Ebda oppożizzjoni għal konċentrazzjoni notifikata

(Il-Każ M.10346 — ICG/Circet)

(Test b’rilevanza għaż-ŻEE)

(2021/C 324/01)

Fit 26 ta’ Lulju 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10346. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Ebda oppożizzjoni għal konċentrazzjoni notifikata

(Il-Każ M.10337 — BC Partners/Vista Equity Partners/EAB Global)

(Test b’rilevanza għaż-ŻEE)

(2021/C 324/02)

Fit 4 ta’ Awwissu 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10337. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Ebda oppożizzjoni għal konċentrazzjoni notifikata

(Il-Każ M.10322 — TPG/Francisco Partners/Boomi)

(Test b’rilevanza għaż-ŻEE)

(2021/C 324/03)

Fit 16 ta’ Lulju 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10322. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

Il-11 ta’ Awwissu 2021

(2021/C 324/04)

1 euro =

	Munita	Rata tal-kambju
USD	Dollaru Amerikan	1,1718
JPY	Yen Ġappuniż	129,68
DKK	Krona Daniża	7,4373
GBP	Lira Sterlina	0,84698
SEK	Krona Żvediża	10,2305
CHF	Frank Żvizzeru	1,0818
ISK	Krona Iżlandiża	148,00
NOK	Krona Norveġiża	10,4548
BGN	Lev Bulgaru	1,9558
CZK	Krona Ċeka	25,405
HUF	Forint Ungeriż	354,84
PLN	Zloty Pollakk	4,5858
RON	Leu Rumen	4,9163
TRY	Lira Turka	10,1467
AUD	Dollaru Awstraljan	1,5958
CAD	Dollaru Kanadiż	1,4677
HKD	Dollaru ta’ Hong Kong	9,1187
NZD	Dollaru tan-New Zealand	1,6704
SGD	Dollaru tas-Singapor	1,5924
KRW	Won tal-Korea t’Isfel	1 357,41
ZAR	Rand ta’ l-Afrika t’Isfel	17,3326
CNY	Yuan ren-min-bi Ċiniż	7,5996
HRK	Kuna Kroata	7,4955
IDR	Rupiah Indoneżjan	16 881,52
MYR	Ringgit Malażjan	4,9684
PHP	Peso Filippin	59,126
RUB	Rouble Russu	86,8412
THB	Baht Tajlandiż	39,062
BRL	Real Brażiljan	6,1113
MXN	Peso Messikan	23,5291
INR	Rupi Indjan	87,1605

---

(1)  Sors: rata tal-kambju ta’ referenza ppubblikata mill-Bank Ċentrali Ewropew.

DEĊIŻJONI TAL-KUMMISSJONI

tal-11 ta’ Awwissu 2021

dwar l-istabbiliment ta’ grupp ta’ esperti tal-Kummissjoni dwar l-istatistika dwar l-iskart mill-imballaġġ tal-plastik

(2021/C 324/05)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Skont l-Artikolu 338 tat-Trattat dwar il-Funzjonament tal-Unjoni Ewropea, il-Parlament Ewropew u l-Kunsill jadottaw miżuri għall-produzzjoni ta’ statistiċi fejn meħtieġa għat-twettiq tal-attivitajiet tal-Unjoni.

(2)

Skont l-Artikolu 13 tar-Regolament tal-Kunsill (UE, Euratom) 2021/770 (1), il-Kummissjoni għandha tistabbilixxi grupp formali ta’ esperti, magħmul minn rappreżentanti tal-Istati Membri kollha u ppresedut minn rappreżentant tal-Kummissjoni, biex jagħti pariri lill-Kummissjoni, u li jesprimi l-fehmiet tiegħu fir-rigward tal-komparabbiltà, l-affidabbiltà u l-eżawrjenza tal-istatistika dwar l-iskart mill-imballaġġ tal-plastik iġġenerat u rriċiklat, u biex jagħti pariri lill-Kummissjoni dwar it-tħejjija ta’ miżuri biex id-data ssir aktar komparabbli u aktar affidabbli u li joħroġ opinjonijiet annwali dwar l-adegwatezza tad-data dwar l-iskart mill-imballaġġ tal-plastik ippreżentata mill-Istati Membri għall-finijiet tar-riżorsa proprja bbażata fuq l-iskart mhux irriċiklat mill-imballaġġ tal-plastik.

(3)

Għaldaqstant, huwa meħtieġ li jitwaqqaf grupp ta’ esperti (“il-grupp ta’ esperti SSIP”) fil-qasam tal-istatistika dwar l-iskart mill-imballaġġ tal-plastik u sabiex jiġu ddefiniti l-kompiti, l-istruttura u l-funzjonament tiegħu, f’konformità mad-Deċiżjoni tal-Kummissjoni C(2016) 3301 li jistabbilixxi regoli orizzontali dwar il-ħolqien u l-funzjonament tal-gruppi ta’ esperti tal-Kummissjoni.

(4)	Jenħtieġ li l-grupp ta’ esperti SSIP jesprimi opinjoni kull sena dwar l-adegwatezza tad-data tal-iskart mill-imballaġġ tal-plastik ippreżentata kull sena mill-Istati Membri għall-użu fis-sistema tar-riżorsi proprji tal-Unjoni Ewropea.

(5)	Jenħtieġ li l-grupp ta’ esperti SSIP ikun magħmul minn esperti fl-istatistika tal-iskart mill-imballaġġ tal-plastik mill-Istati Membri kollha.

(6)	Jenħtieġ li jiġu stabbiliti regoli dwar l-iżvelar tal-informazzjoni mill-membri tal-grupp ta’ esperti SSIP.

(7)	Jenħtieġ li d-data personali tiġi pproċessata f’konformità mar-Regolament (UE) 2018/1725 tal-Parlament Ewropew u tal-Kunsill (2),

IDDEĊIDIET KIF ĠEJ:

---

(1)  Ir-Regolament tal-Kunsill (UE, Euratom) 2021/770 tat-30 ta’ April 2021 dwar il-kalkolu tar-riżorsa proprja bbażata fuq l-iskart tal-plastik mill-imballaġġ li mhux qed jiġi riċiklat, dwar il-metodi u l-proċedura li jintużaw biex titqiegħed għad-dispożizzjoni dik ir-riżorsa proprja, fuq il-miżuri li jissodisfaw il-ħtiġijiet fi flus kontanti, u fuq ċerti aspetti tar-riżorsa proprja bbażata fuq id-dħul nazzjonali gross (ĠU L 165, 11.5.2021, p. 15).

(2)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(3)  Id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ (ĠU L 365, 31.12.1994, p. 10).

(4)  Id-Deċiżjoni tal-Kummissjoni C (2016) 3301 tat-30 ta’ Mejju 2016 li tistabbilixxi regoli orizzontali dwar il-ħolqien u l-funzjonament tal-gruppi ta’ esperti tal-Kummissjoni.

(5)  Ara l-Artikolu 13.1 tar-regoli orizzontali.

(6)  Id-Deċiżjoni tal-Kummissjoni (UE, Euratom) 2015/443 tat-13 ta’ Marzu 2015 dwar is-Sigurtà fil-Kummissjoni (ĠU L 72, 17.3.2015, p. 41).

(7)  Id-Deċiżjoni tal-Kummissjoni (UE, Euratom) 2015/444 tat-13 ta’ Marzu 2015 dwar ir-regoli tas-sigurtà għall-protezzjoni ta’ informazzjoni klassifikata tal-UE (ĠU L 72, 17.3.2015, p. 53).

(8)  Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43). L-eċċezzjonijiet maħsuba biex iħarsu s-sigurtà pubblika, il-kwistjonijiet militari, ir-relazzjonijiet internazzjonali, il-politika finanzjarja, monetarja jew ekonomika, il-privatezza u l-integrità tal-individwu, l-interessi kummerċjali, il-proċedimenti fil-qorti u l-pariri legali, l-ispezzjonijiet/l-investigazzjonijiet/l-awditi u l-proċess tat-teħid tad-deċiżjonijiet tal-istituzzjoni.

Għajnuna mill-Istat – Deċiżjoni li ma ssir ebda oġġezzjoni

(2021/C 324/06)

L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna mill-Istat li ġejja:

Data tal-adozzjoni tad-deċiżjoni	Id-29 ta’ April 2021
Nru tal-Każ	86666
Nru tad-Deċiżjoni	034/21/COL
Stat tal-EFTA	In-Norveġja
Titolu (u/jew isem il-benefiċjarju)	Għajnuna mill-Istat għall-appoġġ ta’ infrastruttura ddedikata għall-fjuwils alternattivi 2021–2025
Bażi ġuridika	Programmi Enova
Tip ta’ miżura	Skema
Objettiv	Ambjentali
Forma tal-għajnuna	Għotjiet
Baġit	NOK 200 miljun
Intensità	40 % għal impriżi kbar, 50 % għal impriżi medji u 60 % għal impriżi żgħar
Tul ta’ żmien	Sal-31 ta’ Diċembru 2025
Setturi ekonomiċi	Miftuħ għas-setturi kollha
Isem u indirizz tal-awtorità awtorizzanti	Enova SF Brattørkaia 17A N-7010 Trondheim IN-NORVEĠJA

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Għajnuna mill-Istat – Deċiżjoni li ma jsirux oġġezzjonijiet

(2021/C 324/07)

L-Awtorità ta’ Sorveljanza tal-EFTA ma ssib l-ebda oġġezzjoni għall-miżura ta’ għajnuna mill-Istat li ġejja:

Id-data tal-adozzjoni tad-deċiżjoni	Is-6 ta’ Mejju 2021
Il-Każ Nru	86794
Id-Deċiżjoni Nru	036/21/COL
L-Istat tal-EFTA	In-Norveġja
It-titlu (u / jew isem il-benefiċjarju)	Skema tal-COVID-19 għall-produtturi ta’ films kulturali
Il-bażi ġuridika	Regolament dwar l-għajnuna għall-produzzjoni awdjoviżiva
It-tip ta’ miżura	Skema
L-objettiv	Li jiġi żgurat li t-tfixkil ikkawżat mit-tifqigħa tal-COVID-19 ma jdgħajjifx il-vijabbiltà tal-produtturi tal-films kulturali u l-produzzjoni futura tal-films kulturali.
L-għamla tal-għajnuna	Għotja diretta
Il-baġit	NOK 10 miljun
L-intensità	Għotja sa 100 % tat-telf stmat tad-dħul mill-box-office mill-13 ta’ Marzu sal-30 ta’ Settembru 2020.
Għal kemm żmien	6 ta’ Marzu - 31 ta’ Diċembru 2021
Is-setturi ekonomiċi	Produzzjoni awdjoviżiva
L-isem u l-indirizz tal-awtorità awtorizzanti	Norwegian Film Institute P.O. Box 482 N-0105 Oslo NORWAY

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Sustanzi perikolużi — Lista ta’ deċiżjonijiet ta’ awtorizzazzjoni meħuda mill-Istati tal-EFTA fiż-ŻEE f’konformità mal-Artikolu 44(5) tar-Regolament (UE) Nru 528/2012 fit-tieni nofs tal-2020

(2021/C 324/08)

Sottokumitat I dwar il-moviment liberu tal-merkanzija

Għall-attenzjoni tal-Kumitat Konġunt taż-ŻEE

B’referenza għad-Deċiżjoni tal-Kumitat Konġunt taż-ŻEE Nru 225/2013 tat-13 ta’ Diċembru 2013, il-Kumitat Konġunt taż-ŻEE huwa mistieden li jinnota l-listi segwenti rigward id-deċiżjonijiet ta’ awtorizzazzjoni adottati fuq il-bażi tal-Artikolu 44(5) tar-Regolament (UE) Nru 528/2012 għall-perjodu mill-1 ta’ Lulju sal-31 ta’ Diċembru 2020, fil-laqgħa tagħhom tad-19 ta’ Marzu 2021.

Sustanzi perikolużi — Lista ta’ deċiżjonijiet ta’ awtorizzazzjoni meħuda mill-Istati tal-EFTA fiŻ-ŻEE f’konformità mal-Artikolu 64(8) tar-Regolament (KE) Nru 1907/2006 (REACH) fit-tieni nofs tal-2020

(2021/C 324/09)

Sottokumitat I dwar il-moviment liberu tal-merkanzija

Għall-attenzjoni tal-Kumitat Konġunt taż-ŻEE

B’referenza għad-Deċiżjoni tal-Kumitat Konġunt taż-ŻEE Nru 25/2008 tal-14 ta’ Marzu 2008, il-Kumitat Konġunt taż-ŻEE huwa mistieden jinnota l-listi segwenti rigward id-deċiżjonijiet ta’ awtorizzazzjoni adottati fuq il-bażi tal-Artikolu 64(8) tar-Regolament (KE) Nru 1907/2006 (REACH) għall-perjodu mill-1 ta’ Lulju sal-31 ta’ Diċembru 2020, fil-laqgħa tagħhom tad-19 ta’ Marzu 2021.

Prodotti mediċinali — Lista ta’ awtorizzazzjonijiet tal-kummerċjalizzazzjoni mogħtija mill-Istati taż-ŻEE-EFTA għat-tieni nofs tas-sena 2020

(2021/C 324/10)

Sottokumitat I dwar il-moviment liberu tal-merkanzija

Għall-attenzjoni tal-Kumitat Konġunt taż-ŻEE

B’referenza għad-Deċiżjoni tal-Kumitat Konġunt taż-ŻEE Nru 74/1999 tat-28 ta’ Mejju 1999, il-Kumitat Konġunt taż-ŻEE huwa mistieden li jinnota l-listi li ġejjin rigward l-awtorizzazzjonijiet għat-tqegħid fis-suq ta’ prodotti mediċinali għall-perjodu mill-1 ta’ Lulju sal-31 ta’ Diċembru 2020, fil-laqgħa tagħhom tad-19 ta’ Marzu 2021:

Annness I

Lista ta’ awtorizzazzjonijiet tal-kummerċjalizzazzjoni ġodda

Anness II

Lista ta’ awtorizzazzjonijiet tal-kummerċjalizzazzjoni mġedda

Anness III

Lista ta’ awtorizzazzjonijiet tal-kummerċjalizzazzjoni estiżi

Anness IV

Lista ta’ awtorizzazzjonijiet ta’ kummerċjalizzazzjoni rtirati

Anness V

Lista ta’ awtorizzazzjonijiet tal-kummerċjalizzazzjoni sospiżi

SENTENZA TAL-QORTI

tal-21 ta’ April 2021

fil-Kawża E-2/20

Il-Gvern Norveġiż, irrappreżentat mill- Bord tal-Appelli tal-Immigrazzjoni (Utlendingsnemnda – UNE) vs L

(Direttiva 2004/38/KE – Libertà ta’ moviment u residenza – Tkeċċija – Protezzjoni kontra t-tkeċċija – Theddida ġenwina, attwali u serja biżżejjed – Raġunijiet imperattivi ta’ sigurtà pubblika – Ordnijiet ta’ tkeċċija – Applikazzjonijiet għat-tneħħija ta’ ordnijiet ta’ tkeċċija – Bidla materjali – Neċessità – Proporzjonalità – Drittijiet fundamentali - Dritt għall-ħajja tal-familja)

(2021/C 324/11)

Fil-Kawża E-2/20, Il-Gvern Norveġiż, irrappreżentat mill-Bord tal-Appelli tal-Immigrazzjoni (Utlendingsnemnda – UNE) vs L – TALBA lill-Qorti skont l-Artikolu 34 tal-Ftehim bejn l-Istati tal-EFTA dwar l-Istabbiliment ta’ Awtorità ta’ Sorveljanza u Qorti tal-Ġustizzja mill-Qorti tal-Appell ta’ Borgarting (Borgarting lagmannsrett) dwar l-interpretazzjoni tad-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri, kif adattata għall-Ftehim dwar iż-Żona Ekonomika Ewropea, il-Qorti, magħmula minn Páll Hreinsson, President, Per Christiansen u Bernd Hammermann (Imħallef-Relatur), Imħallfin, qatgħet is-sentenza tagħha fil-21 ta’ April 2021, li l-parti operattiva tagħha hija kif ġej:

1.

L-ordnijiet ta’ tkeċċija permanenti, fil-prinċipju, ma jmorrux kontra l-liġi taż-ŻEE, dment li jissodisfaw il-kundizzjonijiet stabbiliti fl-Artikoli 27 u 28 tad-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u jistgħu jitneħħew skont l-Artikolu 32 tagħha. Miżura ta’ tkeċċija trid tkun ibbażata fuq eżami individwali. Fir-rigward ta’ ċittadini taż-ŻEE li jkunu għexu legalment għal perjodu ta’ aktar minn 10 snin fl-Istat ospitanti, it-tkeċċija tista’ biss tiġi adottata, skont l-Artikoli 27 u 28(3) tad-Direttiva 2004/38/KE, għar-raġunijiet imperattivi ta’ sigurtà pubblika fiċ-ċirkostanzi fejn il-kondotta personali tal-individwu kkonċernat tkun ta’ theddida eċċezzjonalment serja li miżura ta’ tkeċċija tkun meħtieġa għall-protezzjoni ta’ wieħed mill-interessi fundamentali tas-soċjetà. Dan dment li tali protezzjoni ma tkunx tista’ tinkiseb b’mezzi inqas stretti, filwaqt li jitqies it-tul ta’ residenza taċ-ċittadin taż-ŻEE fl-Istat ospitanti, u b’mod partikolari tal-konsegwenzi negattivi serji li tali miżura jista’ jkollha fuq ċittadin taż-ŻEE u l-membri tal-familja tiegħu li jkunu saru ġenwinament integrati fl-Istat ospitanti. Kwalunkwe deċiżjoni ta’ esklużjoni trid tkun limitata għal dak li huwa neċessarju sabiex jiġi ssalvagwardjat l-interess fundamentali li t-tkeċċija kellha l-għan li tipproteġi. Id-deċiżjoni ta’ esklużjoni trid taderixxi mal-prinċipju ta’ proporzjonalità.

2.

Ir-riabilitazzjoni soċjali ta’ ċittadin taż-ŻEE fl-Istat li fih ikun sar ġenwinament integrat hija fl-interess tas-soċjetà inġenerali. L-imġiba tajba tal-individwu kkonċernat matul il-perjodu ta’ priġunerija u sussegwentement, taħt probation, flimkien ma’ prova oħra ta’ riintegrazzjoni fis-soċjetà jtaffu t-theddida attwali għas-sigurtà pubblika. Il-familja u t-tfal tal-individwu, inklużi t-tfal tar-rispett, huma kunsiderazzjoni importanti fil-valutazzjoni tan-neċessità ta’ miżura restrittiva skont il-Kapitolu VI tad-Direttiva 2004/38/KE fid-dawl tal-prinċipju ta’ proporzjonalità, tal-aħjar interessi tat-tfal u tad-drittijiet fundamentali. Fil-valutazzjoni tan-neċessità tat-tkeċċija, il-kunsiderazzjoni ta’ kwalunkwe alternattiva għat-tkeċċija trid tkun parti mill-valutazzjoni ġenerali.

3.

Bidla materjali għall-finijiet tal-Artikolu 32 tad-Direttiva 2004/38/KE hija waħda li tneħħi l-ġustifikazzjoni għad-deċiżjoni inizjali skont il-Kapitolu VI tad-direttiva li tirrestrinġi l-libertà ta’ moviment abbażi tal-kondotta tal-individwu. Ma jistax jiġi preżunt li bidla materjali fil-kondotta personali mhux se sseħħ u kull applikazzjoni trid tiġi vvalutata fuq bażi ta’ każ b’każ. Iridu jitqiesu l-fatturi kollha li jistgħu jipprovdu prova ta’ bidla materjali fil-kondotta personali. Dan se jiddependi min-natura tal-kondotta tal-individwu u t-theddida għas-soċjetà li tippreżenta. Trid titqies kwalunkwe prova li turi li l-individwu kien involut f’attivitajiet pożittivi u legali b’tali mod li huwa improbabbli li jerġa’ lura għat-tip ta’ attivitajiet li jwasslu għat-tkeċċija. Tali fatturi jistgħu jinkludu, iżda mhumiex limitati għal, prova li persuna qagħdet lura milli tinvolvi ruħha f’aktar kriminalità, prova ta’ riintegrazzjoni fis-soċjetà ospitanti, il-bidu u ż-żamma ta’ attività ekonomika stabbli, ir-riżultati ta’ valutazzjonijiet psikoloġiċi, espressjonijiet kredibbli ta’ remors, prova ta’ involviment pożittiv u kostruttiv fis-soċjetà, u b’mod partikolari r-riabilitazzjoni soċjali taċ-ċittadin taż-ŻEE fl-Istat fejn huwa ġenwinament integrat.

SENTENZA TAL-QORTI

tal-5 ta’ Mejju 2021

fil-Kawża E-8/20

Proċedimenti kriminali kontra N

(Libertà li wieħed jirċievi servizzi – Moviment liberu tal-ħaddiema – Regolament (KEE) Nru 1408/71 – Regolament (KE) Nru 883/2004 – Żamma tal-benefiċċji tas-sigurtà soċjali fi Stat ieħor taż-ŻEE – Benefiċċju tal-mard – Soġġorn – Restrizzjoni ta’ libertà fundamentali – Ġustifikazzjoni)

(2021/C 324/12)

Il-Kawża E-8/20, Proċedimenti kriminali kontra N – TALBA lill-Qorti skont l-Artikolu 34 tal-Ftehim bejn l-Istati tal-EFTA dwar l-Istabbiliment ta’ Awtorità ta’ Sorveljanza u Qorti tal-Ġustizzja mill-Qorti Suprema tan-Norveġja (Norges Høyesterett) dwar l-interpretazzjoni tal-Ftehim dwar iż-Żona Ekonomika, b’mod partikolari l-Artikoli 28 u 36, ir-Regolament (KEE) Nru 1408/71 tal-Kunsill tal-14 ta’ Ġunju 1971 dwar l-applikazzjoni tal-iskemi tas-sigurtà soċjali għall-persuni impjegati u l-familja tagħhom li jiċċaqilqu ġewwa l-Komunità, ir-Regolament (KE) Nru 883/2004 tal-Parlament Ewropew u tal-Kunsill tad-29 ta’ April 2004 dwar il-koordinazzjoni ta’ sistemi ta’ sigurtà soċjali u d-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri, il-Qorti, magħmula minn Páll Hreinsson, President (Imħallef Relatur), Per Christiansen u Bernd Hammermann, Imħallfin, qatgħet is-sentenza fil-5 ta’ Mejju 2021, li l-parti operattiva tagħha hija kif ġej:

1.

It-tweġiba għad-domanda numru wieħed u tnax hija li benefiċċju bħall-allowance tal-valutazzjoni tax-xogħol inkwistjoni fil-proċedimenti prinċipali jikkostitwixxi benefiċċju tal-mard fis-sens tal-punt (a) tal-Artikolu 4(1) tar-Regolament (KEE) Nru 1408/71 dwar l-applikazzjoni tal-iskemi tas-sigurtà soċjali għall-persuni impjegati u l-familja tagħhom li jiċċaqilqu ġewwa l-Komunità u tal-punt (a) tal-Artikolu 3(1) tar-Regolament (KE) Nru 883/2004 dwar il-koordinazzjoni ta’ sistemi ta’ sigurtà soċjali.

2.

It-tweġiba għad-domanda numru tnejn, tlieta u erbgħa trid tkun li sitwazzjoni bħal dik inkwistjoni fil-proċedimenti prinċipali ma taqax fil-kamp ta’ applikazzjoni tal-Artikoli 19 jew 22 tar-Regolament (KEE) Nru 1408/71. Madankollu, din il-konstatazzjoni ma għandhiex l-effett li tneħħi regoli nazzjonali bħal dawk inkwistjoni fil-proċedimenti prinċipali mill-kamp ta’ applikazzjoni tad-dispożizzjonijiet tal-parti prinċipali tal-Ftehim ŻEE jew ta’ att legali ieħor inkorporat fil-Ftehim ŻEE.

3.

It-tweġiba għad-domanda numru ħamsa, sitta, sebgħa u tmienja trid tkun li l-Artikolu 36 taż-ŻEE jrid jiġi interpretat fis-sens li jipprekludi leġiżlazzjoni ta’ Stat taż-ŻEE, bħal dik inkwistjoni fil-proċedimenti prinċipali, li tissuġġetta d-dritt tal-persuni assigurati li jżommu l-benefiċċji tal-mard fi flus fis-sens tal-punt (a) tal-Artikolu 4(1) tar-Regolament (KEE) Nru 1408/71 fil-każ ta’ soġġorn fi Stat ieħor taż-ŻEE għal — rekwiżit li l-benefiċjarju tal-benefiċċji tal-mard jista’ joqgħod barra mill-pajjiż biss għal perjodu limitat ta’ żmien li ma jistax jaqbeż l-erba’ ġimgħat kull sena; u — sistema ta’ awtorizzazzjoni minn qabel, li tipprevedi li tali awtorizzazzjoni tiġi rrifjutata sakemm ma jkunx jista’ jintwera li s-soġġorn fi Stat ieħor taż-ŻEE huwa kompatibbli mat-twettiq ta’ obbligi ta’ attività definiti u ma jimpedixxix is-segwitu u l-kontroll mill-istituzzjoni kompetenti.

4.	Fid-dawl tat-tweġiba mogħtija għad-domanda numru ħamsa, sitta, sebgħa u tmienja, tweġiba għad-domanda numru disgħa, għaxra u ħdax mhijiex meħtieġa.

5.

It-tweġiba għad-domanda numru tlettax trid tkun li t-terminu “joqogħdu” fl-Artikolu 21(1) tar-Regolament (KE) Nru 883/2004 irid jiġi interpretat fis-sens li jinkludi soġġorni għal żmien qasir fi Stat ieħor taż-ŻEE li ma jikkostitwixxux “residenza” fis-sens tal-punt (j) tal-Artikolu 1 ta’ dan ir-regolament, bħal dawk inkwistjoni fil-proċedimenti prinċipali.

6.

It-tweġiba għad-domanda numru erbatax trid tkun li l-Artikolu 21 tar-Regolament (KE) Nru 883/2004 irid jiġi interpretat fis-sens li jkopri sitwazzjonijiet fejn dijanjożi medika tingħata matul soġġorn fi Stat ieħor taż-ŻEE li ma jkunx l-Istat kompetenti taż-ŻEE kif ukoll sitwazzjonijiet fejn, bħal fil-proċedimenti prinċipali, id-dijanjożi hija rikonoxxuta mill-istituzzjoni qabel it-tluq.

7.

It-tweġiba għad-domanda numru ħmistax trid tkun li l-Artikolu 21(1) tar-Regolament (KE) Nru 883/2004 irid jiġi interpretat fis-sens li jipprekludi kundizzjonijiet b’tali mod (i) li l-benefiċċju jista’ jingħata biss għal massimu ta’ erba’ ġimgħat kull sena barra min-Norveġja; (ii) li jrid jintwera li s-soġġorn barra mill-pajjiż huwa kompatibbli mal-obbligi ta’ attività u ma jimpedixxix is-segwitu u l-kontroll mill-istituzzjoni kompetenti; u (iii) li l-persuna kkonċernata trid tikseb awtorizzazzjoni u tikkonforma mad-dmir ta’ notifika permezz tal-użu ta’ formola ta’ notifika. Għaldaqstant, valutazzjoni ulterjuri ta’ dawn il-kundizzjonijiet skont dispożizzjonijiet oħra tal-liġi taż-ŻEE mhijiex meħtieġa.

8.	Fid-dawl tat-tweġiba mogħtija għad-domanda numru ħmistax, kif ukoll għad-domanda numru ħamsa, sitta, sebgħa u tmienja, tweġiba għad-domanda numru sittax mhijiex meħtieġa.

Pubblikazzjoni ta’ komunikazzjoni dwar l-approvazzjoni ta’ emenda standard għall-Ispeċifikazzjoni tal-Prodott għal isem fis-settur tal-inbid kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33

(2021/C 324/13)

Din il-komunikazzjoni hija ppubblikata f’konformità mal-Artikolu 17(5) tar-Regolament Delegat tal-Kummissjoni (UE) 2019/33 (1)

Komunikazzjoni ta’ emenda standard li timmodifika d-Dokument Uniku

Morgon

PDO-FR-A1024-AM02

Data tal-komunikazzjoni: 4 ta’ Ġunju 2021

DESKRIZZJONI TAL-EMENDA APPROVATA U RAĠUNIJIET GĦALIHA

1.   Żona ġeografika

Fl-ewwel punt tat-Taqsima IV tal-Kapitolu I, żdied il-kliem “abbażi tal-Kodiċi Ġeografiku Uffiċjali tas-sena 2019” wara l-kelma “Rhône”.

Din l-emenda fil-kitba tagħmilha possibbli li ssir referenza għaż-żona ġeografika fir-rigward tal-verżjoni fis-seħħ fl-2019 tal-Kodiċi Ġeografiku Uffiċjali, ippubblikat mill-INSEE, u li tiġi żgurata legalment id-demarkazzjoni taż-żona ġeografika.

Il-perimetru taż-żona ġeografika baqa’ strettament l-istess.

Il-kliem “għandhom isiru” ġew issostitwiti bil-kliem “isiru”.

Id-Dokument Uniku ġie emendat fil-punt 6 biex jiġu introdotti dawn l-emendi.

Żdiedet ukoll sentenza sabiex tinforma dwar id-disponibbiltà tal-mapep taż-żona ġeografika fuq is-sit tal-INAO.

Id-Dokument Uniku mhuwiex affettwat minn din l-emenda.

2.   Żona fil-viċinanza immedjata

Fit-tielet punt tat-Taqsima IV tal-Kapitolu I, żdied il-kliem “abbażi tal-Kodiċi Ġeografiku Uffiċjali tas-sena 2019” wara l-kliem “li ġejjin”.

Ġiet introdotta referenza għall-Kodiċi Ġeografiku Uffiċjali tas-sena 2019 u l-lista tal-muniċipalitajiet ġiet aġġornata. Żdiedet ukoll id-data tal-approvazzjoni mill-kumitat nazzjonali kompetenti tal-Istitut Nazzjonali tal-Oriġini u tal-Kwalità taż-żona ġeografika riveduta tad-denominazzjoni. Dawn l-emendi jibdlu l-formulazzjoni tal-kliem u bl-ebda mod ma jemendaw il-perimetru taż-żona ġeografika tad-denominazzjoni. Dawn huma meħtieġa minħabba fużjonijiet u ċessjonijiet ta’ muniċipalitajiet, jew partijiet ta’ muniċipalitajiet, jew bidliet fl-isem.

Ir-riformulazzjoni tal-kliem tiżgura li l-muniċipalitajiet fiż-żona ġeografika jibqgħu jiġu identifikati b’mod ċar fl-Ispeċifikazzjoni tal-Prodott.

L-intestatura “Rekwiżiti addizzjonali” tad-Dokument Uniku ġiet emendata kif xieraq.

3.   Dispożizzjonijiet dwar it-tqaddim

Fit-tieni punt tat-Taqsima IX tal-Kapitolu I, id-data “1 ta’ Marzu” ġiet issostitwita bid-data “15 ta’ Jannar”.

Id-data minima sa meta għandhom jitqaddmu l-inbejjed tressqet mill-1 ta’ Marzu għall-15 ta’ Jannar tas-sena ta’ wara dik tal-ħsad, minħabba li l-ħsad bikri, konsegwenza tat-tibdil fil-klima, huwa dejjem aktar frekwenti, u dan jippermetti li l-vinifikazzjoni titlesta aktar kmieni.

It-tressiq tad-data minima ta’ tmiem it-tqaddim ma għandu l-ebda impatt fuq il-kwalità tal-inbejjed tad-denominazzjoni. It-tipi ta’ ħamrija tal-muniċipalità ta’ Villié-Morgon huma żviluppati fuq varjetà ta’ substrati, u wħud minnhom jippermettu l-produzzjoni ta’ nbejjed li jkollhom togħma ta’ frott u huma pjaċevoli minn qabel ma jitqaddmu.

Il-punt 5 tad-Dokument Uniku ġie emendat. Prattiki tal-produzzjoni tal-inbid

4.   Tqegħid fis-suq għall-konsumatur

Fil-ħames punt tat-Taqsima IX tal-Kapitolu I, id-data “15 ta’ Marzu” ġiet issostitwita bid-data “1 ta’ Frar”.

B’konsistenza mat-tressiq tad-data minima ta’ tmiem it-tqaddim, id-data tat-tqegħid fis-suq tal-inbejjed għall-konsumatur tressqet mill-15 ta’ Marzu għall-1 ta’ Frar.

Din l-emenda ma rriżultat fl-ebda emenda għad-Dokument Uniku.

5.   Ċirkolazzjoni bejn depożitanti awtorizzati

Tħassar il-punt 5(b) tat-Taqsima IX tal-Kapitolu I dwar id-data taċ-ċirkolazzjoni tal-inbejjed bejn id-depożitanti awtorizzati.

It-tnaqqis tal-perjodu minimu tat-tqaddim u t-tressiq tad-data tat-tqegħid fis-suq tal-inbejjed jeħtieġu ċ-ċirkolazzjoni aktar malajr tal-inbejjed bejn l-operaturi, u għalhekk l-iffissar ta’ data bikrija li qabilha ma tistax issir iċ-ċirkolazzjoni tal-inbejjed huwa irrelevanti.

Għalhekk, it-Titolu tal-ħames punt tat-Taqsima IX tal-Kapitolu I ġie emendat bit-tħassir tal-kliem “iċ-ċirkolazzjoni tal-prodotti u”.

Id-Dokument Uniku mhuwiex affettwat minn dawn l-emendi fl-Ispeċifikazzjoni tal-Prodott.

6.   Miżuri tranżitorji

Fil-punt 1(a) tat-Taqsima XI tal-Kapitolu I, żdied il-kliem “mhux aktar tard” quddiem il-kliem “mill-ħsad tal-2034 inkluż” sabiex jiġu speċifikati l-kundizzjonijiet ta’ din il-miżura.

Il-punt 3 tħassar minħabba li l-miżuri speċifiċi skadew.

Id-Dokument Uniku mhuwiex affettwat minn dawn l-emendi fl-Ispeċifikazzjoni tal-Prodott.

7.   Elementi dwar il-kontroll tal-Ispeċifikazzjoni tal-Prodott

- L-operaturi issa huma kkontrollati minn korp ta’ ċertifikazzjoni, u għalhekk il-kliem “pjanijiet ta’ kontroll” jissostitwixxi l-kliem “pjan ta’ spezzjoni” fid-diversi paragrafi rilevanti tal-Kapitolu II tal-Ispeċifikazzjoni tal-Prodott.

Id-Dokument Uniku mhuwiex affettwat minn din l-emenda.

- Referenzi għall-istruttura ta’ kontroll

Fit-Taqsima II tal-Kapitolu III: ir-regoli tal-kitba ta’ din il-parti ġew emendati minn meta ġiet approvata l-Ispeċifikazzjoni tal-Prodott f’Diċembru 2011, biex ma jibqgħux juru r-referenzi sħaħ għall-awtorità ta’ kontroll meta l-kontrolli qed isiru minn korp ta’ ċertifikazzjoni.

Id-Dokument Uniku mhuwiex affettwat minn din l-emenda.

DOKUMENT UNIKU

1.   Isem/ismijiet għar-reġistrazzjoni

Morgon

2.   Tip ta’ indikazzjoni ġeografika

DOP - Denominazzjoni ta’ Oriġini Protetta

3.   Kategoriji tal-prodotti tad-dwieli

1.

Inbid

4.   Deskrizzjoni tal-inbid/inbejjed

Deskrizzjoni testwali konċiża

Dawn huma nbejjed ħomor xotti u mhux frizzanti. L-inbejjed għandhom qawwa alkoħolika naturali minima skont il-volum ta’ 10,5 %.

L-inbejjed ma jaqbżux il-qawwa alkoħolika totali skont il-volum ta’ 13 % wara l-arrikkiment.

Fl-istadju tal-ibbottiljar, l-inbejjed ikollhom kontenut massimu ta’ aċidu maliku ta’ 0,4 grammi għal kull litru.

L-inbejjed finali, lesti biex jiġu kkunsmati, ikollhom l-istandards analitiċi li ġejjin:

Kontenut massimu ta’ zokkor fermentabbli (glukożju u fruttożju): 3 grammi għal kull litru

Dawn l-istandards previsti fir-regolamenti komunitarji japplikaw għall-qawwa alkoħolika totali massima, għall-qawwa alkoħolika proprja minima, għall-aċidità totali minima, u għall-kontenut massimu ta’ diossidu tal-kubrit totali.

L-inbejjed jikkombinaw in-natura tal-frott tal-inbejjed tar-reġjun tal-Beaujolais mal-istruttura, l-ammont ġeneruż ta’ minerali u l-aromi li spiss ifakkru fil-lampun u l-kirsch. L-inbejjed għandhom aptitudni partikolari għat-tqaddim li matulu jiżviluppaw aromi oriġinali u kumplessi. L-entużjasti tal-inbid spiss jiddistingwu bejn inbejjed minn irqajja’ b’ħamrija żviluppata fuq areni tal-granit, li għandhom togħma ta’ frott u huma pjaċevoli minn qabel jitqaddmu, inbejjed minn irqajja’ b’ħamrija żviluppata fuq ix-shale, li huma aktar sempliċi u jibbenefikaw minn ftit snin ta’ preżervazzjoni.

Karatteristiċi analitiċi

Karatteristiċi analitiċi
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum)
Aċidità totali minima
Aċidità volatili massima (f’milliekwivalenti għal kull litru)	14,17
Total massimu ta’ diossidu tal-kubrit (f’milligrammi għal kull litru)

5.   Prattiki tal-produzzjoni tal-inbid

5.1.   Prattiki enoloġiċi speċifiċi

1.   Prattika enoloġika speċifika

—	L-użu taċ-ċana huwa pprojbit.

—	L-inbejjed ma jaqbżux il-qawwa alkoħolika totali skont il-volum ta’ 13 % wara l-arrikkiment.

—	It-tekniki sottrattivi tal-arrikkiment (TSE) huma permessi sa rata ta’ konċentrazzjoni ta’ 10 %.

—	Dawn l-inbejjed għandhom jitqaddmu mill-inqas sal-15 ta’ Jannar tas-sena ta’ wara dik tal-ħsad.

Minbarra d-dispożizzjonijiet ta’ hawn fuq, f’dak li għandu x’qasam mal-prattiki enoloġiċi, l-inbejjed għandhom jikkonformaw mar-rekwiżiti stabbiliti fil-livell tal-UE kif ukoll fil-Kodiċi Rurali u tas-Sajd Marittimu.

2.   Prattika tal-kultivazzjoni

—

Densità tat-tħawwil Id-densità minima tat-tħawwil tad-dwieli hija ta’ 6 000 pjanta għal kull ettaru. Id-distanza ta’ dawn id-dwieli bejn ir-ringieli hija ta’ 2,10 metri jew inqas, u d-distanza bejn il-pjanti fl-istess ringiela ta’ 0,80 metri jew aktar. Mingħajr ħsara għad-densità minima ta’ 6 000 pjanta għal kull ettaru, u għal skopijiet ta’ użu ta’ magni, il-vinji jistgħu jitħawlu b’distanza bejn ir-ringieli ta’ 3 metri jew inqas.

—

Regoli taż-żbir — Iż-żbir jitlesta fil-15 ta’ Mejju; — L-inbejjed jiġu minn dwieli miżbura b’żabra qasira (mħarrġa f’forma ta’ sġajjar, ta’ mrewħa jew bis-sistema tal-cordon Royat sempliċi, doppju jew “charmet”) b’massimu ta’ 10 għejun għal kull pjanta; — Kull pjanta jkollha minn 3 sa 5 friegħi b’massimu ta’ 2 għejun kull waħda; f’każ ta’ tixtil, kull pjanta jista’ jkollha wkoll fergħa b’2 għejun massimi miżbura fuq żarġun li jkun kiber miz-zokk qadim; — Waqt iż-żbir tat-taħriġ jew waqt il-bdil fil-metodu ta’ żbir, id-dwieli jinżabru b’massimu ta’ 12-il għajn għal kull pjanta. It-tisqija hija pprojbita.

—

Dispożizzjonijiet dwar il-ħsad bil-magni — L-għoli tal-ħsad fil-kontenituri għat-trasport mill-għalqa għall-kantina tal-inbid, ma jridx ikun aktar minn 0,50 metru; — Il-kontenituri jridu jkunu ta’ materjal sod u tajjeb għall-prodotti tal-ikel; — Il-materjal tal-ħsad u tat-trasport tal-ħsad irid ikollu sistema ta’ skular tal-ilma jew ta’ protezzjoni xierqa.

5.2.   Rendimenti massimi għal kull ettaru

1.	61 ettolitru għal kull ettaru

6.   Definizzjoni taż-żona demarkata

Il-ħsad tal-għeneb, il-vinifikazzjoni, il-produzzjoni u t-tqaddim tal-inbejjed isiru fit-territorju tal-muniċipalità li ġejja tad-département tar-Rhône abbażi tal-Kodiċi Ġeografiku Uffiċjali tas-sena 2019: Villié-Morgon.

7.   Varjetà jew varjetajiet tad-dwieli li minnhom jinkiseb l-inbid / jinkisbu l-inbejjed

Gamay N

8.   Deskrizzjoni tar-rabta/rabtiet

8.1.   Deskrizzjoni tal-fatturi naturali li jikkontribwixxu għar-rabta

Iż-żona ġeografika hija stabbilita fuq il-ġnub tal-Lvant tal-“Monts du Beaujolais”, b’mod preċiż fuq l-ewwel inklinazzjonijiet tal-“Fût d’Avenas”, quċċata li tilħaq altitudni ta’ 842 metru.

Bil-pożizzjoni tagħha fit-Tramuntana tad-département tar-Rhône, hija limitata għall-muniċipalità ta’ Villié-Morgon, 19-il kilometru fit-Tramuntana ta’ Villefranche-sur-Saône u 21 kilometru fin-Nofsinhar ta’ Mâcon.

Iż-żona ġeografiku għandha pajsaġġ mimli widien fejn l-inklinazzjonijiet isiru aktar pronunzjati lejn il-Punent. Dawn il-ġnub tal-għoljiet huma interrotti minn nixxigħat bħall-“Morcille”, tributarja tal-“Ardières” u d-“Douby”, li huma tributarji tas-Saône. L-għoljiet jinsabu f’altitudni ta’ bejn 220 metru u 480 metru, huma esposti lejn ix-Xlokk, u jimponu fuq il-pjanura vasta tas-Saône.

Is-substrat taż-żona ġeografika jikkonsisti fi tliet tipi ewlenin ta’ formazzjonijiet:

—	shales rikki fil-manganiż, li jmorru lura għad-Devonjan Superjuri; il-blata, meta tiddiżintegra, tagħti ħamrija taflija li lokalment tissejjaħ Morgon; din il-formazzjoni tokkupa ċ-ċentru u l-Lvant u b’mod partikolari l-għolja “Py”;

—	il-granit porfirojde jagħti, bid-deterjorament, areni ramlin li jagħtu ħamrija fqira u filtranti, fit-Tramuntana u l-Majjistral;

—	fil-fruntiera tal-Lvant, il-qigħan tal-ġnub tal-għoljiet għandhom materjal kolluvjali u terrazzi ta’ xmajjar qodma, mill-Era Kwaternarja; għalhekk il-ħamrija hija varjata, kultant ramlija ħafna u kultant taflija.

Il-klima hija oċeanika, soġġetta għal influwenzi kontinentali u meridonjali. Ix-xita tinżel regolarment matul is-sena u t-temperatura medja annwali hija qrib il-11 °C. Il-“Monts du Beaujolais” għandhom rwol essenzjali fil-protezzjoni mill-irjieħ li ġejjin mill-Punent, u b’hekk itaffu l-influwenza tal-oċean. L-effett ta’ Foehn li joħolqu jnixxef l-arja umda, u b’hekk iżid il-livelli ta’ dawl u jnaqqas ix-xita.

Il-wied wiesa’ ta’ Saône għandu wkoll rwol ewlieni fl-iżvilupp tad-dwieli, billi joffri livell għoli ta’ dawl (medja ta’ kważi 2 000 siegħa fis-sena) u jwassal l-influwenzi meridonjali, ikkaratterizzati b’mod partikolari minn sħana qawwija fis-sajf.

8.2.   Deskrizzjoni tal-fatturi umani li jikkontribwixxu għar-rabta

Il-preżenza tad-dwieli f’Villié-Morgon hija affermata minn att ta’ bejgħ ta’ roqgħa art mis-Sire ta’ Beaujeu lil sudditu, fis-sena 956.

Minn tmiem is-seklu XV, il-borgeżija ta’ Lyon, li kienet saret sinjura bis-saħħa tal-industriji tal-ħarir u bankarji, bdiet tiżviluppa l-vinja.

B’reputazzjoni kbira u mfittxija, l-inbejjed ta’ Morgon ġew rikonoxxuti bħala Denominazzjoni ta’ oOriġini Kkontrollata bid-digriet tal-11 ta’ Settembru 1936.

Id-Denominazzjoni ta’ Oriġini Kkontrollata Morgon hija kkaratterizzata mill-unjoni ta’ tradizzjonijiet tipiċi tar-reġjun mat-tekniki moderni.

Il-produtturi, li dejjem ifittxu nbid ta’ kwalità, tgħallmu kif jikkontrollaw il-varjetà tad-dielja gamay N u t-tkabbir tagħha, b’mod partikolari bl-użu ta’ densità ta’ tħawwil għolja u żabra qasira.

Biex jiżgura maturità tajba tal-għenba, il-produttur jara li l-wiċċ tal-weraq ikun espost biżżejjed. Għalhekk id-dwieli jistgħu jitħarrġu fuq kannizzati fissi.

F’konformità mal-prattiki fis-seħħ, il-produtturi adottaw sistema ta’ vinifikazzjoni partikolari li fiha jintużaw kemm il-fermentazzjoni tradizzjonali kif ukoll il-maċerazzjoni semikarbonika.

Fl-2010, il-vinja ta’ Morgon kienet tkopri erja ta’ aktar minn 1 100 ettaru għal produzzjoni annwali medja ta’ 55 000 ettolitru, żviluppata minn 451 produttur li jiżguraw aktar minn 40 % tal-kummerċjalizzazzjoni bil-bejgħ dirett.

8.3.   Interazzjonijiet kawżali

Il-pjantaġġun tal-vinja fuq l-għoljiet li jimponu fuq il-pjanura vasta ta’ Saône jippermettulha tibbenefika minn kundizzjonijiet klimatiċi favorevoli. Għalkemm hija esposta għax-Xlokk, il-mikropajsaġġ jiffavorixxi l-espożizzjonijiet kollha u kundizzjonijiet tax-xemx ottimali.

Bil-pożizzjoni tagħha madwar għaxar kilometri bogħod mis-Saône, il-vinja tibbenefika mir-rwol ta’ moderazzjoni termali tal-wied, iżda hija ’l bogħod biżżejjed biex ma ssofrix l-inkonvenjenzi tiegħu bħaċ-ċpar iffriżat u l-ġlata ta’ tard fir-rebbiegħa.

Il-ħamrija tal-muniċipalità ta’ Villié-Morgon hija żviluppata fuq varjetà ta’ substrati u toffri ċerta diversità b’areni ramlin fuq il-granit, tafal itqal fuq ix-shale, u ħamrija relattivament fonda u filtranti fuq il-materjal kolluvjali u t-terrazzi qodma. Din il-partikularità hija determinanti għall-oriġinalità tal-inbejjed. Il-varjetà gamay N tesprimi dawn l-isfumaturi fl-inbejjed. L-inbejjed minn irqajja’ li għandhom ħamrija żviluppata fuq ix-shale għandhom karattru oriġinali li l-produtturi jirreferu għalih bil-verb “morgonner”, li l-aħjar eżempju u l-iżjed wieħed magħruf tiegħu huwa nbid minn irqajja’ li jinsabu fuq l-għolja “Py”.

Matul il-ġenerazzjonijiet, il-produtturi żviluppaw u tejbu t-tekniki l-aktar adattati għall-varjetà gamay N, fejn ippreferew l-espressjoni ottimali tal-isfumaturi ġġenerati mis-substrati. Barra minn hekk, u skont l-użanzi, għandhom it-tendenza li fuq it-tikketti jindikaw l-isem tal-post ta’ provenjenza tal-għeneb.

Fis-seklu XIX, fix-xogħol tiegħu “Topographie de tous les vignobles connus” (It-Topografija tal-Vinji Kollha Magħrufa), JULLIEN jispeċifika li: “ Morgon, villaġġ li jinsab fuq il-muntanja tal-quċċata fil-muniċipalità ta’ Villiers, jipproduċi fl-ewwel cuvée nbejjed robusti, spiritużi u b’togħma tajba…; dawn idumu tajbin għal żmien twil u dejjem jispiċċaw tajjeb”.

Fl-1953, il-produtturi stabbilew l-ewwel u l-akbar kantini ta’ tidwiq fir-reġjun fil-kastell ta’ Fontcrenne, tempju reali fejn fil-kmamar differenti, isiru ċ-ċerimonji u l-iljieli li jaċċentwaw il-ħajja tad-denominazzjoni ta’ oriġini kkontrollata.

9.   Rekwiżiti oħra applikabbli (ippakkjar, tikkettar, rekwiżiti addizzjonali)

Żona fil-viċinanza immedjata

Qafas ġuridiku:

Leġiżlazzjoni nazzjonali

Tip ta’ rekwiżit addizzjonali:

Deroga dwar il-produzzjoni fiż-żona ġeografika demarkata

Deskrizzjoni tar-rekwiżit:

Iż-żona fil-viċinanza immedjata, iddefinita b’deroga għall-vinifikazzjoni, il-produzzjoni u t-tqaddim tal-inbejjed, hija magħmula mit-territorju tal-muniċipalitajiet li ġejjin, abbażi tal-Kodiċi Ġeografiku Uffiċjali tas-sena 2019:

—

id-département tal-Côte-d’Or: Agencourt, Aloxe-Corton, Ancey, Arcenant, Argilly, Autricourt, Auxey-Duresses, Baubigny, Beaune, Belan-sur-Ource, Bévy, Bissey-la-Côte, Bligny-lès-Beaune, Boncourt-le-Bois, Bouix, Bouze-lès-Beaune, Brion-sur-Ource, Brochon, Cérilly, Chamboeuf, Chambolle-Musigny, Channay, Charrey-sur-Seine, Chassagne-Montrachet, Châtillon-sur-Seine, Chaumont-le-Bois, Chaux, Chenôve, Chevannes, Chorey-lès-Beaune, Clémencey, Collonges-lès-Bévy, Combertault, Comblanchien, Corcelles-les-Arts, Corcelles-les-Monts, Corgoloin, Cormot-Vauchignon, Corpeau, Couchey, Curley, Curtil-Vergy, Daix, Dijon, Ebaty, Echevronne, Epernay-sous-Gevrey, L’Etang-Vergy, Etrochey, Fixin, Flagey-Echézeaux, Flavignerot, Fleurey-sur-Ouche, Fussey, Gerland, Gevrey-Chambertin, Gilly-lès-Cîteaux, Gomméville, Grancey-sur-Ource, Griselles, Ladoix-Serrigny, Lantenay, Larrey, Levernois, Magny-lès-Villers, Mâlain, Marcenay, Marey-lès-Fussey, Marsannay-la-Côte, Massingy, Mavilly-Mandelot, Meloisey, Merceuil, Messanges, Meuilley, Meursanges, Meursault, Molesme, Montagny-lès-Beaune, Monthelie, Montliot-et-Courcelles, Morey-Saint-Denis, Mosson, Nantoux, Nicey, Noiron-sur-Seine, Nolay, Nuits-Saint-Georges, Obtrée, Pernand-Vergelesses, Perrigny-lès-Dijon, Plombières-lès-Dijon, Poinçon-lès-Larrey, Pommard, Pothières, Premeaux-Prissey, Prusly-sur-Ource, Puligny-Montrachet, Quincey, Reulle-Vergy, La Rochepot, Ruffey-lès-Beaune, Saint-Aubin, Saint-Bernard, Saint-Philibert, Saint-Romain, Sainte-Colombe-sur-Seine, Sainte-Marie-la-Blanche, Santenay, Savigny-lès-Beaune, Segrois, Tailly, Talant, Thoires, Vannaire, Velars-sur-Ouche, Vertault, Vignoles, Villars-Fontaine, Villebichot, Villedieu, Villers-la-Faye, Villers-Patras, Villy-le-Moutier, Vix, Volnay, Vosne-Romanée, Vougeot

—

id-département tar-Rhône: Alix, Anse, L’Arbresle, Les Ardillats, Arnas, Bagnols, Beaujeu, Belleville-en-Beaujolais, Belmont-d’Azergues, Blacé, Le Breuil, Bully, Cercié, Chambost-Allières, Chamelet, Charentay, Charnay, Chasselay, Châtillon, Chazay-d’Azergues, Chénas, Chessy, Chiroubles, Cogny, Corcelles-en-Beaujolais, Dardilly, Denicé, Deux Grosnes (għall-parti li tikkorrispondi għat-territorju tal-muniċipalità qadima ta’ Avenas biss), Dracé, Emeringes, Fleurie, Fleurieux-sur-l’Arbresle, Frontenas, Gleizé, Juliénas, Jullié, Lacenas, Lachassagne, Lancié, Lantignié, Légny, Létra, Limas, Lozanne, Lucenay, Marchampt, Marcy, Moiré, Montmelas-Saint-Sorlin, Morancé, Odenas, Le Perréon, Pommiers, Porte des Pierres Dorées, Quincié-en-Beaujolais, Régnié-Durette, Rivolet, Sain-Bel, Saint-Clément-sur-Valsonne, Saint-Cyr-le-Chatoux, Saint-Didier-sur-Beaujeu, Saint-Etienne-des-Oullières, Saint-Etienne-la-Varenne, Saint-Georges-de-Reneins, Saint-Germain-Nuelles, Saint-Jean-des-Vignes, Saint-Julien, Saint-Just-d’Avray, Saint-Lager, Saint-Romain-de-Popey, Saint-Vérand, Sainte-Paule, Salles-Arbuissonnas-en-Beaujolais, Sarcey, Taponas, Ternand, Theizé, Val d’Oingt, Vaux-en-Beaujolais, Vauxrenard, Vernay, Villefranche-sur-Saône, Ville-sur-Jarnioux, Vindry-sur-Turdine (għall-parti li tikkorrispondi għat-territorju tal-muniċipalitajiet qodma ta’ Dareizé, Les Olmes u Saint-Loup biss)

—

Id-département ta’ Saône-et-Loire: Aluze, Ameugny, Azé, Barizey, Beaumont-sur-Grosne, Berzé-la-Ville, Berzé-le-Châtel, Bissey-sous-Cruchaud, Bissy-la-Mâconnaise, Bissy-sous-Uxelles, Bissy-sur-Fley, Blanot, Bonnay, Bouzeron, Boyer, Bray, Bresse-sur-Grosne, Burgy, Burnand, Bussières, Buxy, Cersot, Chagny, Chaintré, Chalon-sur-Saône, Chamilly, Champagny-sous-Uxelles, Champforgeuil, Chânes, Change, Chapaize, La Chapelle-de-Bragny, La Chapelle-de-Guinchay, La Chapelle-sous-Brancion, Charbonnières, Chardonnay, La Charmée, Charnay-lès-Mâcon, Charrecey, Chasselas, Chassey-le-Camp, Château, Châtenoy-le-Royal, Chaudenay, Cheilly-lès-Maranges, Chenôves, Chevagny-les-Chevrières, Chissey-lès-Mâcon, Clessé, Cluny, Cormatin, Cortambert, Cortevaix, Couches, Crêches-sur-Saône, Créot, Cruzille, Culles-les-Roches, Curtil-sous-Burnand, Davayé, Demigny, Dennevy, Dezize-lès-Maranges, Donzy-le-Pertuis, Dracy-le-Fort, Dracy-lès-Couches, Epertully, Etrigny, Farges-lès-Chalon, Farges-lès-Mâcon, Flagy, Fleurville, Fley, Fontaines, Fragnes-La-Loyère (għall-parti li tikkorrispondi għat-territorju tal-muniċipalità qadima ta’ La Loyère biss), Fuissé, Genouilly, Germagny, Givry, Granges, Grevilly, Hurigny, Igé, Jalogny, Jambles, Jugy, Jully-lès-Buxy, Lacrost, Laives, Laizé, Lalheue, Leynes, Lournand, Lugny, Mâcon, Malay, Mancey, Martailly-lès-Brancion, Massilly, Mellecey, Mercurey, Messey-sur-Grosne, Milly-Lamartine, Montagny-lès-Buxy, Montbellet, Montceaux-Ragny, Moroges, Nanton, Ozenay, Paris-l’Hôpital, Péronne, Pierreclos, Plottes, Préty, Prissé, Pruzilly, Remigny, La Roche-Vineuse, Romanèche-Thorins, Rosey, Royer, Rully, Saint-Albain, Saint-Ambreuil, Saint-Amour-Bellevue, Saint-Boil, Saint-Clément-sur-Guye, Saint-Denis-de-Vaux, Saint-Désert, Saint-Gengoux-de-Scissé, Saint-Gengoux-le-National, Saint-Germain-lès-Buxy, Saint-Gervais-sur-Couches, Saint-Gilles, Saint-Jean-de-Trézy, Saint-Jean-de-Vaux, Saint-Léger-sur-Dheune, Saint-Mard-de-Vaux, Saint-Martin-Belle-Roche, Saint-Martin-du-Tartre, Saint-Martin-sous-Montaigu, Saint-Maurice-de-Satonnay, Saint-Maurice-des-Champs, Saint-Maurice-lès-Couches, Saint-Pierre-de-Varennes, Saint-Rémy, Saint-Sernin-du-Plain, Saint-Symphorien-d’Ancelles, Saint-Vallerin, Saint-Vérand, Saint-Ythaire, Saisy, La Salle, Salornay-sur-Guye, Sampigny-lès-Maranges, Sancé, Santilly, Sassangy, Saules, Savigny-sur-Grosne, Sennecey-le-Grand, Senozan, Sercy, Serrières, Sigy-le-Châtel, Sologny, Solutré-Pouilly, Taizé, Tournus, Uchizy, Varennes-lès-Mâcon, Vaux-en-Pré, Vergisson, Vers, Verzé, Le Villars, La Vineuse sur Fregande (għall-parti li tikkorrispondi għat-territorju tal-muniċipalitajiet qodma ta’ Donzy-le-National, Massy u La Vineuse biss), Vinzelles, Viré

—

id-département tal-Yonne: Aigremont, Annay-sur-Serein, Arcy-sur-Cure, Asquins, Augy, Auxerre, Avallon, Bazarnes, Beine, Bernouil, Béru, Bessy-sur-Cure, Bleigny-le-Carreau, Censy, Chablis, Champlay, Champs-sur-Yonne, Chamvres, La Chapelle-Vaupelteigne, Charentenay, Châtel-Gérard, Chemilly-sur-Serein, Cheney, Chevannes, Chichée, Chitry, Collan, Coulangeron, Coulanges-la-Vineuse, Courgis, Cruzy-le-Châtel, Dannemoine, Deux Rivières, Dyé, Epineuil, Escamps, Escolives-Sainte-Camille, Fleys, Fontenay-près-Chablis, Gy-l’Evêque, Héry, Irancy, Island, Joigny, Jouancy, Junay, Jussy, Lichères-près-Aigremont, Lignorelles, Ligny-le-Châtel, Lucy-sur-Cure, Maligny, Mélisey, Merry-Sec, Migé, Molay, Molosmes, Montigny-la-Resle, Montholon (għall-parti li tikkorrispondi għat-territorju tal-muniċipalitajiet qodma ta’ Champvallon, Villiers sur Tholon u Volgré biss), Mouffy, Moulins-en-Tonnerrois, Nitry, Noyers, Ouanne, Paroy-sur-Tholon, Pasilly, Pierre-Perthuis, Poilly-sur-Serein, Pontigny, Préhy, Quenne, Roffey, Rouvray, Saint-Bris-le-Vineux, Saint-Cyr-les-Colons, Saint-Père, Sainte-Pallaye, Sainte-Vertu, Sarry, Senan, Serrigny, Tharoiseau, Tissey , Tonnerre, Tronchoy, Val-de-Mercy, Vallan, Venouse, Venoy, Vermenton, Vézannes, Vézelay, Vézinnes, Villeneuve-Saint-Salves, Villy, Vincelles, Vincelottes, Viviers, Yrouerre.

Tikkettar

Qafas ġuridiku:

Leġiżlazzjoni nazzjonali

Tip ta’ rekwiżit addizzjonali:

Dispożizzjonijiet addizzjonali relatati mat-tikkettar

Deskrizzjoni tar-rekwiżit:

a)

It-tikkettar tal-inbejjed li jibbenefikaw mid-Denominazzjoni ta’ Oriġini Kkontrollata jista’ jispeċifika l-isem ta’ unità ġeografika iżgħar bil-kundizzjoni li: — tkun post irreġistrat; — tkun fuq id-dikjarazzjoni tal-ħsad. L-isem tal-post katastali jinkiteb immedjatament wara l-isem tad-Denominazzjoni ta’ Oriġini Kkontrollata u jiġi stampat b’ittri li d-daqs tagħhom ma jkunx ogħla u usa’ mid-daqs tal-ittri li jiffurmaw l-isem tad-Denominazzjoni ta’ Oriġini Kkontrollata.

b)

It-tikkettar tal-inbejjed tad-Denominazzjoni ta’ Oriġini Kkontrollata jista’ jispeċifika l-unità ġeografika ikbar “Vin du Beaujolais” jew “Grand Vin du Beaujolais” jew “Cru du Beaujolais”. Id-daqs tal-ittri tal-unità ġeografika ikbar ma għandux ikun ogħla u usa’ minn żewġ terzi tad-daqs tal-ittri li jiffurmaw l-isem tad-Denominazzjoni ta’ Oriġini Kkontrollata.

Link għall-Ispeċifikazzjoni tal-Prodott

https://info.agriculture.gouv.fr/gedei/site/bo-agri/document_administratif-1169e922-4ee5-4592-8f0f-27a337e58a43

---

(1)  ĠU L 9, 11.1.2019, p. 2.