—

wara li kkunsidrat l-Att Kostituttiv tal-Assemblea Parlamentari Euronest tat-3 ta’ Mejju 2011,

—

wara li kkunsidrat id-Dikjarazzjoni Konġunta tas-Summit tas-Sħubija tal-Lvant li sar fi Brussell fl-24 ta’ Novembru 2017, kif ukoll id-dikjarazzjonijiet preċedenti tiegħu,

—

wara li kkunsidrat ir-riżoluzzjoni tal-Assemblea Parlamentari Euronest tat-3 ta’ April 2012 dwar it-tisħiħ tas-soċjetà ċivili fil-Pajjiżi tas-Sħubija tal-Lvant, inkluża l-kwistjoni tal-kooperazzjoni bejn il-gvern u s-soċjetà ċivili, u l-kwistjoni tar-riformi bl-għan li s-soċjetà ċivili tingħata setgħat akbar,

—

wara li kkunsidrat ir-riżoluzzjoni tal-Assemblea Parlamentari Euronest tal-1 ta’ Novembru 2017 dwar l-iżgurar tal-libertà u l-integrità tal-media fl-UE u fis-sħab tal-Ewropa tal-Lvant,

—

wara li kkunsidrat ir-riżoluzzjoni tal-Assemblea Parlamentari Euronest tad-19 ta’ Diċembru 2019 dwar is-sorveljanza parlamentari bħala għodda biex issaħħaħ id-demokrazija, l-obbligu ta’ rendikont u l-effettività tal-istituzzjonijiet tal-istat fil-pajjiżi Sħab tal-Lvant,

—

wara li kkunsidrat ir-riżoluzzjoni tal-Parlament Ewropew tat-23 ta’ Marzu 2006 dwar il-partiti politiċi Ewropej,

—

wara li kkunsidrat ir-riżoluzzjoni tal-Parlament Ewropew tas-6 ta’ April 2011 dwar l-applikazzjoni tar-Regolament (KE) Nru 2004/2003 dwar ir-regolamenti li jirregolaw il-partiti politiċi fil-livell Ewropew u r-regoli dwar il-finanzjament tagħhom,

—

wara li kkunsidrat ir-riżoluzzjoni tal-Parlament Ewropew tal-4 ta’ Lulju 2013 dwar it-titjib tal-arranġamenti prattiċi għall-organizzazzjoni tal-elezzjonijiet Ewropej fl-2014,

—

wara li kkunsidrat ir-riżoluzzjoni tal-Parlament Ewropew tal-11 ta’ Novembru 2015 dwar ir-riforma tal-liġi elettorali tal-Unjoni Ewropea,

—

wara li kkunsidrat ir-riżoluzzjoni tal-Parlament Ewropew tal-25 ta’ Ottubru 2016 b’rakkomandazzjonijiet lill-Kummissjoni dwar l-istabbiliment ta’ mekkaniżmu tal-UE dwar id-demokrazija, l-istat tad-dritt u d-drittijiet fundamentali,

—

wara li kkunsidrat ir-riżoluzzjoni tal-Parlament Ewropew tal-21 ta’ Mejju 2013 dwar il-Karta tal-UE: regoli komuni għal-libertà tal-media fl-UE kollha,

—

wara li kkunsidrat ir-Riżoluzzjoni tal-Parlament Ewropew tat-3 ta’ Mejju 2018 dwar il-pluraliżmu tal-media u l-libertà tal-media fl-Unjoni Ewropea,

—

wara li kkunsidrat ir-riżoluzzjoni tal-Parlament Ewropew tal-10 ta’ Ottubru 2019 dwar l-interferenza elettorali barranija u d-diżinformazzjoni fil-proċessi demokratiċi nazzjonali u Ewropej,

—

wara li kkunsidrat ir-riżoluzzjoni tal-Parlament Ewropew tad-19 ta’ April 2018 dwar il-ħtieġa li jiġi stabbilit Strument għall-Valuri Ewropej biex jiġu appoġġjati l-organizzazzjonijiet tas-soċjetà ċivili li jippromwovu l-valuri fundamentali fl-Unjoni Ewropea fil-livell lokali u nazzjonali,

—

wara li kkunsidrat ir-rakkomandazzjoni tal-Parlament Ewropew tad-19 ta’ Ġunju 2020 lill-Kunsill, lill-Kummissjoni u lill-Viċi President tal-Kummissjoni/ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà dwar is-Sħubija tal-Lvant, fit-tħejjija għas-Summit ta’ Ġunju 2020,

—

wara li kkunsidrat id-Dokument ta’ Ħidma Konġunta tal-Persunal tal-Kummissjoni u tar-Rappreżentant Għoli tad-9 ta’ Ġunju 2017 dwar “Is-Sħubija tal-Lvant - 20 Riżultat Tanġibbli għall-2020: Enfasi fuq prijoritajiet ewlenin u riżultati tanġibbli”, u l-Komunikazzjoni Konġunta tagħhom tat-18 ta’ Marzu 2020 dwar “It-Tisħiħ tar-Reżiljenza - Sħubija tal-Lvant li tikseb riżultati għal kulħadd”,

—

wara li kkunsidrat il-konklużjonijiet tal-Kunsill tal-11 ta’ Mejju 2020 dwar il-politika tas-Sħubija tal-Lvant lil hinn mill-2020,

—

wara li kkunsidrat id-deċiżjoni tal-Parlament Ewropew tat-18 ta’ Ġunju 2020 dwar it-twaqqif ta’ kumitat speċjali għall-indħil barrani fil-proċessi demokratiċi kollha fl-Unjoni Ewropea, inkluża d-diżinformazzjoni, ir-responsabbiltajiet, il-kompożizzjoni numerika u l-mandat tiegħu,

—

wara li kkunsidrat il-Ftehimiet ta’ Assoċjazzjoni bejn l-UE, minn naħa waħda, u l-Georgia, il-Moldova u l-Ukrajna, min-naħa l-oħra,

—

wara li kkunsidrat il-Ftehim ta’ Sħubija Komprensiv u Msaħħaħ bejn l-UE, minn naħa waħda, u r-Repubblika tal-Armenja, min-naħa l-oħra, li daħal fis-seħħ bis-sħiħ fl-1 ta’ Marzu 2021,

—

wara li kkunsidrat ir-riżoluzzjonijiet tal-APKE rilevanti, inklużi (2007) dwar il-kodiċi ta’ prattika tajba għall-partiti politiċi, (2020) dwar it-theddid għal-libertà tal-media u s-sigurtà tal-ġurnalisti, u (2020) dwar l-istabbiliment ta’ standards minimi għas-sistemi elettorali sabiex tiġi offruta l-bażi għal elezzjonijiet liberi u ġusti,

A.

billi t-tisħiħ tal-proċessi demokratiċi jibqa’ objettiv ewlieni ta’ kooperazzjoni bejn l-UE u l-pajjiżi tas-Sħubija tal-Lvant (SL);

B.

billi d-demokrazija, l-istat tad-dritt u d-drittijiet fundamentali huma ta’ importanza kbira għall-funzjonament xieraq tal-istituzzjonijiet tal-istat, tal-partiti politiċi, tas-soċjetà ċivili, u tal-media fil-livell nazzjonali u transnazzjonali;

C.

billi f’tentattiv biex jiġu solvuti d-diffikultajiet li jiffaċċjaw l-istituzzjonijiet demokratiċi, huwa assolutament meħtieġ li jiġu żviluppati soluzzjonijiet biex jiġu indirizzati l-isfidi futuri li jirriżultaw mill-kriżi tal-pandemija tal-COVID-19; tenfasizza li l-miżuri kollha adottati għandhom ikunu ċari, meħtieġa u strettament proporzjonati, b’mod partikolari fid-dawl tar-restrizzjonijiet u l-limitazzjonijiet fuq il-libertajiet fundamentali li jista’ jkollhom riperkussjonijiet serji fuq il-ħajja politika, l-elezzjonijiet, is-soċjetà ċivili u l-media;

D.

billi l-promozzjoni u l-protezzjoni ta’ drittijiet ugwali u d-dritt għall-parteċipazzjoni politika għal kulħadd jirrikjedu l-iżvilupp ta’ soċjetajiet inklużivi u reżiljenti fejn tinstemal-vuċi ta’ kulħadd;

E.

billi l-ħidma libera u indipendenti tal-oppożizzjoni, tal-organizzazzjonijiet tas-soċjetà ċivili u tal-media hija pedament ta’ soċjetà demokratika bbażata fuq l-istat tad-dritt; billi l-partiti politiċi, is-soċjetà ċivili, ambjent elettorali ġust u l-media libera u pluralistika huma komponenti essenzjali tal-proċess demokratiku;

F.

billi, sabiex il-valuri u l-prinċipji demokratiċi jsiru aktar viżibbli u jissaħħaħ l-obbligu ta’ rendikont, it-trasparenza u l-aċċess għall-informazzjoni jirrikjedu li jsiru sforzi xierqa mill-Istati Membri tal-UE u mill-pajjiżi tas-SL, inklużi l-awtoritajiet tagħhom fil-livelli nazzjonali, reġjonali u lokali, kif ukoll mill-istituzzjonijiet u l-aġenziji;

G.

billi t-tisħiħ tal-kapaċità leġiżlattiva tal-pajjiżi tas-SL biex jistabbilixxu mudell effettiv ta’ trasparenza finanzjarja tal-partiti politiċi, regoli sodi għat-tmexxija ta’ kampanji elettorali, kif ukoll biex jitkompla l-iżvilupp ta’ media pubblika indipendenti, u l-involviment tas-soċjetà ċivili fil-proċessi demokratiċi, huma ta’ importanza kruċjali u għandhom ikomplu jiġu appoġġjati mill-Unjoni Ewropea u jiġu rrispettati wkoll mill-Istati Membri tagħha;

H.

billi ż-żamma tal-ekwilibriju tas-sistemi politiċi tal-pajjiżi tas-SL u tal-Istati Membri tal-UE permezz ta’ kontrokontrolli xierqa bejn l-istituzzjonijiet differenti, tista’ ssaħħaħ il-kapaċità tal-istati li jagħtu tweġiba effettiva, permezz ta’ kooperazzjoni internazzjonali u Ewropea msaħħa, inkluż l-iskambju tal-aħjar prattiki u metodoloġiji, peress li l-ebda waħda mis-soċjetajiet tagħna mhija immuni għall-isfidi komuni attwali, bħall-pandemiji, il-kriżijiet tal-migrazzjoni, id-diżinformazzjoni, jew it-tendenzi illiberali;

I.

billi l-approfondiment tal-kooperazzjoni bejn l-organizzazzjonijiet reġjonali u internazzjonali, bħall-Kunsill tal-Ewropa, l-Organizzazzjoni għas-Sigurtà u l-Kooperazzjoni fl-Ewropa u n-Nazzjonijiet Uniti, għandu jissaħħaħ sabiex jinħolqu sinerġiji ġodda, jiġu evitati defiċits demokratiċi possibbli u jiġu indirizzati l-isfidi attwali u emerġenti bħall-pandemija tal-COVID-19;

J.

billi parteċipazzjoni demokratika msaħħa – permezz ta’ partiti politiċi bbażati fuq sħubija wiesgħa u programmi politiċi ċari, mekkaniżmi istituzzjonali għall-involviment tas-soċjetà ċivili, media indipendenti u responsabbli u oqfsa elettorali stabbli - tista’ tistimula l-implimentazzjoni ta’ saħansitra aktar mudelli axxendenti ta’ governanza u t-titjib tal-kwalità tagħha, li ssaħħaħ ir-reżiljenza tal-istituzzjonijiet u l-proċessi demokratiċi, inkluż kontra l-interferenza esterna;

K.

billi l-proċessi motivati politikament kontra r-rappreżentanti tal-oppożizzjoni – li jikkostitwixxu prattika li sfortunatament ilha teżisti f’xi pajjiżi tas-SL - iqajmu dubji dwar l-indipendenza tal-ġudikatura mill-interferenza politika u b’hekk idgħajfu l-proċess demokratiku;

L.

billi d-dipendenza finanzjarja qawwija ta’ xi partiti politiċi fil-pajjiżi tas-SL minn gruppi industrijali kbar, jew oligarki, tenfasizza l-ħtieġa għal leġiżlazzjoni aktar dettaljata dwar it-tariffi tas-sħubija, l-aċċess għall-finanzjament pubbliku u l-finanzjament tal-kampanji biex jiġi evitat li l-flus minn attivitajiet kriminali korrotti jinfluwenza l-proċessi demokratiċi;

M.

billi hemm xejriet negattivi marbuta mal-monopolizzazzjoni tal-awtorità f’xi Stati Membri tal-UE, li jagħtu lok għal tħassib fir-rigward taż-żamma u t-tisħiħ tal-istituzzjonijiet demokratiċi, is-separazzjoni tas-setgħat, l-applikazzjoni tal-prinċipju tal-kontrokontrolli, l-indipendenza tal-ġudikatura u tal-media, u l-iżvilupp tas-soċjetà ċivili;

N.

billi l-ġlieda kontra d-diżinformazzjoni tirrikjedi aċċess għal sorsi awtorevoli għal informazzjoni aġġornata u l-promozzjoni ta’ sorsi affidabbli sabiex titnaqqas il-viżibbiltà ta’ kontenut falz jew qarrieqi u biex jitneħħa kontenut ta’ ħsara u illegali;

O.

billi l-Federazzjoni Russa qed tinterferixxi fil-proċessi demokratiċi tal-Istati Membri tal-UE u tal-pajjiżi tas-SL, jew direttament, jew bl-użu ta’ instituri min-negozji, mill-media jew miċ-ċrieki politiċi, u b’hekk qed thedded is-sovranità, l-indipendenza u s-sigurtà ta’ dawk l-istati;

P.

billi l-Federazzjoni Russa manifestament qed tkompli tmur kontra s-sovranità u l-integrità territorjali tal-Ukrajna u tal-Georgia, filwaqt li ddgħajjef is-sitwazzjoni tas-sigurtà, tad-drittijiet tal-bniedem u dik umanitarja, u tmur kontra l-prinċipji u n-normi fundamentali tad-dritt internazzjonali fir-reġjuni okkupati tal-Georgia fl-Abkażja u fir-reġjun ta’ Tskhinvali/Ossezja tan-Nofsinhar, kif ukoll fir-Repubblika Awtonoma tal-Krimea okkupata b’mod illegali, fil-belt ta’ Sevastopol u f’ċerti żoni tar-reġjuni ta’ Donetsk u Luhansk tal-Ukrajna;

Q.

filwaqt li tikkundanna l-okkupazzjoni kontinwa u l-passi meħuda lejn l-annessjoni de facto tar-reġjuni tal-Georgia fl-Abkażja u r-reġjun ta’ Tskhinvali/l-Ossezja tan-Nofsinhar, kif ukoll it-tentattiv ta’ annessjoni tar-Repubblika Awtonoma tal-Krimea u l-aggressjoni armata li għaddejja mill-Federazzjoni Russa fil-Lvant tal-Ukrajna, li wasslu biex il-komunità internazzjonali tintensifika l-isforzi biex terġa’ tingħata s-sovranità lill-Georgia u lill-Ukrajna u l-integrità territorjali tagħhom fil-fruntieri tagħhom rikonoxxuti internazzjonalment;

R.

billi s-salvagwardja tal-libertà domestika u l-bini ta’ appoġġ għal politika barranija li tipproteġi l-valuri u d-drittijiet fundamentali barra mill-pajjiż huma essenzjali biex jitrawwem fehim aħjar tal-prinċipji demokratiċi mill-pubbliku, speċjalment fost iż-żgħażagħ;

S.

billi l-elezzjonijiet tad-9 ta’ Awwissu 2020 fil-Belarussja ġew definiti minn ħafna ċittadini Belarussi u rappreżentanti tas-soċjetà ċivili Belarussa, kif ukoll minn atturi internazzjonali, bħala “elezzjonijiet imbagħbsa”;

T.

billi saru u għad qed isiru protesti li jikkundannaw ir-riżultati uffiċjali tal-elezzjonijiet tal-Belarussja madwar il-pajjiż kollu;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

—

wara li kkunsidrat l-iżvilupp tal-Politika Ewropea tal-Viċinat mill-2004, u l-komponent tas-Sħubija tal-Lvant tagħha mill-2009, u b’mod partikolari r-rapporti ta’ progress tal-Kummissjoni dwar l-implimentazzjoni tagħha,

—

wara li kkunsidrat l-Artikoli 5 u 6 tat-Trattat dwar il-Funzjonament tal-Unjoni Ewropea, kif ukoll l-Artikoli 145 sa 149 (Titolu IX – L-Impjieg) u l-Artikoli 166 u 165 (Titolu XII – Edukazzjoni, formazzjoni vokazzjonali, żgħażagħ u sport),

—

wara li kkunsidrat il-Ftehim ta’ Assoċjazzjoni bejn l-UE u l-Georgia (1), bejn l-UE u l-Moldova (2), bejn l-UE u l-Ukrajna (3), inklużi ż-Żoni ta’ Kummerċ Ħieles Approfonditi u Komprensivi, il-Ftehim ta’ Sħubija Komprensiv u Msaħħaħ bejn l-UE u l-Armenja (4), u l-Ftehim ta’ Sħubija u Kooperazzjoni bejn l-UE u l-Ażerbajġan (5),

—

wara li kkunsidrat l-Att Kostitwenti tal-Assemblea Parlamentari Euronest tat-3 ta’ Mejju 2011 (li ġie mmodifikat l-aħħar fis-26 ta’ Ġunju 2018) (6),

—

wara li kkunsidrat id-dokument ta’ ħidma konġunt tal-persunal tal-Kummissjoni u tas-Servizz Ewropew għall-Azzjoni Esterna tad-9 ta’ Ġunju 2017 bit-titolu “Eastern Partnership - 20 Deliverables for 2020 focusing on key priorities and tangible results” (Sħubija tal-Lvant - 20 Riżultat għall-2020 li jiffokaw fuq prijoritajiet ewlenin u riżultati tanġibbli),

—

wara li kkunsidrat il-komunikazzjoni konġunta tal-Kummissjoni u tal-Viċi President/Rappreżentant Għoli tal-Unjoni għall-Affarijiet Barranin u l-Politika ta’ Sigurtà tat-18 ta’ Marzu 2020 bit-titolu “Il-politika tas-Sħubija tal-Lvant lil hinn mill-2020: It-tisħiħ tar-Reżiljenza Sħubija tal-Lvant li tikseb riżultati għal kulħadd”, u l-konklużjonijiet tal-Kunsill tal-11 ta’ Mejju 2020 dwar il-politika tas-Sħubija tal-Lvant wara l-2020,

—

wara li kkunsidrat il-messaġġ tal-Bureau tal-Assemblea Parlamentari Euronest tat-12 ta’ Ġunju 2020 fl-okkażjoni tat-Telekonferenza bil-Vidjo tal-Mexxejja tas-Sħubija tal-Lvant tat-18 ta’ Ġunju 2020,

—

wara li kkunsidrat ir-rakkomandazzjoni tal-Parlament Ewropew tad-19 ta’ Ġunju 2020 lill-Kunsill, lill-Kummissjoni u lill-Viċi President/Rappreżentant Għoli tal-Unjoni għall-Affarijiet Barranin u l-Politika ta’ Sigurtà dwar is-Sħubija tal-Lvant, fit-tħejjija għas-Summit ta’ Ġunju 2020 (7),

—

wara li kkunsidrat il-kummenti magħmula mill-President tal-Kunsill Ewropew Charles Michel wara Telekonferenza bil-Vidjo tal-mexxejja tas-Sħubija tal-Lvant tat-18 ta’ Ġunju 2020,

—

wara li kkunsidrat il-pjan ta’ azzjoni 2018-2020 tal-Konferenza tal-Awtoritajiet Lokali u Reġjonali għas-Sħubija tal-Lvant,

—

wara li kkunsidrat ir-riżoluzzjoni tal-Assemblea Parlamentari Euronest tad-9 ta’ Diċembru 2019 dwar l-innovazzjoni u r-riformi fl-edukazzjoni fl-UE u fil-pajjiżi tas-Sħab tal-Lvant: sfidi u opportunitajiet (8),

—

wara li kkunsidrat l-Aġenda tal-2030 għall-Iżvilupp Sostenibbli adottata fis-Summit tan-Nazzjonijiet Uniti dwar l-Iżvilupp Sostenibbli fil-25 ta’ Settembru 2015, u b’mod partikolari l-Għan ta’ Żvilupp Sostenibbli 4 dwar l-iżgurar ta’ edukazzjoni ta’ kwalità inklużiva u ekwa u l-promozzjoni ta’ opportunitajiet ta’ apprendiment tul il-ħajja għal kulħadd,

—

wara li kkunsidrat il-Pilastru Ewropew tad-Drittijiet Soċjali pproklamat mill-Parlament Ewropew, mill-Kunsill u mill-Kummissjoni Ewropea fis-Summit Soċjali għall-Impjiegi Ġusti u t-Tkabbir f’Gothenburg fis-17 ta’ Novembru 2017, u b’mod partikolari l-Pilastru 1 dwar id-dritt għal edukazzjoni, taħriġ u apprendiment tul il-ħajja ta’ kwalità u inklużiv għal kull persuna sabiex iżżomm u tikseb ħiliet li jippermettulha tipparteċipa b’mod sħiħ fis-soċjetà u timmaniġġja b’suċċess it-tranżizzjonijiet fis-suq tax-xogħol,

—

wara li kkunsidrat ir-Regolament (UE) Nru 1288/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi “Erasmus+”: il-programm tal-Unjoni għall-edukazzjoni, taħriġ, żgħażagħ u sport (9),

—

wara li kkunsidrat ir-riżoluzzjoni tal-Assemblea Parlamentari Euronest tat-22 ta’ Marzu 2016 dwar ir-rikonoxximent reċiproku tal-kwalifiki professjonali, l-esperjenza tax-xogħol u d-diplomi universitarji fi ħdan il-proċess ta’ Bolonja (10),

—

wara li kkunsidrat id-dokument ta’ ħidma tal-persunal tal-Kummissjoni tal-10 ta’ Ġunju 2016 bit-titolu “Analytical underpinning for a New Skills Agenda for Europe” (Bażi Analitika għal Aġenda Ġdida għall-Ħiliet għall-Ewropa),

—

wara li kkunsidrat il-komunikazzjoni tal-Kummissjoni tal-10 ta’ Ġunju 2016 bit-titolu “Aġenda ġdida għall-Ħiliet għall-Ewropa: naħdmu flimkien biex insaħħu l-kapital uman, l-impjegabbiltà u l-kompetittività” (COM/2016/0381),

—

wara li kkunsidrat il-komunikazzjoni tal-Kummissjoni tas-7 ta’ Diċembru 2016 dwar it-titjib u l-immodernizzar tal-edukazzjoni (COM(2016)0941),

—

wara li kkunsidrat il-komunikazzjoni tal-Kummissjoni tas-17 ta’ Jannar 2018 dwar il-Pjan ta’ Azzjoni għall-Edukazzjoni Diġitali (COM(2018)0022),

—

wara li kkunsidrat il-komunikazzjoni tal-Kummissjoni tat-30 ta’ Settembru 2020, dwar il-“Pjan ta’ Azzjoni dwar l-Edukazzjoni Diġitali 2021-2027: Tfassil mill-ġdid tal-edukazzjoni u t-taħriġ għall-era diġitali” (COM(2020)624),

—

wara li kkunsidrat il-proposta tal-Kummissjoni tas-17 ta’ Jannar 2018 għal rakkomandazzjoni tal-Kunsill dwar il-promozzjoni tal-valuri komuni, l-edukazzjoni inklużiva u d-dimensjoni Ewropea tat-tagħlim (COM(2018)0023),

—

wara li kkunsidrat il-proposta tal-Kummissjoni tas-17 ta’ Jannar 2018 għal rakkomandazzjoni tal-Kunsill dwar il-kompetenzi ewlenin għat-tagħlim tul il-ħajja (COM(2018)0024),

—

wara li kkunsidrat il-komunikazzjoni tal-Kummissjoni tat-22 ta’ Mejju 2018 bit-titolu “Nibnu Ewropa iktar b’saħħitha: ir-rwol tal-politiki taż-żgħażagħ, tal-edukazzjoni u tal-kultura” (COM/2018/0268),

—

wara li kkunsidrat il-komunikazzjoni tal-Kummissjoni tat-30 ta’ Settembru 2020 dwar il-kisba sal-2025 taż-Żona Ewropea tal-Edukazzjoni (COM(2020)625),

—

wara li kkunsidrat ir-rakkomandazzjoni tal-Kunsill tas-26 ta’ Novembru 2018 dwar il-promozzjoni tar-rikonoxximent reċiproku awtomatiku ta’ kwalifiki tal-edukazzjoni għolja u tal-edukazzjoni u t-taħriġ fil-livell sekondarju għoli u l-eżiti tal-perjodi ta’ apprendiment barra mill-pajjiż (11),

—

wara li kkunsidrat il-Communiqué Ministerjali ta’ Ruma tad-19 ta’ Novembru 2020 b’segwitu tal-laqgħa ministerjali taż-Żona Ewropea ta’ Edukazzjoni Għolja,

—

wara li kkunsidrat ir-riżoluzzjoni tal-Parlament Ewropew tal-11 ta’ Diċembru 2018 dwar l-edukazzjoni fl-era diġitali: sfidi, opportunitajiet u tagħlimiet għat-tfassil tal-politika tal-UE (12),

—

wara li kkunsidrat il-komunikazzjoni tal-Kummissjoni tat-3 ta’ Marzu 2020 bit-titolu “EWROPA 2020: Strateġija għal tkabbir intelliġenti, sostenibbli u inklussiv” (COM(2010)2020),

—

wara li kkunsidrat l-opinjoni tal-Kumitat Ekonomiku u Soċjali Ewropew tal-5 ta’ Mejju 2020 dwar “Proposta għal deċiżjoni tal-Kunsill dwar linji gwida għal-linji politiċi dwar l-impjiegi tal-Istati Membri”,

—

wara li kkunsidrat il-komunikazzjoni tal-Kummissjoni tat-30 ta’ Settembru 2020, bit-titolu “Pjan ta’ Azzjoni dwar l-Edukazzjoni Diġitali 2021-2027: Tfassil mill-ġdid tal-edukazzjoni u t-taħriġ għall-era diġitali” (COM(2020)0624), li jibni fuq il-Pjan ta’ Azzjoni Diġitali 2018-2020,

—

wara li kkunsidrat il-Konvenzjoni dwar id-Diskriminazzjoni (Impjiegi u Xogħol) tal-Organizzazzjoni Internazzjonali tax-Xogħol tal-25 ta’ Ġunju 1958,

—

wara li kkunsidrat il-Konvenzjoni dwar l-Iżvilupp tar-Riżorsi Umani tal-Organizzazzjoni Internazzjonali tax-xogħol tat-23 ta’ Ġunju 1975,

—

wara li kkunsidrat il-proposta tal-Kummissjoni tas-26 ta’ Frar 2020 għal deċiżjoni tal-Kunsill fir-rigward ta’ linji gwida għal-linji politiċi dwar l-impjiegi tal-Istati Membri (COM(2020)0070), u l-opinjoni tal-Kumitat Ekonomiku u Soċjali Ewropew tal-5 ta’ Mejju 2020 u r-riżoluzzjoni Leġiżlattiva tal-Parlament Ewropew tal-10 ta’ Lulju 2020 dwar din il-proposta (13),

—

wara li kkunsidrat il-komunikazzjoni tal-Kummissjoni tal-10 ta’ Marzu 2020 dwar Strateġija Industrijali Ġdida għall-Ewropa (COM(2020)0102),

—

wara li kkunsidrat il-komunikazzjoni tal-Kummissjoni tas-27 ta’ Mejju 2020 bit-titolu “Il-mument tal-Ewropa: Tiswija u Tħejjija għall-Ġenerazzjoni li Jmiss” (COM(2020)0456),

—

wara li kkunsidrat il-konklużjonijiet tal-Kunsill Ewropew tal-21 ta’ Lulju 2020 u r-riżoluzzjoni tal-Parlament tat-23 ta’ Lulju 2020 dwar il-konklużjonijiet tal-laqgħa straordinarja tal-Kunsill Ewropew ta’ bejn is-17 u l-21 ta’ Lulju 2020 (14) u l-konklużjonijiet tal-Kunsill Ewropew tal-10-11 ta’ Diċembru 2020,

—

wara li kkunsidrat ir-rapport tal-Kummissjoni “dwar l-implimentazzjoni ta’ assistenza makrofinanzjarja lill-pajjiżi terzi fl-2019” (COM(2020)296),

—

wara li kkunsidrat ir-Rapport Annwali tal-Bank Ewropew tal-Investiment għall-2018 dwar il-Fond Fiduċjarju għall-Assistenza Teknika tas-Sħubija tal-Lvant,

—

wara li kkunsidrat il-proposta tal-Kummissjoni tas-6 ta’ Lulju 2018 li tistabbilixxi l-Programm Ewropa Diġitali għall-perjodu 2021-2027 (COM(2018)434),

—

wara li kkunsidrat il-komunikazzjoni tal-Kummissjoni tal-11 ta’ Diċembru 2019 biex jiġi stabbilit il-Patt Ekoloġiku Ewropew, b’mod partikolari billi ssir enfasi biex jiġu żgurati sħubiji ambjentali, enerġetiċi u klimatiċi mal-Istati tas-Sħubija tal-Lvant (COM(2019)640),

—

wara li kkunsidrat ir-Regolament (UE) 2017/1601 tal-Parlament Ewropew u tal-Kunsill tas-26 ta’ Settembru 2017 li jistabbilixxi l-Fond Ewropew għall-Iżvilupp Sostenibbli (EFSD), il-Garanzija tal-EFSD u l-Fond ta’ Garanzija tal-EFSD (UE) 2017/1601,

—

wara li kkunsidrat il-proposta tal-Kummissjoni tat-28 ta’ Mejju 2020 lill-Parlament Ewropew u lill-Kunsill dwar l-istabbiliment ta’ Faċilità għall-Irkupru u r-Reżiljenza (COM(2020)408),

—

wara li kkunsidrat il-Konvenzjoni ta’ Pariġi dwar il-Klima tan-NU tat-12 ta’ Diċembru 2015,

—

wara li kkunsidrat il-komunikazzjoni tal-Kummissjoni tad-19 ta’ Jannar 2021 lill-Parlament Ewropew, lill-Kunsill Ewropew u lill-Kunsill bit-titolu “Front magħqud biex negħlbu l-COVID-19”, b’mod partikolari biex jiġi żgurat l-aċċess għal xi wħud mit-2.3 biljun doża garantiti mill-UE lill-pajjiżi tas-Sħubija tal-Lvant (COM(2021)35),

—

wara li kkunsidrat il-komunikazzjoni tal-Kummissjoni tal-10 ta’ Marzu 2020, bit-titolu “Strateġija għall-SMEs għal Ewropa sostenibbli u diġitali” (COM(2020)103),

—

wara li kkunsidrat ir-riżoluzzjoni tal-Parlament Ewropew tal-10 ta’ Ottubru 2019 dwar l-indħil elettorali barrani u d-diżinformazzjoni fil-proċessi demokratiċi nazzjonali u Ewropej,

—

wara li kkunsidrat ir-riżoluzzjoni tal-Parlament Ewropew tad-19 ta’ Settembru 2019 dwar l-importanza tat-tifkira tal-istorja Ewropea għall-ġejjieni tal-Ewropa,

—

wara li kkunsidrat il-komunikazzjoni tal-Kummissjoni tal-11 ta’ Marzu 2020 dwar Pjan ta’ Azzjoni ġdid dwar l-Ekonomija Ċirkolari (COM(2020)98),

—

wara li kkunsidrat il-konklużjonijiet tal-Kunsill tat-12 ta’ Mejju 2009 dwar qafas strateġiku għall-kooperazzjoni Ewropea fl-edukazzjoni u t-taħriġ (ET 2020) (2009/C119/02),

—

wara li kkunsidrat il-ftehim tal-15 ta’ Diċembru 2020 bejn il-Parlament Ewropew u l-Kunsill dwar patt proviżorju dwar il-programm l-UE għas-Saħħa għall-2021-2027 (COM(2020)405),

A.

billi s-Sħubija tal-Lvant (SL), imnedija fl-2009 bħala inizjattiva ta’ politika konġunta, għandha l-għan li tapprofondixxi u ssaħħaħ ir-relazzjonijiet bejn l-UE, l-Istati Membri tagħha u s-sitt ġirien tal-Lvant tagħha (l-Armenja, l-Ażerbajġan, il-Belarussja, il-Georgia, il-Moldova u l-Ukrajna);

B.

billi l-isforzi kollettivi fl-ambitu tal-proġett tas-Sħubija tal-Lvant diġà rriżultaw f’benefiċċji konsiderevoli u tanġibbli għan-nies fl-Ewropa inkluż aktar kummerċ, mobilità, żvilupp ekonomiku akbar, aktar kuntatti bejn in-nies u kwalità tal-ħajja aħjar;

C.

billi l-istrateġija “Politika ta’ Sħubija tal-Lvant lil hinn mill-2020” imressqa mill-Kummissjoni u mill-Viċi President/Rappreżentant Għoli tal-Unjoni għall-Affarijiet Barranin u l-Politika ta’ Sigurtà tisħaq fuq l-importanza tal-istabbilizzazzjoni tal-iżvilupp sostenibbli miksub permezz tal-investiment fil-modernizzazzjoni ekonomika b’enfasi partikolari fuq iż-żgħażagħ u l-qgħad, bil-għan li tingħata spinta lill-prosperità madwar l-Ewropa;

D.

billi l-istrateġija tal-UE għar-relazzjonijiet kulturali internazzjonali (JOIN(2016)29) tieħu l-impenn li tappoġġja skambju kulturali/soċjali vibranti bejn l-UE u s-sħab tal-Lvant tagħha, biex tinvolvi liċ-ċittadini, lill-atturi tal-Istat u lill-operaturi kulturali bl-istess mod, issaħħaħ is-soċjetà ċivili u toffri opportunitajiet ekonomiċi akbar;

E.

billi d-dritt għall-edukazzjoni huwa minqux fl-Artikolu 26 tad-Dikjarazzjoni Universali tad-Drittijiet tal-Bniedem, l-Artikolu 14 tal-Karta tad-Drittijiet Fundamentali tal-Unjoni Ewropea u l-Artikolu 2 tal-Protokoll għall-Konvenzjoni tal-Kunsill tal-Ewropa għall-Protezzjoni tad-Drittijiet tal-Bniedem u tal-Libertajiet Fundamentali dwar id-dritt għall-edukazzjoni;

F.

billi d-drittijiet tal-bniedem u l-libertajiet fundamentali huma parti integrali mill-oqsma ewlenin kollha ta’ kooperazzjoni tas-SL, bi prijoritajiet speċifiċi identifikati għal kull pajjiż; billi l-protezzjoni tad-drittijiet tal-bniedem tal-minoranzi, inkluż tal-persuni LGBTI, minn kull forma ta’ intolleranza u diskriminazzjoni, hija direttament marbuta mal-aċċess għal edukazzjoni ta’ kwalità mill-popolazzjoni;

G.

billi d-dritt li wieħed jaħdem u li jwettaq xogħol magħżul jew aċċettat liberament huwa mnaqqax fl-Artikolu 15 tal-Karta tad-Drittijiet Fundamentali tal-Unjoni Ewropea;

H.

billi l-Istati Membri tal-UE jeħtiġilhom iqisu l-politiki ekonomiċi tagħhom u l-promozzjoni tal-impjiegi bħala kwistjoni ta’ tħassib komuni u jeħtiġilhom jikkoordinaw l-azzjonijiet tagħhom kif xieraq fi ħdan il-Kunsill;

I.

billi l-UE qed taħdem mal-Istati Membri tagħha biex issegwi Strateġija Ewropea koordinata dwar l-Impjiegi, li tinkoraġġixxi l-kooperazzjoni bejniethom, u li tappoġġja u tevalwa l-isforzi tagħhom, pereżempju permezz tas-Semestru Ewropew, il-linji gwida dwar l-impjieg u l-monitoraġġ tal-politiki nazzjonali permezz tar-Rapport Konġunt dwar l-Impjiegi, il-Programmi Nazzjonali ta’ Riforma, u r-rakkomandazzjonijiet speċifiċi għall-pajjiż;

J.

billi l-UE jeħtiġilha tikkontribwixxi għall-promozzjoni ta’ edukazzjoni ta’ kwalità, taħriġ vokazzjonali u politiki taż-żgħażagħ, kif ukoll aċċess għall-edukazzjoni għal kulħadd, billi tħeġġeġ lill-Istati Membri tagħha u, fejn meħtieġ, tappoġġja, tikkoordina u tikkomplementa l-azzjonijiet tagħhom;

K.

billi l-Pilastru Ewropew tad-Drittijiet Soċjali, approvat mill-Kunsill, mill-Parlament u mill-Kummissjoni fis-16 ta’ Novembru 2017, jenfasizza l-importanza tal-edukazzjoni, tat-taħriġ, tal-apprendiment tul il-ħajja, tal-opportunitajiet indaqs irrispettivament mill-ġeneru, mill-oriġini razzjali jew etnika, mir-reliġjon jew mit-twemmin, mid-diżabilità, mill-età jew mill-orjentazzjoni sesswali, l-appoġġ attiv fil-kisba tal-impjiegi u tal-kundizzjonijiet tax-xogħol ġusti, jissottolinja b’mod partikolari li ż-żgħażagħ għandhom id-dritt għal edukazzjoni ulterjuri, apprendistat, traineeship jew offerta ta’ impjieg ta’ pożizzjoni tajba fi żmien erba’ xhur minn meta jsiru qiegħda jew jitilqu mill-edukazzjoni, u jisħaq li t-tfal għandhom id-dritt għal edukazzjoni bikrija bi prezz raġonevoli;

L.

billi l-qafas ta’ abilitazzjoni taż-Żona Ewropea tal-Edukazzjoni ġie propost mill-Kummissjoni biex jieħu post il-qafas strateġiku għall-kooperazzjoni Ewropea fl-edukazzjoni u t-taħriġ (“ET 2020”) u biex ikompli jkun forum li jippermetti lill-pajjiżi parteċipanti jiskambjaw l-aħjar prattiki, jitgħallmu minn xulxin, jiġbru u jxerrdu l-għarfien, u jmexxu ’l quddiem ir-riformi tal-politika edukattiva fil-livelli nazzjonali u reġjonali; billi l-ET 2020 il-qafas il-ġdid għandu jkun ibbażat ukoll fuq approċċ ta’ apprendiment tul il-ħajja, li jindirizza l-eżiti mit-taħriġ vokazzjonali bikri tat-tfal sal-adulti u l-edukazzjoni għolja, u li jkopri l-apprendiment fl-oqsma kollha u f’kull forma (formali, mhux formali u informali);

M.

billi l-Kummissjoni bħalissa qed taħdem fuq proposta għal rakkomandazzjoni tal-Kunsill dwar l-apprendiment online u mill-bogħod għall-edukazzjoni primarja u sekondarja, li tiffoka fuq fehim komuni u mifrux mal-UE kollha dwar kif it-tagħlim mill-bogħod, online u mħallat isir effettiv, inklużiv u involut sa tmiem l-2021;

N.

billi bħalissa qed titħejja rakkomandazzjoni tal-Kunsill dwar il-fatturi abilitanti għall-edukazzjoni b’suċċess sal-2022;

O.

billi l-kriżi tal-COVID-19 wasslet għal bidla enormi u bla preċedent fil-metodi ta’ tagħlim, taħriġ u telexogħol online, li jirrikjedu soluzzjonijiet innovattivi ta’ apprendiment mill-bogħod u jrawmu trasformazzjoni diġitali pożittiva fit-tul, bir-riskju li disparitajiet kbar fl-aċċess għat-teknoloġija jistgħu jikkontribwixxu għal distakki fil-kisbiet fost l-istudenti u l-ħaddiema;

P.

billi l-istrateġija Ewropa 2020 għat-tkabbir, għall-impjiegi, għall-ekwità soċjali u għall-inklużjoni tenfasizza l-importanza li l-Istati Membri tal-UE jżidu l-investiment tagħhom fil-politiki tal-edukazzjoni u t-taħriġ fil-livelli kollha;

Q.

billi l-Kummissjoni bħalissa qed taħdem fuq proposta għal rakkomandazzjoni tal-Kunsill dwar it-titjib tal-forniment ta’ ħiliet diġitali fl-edukazzjoni u t-taħriġ, u qed tikkoopera mas-settur tan-negozju sabiex tidentifika u taġġorna l-ħtiġijiet tal-ħiliet hekk kif jitfaċċaw;

R.

billi d-diskrepanza persistenti bejn il-kwalifiki offruti mill-istituzzjonijiet akkademiċi u vokazzjonali, u d-domandi li qed jinbidlu malajr tas-suq tax-xogħol – ikkaratterizzati f’dawn l-aħħar snin mill-iżvilupp tat-teknoloġiji tal-informazzjoni u tal-komunikazzjoni u tas-settur terzjarju kollu kemm hu – jibqgħu sfida ewlenija għal xi Stati Membri tal-UE u, sa ċertu punt, għas-Sħab tal-Lvant;

S.

billi l-attivitajiet ta’ konsultazzjoni u ta’ kooperazzjoni regolari u sostanzjali fil-livelli nazzjonali, reġjonali u lokali, li jinvolvu lil partijiet ikkonċernati bħall-istituzzjonijiet tal-edukazzjoni u t-taħriġ, l-organizzazzjonijiet tas-soċjetà ċivili, in-negozji, is-sħab soċjali u l-aġenziji tal-impjieg u ż-żgħażagħ infushom, huma kruċjali biex titnaqqas din id-diskrepanza;

T.

billi fi ħdan l-arkitettura multilaterali riveduta tas-SL, il-Pjattaforma 4 (mobilità u kuntatti bejn il-persuni) taħdem biex iżżid il-parteċipazzjoni tal-pajjiżi tas-SL fil-programmi tal-UE f’oqsma bħall-edukazzjoni, ir-riċerka u l-innovazzjoni, u għandha l-għan li tagħti spinta lill-kooperazzjoni bejn l-awtoritajiet tal-edukazzjoni u t-taħriġ, l-istituzzjonijiet tal-edukazzjoni għolja, u li ttejjeb l-għarfien u trawwem l-iskambju tal-aħjar prattiki f’dawn l-oqsma;

U.

billi l-UE, l-Istati Membri tagħha u s-Sħab tal-Lvant tagħha jeħtiġilhom jiddefendu d-drittijiet taċ-ċittadini tagħhom għal edukazzjoni, apprendistati u traineeships ta’ kwalità, u għal opportunitajiet ġusti f’suq tax-xogħol inklużiv, sabiex ikunu jistgħu jikkontribwixxu min-naħa tagħhom għal ekonomija Ewropea kompetittiva u sostenibbli;

V.

billi l-Aġenda l-Ġdida għall-Ħiliet hija pjan ta’ ħames snin li se jgħin liċ-ċittadini tal-UE jiżviluppaw aktar ħiliet u ħiliet aħjar u jużawhom, u tippermettilhom isibu impjiegi ta’ kwalità u b’hekk isaħħu l-kompetittività sostenibbli, kif stabbilit fil-Patt Ekoloġiku Ewropew; billi l-aġenda se tiżgura wkoll opportunitajiet indaqs, tpoġġi fil-prattika l-ewwel prinċipju tal-Pilastru Ewropew tad-Drittijiet Soċjali (aċċess għall-edukazzjoni, it-taħriġ u l-apprendiment tul il-ħajja għal kulħadd, kullimkien fl-UE), u tibni reżiljenza biex tippermetti lill-Istati Membri tal-UE jirreaġixxu għall-kriżijiet, abbażi tat-tagħlimiet meħuda matul il-pandemija tal-COVID-19;

W.

billi l-pandemija tal-COVID-19 ġabet kaos fost il-familji, il-ħaddiema u n-negozji tal-Ewropa, u għalhekk tirrikjedi rispons mingħajr preċedent;

X.

billi l-UE teħtieġ trasformazzjoni tal-ħiliet fl-edukazzjoni u t-taħriġ vokazzjonali biex tiżgura li n-nies ikunu jistgħu jirnexxu matul it-tranżizzjonijiet ekoloġiċi u diġitali, u tiffaċilita l-irkupru tagħha mill-konsegwenzi soċjoekonomiċi tal-pandemija tal-COVID-19;

Y.

billi huwa essenzjali li l-Istati Membri tal-UE u l-gvernijiet tas-Sħab tal-Lvant tagħha jkejlu d-diskrepanza fil-ħiliet tal-forza tax-xogħol eżistenti tagħhom u mbagħad jinvestu ħafna biex jagħlquha;

Z.

billi dan l-irkupru jrid ikun ibbażat fuq il-Patt Ekoloġiku Ewropew, l-Aġenda Diġitali għall-Ewropa u l-Istrateġija Industrijali l-Ġdida għall-Ewropa, sabiex l-ekonomiji tal-Istati Membri joħorġu mill-kriżi tal-COVID-19 aktar b’saħħithom, aktar reżiljenti, aktar sostenibbli u aktar kompetittivi, u jistgħu jmexxu t-tranżizzjonijiet doppji lejn in-newtralità klimatika u t-tmexxija diġitali;

1.

Tfakkar li d-Dikjarazzjoni Konġunta tas-Summit tas-Sħubija tal-Lvant tal-24 ta’ Novembru 2017 enfasizzat l-impenn tal-parteċipanti li jinvolvu ruħhom bis-sħiħ mas-sħab kollha fl-immodernizzar tas-sistemi tal-edukazzjoni u t-taħriġ, tar-riċerka u tal-innovazzjoni u li jiffukaw fuq l-appoġġ u l-għoti tas-setgħa liż-żgħażagħ;

2.

Tistieden lill-UE, lill-Istati Membri tagħha u lis-Sħab tal-Lvant tagħha jaħdmu flimkien lejn ekonomiji reżiljenti, sostenibbli u integrati, jiġifieri billi jżidu l-investiment tagħhom fin-nies, b’enfasi speċjali fuq iż-żgħażagħ, u billi jgħaqqdu aħjar l-edukazzjoni, ir-riċerka u l-innovazzjoni mal-ħtiġijiet tas-settur tan-negozju;

3.

Tħeġġeġ lill-UE, lill-Istati Membri tagħha u lis-Sħab tal-Lvant tagħha jżidu l-isforzi tagħhom biex isegwu erba’ objettivi komuni, f’konformità mal-prijoritajiet stabbiliti fl-ET 2020 u biex jiġu żviluppati aktar fil-qafas ta’ abilitazzjoni taż-Żona Ewropea tal-Edukazzjoni: l-apprendiment tul il-ħajja u l-mobilità jsiru realtà, jittejbu l-kwalità u l-effiċjenza tal-edukazzjoni u t-taħriġ, jiġu promossi l-ekwità, il-valuri demokratiċi, il-koeżjoni soċjali u ċ-ċittadinanza attiva, u jissaħħu l-kreattività u l-innovazzjoni, inkluż l-intraprenditorija, fil-livelli kollha tal-edukazzjoni u t-taħriġ;

4.

Tinsisti li kulħadd fl-Ewropa għandu jkollu aċċess għal programmi ta’ apprendiment tul il-ħajja attraenti, innovattivi u inklużivi, waħda mir-raġunijiet hija li l-ħiliet qed isiru obsoleti aktar malajr, li jtejjeb l-opportunitajiet tal-ħajja tal-istudenti u jistabbilixxi l-bażi għal ċittadinanza attiva, mobilità soċjali u soċjetà aktar ġusta;

5.

Tisħaq li politiki dwar l-edukazzjoni u l-apprendiment tul il-ħajja kkalibrati tajjeb għandhom rwol ċentrali fl-allinjament aħjar tal-ħiliet tal-forza tax-xogħol mal-ħtiġijiet tal-ekonomija, u li n-nies mgħammra bil-ħiliet verament meħtieġa fis-suq tax-xogħol huma marbuta li jkollhom opportunitajiet ta’ impjieg aħjar; tinnota li l-aċċess għal edukazzjoni ta’ kwalità għal kulħadd, inkluża l-edukazzjoni vokazzjonali, huwa kruċjali għall-edukazzjoni tal-adulti u għall-apprendiment tal-ħiliet bħala parti minn approċċ ta’ apprendiment tul il-ħajja; tisħaq li l-involviment tal-mexxejja tal-iżvilupp tal-edukazzjoni, tan-negozju u tal-forza tax-xogħol huwa kruċjali biex jinħoloq qafas għal kif il-pajjiżi jistgħu jallinjaw b’mod aktar effettiv is-sistemi edukattivi u l-ħtiġijiet tas-suq tax-xogħol lokali;

6.

Tisħaq fuq l-importanza tal-kontinwazzjoni tal-Istrument Ewropew ta’ Viċinat (ENI) mill-istrument il-ġdid tal-NDICI, inkluża l-allokazzjoni ta’ mill-inqas EUR 19.2-il biljun għall-proġetti tal-Viċinat tal-Lvant, għall-perjodu 2021-2027;

7.

Tinsisti li jridu jiġu promossi bir-reqqa riformi edukattivi permezz tal-implimentazzjoni ta’ programmi ewlenin, bħal Erasmus+, Ewropa Kreattiva u Orizzont Ewropa, sabiex jiġu evitati nuqqasijiet futuri bejn is-sistemi edukattivi u d-domanda għas-suq tax-xogħol fl-Istati tas-SL;

8.

Tistieden lill-UE, lill-Istati Membri tagħha u lis-Sħab tal-Lvant tagħha jsaħħu l-kuntatti bejn il-persuni u jirrikonoxxu l-importanza tal-mobilità transfruntiera fl-ambitu tal-programm tal-Pjattaforma tas-SL 4 “Mobilità u kuntatti bejn il-persuni”;

9.

Tisħaq fuq l-importanza li jiġu promossi l-multilateraliżmu, il-prijoritajiet strateġiċi u l-kisba ta’ impenji u objettivi internazzjonali ewlenin li jikkonċernaw it-tibdil fil-klima, inklużi l-Għanijiet ta’ Żvilupp Sostenibbli, l-Aġenda 2030 u l-Ftehim ta’ Pariġi;

10.

Tiddeplora l-aspettattiva li t-teknoloġiji diġitali għall-edukazzjoni u t-taħriġ ġeneralment se jtejbu s-sinerġija bejn l-ekonomija u l-edukazzjoni, u li l-investimenti fit-teknoloġiji tal-informazzjoni u tal-komunikazzjoni mill-istituzzjonijiet tal-edukazzjoni u t-taħriġ se jwasslu għal riżultati pożittivi; tissottolinja l-ħtieġa li l-ICTs jiġu integrat fil-proċessi tat-tagħlim u tal-apprendiment u li l-edukazzjoni tiġi mfassla mill-ġdid mit-trażmissjoni tal-għarfien għall-ħolqien konġunt tal-għarfien; dan għandu jinkludi firxa wiesgħa ta’ trasformazzjonijiet inkluż awtonomija mtejba tal-iskejjel u tal-għalliema; l-introduzzjoni ta’ forom ibridi ġodda ta’ apprendiment kif ukoll riformi sostanzjali fil-valutazzjoni tal-istudenti filwaqt li dejjem tingħata prijorità lill-apprendiment in persona minħabba li l-iskejjel jiżguraw rwol pastorali li ma jistax jiġi rreplikat online;

11.

Tisħaq fuq il-ħtieġa li l-pajjiżi tas-SL itejbu l-kwalità tas-sistemi edukattivi tagħhom, b’mod partikolari billi jħarrġu mill-ġdid lill-għalliema u billi jimmodernizzaw is-sistema tal-edukazzjoni biex jagħmluha adatta għall-era diġitali; tfaħħar lill-Georgia talli qiegħda turi t-triq f’dan ir-rigward, permezz tal-Pjan ta’ Riforma tal-Edukazzjoni tagħha għall-2018-2023 li għandu l-għan li jallinja s-sistema edukattiva tal-Georgia mal-istandards Ewropej, b’enfasi speċjali mqiegħda fuq l-iskejjel sekondarji u ċ-ċentri ta’ taħriġ vokazzjonali;

12.

Tistieden lill-UE, lill-Istati Membri tagħha u lis-Sħab tal-Lvant tagħha jsaħħu l-istrateġiji tagħhom u jżidu l-investimenti tagħhom fis-sistemi tal-edukazzjoni u tat-taħriġ, sabiex jipprovdu edukazzjoni bi prestazzjoni għolja, aċċessibbli u inklużiva, inklużi l-edukazzjoni u t-taħriġ vokazzjonali, l-apprendiment tul il-ħajja, it-titjib tal-ħiliet u t-taħriġ mill-ġdid, b’enfasi b’mod partikolari fuq l-għoti ta’ appoġġ effettiv lill-ħaddiema u lill-persuni qiegħda, u l-użu sħiħ tal-opportunitajiet offruti mit-teknoloġiji tal-informazzjoni u tal-komunikazzjoni inkluża enfasi fuq il-benefiċċji tal-ekonomija ċirkolari, filwaqt li jitqiesu r-rekwiżiti ta’ kompetenza diġitali u ekoloġika;

13.

Tistieden lill-UE, lill-Istati Membri tagħha u lis-Sħab tal-Lvant tagħha jsegwu dawn l-objettivi billi jipprovdu infrastruttura, konnettività u tagħmir diġitali aħjar, billi jħarrġu lill-għalliema biex jilqgħu t-teknoloġija u japplikaw metodoloġiji diġitali, u jippromwovu kontenut ta’ apprendiment tal-ogħla kwalità, għodod faċli għall-utent u pjattaformi siguri li jirrispettaw il-privatezza u l-istandards etiċi u jsaħħu r-reżiljenza lejn iċ-ċibertheddid;

14.

Tinnota li l-edukazzjoni u l-mobilità għall-apprendiment irawmu l-iżvilupp ta’ kompetenzi u esperjenzi ewlenin li huma kruċjali għall-parteċipazzjoni attiva fis-suq tax-xogħol u fis-soċjetà b’mod ġenerali, u tenfasizza l-importanza tar-rikonoxximent reċiproku tad-diplomi sabiex tissaħħaħ din il-mobilità; tissottolinja f’dan ir-rigward li Erasmus+ (2014-2020), programm emblematiku tal-UE fl-oqsma tal-edukazzjoni, it-taħriġ, iż-żgħażagħ u l-isport, kien kontributur ewlieni għall-ET 2020, peress li pprovda opportunitajiet lil aktar minn erba’ miljun Ewropew biex jistudjaw, jitħarrġu u jiksbu esperjenza barra mill-pajjiż, u għalhekk għamel il-prinċipju tat-apprendiment tul il-ħajja realtà; tistieden lill-Kummissjoni tesplora modi kif iżżid l-involviment tal-istudenti u l-ħaddiema żgħażagħ mill-pajjiżi tas-SL fi proġetti ta’ mobilità bbażati fl-UE, inklużi attivitajiet ta’ volontarjat;

15.

Tinnota li l-evalwazzjoni ta’ nofs it-terminu tal-programm Erasmus+ enfasizzat l-impatt pożittiv tal-mobilità fuq il-kunfidenza, l-indipendenza, l-integrazzjoni soċjali u l-integrazzjoni sussegwenti tal-istudenti fis-suq tax-xogħol, u kkontribwiet għall-ħolqien ta’ sens ta’ identità Ewropea; tisħaq fuq l-importanza ta’ aktar kuntatti bejn in-nies, tagħlim reċiproku bejn ir-riċevituri tal-Istati Membri u s-Sħab tal-Lvant tagħha, u żieda fl-iskambji kulturali reċiproċi, miksuba permezz ta’ użu usa’ tal-programm Erasmus+;

16.

Tinnota li l-Istrument għall-Assistenza ta’ Qabel l-Adeżjoni jrid jipprovdi mhux biss appoġġ finanzjarju iżda wkoll qafas ċar ta’ politiki soċjali, tal-impjieg u tal-integrazzjoni fis-suq tax-xogħol biex is-sħab jitħejjew għal sħubija futura tal-Unjoni Ewropea u jiġi appoġġjat il-proċess ta’ adeżjoni tagħhom;

17.

Tinsisti li, f’kuntest ta’ ambjenti ta’ edukazzjoni, taħriġ u impjieg globalizzati, huwa essenzjali li ż-żgħażagħ ikunu jistgħu jagħmlu l-aħjar użu possibbli mill-opportunitajiet kollha ta’ apprendiment madwar l-Ewropa; tilqa’, għalhekk, il-proposta tal-Kummissjoni li l-baġit għall-programm suċċessur tal-Erasmus+ għall-perjodu 2021-2027 – Erasmus – jiġi rduppjat għal EUR 30 biljun u li se jkun hemm enfasi akbar fuq l-inklużjoni ta’ persuni b’anqas opportunitajiet;

18.

Tistieden lill-UE, lill-Istati Membri tagħha u lis-Sħab tal-Lvant tagħha jżidu l-isforzi tagħhom biex jgħinu lill-adulti b’livell baxx ta’ ħiliet jiksbu livell minimu ta’ litteriżmu, numeriżmu u ħiliet diġitali, pereżempju permezz ta’ inċentivi finanzjarji mmirati u opportunitajiet ta’ apprendiment modulari biex tiġi mħeġġa l-parteċipazzjoni fit-taħriġ;

19.

Tistieden lill-UE, lill-Istati Membri tagħha u lis-Sħab tal-Lvant tagħha jipprovdu assistenza fil-proġetti tal-istrument ta’ Ġemellaġġ billi jipprovdu għarfien espert pubbliku kemm mill-amministrazzjoni pubblika fl-Istati tas-SL, filwaqt li jimplimentaw attivitajiet li jinkludu workshops, sessjonijiet ta’ taħriġ, missjonijiet ta’ esperti, żjarat ta’ studju, internships u konsulenza biex titħejja forza tax-xogħol b’ħiliet f’diversi oqsma, b’mod partikolari f’ekonomiji diġitali, ċirkolari u ekoloġiċi;

20.

Tistieden lill-UE, lill-Istati Membri tagħha u lis-Sħab tal-Lvant tagħha joħolqu programmi tas-SL immirati f’universitajiet speċjalizzati u pjattaforma edukattiva elettronika għal korsijiet ta’ taħriġ online ffukati fuq il-valuri Ewropej u l-istat tad-dritt, il-governanza tajba, l-amministrazzjoni pubblika u l-qerda tal-korruzzjoni fil-pajjiżi tas-SL;

21.

Tappoġġja t-tisħiħ tal-kooperazzjoni akkademika u edukattiva fost il-pajjiżi tal-UE u tas-SL, inklużi l-kooperazzjoni intra-SL u l-istabbiliment ta’ ċentri reġjonali ta’ appoġġ għall-eċċellenza akkademika u tar-riċerka fir-reġjun;

22.

Tistieden lill-UE, lill-Istati Membri tagħha u lis-Sħab tal-Lvant tagħha janalizzaw u jaqsmu l-aħjar prattiki dwar kif jimmaniġġjaw il-moviment ta’ ħaddiema b’livell għoli ta’ ħiliet u kwalifikati bejn il-pajjiżi, u b’hekk jistabbilixxu l-kundizzjonijiet għal “fluss ta’ mħuħ” ibbilanċjat tajjeb, u l-prevenzjoni tat-telf ta’ forza tax-xogħol żagħżugħa u edukata b’effett detrimentali għat-tkabbir ekonomiku u għall-iżvilupp tal-pajjiżi ta’ oriġini tagħhom;

23.

Tħeġġeġ lill-Kummissjoni taħdem mal-Istati Membri tal-UE u mal-pajjiżi tas-SL biex jintlaħqu l-miri stabbiliti fl-ET 2020, jiġifieri li mill-anqas 95 % tat-tfal ikollhom aċċess għall-edukazzjoni bikrija tat-tfal, li anqas minn 10 % tat-tfal jitilqu mill-edukazzjoni u mit-taħriġ kmieni, li s-sehem tal-gradwati fl-edukazzjoni għolja jiżdied għal mill-anqas 40 % ta’ dawk ta’ bejn it-30 u l-34 sena, li mill-anqas 15 % tal-adulti ta’ bejn il-25 u l-64 sena jipparteċipaw fl-apprendiment tul il-ħajja fi kwalunkwe ħin partikolari, li mill-anqas 20 % tal-gradwati fl-edukazzjoni għolja u 6 % ta’ dawk ta’ bejn it-18 u l-34 sena bi kwalifika vokazzjonali inizjali kellhom iqattgħu xi żmien jistudjaw jew jitħarrġu barra minn pajjiżhom, u li mill-anqas 82 % tal-gradwati tal-edukazzjoni sekondarja għolja jew għolja ta’ bejn l-età ta’ 20 u 34 sena li telqu mill-edukazzjoni bejn sena u tliet snin ilu jkunu qed jaħdmu;

24.

Tinnota b’sodisfazzjon li l-pajjiżi kollha tas-SL irnexxielhom jirreġistraw lit-tfal fl-iskejjel u jżommuhom fl-edukazzjoni, minkejja l-isfidi ekonomiċi;

25.

Tistieden lill-UE, lill-Istati Membri tagħha u lis-Sħab tal-Lvant tagħha biex jissalvagwardjaw il-libertà akkademika bħala parti mill-implimentazzjoni tal-proċess ta’ Bolonja u f’konformità mal-Karta Ewropea tad-Drittijiet Fundamentali; tfakkar f’dan ir-rigward li l-attivitajiet tal-edukazzjoni għolja jeħtieġu mudell regolatorju għall-awtonomija istituzzjonali;

26.

Tistieden lill-UE, lill-Istati Membri tagħha u lis-Sħab tal-Lvant tagħha jtejbu l-ħiliet u l-kompetenzi diġitali bażiċi minn età bikrija, u jiżviluppaw kurrikuli attraenti tal-edukazzjoni għolja li jipproduċu aktar speċjalisti diġitali, filwaqt li jiżguraw li tingħata attenzjoni speċjali lill-opportunitajiet indaqs u lill-bilanċ bejn il-ġeneri fl-istudji u fil-karrieri diġitali;

27.

Tistieden lill-UE, lill-Istati Membri tagħha u lis-Sħab tal-Lvant tagħha jagħtu attenzjoni speċjali lill-ħtiġijiet ta’ gruppi żvantaġġjati, iddiskriminati u emarġinati fl-edukazzjoni filwaqt li jiżguraw ukoll li ma jkunux esklużi b’mod doppju fl-ambjent tat-tagħlim online;

28.

Tissottolinja l-ħtieġa li jiġi żgurat id-dritt għall-edukazzjoni f’sitwazzjonijiet u f’żoni ta’ kunflitt u tenfasizza f’dan ir-rigward il-ħtieġa li jiġu ssalvagwardjati l-iskejjel peress li għandhom jipprovdu spazju sikur fejn it-tfal jistgħu jiġu protetti minn theddid u kriżijiet; tinnota li l-edukazzjoni hija pass kritiku fit-tkissir taċ-ċiklu tal-kriżi u tnaqqas il-probabbiltà ta’ kunflitti futuri;

29.

Tistieden lill-UE, lill-Istati Membri tagħha u lis-Sħab tal-Lvant tagħha jnaqqsu d-differenzi bejn il-ġeneri u jippromwovu tagħlim aktar sensittiv għall-ġeneru fl-iskejjel, f’konformità mal-Istrateġija l-ġdida għall-Ugwaljanza bejn il-Ġeneri 2020-2025, sabiex jippromwovu kultura ugwali tal-ġeneri fuq il-post tax-xogħol u jgħinu fil-ġlieda kontra kull forma ta’ diskriminazzjoni, inkluż l-istereotipizzazzjoni tal-ġeneru;

30.

Tenfasizza l-importanza ta’ kooperazzjoni aktar b’saħħitha fil-livell Ewropew fit-tagħlim mill-kriżi tal-COVID-19, li matulha t-teknoloġija ntużat fuq skala mingħajr preċedent fl-edukazzjoni, fit-taħriġ u fix-xogħol, biex b’hekk timmarka mument definit, li jibdel b’mod sinifikanti x-xenarju edukattiv; tissottolinja li din il-kriżi waslet għal lakuni fl-aċċess għall-Internet u opportunitajiet online aktar skarsi, iżda hija wkoll opportunità biex is-sistemi tal-edukazzjoni u t-taħriġ isiru adatti għall-era diġitali, f’konformità mal-Pjan ta’ Azzjoni għall-Edukazzjoni Diġitali tal-2021-2027;

31.

Tisħaq li kwalunkwe teknoloġija għandha tkun komplementari għal “tradizzjonali” u fit-tagħlim in pesona, u tindika l-problemi li ħafna nies, b’mod partikolari t-tfal, esperjenzaw minħabba li ma setgħux isegwu l-iskola online minħabba nuqqas ta’ aċċess għall-elettriku, għall-Internet jew għal kompjuter, kif ukoll minħabba l-ħiliet diġitali meħtieġa;

32.

Tistieden lill-UE, lill-Istati Membri tagħha u lis-Sħab tal-Lvant tagħha jżidu s-sinerġiji u l-koordinazzjoni bejn il-partijiet ikkonċernati rilevanti – bħall-atturi tas-soċjetà ċivili, l-assoċjazzjonijiet tal-impjegaturi, it-trade unions, is-sħab soċjali, l-istituzzjonijiet akkademiċi, iċ-ċentri ta’ taħriġ u l-aġenziji tal-impjiegi – u jinvolvuhom fit-tfassil u fl-implimentazzjoni tal-miżuri rispettivi tagħhom, sabiex jiġu identifikati u jingħalqu l-lakuni bejn il-ħtiġijiet tas-swieq tax-xogħol tagħhom, u l-kwalifiki akkademiċi u l-ħiliet vokazzjonali offruti mis-sistemi tal-edukazzjoni u tat-taħriġ tagħhom;

33.

Tenfasizza l-fatt li l-Fond Ewropew għad-Demokrazija (EED) u l-Istrument Ewropew għad-Demokrazija u d-Drittijiet tal-Bniedem (EIDHR), għandhom rwol importanti fil-pajjiżi tas-SL billi jipprovdu liż-żgħażagħ l-għodod u l-għarfien biex jinvolvu ruħhom f’attivitajiet ċiviċi u joħolqu futur aħjar għalihom infushom u għall-pajjiżi tagħhom; titlob lill-Kummissjoni, lis-SEAE, lill-Istati Membri u lis-Sħab tal-Lvant jappoġġjaw il-ħidma tal-EED u tal-EIDHR, u jagħmlu użu sħiħ mill-potenzjal għall-kooperazzjoni u s-sinerġiji mas-sħab tal-Lvant dwar l-aspett tal-edukazzjoni demokratika;

34.

Tissottolinja li l-kooperazzjoni mill-qrib bejn il-fornituri tal-edukazzjoni u t-taħriġ u s-settur tan-negozju hija kruċjali biex is-sistemi tal-edukazzjoni u t-taħriġ tagħna jibqgħu validi fil-futur; tfakkar li t-tranżizzjonijiet effettivi mill-iskola għax-xogħol jiddependu minn impenn qawwi bejn l-istituzzjonijiet tan-negozju u tal-edukazzjoni għolja biex jadattaw il-kurrikuli, jipprovdu internships u mentorships filwaqt li dejjem jippreservaw l-awtonomija tal-istituzzjonijiet tal-edukazzjoni u t-taħriġ; tinkoraġġixxi l-promozzjoni ta’ sħubijiet pubbliċi-privati biex iż-żgħażagħ jiġu mħarrġa u jikkomunikaw l-aspettattivi tal-impjegaturi dwar il-ħiliet tal-forza tax-xogħol futura;

35.

Tistieden lill-Kummissjoni tesplora modi possibbli li bihom l-Istati Membri tal-UE u s-Sħab tal-Lvant tagħhom jistgħu jintegraw l-intraprenditorija fl-edukazzjoni minn età bikrija u jtejbu l-appoġġ għall-imprendituri żgħażagħ;

36.

Tissottolinja li l-modernizzazzjoni tas-sistemi tal-edukazzjoni u t-taħriġ tal-pajjiżi tas-SL se ġġib benefiċċji tanġibbli għaċ-ċittadini tagħhom – f’konformità mal-prinċipji sottostanti tal-Politika ta’ Sħubija tal-Lvant – il-prevenzjoni tat-telf ta’ kapital intellettwali, u t-trawwim tar-reżiljenza ekonomika;

37.

Tinnota li klima kummerċjali favorevoli, b’regolamenti intelliġenti, trasparenti, ċari u prevedibbli u b’burokrazija minima, hija indispensabbli għall-promozzjoni tal-intraprenditorija, tan-negozji ġodda u tal-innovazzjoni, filwaqt li l-ġlieda kontra l-korruzzjoni u l-protezzjoni tal-kompetizzjoni tista’ tipprovdi l-opportunitajiet ekonomiċi tant meħtieġa għall-imprendituri żgħażagħ emerġenti;

38.

Tistieden lill-Kummissjoni jkollha rwol aktar proattiv fl-identifikazzjoni, fil-kondiviżjoni u fl-espansjoni ta’ prattiki tajbin fil-qasam tal-edukazzjoni diġitali, u fit-trawwim tal-kooperazzjoni bejn il-partijiet ikkonċernati kollha fil-livelli nazzjonali, reġjonali u lokali billi toħloq Ċentru Ewropew għall-Edukazzjoni Diġitali ġdid;

39.

Tissottolinja l-ħtieġa li jitnieda proġett pilota mmirat lejn il-ħolqien ta’ Ċentru għax-Xjenza Miftuħa u l-Innovazzjoni tas-Sħubija tal-Lvant, network ta’ ċentri tematiċi ta’ kompetenza li jinsabu f’kull pajjiż tas-SL biex jipprovdu appoġġ u servizzi ta’ riċerka u innovazzjoni;

40.

Tinnota li, filwaqt li l-Istati Membri tal-UE jżommu primarjament ir-responsabbiltà għas-sistemi tal-edukazzjoni u t-taħriġ tagħhom, l-UE nnifisha diġà għandha rwol ewlieni billi tappoġġja u tissupplimenta l-isforzi tagħhom, b’mod partikolari permezz taċ-Ċentru Ewropew għall-Iżvilupp tat-Taħriġ Vokazzjonali (Cedefop);

41.

Tistieden lill-Kummissjoni timmonitorja aktar mill-qrib l-effetti tal-fondi tal-UE fuq iż-żgħażagħ u tintegra l-kunsiderazzjonijiet taż-żgħażagħ fil-baġit u fil-politika makroekonomika tal-UE;

42.

Tħeġġeġ lill-Kummissjoni u lill-pajjiżi kollha li jipparteċipaw fiż-Żona Ewropea tal-Edukazzjoni Għolja jżidu l-isforzi tagħhom biex, sal-2025, jiksbu rikonoxximent awtomatiku u reċiproku tad-diplomi tal-edukazzjoni għolja u tal-edukazzjoni sekondarja għolja kif ukoll l-eżiti tal-perjodi ta’ apprendiment barra mill-pajjiż, f’konformità mar-rakkomandazzjoni tal-Kunsill tas-26 ta’ Novembru 2018, u b’hekk ikompli jkun hemm żvilupp fil-progress li diġà sar f’fora oħra, b’mod partikolari l-proċess ta’ Bolonja u l-Konvenzjoni ta’ Rikonoxximent ta’ Lisbona; tistieden lill-pajjiżi parteċipanti kollha biex, madwar l-Ewropa, inaqqsu l-ostakli għall-apprendiment u jippromwovu edukazzjoni u taħriġ innovattivi u inklużivi għal kulħadd, biex b’hekk iż-Żona Ewropea tal-Edukazzjoni għolja ssir realtà;

43.

Tħeġġeġ lill-UE, lill-Istati Membri tagħha u lis-Sħab tal-Lvant tagħha jirrispettaw id-dispożizzjonijiet tal-Konvenzjoni dwar ir-Rikonoxximent tal-Kwalifiki dwar l-Edukazzjoni Għolja fir-Reġjun Ewropew (il-Konvenzjoni ta’ Lisbona), b’kunsiderazzjoni xierqa tal-awtorità kompetenti ta’ Stat Parti għal din il-Konvenzjoni filwaqt li tirrikonoxxi d-diplomi tal-edukazzjoni għolja fi ħdan Erasmus+ u programmi edukattivi oħra, kif ukoll fil-kooperazzjoni bilaterali tagħhom;

44.

Tistieden lill-UE tkompli tespandi l-appoġġ tagħha għaż-żgħażagħ fil-Viċinat tal-Lvant, filwaqt li żżid il-finanzjament minn EUR 75 miljun għall-perjodu 2014-2016 għal EUR 340 miljun għall-perjodu 2017-2020, fl-ambitu tal-pakkett dwar l-Edukazzjoni u ż-Żgħażagħ, li għandu l-għan li joħloq il-kundizzjonijiet meħtieġa biex iż-żgħażagħ jistudjaw, jitħarrġu, jaħdmu u jinvolvu ruħhom fis-soċjetà; tistieden lill-UE tkompli ttejjeb l-appoġġ tagħha f’dan ir-rigward;

45.

Tilqa’ l-ftuħ tal-ewwel skola Ewropea tas-Sħubija tal-Lvant f’Settembru 2018 f’Tbilisi; tfakkar li, bħala wieħed mill-“20 Riżultat tanġibbli għas-Sħubija tal-Lvant għall-2020”, din l-iskola emblematika tipprovdi lill-istudenti mis-sitt pajjiżi kollha tas-SL bi programm innovattiv li huwa rikonoxxut madwar id-dinja; tistieden lill-UE tikkunsidra li tiftaħ skejjel simili f’pajjiżi oħra tas-SL;

46.

Tistieden lill-UE, lill-Istati Membri tagħha u lis-Sħab tal-Lvant tagħha jżidu l-isforzi tagħhom biex jisfruttaw il-potenzjal sħiħ ta’ sinerġiji effettivi bejn l-edukazzjoni u l-ekonomija billi jużaw il-prinċipji ta’ gwida stabbiliti fid-dikjarazzjonijiet tas-SL (COM(SWD(2020)56) jiġifieri d-Demokrazija, il-Governanza tajba u l-Istabbiltà; biex joħolqu inizjattivi dwar l-edukazzjoni kulturali u demokratika bil-għan li jagħtu spinta lill-mobilità u lill-kuntatti bejn il-persuni; u jiksbu soċjetajiet aktar b’saħħithom permezz ta’ żvilupp sostenibbli, soċjali u ekonomiku;

47.

Tilqa’ l-“Aġenda l-ġdida għall-Ħiliet għall-Ewropa għall-kompetittività sostenibbli, il-ġustizzja soċjali u r-reżiljenza”, peress li tikkontribwixxi għat-twettiq tal-Pilastru Ewropew tad-Drittijiet Soċjali u b’mod partikolari l-ewwel prinċipju, li jnaqqax id-dritt għal edukazzjoni, taħriġ u apprendiment tul il-ħajja kwalitattivi u inklużivi, u li hija ankrata sew ukoll fil-Patt Ekoloġiku Ewropew, fl-Istrateġija Diġitali l-ġdida tal-UE u fl-Istrateġiji Industrijali u tal-SMEs il-ġodda tal-UE, li se jirnexxu biss jekk il-ħaddiema jkollhom il-ħiliet rilevanti;

48.

Tinnota li l-Pjan ta’ Azzjoni ġdid dwar l-Ekonomija Ċirkolari u l-Istrateġija tal-UE għall-Bijodiversità għall-2030 jirrimarkaw ukoll ir-rwol vitali tal-ħiliet fit-tranżizzjoni lejn ekonomija ekoloġika; tilqa’ l-proposti tal-Kummissjoni għall-azzjoni biex tissaħħaħ it-tranżizzjoni ekoloġika fl-edukazzjoni;

49.

Tesprimi dispjaċir għall-fatt li r-rati ta’ qgħad fit-tul attwali u ċ-ċifri tal-qgħad fost iż-żgħażagħ għadhom ta’ sfida f’għadd ta’ Stati Membri tal-UE u pajjiżi tas-SL; tisħaq fuq l-importanza li jinħolqu aktar impjiegi ta’ kwalità għaż-żgħażagħ; tinnota li dan huwa partikolarment ta’ sfida fil-kuntest tal-motivaturi strutturali tal-bidla bħalma huma l-innovazzjonijiet teknoloġiċi u l-globalizzazzjoni, li joħolqu kemm opportunitajiet kif ukoll sfidi fil-qasam tax-xogħol; tissottolinja li l-konsegwenzi mill-pandemija tal-COVID-19, li huwa stmat li jikkawżaw tnaqqis fil-PDG tal-UE b’aktar minn 7 % fl-2020 u li r-rata tal-qgħad tilħaq id-9 %, se jitolbu politiki attivi tas-suq tax-xogħol saħansitra aktar b’saħħithom milli f’ċirkostanzi normali;

50.

Tinnota li l-pandemija tal-COVID-19 aċċellerat it-tranżizzjoni diġitali u tat motivazzjoni għar-reviżjoni tas-sostenibbiltà u l-effiċjenza tal-mudell tal-edukazzjoni; tinnota li, filwaqt li t-telexogħol u l-apprendiment mill-bogħod saru realtà għal għexieren ta’ miljuni ta’ persuni madwar l-Ewropa, il-limitazzjonijiet tat-tħejjija diġitali tagħna spiss inkixfu, id-diskrepanza fil-ħiliet diġitali ġiet enfasizzata u tfaċċaw inugwaljanzi ġodda, madankollu, il-pandemija għenitna nerġgħu nikkunsidraw it-tħejjija diġitali tagħna billi indikat l-affarijiet li jridu jissaħħu mill-ġdid fil-qasam diġitali;

51.

Tissottolinja li issa, l-UE qiegħdet is-sisien għat-tranżizzjoni għal aġenda ġdida dwar il-ħiliet, u minkejja dan għandha tipprovdi qafas ċar għall-impjiegi biex jixpruna t-tranżizzjoni doppja, jiġi żgurat l-irkupru mill-impatt soċjoekonomiku tal-pandemija tal-COVID-19, tissaħħaħ il-kompetittività sostenibbli, tiġi żgurata d-deċenza, l-opportunitajiet indaqs u tinbena r-reżiljenza tal-UE;

52.

Tinsisti fuq it-tisħiħ tal-iżvilupp ekonomiku u soċjali inkluż permezz ta’ aktar konnettività u żvilupp reġjonali, ta’ politiki ta’ agrikoltura u żvilupp rurali, ta’ politiki soċjali u tal-impjiegi, billi jkun immirat li tissaħħaħ il-protezzjoni tal-ambjent, tiżdied ir-reżiljenza għat-tibdil fil-klima, tiġi aċċellerata l-bidla lejn ekonomija b’livell baxx ta’ emissjonijiet ta’ karbonju u tiġi żviluppata ekonomija u soċjetà diġitali;

—

wara li kkunsidrat il-Konklużjonijiet tal-Kunsill dwar il-politika tas-Sħubija tal-Lvant lil hinn mill-2020 approvati fil-11 ta’ Mejju 2020;

—

wara li kkunsidrat il-Komunikazzjoni Konġunta tal-Kummissjoni Ewropea u tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà tat-18 ta’ Marzu 2020 bit-titolu “Il-politika tas-Sħubija tal-Lvant lil hinn mill-2020: It-Tisħiħ tar-Reżiljenza - Sħubija tal-Lvant li tikseb riżultati għal kulħadd”;

—

wara li kkunsidrat id-dokument “20 Riżultat Tanġibbli għall-2020” approvat mis-Summit tas-Sħubija tal-Lvant fi Brussell f’Novembru 2017;

—

wara li kkunsidrat il-Ftehim ta’ Pariġi dwar it-Tibdil fil-Klima ratifikat mill-Unjoni Ewropea, li l-pajjiżi tas-Sħubija tal-Lvant huma wkoll firmatarji tiegħu;

—

wara li kkunsidrat il-Ftehimiet ta’ Assoċjazzjoni bejn l-UE u l-Georgia, il-Moldova u l-Ukrajna, b’mod partikolari d-dispożizzjonijiet dwar il-kooperazzjoni fl-enerġija;

—

wara li kkunsidrat il-Ftehim ta’ Sħubija Komprensiv u Msaħħaħ (CEPA) bejn l-UE u l-Armenja, b’mod partikolari d-dispożizzjonijiet dwar il-kooperazzjoni fl-enerġija;

—

wara li kkunsidrat it-Trattat li Jistabbilixxi l-Komunità tal-Enerġija, li t-tliet pajjiżi assoċjati tagħhom huma partijiet kontraenti u osservaturi tal-Armenja;

—

wara li kkunsidrat il-Ftehim ta’ Sħubija u Kooperazzjoni (FSK) bejn l-UE u l-Ażerbajġan, b’mod partikolari d-dispożizzjonijiet dwar l-enerġija, u n-negozjati li għaddejjin dwar ftehim imsaħħaħ;

—

wara li kkunsidrat il-ħidma tal-Pjattaforma tas-Sħubija tal-Lvant 3 – “Konnettività, effiċjenza enerġetika, l-ambjent u t-tibdil fil-klima”, u b’mod partikolari l-Bord dwar l-Enerġija;

—

wara li kkunsidrat ir-riżoluzzjoni tal-Assemblea Parlamentari Euronest tad-9 ta’ Diċembru 2019 dwar “il-futur tal-Istrateġija Trio Plus 2030: nibnu l-futur tas-Sħubija tal-Lvant”;

A.

billi s-sigurtà tal-enerġija hija element fundamentali tas-sigurtà nazzjonali kemm tal-Istati Membri tal-UE kif ukoll tal-pajjiżi sħab tal-Lvant; billi ż-żieda fil-konnettività, il-kapaċitajiet domestiċi tal-enerġija rinnovabbli u l-effiċjenza enerġetika huma kruċjali sabiex tissaħħaħ is-sigurtà tal-enerġija u tiġi limitata d-dipendenza mill-importazzjonijiet minn fornituri dominanti u titrawwem l-istabbiltà soċjali, ekonomika u politika fir-reġjun;

B.

billi l-Unjoni Ewropea minn dejjem uriet interess fil-ħolqien ta’ relazzjonijiet bilaterali u multilaterali dejjiema u b’saħħithom mal-pajjiżi sħab tal-Lvant, b’enfasi kbira fuq is-settur tal-enerġija; billi din is-sħubija, ibbażata fuq valuri u regoli komuni, interessi reċiproċi u impenji kif ukoll sjieda u responsabbiltà kondiviżi, għandha l-għan li twassal riżultati tanġibbli għaċ-ċittadini fir-reġjun, inkluż fil-qasam tal-effiċjenza enerġetika;

C.

billi t-twettiq tal-Ftehim ta’ Pariġi huwa impenn komuni tal-UE u tal-pajjiżi sħab tal-Lvant; billi t-tibdil fil-klima huwa kwistjoni li ma tistax tiġi injorata; billi hemm ħtieġa qawwija ta’ investimenti “ekoloġiċi” fl-effiċjenza enerġetika u fl-infrastruttura muniċipali, sabiex tissaħħaħ ir-reżiljenza ambjentali u klimatika fir-reġjun kollu; billi t-tranżizzjoni lejn enerġija nadifa, id-dekarbonizzazzjoni tal-ekonomija u t-tisħiħ tal-użu ta’ sorsi tal-enerġija rinnovabbli fil-maġġoranza tal-każijiet jikkontribwixxu wkoll għal żieda fis-sigurtà tal-enerġija;

D.

billi l-Federazzjoni Russa hija b’mod partikolari l-akbar fornitur tal-enerġija għall-maġġoranza tal-pajjiżi Ewropej u dan l-aspett ta’ spiss jintuża bħala kejl ta’ pressjoni politika u ingranaġġ; billi l-iżviluppi reċenti fir-relazzjonijiet diplomatiċi bejn l-UE u r-Russja, speċjalment l-inkarċerazzjoni ta’ Alexei Navalny u t-tkeċċija ta’ diplomatiċi Ewropej mir-Russja, matul il-laqgħa tar-Rappreżentant Għoli/Viċi President Joseph Borrell mal-Ministru Russu għall-Affarijiet Barranin Sergey Lavrov, juru li r-Russja tista’ tkun sieħeb mhux affidabbli; billi dipendenza sinifikanti mill-gass Russu thedded is-sigurtà tal-enerġija u l-istabbiltà ekonomika tal-Unjoni Ewropea u tas-sħab tagħha;

E.

billi s-sigurtà tal-enerġija u t-tranżizzjoni lejn enerġija nadifa huma partijiet integrali fi tnejn mill-ħames objettivi ta’ politika fit-tul tas-Sħubija tal-Lvant lil hinn mill-2020;

F.

billi l-pajjiżi sħab tal-Lvant jinsabu fil-proċess li jimmodernizzaw ir-regolamenti u l-infrastrutturi tal-enerġija tagħhom u jimplimentaw politiki dwar l-enerġija rinnovabbli u l-effiċjenza enerġetika, iżda t-tkomplija tal-appoġġ tal-UE hija essenzjali biex tipprovdi assistenza teknika u monitoraġġ tal-implimentazzjoni tagħha u toħloq il-kundizzjonijiet ta’ qafas ta’ investiment meħtieġa;

G.

billi l-appoġġ tal-UE u tal-Istati Membri tagħha kellu rwol importanti fit-titjib tal-effiċjenza enerġetika u fl-iżvilupp tal-produzzjoni tal-enerġija minn sorsi rinnovabbli fil-pajjiżi sħab tal-Lvant, inkluż permezz ta’ proġetti dwar l-effiċjenza enerġetika tal-bini, it-tisħin distrettwali, it-trasport urban, it-tidwil tat-toroq, l-enerġija rinnovabbli (solari, idroelettrika, bijomassa) u oħrajn, iffinanzjati fost l-oħrajn mill-Pjattaforma ta’ Investiment tal-Viċinat, is-Sħubija għall-Effiċjenza Enerġetika u l-Ambjent fl-Ewropa tal-Lvant (E5P) jew fil-qafas tal-Patt tas-Sindki; billi l-lok għal titjib fl-effiċjenza enerġetika u l-potenzjal għall-isfruttament tal-enerġija rinnovabbli fil-pajjiżi sħab tal-Lvant meta mqabbel mal-Istati Membri tal-UE għadu sinifikanti;

H.

billi l-proġetti appoġġjati mill-UE u minn sħab oħra kkontribwew għall-bini ta’ interkonnessjonijiet u l-immodernizzar tal-infrastruttura madwar ir-reġjun biex titjieb is-sigurtà tal-enerġija tal-pajjiżi involuti, pereżempju l-interkonnessjonijiet tal-gass u tal-enerġija bejn ir-Rumanija u l-Moldova, l-interkonnessjoni tal-enerġija bejn l-Armenja u l-Georgia, jew il-Kuritur tal-Gass tan-Nofsinhar (inklużi interkonnetturi rilevanti);

I.

billi l-faqar enerġetiku għadu sfida importanti għal ħafna unitajiet domestiċi fil-pajjiżi sħab tal-Lvant;

J.

billi, bħala parti mill-Patt Ekoloġiku Ewropew, l-UE tipprevedi sħubijiet b’saħħithom fl-ambjent, l-enerġija u l-klima fis-Sħubija tal-Lvant; billi, b’segwitu għal “20 riżultat tanġibbli għall-2020”, għandu jiġi ddeterminat sett ġdid ta’ għanijiet għas-Sħubija tal-Lvant għall-perjodu 2021-2030;

K.

billi l-maġġoranza tal-istimi jissuġġerixxu li r-riżervi dinjin tal-fjuwils fossili se jiġu eżawriti sal-2060; billi dan l-aspett għandu jħeġġeġ lill-UE u lis-sħab kollha tagħha jistinkaw favur id-diversifikazzjoni tat-taħlita tal-enerġija tagħhom, inkluża enfasi aktar qawwija fuq is-sorsi tal-enerġija rinnovabbli;

—

wara li kkunsidrat l-Att Kostituttiv tal-Assemblea Parlamentari Euronest tat-3 ta’ Mejju 2011,

—

wara li kkunsidrat id-Dikjarazzjoni Konġunta tas-Summit tas-Sħubija tal-Lvant li sar fi Brussell fl-24 ta’ Novembru 2017, kif ukoll id-dikjarazzjonijiet konġunti ta’ summits preċedenti,

—

wara li kkunsidrat ir-riżoluzzjoni tal-Assemblea Parlamentari Euronest tat-3 ta’ April 2012 dwar it-tisħiħ tas-soċjetà ċivili fil-Pajjiżi tas-Sħubija tal-Lvant, inkluża l-kwistjoni tal-kooperazzjoni bejn il-gvern u s-soċjetà ċivili, u l-kwistjoni tar-riformi bl-għan li s-soċjetà ċivili tingħata setgħat akbar (1),

—

wara li kkunsidrat ir-rakkomandazzjoni tal-Parlament Ewropew tad-19 ta’ Ġunju 2020 lill-Kunsill, lill-Kummissjoni u lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà dwar is-Sħubija tal-Lvant, fit-tħejjija għas-Summit ta’ Ġunju 2020 (2),

—

wara li kkunsidrat id-dokument ta’ ħidma konġunt tal-persunal tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà tad-9 ta’ Ġunju 2017 bit-titolu “Eastern Partnership - 20 Deliverables for 2020: Focusing on key priorities and tangible results:” (Is-Sħubija tal-Lvant - 20 Riżultat għall-2020: Enfasi fuq il-prijoritajiet ewlenin u r-riżultati tanġibbli) (SWD(2017)0300),

—

wara li kkunsidrat il-komunikazzjoni konġunta tal-Kummissjoni u tas-Servizz Ewropew għall-Azzjoni Esterna tat-18 ta’ Marzu 2020 dwar Il-politika tas-Sħubija tal-Lvant lil hinn mill-2020 (JOIN(2020)0007), u d-dokument ta’ ħidma tal-persunal li jakkumpanjaha bit-titolu “It-Tisħiħ tar-Reżiljenza – Sħubija tal-Lvant li tikseb riżultati għal kulħadd” (SWD(2020)0056),

—

wara li kkunsidrat il-konklużjonijiet tal-Kunsill tal-11 ta’ Mejju 2020 dwar il-politika tas-Sħubija tal-Lvant lil hinn mill-2020,

—

wara li kkunsidrat l-Aġenda 2030 għall-Iżvilupp Sostenibbli, u b’mod partikolari l-Għan ta’ Żvilupp Sostenibbli (SDG) 3 dwar l-iżgurar ta’ ħajjiet b’saħħithom u l-promozzjoni tal-benessri għal kulħadd fl-etajiet kollha u l-SDG 4 dwar l-iżgurar ta’ edukazzjoni ta’ kwalità inklużiva u ekwa u l-promozzjoni ta’ opportunitajiet ta’ tagħlim tul il-ħajja għal kulħadd,

—

wara li kkunsidrat id-Dokument ta’ Diskussjoni tal-Ekonomija Ewropea tal-Kummissjoni tat-8 ta’ Ottubru 2020 bit-titolu “Towards Better Adequacy & Sustainability: A Review of Pension Systems & Pension Reforms in Eastern Partnership Countries” (Lejn Adegwatezza u Sostenibbiltà Aħjar: Rieżami tas-Sistemi tal-Pensjonijiet u tar-Riformi tal-Pensjonijiet fil-Pajjiżi tas-Sħubija tal-Lvant),

—

wara li kkunsidrat il-Pilastru Ewropew tad-Drittijiet Soċjali, b’mod speċjali l-prinċipju 15 dwar l-introjtu u l-pensjonijiet tax-xjuħija,

—

wara li kkunsidrat ir-rakkomandazzjoni tagħha lill-Kunsill, lill-Kummissjoni u lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà tad-19 ta’ Ġunju 2020 dwar is-Sħubija tal-Lvant, fit-tħejjija għas-Summit ta’ Ġunju 2020 (3),

—

wara li kkunsidrat ir-riżoluzzjoni tas-17 ta’ April 2020 dwar azzjoni koordinata tal-UE biex tikkumbatti l-pandemija tal-COVID-19 u l-konsegwenzi tagħha (4),

—

wara li kkunsidrat l-appell urġenti tas-Segretarju Ġenerali tan-NU António Guterres għal waqfien mill-ġlied globali f’kull naħa tad-dinja biex issir enfasi fuq l-eliminazzjoni tal-COVID-19 fit-23 ta’ Marzu 2020,

—

wara li kkunsidrat il-Ftehimiet ta’ Assoċjazzjoni bejn l-UE, minn naħa waħda, u l-Georgia, il-Moldova u l-Ukrajna, min-naħa l-oħra, il-Ftehim ta’ Sħubija Komprensiv u Msaħħaħ UE-Armenja, il-Ftehim ta’ Sħubija u Kooperazzjoni UE-Ażerbajġan u b’mod partikolari l-kapitoli ta’ dawn il-ftehimiet dwar l-iżvilupp kummerċjali u sostenibbli kif ukoll dwar l-impjiegi, il-politika soċjali u l-opportunità indaqs,

A.

billi l-konklużjonijiet tal-Kunsill tal-11 ta’ Mejju 2020 dwar il-politika tas-Sħubija tal-Lvant lil hinn mill-2020 jenfasizzaw li t-tisħiħ tar-reżiljenza bħala qafas ta’ politika prevalenti se jkun wieħed mill-għanijiet ewlenin għas-Sħubija tal-Lvant matul is-snin li ġejjin, inkluż fl-oqsma tal-ambjent, is-saħħa (b’mod partikolari fil-kuntest tal-pandemija attwali tal-COVID-19) u s-sigurtà tal-bniedem;

B.

billi l-komunikazzjoni konġunta tat-18 ta’ Marzu 2020 dwar il-politika tas-Sħubija tal-Lvant lil hinn mill-2020 tagħmel enfasi speċjali fuq it-tisħiħ tar-reżiljenza u tipprevedi ż-żieda fl-azzjoni f’oqsma li huma kritiċi għas-saħħa u l-benesseri tan-nies;

C.

billi t-titjib tal-kwalità tal-ħajja huwa objettiv ta’ politika espliċitu u impliċitu stabbilit sew tal-gvernijiet nazzjonali, filwaqt li d-definizzjoni u l-kejl adegwati tiegħu huma ta’ sfida u ta’ spiss diffiċli;

D.

billi l-kwalità tal-ħajja hija kunċett wiesa’ li jkopri aktar minn sempliċement tkabbir ekonomiku u kundizzjonijiet tal-għajxien materjali; billi dan il-kunċett jinkludi firxa ta’ indikaturi li jirriflettu l-multidimensjonalità tiegħu, inklużi s-sodisfazzjon tal-ħajja, l-impjiegi, l-istatus tas-saħħa, ir-relazzjonijiet soċjali, il-ħin liberu, l-edukazzjoni u l-ħiliet, il-bilanċ bejn ix-xogħol u l-ħajja privata, l-involviment ċiviku u l-governanza, il-kwalità ambjentali, is-sigurtà tal-bniedem u l-governanza;

E.

billi kemm il-Ftehimiet ta’ Assoċjazzjoni tas-Sħubija tal-Lvant (SL) kif ukoll il-Ftehim ta’ Sħubija Komprensiv u Msaħħaħ (CEPA) UE-Armenja fihom kapitolu ddedikat għal kwistjonijiet tas-saħħa, li jipprevedi kooperazzjoni li tkopri firxa wiesgħa ta’ oqsma bl-għan li jittejbu l-istandards tas-saħħa pubblika u l-protezzjoni tas-saħħa tal-bniedem, kif ukoll kapitolu ddedikat għall-ambjent, bl-objettiv li jinkiseb grad għoli ta’ konverġenza regolatorja;

F.

billi jeżistu disparitajiet sinifikanti fi ħdan l-Istati Membri tal-UE u l-pajjiżi tas-SL kif ukoll bejniethom, kif rifless mill-indikaturi soċjoekonomiċi u l-Indiċi tal-Iżvilupp tal-Bniedem; billi l-istennija tal-għomor bħala indikatur ewlieni hija aktar baxxa b’massimu ta’ seba’ snin fil-pajjiżi tas-SL mill-medja tal-UE;

G.

billi l-kombinazzjoni ta’ settur informali kbir, rata għolja ta’ qgħad, rati baxxi ta’ tfaddil u dipendenza kbira mir-rimessi fir-reġjun tas-SL jindikaw il-vulnerabbiltà ta’ segmenti kbar tas-soċjetà fil-pajjiżi tas-SL li x’aktarx jesperjenzaw livelli ogħla ta’ faqar u inugwaljanzi minħabba l-kriżi tal-COVID-19;

H.

billi x-xokkijiet soċjoekonomiċi li jirriżultaw mill-pandemija jaffettwaw b’mod negattiv l-introjtu tan-nies u l-benesseri fiżiku u mentali tagħhom, u l-integrità soċjali tal-komunitajiet kollha kemm huma;

I.

billi sistemi tas-saħħa pubblika affordabbli, effettivi, aċċessibbli, sostenibbli u reżiljenti huma fattur determinanti ewlieni għat-titjib tal-kwalità tal-ħajja u tal-benesseri taċ-ċittadini;

J.

billi n-nefqa fuq il-kura tas-saħħa, kemm f’termini assoluti kif ukoll bħala sehem tal-PDG, hija ferm aktar baxxa fil-pajjiżi tas-SL milli fl-UE;

K.

billi l-organizzazzjonijiet tas-soċjetà ċivili kienu u se jkomplu jkunu essenzjali fil-mitigazzjoni tal-effetti tal-pandemija fit-tul u se jirrikjedu appoġġ biex tiġi żgurata l-kontinwità ta’ dawn l-attivitajiet ewlenin ta’ appoġġ biex jiġu mmitigati l-konsegwenzi ekonomiċi, soċjali u tas-saħħa tal-kriżi tal-COVID-19;

L.

billi l-pandemija tal-COVID-19 poġġiet enfasi kritika fuq il-ħtieġa li tingħata spinta lill-kapaċitajiet ta’ tħejjija u ta’ reazzjoni fir-reġjun Ewropew usa’ kontra l-emerġenzi u b’mod partikolari theddid transfruntier serju għas-saħħa;

M.

billi l-kriżi tal-COVID-19 evidenzjat l-importanza li tiġi appoġġjata u żgurata t-tranżizzjoni ekoloġika, tal-kura u dik diġitali biex b’hekk ħadd ma jitħalla jibqa’ lura;

N.

billi b’reazzjoni għall-kriżi tal-COVID-19, l-UE mmobilizzat pakkett ta’ appoġġ ta’ emerġenza ta’ EUR 80 miljun għal ħtiġijiet immedjati u sa massimu ta’ EUR 1 biljun biex jiġu appoġġjati s-sistemi tas-saħħa u l-irkupru soċjali u ekonomiku fuq perjodu ta’ żmien qasir u medju fir-reġjun tas-Sħubija tal-Lvant;

O.

billi programmi bħall-Inizjattiva ta’ Solidarjetà għas-Saħħa tal-Unjoni Ewropea fil-pajjiżi tas-Sħubija tal-Lvant jipprovdu assistenza għal żmien qasir u medju biex jiġu indirizzati l-isfidi tal-kriżi tal-COVID-19 u jistgħu jaġixxu bħala pass ’il quddiem lejn aktar kooperazzjoni;

P.

billi l-kriżi tal-COVID-19 uriet l-importanza ta’ azzjoni konġunta tal-UE; billi l-Parlament talab, fost l-oħrajn, il-ħolqien ta’ mekkaniżmu Ewropew ta’ reazzjoni relatata mas-saħħa biex iħejji aħjar għal u jwieġeb b’mod komuni u kkoordinat għal kwalunkwe tip ta’ kriżi tas-saħħa jew sanitarja;

Q.

billi l-UE impenjat ruħha favur approċċ ikkoordinat u magħqud sabiex taġixxi b’mod effettiv u b’solidarjetà meta tindirizza l-kriżi tal-COVID-19, b’mod partikolari fir-rigward tal-akkwist u d-distribuzzjoni tal-vaċċini, filwaqt li l-Istati Membri jżommu sjieda sħiħa tal-politiki tas-saħħa pubblika tagħhom u tar-responsabbiltà tagħhom għall-organizzazzjoni u t-twassil ta’ servizzi tas-saħħa u l-kura medika;

R.

billi n-nisa akbar fl-età, huma f’riskju akbar ta’ faqar minħabba, fost fatturi oħra, id-differenza fil-pagi u fil-pensjonijiet, is-segregazzjoni skont il-ġeneru fis-suq tax-xogħol, id-differenza bejn il-ġeneri rigward l-għoti tal-kura, u d-differenzi bejn il-ġeneri fir-rigward tal-ħin tax-xogħol;

S.

billi l-Kummissjoni u l-Uffiċċju Reġjonali tal-Organizzazzjoni Dinjija tas-Saħħa (WHO) għall-Ewropa irrikonoxxew fid-dikjarazzjoni konġunta tagħhom tal-4 ta’ Novembru 2020 (5) li huma meħtieġa aktar sforzi biex il-pajjiżi tas-Sħubija tal-Lvant jiġu megħjuna jtejbu s-sigurtà tas-saħħa reġjonali u subreġjonali, jindirizzaw l-inugwaljanzi fis-saħħa, jagħtu spinta lir-reżiljenza tas-sistemi tas-saħħa u jsaħħu l-kooperazzjoni bejn l-uffiċċji tal-pajjiżi tad-WHO u d-Delegazzjonijiet tal-UE kif ukoll is-sħubija bejn iċ-Ċentru Ewropew għall-Prevenzjoni u l-Kontroll tal-Mard (ECDC) u d-WHO Ewropa sabiex jiġu żgurati approċċi strateġiċi koerenti madwar ir-reġjun kollu;

T.

billi sistemi tal-pensjonijiet prevedibbli, adegwati u sostenibbli jikkostitwixxu element importanti fl-għoti ta’ kwalità tajba tal-ħajja wara t-tluq mill-post tax-xogħol, kif ukoll fl-iżgurar tas-sigurtà tal-introjtu, il-prevenzjoni tal-faqar u t-tnaqqis tal-inugwaljanza fix-xjuħija;

U.

billi l-ġestjoni tas-sistemi tal-pensjonijiet tibqa’ kompetenza ta’ Stat Membru fl-UE; billi l-faċilitazzjoni tat-tagħlim reċiproku u l-iskambju tal-aħjar prattiki bejn l-UE u l-pajjiżi sħab tagħha għandhom potenzjal sinifikanti biex itejbu r-reazzjonijiet għall-isfidi demografiċi u biex isaħħu l-adegwatezza u s-sostenibbiltà tas-sistemi tal-pensjonijiet;

V.

billi fil-kuntest tal-aċċellerazzjoni tat-tixjiħ tal-popolazzjoni, settur informali sinifikanti u għadd kbir ta’ ħaddiema staġjonali, kif ukoll il-kriżi ekonomika li qed tiżvolġi, qed isir aktar diffiċli biex jintlaħqu l-objettivi tal-politika dwar il-pensjonijiet fir-reġjun tas-Sħubija tal-Lvant;

W.

billi l-Pilastru Ewropew tad-Drittijiet Soċjali fih għadd ta’ dispożizzjonijiet iddedikati għad-drittijiet tal-pensjoni, inkluż id-dritt tal-ħaddiema u tal-persuni li jaħdmu għal rashom għal pensjoni proporzjonata mal-kontribuzzjonijiet u l-iżgurar ta’ introjtu adegwat; id-dritt għal opportunitajiet indaqs biex jiġu akkwistati drittijiet tal-pensjoni kemm għan-nisa kif ukoll għall-irġiel; u d-dritt għal riżorsi li jiżguraw id-dinjità fix-xjuħija;

X.

billi l-investiment fl-ekonomija tal-kura huwa ta’ importanza kruċjali biex tiġi żgurata ħajja diċenti għal kulħadd u biex jiġu protetti l-persuni kollha li jgħixu fl-UE u s-Sħubija tal-Lvant; billi l-persuni akbar fl-età ntlaqtu u għadhom qed jintlaqtu b’mod qawwi mill-kumplikazzjonijiet u l-fatalitajiet marbuta ma’ mard differenti, inkluż il-COVID-19;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.