Rata tal-kambju tal-euro (1)

Is-27 ta’ Settembru 2021

(2021/C 392/01)

1 euro =

	Munita	Rata tal-kambju
USD	Dollaru Amerikan	1,1698
JPY	Yen Ġappuniż	129,74
DKK	Krona Daniża	7,4360
GBP	Lira Sterlina	0,85420
SEK	Krona Żvediża	10,1738
CHF	Frank Żvizzeru	1,0850
ISK	Krona Iżlandiża	150,10
NOK	Krona Norveġiża	10,0655
BGN	Lev Bulgaru	1,9558
CZK	Krona Ċeka	25,443
HUF	Forint Ungeriż	358,13
PLN	Zloty Pollakk	4,5955
RON	Leu Rumen	4,9495
TRY	Lira Turka	10,3471
AUD	Dollaru Awstraljan	1,6129
CAD	Dollaru Kanadiż	1,4812
HKD	Dollaru ta’ Hong Kong	9,1054
NZD	Dollaru tan-New Zealand	1,6711
SGD	Dollaru tas-Singapor	1,5840
KRW	Won tal-Korea t’Isfel	1 382,04
ZAR	Rand ta’ l-Afrika t’Isfel	17,6179
CNY	Yuan ren-min-bi Ċiniż	7,5609
HRK	Kuna Kroata	7,5028
IDR	Rupiah Indoneżjan	16 673,16
MYR	Ringgit Malażjan	4,8991
PHP	Peso Filippin	59,881
RUB	Rouble Russu	84,9955
THB	Baht Tajlandiż	39,276
BRL	Real Brażiljan	6,2187
MXN	Peso Messikan	23,5043
INR	Rupi Indjan	86,4025

---

(1)  Sors: rata tal-kambju ta’ referenza ppubblikata mill-Bank Ċentrali Ewropew.

Avviż tal-Kummissjoni dwar ir-rati ta’ interess ta’ rkupru tal-għajnuna mill-Istat u r-rati ta’ referenza / ta’ skont applikabbli mill-1 ta’ Ottubru 2021

(Ippubblikat f’konformità mal-Artikolu 10 tar-Regolament tal-Kummissjoni (KE ) Nru 794 /2004 (1))

(2021/C 392/02)

Ir-rati ta’ bażi huma kkalkulati f’konformità mal-Komunikazzjoni mill-Kummissjoni dwar ir-reviżjoni tal-metodu għall-istabbiliment tar-rati ta’ referenza u ta’ skont (ĠU C 14, 19.1.2008, p. 6). Skont l-użu tar-rata ta’ referenza, il-marġini xierqa għad iridu jkunu ddefiniti f’din il-komunikazzjoni. Għar-rata ta’ skont dan ifisser li kellu jiġi miżjud marġini ta’ 100 punti bażi. Ir-Regolament tal-Kummissjoni (KE) Nru 271/2008 tal-30 ta’ Jannar 2008 li jemenda r-Regolament (KE) Nru 794/2004 jipprevedi li, sakemm ma jkunx previst mod ieħor f’deċiżjoni speċifika, ir-rata ta’ rkupru tiġi kkalkulata wkoll biż-żieda ta’ 100 punti bażi għar-rata bażi.

Ir-rati modifikati huma indikati b’tipa grassa.

It-tabella preċedenti kienet ippubblikata fil-ĠU C 340, 24.8.2021, p. 3.

Minn	Sa	AT	BE	BG	CY	CZ	DE	DK	EE	EL	ES	FI	FR	HR	HU	IE	IT	LT	LU	LV	MT	NL	PL	PT	RO	SE	SI	SK	UK
1.10.2021	…	-0,45	-0,45	0,00	-0,45	1,03	-0,45	0,03	-0,45	-0,45	-0,45	-0,45	-0,45	0,22	1,46	-0,45	-0,45	-0,45	-0,45	-0,45	-0,45	-0,45	0,18	-0,45	1,75	-0,01	-0,45	-0,45	0,17
1.9.2021	30.9.2021	-0,45	-0,45	0,00	-0,45	0,82	-0,45	0,04	-0,45	-0,45	-0,45	-0,45	-0,45	0,22	1,22	-0,45	-0,45	-0,45	-0,45	-0,45	-0,45	-0,45	0,15	-0,45	1,75	-0,01	-0,45	-0,45	0,17
1.7.2021	31.8.2021	-0,45	-0,45	0,00	-0,45	0,60	-0,45	0,04	-0,45	-0,45	-0,45	-0,45	-0,45	0,22	0,93	-0,45	-0,45	-0,45	-0,45	-0,45	-0,45	-0,45	0,15	-0,45	1,75	0,01	-0,45	-0,45	0,15
1.6.2021	30.6.2021	-0,45	-0,45	0,00	-0,45	0,50	-0,45	0,04	-0,45	-0,45	-0,45	-0,45	-0,45	0,22	0,80	-0,45	-0,45	-0,45	-0,45	-0,45	-0,45	-0,45	0,15	-0,45	1,75	0,01	-0,45	-0,45	0,15
1.5.2021	31.5.2021	-0,45	-0,45	0,00	-0,45	0,50	-0,45	0,04	-0,45	-0,45	-0,45	-0,45	-0,45	0,22	0,80	-0,45	-0,45	-0,45	-0,45	-0,45	-0,45	-0,45	0,15	-0,45	1,75	0,01	-0,45	-0,45	0,11
1.4.2021	30.4.2021	-0,45	-0,45	0,00	-0,45	0,50	-0,45	0,04	-0,45	-0,45	-0,45	-0,45	-0,45	0,22	0,80	-0,45	-0,45	-0,45	-0,45	-0,45	-0,45	-0,45	0,15	-0,45	1,75	-0,02	-0,45	-0,45	0,11
1.3.2021	31.3.2021	-0,45	-0,45	0,00	-0,45	0,44	-0,45	0,04	-0,45	-0,45	-0,45	-0,45	-0,45	0,22	0,80	-0,45	-0,45	-0,45	-0,45	-0,45	-0,45	-0,45	0,15	-0,45	2,07	-0,02	-0,45	-0,45	0,11
1.2.2021	28.2.2021	-0,45	-0,45	0,00	-0,45	0,44	-0,45	0,05	-0,45	-0,45	-0,45	-0,45	-0,45	0,22	0,80	-0,45	-0,45	-0,45	-0,45	-0,45	-0,45	-0,45	0,19	-0,45	2,07	-0,02	-0,45	-0,45	0,12
1.1.2021	31.1.2021	-0,45	-0,45	0,00	-0,45	0,44	-0,45	0,06	-0,45	-0,45	-0,45	-0,45	-0,45	0,22	0,80	-0,45	-0,45	-0,45	-0,45	-0,45	-0,45	-0,45	0,23	-0,45	2,07	0,00	-0,45	-0,45	0,15

---

(1)  ĠU L 140, 30.4.2004, p. 1.

Avviż minn qabel ta’ konċentrazzjoni

(Il-Każ M.10375 — ArcelorMittal/Condesa Tubos)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2021/C 392/03)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Avviż minn qabel ta’ konċentrazzjoni

(Il-Każ M.10247 — CVC/ Cooper )

(Test b’rilevanza għaż-ŻEE)

(2021/C 392/04)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

Avviż minn qabel ta’ konċentrazzjoni

(Każ M.10379 — HDT Automotive Solutions/Veritas)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2021/C 392/05)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Pubblikazzjoni ta’ applikazzjoni għall-approvazzjoni ta’ emenda, mhux minuri, għal Speċifikazzjoni tal-Prodott skont l-Artikolu 50(2)(b) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2021/C 392/06)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 (1) tal-Parlament Ewropew u tal-Kunsill fi żmien tliet xhur mid-data ta’ din il-pubblikazzjoni.

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TAL-PRODOTT TA’ SPEĊJALITAJIET TRADIZZJONALI GARANTITI

Applikazzjoni għall-approvazzjoni ta’ emenda f’konformità mal-ewwel subparagrafu tal-Artikolu 53(2) tar-Regolament (UE) Nru 1151/2012

“HEUMILCH”/“HAYMILK”/“LATTE FIENO”/“LAIT DE FOIN”/“LECHE DE HENO”

Nru tal-UE: TSG-AT-1035-AM01 – 25 ta’ Frar 2021

1.   Grupp applikant u interess leġittimu

Isem tal-grupp:	ARGE Heumilch Österreich
Indirizz:	Grabenweg 68
	6020 Innsbruck
	ÖSTERREICH
Numru tat-telefown:	+43 512345245
Indirizz elettroniku	office@heumilch.at

Dikjarazzjoni dwar l-interess leġittimu tal-grupp:

L-applikazzjoni għal emenda qed titressaq mill-grupp ta’ produtturi li ressaq l-applikazzjoni għar-reġistrazzjoni tal-ħalib tat-tip “Heumilch”.

L-indikazzjoni tad-denominazzjoni tal-ħalib tat-tip “Heumilch” fil-lingwi tal-pajjiżi bit-tradizzjoni tal-produzzjoni tal-ħalib tat-tip “Heumilch” tikkostitwixxi impenn għall-metodu ta’ produzzjoni tradizzjonali u għall-ispeċjalità tradizzjonali garantita. B’hekk, hija tikkontribwixxi għat-tisħiħ tad-denominazzjoni protetta tal-ħalib tat-tip “Heumilch”, li jibbenefika wkoll lill-grupp applikant.

2.   Stat membru jew pajjiż terz

L-Awstrija

3.   Intestatura fl-ispeċifikazzjoni tal-prodott affettwata mill-emendi

☒ Isem tal-prodott

☐ Deskrizzjoni tal-prodott

☐ Metodu ta’ produzzjoni

☐ Oħrajn [speċifika]

4.   Tip ta’ emenda/i

☒	Emenda għall-Ispeċifikazzjoni tal-Prodott ta’ STG irreġistrata li ma għandhiex tikkwalifika bħala minuri f’konformità mar-raba’ subparagrafu tal-Artikolu 53(2) tar-Regolament (UE) Nru 1151/2012.

5.   Emendi

Żieda tad-denominazzjoni Slovena għal ħalib tat-tip “Heumilch”:

Fil-punt “3.1. Ismijiet li għandhom jiġu rreġistrati” (fl-Ispeċifikazzjoni tal-Prodott skont il-mudell fl-Anness II tar-Regolament ta’ Implimentazzjoni (UE) Nru 668/2014, issa l-punt 1. “Isem/ismijiet li għandhom jiġu rreġistrati”), żdiedet id-denominazzjoni Slovena għall-ħalib tat-tip “Heumilch”:

“Heumilch” (de)/“Haymilk” (en)/“Latte fieno” (it)/“Lait de foin” (fr)/“Leche de heno” (es)/“Seneno mleko” (sl)

Raġuni: Peress li l-ħalib tat-tip “Heumilch” huwa prodott fis-Slovenja skont il-metodu ta’ produzzjoni tradizzjonali stabbilit fl-Ispeċifikazzjoni tal-Prodott, jenħtieġ li d-denominazzjoni Slovena tiġi protetta wkoll.

SPEĊIFIKAZZJONI TAL-PRODOTT TA’ SPEĊJALITÀ TRADIZZJONALI GARANTITA

“Heumilch”/“Haymilk”/“Latte fieno”/“Lait de foin”/“Leche de heno”/“Seneno mleko”

Nru tal-UE: TSG-AT-1035-AM01 – 25 ta’ Frar 2021

“L-Awstrija”

1.   Isem/ismijiet

“Heumilch”/“Haymilk”/“Latte fieno”/“Lait de foin”/“Leche de heno”/“Seneno mleko”

2.   Tip ta’ prodott

Klassi 1.4. Prodotti oħrajn li joriġinaw mill-annimali (bajd, għasel, diversi prodotti mill-ħalib għajr butir, eċċ.)

3.   Raġunijiet għar-reġistrazzjoni

3.1.   Jekk il-prodott:

☒	jirriżultax minn modalità ta’ produzzjoni, ta’ pproċessar jew ta’ kompożizzjoni li tikkorrispondi għall-prattika tradizzjonali ta’ dak il-prodott jew oġġett tal-ikel;

☐	huwiex prodott minn dik il-materja prima jew minn dawk l-ingredjenti li kienu jintużaw tradizzjonalment.

Il-produzzjoni tal-ħalib tat-tip “Heumilch” hija l-aktar forma naturali tal-produzzjoni tal-ħalib. Il-ħalib joriġina minn annimali li jitrabbew fi mħaleb tradizzjonali u sostenibbli. Id-differenza ewlenija bejn il-ħalib standard u l-ħalib tat-tip “Heumilch” u l-karattru tradizzjonali ta’ dan tal-aħħar, ġejja mill-fatt li, bħalma kien jiġri fl-iktar forma oriġinali tal-produzzjoni tal-ħalib, l-annimali ma jingħalfux foraġġ iffermentat. Sa mis-snin sittin (1960s), u minħabba l-mekkanizzazzjoni, l-industrijalizzazzjoni tal-agrikoltura bdiet tistrieħ dejjem aktar fuq il-produzzjoni tas-silaġġ (foraġġ iffermentat) u b’hekk naqset il-produzzjoni tal-foraġġ frisk. Barra minn hekk, ir-regolamenti jipprojbixxu l-użu ta’ annimali u ta’ għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti. Il-proċedura tat-tagħlif tinbidel skont il-bidliet staġjonali: matul il-“perjodu tat-tagħlif bil-foraġġ aħdar”, l-annimali jingħalfu ħaxix frisk u faxxina kif ukoll xi ħuxlief u forom ta’ għalf permessi skont il-punt 4.2; fil-perjodu tax-xitwa, l-annimali jingħalfu ħuxlief, jew forom oħra ta’ għalf permessi skont il-punt 4.2.

3.2.   Jekk l-isem:

☐	kienx jintuża tradizzjonalment biex jirreferi għall-prodott speċifiku;

☒	jidentifikax il-karattru tradizzjonali jew il-karattru speċifiku tal-prodott.

4.   Deskrizzjoni

4.1.   Deskrizzjoni tal-prodott li għalih japplika l-isem imsemmi fil-punt 1, inklużi l-karatteristiċi fiżiċi, kimiċi, mikrobijoloġiċi jew organolettiċi tiegħu li juru l-karattru speċifiku tal-prodott (l-Artikolu 7(2) ta’ dan ir-Regolament)

Ħalib tal-baqar li huwa f’konformità mal-leġiżlazzjoni applikabbli.

4.2.   Deskrizzjoni tal-metodu ta’ produzzjoni tal-prodott li għalih japplika l-isem imsemmi fil-punt 1 li l-produtturi jridu jsegwu, inkluż, fejn xieraq, in-natura u l-karatteristiċi tal-materja prima jew tal-ingredjenti użati, kif ukoll il-metodu li permezz tiegħu jitħejja l-prodott (l-Artikolu 7(2) ta’ dan ir-Regolament)

Il-ħalib tat-tip “Heumilch” huwa prodott skont il-kundizzjonijiet tal-produzzjoni tradizzjonali li jikkonformaw mal-“Heumilchregulativ” (ir-regolamenti dwar il-produzzjoni tal-“Heumilch”). Dan it-tip ta’ ħalib sar magħruf bis-saħħa ta’ regoli li jipprojbixxu l-użu ta’ foraġġ iffermentat, bħas-silaġġ, u ta’ regoli li jipprojbixxu l-użu ta’ annimali u ta’ għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti.

“Heumilchregulativ”

Il-ħalib tat-tip “Heumilch” huwa forma ta’ ħalib tal-baqar estratt mill-baqar li jkunu qed ireddgħu, prodott minn bdiewa tal-ħalib li jkunu ntrabtu li jikkonformaw mal-kriterji li ġejjin. Ma jistgħux jintużaw annimali jew għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti.

L-azjenda agrikola kollha trid titmexxa skont ir-regoli tal-produzzjoni tal-ħalib tat-tip “Heumilch”.

a)	L-azjenda tista’ madankollu tinqasam f’unitajiet tal-produzzjoni ddefiniti b’mod ċar, li mhux bilfors jitmexxew kollha skont dawn ir-regoli. Dawn iridu jinqasmu skont setturi tal-produzzjoni distinti.

b)

Jekk skont il-punt (a), mhux l-unitajiet kollha tal-azjenda jitmexxew skont ir-regoli tal-produzzjoni tal-ħalib tat-tip “Heumilch”, l-operatur irid iżomm l-annimali li jintużaw fl-unitajiet tal-produzzjoni tal-ħalib tat-tip “Heumilch” separati mill-annimali li jintużaw fl-unitajiet l-oħra, u jżomm rekord adegwat sabiex juri din is-separazzjoni.

Tipi ta’ għalf permessi

—	L-annimali jingħalfu prinċipalment ħaxix frisk, pjanti leguminużi u faxxina matul il-“perjodu tat-tagħlif bil-foraġġ aħdar”, u ħuxlief fil-perjodu tax-xitwa.

—	Dawn li ġejjin huma inklużi u permessi bħala għalf oħxon addizzjonali: il-kolza ħadra, il-qamħirrum aħdar, is-segala ħadra u l-pitravi għall-foraġġ, kif ukoll ħuxlief, nifel u pellets tal-qamħirrum u tipi simili ta’ għalf.

—	Mill-inqas 75 % tal-għalf niexef li jingħata lill-annimali kull sena, irid ikun għalf oħxon.

—	Jistgħu jintużaw ukoll l-għelejjel taċ-ċereali li ġejjin, kemm fil-forma konvenzjonali tagħhom ta’ kif jitqiegħdu fis-suq, kif ukoll fi prodotti komposti bin-nuħħala, pellets, eċċ.: il-qamħ, ix-xgħir, il-ħafur, it-tritikal, is-segala u l-qamħirrum.

—	Dawn li ġejjin jistgħu jintużaw ukoll bħala għalf: fażola, piżelli tal-għelieqi, lupini, frott żejtni, u grixa jew pasta estratti.

Tipi ta’ għalf ipprojbiti

—	It-tipi ta’ għalf li ġejjin huma pprojbiti: silaġġ (foraġġ iffermentat), ħuxlief umduż u ħuxlief iffermentat.

—

L-annimali ma għandhomx jingħalfu prodotti sekondarji mill-birreriji, mid-distilleriji u mill-għasir tal-frott, jew prodotti sekondarji oħra mill-agroindustrija, bħall-ħabbiet imxarrbin tal-birreriji jew biċċiet tal-pjanti mxarrbin. Eċċezzjoni: biċċiet tal-pjanti nexfin u melassa bħala prodott sekondarju tal-manifattura taz-zokkor, u għalf niexef tal-proteina prodott matul l-ipproċessar tal-ħabba.

—	L-annimali li jreddgħu ma għandhom jingħalfu l-ebda forma ta’ foraġġ imxarrab.

—	L-annimali ma għandhomx jingħalfu prodotti ta’ oriġini mill-annimali (ħalib, xorrox, frakass tal-fdal tal-laħam u tal-għadam, eċċ.), ħlief għall-baqar iż-żgħar li jistgħu jingħalfu ħalib u xorrox.

—	L-annimali ma għandhomx jingħalfu skart tal-ġonna, frott li jkun waqa’, patata jew urea.

Kundizzjonijiet tal-fertilizzazzjoni

—	L-użu tal-ħama tad-dranaġġ, ta’ prodotti tal-ħama tad-dranaġġ, jew ta’ kompost li jkun ġej mill-faċilitajiet muniċipali tat-trattament tal-iskart, bl-eċċezzjoni ta’ kompost ekoloġiku, huwa pprojbit fiż-żoni agrikoli kollha sfruttati mill-fornitur tal-ħalib.

—	Il-fornituri tal-ħalib iridu jistennew mill-inqas tliet ġimgħat minn wara t-tidmil qabel ma jużaw l-art sabiex jirgħu l-bhejjem fuqha.

Użu ta’ sustanzi awżiljarji kimiċi

—	Fi kwalunkwe żona tal-foraġġ aħdar tal-maħleb, l-użu selettiv tal-pestiċidi kimiċi sintetiċi taħt is-superviżjoni esperta ta’ speċjalisti agronomiċi, u l-immirar ta’ siti speċifiċi biss huma permessi.

—	L-isprej li huwa permess biex joqtol id-dubbien jista’ jintuża fl-imqawel għall-produzzjoni tal-ħalib biss meta fihom ma jkunx hemm il-baqar li jkunu qed ireddgħu.

Projbizzjonijiet fuq it-tqassim tal-ħalib

—	Il-ħalib ma jistax jitqassam bħala tat-tip “Heumilch” qabel ma jgħaddu għaxart ijiem mit-twelid.

—	Fil-każ li jintużaw baqar li jkunu ngħalfu s-silaġġ (foraġġ iffermentat), irid japplika perjodu ta’ stennija ta’ mill-inqas 14-il jum.

—

Fir-rigward tal-annimali alpini li jkunu ngħalfu silaġġ (foraġġ iffermentat) fil-farms tagħhom, dawn għandhom jew jingħalfu ikel li ma jkunx fih silaġġ għal 14-il jum qabel ma jittellgħu jirgħu fuq il-mergħat alpini, inkella l-ħalib tagħhom jkun jista’ jiġi kklassifikat bħala tat-tip “Heumilch” biss wara li dawn ikunu qattgħu 14-il jum fuq il-mergħat alpini (li l-proprjetarju tagħhom ikun il-fornitur tal-ħalib). Fil-mergħat alpini ma jistax jiġi prodott jew użat silaġġ bħala għalf.

Projbizzjoni ta’ ikel u għalf ġenetikament modifikati

—	Sabiex tinżamm il-produzzjoni tradizzjonali tal-ħalib tat-tip “Heumilch”, ma jistgħux jintużaw annimali jew għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti.

Regolamenti oħrajn:

—	Ma jista’ jiġi prodott jew maħżun l-ebda silaġġ (foraġġ iffermentat).

—	Ma jistgħux jiġu prodotti jew maħżuna balal tondi ta’ kwalunkwe tip imkebbin fil-film.

—	Ma jistax jiġi prodott ħuxlief umduż jew ħuxlief iffermentat.

4.3.   Deskrizzjoni tal-elementi prinċipali li jistabbilixxu l-karattru tradizzjonali tal-prodott (l-Artikolu 7(2) ta’ dan ir-Regolament)

Karattru speċifiku

Il-ħalib tat-tip “Heumilch” ivarja mill-ħalib standard tal-baqar minħabba l-kundizzjonijiet speċjali tal-produzzjoni tiegħu skont il-punt 4.2 tal-“Heumilchregulativ”.

L-istudji li għamlu Dr Ginzinger u l-kollegi tiegħu fil-Bundesanstalt für alpenländische Milchwirtschaft (l-Aġenzija Federali għat-trobbija tal-bhejjem tal-ħalib fir-reġjuni alpini) f’Rotholz fl-1995 u fl-2001, urew li 65 % tal-kampjuni tal-ħalib li fih is-silaġġ kien fihom iktar minn 1 000 spora tal-Clostridium għal kull litru. L-analiżi li saret fuq il-ħalib imqassam lil manifattur kbir tal-ġobon uriet li 52 % tal-kampjuni kellhom iktar minn 10 000 spora tal-Clostridium għal kull litru. Studji wrew li 85 % tal-kampjuni tal-ħalib tat-tip “Heumilch” prodott minn baqar li l-għalf tagħhom ma kienx fih silaġġ, kellhom inqas minn 200 spora tal-Clostridium f’kull litru, filwaqt li 15 % tal-kampjuni kellhom bejn 200 u 300 spora għal kull litru. Minħabba l-metodi speċjali tat-tagħlif, il-ħalib tat-tip “Heumilch” fih livell partikolarment baxx ta’ spori tal-Clostridium. B’hekk, meta jiġi mmanifatturat ġobon iebes mill-ħalib mhux ipproċessat tat-tip “Heumilch”, dan ikollu inqas problemi serji marbutin mat-togħma u mat-toqob tiegħu.

Bħala parti mill-proġett ta’ riċerka dwar “l-effett tas-silaġġ fuq il-kwalità tal-ħalib”, it-togħma tal-ħalib li joriġina mill-annimali li ngħalfu u dawk li ma ngħalfux silaġġ ġiet mistħarrġa (Ginzinger u Tschager, Bundesanstalt für alpenländische Milchwirtschaft, f’Rotholz, fl-1993). 77 % tal-kampjuni tal-ħalib eżaminati li joriġinaw minn annimali li ngħalfu ħuxlief, ma kellhomx problemi fit-togħma. Fil-każ tal-kampjuni tal-ħalib li joriġinaw minn annimali li ngħalfu silaġġ (ħalib standard), 29 % biss tal-kampjuni tal-ħalib ma kellhomx problemi fit-togħma. Kien hemm ukoll differenza sinifikanti bejn it-testijiet li saru fuq il-ħalib mit-tankijiet tat-trakkijiet li jwasslu l-ħalib. 94 % tat-testijiet fuq il-ħalib tat-tip “Heumilch” prodott minn baqar li l-għalf tagħhom ma kienx fih silaġġ, ma kellhomx problemi fit-togħma. Madanakollu, il-proporzjon ta’ kampjuni tal-ħalib prodott minn baqar li l-għalf tagħhom kien fih is-silaġġ u ma kellux problemi fit-togħma kien biss ta’ 45 %.

Fi studju ta’ teżi li saret fl-Università ta’ Vjenna (minn Schreiner, Seiz u Ginzinger, fl-2011), ġie ppruvat li l-ħalib tat-tip “Heumilch” fih kontenut ta’ bejn wieħed u ieħor id-doppju tal-aċidi xaħmin tal-omega-3 u tal-aċidi linolejki konjugati, meta mqabbel mal-ħalib standard, minħabba li t-tagħlif kien ibbażat fuq l-għalf oħxon u l-mergħa assoċjati ma’ dik il-forma ta’ ħalib

Karattru tradizzjonali

Il-produzzjoni tal-ħalib tat-tip “Heumilch” u l-ipproċessar tiegħu ilhom jeżistu minn kemm ilha teżisti t-tradizzjoni tat-trobbija ta’ bhejjem tal-ħalib (tmur lura għal madwar il-ħames seklu QK). Fil-Medju Evu, fil-ktajjen minuri tal-Alpi u l-muntanji tat-Tirol, kien diġà jiġi prodott il-ġobon mill-ħalib tat-tip “Heumilch” fil-“Schwaighöfe” (imħaleb żgħar fl-Alpi). Il-kelma “Schwaig” ġejja mill-Ġermaniż mitkellem fi żmien il-Medju Evu u tirreferi għal forma speċjali ta’ insedjament u, partikolarment, għall-biedja fir-reġjun tal-Alpi. Il-farms “Schwaighöfe” kienu spiss jiġu stabbiliti bħala insedjamenti permanenti mis-sidien tal-art u l-bhejjem tagħhom tal-ifrat u kienu jintużaw l-iktar għat-trobbija ta’ bhejjem tal-ħalib (b’mod partikolari għall-produzzjoni tal-ġobon). Dawn ilhom jeżistu fit-Tirol u f’Salzburg sa mis-seklu tnax. Fiż-żoni tal-muntanji, il-ħalib tat-tip “Heumilch” kien marbut oriġinarjament mal-produzzjoni tal-ġobon iebes li ġej mill-ħalib mhux ipproċessat. Sa mill-1900 diġà kien hemm liġijiet (regolamenti dwar il-ħalib) li kienu għaddew dwar il-ħalib prodott minn baqar li l-għalf tagħhom ma jkunx fih silaġġ adattat għall-produzzjoni tal-ġobon iebes . Fl-Awstrija, madwar is-sena 1950, tali liġijiet iffurmaw il-bażi tal-“Milchregulative”(regolamenti dwar il-ħalib) tal-provinċji ta’ Vorarlberg, ta’ Tirol u ta’ Salzburg. Fl-1975 dawn il-“Milchregulative” ġew armonizzati u adottati mill-korp Awstrijak tat-trobbija tal-bhejjem tal-ħalib bħala r-regoli dwar il-ħalib adattat għall-produzzjoni tal-ġobon iebes (ara: “Bestimmungen über die Übernahme von hartkäsetauglicher Milch” (ir-regoli dwar il-ħalib adattat għall-produzzjoni tal-ġobon iebes), Österreichische Milchwirtschaft Heft 14, Beilage 6 Nr. 23c, 21 ta’ Lulju 1975). Sal-1993, l-awtorità Awstrijaka li kien hemm qabel tat-trobbija tal-bhejjem tal-ħalib, kienet irregolat ċerti żoni tal-produzzjoni magħrufa bħala “żoni fejn l-użu tas-silaġġ huwa pprojbit”, sabiex tibqa’ tiġi ppreservata l-materja prima tal-ħalib tat-tip “Heumilch” (li huwa magħruf ukoll bħala “ħalib prodott minn baqar li l-għalf tagħhom ma jkunx fih silaġġ” u bħala “ħalib adattat għall-produzzjoni tal-ġobon iebes”) għall-manifatturi tal-ġobon li jiddependu mill-ħalib mhux ipproċessat. Fl-1995, iż-żona fejn l-użu tas-silaġġ huwa pprojbit għall-produzzjoni tal-ħalib tat-tip “Heumilch”, kompliet tiġi protetta permezz tal-“miżura ta’ rinunzja tas-silaġġ” inkluża fil-linji gwida speċjali tal-Ministeru Federali għall-Agrikoltura, il-Forestrija, l-Ilma u l-Ġestjoni Ambjentali sabiex tiġi promossa forma estensiva ta’ agrikoltura li ma tagħmilx ħsara lill-ambjent u li tħares il-ħabitat naturali (il-programm Awstrijak għal agrikoltura li ma tagħmilx ħsara lill-ambjent, magħruf bħala “ÖPUL”).

Fir-reġjuni tal-Alpi, l-annimali minn dejjem ingħalfu b’mod tradizzjonali skont il-kriterji għall-produzzjoni tal-ħalib tat-tip “Heumilch”. Il-produzzjoni tal-ġobon fir-reġjuni tal-Alpi tissemma f’dokumenti u ċertifikati dwar il-mergħat tal-Alpi Wildschönauer Holzalm fit-Tirol li jmorru lura sa mill-1544.

Sa mill-bidu tas-snin tmenin (1980s), xi bdiewa li jipproduċu l-ħalib tat-tip “Heumilch” kienu qed imexxu huma wkoll l-farms tagħhom skont kriterji organiċi/ekoloġiċi.

---

(1)  ĠU L 343, 14.12.2012, p. 1.

Pubblikazzjoni ta’ applikazzjoni għall-approvazzjoni ta’ emenda, mhux minuri, għal Speċifikazzjoni tal-Prodott skont l-Artikolu 50(2)(b) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2021/C 392/07)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 (1) tal-Parlament Ewropew u tal-Kunsill fi żmien tliet xhur mid-data ta’ din il-pubblikazzjoni.

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TAL-PRODOTT TA’ SPEĊJALITAJIET TRADIZZJONALI GARANTITI

Applikazzjoni għall-approvazzjoni ta’ emenda f’konformità mal-ewwel subparagrafu tal-Artikolu 53(2) tar-Regolament (UE) Nru 1151/2012

“SCHAF-HEUMILCH”/“SHEEP’S HAYMILK”/“LATTE FIENO DI PECORA”/“LAIT DE FOIN DE BREBIS”/“LECHE DE HENO DE OVEJA”

Nru tal-UE: TSG-AT-2289-AM01 – 25 ta’ Frar 2021

1.   Grupp applikant u interess leġittimu

Isem tal-grupp:	ARGE Heumilch Österreich
Indirizz:	Grabenweg 68
	6020 Innsbruck
	AUSTRIA
Telefown:	+43 512345245
Indirizz elettroniku:	office@heumilch.at

Dikjarazzjoni dwar l-interess leġittimu tal-grupp:

L-applikazzjoni għal emenda qed titressaq mill-grupp ta’ produtturi li ressaq l-applikazzjoni għar-reġistrazzjoni tal-ħalib tat-tip “Schaf-Heumilch”.

L-indikazzjoni tad-denominazzjoni tal-ħalib tat-tip “Schaf-Heumilch” fil-lingwi tal-pajjiżi bit-tradizzjoni tal-produzzjoni tal-ħalib tat-tip “Schaf-Heumilch” tikkostitwixxi impenn għall-metodu ta’ produzzjoni tradizzjonali u għall-ispeċjalità tradizzjonali garantita. B’hekk, hija tikkontribwixxi għat-tisħiħ tad-denominazzjoni protetta tal-ħalib tat-tip “Schaf-Heumilch”, li jibbenefika wkoll lill-grupp applikant.

2.   Stat membru jew pajjiż terz

L-Awstrija

3.   Intestatura fl-ispeċifikazzjoni tal-prodott affettwata mill-emendi

☒	Isem tal-prodott

☐	Deskrizzjoni tal-prodott

☒	Metodu ta’ produzzjoni

☐	Oħrajn. [speċifika]

4.   Tip ta’ emenda/i

☒	Emenda għall-Ispeċifikazzjoni tal-Prodott ta’ STG irreġistrata li ma għandhiex tikkwalifika bħala minuri f’konformità mar-raba’ subparagrafu tal-Artikolu 53(2) tar-Regolament (UE) Nru 1151/2012.

5.   Emendi

5.1.   Żieda tad-denominazzjoni Slovena għal ħalib tat-tip “Schaf-Heumilch”:

Fil-punt “1. Isem/ismijiet li għandhom jiġu rreġistrati, tiżdied id-denominazzjoni Slovena għal ħalib tat-tip “Heumilch” flimkien ma’ indikazzjoni tal-lingwi rispettivi (de, en, it, fr, es, sl):

“Schaf-Heumilch” (de)/“Sheep’s Haymilk” (en)/“Latte fieno di pecora” (it)/“Lait de foin de brebis” (fr)/“Leche de heno de oveja” (es)/“Ovčje seneno mleko” (sl)

Raġuni: Peress li l-ħalib tat-tip “Schaf-Heumilch” huwa prodott fis-Slovenja skont il-metodu ta’ produzzjoni tradizzjonali stabbilit fl-Ispeċifikazzjoni tal-Prodott, jenħtieġ li d-denominazzjoni Slovena tiġi protetta wkoll. L-indikazzjoni tal-lingwi rispettivi tagħmilha ċara b’liema lingwi d-denominazzjoni hija protetta bħala STG.

5.2.   L-inklużjoni tal-patata fil-lista ta’ tipi ta’ għalf ipprojbiti

Fil-punt “4.2. Deskrizzjoni tal-metodu ta’ produzzjoni tal-prodott li għalih japplika l-isem imsemmi fil-punt 1 u li l-produtturi jridu jsegwu”, ġiet miżjuda il-kelma “patata” taħt il-ħames inċiż tal-punt “Tipi ta’ għalf ipprojbiti”.

Minflok “- L-annimali ma għandhomx jingħalfu skart tal-ġonna, skart tal-frott jew urea.”, il-ħames inċiż tal-punt “Tipi ta’ għalf ipprojbiti” issa jaqra kif ġej:

“-	L-annimali ma għandhomx jingħalfu skart tal-ġonna, skart tal-frott, patata jew urea.”

Raġuni: Il-patata qatt ma kienet tintuża b’mod komuni – lanqas kienet permessa – bħala għalf fil-produzzjoni tal-ħalib tat-tip “Schaf-Heumilch”. Il-fatt li dawn ma kinux speċifikament imsemmija fl-ispeċifikazzjoni kien biss nuqqas min-naħa tal-awtur, li issa jeħtieġ li tiġi kkoreġuta.

SPEĊIFIKAZZJONI TAL-PRODOTT TA’ SPEĊJALITÀ TRADIZZJONALI GARANTITA

“SCHAF-HEUMILCH”/“SHEEP’S HAYMILK”/“LATTE FIENO DI PECORA”/“LAIT DE FOIN DE BREBIS”/“LECHE DE HENO DE OVEJA”/“OVČJE SENENO MLEKO”

Nru tal-UE: TSG-AT-2289-AM01 – 25 ta’ Frar 2021

“L-Awstrija”

1.   Isem/ismijiet

“Schaf-Heumilch” / “Sheep’s Haymilk” / “Latte fieno di pecora” / “Lait de foin de brebis” / “Leche de heno de oveja” / “Ovčje seneno mleko”

2.   Tip ta’ prodott

Klassi 1.4. Prodotti oħrajn li joriġinaw mill-annimali (bajd, għasel, diversi prodotti mill-ħalib għajr butir, eċċ.)

3.   Raġunijiet għar-reġistrazzjoni

3.1.   Jekk il-prodott:

☒	jirriżultax minn modalità ta’ produzzjoni, ta’ pproċessar jew ta’ kompożizzjoni li tikkorrispondi għall-prattika tradizzjonali ta’ dak il-prodott jew oġġett tal-ikel;

☐	huwiex prodott minn dik il-materja prima jew minn dawk l-ingredjenti li kienu jintużaw tradizzjonalment.

Il-produzzjoni tal-ħalib tat-tip “Heumilch” hija l-aktar forma naturali ta’ produzzjoni tal-ħalib. Il-ħalib joriġina minn annimali li jitrabbew f’imħaleb tradizzjonali u sostenibbli. Id-differenza ewlenija bejn il-ħalib standard u l-ħalib tat-tip “Heumilch” u l-karattru tradizzjonali ta’ dan tal-aħħar, ġejja mill-fatt li, bħalma kien jiġri fl-iktar forma oriġinali tal-produzzjoni tal-ħalib, l-annimali ma jingħalfux foraġġ iffermentat. Sa mis-snin sittin (1960s), u minħabba l-mekkanizzazzjoni, l-industrijalizzazzjoni tal-agrikoltura bdiet tistrieħ dejjem aktar fuq il-produzzjoni tas-silaġġ (foraġġ iffermentat) u b’hekk naqset il-produzzjoni tal-foraġġ frisk. Barra minn hekk, ir-regolamenti jipprojbixxu l-użu ta’ annimali u ta’ għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti. Il-proċedura tat-tagħlif tinbidel skont il-bidliet staġjonali: matul il-“perjodu tat-tagħlif bil-foraġġ aħdar”, l-annimali jingħalfu ħaxix frisk u faxxina kif ukoll xi ħuxlief u forom ta’ għalf permessi skont il-punt 4.2; fil-perjodu tax-xitwa, l-annimali jingħalfu ħuxlief, jew forom oħra ta’ għalf permessi skont il-punt 4.2.

3.2.   Jekk l-isem:

☐	kienx jintuża tradizzjonalment biex jirreferi għall-prodott speċifiku;

☒	jidentifikax il-karattru tradizzjonali jew il-karattru speċifiku tal-prodott.

In-nagħġa hija wieħed mill-eqdem annimali domestikati fid-dinja. In-nagħaġ ilhom sa mill-Era Bikrija ta’ Żmien il-Ħaġar jipprovdu lill-bnedmin b’laħam, ħalib, ġlud u suf. It-tnissil tan-nagħaġ x’aktarx beda fl-isteppi tal-lbiċ tal-Asja u nġieb fl-Ewropa ċentrali mill-Persja u l-Balkani. Ir-reġjuni tal-Alpi kienu storikament adattati għat-tnissil tan-nagħaġ. Forma speċjali tal-produzzjoni intensiva tal-bhejjem, imsejħa “Schwaigen”, intużat b’mod komuni fit-Tirol minn nofs is-seklu tnax ’l hawn. Il-kelma “Schwaig” ġejja mill-Ġermaniż mitkellem fi żmien il-Medju Evu u tirreferi għal forma speċjali ta’ insedjament u, b’mod partikolari, għall-biedja fir-reġjun tal-Alpi. Il-farms “Schwaighof” ta’ spiss kienu stabbiliti bħala insedjamenti permanenti mis-sidien tal-art għall-finijiet tat-tnissil tal-bhejjem tal-ifrat u tan-nagħaġ. L-evidenza tal-eżistenza tagħhom fit-Tirol tmur lura għas-seklu tnax. Aktar tard, it-terminu “Schwaige” xi drabi ntuża sabiex jirreferi għal mergħat tal-muntanji kkultivati biss fix-xhur tas-sajf. Il-bdiewa tal-ħalib fir-reġjun tal-Alpi jissejħu wkoll “Schwaiger” jew “Schwaigerin”. Sal-aħħar tas-seklu erbatax, il-farms “Schwaighof” tat-Tirol kienu primarjament involuti fit-tnissil tan-nagħaġ. It-trobbija tan-nagħaġ fuq mergħat alpini wiesgħa hija għalhekk tradizzjoni fit-Tirol li tmur lura mijiet ta’ snin.

Madankollu, mis-seklu erbatax sas-seklu dsatax, it-tnissil tan-nagħaġ fl-Awstrija beda jonqos bil-kbir u ġie sostitwit gradwalment bit-tnissil tal-majjal. Illum il-ġurnata, in-nagħġa reġgħet bdiet tikseb l-importanza għall-produzzjoni tal-ħalib u tal-laħam tagħha.

4.   Deskrizzjoni

4.1.   Deskrizzjoni tal-prodott li għalih japplika l-isem imsemmi fil-punt 1, inkluż il-karatteristiċi fiżiċi, kimiċi, mikrobijoloġiċi jew organolettiċi tiegħu li juru l-karattru speċifiku tal-prodott (l-Artikolu 7(2) ta’ dan ir-Regolament)

Ħalib tan-nagħaġ li huwa f’konformità mal-leġiżlazzjoni applikabbli.

4.2.   Deskrizzjoni tal-metodu ta’ produzzjoni tal-prodott li għalih japplika l-isem imsemmi fil-punt 1 u li l-produtturi jridu jsegwu, inkluż, fejn xieraq, in-natura u l-karatteristiċi tal-materja prima jew tal-ingredjenti użati, kif ukoll il-metodu li permezz tiegħu jitħejja l-prodott (l-Artikolu 7(2) ta’ dan ir-Regolament)

Il-ħalib tat-tip “Schaf-Heumilch” huwa prodott skont kundizzjonijiet tal-produzzjoni tradizzjonali li jikkonformaw mal-“Heumilchregulativ” (ir-regolamenti dwar il-produzzjoni tal-ħalib tat-tip “Heumilch”). Dan it-tip ta’ ħalib sar magħruf bis-saħħa ta’ regoli li jipprojbixxu l-użu ta’ foraġġ iffermentat, bħas-silaġġ, u ta’ regoli li jipprojbixxu l-użu ta’ annimali u ta’ għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti.

“Heumilchregulativ”

Il-ħalib tat-tip “Schaf-Heumilch” huwa forma ta’ ħalib tan-nagħaġ estratt min-nagħaġ li jkunu qed ireddgħu, prodott minn bdiewa tal-ħalib li jkunu ntrabtu li jikkonformaw mal-kriterji li ġejjin. Ma jistgħux jintużaw annimali jew għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti.

L-azjenda agrikola kollha tal-bhejjem trid titmexxa skont dawn ir-regoli tal-produzzjoni tal-ħalib tat-tip “Heumilch”.

Tipi ta’ għalf permessi

—	L-annimali jingħalfu prinċipalment ħaxix frisk, pjanti leguminużi u faxxina matul il-“perjodu tat-tagħlif bil-foraġġ aħdar” u ħuxlief fil-perjodu tax-xitwa.

—	Dawn li ġejjin huma inklużi u permessi bħala għalf oħxon addizzjonali: il-kolza ħadra, il-qamħirrum aħdar, is-segala ħadra u l-pitravi għall-foraġġ, kif ukoll ħuxlief, nifel u pellets tal-qamħirrum.

—	Mill-inqas 75 % tal-għalf niexef kollu li jingħata lill-annimali kull sena, irid ikun għalf oħxon.

—	L-għelejjel taċ-ċereali, bħall-qamħ, ix-xgħir, il-ħafur, it-tritikal, is-segala u l-qamħirrum huma wkoll permessi, fil-forma konvenzjonali tagħhom ta’ kif jitqiegħdu fis-suq, u f’kompożiti bil-minerali (eż. nuħħala, pellets).

—	Dawn li ġejjin jistgħu jintużaw ukoll bħala għalf: fażola, piżelli tal-għelieqi, frott żejtni u grixa jew pasta estratti.

Tipi ta’ għalf ipprojbiti

—	It-tipi ta’ għalf li ġejjin huma pprojbiti: silaġġ (foraġġ iffermentat), ħuxlief umduż u ħuxlief iffermentat.

—

L-annimali ma għandhomx jingħalfu prodotti sekondarji li ġejjin mill-birrieri, mid-distilleriji u mill-għasir tal-frott, jew prodotti sekondarji oħra mill-agroindustrija, bħall-ħabbiet imxarrbin tal-birrieri jew biċċiet tal-pjanti mxarrbin. Xi eċċezzjonijiet huma biċċiet tal-pjanti nexfin u melassa bħala prodott sekondarju tal-manifattura taz-zokkor, u għalf niexef tal-proteina li jiġi prodott matul l-ipproċessar tal-ħabba.

—	L-annimali li jreddgħu ma għandhom jingħalfu l-ebda forma ta’ foraġġ imxarrab.

—	L-annimali ma għandhomx jingħalfu prodotti ta’ oriġini mill-annimali ħlief għall-annimali żgħar fl-età, li jistgħu jingħataw ħalib u xorrox.

—	L-annimali ma għandhomx jingħalfu skart tal-ġonna, skart tal-frott, patata jew urea.

Kundizzjonijiet tal-fertilizzazzjoni

—	L-użu tal-ħama tad-dranaġġ, ta’ prodotti tal-ħama tad-dranaġġ, jew ta’ kompost li jkun ġej mill-faċilitajiet muniċipali tat-trattament tal-iskart, bl-eċċezzjoni tal-kompost ekoloġiku (taħlita komposta ta’ materja veġetali), huwa pprojbit fiż-żoni agrikoli kollha sfruttati mill-azjenda tal-bhejjem.

—	L-azjendi tal-bhejjem iridu jistennew mill-inqas tliet ġimgħat wara t-tidmil qabel ma jużaw l-art sabiex jirgħu l-bhejjem fuqha.

Użu ta’ sustanzi awżiljarji kimiċi

—	Fi kwalunkwe żona tal-foraġġ aħdar tal-azjenda tal-bhejjem, l-użu selettiv tal-pestiċidi kimiċi sintetiċi taħt is-superviżjoni esperta ta’ speċjalisti agronomiċi, u l-immirar ta’ siti speċifiċi biss huma permessi.

—	L-isprej li huwa permess biex joqtol id-dubbien jista’ jintuża fl-imqawel għall-produzzjoni tal-ħalib biss meta fihom ma jkunx hemm in-nagħaġ li jkunu qed ireddgħu.

Projbizzjonijiet fuq it-tqassim tal-ħalib:

—	Il-ħalib ma jistax jitqassam bħala ħalib tat-tip “Schaf-Heumilch” fi żmien 10 ijiem wara li n-nagħġa twelled.

—	Meta jintużaw nagħaġ li jkunu ngħalfu silaġġ (foraġġ iffermentat), irid japplika perjodu ta’ stennija ta’ mill-inqas 14-il jum.

—

Fir-rigward tal-annimali alpini li jkunu ngħalfu silaġġ (foraġġ iffermentat) fil-farms tagħhom, dawn għandhom jew jingħalfu ikel li ma jkunx fih silaġġ għal 14-il jum qabel ma jittellgħu jirgħu fuq il-mergħat alpini, inkella l-ħalib tagħhom jkun jista’ jiġi kklassifikat bħala tat-tip “Schaf-Heumilch” biss wara li dawn ikunu qattgħu 14-il jum fuq il-mergħat alpini (li l-proprjetarju tagħhom ikun il-fornitur tal-ħalib tat-tip “Schaf-Heumilch”). Fil-mergħat alpini ma jista’ jiġi prodott jew użat ebda silaġġ bħala għalf.

Projbizzjoni ta’ ikel u għalf ġenetikament modifikati:

—	Sabiex tinżamm il-produzzjoni tradizzjonali tal-ħalib tat-tip “Schaf-Heumilch”, ma jistgħux jintużaw annimali jew għalf li għandhom jiġu identifikati bħala “ġenetikament modifikati” skont il-leġiżlazzjoni prevalenti.

Regolamenti oħrajn:

—	Ma jistax jiġi prodott jew maħżun silaġġ (foraġġ iffermentat) fl-azjenda tal-bhejjem.

—	Ma jistgħux jiġu prodotti jew maħżuna balal tondi ta’ kwalunkwe tip imkebbin fil-film fl-azjenda tal-bhejjem.

—	Ma jistax jiġi prodott ħuxlief umduż jew ħuxlief iffermentat fl-azjenda tal-bhejjem.

4.3.   Deskrizzjoni tal-elementi prinċipali li jistabbilixxu l-karattru tradizzjonali tal-prodott (l-Artikolu 7(2) ta’ dan ir-Regolament)

Il-karattru tradizzjonali tal-ħalib tat-tip “Heumilch” ġej mill-fatt li, bħalma kien jiġri fl-eqdem forma tal-produzzjoni tal-ħalib, l-annimali ma jingħalfux foraġġ iffermentat. Sa mis-snin sittin (1960s), u minħabba l-mekkanizzazzjoni, l-industrijalizzazzjoni tal-agrikoltura bdiet tistrieħ dejjem aktar fuq il-produzzjoni tas-silaġġ (foraġġ iffermentat) u b’hekk naqset il-produzzjoni tal-foraġġ frisk.

It-trobbija tal-bhejjem kienet ibbażata, minn naħa waħda, fuq ir-ragħa fil-mergħat u, min-naħa l-oħra, fuq il-produzzjoni tal-ħaxix u tal-ħuxlief fil-mergħat. Skont ir-rekords bil-miktub, il-ħsad tal-ħuxlief — jew ħuxlief u “grummet” [foraġġ aħdar] — mill-inqas darbtejn fis-sena (fenum primum et secundum) kien prattika komuni fit-Tirol mis-seklu 13 ’il quddiem. (Stolz, O., Rechtsgeschichte des Bauernstandes und der Landwirtschaft in Tirol und Vorarlberg [L-istorja legali tal-bdiewa u tal-agrikoltura fit-Tirol u f’Vorarlberg], 1949.)

Ir-reġistru tal-artijiet tal-arċiveskovat ta’ Salzburg fih informazzjoni dettaljata ħafna dwar in-numru ta’ bhejjem fuq l-insedjamenti ta’ “Schwaig” u l-proprjetajiet l-oħrajn kollha li kienu jappartjenu lill-arċiveskovat fil-wied ta’ Ziller fl-1607. Speċifikament fi tmiem kull deskrizzjoni dettaljata tal-irqajja’ ta’ proprjetà individwali hemm dikjarazzjoni li tgħid: “matul ix-xitwa, joqogħdu tant żwiemel, bhejjem tal-ifrat, nagħaġ jew mogħoż”. Il-bdiewa alpini kellhom inqas bhejjem fix-xitwa milli fis-sajf, meta l-mergħat kienu disponibbli. Ma hemmx dubju li r-ragħa fuq il-mergħat tal-villaġġi kien ipprattikat b’mod intensiv fl-insedjamenti ta’ “Schwaig” u kien iservi bħala sors primarju ta’ għalf għall-bhejjem. Hemm prova dokumentarja minn saħansitra perjodu aktar kmieni, speċifikament is-sekli 13 u 14, li l-farms ta’ “Schwaighof” kienu jinkludu mergħat u għelieqi, kif ukoll mergħat u artijiet alpini bil-ħaxix. Dan ifisser li l-produzzjoni tal-ħaxix u tal-ħuxlief kienet issir fuq il-farms ta’ “Schwaighof” sa mill-aktar perjodi bikrin. F’ċerta distanza mill-farms, hemm meded ta’ muntanji li wkoll jappartjenu għall-insedjamenti ta’ “Schwaig”. Dawn il-meded kienu tradizzjonalment jikkonsistu f’mergħat fejn il-bhejjem kienu jintbagħtu biex jirgħu għal ftit ġimgħat fir-rebbiegħa u l-ħarifa, u li matul il-bqija tas-sena, kienu jintużaw sabiex isir il-ħuxlief. Fost id-diversi tipi ta’ mergħat, dawn il-mergħat muntanjużi jew f’altitudni għolja huma partikolarment karatteristiċi tal-Alpi. Dawn il-mergħat jiġu maħsuda mhux aktar minn darba fis-sena u, f’xi postijiet, darba kull sentejn sa erba’ snin. Il-kwantità li jipproduċu hija żgħira, iżda l-ħuxlief huwa fragranti u nutrittiv ħafna. (Stolz, O., Die Schwaighöfe in Tirol [Schwaighof farms in the Tyrol], 1930.)

Irid ikun hemm matmura disponibbli għall-ħuxlief. Il-provvista tal-ħuxlief trid tinħażen sar-rebbiegħa ta’ wara, minħabba li spiss ikun il-każ li l-borra tinżel ftit wara li l-bhejjem jinġiebu fil-mergħat alpini. (Trientl, A., Die Landwirtschaft in den Gebirgsländern [Agriculture in mountainous countries], 1892.)

---

(1)  ĠU L 343, 14.12.2012, p. 1.