u t-tagħlim fil-livelli kollha, u f’oqsma differenti.

10.

Ir-Rakkomandazzjoni tal-Kunsill dwar l-edukazzjoni u t-taħriġ vokazzjonali (VET) għall-kompetittività sostenibbli, il-ġustizzja soċjali u r-reżiljenza (13) tipproponi viżjoni modernizzata ta’ politika tal-UE dwar il-VET, inkluż id-diġitalizzazzjoni tagħha u l-użu ta’ tagħlim imħallat. Id-Dikjarazzjoni ta’ Osnabrück dwar l-edukazzjoni u t-taħriġ vokazzjonali bħala faċilitatur tal-irkupru u tranżizzjonijiet ġusti lejn ekonomiji diġitali u ekoloġiċi tiddikjara li t-tagħlim diġitali jista’ jkollu rwol importanti u komplementari (14).

11.

Il-konklużjonijiet tal-Kunsill dwar l-għalliema u l-ħarrieġa Ewropej għall-futur (15) jirrikonoxxu li l-għalliema, il-ħarrieġa u l-mexxejja tal-iskejjel huma mutur indispensabbli tal-edukazzjoni u t-taħriġ li jenħtieġ li jkunu involuti fil-ħolqien ta’ politiki tal-edukazzjoni u tat-taħriġ b’awtonomija fl-applikazzjoni ta’ dawn il-politiki fil-prattika iżda li jeħtieġu wkoll l-appoġġ ta’ approċċ komprensiv għall-edukazzjoni inizjali, id-dħul fis-servizz u l-iżvilupp professjonali kontinwu.

12.

Il-pandemija kabbret it-tħassib li ilu jeżisti għall-benesseri fiżiku, mentali u emozzjonali tat-tfal u taż-żgħażagħ. It-tfal u ż-żgħażagħ kollha għandhom jingħataw appoġġ biex igawdu stil ta’ ħajja attiv u tajjeb għas-saħħa (16), li jħeġġeġ drawwiet pożittivi tul il-ħajja, u għandu jkollhom l-opportunità li jipparteċipaw f’firxa ta’ attivitajiet sportivi u fiżiċi oħra, li ttejjeb il-ħiliet motorji u tagħti spinta lill-benesseri mentali u emozzjonali. It-tfal u ż-żgħażagħ jeħtieġu wkoll appoġġ għall-benesseri mentali u emozzjonali tagħhom matul it-tagħlim, inkluż kompiti ta’ tagħlim taħt ċirkostanzi ta’ sfida u fehim tal-imġiba sikura u responsabbli online (17). Huwa meħtieġ ukoll appoġġ għal dawk l-istudenti li jqattgħu perijodi ta’ ħin twal ’il bogħod mill-familji u l-pari tagħhom, jew mill-appoġġ tal-persunal tal-iskola. L-identifikazzjoni ta’ oqsma għat-titjib u r-rimedju biex jiġi indirizzat kwalunkwe telf fit-tagħlim u impatt fuq il-benesseri hija importanti wkoll.

13.

Filwaqt li jiġi rikonoxxut bis-sħiħ li l-valur tat-tagħlim wiċċ imb’ wiċċ, it-tagħlim b’modi differenti u f’ambjenti differenti, inkluż is-sit tal-iskola, id-dar, fil-miftuħ, is-siti kulturali, il-postijiet tax-xogħol u l-ambjenti diġitali, jista’ jimmotiva lit-tfal u ż-żgħażagħ biex itejbu l-iżvilupp ta’ kompetenza wiesgħa tagħhom. Dan min-naħa tiegħu jista’ jgħinhom jifhmu u jiġu motivati mir-rilevanza tal-edukazzjoni u t-taħriġ formali għal ħajjithom fis-soċjetà u jżid l-involviment attiv tagħhom fl-isfidi lokali u globali, pereżempju dawk relatati mas-sostenibbiltà, l-ambjent u t-tibdil fil-klima.

14.

L-edukazzjoni hija dritt fundamentali tal-bniedem u dritt tat-tfal. L-aċċess għaliha jrid jiġi ggarantit, indipendentement mill-ambjent li fih isseħħ – is-sit tal-iskola, ambjenti fiżiċi oħra, mill-bogħod, jew taħlita ta’ kollha – u indipendentement miċ-ċirkostanzi personali u soċjali differenti tal-istudenti. Lil hinn mill-pandemija, filwaqt li jiġi rikonoxxut bis-sħiħ il-valur tat-tagħlim fis-sit tal-iskola u wiċċ imb’ wiċċ, l-approċċi ta’ tagħlim imħallat huma opportunità biex jittejbu l-kwalità, ir-rilevanza u l-inklużività tal-edukazzjoni u t-taħriġ, bħal forniment ta’ tagħlim aħjar f’żoni rurali u remoti, inkluż ir-reġjuni ultraperiferiċi u l-komunitajiet tal-gżejjer, u għal studenti oħra li jistgħu (temporanjament) ma jattendux is-sit tal-iskola full time: dawk li huma parti minn komunitajiet ta’ vjaġġaturi jew vjaġġaturi okkupazzjonali; persuni żgħażagħ li jindukraw; dawk bi problemi tas-saħħa jew li jgħixu fi sptarijiet u f’ċentri tal-kura; dawk involuti f’taħriġ ta’ prestazzjoni għolja; u dawk f’edukazzjoni u taħriġ vokazzjonali jew f’xogħol bi ħlas. L-ambjenti u l-għodod kollha għandhom ikunu aċċessibbli bl-istess mod għal gruppi ta’ minoranzi, tfal u żgħażagħ b’diżabilità u minn sfondi soċjoekonomikament żvantaġġati u ma għandhomx iwasslu għal diskriminazzjoni jew segregazzjoni.

15.

Approċċi ta’ tagħlim imħallat jirrikonoxxu l-valur tal-iskola bħala spazju kondiviż għall-interazzjoni personali u soċjali, li huwa importanti għat-tagħlim bħala mod ta’ kif nifhmu u nagħmlu sens mid-dinja. Kemm l-arkitettura tal-iskola kif ukoll id-disinn tal-ispazju għall-iskejjel huma sinifikanti f’dan ir-rigward.

16.

Approċċi ta’ tagħlim imħallat jistgħu jtejbu l-iżvilupp ta’ kompetenzi wiesgħa, minħabba l-varjetà ta’ kompiti u għodod ta’ tagħlim li jistgħu jinvolvu. L-użu tat-teknoloġija diġitali, inkluż il-konnessjoni ta’ apparati online, jista’ jiffaċilita l-interazzjoni tal-istudent ma’ studenti oħra, programmi ta’ tagħlim, u sorsi oħra ta’ informazzjoni, u jista’ jappoġġa t-tagħlim wiċċ imb’ wiċċ u t-tagħlim f’ambjenti differenti. Il-kisba ta’ kompetenzi diġitali u tad-data tista’ tiġi ffaċilitata permezz ta’ approċċi ta’ tagħlim imħallat. L-użu komplementari tat-tagħmir xjentifiku, ir-riżorsi edukattivi miftuħa (OER), l-għodod tas-snajja’, realja (oġġetti misjuba u użati fil-ħajja ta’ kuljum), testi pubblikati, u għodod tal-kitba u tal-arti viżiva jista’ jappoġġa l-kreattività u l-espressjoni personali, kemm bħala individwu kif ukoll b’mod kollaborattiv.

17.

L-approċċi ta’ tagħlim imħallat jeħtieġu approċċ koerenti u mifrux mas-sistema kollha biex jinħolqu kundizzjonijiet abilitanti. Dan jinkludi l-involviment ta’ prattikanti b’oqsma differenti ta’ għarfien espert u l-promozzjoni ta’ kollaborazzjoni mal-komunità, li jħeġġeġ responsabbiltà kondiviża għall-iżvilupp tat-tfal u ż-żgħażagħ. L-effettività ta’ miżuri sistematiċi biex jiġu appoġġati approċċi ta’ tagħlim imħallat ser tiddependi wkoll fuq l-artikulazzjoni u l-appoġġ tar-relazzjonijiet bejn l-elementi differenti tal-ekosistema, bejn l-awtoritajiet lokali, reġjonali u nazzjonali tal-edukazzjoni u t-taħriġ; l-industrija tar-riżorsi tal-edukazzjoni (li tipprovdi t-teknoloġija, il-pubblikazzjoni, u tagħmir ieħor tal-kurrikulu); l-istituzzjonijiet tar-riċerka, l-edukazzjoni u t-taħriġ; il-komunitajiet; l-organizzazzjonijiet u l-inizjattivi tas-soċjetà ċivili; kif ukoll il-familji u l-istudenti nfushom, irrispettivament mill-ħtiġijiet jew mil-livelli ta’ ħiliet tagħhom.

18.

L-approċċi ta’ tagħlim imħallat huma prattika stabbilita b’mod ġenerali fl-edukazzjoni u t-taħriġ vokazzjonali inizjali (18); madankollu, ir-restrizzjonijiet tal-pandemija sfidaw il-kapaċità tal-istituzzjonijiet u l-organizzazzjonijiet li jipprovdu tagħlim ibbażat fuq ix-xogħol u jżommu komunikazzjoni mal-ħarrieġa u l-mentors, u kellhom impatt fuq il-forniment ta’ apprendistati. It-tnaqqis fl-aċċess għal esperjenzi prattiċi enfasizza l-ħtieġa magħrufa għall-edukazzjoni u t-taħriġ vokazzjonali biex jittieħed vantaġġ mit-teknoloġija diġitali, inkluż l-apparati diġitali u l-pjattaformi ta’ tagħlim, il-portafolli elettroniċi u r-realtà awmentata u r-realtà virtwali għas-simulazzjonijiet. Huwa saħħaħ ukoll il-ħtieġa għal fehim u koordinazzjoni ta’ kif it-teknoloġiji diġitali jintużaw għat-tagħlim f’ambjenti differenti (eż. fis-sit tal-iskola jew matul il-kollokamenti tax-xogħol) sabiex l-istudenti jitħejjew għall-ħajja u s-suq tax-xogħol futur.

19.

L-importanza u r-rilevanza tat-tagħlim mhux formali huma evidenti mill-esperjenzi miksuba permezz tal-ħidma fost iż-żgħażagħ, ix-xogħol volontarju u l-parteċipazzjoni f’attivitajiet kulturali, inkluż l-isport tal-massa. It-tagħlim mhux formali għandu rwol importanti x’jaqdi fl-appoġġ tal-iżvilupp ta’ ħiliet interpersonali, komunikattivi, konjittivi u personali essenzjali, inkluż il-kreattività, li jiffaċilitaw it-tranżizzjoni taż-żgħażagħ lejn l-età adulta, iċ-ċittadinanza attiva u l-ħajja tax-xogħol (19). L-identifikazzjoni ta’ modi ġodda ta’ tagħlim tinkludi kooperazzjoni aħjar bejn ambjenti ta’ tagħlim formali u mhux formali (20).

20.

—

it-taħlit tas-sit tal-iskola ma’ ambjenti fiżiċi oħra ’l bogħod mis-sit tal-iskola (bil-preżenza ta’ għalliem/ħarrieġ, jew separati mill-ispazju u/jew il-ħin fit-tagħlim mill-bogħod);

—

it-taħlit ta’ għodod differenti għat-tagħlim li jistgħu jkunu diġitali (inkluż it-tagħlim online) u mhux diġitali.

1.

Abbażi tat-tagħlimiet meħuda fil-kuntest tal-kriżi tal-COVID-19, jappoġġaw l-irkupru u t-tħejjija ta’ sistemi tal-edukazzjoni u t-taħriġ billi jindirizzaw il-konsegwenzi tal-pandemija għall-istudenti, l-għalliema, il-ħarrieġa u persunal edukattiv ieħor, jiżviluppaw approċċi strateġiċi aktar fit-tul għat-tagħlim imħallat u jibnu fuq innovazzjonijiet b’suċċess introdotti jew ittestjati matul il-pandemija biex jikkondividu u jespandu l-aħjar prattiki, skont il-prinċipji stabbiliti f’din ir-Rakkomandazzjoni (21). Dawn l-innovazzjonijiet ma jissostitwixxux iżda jikkomplementaw it-tagħlim mis-siti tal-iskola u dak wiċċ imb’ wiċċ.

2.

Jappoġġaw lill-istudenti billi jqisu l-miżuri li ġejjin:

a)

Jipprovdu opportunitajiet addizzjonali ta’ tagħlim u appoġġ immirat lejn l-istudenti biex jiġi rimedjat it-telf ta’ tagħlim ikkawżat mill-għeluqparzjali tal-iskejjel u r-restrizzjonijiet għat-tagħlim wiċċ imb’ wiċċ, b’mod partikolari għal dawkli għandhom diffikultajiet fit-tagħlim, għandhom ħtiġijiet edukattivi speċjali, ġejjin minn gruppi żvantaġġati jew li ġew affettwati mod ieħor mit-tfixkil fl-edukazzjoni u t-taħriġ. Dan jista’ jinkludi, pereżempju, appoġġ individwalizzat imtejjeb u tutoraġġ personali, sistemi ta’ mentoraġġ (inkluż mentoraġġ bejn il-pari), komunitajiet tat-tagħlim inklużiv, riżorsi ta’ aktar għalliema assenjati lill-klassi (eż. Co-teaching), aktar appoġġ għall-konsulenza, ħin ta’ tagħlim addizzjonali matul is-sena skolastika u/jew il-perijodu tal-vaganzi, aċċess għal ambjenti ta’ tagħlim addizzjonali, bħal libreriji pubbliċi u spazji komunitarji, u għal servizzi ta’ wara l-iskola b’appoġġ pedagoġiku.

b)

Jagħtu prijorità lill-benesseri fiżiku u mentali tal-istudenti u l-familji tagħhom. Dan jista’ jinkludi: it-tisħiħ tal-appoġġ psikoloġiku u l-iżvilupp ta’ gwida għas-saħħa mentali; l-inklużjoni tal-benesseri tal-istudent u l-politiki kontra l-bullying fl-objettivi tal-iskejjel; proċessi ta’ monitoraġġ u assigurazzjoni tal-kwalità (bħala parti minn assigurazzjoni tal-kwalità regolari jew xogħol ta’ spezzjoni fl-iskejjel jew fil-kuntest ta’ valutazzjonijiet speċifiċi tas-sitwazzjoni fl-iskejjel fil-kuntest tal-pandemija); l-assenjazzjoni ta’ persunal dedikat jew il-faċilitazzjoni tal-aċċess għal professjonisti kwalifikati u servizzi tas-saħħa mentali u ta’ appoġġ.

c)

Jagħtu spinta lill-iżvilupp tal-ħiliet u l-kompetenzi diġitali tal-istudenti kollha u l-familji tagħhom, b’kont meħud tad-distakk diġitali u d-distakk diġitali bejn il-ġeneri, filwaqt li jiġu indirizzati l-isterjotipi u l-preġudizzji kollha, inkluż l-isterjotipi tal-ġeneru u l-preġudizzji tal-ġeneru, u tingħata spinta lill-kapaċità diġitali tas-sistemi tal-edukazzjoni u t-taħriġ billi jitħeġġeġ l-investiment fil-livelli tal-iskejjel u tal-komunità fl-apparat u l-konnettività disponibbli u billi jiġu pprovduti opportunitajiet biex jissaħħu l-ħiliet u l-kompetenzi diġitali, inkluż l-użu tat-teknoloġija għall-komunikazzjoni, kemm għal tagħlim indipendenti kif ukoll kollaborattiv u għall-awtovalutazzjoni biex jittejjeb aktar it-tagħlim. L-implimentazzjoni ta’ investimenti u riformi previsti fil-pjanijiet nazzjonali u tal-Faċilità għall-Irkupru u r-Reżiljenza tiżgura li l-istudenti kollha jkunu jistgħu jaċċessaw it-tagħmir u l-opportunitajiet ta’ tagħlim meħtieġa.

d)

Jesploraw modi biex jiġu żviluppati approċċi ta’ tagħlim imħallat fl-edukazzjoni primarja u sekondarja, inkluż l-edukazzjoni u t-taħriġ vokazzjonali, għall-benefiċċju tal-istudenti kollha u biex jiġi żgurat impatt pożittiv dejjiemi fuq it-tagħlim u l-apprendiment adattati għall-età, l-abbiltajiet, il-ħtiġijiet speċifiċi u l-objettivi tat-tagħlim tal-istudenti, filwaqt li jiġi rikonoxxut bis-sħiħ il-valur tat-tagħlim fis-sit tal-iskola u t-tagħlim wiċċ imb wiċċ. Dan jista’ jinkludi t-tisħiħ tal-iżvilupp u l-inkorporazzjoni ta’ għodod differenti għat-tagħlim, sabiex jiġu pprovduti opportunitajiet għall-investigazzjoni u l-espressjoni, inkluż l-iżvilupp tal-litteriżmu xjentifiku, diġitali u fil-media; l-appoġġ għat-tagħlim li jgħaqqad ambjenti differenti biex jarrikkixxi l-esperjenza tat-tagħlim; il-ħolqien ta’ bilanċ xieraq bejn it-tagħlim immexxi mill-għalliema u mill-istudenti fuq naħa, u t-tagħlim kollaborattiv u indipendenti fuq l-oħra; l-esplorazzjoni ta’ metodi ta’ tagħlim biex opportunitajiet ġodda jsiru attraenti u jiġu offruti soluzzjonijiet ta’ tagħlim aħjar kemm għall-istudenti kif ukoll għall-għalliema.

e)

Jużaw approċċi ta’ tagħlim imħallat bħala mod kif jiġu appoġġati l-benesseri, l-awtonomija tal-istudenti u t-tagħlim personalizzat (filwaqt li jitqiesu l-età, il-kapaċitajiet, u l-ħtiġijiet speċifiċi tat-tagħlim tal-istudenti), u kif jiġu żviluppati l-“kompetenzi personali, soċjali u tat-tagħlim dwar kif titgħallem” (wieħed mit-tmien “kompetenzi ewlenin għat-tagħlim tul il-ħajja” (22) u żviluppat aktar fl-inizjattiva qafas Ewropea LifeComp tal-Kummissjoni (23)).

3.

Jappoġġaw lill-għalliema u lill-ħarrieġa billi jqisu l-miżuri li ġejjin:

a)

Jappoġġaw l-awtovalutazzjoni tal-għalliema dwar l-użu tat-teknoloġiji diġitali, kif ukoll korsijiet ta’ titjib tal-ħiliet u forom oħra ta’ tagħlim professjonali għall-għalliema u l-ħarrieġa biex jgħinuhom jużaw u jintegraw programmi u għodod diġitali fit-tagħlim (24). Jiżviluppaw u jiddisseminaw moduli u riżorsi pedagoġiċi online u fuq il-post biex jgħinu lill-għalliema u lill-ħarrieġa jadattaw il-metodi u l-prattiki tat-tagħlim tagħhom għal approċċi ta’ tagħlim imħallat (25), abbażi tal-esperjenza u l-feedback tagħhom, u jinvolvu ruħhom magħhom fl-użu ta’ għodod u materjali ġodda, inkluż kif joperaw b’mod sikur u etiku f’ambjenti diġitali u kif jappoġġaw lill-istudenti biex jagħmlu dan.

b)

Iżidu l-enfasi fuq il-benesseri u l-kwalità tal-ħajja professjonali tal-għalliema u l-ħarrieġa, il-mexxejja tal-iskejjel u persunal edukattiv ieħor sabiex jittaffa l-istress u jiġi pprevenut l-eżawriment. Dan jista’ jinkludi: il-faċilitazzjoni tal-aċċess għal professjonisti u servizzi kwalifikati fil-qasam tas-saħħa mentali u fi kwistjonijiet ta’ appoġġ; il-promozzjoni tal-iżvilupp u/jew l-organizzazzjoni ta’ appoġġ bejn il-pari biex jittaffa l-istress; u l-għoti ta’ opportunitajiet imtejba għat-taħriġ fir-reżiljenza/il-benesseri mentali fl-edukazzjoni inizjali tal-għalliema u fit-tkomplija ta’ programmi ta’ żvilupp professjonali.

c)

Jintegraw it-tfassil ta’ tagħlim imħallat fi programmi tal-edukazzjoni inizjali tal-għalliema (26) u tat-tkomplija tal-iżvilupp professjonali statutorji (27) biex il-persunal edukattiv jiġi megħjun jadatta t-tfassil tat-tagħlim kif xieraq għall-kuntesti professjonali tiegħu u megħjun biex isir kompetenti fil-faċilitazzjoni tat-tagħlim b’firxa ta’ ambjenti fuq ġewwa u fil-miftuħ, għodod u kompiti.

d)

Jipprovdu aċċess għal ċentri ta’ għarfien espert u għal riżorsi xierqa li jiggwidaw u jtejbu approċċi ta’ tagħlim imħallat. Jappoġġaw lill-persunal tal-edukazzjoni u tat-taħriġ biex jiżviluppaw approċċi ta’ tagħlim imħallat fil-kuntesti speċifiċi tagħhom permezz ta’ skambji tal-persunal u tagħlim bejn il-pari, il-ħolqien ta’ timijiet b’saħħithom tal-iskejjel permezz ta’ tagħlim kollaborattiv, networks, proġetti ta’ kollaborazzjoni, u komunitajiet ta’ prattika.

e)

Jiżviluppaw gwida dwar approċċi ġodda għall-valutazzjoni u l-eżamijiet finali, inkluż online, b’għodod xierqa għal valutazzjoni formattiva u kumulattiva li huma xierqa għal livelli u kuntesti ta’ tagħlim differenti tal-edukazzjoni u t-taħriġ.

f)

Iħeġġu lill-persunal edukattiv jipparteċipa fi proġetti u riċerka esploratorji, inkluż l-ittestjar tal-użu tal-kompiti f’ambjenti oħrajn ta’ tagħlim u l-użu tat-teknoloġija diġitali biex tappoġġa l-proċessi ta’ tagħlim u apprendiment.

4.

Jappoġġaw lill-iskejjel billi jqisu l-miżuri li ġejjin:

a)

Jipprovdu għodod u riżorsi għall-approċċi ta’ tagħlim imħallat, kif ukoll gwida lill-iskejjel dwar kif dawn jistgħu jintużaw effettivament (28).

b)

Jimmobilizzaw jew jirreklutaw persunal addizzjonali biex ikun jista’ jingħata aktar ħin għall-appoġġ individwali fl-iskola u fl-attivitajiet ta’ wara l-iskola, jekk possibbli.

c)

Jappoġġaw sħubijiet effettivi għall-infrastruttura u r-riżorsi bejn fornituri differenti tal-edukazzjoni u tat-taħriġ, inkluż mill-awtoritajiet lokali u reġjonali, in-negozji, assoċjazzjonijiet professjonali, l-arti, il-wirt kulturali, l-isport, in-natura, l-edukazzjoni għolja u l-istituti tar-riċerka, is-soċjetà ċivili, l-industrija tar-riżorsi edukattivi (inkluż it-teknoloġija, il-pubblikazzjoni, u tagħmir ieħor tal-kurrikulu) u r-riċerka edukattiva.

d)

Jappoġġaw lill-iskejjel fil-monitoraġġ u l-awtoevalwazzjoni tal-istrateġiji u l-prattiki ta’ inklużjoni tagħhom fir-rigward ta’ approċċi ta’ tagħlim imħallat u fit-teħid ta’ miżuri meħtieġa biex jirrimedjaw għan-nuqqasijiet, inkluż l-użu tal-għodod tal-UE (29).

e)

Itejbu l-fehim tal-ġenituri, tal-kustodji legali u tal-familji dwar l-ambjenti tat-tagħlim, l-għodod u l-kompiti permezz ta’ komunikazzjoni u gwida sistematiċi, mingħajr ma jinħolqu piżijiet addizzjonali għalihom.

f)

Jinvestu fil-konnettività tal-internet b’veloċità għolja għal ambjenti fuq il-post l-iskola u tat-tagħlim mill-bogħod, li fuqhom jiddependi t-tagħlim online, flimkien ma’ pjanijiet għall-manutenzjoni u l-modernizzazzjoni tal-infrastruttura teknika.

g)

Jippermettu, fejn possibbli u f’konformità mal-leġiżlazzjoni u ċ-ċirkostanzi nazzjonali u reġjonali, livell xieraq ta’ awtonomija għat-teħid ta’ deċiżjonijiet fil-livell tal-iskola (mill-bordijiet tal-iskejjel, il-kapijiet, il-mexxejja), sabiex jiġu ffaċilitati l-innovazzjoni, il-kapaċità ta’ rispons u l-adattament għall-ħtiġijiet lokali u reġjonali.

h)

Jappoġġaw lill-mexxejja tal-iskejjel, li huma importanti fil-ġestjoni tal-bidla organizzazzjonali u titjib kontinwu, bi żvilupp professjonali u gwida ddedikati għar-rwoli tagħhom. Jappoġġaw lill-iskejjel u lill-fornituri assoċjati tal-edukazzjoni u tat-taħriġ fir-riflessjoni dwar approċċi ta’ tagħlim imħallat fl-ippjanar strateġiku tagħhom u fil-proċessi ta’ titjib fl-iskejjel, li jistgħu jinkludu l-użu ta’ għodod ta’ awtovalutazzjoni.

i)

Jappoġġaw id-djalogu u n-networking bejn firxa ta’ partijiet ikkonċernati, inkluż il-familji, involuti kemm fit-tagħlim fis-siti tal-iskejjel u ambjenti fiżiċi oħra u fit-tagħlim mill-bogħod, sabiex jiġġeneraw feedback u ideat għall-iżvilupp futur minn sorsi differenti. Dan għandu jinkludi wkoll djalogu, gwida u strateġiji biex tiġi protetta s-sikurezza tat-tfal u taż-żgħażagħ u biex jiġu żgurati l-kunfidenzjalità u l-protezzjoni tad-data tagħhom, u s-sigurtà u l-privatezza tagħhom fid-dinja diġitali.

j)

Jużaw, meta possibbli, parti mill-mekkaniżmi interni u/jew esterni ta’ rieżami u ta’ assigurazzjoni tal-kwalità ta’ skola għat-taħlit ta’ ambjenti u għodod ta’ tagħlim, bl-inkorporazzjoni ta’ evalwazzjoni ta’ fornituri oħra minbarra l-iskola, jew permezz tagħhom.

5.

Jagħmlu użu sħiħ mill-fondi u mill-għarfien espert tal-UE għar-riformi u l-investiment fl-infrastruttura, l-għodod u l-pedagoġija biex iżidu r-reżiljenza u t-tħejjija għal skejjel lesti għall-futur, b’mod partikolari Erasmus+, il-Faċilità għall-Irkupru u r-Reżiljenza, il-Fond Soċjali Ewropew Plus, il-Fond Ewropew għall-Iżvilupp Reġjonali (FEŻR), il-Programm Ewropa Diġitali, Orizzont Ewropa u l-Istrument ta’ Appoġġ Tekniku.

6.

Jinvestu fir-riċerka dwar u fil-monitoraġġ u fl-evalwazzjoni tal-isfidi ta’ politika u l-impatt ta’ dawn l-inizjattivi fuq l-ekosistemi edukattivi sabiex jibnu fuq it-tagħlimiet meħuda u jikkontribwixxu għar-riforma futura tal-politika, inkluż billi jibnu fuq l-esperjenzi tal-istudenti kif ukoll fuq id-data miġbura, jekk disponibbli, biex jiġu żviluppati l-aħjar prattiki u soluzzjonijiet tal-IA mfassla apposta għal programmi ta’ tagħlim imtejba.

7.

Jieħdu miżuri u jagħtu segwitu għall-implimentazzjoni ta’ din ir-rakkomandazzjoni, f’konformità mas-sistemi nazzjonali u reġjonali tal-edukazzjoni u t-taħriġ. Iqisu, jekk xieraq, kwalunkwe miżura li tappoġġa approċċi ta’ tagħlim imħallat fil-pjanijiet ta’ azzjoni nazzjonali għall-implimentazzjoni tal-Garanzija Ewropea għat-Tfal.

1.

Tappoġġa l-implimentazzjoni tar-Rakkomandazzjoni billi tiffaċilita t-tagħlim reċiproku u l-iskambji bejn l-Istati Membri u l-partijiet ikkonċernati rilevanti kollha, soġġett għall-istabbiliment u l-elaborazzjoni ulterjuri ta’ miżuri, permezz ta’:

2.

Tappoġġa l-iżvilupp ta’ riżorsi, f’kooperazzjoni mal-Istati Membri, biex jintużaw fuq bażi volontarja, bħal:

3.

Tappoġġa l-iżvilupp professjonali u l-opportunitajiet ta’ tagħlim għall-għalliema, il-ħarrieġa u persunal edukattiv ieħor, billi:

4.

Taħdem mal-partijiet ikkonċernati kollha, inkluż il-fornituri ta’ software u hardware, dwar modi kif jittejbu l-infrastruttura u l-għodod diġitali u l-użu tagħhom fir-rigward tal-edukazzjoni u t-taħriġ u, barra minn hekk, tenfasizza l-importanza tal-kunfidenzjalità u l-protezzjoni tad-data f’dak il-kuntest.

5.

Tappoġġa inizjattivi biex jiġu żviluppati u promossi aktar l-opportunitajiet ta’ edukazzjoni inklużiva, ekwitabbli u ta’ kwalità u ta’ tagħlim tul il-ħajja għal kulħadd, b’mod partikolari fir-rigward tal-inklużjoni tal-istudenti f’ċirkostanzi varji li jaffettwaw l-aċċess tagħhom għal ambjenti u għodod partikolari ta’ tagħlim, u l-inklużjoni ta’ dawk li jeħtieġu appoġġ immirat fil-proċess ta’ tagħlim.

6.

Tkompli tappoġġa lill-Istati Membri fit-twettiq ta’ riformi sabiex itejbu l-kwalità u l-inklużività tas-sistemi tal-edukazzjoni u t-taħriġ u jappoġġaw il-prontezza diġitali tagħhom, f’konformità mal-objettivi tal-Pjan ta’ Azzjoni għall-Edukazzjoni Diġitali 2021-2027.

7.

Tindirizza l-iżvilupp ta’ approċċ ta’ tagħlim imħallat fl-edukazzjoni primarja u sekondarja, inkluż l-edukazzjoni u t-taħriġ vokazzjonali, fir-rapporti ta’ progress regolari taż-Żona Ewropea tal-Edukazzjoni u l-Pjan ta’ Azzjoni għall-Edukazzjoni Diġitali 2021-2027.

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10463. Il-EUR-Lex hu l-aċċess fuq l-internet għal-liġi tal-Unjoni Ewropea.

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10489. Il-EUR-Lex hu l-aċċess fuq l-internet għal-liġi tal-Unjoni Ewropea.

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10439. Il-EUR-Lex hu l-aċċess fuq l-internet għal-liġi tal-Unjoni Ewropea.

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10532. Il-EUR-Lex hu l-aċċess fuq l-internet għal-liġi tal-Unjoni Ewropea.

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10382. Il-EUR-Lex hu l-aċċess fuq l-internet għal-liġi tal-Unjoni Ewropea.

Kunsill tal-Unjoni Ewropea

Segretarjat Ġenerali

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Kunsill tal-Unjoni Ewropea

Segretarjat Ġenerali

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Kunsill tal-Unjoni Ewropea

Segretarjat Ġenerali

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Kunsill tal-Unjoni Ewropea

Segretarjat Ġenerali

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Kunsill tal-Unjoni Ewropea

Segretarjat Ġenerali

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Council of the European Union

General Secretariat

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Kunsill tal-Unjoni Ewropea

General Secretariat

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Kunsill tal-Unjoni Ewropea

Segretarjat Ġenerali

RELEX.1.C.

Rue de la Loi/Wetstraat 175

1048 Bruxelles/Brussel

Belgique/BELGIË

Kunsill tal-Unjoni Ewropea

Segretarjat Ġenerali

RELEX.1.C.

Rue de la Loi/Wetstraat 175

1048 Bruxelles/Brussel

BELGIQUE/BELGIË

1.

Inbid

16.

Inbid minn għeneb misjur iżżejjed

—

Dehra: L-inbejjed għandu jkollhom mill-inqas kulur skur ħafna. Sfumatura: kulur aħmar bi sfumaturi li jvarjaw minn vjola fl-inbejjed mhux imqaddma għal aħmar lewn il-briks fl-inbejjed imqaddma.

—

Aroma: L-inbejjed iridu jkunu ta’ mill-inqas intensità għolja, b’aromi ta’ frott artab iswed u aħmar. L-inbejjed imqaddmin ikollhom noti ta’ ħwawar u ta’ togħmiet mixwija.

—

Stadju tad-dewqan: L-inbejjed irid ikollhom mill-inqas palat qawwi. Ibbilanċjati sew. Togħma li tibqa’ fit-tul. Aċidità bbilanċjata tajjeb. Noti mill-kartell (ta’ inkaljar u/jew xiwi).

≤ 0,65 g/l aċidu aċetiku, fi nbejjed mhux imqaddmin

≤ 0,85 g/l aċidu aċetiku, fi nbejjed imqaddmin

—

Dehra: Lewn isfar, lewn it-tiben fl-inbejjed mhux imqaddmin u dehbi fil-każ ta’ nbejjed iffermentati u/jew imqaddmin fil-btieti. Ċara u tleqq.

—

Aroma: L-inbejjed iridu jkunu ta’ mill-inqas intensità għolja, b’togħma ta’ frott u b’noti ta’ frott tropikali. L-inbejjed imqaddmin jiżviluppaw aromi pikkanti.

—

Stadju tad-dewqan: L-inbejjed irid ikollhom mill-inqas palat medju. Friski u b’togħma ta’ frott. Kemm l-inbejjed mhux imqaddmin kif ukoll l-inbejjed imqaddmin ikunu bbilanċjati tajjeb.

≤ 0,65 g/l aċidu aċetiku, fi nbejjed mhux imqaddmin

≤ 0,85 g/l aċidu aċetiku, fi nbejjed imqaddmin

—

Dehra: lewn isfar dehbi qawwi, mhux maħmuġ u jleqq.

—

Aroma: L-inbejjed irid ikollhom mill-inqas intensità għolja. Aromi ta’ għasel, sfarġel misjur u tin. Togħma qawwija ta’ frott.

—

Stadju tad-dewqan: L-inbejjed irid ikollhom mill-inqas palat medju, mimli u b’sensazzjoni żejtnija fil-palat. Togħma li tibqa’ fit-tul dejjiema.

≤ 0,74 g/l aċidu aċetiku, fi nbejjed mhux imqaddmin

≤ 0,85 g/l aċidu aċetiku, fi nbejjed imqaddmin

≤ 0,72 g/l + 0,06 g/l aċidu aċetiku, għal kull grad ta’ qawwa alkoħolika naturali ogħla mill-10 % f’% tal-volum, fil-każ ta’ nbejjed magħmulin minn għeneb botritizzat

Cabernet Sauvignon, Tempranillo u Merlot

7 500 kilogramma ta’ għeneb għal kull ettaru

52 ettolitru għal kull ettaru

Sauvignon Blanc u Chardonnay

7 400 kilogramma ta’ għeneb għal kull ettaru

48 ettolitru għal kull ettaru

Syrah

7 300 kilogramma għeneb għal kull ettaru

51 ettolitru għal kull ettaru

Moscatel de grano menudo (muscat tal-ħabb imfarrak)

7 200 kilogramma għeneb għal kull ettaru

28 ettolitru għal kull ettaru

Poligonu 5: roqgħa 1 658.

Poligonu 5: roqgħa 1 659.

Poligonu 5: roqgħa 1 660.

Poligonu 5: roqgħa 1 661.

Poligonu 5: roqgħa 1 662.

Poligonu 5: roqgħa 1 663.

Poligonu 5: roqgħa 1 884.

Poligonu 5, roqgħa 1 885 u plott A parzjalment, E, F, G u H.

CABERNET SAUVIGNON

CHARDONNAY

MERLOT

MOSCATEL DE GRANO MENUDO (MUSCAT TAL-ĦABB IMFARRAK)

SAUVIGNON BLANC

SYRAH

TEMPRANILLO

—

Il-bilanċ tajjeb, b’ammont tajjeb ta’ alkoħol u kontenut għoli ta’ polifenoli.

—

Varjetajiet b’ċiklu ta’ tkabbir twil, bħal Cabernet Sauvignon, adattaw tajjeb għall-ambjent. Dan jirriżulta f’sajran sħiħ tal-partijiet solidi u fi nbejjed b’kontenut għoli ta’ polifenoli.

—

Livell tajjeb ta’ aċidità, li jfisser li l-inbejjed jitqaddmu tajjeb u għandhom ħajja tal-prodott fuq l-ixkaffa twila wara l-ibbottiljar.

—

Inbejjed b’aromi maturi u ta’ intensità għolja, li jinkludu noti ta’ frott frisk.

—

Ix-xita li tiġi min-Nofsinhar: minħabba l-effett Foehn, is-Sierra de Moncayo tfisser li x-xita tagħmel fin-naħa tan-Nofsinhar u ma tilħaqx il-wied fit-Tramuntana ta’ dawn il-muntanji, li huwa fejn tinsab iż-żona demarkata ta’ Bolandin.

—

Ix-xita li tiġi mit-Tramuntana: minħabba l-effett tal-prossimità max-Xmara Ebro, ix-xita mit-Tramuntana ma tilħaqx in-Nofsinhar tax-xmara, li huwa fejn tinsab iż-żona demarkata. Dan l-effett jiżdied mill-fatt li din ix-xita tiġi ppreċeduta minn irjieħ mit-Tramuntana li jbaxxu l-umdità relattiva bit-temperaturi baxxi tagħhom u b’hekk jikkontribwixxu għan-nixfa.

—

L-inbejjed ħomor huma ta’ kulur aktar qawwi, b’indiċi ta’ polifenoli totali u polimerizzazzjoni ogħla, maturità, finezza u tannini rotob, li jfissru li għandhom palat sħiħ fil-ħalq mingħajr stringenza u rikkezza għolja.

—

L-inbejjed ħomor u bojod magħmulin minn għeneb misjur iżżejjed għandhom kontenut għoli ta’ alkoħol, li jżid is-sensazzjoni ta’ rikkezza u ħlewwa fil-ħalq.

—

L-inbejjed ħomor u bojod magħmulin minn għeneb misjur iżżejjed għandhom aċidità bbilanċjata, li qatt ma tkun għolja ħafna. Il-livell tal-aċidu maliku huwa partikolarment baxx, minħabba l-kombustjoni tal-aċidi organiċi kkawżata mit-temperaturi għoljin fis-sajf waqt is-sajran. Dan ifisser li l-inbejjed ħomor u bojod magħmulin minn għeneb misjur iżżejjed qatt ma jkollhom aċidità eċċessiva, kif jista’ jiġri bi nbejjed minn subżoni oħra aktar fit-Tramuntana fejn il-livelli ta’ aċidu maliku huma ogħla.

—

L-inbejjed ħomor u bojod magħmulin minn għeneb misjur iżżejjed għandhom komposti fenoliċi maturi ħafna, li jillimitaw l-affinità tal-ossiġnu tal-inbejjed, u b’hekk tiġi evitata l-preżenza ta’ aromi riduttivi tal-kubrit. L-inbejjed li jirriżultaw huma aromatiċi u espressivi ħafna.

—

Fl-inbejjed ħomor u bojod magħmulin minn għeneb misjur iżżejjed, it-tqaddim u l-ossidazzjoni jsiru bil-mod minħabba l-konċentrazzjoni għolja ta’ polifenoli, u dan ifisser li l-inbejjed għandhom ħajja tal-prodott fuq l-ixkaffa twila u jitqaddmu tajjeb.

—

L-inbejjed bojod magħmulin minn għeneb misjur iżżejjed huma żejtnin b’qawwa alkoħolika totali għolja ħafna u lewn isfar dehbi minħabba l-perjodu twil ta’ esponiment għad-dawl tax-xemx li jirriżulta fi prodott dehbi. In-nuqqas ta’ xita jippermetti s-sajran iżżejjed fuq perjodu twil ta’ żmien, li jwassal għal intensità tajba ta’ aromi ta’ noti ta’ frott misjur, għasel u frott taċ-ċitru.

Qafas legali:

Fil-leġiżlazzjoni nazzjonali

Tip ta’ rekwiżit ieħor:

L-ippakkjar fiż-żona ġeografika demarkata

—

50 sa 63 % għaġin tal-bajd.

—

30 sa 40 % zalza.

—

6 sa 10 % bexamella.

—

30 sa 40 % laħam frisk, li jinkludi:

—

0 sa 15 % konċentrat tat-tadam u 0 sa 30 % puré tat-tadam.

—

1 sa 3 % karfus, 1 sa 3 % zunnarija, 2 sa 5 % basal abjad bl-imsiemer tal-qronfol imdeffsin fih, bouquet garni ta’ ħxejjex aromatiċi (skont il-gosti) li jridu jkunu friski, mhux imnixxfa jew issostitwiti b’aromatizzanti kimiċi.

—

2 sa 5 % tazza nbid abjad xott.

—

0 sa 5 % xaħam tal-majjal jew tal-warda.

—

4 sa 8 % żejt taż-żebbuġa straverġni.

—

Melħ u bżar iswed mitħuna skont il-gosti.

—

2 sa 5 % Parmigiano Reggiano DOP jew Grana Padano DOP maħkuk.

—

Biżżejjed ilma biex tgħatti l-laħam (3).

—

0 sa 8 % ħalib sħiħ UHT jew ħalib frisk pasturizzat (fakultattiv).

—

80 sa 90 % ħalib sħiħ UHT jew ħalib frisk pasturizzat.

—

5 sa 10 % dqiq tal-qamħ komuni.

—

5 sa 10 % butir.

—

Melħ, bżar iswed mitħun u noċemuskata skont il-gosti.

—

32 sa 35 % bajd tat-tiġieġ frisk u 0 sa 3 % isfar tal-bajd. Il-bajd u l-isfra tal-bajd jistgħu jiġu ssostitwiti minn prodotti tal-bajd likwidi pasturizzati.

—

60 sa 65 % dqiq tal-qamħ komuni jew dqiq tal-qamħ durum.

—

0 sa 3 % mgħarfa ta’ żejt taż-żebbuġa straverġni jew butir imdewweb;

—

0 sa 4 % mgħarfa nbid imsajjar (4) jew Marsala DOP;

—

Melħ skont il-gosti.

—

Il-“Guida in cucina” tal-1927 mill-kok Cesare Tirabasso (Bisson & Leopardi, Macerata, 1927, paġna 91) jgħid li l-“Vincisgrassi huwa popolari fil-Marche, b’mod partikolari fil-provinċja ta’ Macerata”.

—

F’“Le ricette regionale italiano” (A. Gosetti della Salda, La cucina italiana, Milan 1967, p. 608) jingħad li “dan id-dixx b’togħma tajba u nutrittiv ħafna, il-Vincisgrassi, huwa antik u tradizzjonali fil-provinċja ta’ Macerata”.

—

Il-“Cucina delle Marche” tal-2010 (ta’ P. Carsetti, Newton Compton, p. 133), jiddeskrivi r-riċetta bħala “kodifikata”.

—

Fl-2010 f’“Le ricette d’oro delle migliori osterie e trattorie italiane” (ta’ C. Cambi, Newton Compton, p. 515) ir-riċetta hija msejħa “Vincisgrassi alla maceratese”.

—

Fil-“Marche a tavola” tal-2003 ta’ A. Carnival Mallè et al., ir-riċetta għall-Vincisgrassi tidher fil-paġna 34 taħt l-isem “Vincisgrassi alla maceratese”.

—

“Vincisgrassi”, ippubblikat fis-sena 2000 mill-Kamra tal-Kummerċ tal-provinċja ta’ Macerata flimkien mal-Confcommercio, l-Accademia Italiana della Cucina (Akkademja Taljana tat-Tisjir) u l-Federcuochi.