1.

Fid-19 ta’ Marzu 2020, il-Kummissjoni adottat il-Komunikazzjoni tagħha “Qafas Temporanju għall-miżuri ta’ għajnuna mill-Istat biex jingħata sostenn lill-ekonomija matul it-tifqigħa preżenti tal-COVID-19” (1) (“il-Qafas Temporanju”). Fit-3 ta’ April 2020, hija adottat l-ewwel emenda li tippermetti għajnuna biex jiġu aċċellerati r-riċerka, l-ittestjar u l-produzzjoni ta’ prodotti rilevanti għall-COVID-19, biex jiġu protetti l-impjiegi u biex tkompli tiġi sostnuta l-ekonomija matul il-kriżi attwali (2). Fit-8 ta’ Mejju 2020, hija adottat it-tieni emenda biex tkompli tiffaċilita l-aċċess għall-kapital u għal-likwidità għall-impriżi affettwati mill-kriżi (3). Fid-29 ta’Ġunju 2020, hija adottat it-tielet emenda biex tkompli ssostni lill-kumpaniji mikro, żgħar u ġodda u biex tinċentiva l-investimenti privati (4). Fit-13 ta’ Ottubru 2020, hija adottat ir-raba’ emenda biex testendi l-Qafas Temporanju u biex tippermetti għajnuna li tkopri parti mill-kostijiet fissi mhux koperti tal-impriżi milquta mill-kriżi (5). Fit-28 ta’ Jannar 2021, hija adottat il-ħames emenda biex tkompli testendi l-Qafas Temporanju, biex tadatta l-limiti massimi tal-għajnuna stabbiliti fih u biex tippermetti l-konverżjoni ta’ strumenti ripagabbli f’għotjiet diretti taħt ċerti kundizzjonijiet (6).

2.

Il-Qafas Temporanju għandu l-għan li jiżgura bilanċ xieraq bejn l-effetti pożittivi tal-miżuri ta’ għajnuna mogħtija lill-impriżi u kwalunkwe effett negattiv potenzjali fuq il-kompetizzjoni u l-kummerċ fis-suq intern. Applikazzjoni mmirata u proporzjonata tal-kontroll għall-għajnuna mill-Istat tiżgura li l-miżuri ta’ sostenn nazzjonali jgħinu b’mod effettiv lill-impriżi milquta waqt il-pandemija tal-COVID-19, filwaqt li jillimitaw id-distorsjonijiet bla bżonn fis-suq intern, iżommu l-integrità tas-suq intern u jiżguraw kundizzjonijiet ekwivalenti ta’ kompetizzjoni. Dan jikkontribwixxi għall-kontinwità tal-attività ekonomika waqt il-pandemija tal-COVID-19 u jipprovdi lill-ekonomija bi pjattaforma b’saħħitha biex tirkupra mill-kriżi, u jħaffef it-tranżizzjonijiet ekoloġiċi u diġitali meħtieġa, f’konformità mad-dritt tal-UE u l-objettivi tal-Unjoni.

3.

Huwa meħtieġ li l-miżuri stabbiliti fil-Qafas Temporanju jiġu estiżi sat-30 ta’ Ġunju 2022; biex jiġu adattati l-limiti tal-għajnuna tal-miżuri marbutin mal-kostijiet fissi mhux koperti sabiex jiġu indirizzati l-effetti ekonomiċi mtawla tal-kriżi li għaddejja bħalissa; biex ikun jista’ jseħħ l-appoġġ għall-investiment favur irkupru sostenibbli u appoġġ għas-solvenza; u biex jiġu ċċarati u emendati l-kundizzjonijiet għal ċerti miżuri ta’ għajnuna mill-Istat temporanji li l-Kummissjoni tqis li huma kompatibbli skont l-Artikolu 107(3)(b) tat-Trattat dwar il-Funzjonament tal-Unjoni Ewropea (“TFUE”) fid-dawl tat-taqlib ekonomiku serju kkawżat lill-ekonomiji tal-Istati Membri kollha mill-pandemija tal-COVID-19. Barra minn hekk, it-tneħħija tal-lista ta’ pajjiżi b’riskju kummerċjabbli li tinsab fl-Anness tal-Komunikazzjoni tal-Kummissjoni lill-Istati Membri dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-assigurazzjoni ta’ kreditu għall-esportazzjoni għal żmien qasir (“STEC”, short-term export-credit insurance) (7) jenħtieġ li tiġi estiża.

4.

L-ewwel nett, il-Kummissjoni tfakkar li l-Qafas Temporanju kellu jiskadi fil-31 ta’ Diċembru 2021. Il-Qafas Temporanju ppreveda wkoll li l-Kummissjoni tirrieżamina dan il-qafas qabel il-31 ta’ Diċembru 2021 abbażi ta’ kunsiderazzjonijiet importanti ekonomiċi jew marbutin mal-kompetizzjoni.

5.

F’dan il-kuntest il-Kummissjoni vvalutat il-ħtieġa kontinwa għall-għajnuna skont il-Qafas Temporanju, bil-ħsieb li tiddeċiedi jekk hemmx bżonn li tinżamm wara l-31 ta’ Diċembru 2021. B’mod partikolari, il-Kummissjoni tqis dawn il-fatturi: minn naħa waħda, l-iżvilupp tas-sitwazzjoni ekonomika fiċ-ċirkustanzi eċċezzjonali maħluqa mill-pandemija tal-COVID-19; min-naħa l-oħra, l-adegwatezza tal-Qafas Temporanju bħala strument li jiżgura li l-miżuri ta’ appoġġ nazzjonali jgħinu b’mod effettiv lill-impriżi affettwati waqt il-pandemija, filwaqt li jillimitaw id-distorsjonijiet bla bżonn fis-Suq Intern u jiżguraw kundizzjonijiet ekwivalenti ta’ kompetizzjoni.

6.

Skont it-Tbassir Ekonomiku tal-ħarifa tal-2021 (8), il-PDG huwa mbassar li jikber b’5,0 % fl-2021 u b’4,3 % fl-2022, kemm fl-Unjoni kif ukoll fiż-żona tal-euro. Il-volum tal-produzzjoni huwa previst li jerġa’ lura għal-livell ta’ qabel il-kriżi (fl-2019 - ir-raba’ trimestru) sa tmiem l-2021. Madankollu l-inċertezza u r-riskji marbutin mal-prospettiva tat-tkabbir għadhom għoljin meta wieħed iqis iż-żieda mill-ġdid ta’ infezzjonijiet bil-COVID-19 f’ċerti Stati Membri, iż-żieda tat-tensjoni fuq il-ktajjen tal-provvista u ż-żieda fil-prezzijiet tal-enerġija.

7.

L-Istati Membri għamlu użu sostanzjali mill-possibbiltajiet taħt il-Qafas Temporanju bħala strument biex jindirizzaw it-tfixkil ekonomiku serju li jaffettwa l-ekonomiji tagħhom, kif ukoll biex jiffaċilitaw l-iżvilupp ta’ ċerti attivitajiet ekonomiċi meħtieġa biex tiġi indirizzata l-pandemija tal-COVID-19.

8.

Ġaladarba l-Qafas Temporanju kien utli bħala strument biex jiġu indirizzati l-konsegwenzi ekonomiċi tal-pandemija u fid-dawl tal-feedback li wasal mill-Istati Membri, il-Kummissjoni tqis li estensjoni limitata tal-miżuri eżistenti stabbiliti f’dak il-qafas sat-30 ta’ Ġunju 2022 hija xierqa biex jiġi żgurat li l-miżuri ta’ appoġġ nazzjonali jgħinu b’mod effettiv lill-impriżi affettwati waqt il-pandemija, filwaqt li tinżamm l-integrità tas-suq intern u jiġu żgurati kundizzjonijiet ekwivalenti. Din l-estensjoni limitata se tiżgura wkoll li l-impriżi li għadhom affettwati mill-kriżi ma jiġux imċaħħdin f’daqqa waħda mill-appoġġ meħtieġ. Minflok, dan se jippermetti t-tneħħija gradwali kkoordinata tal-livell ta’ appoġġ skont l-irkupru ekonomiku osservat. Din it-tneħħija gradwali għandha titqies fid-dawl tal-eteroġeneità tal-irkupru, b’setturi u reġjuni speċifiċi fi Stati Membri differenti li għadhom lura meta mqabblin ma’ oħrajn. Abbażi tal-informazzjoni disponibbli bħalissa, il-Kummissjoni tqis li huwa probabbli li ma tkun meħtieġa l-ebda estensjoni addizzjonali tat-tip ta’ miżuri eżistenti koperti mit-taqsimiet minn 3.1 sa 3.12 wara t-30 ta’ Ġunju 2022. Dan huwa speċjalment il-każ fir-rigward ta’ miżuri ta’ likwidità eżistenti, fejn il-possibbiltajiet ġodda futuri għall-appoġġ għall-investiment għal irkupru sostenibbli u l-appoġġ għas-solvenza jenħtieġ li jkunu aktar adatti fil-fażi ta’ rkupru biex jiġu indirizzati l-ħtiġijiet tan-negozju u l-objettivi tal-politika, inkluż biex jiġu limitati distorsjonijiet bla bżonn fis-suq intern. Minkejja kollox, il-Kummissjoni se tkompli timmonitorja mill-qrib is-sitwazzjoni u tivvaluta jekk hemmx bżonn li xi miżuri jiġu estiżi u/jew adattati aktar abbażi ta’ kunsiderazzjonijiet importanti ekonomiċi jew marbutin mal-kompetizzjoni.

9.

Il-Kummissjoni tqis ukoll li huwa meħtieġ li jiġu aġġustati l-limiti massimi tal-għajnuna pprovduti fit-taqsima 3.1, f’konformità ma’ din l-estensjoni.

10.

It-tieni, filwaqt li tqis l-impatt kontinwu tal-pandemija tal-COVID-19 u l-iskadenza taż-żmien mill-adozzjoni tal-Qafas Temporanju, il-Kummissjoni tqis li huwa meħtieġ li jiżdiedu l-limiti massimi tal-għajnuna stabbiliti fit-taqsima 3.12 ta’ dan il-qafas, li jippermettu aġġoġġ immirat lil kumpaniji li esperjenzaw telf sinifikanti fid-dħul.

11.

It-tielet, diversi Stati Membri enfasizzaw il-ħtieġa li jitnaqqas ir-riskju ta’ insolvenzi korporattivi permezz ta’ possibbiltajiet addizzjonali għar-ristrutturar tad-dejn u l-konverżjoni ta’ strumenti ta’ għajnuna ripagabbli f’forom oħra ta’ għajnuna (pereż. għotjiet diretti) (9). Sabiex tindirizza dan it-tħassib u timmitiga r-riskju ta’ insolvenzi korporattivi, il-Kummissjoni tqis li hemm bżonn li sseħħ il-konverżjoni ta’ strumenti ta’ għajnuna ripagabbli f’forom oħra ta’ għajnuna taħt it-taqsima 3.1 u t-taqsima 3.12 tal-Qafas Temporanju sat-30 ta’ Ġunju 2023, dment li l-kundizzjonijiet tat-taqsimiet applikabbli jkunu ssodisfati (10). Barra minn hekk, il-Kummissjoni tqis ukoll li l-istrumenti ripagabbli skont it-taqsima 3.1, it-taqsima 3.3., u t-taqsima 3.12 jistgħu jeħtieġu ristrutturar f’konformità mal-prattiki prudenzjali ordinarji tal-intermedjarji finanzjarji involuti. Ristrutturar bħal dan se jitqies kompatibbli, jekk isir sa mhux aktar tard mit-30 ta’ Ġunju 2023 u skont il-kundizzjonijiet speċifikati f’din il-Komunikazzjoni. B’mod partikolari, ristrutturar bħal dan irid jirrispetta l-kundizzjonijiet stabbiliti fit-taqsimiet applikabbli u ma jistax iwassal għal żieda fl-ammonti mogħtija inizjalment (11).

12.

Barra minn hekk, din il-Komunikazzjoni tiċċara li l-Istati Membri jistgħu jestendu t-tul tal-garanziji mogħtija taħt it-taqsima 3.1, it-taqsima 3.2, u t-taqsima 3.12 tal-Qafas Temporanju anke wara l-iskadenza ta’ dan il-qafas, dment li l-kundizzjonijiet f’dawn it-taqsimiet u fit-taqsima 3.4 jkunu rrispettati. It-termini u l-kondizzjonijiet ta’ tali estensjoni jenħtieġ li jiġu stipulati fil-kuntratti ta’ garanzija inizjali bejn l-Istat u l-istituzzjonijiet ta’ kreditu jew finanzjarji. Jenħtieġ li dawn il-kundizzjonijiet ma jħallu l-ebda diskrezzjoni lill-awtoritajiet tal-Istat Membru meta jiġi estiż it-tul tal-garanzija. Il-benefiċjarji finali jridu jiġu infurmati fil-ħin tal-għoti inizjali tal-finanzjament bil-possibilità li jistgħu jitolbu estensjoni fil-maturità ta’ dan il-finanzjament, mingħajr preġudizzju għall-fatt li l-istituzzjonijiet ta’ kreditu jew finanzjarji jistgħu jaċċettaw jew jirrifjutaw dik it-talba skont il-politiki u l-proċeduri standard tagħhom (12).

13.

Ir-raba’, il-Kummissjoni tqis li l-irkupru tal-ekonomija tal-Unjoni se jkun iddeterminat l-aktar mill-ħeffa tal-programmi tat-tilqim u l-progressjoni ta’ varjanti possibbli tal-virus, iżda wkoll minn fatturi oħra mhux magħrufa bħall-istat tal-ekonomija internazzjonali u kif se jseħħ l-infiq u l-investiment tal-kumpaniji u tal-unitajiet domestiċi.

14.

Il-Kummissjoni tfakkar li r-riskju ta’ tnaqqis fl-investiment ta’ wara l-kriżi effettivament seħħ fl-Unjoni fis-snin ta’ wara l-kriżi tal-2008, minħabba żieda fid-dejn tas-settur privat. Meta l-kriżi attwali tispiċċa, id-diffikultajiet finanzjarji, l-avverżjoni għar-riskju u l-kapaċità ta’ riżerva f’xi setturi jistgħu wkoll iżommu lura l-investiment korporattiv u għaldaqstant it-tkabbir fit-tul.

15.

Huwa xieraq li jiġu pprovduti aktar għażliet għall-Istati Membri bbażati fuq l-Artikolu 107(3)(c) TFUE biex jappoġġaw direttament l-investimenti fl-assi kif ukoll jipprovdu strument biex titjieb il-pożizzjoni tal-ekwità tal-kumpaniji Ewropej, billi tiġi introdotta taqsima ġdida dwar l-appoġġ għall-investiment għal irkupru sostenibbli kif ukoll taqsima ġdida dwar l-appoġġ għas-solvenza. B’mod parallel, il-Kummissjoni tqis ukoll li huwa meħtieġ li jiġu applikati r-rekwiżiti ta’ notifika individwali għal skemi taħt linji gwida speċifiċi eżistenti b’importanza partikolari għall-irkupru b’mod aktar flessibbli għal ammont limitat ta’ żmien.

16.

Minn naħa waħda, l-appoġġ għall-investiment jenħtieġ li jiffaċilita l-iżvilupp tal-attivitajiet ekonomiċi meħtieġa biex jerġa’ jkun hemm tkabbir sostenibbli fit-tul, li jegħleb l-effetti ekonomiċi negattivi tal-kriżi inkluża d-diskrepanza fl-investiment li dejjem qed tikber. Għandu jappoġġa wkoll ekonomija aktar reżiljenti għall-futur, filwaqt li jillimita b’mod effettiv l-effetti negattivi potenzjali fuq il-kompetizzjoni u l-kummerċ.

17.

Dan it-tip ta’ appoġġ jista’ jgħin wkoll lill-Istati Membri biex jiżviluppaw b’mod partikolari dawk l-attivitajiet ekonomiċi meħtieġa biex jinkisbu l-objettivi tat-tranżizzjoni ekoloġika u diġitali u jappoġġaw l-irkupru lejn futur aktar ekoloġiku u aktar diġitali filwaqt li jsaħħu r-reżiljenza u jippreservaw kundizzjonijiet ekwivalenti. Huwa rilevanti wkoll bħala parti mit-tneħħija gradwali tal-miżuri immedjati ta’ rispons għall-kriżijiet fuq żmien qasir, speċjalment f’termini ta’ appoġġ għal-likwidità, u tat-tranżizzjoni għal rkupru tal-ekonomija aktar fit-tul. Sabiex jinkiseb l-effett maħsub tal-infiq aċċellerat għall-investiment, l-applikazzjoni ta’ din il-miżura jenħtieġ li tkun limitata sal-31 ta’ Diċembru 2022.

18.

Il-pandemija u l-miżuri meħuda mill-Istati Membri biex jiġi miġġieled t-tixrid tal-virus COVID-19 wasslu għal tnaqqis immedjat fl-attività ekonomika fuq skala mingħajr preċedent, b’mod partikolari fir-rigward tal-investiment. Fid-dawl ta’ dawn iċ-ċirkostanzi eċċezzjonali maħluqa minn din il-kriżi, il-Kummissjoni tqis li d-dispożizzjonijiet tat-taqsima 3.13 ta’ din l-emenda jistgħu jiġu applikati għall-għajnuna mogħtija wara l-1 ta’ Frar 2020, dment li jiġu ssodisfati l-kundizzjonijiet kollha u li b’mod partikolari jista’ jintwera effett ta’ inċentiv. Tali miżuri jeħtieġ li jsegwu l-istess objettiv bħal dak stabbilit fit-taqsima 3.13, jiġifieri jipprovdu stimolu biex tingħeleb id-diskrepanza fl-investiment akkumulata fl-ekonomija minħabba l-kriżi.

19.

Min-naħa l-oħra, l-appoġġ għas-solvenza huwa element importanti għall-iżvilupp ta’ attivitajiet ekonomiċi f’firxa wiesgħa ta’ setturi f’sitwazzjonijiet fejn l-impriżi qed ibatu minn proporzjonijiet ta’ dejn miżjuda minħabba l-kriżi. Minħabba ż-żieda makroekonomika ġenerali tad-dejn, l-Istati Membri jistgħu jfittxu li jipprovdu lill-impriżi b’aċċess aktar faċli għall-investimenti privati fil-forma ta’ ekwità filwaqt li jillimitaw l-effetti negattivi potenzjali fuq is-suq intern. Tali appoġġ jista’ jkun element importanti biex jissaħħaħ l-irkupru ekonomiku. Perjodu itwal ta’ applikazzjoni għal din it-tip ta’ miżura ta’ appoġġ għas-solvenza huwa xieraq minħabba l-kumplessità u ż-żmien meħtieġ biex jiġu stabbiliti skemi bħal dawn. F’dan l-isfond, il-perjodu ta’ applikazzjoni ta’ din it-tip ta’ miżura jenħtieġ li jiġi estiż sal-31 ta’ Diċembru 2023.

20.

Permezz tal-Istrument ta’ Appoġġ Tekniku, (13) il-Kummissjoni tappoġġa l-Istati Membri fit-tfassil u l-implimentazzjoni ta’ riformi mmirati li jegħlbu d-diskrepanza fl-investiment u jaċċelleraw it-tranżizzjonijiet ekoloġiċi u diġitali. L-Istati Membri jistgħu jitolbu appoġġ permezz tal-Istrument ta’ Appoġġ Tekniku biex ifasslu u jimplimentaw miżuri ta’ appoġġ għas-solvenza.

21.

Il-ħames, l-applikazzjoni tal-Qafas Temporanju wriet il-ħtieġa li jiġu introdotti kjarifiki addizzjonali u emendi għal punti oħrajn ta’ dan il-qafas, speċjalment fit-taqsima 1.3, fit-taqsima 3.11 u fit-taqsima 4, u jiżdiedu għodod ġodda taħt it-Taqsimiet 3.13 u 3.14.

22.

Għaldaqstant, l-Istati Membri jistgħu jipprevedu li jimmodifikaw il-miżuri ta’ għajnuna eżistenti approvati mill-Kummissjoni skont il-Qafas Temporanju sabiex itawlu l-perjodu ta’ applikazzjoni tagħhom sat-30 ta’ Ġunju 2022, jippermettu r-ristrutturar jew il-konverżjoni ta’ ċerti strumenti sat-30 ta’ Ġunju 2023, jintroduċu miżuri ġodda li jappoġġaw l-investimenti għal irkupru sostenibbli sal-31 ta’ Diċembru 2022, jew jipprevedu miżuri ġodda li jagħtu appoġġ lis-solvenza sal-31 ta’ Diċembru 2023. L-Istati Membri jistgħu jipprevedu wkoll li jżidu l-baġit ta’ miżuri eżistenti approvati fid-dawl tat-taqsima 3.12 jew jintroduċu emendi oħra biex jallinjaw dawn il-miżuri mal-Qafas Temporanju, kif emendat minn din il-Komunikazzjoni. Dan jista’ jinkludi wkoll t-tfassil apposta ta’ miżuri ta’ għajnuna ġodda jew eżistenti għal setturi li huma partikolarment affettwati mill-kriżi fi Stati Membri speċifiċi fil-limiti tal-Qafas emendat.

23.

L-Istati Membri li għandhom fil-pjan li jestendu jew jimmodifikaw skemni eżistenti huma mistiedna jinnotifikaw il-lista tal-miżuri ta’ għajnuna kollha eżistenti li jipprevedu li jimmodifikaw u jipprovdu l-informazzjoni meħtieġa elenkata fl-Anness ta’ din il-Komunikazzjoni. Dan jippermetti li l-Kummissjoni tadotta deċiżjoni waħda li tkopri l-lista ta’ miżuri notifikati.

24.

Fl-aħħar nett il-Kummissjoni tqis li jenħtieġ li tkompli tapplika d-dispożizzjonijiet tal-komunikazzjoni dwar l-assigurazzjoni ta’ kreditu għall-esportazzjoni għal żmien qasir (“STEC”) wara l-2021 biex tippermetti tranżizzjoni kkoordinata lejn il-prattika normali tas-suq jew l-adozzjoni ta’ skemi speċifiċi skont ir-regoli applikabbli fejn meħtieġ. Bħala konsegwenza, ittawwal it-tneħħija temporanja tal-pajjiżi kollha fuq il-lista ta’ pajjiżi b’riskju kummerċjabbli stabbilita fl-Anness tal-STEC sal-31 ta’ Marzu 2022.

25.

L-STEC tipprevedi li r-riskji kummerċjabbli ma għandhomx jiġu koperti mill-assigurazzjoni għall-esportazzjoni bi kreditu bl-appoġġ tal-Istati Membri. B’konsegwenza tal-pandemija tal-COVID-19, f’Marzu 2020 il-Kummissjoni sabet li hemm nuqqas ta’ kapaċità ta’ assigurazzjoni privata suffiċjenti fuq il-kreditu għall-esportazzjoni għal żmien qasir b’mod ġenerali u kkunsidrat ir-riskji kummerċjali u politiċi kollha assoċjati mal-esportazzjonijiet lejn il-pajjiżi elenkati fl-Anness tal-STEC bħala temporanjament mhux kummerċjabbli sal-31 ta’ Diċembru 2020 (14). Permezz tal-Komunikazzjonijiet tagħha tat-13 ta’ Ottubru 2020 u tat-28 ta’ Jannar 2021 il-Kummissjoni estendiet dik l-eċċezzjoni temporanja sat-30 ta’ Ġunju 2021 u sal-31 ta’ Diċembru 2021 rispettivament. L-STEC attwali se tiskadi fil-31 ta’ Diċembru 2021 u se tiġi sostitwita b’komunikazzjoni ġdida, li xorta se tqis il-kriterju tar-riskju mhux kummerċjabbli.

26.

Fil-kuntest tad-diffikultajiet kontinwi minħabba l-pandemija tal-COVID-19 u f’konformità mal-punti 35 u 36 tal-STEC, il-Kummissjoni wettqet konsultazzjoni pubblika biex tivvaluta d-disponibbiltà tal-assigurazzjoni ta’ kreditu għall-esportazzjoni għal żmien qasir sabiex tiddetermina jekk is-sitwazzjoni attwali tas-suq tistax tiġġustifika l-estensjoni tat-tneħħija tal-pajjiżi kollha mil-lista ta’ pajjiżi b’riskju kummerċjabbli fl-Anness tal-STEC lil hinn mill-31 ta’ Diċembru 2021.

27.

Meta jitqies l-eżitu tal-konsultazzjoni pubblika, kif ukoll is-sinjali globali tal-impatt tat-tfixkil kontinwu tal-COVID-19 fuq l-ekonomija tal-Unjoni kollha kemm hi, il-Kummissjoni tqis li l-estensjoni ta’ din it-tneħħija ta’ tliet xhur hija soluzzjoni adegwata li tippermetti tranżizzjoni bla xkiel qabel mal-pajjiżi elenkati fl-Anness jergħu jitqiesu kummerċjabbli mill-1 ta’ April 2022. L-evidenza ppreżentata fil-konsultazzjoni mill-assiguraturi privati u minn għadd ta’ Stati Membri tindika li assiguraturi privati bdew jipprovdu kopertura biex jinqdew l-esportaturi attivi fl-aktar swieq rilevanti. Fl-istess ħin, feedback ulterjuri jindika sitwazzjoni fejn il-kapaċità tas-suq għadha insuffiċjenti biex tkopri r-riskji kollha ekonomikament ġustifikabbli għall-esportazzjonijiet lejn pajjiżi mil-lista ta’ pajjiżi b’riskju kummerċjabbli fl-Anness tal-STEC. F’dawn iċ-ċirkostanzi, il-Kummissjoni għalhekk se tkompli tqis ir-riskji kummerċjali u politiċi kollha assoċjati mal-esportazzjonijiet lejn il-pajjiżi elenkati fl-Anness tal-STEC bħala temporanjament mhux kummerċjabbli sal-31 ta’ Marzu 2022, bħala estensjoni, biex tiġi żgurata t-tranżizzjoni bla xkiel lejn prattika normali tas-suq jew l-adozzjoni ta’ skemi speċifiċi skont ir-regoli applikabbli fejn meħtieġ.

28.

L-emendi li ġejjin fil-Qafas Temporanju għal miżuri ta’ għajnuna mill-Istat biex jingħata sostenn lill-ekonomija matul it-tifqigħa preżenti tal-COVID-19 se jidħlu fis-seħħ mit-18 ta’ Novembru 2021.

29.

Jiddaħħal il-punt 14bis li ġej:

“Il-Kummissjoni tirrikonoxxi li l-pandemija tal-COVID-19 u l-miżuri li ttieħdu biex titrażżan din il-pandemija ħolqu ċirkostanzi eċċezzjonali għal ħafna impriżi. F’din is-sitwazzjoni unika, u skont il-każijiet individwali, il-Kummissjoni tikkjarifika li jista’ jkun iġġustifikat li l-kontribuzzjonijiet proprji skont it-tifsira tal-punti minn (62) sa (64) tal-Linji Gwida dwar l-għajnuna mill-Istat għas-salvataġġ u r-ristrutturar ta’ impriżi mhux finanzjarji f’diffikultà (*1) (il-‘Linji Gwida dwar is-Salvataġġ u r-Ristrutturar’) jibqgħu taħt il-50 % tal-kostijiet tar-ristrutturar, dment li jibqgħu sinifikanti u jinkludu finanzjament ġdid addizzjonali bil-kundizzjonijiet tas-suq. In-natura eċċezzjonali u imprevedibbli tas-sitwazzjoni attwali tista’ tippermetti wkoll eċċezzjonijiet mill-prinċipju ‘tal-ewwel u tal-aħħar darba’, skont il-punt (72)(c) tal-Linji Gwida dwar is-Salvataġġ u Ristrutturar, jekk id-diffikultajiet li reġa’ hemm jirriżultaw mill-pandemija tal-COVID-19 u t-tnaqqis fir-ritmu ekonomiku ġġenerati minnha, jiġifieri, jekk l-impriża kkonċernata tkun saret impriża f’diffikultà minħabba l-pandemija tal-COVID-19 u t-tnaqqis fir-ritmu ekonomiku suċċessiv. Sabiex jiġi evitat kull dubju, jenħtieġ li jiġi nnutat li għadhom japplikaw l-bqija tad-dispożizzjonijiet tal-Linji Gwida dwar is-Salvataġġ u r-Ristrutturar, u b’mod partikolari l-ħtieġa għal pjan ta’ ristrutturar, ir-ritorn għall-vijabbiltà fit-tul, u l-kondiviżjoni tal-piżijiet.”

(*1)  Komunikazzjoni tal-Kummissjoni (ĠU C 249, 31.7.2014, p. 1)."

30.

In-nota 19 f’qiegħ il-paġna, mehmuża mal-ittra a. tal-punt 22, hija sostitwita b’dan li ġej:

31.

“L-għajnuna mogħtija abbażi ta’ skemi approvati taħt din it-taqsima li tkun tħallset lura qabel ma ngħatat għajnuna ġdida taħt din it-taqsima ma għandhiex tiġi meqjusa biex jiġi determinat jekk inqabiżx il-limitu massimu rilevanti.”

32.

L-ittra a. tal-punt 22 hija sostitwita b’dan li ġej:

(*2)  L-għajnuna mogħtija abbażi ta’ skemi approvati taħt din it-taqsima li tkun tħallset lura qabel ma ngħatat għajnuna ġdida ma għandhiex tiġi meqjusa biex jiġi determinat jekk inqabiżx il-limitu massimu rilevanti.”"

33.

L-ittra d. tal-punt 22 hija sostitwita b’dan li ġej:

(*3)  Jekk l-għajnuna tingħata fil-forma ta’ benefiċċju fuq it-taxxa, l-obbligazzjoni tat-taxxa li fir-rigward tagħha jkun ġie mogħti dan il-benefiċċju trid tkun seħħet mhux aktar tard mit-30 ta’ Ġunju 2022.”"

34.

L-ittra a. tal-punt 23 hija sostitwita b’dan li ġej:

(*4)  Kif definit fl-Artikolu 2(1) tar-Regolament tal-Kummissjoni (UE) Nru 717/2014 tas-27 ta’ Ġunju 2014 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tas-sajd u tal-akkwakultura (ĠU L 190, 28.6.2014, p. 45)."

(*5)  Kif stabbilit fl-Artikolu 2(5) tar-Regolament tal-Kummissjoni (UE) Nru 702/2014 tal-25 ta’ Ġunju 2014 li jiddikjara ċertu kategoriji ta’ għajnuna fis-setturi tal-agrikoltura u l-forestrija u f’żoni rurali kompatibbli mas-suq intern bl-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea (ĠU L 193, 1.7.2014, p. 1)."

(*6)  L-għajnuna mogħtija abbażi ta’ skemi approvati taħt din it-taqsima li tkun tħallset lura qabel ma ngħatat għajnuna ġdida ma għandhiex tiġi meqjusa biex jiġi determinat jekk inqabiżx il-limitu massimu rilevanti.”"

35.

Il-punt 23bis huwa sostitwit b’dan li ġej:

“Meta impriża tkun attiva f’diversi setturi li għalihom ikunu japplikaw ammonti massimi differenti skont il-punti 22(a) u 23(a), l-Istat Membru kkonċernat għandu jiżgura, b’mezzi xierqa, bħalma huma s-separazzjoni tal-kontijiet, li jiġi rispettat il-limitu relevanti għal kull waħda minn dawn l-attivitajiet u li ma jeċċedix l-ammont massimu globali ta’ EUR 2,3 miljun għal kull impriża.” Meta impriża tkun attiva fis-setturi koperti mill-punt 23(a), jenħtieġ li l-ammont massimu globali ta’ EUR 345 000 ma jinqabiżx għal kull impriża.”

36.

In-nota 27 f’qiegħ il-paġna, mehmuża mal-punt 23, hija sostitwita b’dan li ġej:

37.

Il-punt 23ter huwa sostitwit b’dan li ġej:

38.

L-ittra c. tal-punt 25 hija sostitwita b’dan li ġej:

39.

L-introduzzjoni tal-ittra d. tal-punt 25 hija sostitwita b’dan li ġej:

40.

L-ittra e. tal-punt 25 hija sostitwita b’dan li ġej:

41.

L-ittra c. tal-punt 27 hija sostitwita b’dan li ġej:

42.

L-introduzzjoni tal-ittra d. tal-punt 27 hija sostitwita b’dan li ġej:

43.

L-ittra e. tal-punt 27 hija sostitwita b’dan li ġej:

44.

Jiddaħħal il-punt 27ter li ġej:

45.

Il-punt 33 huwa sostitwit b’dan li ġej:

46.

L-ittra a. tal-punt 35 hija sostitwita b’dan li ġej:

47.

L-ittra b. tal-punt 37 hija sostitwita b’dan li ġej:

48.

L-ittra b. tal-punt 39 hija sostitwita b’dan li ġej:

49.

Il-punt 41 huwa sostitwit b’dan li ġej:

50.

L-ittra c. tal-punt 43 hija sostitwita b’dan li ġej:

51.

Il-punt 48 huwa sostitwit b’dan li ġej:

52.

Jiddaħħal il-punt 77bis li ġej:

(*7)  Għall-fini ta’ dan il-punt, strumenti kapitali ibridi maħruġa sa sitt xhur wara l-ħruġ tal-istrumenti kapitali ibridi tal-COVID-19 jitqiesu li nħarġu fl-istess ħin ta’ dawk l-istrumenti."

(*8)  Tali strumenti kapitali ibridi għandhom jitqiesu fil-valutazzjoni skont il-punt 54."

(*9)  Sal-ammont totali tal-istrumenti kapitali ibridi eżistenti tal-COVID-19."

(*10)  Id-differenza bejn ir-rati massimi u minimi tal-kupun miftiehma kuntrattwalment tul il-ħajja tal-istrumenti ibridi."

(*11)  Jekk il-benefiċjarju jifdi diversi segmenti ta’ strumenti kapitali ibridi b’rati tal-imgħax differenti, din il-kundizzjoni trid tiġi applikata għal kull segment b’mod indipendenti.”"

53.

L-ittra a. tal-punt 87 hija sostitwita b’dan li ġej:

54.

In-nota 75 f’qiegħ il-paġna, mehmuża mal-ittra b. tal-punt 87, hija sostitwita b’dan li ġej:

55.

L-ittra d. tal-punt 87 hija sostitwita b’dan li ġej:

(*12)  L-għajnuna mogħtija abbażi ta’ skemi approvati taħt din it-taqsima li tkun tħallset lura qabel ma ngħatat għajnuna ġdida taħt din it-taqsima ma għandhiex tiġi meqjusa biex jiġi determinat jekk inqabiżx il-limitu massimu rilevanti.”"

56.

Jiddaħħal il-punt 87bis li ġej:

57.

Tiddaħħal it-taqsima li ġejja:

(*13)  Skont it-tifsira tal-Anness I tar-Regolament għall-Eżenzjoni Ġenerali Sħiħa."

(*14)  Skont it-tifsira tal-Anness I tar-Regolament għall-Eżenzjoni Ġenerali Sħiħa."

(*15)  Skont it-tifsira tal-Artikolu 17 tar-Regolament (UE) 2020/852 (ĠU L 198, 22.6.2020, p. 13)."

(*16)  Għall-miżuri li huma identiċi għall-miżuri fil-Pjanijiet għall-Irkupru u r-Reżiljenza kif approvati mill-Kunsill, il-konformità mal-prinċipju ‘La tagħmilx ħsara sinifikanti’ hija meqjusa bħala ssodisfata, ġaladarba diġà ġiet ivverifikata"

(*17)  Kif definit fl-Artikolu 2(18) tar-Regolament għall-Eżenzjoni Ġenerali Sħiħa."

(*18)  Inkella, jekk ikunu rċevew għajnuna għas-salvataġġ, ikunu ħallsu lura s-self jew temmew il-garanzija fil-mument li tingħata l-għajnuna skont din il-Komunikazzjoni."

(*19)  Inkella, jekk ikunu rċevew għajnuna għar-ristrutturar, ma jkunx għadhom soġġetti għal pjan ta’ ristrutturar fil-mument li tingħata l-għajnuna skont din il-Komunikazzjoni."

(*20)  Linji Gwida dwar l-għajnuna mill-Istat għall-protezzjoni ambjentali u l-enerġija 2014-2020 (ĠU C 200, 28.6.2014, p. 1)."

(*21)  Qafas għall-għajnuna mill-Istat għar-riċerka u l-iżvilupp u l-innovazzjoni (ĠU C 198, 27.6.2014, p. 1).”"

58.

Tiddaħħal it-taqsima li ġejja:

(*22)  Kif definit fil-punt 52 (xxvii) tal-Linji Gwida dwar l-għajnuna mill-Istat għall-promozzjoni ta’ investimenti ta’ finanzjament ta’ riskju, ĠU C 19, 22.1.2014, p. 4.”"

59.

Il-punti 88-96 huma nnumerati mill-ġdid bħala l-punti 103-111.

60.

Il-punt 90 huwa nnumerat mill-ġdid bħala l-punt 105 u huwa sostitwit b’dan li ġej:

61.

Il-punt 93 huwa nnumerat mill-ġdid bħala l-punt 108 u huwa sostitwit b’dan li ġej:

62.

Il-Kummissjoni tqis li r-riskji kummerċjali u politiċi kollha assoċjati mal-esportazzjonijiet lejn il-pajjiżi elenkati hawn taħt huma temporanjament mhux kummerċjabbli sal-31 ta’ Marzu 2022.

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10374. Il-EUR-Lex hu l-aċċess fuq l-internet għal-liġi tal-Unjoni Ewropea.

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10280. Il-EUR-Lex hu l-aċċess fuq l-internet għal-liġi Ewropea.

—

Il-mobbiltà tal-individwi fil-qasam tal-edukazzjoni, it-taħriġ u ż-żgħażagħ

—

Attivitajiet ta’ parteċipazzjoni taż-żgħażagħ

—

DiscoverEU – Azzjoni Inklużiva

—

Skambji virtwali fl-edukazzjoni għolja u ż-żgħażagħ

—

Sħubijiet għall-Kooperazzjoni:

—

Sħubijiiet għall-Eċċellenza:

—

Sħubijiet għall-Innovazzjoni:

—

Bini tal-kapaċitajiet fl-edukazzjoni għolja, l-edukazzjoni u taħriġ vokazzjonali, iż-żgħażagħ u l-isport

—

Avvenimenti Sportivi Ewropej mingħajr Skop ta’ Qligħ

—

Żgħażagħ Ewropej Flimkien

—

Jean Monnet fil-qasam tal-edukazzjoni għolja:

—

Jean Monnet f’oqsma oħra tal-edukazzjoni u tat-taħriġ

—

is-27 Stat Membru tal-Unjoni Ewropea u l-pajjiżi u t-territorji extra Ewropej,

—

il-pajjiżi terzi assoċjati mal-Programm:

Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar is-sottomissjoni tal-applikazzjonijiet.